ياطول صبري على لاماك يالغالي = صبرت صبر النبي يعقوب لعياله
يوم اشتكى للولي والدمع همالي= صبرٍ جميلٍ على الاحوال والحاله
صبرت مثله عليك وشفت غربالي = شفت الجفاء والوصل مقطوعه احباله
وانا معك ضاع جهدي بالخلا الخالي= حالي معك من سهوم الهجر يرثاله
صوبتني في دلالك ياهوى بالي = حرمت قلبي لذيذ اللي تهياله
جاتك مراسيل عشق بغير مرسالي = لكن خابت ضنون القلب وافعاله
عجلات الاشواق مثل ابراج الارسالي = تخضع لضغط المشاعر جودة ارساله
اعطيك فرصة عمر لكن ماتبالي = ايامك البيض صارت فيك حياله
غرك زمانك وشمت بوقتك التالي = نسيت وقتٍ مضى والهجر تسعاله
ضيعت فرصة امل ونهيت الامالي = قلبك تكبر وضاعت غاية اماله
عليك مالي حسوفه طرت بالعالي = قلبي معي وانت قلبك ذاق سلاله
خلاص لاتنشغل في رقم جوالي = ريح ضميرك بلاش يزيد غرباله
ماني سجين الرموش اللي لها ظلالي= حلفت انا مانحني للرمش وظلاله
قال المثل ينعرف للخيل خيالي = والمشكله من عثر بالخيل خياله
سلمني الله على حلي وترحالي = وانته عسى ذنبك المكتوب تشتاله

المشاركة الأصلية كتبت بواسطة نداء الغيداني (المشاركة 1201437) صح لسانك على هالجزله وانت شاعر متمكن وراعي جزاله بالشعر وغيره تحيتي

المشاركة الأصلية كتبت بواسطة سعد رجاء الحصني (المشاركة 1201442) صح السانك مدد ماهو عدد لله درك على هالشامخه الغير مستغربه فأنت شاعر متمكن وراهي وتجديد جميع انواع الشعر تقبل يابن العم تحياتي وتقديري

المشاركة الأصلية كتبت بواسطة لوجين (المشاركة 1201450) صح لسانك قصيدة جزلة وأبيات رائعة

المشاركة الأصلية كتبت بواسطة رابح الجحدلي (المشاركة 1201477) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة فهد مطلق السليمي (المشاركة 1201504) الله الله صح السانك ياصنت وأعتلا شانك قصيدة رائعة بروعة حضورك الجميل وبارك الله فيك وكثر الله من أمثالك دمت بخير

المشاركة الأصلية كتبت بواسطة سعد المحمدي (المشاركة 1201530) الشاعر القدير صنت البدراني صح لسانك وعتلا شانك جزل يابن العم وحضور مميز لاهنت الله يبيض وجهك

المشاركة الأصلية كتبت بواسطة عبدالرحمن المخلفي (المشاركة 1201529) صح لسانك وبيض الله وجهك

المشاركة الأصلية كتبت بواسطة سعودية (المشاركة 1201556) صح لسانك يالبدراني صنت قصيده جزله داام هالابدااع احترااامي

المشاركة الأصلية كتبت بواسطة تركي العماني (المشاركة 1201572) الشاعر القدير صنت البدراني صح لسانك على ها الجزله والجزاله ماهي غريبه على شاعربحجمك دام نبضك ونبض احساسك ولاهنت

المشاركة الأصلية كتبت بواسطة القناصه (المشاركة 1201578) سـلـمــنــي الله عـــلـــى حـــلــــي وتــرحــالـــي ~~~وانـتــه عـســى ذنـبــك المـكـتـوب تـشـتـالـه الله~الله~الله رائعه جداا وراقت لي كثيرااا صح الله لسانك يالبدراني مليااار واكثر دمت بخير