ياللي تقول انك امفسر للاحلام = وش رايك اليومه ابحلمً لفابي
حلمً يراود خاطري كل ما نام = يا هولتي يا فكرتي وش بغابي
لاكن هات اوراقك وهات اقلام = وسجل تفاصيله وهات الجوابي
مبداه جادل حبها يرزم ارزام = بين الحنايا لين سبب عذابي
لقيتها صدفه على شارعً عام = تمشي على جنب الرصيف اترابي
وغديت أراقابها من الشرق لشام = من دون ما تسمع بخطوة ركابي
حتى وصلنا سوق يدعى بالاهرام = مشهور في بيع الحذي والثيابي
وخشت وانا معها ولا يوجد ازحام = وقامت تسعر ما عليها نقابي
ثم قلت خطه ليه ماطق الابهام = يمكن تناظرني واحقق صوابي
وصارت ولدة لدةً تسهم اسهام = منها تلخبط يا عرب كل مابي
ضحكه ورزه شفتينً وهندام = وخداً تقول الورد والنهد نابي
وقلت السلام ورحمة الله والاسلام = يأمر برده ما عليها ضبابي
قالت هلا يعني ماندري بالاحكام = حنا ما نجهل ما رواه الصحابي
إن كان عندك شي قلي بالاتمام = على حسب قولك تتكسب اعجابي
ثم قلت شاعر ما عليه بالاقزام = فكري على ما ريد يمه سرابي
وقلبي على الطالات والعز مقدام = واليا نواله حاجةً ما يهابي
قالت خلاص الله يعافيك يا تام = فيك اللذي دونتها في كتابي
كل الوصوف الزاهيه عد واحجام = وانته تراك اليوم فدوة شبابي
تستاهله ومع السلامه يا ظرغام = ورقمي خذه عندك ولا عنك غابي
ثم قلت لحظه يا منزحة الاوهام = اسمك ما دام الحب بالدم رابي
ثم قالت اسمي فالحقيقه ترى أحلام = وراحت وأنا قلبي عليها غدابي