ابتدي واذكر الله ثم اسوق القصيد = واطلب الله يهدينا سبيل الرشاد
طيب الاقوال والامثال ليٌ رصيد = من لساني يبين اللي حواه الفؤاد
لابدعت القوافي جبت علمٍ مفيد = اخذ الوافية واترك كلام الفساد
التراث القديم اطوره من جديد = المعاني قديمة والمثايل جداد
دام حالك شديد ودام شوفك حديد = اجتهد والمعالي نيلها باجتهاد
امش بالهون في الدنيا وخلك رشيد = حكم العقل يلهمك الوفا والسداد
يوم تبدي علومك ون رايك سديد = بيع واشتر ذهب لاملت سوق المزاد
من عمل خير يلقى خير والله شهيد = مازرعته حصدته في نهار الحصاد
من بغي في زمانه يستفيد ويفيد = عاشر الطيبين وفادهم واستفاد
تستوي له وتبقى له على مايريد = وش يبي بعد نيل المرتجى والمراد
قص دربه على وضح النقا مايحيد = وان غلط قالوا اهل العرف كبوة جواد
والشقي يعلم الله مايعود سعيد = فالشقاوة يلين يحط وسط المهاد
امتلا القلب حقد وكل يومٍ يزيد= وانعمى الفكر والابصار راحت سهاد
حاسد الناس عايش في العذاب الشديد= من تولاه قاده للعنا والنكاد
شارد الذهن طول الوقت ذهنه شريد = لاتهنى بنوم ولا تهنى بزاد
عن طريق الهدى والرشد رايح بعيد = ينظر البيض ثم يحط فيها سواد
اسم مجهول والاسم الاساسي فقيد = قام يقذف سمومه في الغبا والحياد
قرياطير مثلك لو تعب مايصيد = ابرق الريش دايم لاتباين يصاد
انت قصدك تكيد الناس والله يكيد = كيدكم مايعادل كيد رب العباد
لاانت عنتر ولاانت خالد بن الوليد = لانقلت السيوف ولا ركبت الجياد
انظر السبع مبسوطة لكل العبيد = فوقها سبع مرفوعة بليا عماد
من تعلى بلا سلطان يحسب بليد = طاح من فوق لاسفل مرحلة في البلاد
طف نار الحسد لاتقول هل من مزيد = ريح النفس قبل النار تصبح رماد
قال من علم الانسان علم اكيد = عن هوى النفس جاهدها شديد الجهاد
الله يجيرنا ويجيركم يالعضيد = ويهدي المسلمين لطاعته بانقياد

المشاركة الأصلية كتبت بواسطة مساعد الجليدي (المشاركة 1064351) الــــحــــســـــد لاتــــــقـــــــول هـــــــــــــل مـــــــــــــن مــــــزيــــــد ريـــــح الـــــنــــــفــــــس قــــــــبـــــل الــــنــــار تــــــصــبـح رمــاد قــــال مـــــن عـــــــــلـــــم الانـــــــــســان عــــــــــلــم اكــــــــــيـــد عــــن هـــوى الـــــنــفــــس جـــــاهـــــدهـــــا شــــــديــــد الــجـهـاد الله يـــجــــيــرنــا ويــــــــــجــــــــــيـــــركــم يــــــــالـــعــــضـــيـــــد ويـــــهـــدي الــــمــــســـلــــمـــيــن لـــــــطـــــــاعــــتـــه بــانــقـيـاد صح السانك يابن مريع ابيات جميله جدّاً دمت بخير وعافيه

المشاركة الأصلية كتبت بواسطة شوق نجد (المشاركة 1064361) صح لسسسسااا نك وعلى شاااا نك وبيض الله وجهك تقيل مرور ي في متصفحك النير

المشاركة الأصلية كتبت بواسطة بدر السريحي (المشاركة 1064482) تقبل مروري وصح الله لسانك من عندي الين عندك تقبل سلامي ارق التحايااااااااا

المشاركة الأصلية كتبت بواسطة عيسى العوفي (المشاركة 1064595) صح السانك ياحسين قصيده احتوت على كل جميل صح السانك مدد بلاعدد

المشاركة الأصلية كتبت بواسطة سويلم الحربي (المشاركة 1064626) صح السانك ياخوي حسين قصيده جزله من شاعر جزل

المشاركة الأصلية كتبت بواسطة العبيدي (المشاركة 1065193) لاانــت عنـتـر ولاانــت خـالــد بـــن الـولـيـد لانـقــلــت الــســيــوف ولا ركـــبـــت الــجــيــاد سلم رآسك يآخآل .. صح لسآنك واعتلآ شآنك وبيض الله وجهك.. ابيآت جزلة ومن رآس جزل .. الله لايحرمنآ هـ التوآجد والآبدآع.. ودي وتقديري واحترآمي .. علي العبيدي..

المشاركة الأصلية كتبت بواسطة الكحيلة (المشاركة 1065229) حاسد الناس عايش في العذاب الشديد= من تولاه قاده للعنا والنكاد شارد الذهن طول الوقت ذهنه شريد = لاتهنى بنوم ولا تهنى بزاد عن طريق الهدى والرشد رايح بعيد = ينظر البيض ثم يحط فيها سواد نص احتوا على الحكمة والموعضة والجزالة صح السانك وسلم بنانك شيحنا الفالضل

المشاركة الأصلية كتبت بواسطة الجرح (المشاركة 1065773) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة فهد ابن غانم (المشاركة 1067515) صح الله لسانك ولاهنت وسلم فكرك وبنانك دمت برعاية الله وحفظة