قالوا انته ليه طيب بهالدنيا كثير = وانت ترفد ما انت من عالمن مسترفده
قلت مال الطيب رجلن غني وإلا فقير = من سعى فسعاد غيره ترى الله يسعده
ما ندور غير كلمة جزاك الله خير = في زمانن يحرم الاب من نفع ولده
يصعب انك تسقي الناس من مويا الغدير = وياسهل مويا البحر لا بغيت تورده
والجداره مالها غير رجالن جدير =ولبسها لو يلبسه غير اهلها ينقده
لا يغرك بالاوادم صغيرن او كبير = كم صغيرن حل قيد العلوم وقيده
وكم كبيرن تحسن الظن به ويصير غير = وان عطيته علم قدم العرب ما جوده
والمهايط كان يطلب لتقرير المصير = قبل توطينه رح انشد ربوعه وبلده
من حقايق وقتنا اللي رحاته تستدير = وكل يوم يلوح برقه ويرزم برعده
خوذ لك درس وعبر ياعسى ياصحى الضمير = وانشد اللي جرب الناس والوقت انشده

تسلمون على مروركم الغالي

وكـم كبيـرن تحسـن الظـن بـه ويصيـر غـيـر
وان عطيـتـه عـلـم قــدم الـعـرب مــا جـــوده
والمهـايـط كــان يـطـلـب لتـقـريـر المـصـيـر
قـبــل توطـيـنـه رح انـشــد ربـوعــه وبـلــده
الله الله

الشاعر المعروف المبدع الجزل سالم العرم الحويمضي

صح لسانكـ مدد بلا عدد قصيده شامخه وجزله ومعبره من اول بيت لاخر بيت
شاعر متمكن وشهادتي فيك مجروحه وهذا الشعر الحقيقي اللي يستحق الاشاده
شعر شعر

صدقت

مـــا نـــدور غـيــر كـلـمـة جـــزاك الله خـيــر
فــي زمـانـن يـحــرم الاب مـــن نـفــع ولـــده