كم قيل لجل عين تكرم مدينــــــــــــــه= واليوم لجل عين تنهان الامــــــــــــــــــه
يا امة الاسلام يالمستكيــــــــــــــــــنه = تولموا للكارثه والمطمـــــــــــــــــــــــــه
لاراي لاتوجد احصون ٍ حصينــــــــه= حتى الطفل يذبح على ثومة امــــــــــــــــه
والخارطه ترسم باليا مدينــــــــــــــه = والعاصمة حطت على راس قمـــــــــــــــه
هذا محجر له وذا مدحدرينـــــــــــــه = وهذا لجل هذاك هذا يضمـــــــــــــــــــــــه
هذا الصحيح وكلنا شايفينـــــــــــــــه = احد ٍ سمع بارود وحد ٍيشمـــــــــــــــــــــه
القدس راحت والعراق الحزينــــــه = ولبنان يسفك كل عامين دمـــــــــــــــــــــه
والشام معروضه على سايمينــــــــه = احد ٍ حفر خندق والاخر يدمـــــــــــــــــــه
وشاط اليمن ترسي عليه السفينــــــه = ومن طاح طاح ولاوجد من يلمــــــــــــــه
والي وراء الشاطي ويظهر خزينــه = وقول ٍ يصرح به وقول ٍ يخمــــــــــــــــــه
سؤال ٍ يحير ترى سالينـــــــــــــــه = وشلون كل الناس هذي بغمـــــــــــــــــــــه
معقول ماتوجد عقول ٍفطينــــــــــه = ولافيه لاهم ٍ ولافيه همـــــــــــــــــــــــــــــه
احيان اقول العاقل الله يعينــــــــــه = واحيان اقول اعقولنا مدلهمـــــــــــــــــــــه
احيوا بنا اجروح ٍ من اول دفينـه = واليوم حتى حلمنا ما نتمـــــــــــــــــــــــــــه
ترى السكوت اليوم قهر وغبينه = الداب نزع الناب يبطل اللسمـــــــــــــــــــــــه
فايز موسى شديد البشري =

المشاركة الأصلية كتبت بواسطة محسن الوهبي (المشاركة 1155703) الله واكبر الله الله يافايز رائع ماكتبت والله وفعلا هذا حال الامه الله المستعان صح صح لسانك مهيب واديب لله درك صح لسانك يافايز

المشاركة الأصلية كتبت بواسطة الجرح (المشاركة 1155756) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة فايزموسى البشري (المشاركة 1155770) هلا فيك اخي الجرح وصح بدنك الله لايهينك

المشاركة الأصلية كتبت بواسطة الحيادي (المشاركة 1156137) الله يصلح حال الامة الاسلاميه صح لسانك وعلا شانك

المشاركة الأصلية كتبت بواسطة فهد ابن غانم (المشاركة 1156506) صح الله لسانك ولاهنت وسلم فكرك وبنانك دمت برعاية الله وحفظة

هلا والله فيك اخي فهد وصح بدنك الله لايهينك

المشاركة الأصلية كتبت بواسطة عيسى العوفي (المشاركة 1157556) الله المستعان يافايز هذ حال الأمه .. صح السانك قصيده رائعه لاهنت