|
1659لغز اخر يستحق التفكير 100%محلول حله وجودك يكفي صح لسانه
بعد لغزك يابو هليل استلم ها اللغز .
قبل امس تنشدني وانا اليوم ابا انشدك ـــــ عن طير ماشفته ولاشفت راعيه اربع بناته لابغينا نساعدك ــــــــ واللي تجيبه مستحيل توديه |
صح لسانك يابو سامر وبيض الله وجهك
عز الله انه لغز لاكن هالحين باتسحر ولي عوده عليه انشا الله |
بو سامر الحربي
صح لسانك وجاري التفكير |
صح لسانك يابو سامر
. والله حكيت الراس ماطلع شي . لكن جاري التفكير . |
يابو سامر وش رايك بالصوت
واريع بناته اذاني المتكلم والمستمع |
مالكـ لواء يالغالي ..
|
ابوسامر الحربي صح السانك: وش رايك:
الطير صوت الراديو, والبنات الاربع موجات الراديو: أو, الطير الهوى, والبنات الاربع: الجهات الاربع: الشرق, والغرب. والشمال. والجنوب |
مالك لواء يابو فهد رميك قاتل بس الحمد الله على سلامته .....,
|
لغزك يابو سامر لغز قوي مافيه حيله
حتى الرمعه لاحول ما تلقاها وباسميه الغز المسكت هالحين لاصار ماشفته ولاشفت راعيه وشلون اعرفه امنت بالله يالله تجيب حله انت تدري وش رايك بهدهد سليمان |
اقتباس:
عندي رمعة أظنها مدحدرة لكن مافيه مشكل نبا نجيبها: الطير:هو النفاق أعاذنا الله وإياكم منه: والبنات:الاربع علاماته: إذا حدث كذب, وإذا خاصم فجر, وإذا واعد أخلف, وإذائتمن خان: |
الاخ العزيز/ ابو سامر الحربي صح السانك على اللغز الكافي الوافي:
وهذي رمعه ثانيه, الطير: هو أي خبر في أي طريقة: والبنات الأربع: العينين, وألأذنين: ما جابته من خبر مستحيل توديه: وتقبل تقديري واحترامي |
المعذره على الاطاله والسبب اجباري والعذر والسموحه .
ابو هليل وابو فهد بيض الله وجيهكم على المرور والتفاعل الجزل ولاكن ياربع رميكم سماوي ومالكم لواء في تفضلت به . |
الاخ العزيز ابوسامر الحربي: اللغز هذا لغز جزل ورائع بمعنى الكلمه:
ون شاء الله رايح نقضي عليه: وهذي رمعه جديدة: وش رايك: الطير البرد: ولبنات: الجهات الاربع: الشمال, والجنوب, والشرق, والغرب, وأنتبه لاتقول رميك سماوي تحياتي وتقديري لشخصك الكريم وكل عام وأنتم بخير |
بيض الله وجهك يابو فهد ومالك لواء وخيرها بغيرها .
|
اقتباس:
السلام عليكم ورحمة الله وبركاته ........ انا ماقريت الغز الا اليوم وماشوف احد حله لكن والله اعلم انه الرسول محمد صلى الله عليه وسلم |
رمعه جيده يالضاري وبيض الله وجهك على المرور ولاكن مالك لواء خيرها بغيرها ,,,,,,,,,,,
|
صح لسانك يابو سامر وبيض الله وجهك
وعندي رمعه كان ماهو بالشهر وبناته يوم الجمعه وهي اربع جمع والله يعطيك العاااافيه تقديري |
خيرها بغيرها ومالك لواء ياطويل العمر .
|
صح السانك يا ابو سامر
تفكيرررررررر اربع بناته اي حروفه اربع حروف ممكن طائر الرخ ؟؟ّ!! عنقا ؟؟ !! ههههههههههه او يكون ( مكوك ) الفضاء ناسا اللي توديه للفضاء صواريخ واللي تجيبه طائرة شكل رمعاتي سمواية الله يعينك يابو سامر ههههههه |
اقتباس:
صح السانك يا ابو سا مر وشرايك في طير ابن برمان او طير الى يصيب الحلال |
والله يابو سامر اني عصرت مخي لين مابقى فيه شي ..؟
لكن عندي رمعه لاتردها دمعه ههههه الطير ماهو الموت والملك راعيه وتكبيرات الصلاه اربع ... وسلامتك ترا عندي كرت اصفر هههه |
ملك الموت : الطير وراعيه
صلاة الميت : اربع تكبيرات وهن البنات . |
الاخوه حسين , صبار العنزي , الضاري . عز الله انكم ماقصرتوا ولاكن سلم من بين ايدكم ولله الحمد على سلامته . ومالكم لواء جميعا .
|
صح لسانك يابو سامر
|
صح لسانك أبو سامر أنا طال عمرك عندي رمعه كان ما صابت اعتبرها أوليه ( عربون)
وش تقول في نبي الله ابراهيم عليه السلام عندما قال لربه ( ارني كيف تحيي الموتى ـ قل أولم تؤمن قال بلى ولكن يطمئن قلبي ـ قال فخذ أربعة من الطير فصرهن أليك وجعل على كل جبل منهن جزء ثم ادعهن يأتينك سعيا وعلم ان الله على كل شي قدير ) وصح لسانك أبو سامر |
ابو سامر وينك عن الرمعة اخذت حق الضيف وزيادة
|
السلام عليكم ورحمة الله وبركاته
وش رايك يابو سامر بالسحاب وقولك ماشفته يعني رأيت الماء عندما هطل المطر وراعيه هوالله سبحانه وتعالى اما البنات فهي الرياح الشماليه والغربيه والجنوبيه والشرقيه فعندما تأتي الغربيه بالسحاب التي تعود به هيى احد الجهات الثلاث الأخرى اتمنى اني قد اصبت والسلام عليكم |
اعتذر منكم اخواني على عدم الرد على الرمعات السابقه .
اخوي فيصل العريمه بيض الله وجهك على المرور . ماجد التويجري مرورك يشرفني ولاكن مالك لواء على الرمعه . المحمدي بيض الله وجهك على الاجتهاد . ولاكن مالك لواء وخيرها بغيرها ياطير شلوى . |
صح لسانك يابوسامر ولاهنت على اللغز الوافي
وش تقول في بساط سليمان عليه السلام ماشفناه ولاشفنا راعيه .. وبناته رياح الأتجاهات الأربع .. والرياح التي تنقله لمكان معين لاتستطيع ان تعود به لأنه يعود بالرياح المعاكسه لها |
صح لسانك ياوجود يكفي وانت معودنا على الرمي الصواب ماشاء الله عليك نعم هو (( بساط الريح لسليمان عليه السلام . ))
شكرا على اهتمامكم ومتابعتكم جميعا. |
الساعة الآن 01:25 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir