على المزاج اللي مخالف مزاجي = كتبت ياغازي ابرضي مزاجة
على صدى صوت(ن)ملاقي رواجي= هذاصدى صوتي بحزة رواجة
قولي قبل تقراة عارف خراجي= ماني شبية اللي مضيع خراجة
خوذ الحقايق دام طال اللجاجي = وعندي شهود تكف عني لجاجة
اروف ياغازي بوارد هماجي = وردتة زلال(ن)وعاد لهماجة
وش هي مصاليحي بعدلت عواجي= الا السنع للي تبين اعواجة
ناديت مخلص لة وشيد سياجي = وخليتة لوقت(ن)يحطم سياجة
مشيد(ن)سورة وبيتة زجاجي = ولاتثبت القوة بكسر الزجاجة
خاطبتة بنصح(ن)وحكمة مناجي=وعودلي بطيشن وسقم ورجاجة
نبهتة لقول(ن)نطق بة سماجي=وخاطبني بقول(ن)جميعة سماجة
مايوسع افكارة طريق ازدواجي= يضيق بة درب(ن)وسيع ازدراجة
لو ان لي عنها فجوج(ن)فجاجي=ماهمني قول(ن)مخالط هماجة
اخاف حكم غياب يصبح علاجي= بحضروري المنجوم يدرك علاجة
سكتت متفرج ومطلق حجاجي= سطر(ن)يكفي بة يعققد حجاجة
وشرحتها شرح(ن)مبعثرعفاجي=مدامها جت لي بصيغة أعفاجة
والا انت ياغازي على الراس تاجي=تكرم عن اللي ضيع الطيش تاجة