بالله يا سيد المزايين وش جاك=عطني كلام الصدق لا لا تجامل
تدريبي اني تايه(ن) في مزاياك=هامل بحبك كان بالحب هامل
متراكين بالقلب ما به حلاياك=وامرك على راعيه والكل شامل
حيرتني مابين وصلك وفرقاك=لنته بمتردد ولنته ابصامل
وهذي تراها ماهي ابحل نفداك=ولاهي ترى من ضمن فن التعامل
اصمل على الاولى وانا عند هقواك=ما تطلبه ياتيك بالوصف كامل
يمناك لا شان الزمان وتحداك=راسي ماهو وقت المواقيف خامل
من شان خاطر عين مثلك وشرواك=اقدم لو ان الدرب بالشر حامل
وان كان تبغى الثانية ما حرمناك=بس البلا منها تعض الانامل
هذا كلامي وانت ميز ابروياك=والفرق واضح بين ريس وعامل

المشاركة الأصلية كتبت بواسطة سعد المحمدي (المشاركة 1233835) الشاعر عبد الرحمن المخلفي صح لسانك وعتلا شانك

المشاركة الأصلية كتبت بواسطة رابح الجحدلي (المشاركة 1233862) صح لسانك مليون على القصيده والله يـعـطـيـك الـعـافيـــــــــــة بيض الله وجهك

ياسلام عليك
شاعرنا القدير

صح لسانك على الابيات الجزله
تقبل مروري
مع اطيب الامنيات