فوارة الامجاد يادر للجود =جيتك ونبتات الزهر فى ايديه
لابن نحيت اللى من شيوخ معدود=شيخااعلى طيب الوفا واهنيه
مابين حرب الذكركاالعد مورود=عداركودولاتهزه دليه
وانارصدت العلم صادق وماكود=تناقلته احروبنا كل نيه
واليوم جيناله وفودامع افود=انبارك التركى برتبه هنيه
ياابن الشيوخ اللى لهم ذكرمعهود=افعالهم باالجود ماهى خفيه
اجدادكانوايوم شلفاوبارود=عاشووفامايعملون الخطيه
مع الموحديوم هجمه ومردود=ومن قبلهافىرده للعنيه
عدوهم ثابت علىلطم الاخدود=لاشافو الفريس جثه هميه
ذكراتواترعقب اصقوروافهود=يردون دون العرض حوض المنيه
لاعل هاالايام راحت ولتعود=احناانعيش بظل جزل العطيه
راح الموحد وابتداعهدلسعود=وتوالت الاشبال لسره عذيه
الامن ساهرصان صاحين وارقود= ماعكروا اهل القلوب الوبيه
لوبان واحدجاته ابروق وارعود=لو يعملون اعمالهم بالخفيه
قولولخفاش الغدردرب مسدود=شعب الوفامايقبل البربريه
اجدادناتفرح لياخضر العود=واحنافرحناكان طاحت خليه
عزانعيشه غايه المجدوالنود=فاالطب والتعليم وين الاسيه
راح المرض والجهل وايامه السود=والنهب والمنهوب والجاهليه
تمسى غنى كنك على الخير مولود=وتصبح فغير وكل حاله رديه
تصحصحوا واصحوترى الحال محسود=مستهدفه باالشركل الرعيه
ميرابومتعب رافع السيف مجرود=اخوان نوره يارجال الحميه
عهداعلينالوغدى الراس مجدود=صوت المعاهدفيه تسمع دويه
كل القبائل دونكم حيد واحيود=براق رفرف مزنتاعقربيه
واجب يقص العودلاصارمنقود=ولاترى المنقود يعدى خويه
نصبرولكن للصبر وقت واحدود =ومن وزع الاشياءماكب شيه
ويارب تبقى دار اسس لها العود=على قواعدقول خير البريه
وانته لناياربناخيرمعبود=سخرت منهااقلوب كانت عصيه
ولاالصبر هوعادة الصبر محمود=ادعوامعى يااهل القلوب الوفيه
امن الوطن لازم لنانحمى الذود=نبغى اتكون اقلوب غضه صخيه
ماهى قبائل عز وابيوت وابدود=مع بعضناوقت الطلب والنخيه
الشعب واحد والدول كلها اشهود=وكلاعلى جاره موصى وصيه
ابقى المحبه ترتفع فوق بصعود=وكلايشوف الكل عمه وخيه
ياربعناماقلت هاالحين موجود = هذااللذى زادالماساه بيه
ولاعل من يسمع عرف كل مقصود =مابينناخل العلوم امغطيه

صح لسانك شاعر صبح
ونعم فيك وفي الاخ تركي بن عبدلله
بيض الله وجهك