|
عــز الله أنك ماترديت ياعـضـيـب
اعضاء و زوار ملتقى قبيلة حرب الرسمي السلام عليكم ورحمة الله و بركاته يشرفني و يسعدني ان اضع بين ايديكم هذه القصيدة و هي تخص احد رموز القبيلة ألا وهو الشاعر العلم/ عضيب بن هليل الحربي . حيث حصل عندي موضوع في احد الدوائر الحكومية في حفر الباطن و الموضوع صعب شوي و يحتاج وقت طويل . و طلبوا علي شروط شبه تعجيزية . المهم تذكرت من اتجه إليه من رجال القبيلة في محافظة حفر الباطن و لايذكر علي إلا أبو بدر بغير قصور في ربعنا اللي في حفر الباطن , و لكن ذكرت ابو بدر لأن علومه ترفع رأس تجاه ابناء القبيلة. و ذهبت إليه في منزله العامر و شرحت له ظرفي و مطلوبي و رد علي بقوله( ابشر ياحربي و الله ما اذخر عن شئ , و التوفيق بيد الله ) و اشهد بالله ان ابو بدر ماقصر و انهاء موضوعي في فترة وجيزة بعد توفيق الله ثم جهود ابو بدر . و هذا الشئ لايستغرب من ابو بدر لأن ابو بدر سبق و ان دافع عن قبيلة بأكملها و فزع لها و وقف في ماقفه المشرف . فـ لأبو بدر مني جزيل الشكر .و هذه لا اعتبرها قصيدة تفي بحق ابو بدر تعبير عما يجول في صدري و ما أكنه لهذا الشخص من حب و تقدير. و إليكم القصيدة:
عز الله أنك ماترديت ياعضيب= و عن الردى دايم مكانك بعيدي ياراعي النخوه و يامنقع الطيب=يالليث ياللي في زمانك فريدي جيتك و أنا في وسط كبدي لواهيب=هم(ن) قديم و هم توّه جديدي و فزيت فيّ ياحصان الاطاليب= و بدّيت موضوعي بعلم(ن) وكيدي أنشر لك البيضاء بروس المراقيب= عبر الاذاعه و الفضاء و البريدي انتم حمول الخيل جلاية العيب=على ظهور مكاضمات الحديدي بني علي ستر البنات الرعابيب=لاسيقت العطفة و ثار الثميدي ما أنتم شواوي تنقلون المصاليب=انتم هل الدقلات علم(ن)وكيدي و انتم قضاة الحق غصب(ن) بلا طيب=يوم ان عملتهم ريال المجيدي و من دون القبيلة تنطحون المواجيب= لاجاء نهارٍ فيه شرٍ عنيدي و المعذرة ان كان بالقول تعقيب=الكامل المعبود رب العبيدي و أقبل تحياتٍ من الراس ياعضيب= و الله ما انسى وقفتك ياعضيدي الشاعر/ سعيد البدراني |
صح لسانك اخي الفاضل
|
الشاعر
سعيد البدراني صح لسانك وعتلا شانك والطيب من راعيه غير مستغرب والشاعر العلم عضيب بن هليل العلوي يذكر بالصفات الحميده وهذا ليسى كثير على رجل مشهود له بالعلم الطيب كفو كفوكفو يابو بدر وانت راعي العلوم الغانمه وربعك بني علي حمول الخيل والنعم فيهم حتى تقوم الساعه |
ماقصر ابوبدر
وصح الله لسانك يا القرم والله يـعـطـيـك الـعـافيـــــــــــة بيض الله وجهك |
صح فكرك وقلبك ولسانك
هنا دروس وحكم لمن اراد ان يتعلم تقديري واحترامي لشخصك الكريم كن بخير |
ماقصرت ياسعيد صح لسانك وبيض الله وجهك
على هالجزلة يالجزل وعضيب يستاهل وعاداته الطيب الله لايهينك |
صح لسانك على الكلام الجميل
|
لاهنت وصح السانك
تقبل التقدير والاحترام وفقك الله |
اقتباس:
|
عـــــز الله أنـــــك مــاتــرديــت يـاعـضــيــب
و عــــن الــــردى دايــــم مـكـانــك بـعـيــدي يــاراعـــي الـنــخــوه و يـامـنـقــع الــطــيــب يـالـلـيـث يـالـلــي فـــــي زمــانـــك فــريـــدي جيتـك و أنــا فــي وســط كـبـدي لواهـيـب هـــــم(ن) قــديـــم و هـــــم تـــــوّه جــديـــدي و فــزيـــت فـــــيّ يــاحــصــان الاطــالــيــب و بـدّيــت مـوضـوعـي بـعـلـم(ن) وكـيــدي أنـشـر لـــك البـيـضـاء بـــروس المـراقـيـب عـبــر الاذاعـــه و الـفـضــاء و الـبـريــدي انــتــم حــمــول الـخـيــل جــلايـــة الـعــيــب عــلـــى ظــهـــور مـكـاضـمــات الـحــديــدي بــنــي عــلــي ســتــر الـبـنــات الـرعـابـيــب لاسـيــقــت الـعـطـفــة و ثــــــار الـثـمــيــدي مـــا أنـتــم شـــواوي تنـقـلـون المصـالـيـب انــتـــم هـــــل الــدقـــلات عـلـم(ن)وكــيــدي و انتم قضاة الحق غصب(ن) بلا طيب يــــــوم ان عـمـلـتــهــم ريـــــــال الـمــجــيــدي و من دون القبيلـة تنطحـون المواجيـب لاجــــــاء نـــهـــارٍ فـــيـــه شــــــرٍ عــنــيــدي و الـمـعــذرة ان كــــان بـالــقــول تـعـقـيــب الـــكـــامــــل الــمــعـــبـــود رب الــعـــبـــيـــدي و أقـبـل تحـيـاتٍ مــن الــراس ياعـضـيـب و الله مــــا انــســى وقـفـتــك يـاعـضـيــدي كفو كفو كفو يستاهل ابو بدر درع حرب و انت تستاهل الفزعة اخوي سعيد و ابو بدر ماهيب غريبة عليه |
مرحبا فيك يابناخي بين ربعك واخوانك عز الرفيق بالمواقف وليدة وهذا ليس بغريب على شاعرنا الكبير ابوبدر وله مواقف يعجز اللسان عن وصفها وان احبت ان اتطرق لها فهي عديده منها شجاعته وكرمه وجوده وعطفه ووقفاته وحبه الكبير لقبيلته طيب القلب وقريب الى القلوب ان تكلما في الشجاعه فهو سيف لايمكن مجاراته وان تكلمنا في وقفاته فله مواقف عديده يبقى كلاً منها على الاخر وقصيدتك كفو وانت نوماس وعلمك غانم اخوي سعيد البدراني صح لسانك وانا اخوك على هلقصيدة الأكثر من رائعة من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري / \ |
انا أشهد انك كفو يا منبع الطيب
صحبتك مكسب ماتقدر بالأثمان |
المدمر عضيب بن هليل الحربي ..
اقف قزما امام هذا العلم الشامخ , ابو بدر علم من اعلام القبيله والله انه شيخ من شيوخ حرب رجل المواقف الشجاع القرم .. فارس عاش بزمن غير زمنه ولو ان عضيب عاش وادرك المعارك لأصبح من فرسان العرب القلائل .. لله درك ياعضيب هليل لله درك فأنت رمز قبيلة حرب الكبير .. اخوي الشاعر سعيد البدراني اعذرني على الاسترسال لكن ابوبدر يستحق منا الكثير وبيض الله وجهك على ثنائك لعضيب وصح لسانك ترليون ولايسدون وعساك سالم وغانم يالقرم .. أطيب الأوقات .. |
الشاعر القدير
سعيد البدراني صح لسانك وعتلا شانك والطيب من راعيه غير مستغرب والشاعر العلم عضيب بن هليل العلوي بستاهل المدح وكل علومه غانمه و مشهود له بالعلم الطيب بيض الله وجهك ووجهه تقديري لك |
صح الله لسانك ولاهنت وسلم فكرك وبنانك دمت برعاية الله وحفظة |
الشاعر الاخ / سعيد البدراني
صح لسانك و اشكرك على هالقصيدة و على كلامك الطيب. و بالنسبة لي يالبناخي ماسويت إلا الواجب علي و لافعلت معك معجزة .. و الرجال اللي يقدر الطيب و يقصر من دونه هذا حياته خساره. فيه بيت للشاعر / عبد الله بن رداس العلوي يقول:
من صار له قدره و لاسر الأدنين= محدٍ نشد عن وصلته و انقطاعه
|
الشاعر القدير
سعيد البدراني صح لسانك وعتلا شانك والطيب من راعيه غير مستغرب والشاعر العلم عضيب بن هليل العلوي بستاهل المدح وكل علومه غانمه و مشهود له بالعلم الطيب بيض الله وجهك ووجهه |
صح لسانك وسلم بنانك
قصيدة رائعه بروعة حضورك لك تقديري |
صح لسانك وسلم بنانك وبيض الله وجهك قصيدة في غاية الروعة والجمال الله يعطيك العافيه دمتم بخير |
بالنيابة اشكر جميع من اثنى على القصيدة
|
الساعة الآن 12:55 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir