|
اي شاعر مسجل باسمه الحقيقي يشد حيله
يامكثر الشعار والشعر فيهم غير مضمون=مغير واحد بالميه واضمن الباقي خساره شفت اكثر الاجواد يدعون مدري ليه يدعون=والظاهر ان الثلج ذايب بعد جته الحراره |
صح لسانك يالجابري ونعم بك وبقبيلتك
اهل وربع وارحام وجيره ولا واجهنا غير الطيب وياليت لي بالمحاوره حتى استمتع معك لكن بكون متفرج لعدم خبرتي بها وفقك الله |
اقتباس:
وانت وربعك غنيين عن التعريف وانتشرف بجيرتكم ومعرفتكم وانت شاعر كبيرفالنظم وغيره وقريت لك قصايد جزله وانت رفيق من الروح وفيه---- والله يكثرمن امثالك في ملتقى الجميع ملتقى حرب لك كل الاحترام |
صح لسانك ياعبد الله يالجابري
ويشهد الله انك شاعر ولاهو غريب عليك الشعر انت ولد سنيد الدبياني شاعر معروف |
شاعرنا القدير عبدالله بن سنيد الحربي سلمه الله
مليون صح السانك واعتلا شانك انت من الشعراء الشباب الذين نراهن عليهم بساحات المحاوره شاعرا بصمتك واضحه شاعرا بمعنى الكلمه واصل مسيرك وقلل من حدتك قليلا لكي تشق طريقك بسلام تحيتي وتقديري لك |
شاعرنا عبدالله سنيد صح الله لسانك بيوت من صخر
|
¨°o.O ( ×××××××) O.o°¨
صح لسانك والله يـعـطـيـك الـعـافيـــــــــــة بيض الله وجهك |
اقتباس:
ياهلا بك وغلا يافواز صح بدنك يالغالي وشهادتك مكسب كبير لي ولاعليك زود وبيض الله وجهك تقبل كل الاحترام والتقدير |
اقتباس:
يامرحبا وياهلا بك يا محمد عبدالله البدراني المكرم صح بدنك وانشاء الله اكون عند حسن ظنك انت وامثالك من الرجال الغالين والنزيهين وشهادتك افتخر فيها وتعني لي الكثير ------------------- ------------------ |
اقتباس:
صح بدنك ونورت الملتقى كله يامحمد دمت بعز |
اقتباس:
والله يعافيك والشر مايجيك ووجهك ابيض ولاعليك زود |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله ونعم بك واللي ردوا عليك لكن وين المحاوره هل اصبحت المحاوره بيت تعريفي والاخرون يثنون فقط ونعم بالجميع بس استغربت البيت له فتره ومثله كثير من المواضيع يدخلون شعراء المحاوره للثناء والمرور فقط انا هنا اعتب على من مر ولم يتقدم لنستمتع بمحاوره رائعه حتما على الاقل لوجود بن سنيد طرف فيها لا أدري لماذا دخلوا اصلا تحيتي |
ماعليك زود ياقيصر
وتسلم واكيد دخلوا الشعارللاستمتاع والقراءه مثلك ياقدير وجودك نور الصفحه ياقيصر-وجودك رائع وجداً حضاري وبيض الله وجهك |
مسيت بالخير يابن عمي شاعر ولد شاعر عسى الله يوفقك
يابن سنيد اسمع علومي وخل الناس يوحون=مادام بيتك من قزازه لاترمي بالحجاره شفت اكثر الاجواد يثنون مدري ليه يتنون=بعض السوالف عيب يالاجودي خل الكباره |
يالربع من عين ابن سنيد
|
اقتباس:
بيت الجوابر واحد وساسه مثبت ومصيون=مدهل رجال وريف للي مجلى عن دياره بعد اعترض لي ولد عمي بنص الدرب وشلون=آخذ يمين الدرب بعد اعترض والا يساره |
ربعي بني جابر هل الساميه للطيب يشرون=ورجالهم فمواجه القوم مايفقد وقاره انا ادري انك عن كثير الدعاوي منت مامون=ياللي تشاور خذ طريقن معه تملك مهاره |
اقتباس:
بنشدك عن دارن بعيده لها الاجواد ياتون= وسكانها في ديرة القوم بانين العمارة بآخذ طريق العفوعن واحدن صاحي ومجنون=الرجل ماياخذ من اقرب قريب الناس ثاره |
انتظر ردك يالجابري
وياليت تكون مباشره |
احلام خلق الله لتفسيرها ماني بمجبون=دربن مشينا معه ياهيه لاتخلف مساره درب السلامه زين وانا عليكم مالي ديون=يابن سنيد الله يثيبك ماهذي العباره |
يسعدني ذلك شوف الوقت الطيب وعطني خبر
ولكن تراي رجالن انام بدري وسلمت ودمت |
بيت ما يكتبه غير شاعر
بآخذ طريق العفوعن واحدن صاحي ومجنون الرجل ماياخذ من اقرب قريب النـاس ثـاره صحت السنتكم |
اقتباس:
صح لسانك ولاهنت والختام من عندك وبيض الله وجهك وتشرفت حقاً باللعب معك شاعر مميز جداً
حامض عنب يامفسرين الخبر والله لتبطون=ماتفهمون الحل والحر يفهم بالاشاره اثبتْ بيتي فأول القاف وارجع له ولاتهون=ان اللقب للشاعر اللي كسبها عن جداره |
اقتباس:
المتذوق حياك الله شرفنا مرورك لاهنت |
اخي عبدالله انا لم العب معك الا بعد اطلعت على عدد من محاوراتك
فاعجبت بكل صراحه بشاعريتك التي فعلا تخبر عن شاعر حقيقي وبيوتك احلى ختام وصح لسانك حتى ترضى |
الله الله
عزالله محاوره تطلق الوجه لشاعريها ولكل محب للشعر الاصيل والشعر الحقيقي ابن سنيد نجم لامع في سماء المحاورات ولايجارا وعواض نجم نعرفه في سماء المحاورات وقد اجاد بيض الله وجيهكم ياعيال العم وكذا الشعر والا بلاش تحيتي وتقديري |
وجهك ابيض يابوعبدالله
يشهدالله ان شهادتك وفخر للجميع |
الساعة الآن 01:02 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir