ألا يالله اللي كل خلقه بتدبيره= منيبين و الا اعصاة في دبرة الرحمن
الهن يعم برحمته ما حدن غيره= قراره يجي ما بين قوله: يكون و كان
بلدنا بها قحطن مكرِّب مساميره= لها ربع قرنن في دهر و الشجر همدان
نشف "ما" مواردها ويبست بها بيره= و يشكي العطش فيها نباتن مع حِيوان
و غليت بها الاعلاف برسيم و شعيره= و يشكي بها المديون من سطوة الدَّيَّان
عسى المنخفض ياخذ شهر واقف سيره= تقافا مخاييله و وبله يجي ودّان
تجي جروتن من شرق "عرعر" الى "عشيره"= و من حدّ "الاردن" لين تاقف ورا "جيزان"
و لا به مضرّه تلحق الرِّيف و الديره= مع كل وادي، سيلها ما يضر انسان
و تزين المراعي لين يشبع بها ابعيره= و ينعَم هل الماعز مع اهل البقر و الضان
بها الفقع يكثر ما يتعِّب مداويره= مع كثرته ما ساقت الناس فيه اثمان
و ياخذ ثمان اسنين و السيره السيره= تجمّ البيار بكثرة الما مع الرِّجعان
يحول هماج الما إلى احلا من الشيره= و مع البدو تلقى الاقط و السمن و الالبان
و بلدنا تعيش ابخير و يزيد تطويره= تحت راية التوحيد نبقى بَمِن و امان
يقوده ابو متعب بفكره و تفكيره= الى قمِّتن تحلم بها ساير الاوطان
و عدوّ البلد ما عَبِّره ماهنن صيره= و شعبه على البيعه يجدِّد له الايمان
و قبل لا انتهي من رحلتي و اطلب الخيره= إلهي طلبتك تغفر لسيِّدي "سلطان"
عرفناه، و انت اعرف، رجل عامِّن خيره= إميرن كسى العاري و أشبع طوى الجوعان
و اصلِّي على خير البشر و اطلب الجيره= لنبيِّن نسخ في بعثته باقي الاديان

صح لسانك واعتلا شانك
والله يقبل منك

المشاركة الأصلية كتبت بواسطة رابح الجحدلي (المشاركة 1148843) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة الكحيلة (المشاركة 1149196) اللهم اغث البلاد ولعباد صح السانك لاهنت قصيدة جزلة لاشك

المشاركة الأصلية كتبت بواسطة سعد المحمدي (المشاركة 1149210) الشاعر الصييفي صح لسانك وعتلا شانك الله يرزق البلاد والعباد بالغيث ويحفظ ولات الامر في وطنا الغالي

[table1="width:95%;"]

المشاركة الأصلية كتبت بواسطة ابوفياض النويمي (المشاركة 1149274) , , , صح لسانك وسلم بنانك قصيدة وافيه من وافي بيض الله وجهك اتمنى لك التوفيق اخيك ابو فياض النويمي

المشاركة الأصلية كتبت بواسطة منصور الغيداني (المشاركة 1149288) صح لسانك واعتلا شانك والله يقبل منك

المشاركة الأصلية كتبت بواسطة بن مريع (المشاركة 1149586) صح لسانك واللة لا يهينك كتبت فأبدعت اللة يجيب الخير ويعم ديار المسلمين بالحيا ودي وتقديري لك