مشتاق ابنطق لك واقول الحقيقـه=واقول بعدك حرق القلب وادمـاه
الصدر ضاق ولا منبهـك ضيقـه=شال التعاسه طول ما ربى احيـاه
كلا من الاحباب عـاش ابرفيقـه=يقضى ليالى دوم حلـوه محـلاه
وانا مجـود بالجـروح العميقـه=والطرف تايه مـا يفكـر بماطـاه
يالايمـى جعلـك تعـد الدقيـقـه=ولا يتولاكـم خبيـث الـمـوالاه
ولا تولـع فـى ديـارك حريقـه=واتشوف مالك واللسن النار تصلاه
يدفنك من يكرهك با اوسط فريقـه=ويضيع دمك واكثر الدود يرعـاه
لا شفت هايـم لاتوقـف طريقـه=ادعى معه واحرص على ما تمناه
الحب نارا بالحشـا مـن يطيقـه=اما انتحر ولا وصل كـل منهـاه
الحب تخشـاه القلـوب الرقيقـه=لا ما علق قلبه علـى نـار وداه
اما حنون وقـام ظهـر غريقـه=ولا عنيد وسم من حبـه اسقـاه