ياويش عودٍ أخذ له بنت=ياطيبه العود ياطيبه
حله بوسط السطر لاهنت=مثلك ترى الطيب يحريبه
به ميزةِ شفتها ويقنت=أن العمر يلحقه شيبه

ياهل المعاني والقلوب المطيعه=ابسأل العراف عن رجل مشهور؟
رجلٍ نهار الكون يحمي منيعه؟=حاكم وحكمه عدل فعلٍ ودستور!
ياحظ من خاواه خادم يطيعه= يمشي برايه مايخالف له الشور

قصة غرام صوبت قلب منصاب= يذكر لنا التاريخ وشو سببها
يوم الجدايل فرقة شمل الاحباب=تفرقو ومن العجايب عجبها
كذب على خلاه ولاهو بكذاب=لكن ياحول يدري من عطبها
رع الجدايل مين يا صحاب الالباب=يا اهل النفوس العالية في ادبها
الغز واضح لو خفت بعض الاسباب=دقق وركز ثم قنن وجبها
رمعه تشيل الغز من سدة الباب=ونقول جبت الحل يا اطيب عربها

ياويش بنتٍ خارقة لسموات=لونها ضعيفةٍ مع عربها
ياويل من جت له وهو وقت غفوات=لاهي ومن جوره تجاهل سببها
تقظ مضجع حافظين الصلاوات=يخشونها لو ماوصلهم جنبها
احروفها تسعة وجت لك با الابيات= لوكنت عالم بالمعاني فجبها

ياويش رجلِ يعقد الامرويحل=تكون له في بعض الاوقات حاجه
على حسب ماتريد بالمد يجزل=اللي مضى مرغوب دارج رواجه
وافيدك انه فالكتاب المنزل= ذكر بفرد وجمع عند المواجه

سميها ماهو على الارض موجد=قد قيل ليه بالبحر يذكرونه
والاسم الاخر كل زاهد ومزهود=سجاد لله بالرضى يطلبونه

حلوه ولا بالثمن مابه نقود=في لغز ثاني كانكم تشترونه

ابسألك عن بنت ما مثلها بنت=بنتٍ حشيم بين ذرعان أبو ها؟
اليالفهم ضيف ماتستتر وانت=ممكن تحب البنت وهم مزجروها
مصيونة في عرضها ماتهونت=لاوالله الا بالردا متهموها
عطنا الاجابه كان للغزخمنت=ولمشرف الالغز قل سجلوها

ياويش رجال/ن/ حكم كل الاجناس؟=امره مُطاع وهو ماله عويني!
حاكم لهم لكن حكمه بلاساس!= ماشف مملكته ذهين/ن/فطيني
ولاشفت ماخلوق/ن/رفع عنده الراس=لجاه سلم له ولوهو شطيني
ولاشفت له جند/ن/ولاشفت حراس=جيبو الحله كانكم عارفيني

ياويش رجالٍ بقبره ينزل=ياكيف ماحطو عليه النصايب
انشهد اني شفته بموقف الذل=يخشا عليهم من سببه العقايب
ياعرف الالغاز عطنا له الحل=اما نقول اخطيت ولا انت صايب

انشدك عن رجلٍ يزور الرياجيل=وان جالكم يا رجال عيبٍ مرده
ياقدرة الله كيف يحكم على الجيل=جيل/ن/ مضا واجيال بعده تعده
وله ماقفٍ يوم الليالي مقابيل=للي يشيله يلزمه فعل قده

ياقاري الالغاز يا بادع القاف=ابسألك وابي الاجابه سريعه
ياويش بنتٍ مالها قدر ووصاف=في محكم التنزيل ذكرت رفيعه
الله ضرب فيها المثل لجن الانصاف=يوم القيامة كل شخص وصنيعه

ياويش بنتٍ هي واخوها سلاطين=حكمة من الله حكمته عازلتهم
ماتجتمع به غير في موقف/ن/ شين=ياقدرت الله قدرته فرقتهم
انزارها ها الحين ونزار بعدين=الله يكفينا خطر فاجعتهم

ويش بنتٍ تعتلي رجلٍ همام=تعتليه وراضي/ن بركوبها
يا الجماعه كيف حطت به لجام=الله اكبر يا الربع ياعوبها
مغرم/ن/ فيها هاك الساعة تمام=والله انه راضي/ن/ بسلوبها

ياوش رجالٍ حنته اليالي=عليه من زين العذار تواصيف
الله عطاه من الجمال الخيالي=مايكرم الصاحب ولا يقري الضيف
ولاله بنات ولاذكر له عيالي=ودايم على القمة وعال المشاريف
عطنا الاجابة يا كريم السبالي=دامك قريت امثالنا والتعاريف

ياويش بنتٍ عاليه فوق الاشهاد؟=كم واحدٍ بالطيب يطلب اليدها
مزيونة ولزينها الكل شهاد=واللي يخذها ما ذكر له ولدها؟!!
وإن قلت ابين قلت من عصر الاجداد=والشعر وثقها ولاحصها عددها؟!!

هذه هي البيضاء تنشّر للاجــواد==في ملتقى الاشهاد ترفع عمدها
ما فادها من وقف موقف وجـهاد== ولا تطلب اللي بالوفاء ما عتمدها
لـهـا مـعـا كـساة الطـيب مـيـعـاد==واللي على رجم المعالي رصدهـا

يارمع الالعاز لاتخيب الظن= عطنا جوابك قبل فوت الفواتي
وإن كان جبته في بيوتٍ يغنن=حلك كمل وانته على الطيلاتي
وش الثلاث اللي مع الناس ذكرن=خوات لاكن بالنسب فراقاتي
بنات لاكن بالغطى ماتغطن=ولاهن من للي يلبسٍ العباتي
عن ماحون وعلومهن ما تخفن=بقن على مر الزمن شاهداتي
الطيب فيهن علم ووصاف لاجن= لاذكرن الثنتي هذيك تاتي

يابادع الالغاز ياراقي الفن = مافات شي وبانت المعطياتي
أفخر واغنيها الاجابة وادندن = و يشوش راسي يوم تِذكـَر غناتي
هذي ثلاثة للمدوّر عليهن = تذكر قبيلة حرب بالمعجزاتي
من يعرف التاريخ ماغاب عنهن = مثل النجوم الساطعة واضحاتي
واللي جهل ينشد عن نويشي وعن = فعل البلالي وعن خلف فالصفاتي
حفظ الامانة والخوي والكرم قن = من عهد اهلنا لعهدنا مورّثاتي

ياويش رجالٍ على ظهر ناقه=تمسي وتصبح ما نزل عن ظهرها؟!
ماشيف بعيو ن البشر لدراقه=لكن يقال إنه بفعله فرقها؟!!
هذا وانا ماشفت رجله وساقه=لكن قريته فوق ناصع ورقها

ياويش رجلٍ صدوف الوقت فجنه=خلن فؤاده كما مضراب جثريه
له موقفٍ مانسيه الناس لكنه=هذا الزمن سنته لناس ممشيه
اللي مضى عنده الغزلان ينصنه=واليوم مال الضبي في جيته نيه
اخذته اللي جمال وتحتوي فنه=نسي معاها بناتٍ بالسعوديه؟!

ان كان وإنه على ماهاجسي ظنه = الرجل هذا جبل صبحا وماريه
ان الجبل قمته اعلى ماشافنه = عيون من كان في حلبان له جيه
والا جبل كان اخو نوره ليامنه = بغى الطبيعة يزوره مالقى زيه
جبل يقله ابو مخروق ماعنه = وفيه الحديقه وله تاريخ مئويه

ياوشي بنتٍ دايمٍ مستذيره؟=منها الخطر وهي الخطر بعض حزات!
في حجمها وبشكلها مستديره=وبالسرعة اسرع من ذلول الحويطات!!
لها خوات احيان مثل العشيره=واحيان هي لحالها دون فزعات

ياويش بنتٍ في زمنها فريده =من عندها تصدر جميع القرارات؟؟
تسحب ولدها دون ما تمسك ايده؟!!=مسكانها وسط المدن والوزارات
لها خوات ولا نقول الوحيده=وايضى نشاهدها بوسط السفارات

ويش بنت بالعرب ماهي رديه=تتعب رجال الحمية من وراها
فازت برجالها يوم ضحويه=شيخ قومٍ بالقا يحمى حماها
ميتٍ فيها وهي بالناس حيه=ياعجايب من هواه ومن هواها

انشدك عن رجلً يقود الطوابير = يامر عليهم با الفتاه الصغير ه
في ماقفه كنه على قمة النير =يرسل على جنوده ويلحق نذيره
له عند بعض الناس قيمة وتقدير =وبعض العرب ماتستحب اتعبيره

يوش بنتً زوجوها برجال=الله وكبر كيف هي موصلت له؟؟
وهوماوصلها؟ كيف تصير ياعيال=شريفةً درب الردا مامشتله
ورجالها ماقيل يلبس له عقال=قصة زواج اجيال ياما حكتبه

انشدك عن بنتً تصد الطوابير =ياطيبها في ماقفً وقفتبه
تصد من جاها على جمت البير=وتسقي ورودًحملها زوعتبه
فيها من الاوصاف عشً من الطير=وانعم من سلوك الحريران مشتبه

انشدك عن بنت مزيونة= مجلاسها عند رجال كرام
كلً يسلم على هونه=شباب لكن شباب احشام

وش الفتاة اللي على راس مسطور=لزومها في حاميات الشدايد
تقود مضهورٍ اليا دك مذعور=منها الخساير والربح والفوايد؟!!

يوش بنتً كل شخصً حملها=يشيلها ما يوم قد ثقلتبه
كم واحدً يدري وكم من جهلها=وهي على خط المواجه عثتبه
الله يستر يا هلي من عملها= كم واحدً عن حسن نيه غدتبه
عند اللوازم بينه في عملها= إلى سلمت يمناه تجودتبه

وش الفتاة اللي بليغٍ نباها=فازت على خواتها دون تحقير
وإن سالتني بقول لك عن خفاها=تقدمتهن يوم صف الجماهير

ويش رجلٍ بالملارفيع شانه=عزه الله بين كل الناس عزه
ان لفوه جموع مايجلس وزانه=وكان ضافه واحد بجنبه يلزه
والثنين اليالفو له بالمكانه=مار .يفرق بينهم على المعزه

انشدك عن عذراء لها وسط صندوق=ماعمرها شيفت ولاحدٍ ذكرها
تامروتنها مانطقت يوم منطوق= وإن سلتني درب البشر خلف اثارها

ابنشد اللي يعرفون السلومي=عن الفتاة اللي كبير/ن/ عملها
جارت على شيخٍ قوي العزومي=حتى قسمت صدره وهو ما عذلها
خلت طيور الجو فوقه تحومي=عجيب مخافت يقتل لهلها
وياسألي عن باقيات العلومي=اقولك مافيه واحد جلها

وش اللذي لولا السبوق امسكنه=إن كان مارفرف جناحه بالاقطار
اللي على بنتٍ على ظن ظنه=فيها يتحكم في مساره الياسار
ولولا اربعه مافاد حكمه وفنه=اللي اليا جنه عطا كل معبار

ابسال العراف عن وصف بنتين=من عرفتي للعلم فيهن تشابه
وحده تشيل ببطنها للملايين=وعلى ظرها حاملتهم حرابه
والثانيه تشغل عقول السلاطين=وشقيو بها بعض العرب والقرابه

ابسال العراف عن عودٍ املح=ياطا على جمر الغضى مايهمه

ماهو غني ولافقيرٍ شكى شح=ومن خامسه يمناه لازم تضمه

ياويش رجلٍ ثبتوه بمحله؟=ماينطق الجملة ولايكتب الخط!!

به يضربون اهل المثل للمذله=للي وجوده مع غيابه تخالط

ويش بنتٍ خدها تلعج بروقه=لا زجرها شايبٍ هلت عباير

لامشت طريقها محدٍ يعوقه=وخلف جرتها مرابح مع خساير

ويش رجلٍ معتلي له فوق هامة=فوق بنتٍ لجلها يُقصر مسيره


الرجل معروف لرموز الفخامة=كم يشيل من الحمول اللي كبيرة

ياويش ميت بلع له ميت=واثنينهم قدمنا ماتو

ياللي طلبت الجديد اسمع=بنتٍ حملها هذاك العود
تضرب مصيره ويتوجع=ماتستحي والعباد شهود
يا الله دخيلك عن القًطع=قطاعة البنت دون حدود