يابو عمر ياصاحبي دوك الابيات=خبري فهيم ولاتبي لك تفاسير
كتبتها باهل النفوس الثقيلات=لعلهم فدوة مواطيك يامير
ناس(ن)بنوا لاجل المصالح صداقات=اهداف خلت لك معزة وتقدير
وكل يهلي بك على طول الاوقات=يوم انتهوا صفوا بضدك طوابير
اهل النمايم مفسدين العلاقات=لا..خير في رفقة هالاشكال لا..خير
عاداتهم بلحوم الاموات تقتات=وقلوبهم نجسة سواة الخنازير
وعاداتنا رد الجزيلة جزيلات=بالطيب نجزي صاحبه دون تأخير
والهرج ماحرك من الراس شعرات=ماغير فضح بأسود الوجه ماغير

حي البيوت المحكمات النقيات=من شاعر(ن)يشبه لابو زيد والزير
مازن ولد معجب زبون الونيات=لعل يفداه الردي نافخ الكير
اللي مسوي في حياته مهمات=ومهمته قلب الحقايق وتزوير
تزوير ماكنه بقلبه ومرضات=من يكرهه لاجل الذهب والدنانير
اليا لفا ضميان ساق الجميلات=واليا شرب جازاك في هدمت البير
ولاهل النمايم والمصالح علامات=تبين لو يحسن لها بالتدابير
واليا عرفت اهل النوايا الخفيات=عن ارضهم اشلع مثل شلعت الطير
لو شفتهم واجد تراها سهالات=ماغيرت خزاز..لفح المعاصير

المشاركة الأصلية كتبت بواسطة حمدي العوفي (المشاركة 1202444) الاخ العزيز الشاعر المبدع مازن معجب الغيداني صح لسااانك على القصيده الجزله المميزه والتي احتوت على الحكم والابداع وصح لساان الشاعر الرائع عبدالله سعود الحنيني على الرد المميز والرائع ايضا وبيض الله وجيهك جميع ومساااجله جزله لاهنتم تحياتي وتقديري

المشاركة الأصلية كتبت بواسطة فهد ابن غانم (المشاركة 1277458) صح الله لسانك ولاهنت وسلم فكرك وبنانك دمت برعاية الله وحفظة