هزيم الرعد=
سلام والنجم مطلاعة=البارحة والعيون تخيل
ومن بعد أشر بإصباعه=مدري بمن الركاب تحيل
المزبان=
عجلان وآناظر الساعه=وآسوق ترحيب بن وهيل
خلك على السمع والطاعه=لا تعقد الأمر بالتحليل
هزيم الرعد=
يقول من زان مرباعه=إصبر على الجور والتنكيل
والعَود لو كثرت أوجاعه=كيف يتعدى حدود الميل
المزبان=
إشتر مع الكرز ولاعه=وإحسب نجوم السما فالليل
أوراقك اليوم شفّاعه=لو طحت بين أبرهه والفيل
هزيم الرعد=
يجرحني القلب فوداعه=اللي قعد في طريق السيل
صاحبك في داخل القاعه=يحط في خاطره ويشيل
المزبان=
من عد خمسين ما راعه=الجيل الأول وهذا الجيل
بلاك من زادت أطماعه=عينه فدجله ويبغى النيل
هزيم الرعد=
بعد الخبر عندنا ذاعه=ضاقوا هل العز والتدليل
مطلوبهم ناس فزّاعه=من دون بوابة الترحيل
المزبان=
من تعصف الريح بشراعه=تغدي به الساعية وتميل
ومنهو شرا الدار ما باعه=يسرح ويضوي فواحد ميل

المشاركة الأصلية كتبت بواسطة ابــو حــســين (المشاركة 1151629) ياسلام على اللحن الجميل صحت الالسن ابدعتوا وامتعتوا لحن في غاية الروعه احترامي وتقديري

المشاركة الأصلية كتبت بواسطة أبن وازن (المشاركة 1151632) ياسلام على اللحن الجميل صحت الالسن ابدعتوا وامتعتوا لحن في غاية الروعه احترامي وتقديري

المشاركة الأصلية كتبت بواسطة ابن عباس اليوبي (المشاركة 1151725) ياسلام على اللحن الجميل صحت الالسن ابدعتوا وامتعتوا لحن في غاية الروعه احترامي وتقديري