السلام عليكم ورحمة الله وبركاته
اخواني في ملتقى حرب ابداء معكم مشاركاتي آملاً أن افيد واستفيد
مع تحيتي وتقديري للجميع

كسب الفتى طيب أفعاله = اللي بها ينتهج له درب
وانا كسبته من رجاله = وافخر لأني فتى من حرب

نسيان ذكراك شي محال = عكس الذي كان في ظنوني
بالرغم مرت سنين طوال = صورتك ماتفارق عيوني

الحرف الهادي=
اللي إنغدر من مودينُه = وماتت معه أجمل الأحلام
يبكي على ماضي سنينُه = اللي قضاها صفا وليام
السينات=
ما اظنهم من محبينه=لأن غدر الاحبة سام
والراي إنسى عناوينه= وانظر الى قادم الايام

خُذني عن عيون كل الناس = ياغاية طموح أحلامي
اُسكب سنين الغرام في كاس = وإروي عطش قلبي الضامي

ليث الوغا مايهاب الحرب = لو شنها إعداه مجتمعين
يضرب أعاديه شرق وغرب = ويقضي عليهم بغمضة عين

الحرف الهادي=
جيت أكتسب درس فاْلابداع=وأقــــري ســلامـــي وتـثـمـيـنُـه
لـلــي بـــلا شـــك حـرفــه ذاع=مـــن واقــــع إبــــداع قـاريـنُــه
سالم البشري=
ياهادي الحرف والإيقاع=ترحيب والطيب حاسينه
كل الجماهيـر بالإجمـاع=تنـظـر لـذوقـك وباغـيـنـه
الحرف الهادي=
طبق الذي يطرق الاسماع=هـــذا الادب مـنــك هـاقـيـنـه
أغـرى معـي قلبـي الطـمَّـاع=فـيـكـم ولا خــــاب تخـمـيـنـه
سالم البشري=
تسلم لنـا والوفـا ماضـاع=وانتـه مــن الـلـي موفيـنـه
اللـيـل كـــلٍ يـبــا الإمـتــاع=عذب المثل منك محرينه
الحرف الهادي=
اللي سكـن داخـل الأضـلاع=عـلـى مــدى العـمـر مغليـنـه
دار الزمن وأخلف الأوضاع=بــخـــلاف رغــبـــة مــوديــنــه
سالم البشري=
ان كـان باقـي أمــل لـسـاع=يــبــلــغ مــــــرادك مـحـبـيـنــه
حث العزم وامش بالإسراع=والمـجـتـهـد ربــنـــا يـعـيـنــه
الحرف الهادي=
كيف احميَ الود من أطماع=تـسـكــن ضـمـايــر مـعـاديـنـه
الـلــي لـهــم فالمـكـايـد بــــاع=وفـي قلوبهـم شــي مخفيـنـه
سالم البشريالمردود الاخير=
خل الحذر والعيون وسـاع=مـــــادام بـالـكــيــد نــاويــنــه
ادراه بـــالـــذوق والاقـــنــــاع=والــفــن حــصّــن مـيـاديـنــه
وان كان ودك اصيل طباع=معـاك ماتمـوت فــي عيـنـه
لـو حاولـوا فيـه ماينـصـاع=مـايـخـلــفــولــه مـــوازيـــنــــه
يا صحابنا سامحونا=

إرحم عذاب إنتظار موِد = وقدر مدى لهفة المشتاق
قدام لا تلغي الموعِد = وتتركه في لهيب أشواق

قد ايش واحلف جفونك = تغمض وتخفي سحر عينيك
من خوف لا ناظر عيونك = وتصبح حياتي بملك إيديك

عِز النفوس العظيمة شي = ما يوصله حد تفكيرك
وعاهدتها طول ماني حي = ما يذلها إنتا ولا غيرك

إرحل وخلي لي ألألام = وتذكار قلبي معك هاتُه
ياحب عِشته على أوهام = أبكى ندم كل لحضاتُه

لك منزلة فالحشى وحدك = ما يوم بُعدك بها أثر
بالعكس أصبح معي ودك = مثل الذي تذكرة وأكثر

وش ظنك اليوم ميقافي = ياللي تغير زمانك فيك
أصفح عن الظلم وآصافي = ولا أحاسبك عن ماضيك

جرب عذاب الذي حبك = وأخلص فحبه لجل يرضيك
ذوق الألم كيف في قلبك = يامن تكبرت في ماضيك

الحرف الهادي=
يامن أدب حرفك الراقـي = زوٌد رصيدك من الجمهور
أهديك من داخل أعماقـي = سلام في أول المنشـور
أسير الغرام=
تقصر عن حروفك آفاقي = يامن بحرفك يشع النور
يا مرحبا حان مشراقـي = والقلب أعلن لقاك سرور
الحرف الهادي=
الطيب بالطيـب متلاقـي = هذا العهد فيك والمخبـور
مخصوص جيتك باْوراقـي = لاجلك في رصد المثل دكتور
أسير الغرام=
طيبك ثمر أصلك الناقي = لا هو مزيّف ولا مبتور
ولا بان ما فالمثل باقي = من طالعه نجعله مقفور
الحرف الهادي=
تحطمـت هقـوة الهـاقـي = فاللي على الطيب صار يجور
وآنا جعلتـه مـن ارفاقـي =وبنيت له فالفـؤاد قصـور
أسير الغرام=
يمكن سبب عنـك متّاقـي = جعل ردود الوفا محـذور
ابحث عنه بمنهج إلحاقـي = لا تصير في دائرة محصور
الحرف الهادي=
لو كنـت تشعـر بضياقـي = ماتقول يمكن ترى معـذور
اللي معـه صنـت ميثاقـي = وهو استمع من شهود الزور
أسير الغرام=
قلبي معك معلن اشفاقـي = ويلزمك تسعى بدون قصور
مسعاك يكشف له التاقـي = واللي افتراه الشهود يبور
الحرف الهادي =
ما فاد طيبي وأخلاقـي = ولا العتب فاد فالمغرور
كاس الأسى صبه الساقى = للي سقاه الوفا مكثـور
أسير الغرام=
ماني على المسألـة مواقـي = لكن حسب ما اتضح في سطور
هاك الحكم رصد فـي سياقـي = وأيضا برأيـي عليـك أشـور
ما كـل هقـوى لـك واقـي = على حسب .. والزمان يـدور
ولا كـل مخيـلـة وبـرّاقـي = منهـا مـآل الحيـا ممطـور
ولا ينتـج الـزارع الشاقـي = إن كان زرعه فـأرض البـور
إن كنـت مازلـت مشفـاقـي = لجله وقلبـك معـه مأسـور
اصبر وصبـرك بـه تلاقـي = نتيجتـه للوصـال جـسـور
وان دام للظـلـم تـوّاقــي = اقنع عنـه واجعلـه مدحـور
ويـا أصحابنـا سامحونـاااا =

عِزاه ياقلب آماله = خابت مع اللي بُه الآمال
لما لنا بانت أفعاله = بخلاف ما كانت ألأقوال

يدك بيدي نعيد العهد = ونتجاوز أخطاء ماضينا
حرام نهدم هذاك الود = اللي بنيناه بيدينا

خذني من الواقع المؤلِم = ياحلم ذاك الغرام العذب
بعدك أنا في نفق مُظلِم = من أوله للنهاية كذب

هاذي حياتي فِدا عينك = خذها وسامح على التقصير
ياغارس الود بيدينك = في قلب قبلك حياته غير

.





.





.


الاخوة القائمين على المنتدى من ادارة ومستشارين واعضاء

استودعكم الله على أمل لقائي بكم مستقبلاً إذا اراد الله ارجو أن لا يكون قد صدر مني

ما يسيء لأي احد كان وسامحوني على تقصيري في الدخول على الكثير من المشاركات الرائعة بسبب

محدودية دخولي المنتدى وإنشغالي الدائم

اودعكم بهذه الكسرة متمنياً أن تكون فالمستوى المأمول

دمتم بود

أحفظ كلام الهوى بالحرف = واردده خوف لا أنساه
لكن إذا الطرف شاف الطرف = يصحاب ضاع الكلام وتاه

توك تذكرت من صانك = وتذرف دموعك على مافات
بعد إنهدم كل بنيانك = وذاك الهوى في فؤادي مات

%%%%%%%%%%%%%%





%%%%%%%





%%%%

لو شفتني كيف مشتاقك = واداري الشوق واناديك
تعرف مدى قسوة فراقك = اللي أثرها على مغليك

((((((((((((((((((((((((((((((





))))))))))))))))




(((((

أهون البُعد في عيونك = وانا من البُعد أبكي دم
من خوف لا عيونك تخونك = وتصبِح ألآم الفراق أعظم

%%%%%%%%%%%





%%%%%




%%

أللي تناسى مواقفنا = أيام ذيك الليالي السود
ماكٍنُه اليوم يعرفنا = رغم المواقف عليها شهود

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




؟؟؟؟؟؟؟؟؟؟؟؟؟؟؟؟؟




!!!!!!!!!!!!!

كيف الجروح العظيمة تطيب = وآصْبٍره قلبي المنصاب
لما معي فالزمان يخيب = الظن في أقرب الأصحاب

*************




******




**

حنين قلبي طويته طي = وداريت بركان أشواقي
واليوم ميت فصورة حي = من ثورة الشوق فاْعماقي

&&&&&&&&&&&&&&&&



&&&&&&&&



&&&&

محسب فراق الإحبه سم = حتى تجرعت من كاسه
دمعي تحول عليهم دم = وقلبي فقد كل إحساسه

************************




*********




***

تعمد الود يجرحني = في لحضة وداع طرف لطرف
وحرض الدمع يفضحني = ويظهِر خفوقي بموقف ضعف

.................................




.............




...

ليتك تذكرت ذاك العهد = وصُنته مثل ما أنا صُنته
قدام تهدم جسور الود = ياللي بسهولة كذا خُنته

مادام فرصة لُقانا جات = وضيعتها من ايادينا
خُذ من دموع الفراق إثبات = يشفي غليل العِدا فينا

الحرف الهادي=
لك في حنايا الفؤاد قصور = بصدق المودات بانيها
هذا ولك الله تراه قصور = مهما أعلي مبانيها
حرب=
سلمت يالشاعر المشهور=دايم مواقفك حاميها
بشرواك قصر الادب معمور=هذي حقيقه مانخفيها
وليف الشوق=
ترحيب كل مايفج النور = يزيد لرجال نوفيها
ياساس بالطيبه مخبور = الاوله دوم راعيها
بخيتان البشري=
راعي وفا ياحكيم الشور = من ساس الامجاد قانيها
مقداركم حافظته صدور = يارجال بالحيل نغليها

الـحــرف الــهــادي=
تجسـدت للوفـاء صـوره=فيها جميع الحضور اخـوان
ماهي على شيء مقصـوره=طيب وأدب والكرم عنـوان
الــســيـــنـــات=
الله علـى قلـوب مغمـورة=طيب وْوفا فالعيـون يبـان
ونفوس حلـوة ومسـرورة=على الصفا والنَّقـا برهـان
الــمــخــتــلــف=
ديـارهـم دوم معـمـوره=لكـل القريبيـن والضيفـان
ماهي على البعض محصوره=ورثه من السـاس للبنيـان
مــــن الـمـاضــي=
أنفس على الجود مفطـورة=عطاءهـا كالمطـر لاحـان
وقلوب بالطيـب مأسـورة=تحمل لها الشكر والعرفـان
الـــــرايــــــس=
ماهـى غريبـه ومنكـوره=دايـم لهـم ترجـح الأوزان
لهـم مواقيـف مخـبـوره=اهل كرم من قديـم ازمـان
ولــيــف الــشــوق=
على الوعد جات مشكـوره=خطوه عزيزه من الصدقـان
دايم علـى العـز مخبـوره=ترجح بهـا كفـة الميـزان
حـفـيـدالـحـجـيــري=
بعـداد مـا رتلـت سـوره=شكرًا جزيلا لكم يا أخـوان
ليلـه مـن ليـال مأثـوره=تبقى ، وتأبى على النسيـان
ولــيــف الـطـيــر=
ياحرف عطّـرت منشـورة=فيك الوفـا نابـع الوجـدان
على الوفـاء دوم معمـورة=ما بيننـا يارفيـع الشـان
ســرورالــبــشــري=
مشـرّف الكـل بحضـوره=من حرب وارحامنا الجهنان
وجبالهـا الشّـم مشهـوره=رضوى واخوها الجبل ورقان
الـــــريــــــس=
عيني بما شفـت مبهـوره=من روعة المنظـر الفتـان
جمعه بها النفس مسـروره=يازينهـا لمـة الصـدقـان
راع الـــــبـــــل=
القلب عبـر عـن شعـوره=وصاغ العبـارات والألحـان
لرجال بالطيـب مشهـوره=متوارثينـه مـن الـجـدان
بخـيـتـان الـبـشــري=
اهل المواجيـب مخشـوره=مابينهـا تشـرع البيبـان
على الوفا الكـل لـه دوره=من حرب والا من الجهنـان
ابـــــو فـــــرح=
حروف الابـداع مسطـوره=يامترجميـن الغـلا الحـان
نفخر بها رجـال مذكـوره=تاريخهـا للكـرم عـنـوان
ابن عباس اليوبي=
حياك ياموضح الصوره=والطيب لهل الوفا دكان
شرح الوفابان فصطوره=سجّل وثيقه بها استبيان

........................................





.....................




.......

أنثر بذور الأمل فيهم = واقول بكره الوفا يثمَر
اليوم وش عاد يعفيهم = وبكره وبعده وبعده مَر

......






.....





.....

مافيه أعظم من الأشواق = في قلوب عانت مآسي البعد
لأنها نار ماتنطاق = كل يوم يوقد عليها الود

شديتني بصدق أهاتك = ورجعتني لعالم الأحزان
يامن بلا قصد كلماتك = في داخلي أشعلت نيران
دمعي تخالط بدمعاتك = وترجم إحساس فالوجدان
تجسدت فيه مأساتك = وتحطمت صخرة النسيان

جاني خبر شبة البنزين = وأقلق خفوق الذي مغليك
ياتاج راسي ونور العين = ياليتها فيَْ ماهي فيك

++++++++++++++++++++++++





+++++++++++




=====

لا تصدق فيوم تهديدي = إني على مفارقك ناوي
كيف أكتب نهايتي بيدي = وبُعدك مع الموت متساوي