داخل عليك الله وجاتك مطاليب = لفراق باطل فُرقُته حق فرقاه
وتكفى طلبتك لا تسوق المناديب = والا تجر عواك وذياب تقفاه
ارتاح لاتنشد عن الذيب ياذيب = لو طال بك وقته مع الوقت تلقاه
دام الوفا مرسول ودّى لك يجيب = ياخذ ويعطي طيب والطيب بقاه
في درب 0 عزه ماحوته التجانيب = عن وطيةّ وحوش الغداري توقاه
يقبِل ولا يقّبل على اقبالك يخيب = طيب الوفا يبقى وطيبي 0تلقاه
صدري بعز ولا تخلطه تراكيب = اللي رفع قدره علابه ورقاه
تبقى القلوب الوافية تذخر الطيب = دام القلوب الصافية طيب تنقاه
العلم وديته بروس المراقيب = كانك هقيته هقوة طويق ترقاه
في قمته تلقى به العلم ويصيب = ويسقي ظما 0سقا الشقا لين شقاه
وتلقى تفاصيله على الحق ترتيب = فاللي تهقويته وجاء عكس تهقاه
شمس الحقيقة غايبه فيه وتغيب = ولاتندرق عنا على كثر دُرقاه
من بعدها مابين حاسب وحسّيب = تصدُر ويصدُر ماتوقى ويقاه

المشاركة الأصلية كتبت بواسطة رابح الجحدلي (المشاركة 1108588) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة ابوفياض النويمي (المشاركة 1108601) صح لسانك يابومحمد ولا هنت يالغالي كلام جميل الله يعطيك العافيه / \

المشاركة الأصلية كتبت بواسطة أبوليلى (المشاركة 1108606) صح لسانك ملاييييييييييييييين شاعر جزل اطرب لقصائدك لك تقديري

المشاركة الأصلية كتبت بواسطة فهد مطلق السليمي (المشاركة 1108615) صح السانك واعتلا شانك ياذيب لك ودي وتقديري

المشاركة الأصلية كتبت بواسطة الكحيلة (المشاركة 1108766) نص جزل ومن المعاني اختزل ما يعطيه الصدارة فالمعنى صح السانك وسلم بيانك مراقبنا وشاعرنا القدير بخيتان البشري

المشاركة الأصلية كتبت بواسطة تركي العوفي (المشاركة 1108828) صح لسانك على هذا الابداع المتميز والاكثر من رائع والله يعطيك العافيه تحياتي

المشاركة الأصلية كتبت بواسطة سعودية (المشاركة 1108914) قصيده رائعه صح لسانك يابو محمد ابداع وغير مستغرب هالابداع منك داام تالقك احترااامي