نرفع تعازي للقبيله بجازي=من حيث جازي من شيوخ القبيله
شيخ وراه يقدمون التعازي=لأبناه واخوانه ومن ينتميله
مرحوم ياملفا الرجال العزازي=يامزبن الخايف ليا باد حيله
يامزبن اللي من عناه متوازي=لاجاء لأبو نواف خفف ثقيله
بالجاه والا في نقود البيازي=من يزبنه عدا براس الطويله
مرحوم ياشيخٍ ثقيل المرازي=فيها الخصال الساميات الجليله
عند الوازم به ملاذ وملازي=يمناه ماهي بالعطايا بخيله
بيته بطلحه مابناه بقزازي=مجدٍٍ يورثه الحفيد الوكيله
بالله عزاي وبالخلف أعتزازي=عقب حرارٍ كل واحد مثيله
نوادرٍٍ من ماكرٍ مايهازي=الكل مثله في طبوع وفصيله
تم الكلام اللي بداءفيه غازي=صلو على اللي دلنا للفضيله

/
.


السلام عليكم


الشاعر / غازي الزغيبي

صح لسانك على هذه القصيدة الرائعة




تحياتي لك



:
.

الشاعر
العملاق
غازي الزغيبي

صح لسانك على هذه القصيدة ويستاهل الشيخ/ جازي الوسوس المدح

رحمه الله رحمة واسعة

الاخ الشاعر غازي الزغيبي

بيض الله وجهك

والله يرحم الشيخ جازي ابن هجاج الوسوس الفريدي

ويرحم امواتنا المسلمين

تقبل تحياتي

ودمت بخير