أقول و أقابل بصحـة كلامـي = عندي ثقه بالنفس و الشك زايـل
و الله ما أجامل بعكس النظامـي = و مجامل الضايع يضيع القوايـل
يوم أنشدوني قلت عن أبو رامي = شاعر قبيلة حرب بيـن القبايـل
راشد و لو كثر العدد و الأسامي = في ساحة القلطة من أهل الأوايل
عان السحيمي مركزه بالسنامـي = حربي يمثل حرب و الرأس طايل
مركز دفاع و لا هجم مايلامـي = له عيلةٍ يدَب بهـا كـل عايـل
شاعر عن الهزلات معناه سامي = و قولٍ بلا معقول مالـه عقايـل
و اللي يبا مثله يشـد الحزامـي = و يبين فالميدان جري الاصايـل
و من لايوصل سمًها للعظامـي = لايعتزي لاصار مامن صمايـل
السم يمـزج بالعسـل للحرامـي = محدٍ مدوًر بالخصيـم الجمايـل
و اللي يجيب من الخصيم الأثامي =مشتالها ما أعطاه عنهـا بدايـل
مايحتمي لو ماقف الخصم حامي = أقول ليت أمه من العقـم حايـل
هداج يامبرهج كبـود الظوامـي =راشد لانشـت عيـون الثمايـل
مثل السفير لحرب و إلا المحامي =مع جرة الفرسان خيـر الدلايـل
ياحارس المرمى بعيد المرامـي = ما للثقايـل غيـر راع الثقايـل
و ماقل دل و رغبتي و أنسجامي = تفوق الحربـي بكـل الوسايـل

الشاعر/ زيد بن مبشر الحصني الحربي
منقول

و ماقل دل و رغبتي و أنسجامي=تفوق الحربـي بكـل الوسايـل