الجزيره تنقل الأحداث مثل العاده=والمتابع معظم الاخبار ماتاصله
لعبة الاعلام تلعبها علينا غاده=من ورى رأس المُعِد وفوق روس الشله
والحقيقه ماتبي تصوير وإلا اعاده=اسمعوها من لسانٍ مايحب الزله
اي ناجح يكثرون من القهر حساده=ومن يبي راس الجبل مايلتفت للتله
والسعودي ماهو بحاجة ثنى واشاده=علم اللي يستفز المسلمين وقله
الحروب انواع لكن فيه حرب اباده=لو نولعها تبيد اللي تواجه كله
مار ماشفنا العقيد اللي يشد شداده=غير واحد يعقد الحبل وبلش في حله
وتالي الايام شفت السيف وسط اغماده=معدنه صدى وحنا قدسنا محتله
وقام حزب ابليس يجمع عدته واعتاده=مابقى إلا يأخذ السيف الحدب ويسله
ريسه يعد نفسه ضمن روس القاده=يحسب إنا يالعرب ماشين تحت ضله
مادرى ان اجدادنا مادنقوا لجداده=يوم غارات الحروب اللي مهي حي الله
مايجي سيد وحنا بالاساس اسياده=مار لو ان اسمه السيد حسن نصر الله
مارفع بيرق ولاحرر ربوع بلاده=لو تصدى لليهودي راغ عقب الذله
شاب رأسه يطرد الدنياء ماوصل مراده=يالله اني في ذرى وجهك عن اللي ذله

صح لسانك واعتلا شانك

المشاركة الأصلية كتبت بواسطة فهد مطلق السليمي (المشاركة 1070821) صح السانك وإعتلا شانك ياسمي الحقيقه إنك شاعر كبير ومتمكن ولا أقول هذا علشاني أعرفك شخصيا ولاكن إنصاف لهذا النص ولغيره من النصوص نصوص راقية ولايكتبها إلا شاعر متمكن بيض الله وجهك على هذا الإبداع الغير مستغرب والجزاله ماهي غريبة عليك فأنت من بيت شعر وأدب لله درك على هذا الحضور الراقي

المشاركة الأصلية كتبت بواسطة عبدالله الزغيبي (المشاركة 1070858) صح لسانك وبيض الله وجهك

المشاركة الأصلية كتبت بواسطة وليف الشوق (المشاركة 1070939) صح لسانك وسلم بنانك وبيض الله وجهك قصيده في غاية الروعة والجمال والأبداع الله يعطيك العافيه دمتم بخير

المشاركة الأصلية كتبت بواسطة فيصل حمود الوافي (المشاركة 1072470) صح لسانك وسلم بنانك قصيدة رائعه بروعة حضورك لك تقديري

المشاركة الأصلية كتبت بواسطة فضل البيضاني (المشاركة 1072783) صح لسانك مليووووووووون مرة على هالقصيدة اللي فالصميم تحياتي لك