سعيك معي نصه مواعيد عرقوب = والنص الآخر بك لقيته مُغره
حسبتّ لي حساب عندك ومحسوب = شاني فقد حلوه وبك ذقت مره
جيتك وانا بك هقوتي هقوة قلوب = حُره تعيش وموتها فيه حُره
جيتك نسب ما ناسبه منك منسوب = ترد مره من 30 مره
ماضيك كان وحاضره فيه عذروب = كانت لكم في درب الاجواد جُره
وديتني في صوب وانته معي صوب = ولياك في قلبي ذبحت المسره
ليتك معي واضح ولا كنت محجوب = غطيت خيرك عن عيوني بشره
مانته بنا في محفل الطيب مغلوب = اهل الوفا بك بين كره وفره
إن كان وإنك في تخليك مطلوب = خلك لمطلوبك ومكسبك صره
ياللي يترجم بالفكر حرف مكتوب = تلقى المعاني بين الابيات دره
على الهجيني وإن تمناه مسحوب = منك الخطا تنفيه ولا تقره
علمك وقف مابين صادق ومكذوب = لاغبت جاء ويغيب لا قلت مره

المشاركة الأصلية كتبت بواسطة فايزموسى البشري (المشاركة 1214288) الشاعر بخيتان البشري صح لسانك ابداع بارك الله فيك

المشاركة الأصلية كتبت بواسطة (عبدالله الوهبي) (المشاركة 1214303) صح لسانك مدد بلاعدد

المشاركة الأصلية كتبت بواسطة نافع الحربي (المشاركة 1214310) شاعرنا الموقر بخيتان البشري صح لسانك وبيض الله وجهك الله لايهينك

المشاركة الأصلية كتبت بواسطة نديم المجرة (المشاركة 1214317) صح لسانك وعتلا شانك قصيده جزله من شاعر جزل

المشاركة الأصلية كتبت بواسطة محمد عبدالله البدراني (المشاركة 1214323) صح السانك يابو محمد واعتلا شانك مبدددع دوما لاعدمناك إن كـان وإنـك فـي تخلـيـك مطـلـوب خـلـك لمطلـوبـك ومكـسـبـك صـــره الله الله تحيتي وتقديري لشخصك الكريم

المشاركة الأصلية كتبت بواسطة سعد المحمدي (المشاركة 1214328) الشاعر القدير بخيتان البشري صح لسانك وعتلا شانك جزل يابو محمد تحياتي وتقديري

المشاركة الأصلية كتبت بواسطة قمر الحربي (المشاركة 1214362) صح لسانك خيي بخيتان وسلمت يمناك من العوق .. عافاك الله