|
خلووووها وينك يابو تركي (سعد المحمدي)؟!
ياسعد ودي اخذ لي معك طاروق=لين اشوف المزون يلوح بارقها ودي المعرفه تبدا بمسك حلوق=صحبة(ن) من بعد فتنه بيارقها ! |
الشاعر القدير
صويلح السحيمي صح لسانك والليله يابن العم مشغول اذا رجعت للبيت بدري لي الشرف بالعب معك واذا تاخرة بكره بالليل الساعه التاسعه باذن الله |
صح السانك ياصويلح واعتلا شانك
وصح السان ابو تركي والمشغول لايشغل وبكره ان شاءالله نحن بالانتظار وبالتأكيد ستكون محاوره قيمه تحيتي وتقديري |
وانت طيب يابن العم
|
اقتباس:
افرق السوم وسط السوق يافاروق=وان جمعة الرفاقه لاتفرقها خل دايم نظركم ياصويلح فوق= العرب كل ليله لاتزارقها |
صح السانك يبوتركي انا كنت مشغول عن الجهاز وكنت انتظر موعدك البارح قلت لي الساعه التاسعه دقائق ويجيك الرد انا دوبي دخلت في الموقع
|
الشاعرين صويلح السحيمي سعد المحمدي صح الله السنتكم متابعين بارك الله فيكم |
إدرس السالفه بالعقل يامخلوق=قبل ماتغيب شمسك من مشارقها يوم اشوف الذهب في داخل الصندوق=ودي ادخل على العربان واحرقها |
صحت السنتكم لاهنتم طاروق كايف بيض الله وجيهكم
|
الشكر والتقدير موصول لكل من تابعنا وبعد المحاوره سوف اقوم بالرد على كل واحد والله ان ابوتركي يشغل قبيله كامله ماشاءالله عليه وانا العب معه على اعصابي الله يخارجنا 0
|
صحة الالسن والقلوب لكم تحياتي
|
الشاعر القدير
صويلح السحيمي الشاعر الكبير سعد المحمدي صحت السنتكم ملياااار على المحاوره الراااائعه ومتااابع لابداااعكم الغير مستغرب بيض الله وجيهكم جميعااا ودمتم بالف خير تقبلو تقديري لكم |
اقتباس:
مالقينا على راس الجميله طوق=يوم جمعتها كني مفرقها لايهزك على بعض السوالف شوق= روس بنت المحبه كيف تدرقها |
انت رجل(ن) حكيم وتحسن المنطوق=لاتحث المطيه منت سارقها عهدنا باستراحة(سمعه ومرزوق)= يوم نرسم قلوب السهم خارقها |
صحت السنتكم لاهنتم بيض الله وجيهكم
|
اقتباس:
مالقينا بحايل يالفطين اصفوق= غش بعض االضايع من تزبرقها كل ماحط زاد بقدرك المشقوق=مثل من يطبخ الفاس وتمرقها |
مالقينا على راس الجميله طـوق __ يـوم جمعتهـا كنـي مفرقـهـا
الله الله الله هذا اللعب يبو تركي انت رجل(ن) حكيم وتحسن المنطوق __ لاتحـث المطيـه منـت سارقـهـا الله الله الله (السحيمي ماركه مسجله) |
الاخ الغالي صويلح السحيمي
صح لسانك وعتلا شانك الليل سرى يابن العم وبكره دوام تصبح على خير الى محاوره قادمه يالغالي |
لك علينا حقوق ولي عليك حقوق=بكرم العين لو الدمع مغرقها مانرد البراد بمشلحن مفتوق= اقر برقيتك قدام تبرقها |
صــــــــــــحـــــــــــــت السنتكم |
صح بدنك يبو تركي وانا رديت ابياتي الاخيره قبل اقرا رسالتك ولو قريتها مارديت عليك انها جهازي كل بعد شوي اسوي له تحديث بهذلني ولاكن لاتقول نلتقي في محاوره ثانيه ترى ماكل مره تسلم الجره انا ماعاد تسول لي نفسي اتحاور معك ياخوك والله سببت لي رعب ماشاء الله عليك والله ماهي مجامله اني ماني على مستواك والاعتراف بالحق فظيله تصبح على خير ياوجه الخير والله يعطيك العافيه والصحه الدائمه ودمت بخير0
|
الله الله الله
عزالله محاوره قمه الف مليون صح السانك شاعرنا القدير الاخ العزيز صويلح السحيمي والف مليون صح السانك شاعرنا الكبير الاخ والصديق الغالي سعد المحمدي ومحاوره فايف ستااااار لله دررررركم تحيتي وتقديري |
اقتباس:
صويلح السحيمي صح لسانك وعتلا شانك اخي انت شاعر متمكن منت في حاجه لسعد المحمدي وغيره لك حضورك المميز بقسم المحاوره والقوافي الله يبيض وجهك يابن العم الغالي ------------------------------------------------------------ لايفوتني اشكر جميع من تواجد خلال المحاوره وبعد المحاوره بيض الله وجيه الجميع من علق ومن اكتفى بالاطلاع |
صحت السنتكم والله يـعـطـيـكم الـعـافيـــــــــــة بيض الله وجيهكم |
صحت الالسن وطابت القلوب ودمتم بود |
صحت السنتكم
والله يـعـطـيـكم الـعـافيـــــــــــة بيض الله وجيهكم |
صح الله السنتكم
شعرائنا المبدعين والمتألقين دام ابداعكم |
الساعة الآن 11:25 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir