من اليمامه قم تولّم يا نديب = الله يفكك من عراقيل السفر
من فوق جيب(ن) من بلاده توْ جيب = من طبته للمملكه ما له شهر
اليا مشيت العصر مع ستر الحبيب= قبل تغيب الشمس وأنته بالحفر
ملفاك بيت(ن) للبعيد وللقريب= مشرّع(ن) بابه على طول الدهر
راعيه رجال(ن) عضب واسمه عضيب= اللي على الناموس والطيب اشتهر
ما هو كبير وشاربه مليان شيب= من كثر صكات الدهر ما هو كبر
مشيّبه كثر المصالا للهيب= والحمس فوق الجمر الأشقر والسهر
على دلال(ن) وزنهن نثر السريب= غثو(ن) على مقلع شجرة(ن) في مقر
وشيل الصواني في كبيرات العصيب= اللي مكبر وزنهن قطف الزهر
وتذويبة الحجه على راس الطليب = يالين يسقيه المراره والكدر
وبالشعر ما ينحاه من ينحا الشعيب= اليا تقضقض من علوه وانحدر
متوسقه مزن (ن) يصب الما صبيب= سيله يحوّل في جلاميد الصخر
اليا وصلته قول يا سقم الحريب= يا عضيب يا ساس الحميا والظفر
أنت وسبيل ابن سند وبن شبيب= مثل السيوف اللي يشقن النحر
كل(ن) من النوماس حاز أكبر نصيب = وقف بميقاف الشجاعه وانتصر
مثل مواقف مروية حد الذريب= شيخان حرب اللي يقودون الجبر
سواقة العطفه على الجمع المريب= لباسة الماهود والجوخ الحمر
على المهار اللي يموحنّ السبيب = ما يورحون الموت من زود الدجر
أخوان نوره فوق عجلات الهذيب= على ضحاياهم يسمّن الديَر
صويبهم لو عاش مده ما يطيب= الموت ما له عن ملاقاته مفر
صوابهم يطغى على طب الطبيب= مثل السرطان الخبيث اليا انتشر
وابن نحيت اليا عوا ذيب(ن) لذيب= ما ينهزم جمع الحروب اليا حضر
مقدم بني سالم هل الأصل العريب= دفانة الركبه على خط الخطر
وأخوان حسنا ويش اخلي ويش اجيب= خصيمهم عينه يلاطفها السهر
اليا صاح أبو جلال بالصوت الصليب= الخيل من وجهه تفر اليا زجر
اليا طاش مثل الهايج اللي له لسيب= ترجف قلوب الزمل منه اليا هدر
ولو أذكر الباقين طاروقي يشيب= مير السموحه يا حميدين السيَر
والصدق يا اكرام اللحى ما هو بعيب= مثل النهار اللي يمد به النظر
الشاعر اللي له مواقف والأديب= سيف (ن) اليا ماحد صدّى واندثر
بعض الرجال بماقفه مشعوف طيب= عند اللزوم يطش عمره بالبحر
اليا دعيته للمواقف يستجيب= يجيك ويجيب الجواهر والدرر
وبعض الرجال يجيبه الحق المصيب= يقضي اللزوم ولا يوطيها الوعر
وبعض الرجال يهيّب اللي ما يهيب= بس يتلوى مثل قصاص الاثر
أثر ذهيب(ن) مختلط له مع ذهيب= في وادي(ن) مليان رتاج وشجر
وبعض الرجال يحيّر القلب اللبيب= متقلب(ن) يمشي على بطن وظهر
وسوالفه مثل السراب مع الجذيب= يملا لك القيعه مياه بلا مطر
ويملا لك الطاسه من الحايل حليب= ويحط بيديك الثريا والقمر
ورشاه ما يطلعك من بطن القليب= لو هو بجنبك قال بقريح وصقر
وقت الرخا قدام وجهك ما يغيب= ووقت القسا ما عنه رداد الخبر
وبعض الرجال مرافقه صعب وتعيب= مثل السلاح اللي يعامل في حذر
ندرى شعوره مثل ما ندرى الغريب= ودري القزاز اللي اليا طاح انكسر
والناس مختلفين وارضاهم صعيب= وهذا هو المعروف عن طبع البشر

[table1="width:95%;"]

وتذويـبـة الحـجـه عـلـى راس الطلـيـب
يـالـيــن يـسـقـيـه الــمــراره والــكــدر
وبالشعـر مـا ينحـاه مـن ينحـا الشعيـب
الـيـا تقضـقـض مــن عـلـوه وانـحــدر
متوسقه مـزن (ن) يصـب المـا صبيـب
سيـلـه يـحـوّل فــي جـلامـيـد الـصـخـر
اليـا وصلـتـه قــول يــا سـقـم الحـريـب
يـا عضيـب يـا سـاس الحمـيـا والظـفـر
صدقت يابن زويبن نعم ابياته يجعل خصمه يرتدع ويخاف وهذا ماحصل لكديميس عندما ردعه عضيب راح واشتكى

نعم هو راعي الحجه القويه والمهلكه لخصمه حتى يذوق النكد والمراره وهذا ماحصل لكديميس
نعم صدقت يابن زويبن هو ساس الفخر بربعه والحميا

ولاانسى سبيل بن سند الذى لايجحده اي احد وسمي بمدفع حرب وقصيدته المشهوره التي تعتبر المعلقه الثامنه

ومحمد بن شبيب الحداري الذي وقف دون ربعه في فترة من الزمن ودافع عن قبيلته

ولاننسى شعراء حرب الاخرين الذي لااستطيع ان اذكرهم في ردا واحد فهم كثر وان دل علي شي فانه يدل ان حرب اهل الحميا والفخر

صح السانك يامعجزة الشعراء والشعر قصيده كالجواهر والدرر

مشكور ياخوي بدر الهبيري علي هذه القصيده الجزيله

وش نقول بس
ضح لسان الشاعر
أما الشاعر الكبير / سبيل بن سند الله يرحمه فرك خشم السديري فرك

والشاعر / محمد الحداري اطال الله بعمرة ما قصر ببن معيتق وهنا الملاحظة اشوف ابن معيتق مع الحداري محد تتدخل بينهم ما هم مثل غيرهم ندلند ولا عضيب ما هو قادر يرد على القصائد قادر بس شاف الحداري قايم ما قال شيء قال والنعم يسد اللزوم

لاكن ولله الحمد عندنا شعار نفخر بهم . ولا نشكك بحد منهم, اذا قام الواحد قام بالهمة والشيء الاخر ما عمرهم جابوا طاري النساء بينهم وهذي حجة على خنيفيس دنيفيس مسحر الكلبه ولا على ما قال الشيخ الشاعر / عضيب (( لولاك ما جبناء لناس طاري باحد ابيات القصيدة ))
اما الشاعر / عضيب بن هليل اشهد انه متعب
من يستطيع ان يواجه شعراء حرب يقولي بس يعلمني
والله اتحداه ابي شعراء بقوة
محمد الحداري
عضيب بن هليل
لافي بنفجان
بنيدر بن شويمس
وغيرهم كثير
غير اللي راح وعقب قصيدة سبيل بن سند
اللي سمعها
الاصقه
وقراها الاطرم
بيض الله وجيهم ويستاهلون الطيب الازرق والشحم وفنجان يشوقكك صبوبة

المشاركة الأصلية كتبت بواسطة والم (المشاركة 506402) صح السان الشاعر الكبير ابن زويبن الحقيقه ما قصر ويستاهل الشعراء الذين امتدحهم تصرف في حكمه فائقه عند هذا الموضوع لا اعلم لماذا الاخوان غيروا العنوان اتذكر العنوان كان به اسم سبيل بن سند سبيل هو عنوان الفروسيه والشعر والحموه عن القبيله العنوان هو المكان الصحيح ولكن وضع اسمه با العنوان ومن ثم ازالته مع انه مذكور با القصيده هذا تصرف غير مسؤل اذا لم يكن سبيل بن سند عنوان للحموه والتضيحه من يكون اذا ونعم بشعراءنا الذين دافعوا عن القبيله جميعهم ضحوا ودافعوا ولكن اذا هناك تباين با المواقف فلم يقف موقف بن سند احد

المشاركة الأصلية كتبت بواسطة نداء الغيداني (المشاركة 503293) صح لسان الشاعر العملاق عبدالله بن زويبن فهو شاعر فعلا معجزه وكثيرا من الشعار العمالقه امثال عبدالله بن عون وسلطان الهاجري وغيرهم قد اشادوا بعبقرية هذا الشاعر وتمنوا ان تكون ولو بعض قصائده لهم 00ومن ضمن الاعجاز بشعر عبدالله انه كل ماطالت القصيده تتضح بها القوة من جميع النواحي عكس جميع الشعار كالمعروف كل ماتطول القصيده تضعف00 شكرا على نقل هذه العملاقه ويستاهلون العمالقه الذين تطرق لهم الشاعر في قصيدته الله يبقي الحي ويغفر للميت00 تحيتي وتقديري 00بانتظار جديدك00

ملفـاك بيـت(ن) للبعيـد وللقريـب=مشرّع(ن) بابه علـى طـول الدهـر
راعيه رجال(ن) عضب واسمه عضيب=اللي على الناموس والطيـب اشتهـر
ما هو كبير وشاربـه مليـان شيـب=من كثر صكات الدهر مـا هـو كبـر
مشيّبـه كثـر المـصـالا للهيــب=والحمس فوق الجمر الأشقر والسهـر
على دلال(ن) وزنهن نثـر السريـب=غثو(ن) على مقلع شجرة(ن) في مقر
وشيل الصواني في كبيرات العصيـب=اللي مكبـر وزنهـن قطـف الزهـر
وتذويبة الحجه علـى راس الطليـب=ياليـن يسقيـه المـراره والـكـدر
وبالشعر ما ينحاه من ينحا الشعيـب=اليا تقضقـض مـن علـوه وانحـدر
متوسقه مزن (ن) يصب الما صبيـب=سيله يحـوّل فـي جلاميـد الصخـر
اليا وصلته قول يـا سقـم الحريـب=يا عضيب يا ساس الحميـا والظفـر

الشاعر المعجزه عبد الله زويبن المعمري

لله درك لله درك لله درك وصح لسانك وبيض الله وجهك

يستاهل الشاعر المدمر عضيب بن هليل العلوي كل مايقال فيه ولو كتبنا دواوين ما اوفيناه هو وابن سند والحداري

يحق لنا ان نفتخر بشعرائنا وموافقهم المشرفه


لاهنت شلعرنا القدير
يابدر الهبيري