ابدأ بذكرك ياكريمٍ وعالي = امرك نفذ فالخلق اول وتالين
كل ما غدى غالي ويقفاه غالي = دنيا نعوها من عبادك كثيرين
يالله يامعبود ياذا الجلالي = تجعل لها في جنة الخلد تمكين
وتغفر جميع ذنوب يامن يسالي = وتجعل لنا من عقبها صبر ويقين
وتعينها فالقبر وقت السؤالي = وتجعل لها برهان يارب وتعين
يمه بعدك الحال عزي لحالي = فرقاك جرح وبالحشا قبل جرحين
ما ارتحت يايمه ولا ارتاح بالي = وتاهت دروب وتوهتني عناوين
يمه بعدك البيت فاضي وخالي = ماغير ذكرى باقية شافت العين
تجمعو به فالزوايا العيالي = مع شايبٍ جاه الخبر طعن سكين
الصمت خيم والحزن فيه جالي = واليا هرجنا قال نادوا لها وين
هذا يون وذاك ببكاه طالي = شلال دمعه ترتويبه بساتين
رحتي وفينا الهم بالحيل نالي = ولا نعترض حكم الولي فيه راضين
له الامر فينا من اول وتالي = والحمد له في ساعة العسر والين
وختامها عداد مالغصن مالي = صلوا على المختار وادعوا لها آمين

المشاركة الأصلية كتبت بواسطة بخيتان البشري (المشاركة 1201787) ابدأ بذكرك ياكريمٍ وعالي = امرك نفذ فالخلق اول وتالين كل ما غدى غالي ويقفاه غالي = دنيا نعوها من عبادك كثيرين يالله يامعبود ياذا الجلالي = تجعل لها في جنة الخلد تمكين وتغفر جميع ذنوب يامن يسالي = وتجعل لنا من عقبها صبر ويقين وتعينها فالقبر وقت السؤالي = وتجعل لها برهان يارب وتعين يمه بعدك الحال عزي لحالي = فرقاك جرح وبالحشا قبل جرحين ما ارتحت يايمه ولا ارتاح بالي = وتاهت دروب وتوهتني عناوين يمه بعدك البيت فاضي وخالي = ماغير ذكرى باقية شافت العين تجمعو به فالزوايا العيالي = مع شايبٍ جاه الخبر طعن سكين الصمت خيم والحزن فيه جالي = واليا هرجنا قال نادوا لها وين هذا يون وذاك ببكاه طالي = شلال دمعه ترتويبه بساتين رحتي وفينا الهم بالحيل نالي = ولا نعترض حكم الولي فيه راضين له الامر فينا من اول وتالي = والحمد له في ساعة العسر والين وختامها عداد مالغصن مالي = صلوا على المختار وادعوا لها آمين

اللهم صلي وسلم على محمد
صح لسانك
الله يرحمها ويسكنها الجنة

رثاءك اثار شجوني
وذكرني بمن فقدتهم

لك اطيب تحية