|
ديوان الشاعر/بدر بن عواد الحويفي الحربي
اللي فقدنا من نبات ونواوير=ماهو على المولى صعيب رجوعه الله من قلب هجوسه طوابير=ميعادهن بين العتيم وهجوعه قالوا تفكر قلت عندي تفاكير=أشوف شئ من خطانا وقوعه قلت الحقيقة يالوجيه المسافير=قلبي ليان وشاف شئ يروعه شفت الجفاف مكسر القشع تكسير=والنفس ماهي من قضاء الله جزوعه وادي الرمة جوه عجاج ومعاصير=يبست جراجيبه وماتت قشوعه حمضه عليه من السوافي عثامير=يا بعث الأموات تبعث جذوعه مدهل مجاهيم تلاد ومغاتير=وحمر مرابيها هدايد افروعه يوم الوسوم تنثر الوسم تنثير=والعشب ينبت ماتكامل اسبوعه ويوم القلوب نظاف مايقف الخير=يطيح وسم ولا تقطع تبوعه واليوم وبل الغيث مثل الطباشير=قامت تلوث بالمناقع انقوعه الشكوى لله صار بالجو تغيير=دايم كتام وغير الجو نوعه واصل الخطا منا تهاون وتقصير=قليل من يحسن لربه ركوعه نشقى ورى الدنيا وهي مابها خير=والموت يدني للنفوس البشوعه وعند المحاسب ماتفيد المعاذير=ينشف جما العاصي وتطفي شموعه واللي غناته سحت وموال تزوير=له ساعة ماذاق حلوه يزوعه يدري بها لودعوه الحفافير=والقبر ضكه مع محاني ضلوعه في ساعة مابه تقدم وتأخير=يفقد بها الرحال مجالس ربوعه وعن ماعمل ماله مفر ومعابير=ما ينفعه جمعه وهيبة جموعه قدامه الجنة وقدمه زمهرير=والله يعلم وين يكتب نجوعه يارب تهدينا على حسن تدبير=نطلب عظيم الشان خوفه وطوعه يالله يارازق عوج المناقير=ياكافل رزق النفوس القنوعه يامن بتقديره تكون المقادير=ياسمع الداعي وخالق سموعه تزيل شدات السنين المعاسير=يامن لك المسلم يوجه خشوعه تمدنا يارب رحمه وتيسير=غيث يعم المملكة في نفوعه يارب من قل المطر نشفت البير=نشف الثرى والدرع ماتت زروعه ومات الخشاش وضاق في عشه الطير=يشكي على رب السموات جوعه والبل مصارفها نخاله وشعير=واحوارها بالشبك تذرف دموعه مثل السجين يلوح بين المواصير=والا البهايم للمقدر خضوعه حاطت عليه اذنوب ناس مباصير=حاله صخيف وحنة أمه تلوعه ذنب الأوادم له عواقب وتأثير=والعمر فترة والحياة مخدوعه وحنا بشر مالله خلقنا تصاوير=واللي يخاف الله يطبق شروعه والله محذرنا عن الكذب تحذير=والحسد والغيبة وكبر وميوعه |
والله يالولا غايتي ما انقل الطير=مانقل على كفي خفوق الجناحي أبي اليا فزت تقل شعف معصير=وقفت تعقد مع سهال فياحي ليا تلني واقفى يخطرف له السير=جايع وحاديه والزعل من صياحي لا طقها بالصايدين المواخير=طاحت تدوس ونجم الطير صاحي وليا حصل جول رتوع ومخامير=في ماقع عن نشر الأدباش زاحي وتركزن له تقل شول معاشير=وغزن غلبهن عقب ماهن مطاحي منهن علق باللي مثل بكرة الظير=ونكد عليهن عقب ماهن ضواحي وجيته يمزرها على القاع تمزير=يشلق معلق ثديها بالجناحي هذيك والله منوتي يالمناعير=ان كان انا مجنون وان كنت صاحي وكل برايه له تصرف وتدبير=ولأحد على الدنيا جلس واستراحي وأرزاق خلق الله وهايب وتقدير=ورزقي على مجرري هبوب الرياحي ولا ينقص الرجال كثر المخاسير=لصار دون الوجه ماهي سفاحي والقل ماعذرب رجال بهم خير=والمال ماعز الرجال الشحاحي مار اتركوني يالوجيه المسافير=هذا الذي وافق عليه اقتراحي |
ياللي طلبتم نبذة من قصيدي=عن واقع المفعول لا أنقص ولا ازيد انا غرامي وانبساطي وعيدي=تفريعة القرناس بأرض بها صيد لا شطب الصيحان روس الزبيدي=والعشب جاله بالمثاني عناقيد والبدو مايبدي لهم بالشديدي=تسعين ليلة ماحكوا بالمواريد ضيق بهم در الغنم والجميدي=مايشربون إلا حليب المجاديد والبل وبرها طار وأبدل جديدي=وردوم على الفاطر سوات المجاليد من فضل ربي كل يوم تزيدي= قامت عشايرها تسن المفاريد والفجر تسمع للطيور اتغريدي=ليل الشتاء طوله عليهن سراميد هذيك والله منوتي ياعضيدي=لا جابها الله من صدوق المواعيد ماكفه الدير لرجم المفيدي=وذوب على خشم الخدار ومشاحيد مجهود من نو الجبه السديدي=وحصل لها قبل العقارب تماديد غثوه على روس الشجر والهضيدي=وساق وتساقي للنفود وتخاديد وفيض على فيحان ريف البعيدي=نبي لنا بشعاف لوقه مطاريد على اسوق مقربات البعيد=من فوقهن يازين مزح الأواليد لا فرع النادر وطلعه وكيدي=وحول على جول الحبارى تقل حيد وسلط على الخرب النشيط العنيدي=حاسه وداسه والحباري ملابيد يقضي بها الصقار يوم جديدي=في ساعة مابه وجيه مقاريد هذا هوى بالي وهذا رصيدي=سوق النظر بين السهال الجراهيد لوكان من طرد الولع مستفيدي=فتق بقلبي واعذروا يا الأجاويد نومي تحت طل النجوم الجليدي=عن كنب ومنجد زل تنجيد لو لامني خطوا الغشيم البليدي=طرد الولع مابه عليه مناقيد وشف الفياض المخضره يالحميدي=وشمة ذعاذيع الهوى عندنا عيد وللكيف ذوق ولاستماع النشيدي=لا قلطوا رسلان والا بغاديد ثنتين هيل وثالثتهن عويدي=وكل على ماتطلب النفس وتريد وقدوعهن من طلع هدب الجريدي=احسن نمونه من نما شرع الغيد وسوالف ماقيل فيها جحيدي=بالصيد لا نمة ولا هي هرابيد ساعات نقضيها ويوم سعيدي=ولادامت الدنيا لعامر وابا زيد الدايم الله والفنا للعبيدي=والرزق عند منزل الدر بالديد محي الهشيم اللي عروقه هميدي=رزاق ماتحت الصخور الجلاميد والله يدبرنا على مايريدي=وصلوا على اللي وحد الدين توحيد |
ارسلتلي خط كتبته بيمناي=سلام وجه من من صديق لصديقه ملفاه نايف طيب العرف والراي=اللي هناديب الشكاله طريقة عد الروا ماهو ضحاضيح رواي=شط الفرات اللي اغروقه عميقه ليا قرأ خطي وبرق بدعواي=ملزوم يرقا بالطويل ويويقه حيث أن قلبه بالمراقيب شقاي=نايف وله بالنايفات اتعليقه ياللي لصلفات المعاشيرحماي=لانشف من بين الشفاتين ريقه أنا صويب وناقل داي برداي=قلبي غداء من مابجاشي حريقه واللي ذبحني واحد من دناياي=والصبر والله يابن عايد ماطيقه يوم استتم وجاء على الكيف ومناي=صالف ولاوافق طريقي طريقه ارهيت به واقبل على الجم مدلاي=وتقطعت منه الحبال الوثيقه يوم اقتعدت وللهدف زان مرماي=عودت يانايف خفيف العليقه واليوم وش رايك لياصرت شكاي=عطني مساندة الرفيق لرفيقه ودي تباصرني وقل لابت غزاي=بالليل تنحاني عن النوم ضيقه اما عذلوني وقنع النفس بغضاي=والاترجا والطلب في لحيقه شكيت يوم الغلاء جاب قصاي=ماخوذ مالي منيفك الوسيقه |
يوم المولع واق في راس شمحاط=حول علينا من جبل طي بمقوط حاديه من حب العماهيج مخباط=اللي بحرهن للعشاشيق زاروط اللي نباهن للمعاليق معاط=ونظراتهن ترسل عباريد ومشوط صبن علىقلب الرديعان زقلاط=ودارت به المكره علىسير مشحوط واسند علي ابيات جزلات ونشاط=مثل الذهب واحد وعشرين مشروط عملة ذهب ماهي دنانير وانواط=من شاعرآ ماهو بالامثال خربوط وسكر على الطاروق ضبه وصقاط=حيل الله اقوى كيف باحتال وانوط حي الجواب اللي محنط تحناط=جاءمن ابراهيم الرديعان مصفوط هدف وتهديفه طريقة تشطاط=واللي عطاه الراى رجال مضبوط خطط له الخطة من الناس خطاط=قصده يسدد كل الانفاق ويحوط وافق وركز له قريحة بحرف اط=وشاور شويره واستساره وقال أوط وطاعه برايه ونتهت سبع الاشواط= واشر عليه باصبعه باخر الشوط وارعد وجا سيله مع الحزم جلاط=وفاضت معابيره على خبت وشطوط الله يكافينا كفاحه ليا شاط=وقعه برد ماهو من السطح ناقوط لقط عناقيد القريحه تلقاط=وخلى غصون من الورق بيض وملوط واخذت مع دربه على الشوف مشواط=عساي احوز ارضاه ويكون مبصوط ونا معه جندي وهو صف ضباط=تحت الاوامر لو حصل ضغط وضغوط مادامها لعبة حويلا ومزقاط=ماني مع الصاحب قصاوي ولابوط مهما حصل من بيننا مزح وأغلاط=الحبل ماهو بين الاصحاب ممغوط وان جت علوم ماتلفز بالاضباط=على بحر ماني علىجال حابوط لاعط لاصوات العماليق عطاط=اعرف جواب اللي عليه ضرب شوط ماني من اللي ينطمع به وينهاط=وصفة علاجي للطماميع حانوط ولاقول انا فارع طويلين الاشواط=ببحور فيمان الشواعير ماحوط وان جنبتني ماتورط توراط=مالي بوضع الناس قارط ومقروط عنها أبتعد بعد الجزائر عن أرهاط=ماني مثير اسباب ومعقد أخيوط هذا وأبأرسل للرديعان خياط=يخيط قلب من قسى الحب مشعوط العاشق اللي في بحور الهوى غاط=قلبه ليان ومن كراسيه ممعوط شايب وقلبه بالولع سلك مغاط=من شوط تيار الغناديرمشلوط وعشقه خطا الله لايصلط تصلاط=كيف الغناوي حالته حال مزنوط مادام له ملفا ومثبا ومقلاط=عبيرنجدوعنبر الشام مخلوط يلعب على حبلين وافراش واصماط=كلش جديد ولا بهن همل وأصفوط ثنتين عنده يعملن كحل وأمشاط=عفايفن مالامحن كل شمحوط لو يسمعنه ولعن فيه شخاط=وتناوبنه بينهن قرص وعروط قامن عليه وشلطنه تشلاط=ياشينهن عند الزعل موطهن موط وعيالهن معهن بعصيان وأسواط=حتى الصغير اللي على الديد زعطوط وقالن توقع لاتخبط تخباط=مأنته وغد رأسك من الشيب مشموط يابو حمد بالك تفرط تفراط=أقنع برزقك وأنت رجال مغبوط خل الهوى للي يفحط تفحاط=يطيح مع دربه كفرات وجنوط حذف الحصى قفوه تقل حذف نباط=ومن الحيا وجهه مجرد ومقشوط اللي ليامنه شبع بالهوى شاط=عشقه مع الحارات لفات وفحوط عشقه خيال وفيه رجه وخراط=عقله نمط سيكل مسامير وبلوط لويازونه مازون ربع قيراط=مثل الذي ريشه به أرناق ونقوط اللي على روس المراقيب نغاط=يطير ويوقع على رأس زربوط وألا أنت صاحب عرف راوي وفقاط=سباح ببحور العماليق وتغوط مأنته وغد تعطأ حلاوه وشقلاط=العرف له عندك مطارات وهبوط بالعرف لك قيمة وبالشعر عملاط=وبالطيب مناهجك بالأمجاد مربوط شاعر وعندك ذوق لأشعار الأنباط=لاتختبرني مع ملفات وخطوط خل السوالف بيننا بصط وأبصاط=العقل كنز وذارف الحب ملقوط والناس كل له محيط به أمحاط=المتزن واللي من العقل مفروط وترى الثقه بالنفس من خير الاشراط=وكل حسابه في سجله ومفقوط |
سمعت لي كلمه وانا رجل حساس=كلمة شجيع لسان فارس حكايا ووجهت له كلمه بها سم نداس=اشتالها بين الضلوع الحنايا عن لابةبأفعالها ترفع الراس=دنيا ودين ومعجزات ومزايا حربي ولي من فهرس المجد نبراس=وسلوم من خيرة سلوم النحايا رغمن على اللي مايبينا من الناس=ضعاف العقول اللي جداهم زرايا كذبان خلق الله بلاعيم الانجاس=اللي بهم تحت الملابس كوايا مامجدنا حبر مزيف بقرطاس=تمليه رغبات النفوس الغبايا يوم اليدين تمد وتحد الاضراس=نرد مردود البراء للبرايا تشهد لنا عوص النجايب والافراس=وشلف تعلق بالخصيم الهوايا مانرمي الا لابس الدرع والطاس=اللي تذرى به خدور الشوايا وحزنا مناهل نجد بالعزم والباس=ماجاتنا بعروض مال وهدايا سقنا الشيوخ اللي على الخيل فراس=اللي يعشون السباع القوايا زحول الرجال اللي لهم بالفخر ساس=حماية الساقه سهوم المنايا على النقا يوم ان الارياق يباس=على ظهور معربات السبايا ماهي سوالف كل مبغض وهلاس=على صحون من الفواكه ملايا اليا شبع راد البخت طب ماقاس=سيفه لسانه والغماد الشفايا ما اوجس سموم ولا شكى ضيم الاتعاس=بظلال حكم محكمين القضايا اللي تفوق مجدهم كل الاجناس=بالسيف الاحدب رادعين الخطايا سواعد الاسلام قاده وحراس=ويخشىمهابتهم غشيش النوايا سادوا بحكم الله وقطاع الانفاس=اللي يخلي عظم الاعوج شظايا ملوك يفوق قياسهم كل مقياس=وعمت مكارمهم شعوب ورعايا ال السعود اللي بهم عطف واحساس=ومن محكم الفرقان معهم وصايا تخضع لهم روس بها زوم وعطاس=ونفوس من وضع العداله طنايا ولولا العداله تردع العي بركاس=تجاوز المغرور سور الحجايا الله يعز اللي للاسلام حراس=اللي على التوحيد فيهم حمايا اللي لهم في قمة المجد مجلاس=ورفرف علمهم فوق مدن وقرايا راياتهم تلفح على روس الاقواس=رمز الجلاله فوق عال البنايا قيادنا لاصار للحبل مساس=وحنا بخدمتهم جنود وسرايا |
يالله انك ترحم اللي يشتكي لك حاله=وادعه سن الشباب وعاش شايب عايش(ن) في مجتمع جيله وتقل لحاله=الهدف غير الهدف والكيف ماهو طايب والبشر كل(ن) على طبعه يحب أمثاله=سنة الدنيا وأهلها المعتدل والعايب والنهايه كل شخص(ن) مرتهن بعماله=الله أعلم في عباده والخطاء والصايب وكل شخص (ن)لآخر الدنيا يشد ارحاله=الحكيم اللي يفكر بانتظار الغايب لوتفاخر صاحب الدنيا بكثر أمواله=ماعلى الدنيا قرار وما عليها ذايب ماعلى الدنيا يزول ولا يدوم ظلاله=الحظيظ اللي عن الزله لربه تايب كل عبد (ن) لاتوفى له حسيب يساله=الجزاءنوع العمل مقبول ولا خايب هايم العقل الضعيف بغفلته واهماله=والعمل دقه وجله له رقيب ونايب كم فقيد(ن) فارق الدنيا وشوف عياله=فارق الدنيا وأهلها واحترامه سايب وين سكان الكيان وجولته وأجياله=هادم اللذات مزعهم شباب وشايب تضحك الدنيا لأهلها واسمها الختاله=الحلاوه ضدها ذوق المرار الرايب في طريق اللي تغره تنصب المحباله=ويسلم اللي من عواقبها مخيف وهايب غرت اللي في مكاسبها عرف مدخاله=متعته مرت وراحت مازهرها دايب كان مكسبها حرام احسابها غرباله=السوال اللي يوجه بانتظار الجايب والسوال احساب عن دق العمل واجلاله=وخاسر اللي باع بالدنيا ثواب(ن) ثايب |
تمرنـا الايـام مـانـدري بـهـا=لوكان هي تطـوي لنـا الاعمـار تمضي دقايـق بيـن يـوم وليلـه=وبنـودهـا للغافلـيـن اقـصـار تحكـم بنـا الغفلـه وبعـد امالنـا=ماكـن بـه جنـه ولابـه نــار تغرنـا الدنيـا وهــي غــداره=تسقـي عسـل لكـن وراه أمـرار تضحك وخافـي غيبهـا ياساتـر=تسقي من الحنظـل نكـد واكـدار نقراء ونسمـع والخطـاء ندريبـه=لكـن نحـط الواجبـات ايـسـار لـو نعتبـر بجدودنـا واسلافـنـا=غابـو وغابـت عنهـم الانظـار غابو وحنا مـع طريـق الغايـب=راح السلـف واللـي بقـا عبـار حكمـة تصاريـف الالـه بخلقـه=وأمر (ن) نفذ بالرسـل والابـرار لكـن ماكنـا نشـوف ونسـمـع=بالوعـظ والتحـذيـر والتـذكـار وهذا دليل مـن الضعـف بعقولنـا=وايامنـا تطـوي لنـا الاسـفـار لوكـان نحسـب للحيـاه الزايلـه=كـان انتبهنـا والأجـل غــدار نسمـع ولانعقـل كـلام الهـادي=ماتقـل نسمـع موعظـه وانـذار وانا ماعـم النـاس والله رقيبهـم=واجـد وجيـه الخيـر ولاخيـار لكن بعض الناس لوكـان مبصـر=يضيـع لوهـو بـأول النـهـار الآخــره ماينتـبـه لحسابـهـا=يـوم الجـوارح تنطـق الاسـرار وكل (ن) يجازى حسب وزن اعماله=مافـيـه لاحـجـه ولامـعـذار ماينفع الاهمـال قلـب (ن) قاسـي=عند النهايـه تشخـص الابصـار الله ايكافينـا حصـايـد اذنوبـنـا=وتعمـنـا بالسـتـر يـاسـتـار يالله يارحمـن تـرحـم ضعفـنـا=وانـت الالـه الـواحـد الغـفـار هذا وابنصح كـل عبـد(ن) مسلـم=في طاعـة اللـي سيـر الانهـار والكذب والغيبـه وغـش المسلـم=والكبر لـه عنـد الالـه اصغـار العز بالتقـوى وصـدق المنطـق=وتجنـب المنـقـود والاشــرار ومن لـم مـال ولاوفـا بحقوقـه=عليه صـار المـال عـار ونـار لاجـاه يومـه مايفـكـه مـالـه=يقـوم غيـره بـاجـرة القـبـار ويحصى العمل لوكان مثقـال ذره=تدويـن كاتـب ماعليـه اغـبـار وكل(ن) رصيده من حصيد أعماله=مابـه مجـال برغبتـه يخـتـار جف القلم واللي حصل من حضـه=يالعبـد ماعقـب النذيـر أغـرار طع مايقـول الله ووصابـه النبـي=عسـاك فـي الحسـاب امـجـار تمت وصلى الله على سيـد البشـر=اعداد مـن فـوق البسيطـه سـار |
قال الذي جّرب وشاف وشاهـد=وقاسى من الدنيا فرح وأحـزان خمسين عام اللي حواهن فكـري=مرن تقل ساعـه مـن الزمـان لا رتحت فيهن يوم الاخرشطـه=واليا تريـح خاطـري كسبـان اليا ذكرت أجيال ناسـن راحـو=اطوتهـم الأجــال بالأكـفـان راحوا من الدنيـا ومـن لذتهـا=واللي بقي مع دربهـم عجـلان هذا وأبا أبدى في نصيحة شايب=تهدى من الشياب إلـى الشبـان أخص من يدراء الشرف والسمعه=اللـي يجنـب سـرة السفهـان اللي علي حفظ الشرف به غيـره=ويميز الصاحي مـن الخربـان اللـي يعـز النفـس ويقدرهـا=مايندفع فـي منهـج الشيطـان يد الفرايض والحقـوق الواجبـه=اللي فرض ربي علي الانسـان ومن لاحفظ دينه ونزه عرضـه=هذاك لـو انـه بشـر حيـوان ومن احترم نفسه وضيـع دينـه=مسكين في طيش الجهل غرقـان له ساعتن لابـد تدنـي رحيلـه=ماينفعـه مالـه ولا الـخـلان ماله من الدنيـا سـواء ماقـدم=في ساعتن ياقف بهـا عريـان ان كان قدم خيـر يلقـى ثوابـه=من قدم الحسنه جـزاه احسـان وكلن رقيبـه مطلـع بأعمالـه=يبي يشاف الربـح والخسـران الله يهدينـا ويرحـم ضعفـنـا=في ساعتن ينصب بها الميـزان يحصى العمل لوكان مثقـال ذره=ويسـلـم المـديـون للـديـان وتشهد جوارحنا علـي مانعمـل=بأمرالالـه الخالـق الرحـمـان علام ماتخفي الصـدور وتبـدي=منـزل الـتـوراه والفـرقـان الله خلقنـا لـه عبيـدن نعـبـد=اللي ذكر فـي محكـم القـرآن ماهو بحاجتنـا وحنـا بحاجتـه=الله غني لاكـن بنـا لـه شـان يالعبد دامـك بالسعـه متعافـي=حاذورك التفريـط والعصيـان لاتحسب أنـك بالكيـان مخلـد=الدايـم الله ومـن عليهـا فـان مادامـت الدنيـا لحيـن قبلنـا=ويـن الأبـا والعـم والجـدان مابقـي الا أثارهـم واذكارهـم=عبره لمن عنـده فكـر وايمـان لكن وين اللـي يفكـر ويعتبـر=نشـوف مـار قلوبنـا عميـان الإ بتجميـع الحطـام الفـانـي=مثـل الذيابـه نجلتـد وذهـان وان كان ماندي زكـاة اموالنـا=بالاخره تصـرف لنـا نيـران وتدوسنـا بنحورهـا وأقدامهـا=وتعضنـا بالضـرس والنيبـان ولايسلم الا من عرف حـق الله=وأدى زكاتـه واطعـم الجيعـان ماهو ريا يرجي ثواب الهـادي=اللي فرض للدين خمس اركـان وترى الربا لوشاف راعيه زوده=من باع به من مكسبه خسـران لاجـا حسابـه مايسـره مالـه=لوهو يسيّـل بالذهـب وديـان لاصار بطنـه بالربـا متحمـل=السحت في بطنـه ربـا ديـدان وايضا البخيل بحالتـن مذمومـه=ومخاشره في رزقـه الشيطـان يلمهـا ولايـعـرف حقوقـهـا=ويموت منهـا مكسبـه حرمـان يركض بها المسكين ناشف ريقه=وينعم بها غيـر وهـو تعبـان وغير الكفن وش مكسبه من ماله=يمكن يموت من الرهق عطشـان ولا لي بطول الشرح مع خلق الله=الله رقيب الكـون واللـي كـان وأنا الحقيقه معترف بقصـوري=ماأرجـي الله وأطلـب الغفـران والله يهدينـا بهـدي الـهـادي=ويجعل لنا في طاعتـه عنـوان تمت وصلى الله علي محمدالنبي=عداد ماهز الهـوى الاغصـان |
يارجل ياللـي فـي غيابـي تكلمـت=علمك علـي بالـي ورزمـك فهمتـه ياللـي بحجـه مستحيلـه توهـمـت=حولت حظـك وسـط بيـر وهدمتـه سيلك تدفـق مـن شفـاك وتخرمـت=ليتك عن اللـي مـا استحقـه ردمتـه وأن كان هادف لك هدف يوم هاجمـت=العقـل شـوري والتزامـك بصمتـه وكان الجهل سيطـر عليـك وتقدمـت=ماظـن يثبـت قولـك اللـي زعمتـه وأن ضعت مع طيش الطواري وهايمت=بركـت للحـق المصيـب وغرمتـه غادي وخيّـل لـك خيالـك ورهمـت=وسم الحنيش لـو تلحسـه ماجغمتـه غروك نـاسٍ مـن نسمهـم تسممـت=واللي عطى الله لـو تبـي ماحرمتـه انصحـك وإلا ماعلـي لوتقحـمـت=دام أحتمـل زلـت رفيقـي حشمتـه ونصيحتي وجهة نظـر مـا تغيشمـت=شبحي بعيـد ومـن غـدا ماغشمتـه شبحـي بعيـد ولاأستعديـت نظمـت=والشوك لاجاء فـي طريقـي دقمتـه وليـا بغيـت أهـدي هديـه وقسمـت=ماهـس بالميـزان قـسـمٍ قسمـتـه أنـا ليـا منـي بالأوضـاع ساهمـت=أصـوّر الواقـع نـظـر لارسمـتـه ماني غشيـم مـن التجـارب تعلمـت=وأن مـال ميـزان القريحـه حكمتـه لامعنت بأسلوب المعانـي وخاصمـت=خصمي بجـزلات المعانـي خصمتـه بلحـام سكـرت الملاحـم ولحـمـت=وعلـي منافيـذ المـلاحـم برمـتـه لاسقت طـاروق القريحـه وصممـت=حذفي علـي اللـي يستحقـه رجمتـه وبعض الكلام أخيرمـن رده الصمـت=وأن جاء من الجاهل غلـط ماجرمتـه وعن بعض مانسمع ويهـرج تشيمـت=وسلم الرجال أهل السلـوم احترمتـه ولوكل ماثـارت عجاجـه تحيزمـت=تهت الطريـق وكـل عايـر صدمتـه مهما حصل بأسلوب عقلـي تحكمـت=ورأي الحكيـم المعـتـدل مالطمـتـه لوكان به نـاسٍ توجـه لـي الشمـت=مهمـا يـقـال بغيبـتـي ماحلمـتـه بعض الكـلام اليـا سمعتـه تلطمـت=وفيض المجالس ماأزعجتنـي نغمتـه طبعي علي تأديب الأخـلاق داومـت=ومن ضاع عن درب السنع مادعمتـه لابس حرامي من شفا السيل وأحرمت=والعلـم بالقلـب المفـتـح حزمـتـه وحقيقـة الواقـع بـهـا ماتحلـمـت=مـن مصـدرٍ ماثـوق سـر وكتمتـه ان شافهـا وإلا نصيـتـه وسلـمـت=وحددت لـه مرسـام حـد ووسمتـه ودليـتـه اليـمّـه وبالله تعصـمـت=الا أن تراجع صاحبـي عـن وهمتـه ظنـه ظنيـن اليـا قريتـه وترجمـت=بالحـق وأسنـاد الوثايـق هزمـتـه وأن ضاق صدره من كلامي تبسمـت=وأن مد لـي كـف الرضـا ماشتمتـه ماني سفيه اليا أحترك عـود برعمـت=واللـي مجنـب سيرتـي ماعزمـتـه وان دار دولاب الهواجيـس وأبرمـت=معناي عن نقـد العـوارف عصمتـه مابعت في سوق الضغايـن ولاسمـت=ماأخطي ومـن ميّـل عليّـه خزمتـه ماأفطر علي تشويه الأوضاع لاصمت=وراس الصديع اليا أعترضني حجمتـه وبسلوم لزمـات الرجاجيـل لازمـت=أسيرمـع سلـم الرجـال ولزمـتـه وليـا سفهـت التافـهـه ماتنـدمـت=وماعـون خـلاق المشاكـل خدمتـه وأنـا مـع اللـي يفتهمهـا تفاهمـت=ومـن لاتطـرق منهجـي مازهمتـه وأن حدني حـادي قوامـه وقاومـت=سبحت مع مـوج البحـر وأقتحمتـه جهـزت نفـسـي للعبوروتولـمـت=عمق البحر لوهـاج موجـه دحمتـه وجهتهـا بيضـا صريحـه وحكمـت=أحكمت مضمـون الجـواب ونظمتـه تم الجـواب اللـي نضمتـه وتممـت=والوصل مـن راع البريـد استلمتـه وصدرتها بأسلوب هـادي وترجمـت=ومن لاظلم نفسـه حشـا مـا ظلمتـه أدخـل علـي الله بالخطـا ماتذممـت=وحـق العبـاد وقدرهـم ماهضمـتـه وجـو الصداقـه ماسجتـه ولغمـت=معرض عن الغايب ولا أكـل لحمتـه ودام أمتلك نفسي عن الظلـم حرمـت=لوكـان تجذبنـي لشخـص أتهمـتـه لبستهـا ثـوب المناعـه وسجـمـت=وأرجي عسى الجاهل يوطي رضمتـه |
الكريم اللي نزل عنـد البخيـل=ضايقه مايحتمل فعـل الخيـار الكرم يصعب على الرجل الرذيل=ضعف نفسـه حسـن الجـوار والكديش يهس عن شوط الاصيل=والصويتـي مايجاريـه الثبـار الجزيلـه مايحصلهـا الهزيـل=والتحرص مايطـول بالعمـار الردي مثل السراب بلا حصيـل=بالمثل قدر الجحش در الحمـار والتويبع لاطلـع ماسـال سيـل=والكرم كالغيث والبخـل الغبـار والجزاله مستوى الرجل النبيـل=والردي يمناه محسوب اليسـار الرجوله سلم (ن) صعب وطويل=يمنع الرديـان عنهـا الانهيـار |
ياالمنتقد مالك على الناس مدخال=شوري توقع واقصر الحبل للعوج راجع ضميرك قبل احطك على البال=إن كان ما راسك عن الشور مصنوج ما دام مكنوني ورا عجم الاقفال=ترى الهروج الفاضيه ما لها حوج حنا عرب ما همنا نقد الانذال=نحمى كرامتنا ولا نقبل العوج اجواد ما ننقص للاجواد مكيال=اهل النقاء ماهي سواليف وهروج ياللي تحيّل والدهر فيك محتال=هاك الزمان اللي به الوجه مسهوج ايام فيها عشت في خوف واذلال=مثل المريعي يسبر الحوم ويلوج واليوم ما مثلك ولا صار رجال=وعندك لتحريف السواليف كتلوج عن جيلنا الحاضر وعن ماض الاجيال=تخفاك عادات العرب وانت مرجوج و ان طعتني تعرض عن القيل والقال=تراك مهما غرك الزود مفلوج انعم بظل اللي لنا درع واظلال=اللي يقودون السفينه مع الموج قيّاد رايتنا صناديد الابطال=اهل السيوف اللي بها السم ممزوج عيال الحرار اللي بها تضرب امثال=والا انت لو يضرب بك الوصف فروج |
هني من قلبه عن الحب مصـروف=مالوعنّـه لابـسـات الغـدافـي مستانس ماهو بـالازوال مكلـوف=والى رقد يرقـد عليـه اللحافـي ماشاق قلبه بالهوى كل غظـروف=سود العيون صخيفـات الاشافـي لاصار عود زين وانهود واردوف=وشقر توقيهـا الهـدوم النظافـي وكلامهن يسقط على لبة الجـوف=هذا البيان ومعهن المـوت خافـي معهن خناجر تجرح القلب واسيوف=وحرايـق ماتنطفـي بالمطـافـي الى ولن مايرحمن مابهـن خـوف=وخيراتهن عن شرهـن ماتكافـي الين من الديباج واتقن من الصوف=واخشن من البـرد ريـام عيافـي مجنون ليلى عقبهن صار مشعوف=قزر حياته مـع وحـوش الفيافـي كم واحد باسبابهن يضرب الخوف=يرخص بنفسه ماحسـب للقوافـي قلته وانا عنهن مقفي وانا اشوف=مالي بهن مسعى ولالـي مطافـي لكنّ هيضني رفيـق لـه شفـوف=وفزعه فزعته للخـوي السنافـي مالي نظر فيهن حميـه ومعـروف=والا فانـا مالـي نظـر ومتعافـي لكن زميلي يسهر الليـل ملهـوف=قـد صوبنـه بالحـدود الرهافـي قد صار له معهن مداخيل وظروف=واليـوم عنـه مصـدرات مقافـي اليـوم خلنـه مقيـد ومكـتـوف=يالله عسى نصره عليهن يشافـي |
الله مـن قلـب هجـوسـه تمـلـه=مـل الغضـا لمبهـرات المباهـيـر وشوف البراري والفضا ولعـة لـه=لاشفـت بالمنشـا مـزون مزابيـر ياموتـري ريحتـك القيـض كلـه=أبيـك لاقامـت تطـول المشاويـر لابـد لـك لابـرد الـوقـت تـلـه=يحن ماطورك علـى ساقـة الطيـر في ماقـع بعـض العـرب مايدلـه=مدهـل لفتخـان الرجـال المناعيـر نبـي لنـا معهـم وناسـه وفـلـه=مع درب مسهاج الوسـوم المباكيـر ليا اصبحت روس النـوازي مطلـه=عقب الجليد نكسـر الثلـج تكسيـر ثم اصبح القرناس من عقـب طلـه=يوجس بجلـده مثـل دق المساميـر واستطلعـوا خطـو أشقرعـادة لـه=حرش الكفوف يمزر الخرب تمزيـر والبارحه حل المساء قد حصـل لـه=عشاء خفيف من ابرق الريش تنسير لافرعـوه وشافهـن وأدرجـن لـه=وأدلج وراع الجمس كفه على القيـر وتضايقن عقب الفضا وأحضرن لـه=وسلط على وحـده وذلـك مخاميـر وليا المشبـب عندهـم مزهـب لـه=با اللي ندبها طيـر الريـش تطييـر والخـرب طقـه ماتعـدى محـلـه=والثالثـه فـزت ولا عينـت خيـر بطيارهاشفـنـا غـيـاره وخـلـه=زمـت وحولهـا ولـي المقـاديـر أعلق بها اللي عوقهن سهمـة لـه=شيهان عـوق ملوعـات المعاشيـر ملموم مثل الصـول طولـه وجلـه=أجرد يصخر شرد البـرق تصخيـر وكل ركـض للـي بوجهـه يشلـه=تزارقوهـن بالـحـدود البواتـيـر اكبودهـم عقـب القرايـا مغـلـه=تسع الشهور نقزر الوقـت تقزيـر وركبوا وقالوا تبـع الجمـس ظلـه=لا ما نقول أوقف كفيـت العواثيـر نبـي لنـا خـد مهـامـل امـزلـه=مادوجـت فيهـا الغنـم والمظاهيـر تلقـى بهـا زرق المعـارف محلـه=بيض الدواغـر متعبـات المداويـر هذا هوى اللي قـزر القيـض كلـه=ماشاف غيـر القوبعـه والعصافيـر |
انا علـى المقنـاص قلبـي يرفـي=بكره ونرجع يم آهلنا منـا كيـف بديـار لفـروق الحبـارى اتلفـي=جنوب من حزم الجلاميد وطريـف الطير هو غايـة غرامـي وشفـي=اقـدره تقديـر الاجـواد للضيـف من كبر قدره شايلـه فـوق كفـي=وارعاه تسع اشهور بالقيظ والصيف ودهنـه لاشفـت ريشـه مصفـي=على الدعاء وخفف النسر تخفيـف نقلـه يشرفنـي وشوفـه يكـفـي=عن شوف ناس ما تعرف المعاريف لاشفت لـي نـوٍ بروقـه ترفـي=نويت اجهـز موتـري للتكاليـف القيـظ كلـه جـالـس ومتعـفـي=بردالمكيف نشـف الـدم تنشيـف متـى سمـوم القيـظ عنـا تقفـي=وسهيل قبل يعمد الفجر قـد شيـف والنـار يصلـح شبهـا للتـدفـي=البرد نوجس من نسيمـه هفاهيـف قمنـا لعزبتنـا نشيـل ونظـفـي=ونكمل الناقص ونملا المظاريـف اللي نشيـل مـن اللـوازم امكفـي=امكتفين العفـش بالحبـل تكتيـف يمكن ليـا جينـا البقالـه انوفـي=حاجات نشريها كمالـة مصاريـف والصبح من حزم ابرقيـه امقفـي=صوب المعظم والهضاب المواقيف بديار جعل اشجارهـا مـا تجفـي=تعلهـا غـر المـزون المراديـف في رفقة اللي نارهـم مـا تطفـي=على الشرف والجود ربع مواليـف مجلاس طلقين الشوارب امصفـي=على الدلال اللي بهن ساخن الكيـف خويهم مـا وجـس كـلام يحفـي=غير المزوح الطيبـه والسواليـف عقـال وزن عقولهـم مـا يخفـي=ولاهم على الفاظي خفاف وملاقيف |
راع الولع لو تنصحه يا لعياضي=المهتوي شور العرب ما يطيعه لو قلت طعني قلت بلقلب حا ضي=ما رتا ح لين البرد ينز ل صقيعه لا شفت نزاز الطفل با لفيا ضي=والسيل نا قع و المنادي سبيعه واخضر نبات القاع عقب الرماضي=زان التمشي با لد يار الو سيعه هذ يك والله منوتي يا بو ما ضي=باقصى الخرم والا يسار الو د يعه بلبر لوهو برد مبصوط راضي=طبعي و كلن له مزاج او طبيعه وتحت المكيف بس اهو جس وفاضي=اوجس كسل واوجس عضا مي وجيعه برده يعقب بلمفا صل شو ا ضي=يدخل صما صيم العضام المنيعه لا قمت جاني بلعضا م انتفا ضي=لو ما تعنز طحت طيحه وجيعه انا خشن ومسن ما ني غضا ضي=لفح الهبا يب والسموم استطيعه وليا انتحى هاجوس جاشي وهاضي=ما لي مع اهل السو ق شريه وبيعه دنيت ما يطوي بعيد الا راضي=وسلمت مفتا ح الو داعه وديعه وكملت من راع البقا له مقا ضي=مد ها ل مكفي الهموم او ربيعه ومعي اشقرن جثل المناكب غلاضي=افحج مسرول والمنا خر وسيعه والبو ز وافي واثنادي عراضي=حر شن كفو فه مثل شوك النقيعه صير وم ضربه با لهداد انقضاضي=مضرب كفوفه با لحبا ري شنيعه طلعه عليهن فز تن بنتها ضي=يردم وله كسره عليهن سر يعه |
أنا خويي ماتجاهل احقوقه=يوم انعثر وانعاق ماني امخليه والله لشيله فوق متني علوقه=يوم الظما بانت ابوجهه مواريه لو قال لي معذور بآخر نطوقه=صديت تذرف دمعتي تقل موحيه جداي ادافع ضيق صدري واسوقه=واقول طيب ياخويي وواسيه حتى فرجها الله بعد حال ضوقه=وهلت هماليل المطر من مناشيه من مزنة صبت علينا حقوقه=من فضل ربٍ نستعينه ونرجيه |
يـامل قلـبٍ رف بيـن الضلـوعـي=رفيف نـزرات الشـروق المطافيـق مربّهـن فـي عاليـات الفـروعـي=ولهن علي حوم المطامـن مصاليـق حرش الكفـوف مسقمـات التبوعـي=اللي لهن فـي لجـة الجـو تحليـق حي الجواب اللي لفـا مـن ربوعـي=من شاعرٍ يفهـم معـان الطواريـق يصّخرالمعنـى علـي كـل نـوعـي=ويقطف من القيل النقـاوي زماليـق ماهو غشيـمٍ لاطـرت لـه يتوعـ=يتسوقـه افكـاره بليـا مسـاويـق يضيـع مابيـن الخطـا والسنوعـي=يخطي الهدف ويلصق القيـل تلصيـق يامرحـبـا ياسيفـنـا بالفـزوعـي=سم القلـوب اللـي علينـا مصانيـق للصاحب احلى من شـراب النقوعـي=وللضد سـم يشلـق الكبـد تشليـق اللـي بدالـك يالشجـاع البتـوعـي=مثلـك ترانـي تالـي الليـل ماليـق مخدتـي لنامـوا النـاس كـوعـي=اسمع خطا وأفهـق الصبـر تفهيـق سحمه تهـز الذيـل بيـن النجوعـي=وسحمان ينبح في تقا الضلع ويويـق الهامل اللي عـن هـواه امهزوعـي=ان ماهج دقـق لـه العلـم تدقيـق معروف مقياس الوضيـع الدنوعـي=مالـه نفـق لوحـط روغ ومناطيـق يابن سند قصة خشـاش الصدوعـي=جندٍ يبي بالشعـب فوضـا وتفريـق سـراد نـاسٍ بالقرايـا يسـوعـي=زهابهـم حـب الحـدج والطوابيـق بياعـة المسمـت خبـاث الطبوعـي=لاديـن يمنعهـم ولامـن مواثـيـق ماهم زعيمـه قاصريـن النفوعـي=ماجفـل العقبـان حـوم الغرانـيـق يوم البراء مـردود بيـن الجموعـي=اعدودنـا ماخـض ماهـا ولاذيــق ونشورنـا بيـن القبائـل ارتـوعـي=حامينهـا بحـدود شلـفٍ مذالـيـق واليـوم كـل مجـربٍ صارطوعـي=العـدل سـاد وطـوق الشرتطويـق والشعب بظـلال العدالـه سجوعـي=الديـن واحـد والطبايـع توافـيـق واللـي يشّكـل للمشاكـل فروعـي=نسق لمقصد نيـة السـوء تنسيـق في ملـة الاسـلام ماهـو قنوعـي=وده يطبـق خطـة استيـل تطبـيـق مثل ابن عمه لابـسٍ ثـوب شوعـي=وحدوه حكام الشريعه علـي الضيـق |
مــا بــالكرم يــا زول عيـب ومعــايير=العيــب بـــاللي يالردي ينكرونه لــعــل بـيـت مـا تـجـيـه الـمـســايــير=واللي يبون الكـيف مـا ينحرونـه يـنـزل عـلـيـه الـفـقـر قـسـمـه وتقدير=مـن واحـدن كـل الـمـلا يـرتجونه مثبى الرخـوم الـلي تـهـاب الـمخاسير=الـمـال لأعـمـار الـفـنا يـجمعونه اخـص مـن هـو عـند نـفـسه كـما الزير=والمـرجـله عنها الرخـامه تخونه مـحـروم مـا يـقـدر عــلا نـيـة الـخـيــر=مـثـل العقـنـقل بس يدرج مكونه عـسـاه يـفـدى الـطـيـبـيـن الـمـناعير=اللي لـيا اقبل ضيفهـم ينطحونه الـلـي لـيـا شـانـت وجـيـه الـمـثـابـير=بـالـواجـب الـموجود ما يذخرونه والـطـيـب سـلـعـه لـلوجـيـه المسافير=كان الردى يحسب كرمهم مهونه العيب باللي بـه عـن الـطـيـب تـقصير=اللي ليا اوجـس نـايـبه غـار لونه و شـعـاد لـو يـمـلـك كـنـوز ودنـانير=محروم مـا لـه غـير نـضرة عيونه لا قـربـوا عـنـد الـضـريـح الـحـفـافير=والمال ضـــاع وصاحبه يدفنونه مـا نـال بـه طـولـه و لا نـال بـه خـير=حـصـل غـثاه وورثـتـه يـقسمونه ويبقى الثنا لأهــــل الثنا يا المعاثير=وجزا الكريم مـــن الكريم المعونه |
مـتــى عـلــى الله تـبـتـدي رخـصــة الـطـيـر=وعـقـب الـربــاط يـصــف ريـــش القـرانـيـس والــمــزن بالـمـنـشـأ نـشـوفــه مـزابـيــر=والـبــرق تـالــي الـلـيـل مـثــل المـقـابـيـس ابــي إلـيــا قـالــوا مشـيـنـا عـلــى خـيــر=والــــراي شــــدوه الـعـيــال الـمـدابـيــس وتــواعــدوا عــقــب الـعـتـيـم المـنـاعـيـر=مـســرى تــحــت داج الــظــلام الغـطـالـيـس ربـــع لـهــم عــنــدي مــعــزه وتـقـديــر=مـدلـهـيـن الــلــي بـقـلـبــه هـواجــيــس وافــيــن بـالـلـزمـات مــاهـــم مـثـابـيــر=شـيـالـة الـكـايـد إلــيــا دنــــق الـهـيــس يـبــون مـــن خـشــم المـسـمـى مـحـاديــر=نشـمـل إلـيـا لـوقـا ونـجـنـب الـــى الـتـيـس لاوقـفــوا بـارض(ن)بـهــا اثــــرة وتـأثـيــر=وفــكـــوا بـراقـعـهــن حـرار(ن)فـواعـيــس والـطـيــر تــــل وشـافـهــن بالـعـثـامـيـر=الــخــرب كــوبــر والـطـبـايـل مـفـانـيــس واعـلـق بــه الـلـي مـــزر الـريــش تـمـزيـر=الــلــي مخـالـيـبـه ســـــواة الـدبـابـيــس والـلـي تــروح طـيــار مـــا عـيـنـت خـيــر=شـيـهـان نكـسـهـا عـلــى الـقــاع تنـكـيـس نـــادر بـحــر يـاخــذ عـلـيـهـا مـشـاويــر=مــاهـــو بـوكـري(ن)يـهــاب الـدمـامــيــس وإلــيــا تــلافــوا بالـمـعـشـى مـنـاعـيــر=فـــي خـايـع(ن)جـرمـه ســــواة الـكـنـاديـس وشــبــوا وقــــادوا لـلـسـوالـف مـعـابـيـر=الـنـجــر يـلـعــي والـمـبـاهـر مـتــاريــس خـفــاف الـنـفـوس رجـــال مـاهــم مثـابـيـر=ولافـيـهـم الـلــي فـيــه كـبــر(ن)ولا فـيــس وجـوهــم يـبــون الـكـيــف ربع(ن)مـسـايـيـر=قـالــوا عـلــوم الـربــع قـالــوا عـواسـيـس نــذكــر لــكــم جول(ن)رثـعـنـابـه عـصـيــر=حـــازن مـــن الـخـبـه يـبــن الطـعـامـيـس فـــي ماقـع(ن)عـقـب الـمـطـر مـابـعـد ذيـــر=تــومــي بــنــواره هــبــوب الـنـسـانـيـس والـصـبــح مــــدوا لـلـحــراوي مــداويـــر=وطــاحــوا بـجـرتـهـن جــــداد ومــداريــس وحـثــوا بـهــن بـالـخـور مـثــل الـطـوابـيـر=وتـزارقــن قــــوع الـشـجــر والـمـتـاريـس وتنـهـض الـلـي كــن عـيـنـه سـنــا الـكـيـر=كـــد ذوقـــوه مـــن الـثـنــادي تـلامـيــس والـخــرب قــــام يــحــوز دون المـعـاشـيـر=وزتـــه وطـــار الـريــش مـثــل القـراطـيـس ومـــدوا عـلـيـهـن مـبـهـمـات الـمـواصـيـر=شــغــل الـفـرنــج مـقـولـمـات الـنـواديــس وصــــادوا و وفـقـهــم ولــــي الـمـقـاديـر=واهــــل الــوكــارى ربـطـوهــن مـفـالـيـس هـــذي حـــلاة الـصـيـد وقـــت المخـاضـيـر=وبـعــض الـصـقـاره يالـنـشـامـا مـطـاريــس |
هذه مساجلة بين الشاعر وطيره غنام:
الـخـرب ياغـنام مـاهــوب كــروان=تـــبــرك عـــلــيــــه ولايـــهــــمــــك صــــفــــيــــره الـخــرب عــــابــي لك قـــنـــابـــل بــــخـــــزان=يــــبــــي عــــلى خـــشـــمـــك يـفــك الـذخـــيـره غــرك فــعـــولـــك يــوم نـــقـــنـــص لــفــيــحـان=اثـــرك جـــــيــــــد لاقــــضــــبـت الـــكـــســـيـــره غنام:
انــتـه وراك تـــذمــــنـــي يــابـو ســلـــمــان=والله لاعـــــوضـــــك كـــــــــــان حـــصــــلــــت غـــــيــــــره وانــــــــا الـحــقــيــقــه يــوم هــــديـــــت غــلـطـان=جــيـــتـــه مـــــع الـــبـــومـــه واثــــرهـــــا خـــطـــيـــره مــامــقــصــدي خــــايــــف مـــن الــــخــــرب طـــقـعـــان=لـكــن مــاجـــيـــتـــه بـــــعـــرف وبــــصــــيــــره خــــــــربٍ نــشـــيـــط ولــــــــه اســبــوعــيـــن بـــشـــمـــان=مــلـيـان مــن قـطــف الـخـــزامـى مـــصـــيـــره هـو طــار مـتــعــافــي وانــا طـــــــرت عــمــيـــان=عـــــيـــــونــــــي ســــــــــــــــدد الله نـــــظـــــيــــــره |
يـامــل قــلــب دق بــــه كــــل طــــاري=طــــواريٍ بـاقـصــى الـضـمـايــر تـتــلــه وشـفـق عـلــى شـــوف الـفـضـا والـبــراري=لا صـــار مـعــه مـشـبــبٍ مـسـنــد لــــه خـطــو أبـلــج لـمـلاقـف الـصـيـد ضــــاري=جـــدع الضـريـبـة بالـسـهـم عــــادةٍ لــــه قــــرم بـوجـهــه لـلــمــروه شـــــواري=رايــــه ســديـــد وكـــــل درب يــدلـــه مــاهــو حـضـيـبـي مــزاجـــه تــجـــاري=لـيــا عــقــدت الــــراي عــــود يـفـلــه أول نــهــارك يـعـجـبـك مــــا أنــــت داري=مـــار الــبــلا تــالــي نــهــارك تـمـلــه أبـــا امـــدح الـطـيــب ولانــــي مــــداري=والــــلاش لا خــايــف ولا حــاســب لــــه الــفــرق بـالـلــي يـاصـلــون الـمــحــاري=وإلا الــــردي شــرهــات مـثـلــي تــزلـــه أبــــي خــــويٍ ضـــــاريٍ بـالـمـســاري=مـاهــو مـهـيــنٍ يــرقــد الـلـيــل كــلــه ومـعـنــا قـطـامــي يـصــيــد الـحــبــاري=لـحّــاق لاكـوبــر لــــه الــخــرب شــلــه خـطـو اشـقـر جـثـل مـــن الـريــش عـــاري=افــحــج مخـالـيـبـه ســـــوات الاهــلـــة بــــه دق ريــــش مــثــل دق الــخـــزاري=مـــهـــدف ورا مـنــاكــبــة مـتــقــلــة مـنـخـر وبـــوز فــيــه عــــدة مــــواري=يـحـتـار بـــه راع الـنـظـر لا فــطــن لــــه مــهــوب كــفــاخ طــفـــوق زعـــــاري=طـلـعـه حـقــاق ان شـافـهـن سـاوقــن لـــه لا شــافــهــن مــتــطــاولات الـــمـــذاري=عـقــد وحـــق الـطـلــع والـسـيــر تــلــة يـحــول الـلــي طـــار مـنـهــن اجــبــاري=ذبـــاح لـلــي يـــوم هـــد سـجــدن لـــه يــازيــن طـلـعــه بـالـضـحـى والـعـصــاري=لامـــن خـشـنـات الـغـلـب خـيـشــن لــــه هـــذيـــك والله مــنــوتــي واخــتــيــاري=لــو كــل مــن يطـلـب لــزوم حـصــل لـــه لـــو ان حـظــي مـــع مــزاجــي يــبــاري=سـجـلـت لـــه صـفـحـة وفــــا بالـمـجـلـة مــا لــي هــدف بـالـسـوق بـايــع وشـــاري=قـلـبـي ذعـاذيــع الــهــوا ولــعــة لــــه انـــا غـرامــي مـــع فـجــوج الـصـحــاري=وشــــوف الــرجــوم الـنـايـفـات الـمـطـلـة لا شــفــت بـالـريـضـان نــقــع وخــبــاري=راح الــزعــل والـبـســط حــــل بـمـحـلــه بـــارض بـهــا للـصـيـد عـيـنــه واثــــاري=فـيــه الـقـطـا تـلـقــى فــروقــه مـحـلــه مـهـامــل تــــردم شـجــرهــا الـــــذواري=نــبــي لــنــا فـيـهــا ونــاســة وفــلــة يــازيــن شــبـــة نــارنـــا بـالــغــداري=والـكـيـف ابـــو صـالــح جـلــس وارتـجـلّــه والـمــا مـفــوح فـــي نـظـيـف الـغـضــاري=وصـفــر يجـاذبـهـن عـلــى جــــال مــلــة وصـاحــب لـهــن تـقــول مـاخــذ حــــذاري=وفنجـالـهـن يـجـلـى عـــن الـكـبــد عــلّــة والـلــي عـلــى مـثـلـي مـــن الـنــاس زاري=لاســامــع قــولــه ولا مـصــغــي لـــــه وافــخــر بـحـبــي لـلـصـقـارة وامـــــاري=ورزقــي عـلـى الـلـي كـــون الـكــون كـلــه |
الــقــيــض راح وبــــــردن الـلـيــالــي=والطـيـر عـقــب القـرنـسـة كـمّــل الـريــش والـمــزن بالمـنـشـأ غـــدا لـــه ظــلالــي=وتـراكـمـت غــــر الــمــزون الـمـراهـيـش وتـذكــر الـصـقـار وقـــت مـضــى لــــي=ايــــام جــالــي بـالـغـبـيـة مـغـابـيــش يــــوم الـحـبــاري حــوزهــن بـالـدحـالـي=لـيــا فـــرع الـنــادر طلـبـهـن مـخـايـيـش والـخــرب بـادنـاهــن يـصـيــر الـمـوالــي=يـوجــس بــراســه للـشـجـاعـة نـغـامـيـش خــــرب مـغـفــل مـاحـســب لـلـتـوالــي=طـقـيــق حـنـكـانـه ســــوات الـقـراقـيـش وجــاه اشـقـر جـوفـه مــن الـنـسـر خـالــي=جــــزام صــيــاده يــقــض الـنـشـانـيـش لـــه بالـطـيـور الـبــرق فـعــل ومــدالــي=ضـربـه عـطـب مـاهــو مـســوح وتـنـاويـش ذاك الـزمــان الـلــي بـــه الـمــر حــالــي=يــوم الـصـقـارة تـنـعـش الـقـلـب وتـعـيـش والـيــوم لـــو نـقـنـص جـنــوب وشـمـالـي=صـرنـا عـلـى مــا قـيـل مـثــل الـقـراريـش مــــا شــــوف والله لـلـصـقـارة مـجـالــي=نـقـفـي ونـقـبـل يالحـمـيـدي عـلــى ويـــش مـهـمــا تـجـاوزنــا فــيــاح الـسـهـالــي=غـيــر الـدجـاجـة مـــا لقـيـنـا عـرامـيــش مـــا شـــوف غـيــر القـوبـعـة والكـحـالـي=وزرق الـثـعـال الـلــي ســــواة الـقـرافـيـش عــــزي لـحـالــك يـازمـيـلـي وحــالـــي=بــارض الـرحـيـل نـفـتـش الـقـشـع تفـتـيـش والله يــلــولا الـطـيــر بـالـقـلـب غــالــي=انـــي لاجـــوز مـــن الـعـنـا والمـطـاريـش لاكـــان حـــب الـطـيـر شـــارك اعـيـالــي=ولــو مــا تسـلـى بالـولـع كـيــف ابـاعـيـش والله مـانــي عـــن غـــلا الـطـيـر سـالــي=لــو نعلـفـه مــن بـــارد الـخـبـز والـعـيـش لــوكــان لـلـخــارج نــشــد الـرحــالــي=ونـدفـع عـلـى شـانــه ضـريـبـة وبخـشـيـش |
يـامـبــارك الـصــقــار قـــــرب هـبــابــه=والـطـيـر قـرنــس واكـمــل الـريــش تكـمـيـل والـوســم لـــه يـومـيـن داخــــل حـسـابــه=الله لايــحــرم وطــنـــا مـــــن الـســيــل يالله بــنـــو يـــــوم يـــــردم ربـــابـــه=تـوابـعــه مــثـــل الـجــبــال الـمـظـالـيـل يـومــر عـلــى غـســل الـمـحـول انـصـبـابـه=فـــي قـــدرة الـخـالــق يـكـيـلـه مـكـايـيـل يحـيـي الهشـيـم الـلــي يـبــس فـــي تـرابــه=يـبـسـت عـروقــه والـهــوا شـالـتـه شــيــل يـبــس الـشـجـر والـقــاع والـعـجـز صــابــه=وضـاقــت عــلــى راع الــحــلال الـمـهـازيـل راع الـمـواشــي زادهــــا مــــن زهــابـــه=يـرهـن لـهـا الـذمـة ويـشــري لـهــا الـكـيـل نـشــف الـثــرى والـبــر مـقـحــط جـنـابــه=والـــلـــي حـــوالـــه دون ذاق الـبـهـالـيــل يالله بـــدعـــوة مــســلــم مـسـتـجــابــه=مـــن عـابــد لـــه نـافـلـة تـالــي الـلـيــل يـطـلـب بــهــا ربــــه ويــرجــي ثــوابــه=وقـلـبـه نـظـيـف مـــن الــريــا والتـضـالـيـل رزقــــه حــــلال ومـلـبـســه واكـتـسـابــه=مـــا لـلـربـا بـحـســاب رزقــــه مـداخـيــل دعـــواه عـــن عــجــم الـبـهـايـم نـيـابــه=الـلـي شـكــت مـــن قـوتـهـا فـتــرة الـحـيـل يـفــتــح لــهـــا رب الـســمــوات بـــــابه=دون الـسـمــا مــــا يعـتـرضـهـا عـراقــيــل نـطـلـب مـطــر رحــمــة ثـقـيــل سـحـابــه=فـــي الـبــروق تــلــوح مــثــل الـقـنـاديـل يـاخــذ ثـمــان ايــــام حـسـبــة اوجــابــه=دقـــــاق رفـــــاق زلــوفـــه هـمـالـيــل والـيــا انـتـهـى الـثـامـن وعــــزل ضـبـابــه=نــهــار تــاســع بــــاذره كــنــه الـنـيــل والـعـصـر لامـــن الـمـولـع مــشــى بــــه=يـغـيــب هـوجـاســه ويـنـســى الــولاويـــل لا صـــاغ لـــه فـنـجــال عــــذب شــرابــه=وزنـــه غـديــر وشـــب نــــار المـعـامـيـل وجـــذب لـهــن جــمــر كـثـيــف الـتـهـابـه=والـكـيــف طــــاب وسـاقـهــا بالـفـنـاجـيـل عــلــى نـشــامــا مـاخـلـطـهـم قــلابـــة=خـفــاف الـنـفـوس رجـــال مـاهــم دعـابـيــل ودارت سـوالــيــف مــــــزوح وعــجــابــه=وطــرايــف تـشـفــق عـلـيـهـا الـرجـاجـيــل هـــذا مــنــى كــــل شــخــص وادابــــه=وكـــل عـلــى شـبـحـه يــصــوغ التـمـاثـيـل الا الــذي طـــرد الـولــع مـــا شـقــى بـــه=ولا يـعـجـبـه شــــوف الــزهــر بالـهـذالـيـل مـرتـاح لــو طـــاح الـمـطـر مـــا درى بـــه=لــو تنـشـده مـــا يـعــرف الـجــدي وسـهـيـل |
لا والله الــلـــي راح وقـــــت الـصــقــارة=والــبــر مــــا يـعـجـبـك لارحــــت دوار الــبــر عـــــج ومـدلــهــم غــبـــاره=الـشـكــوى لله مـيـتــه كــــل الاشــجــار ومــاتــت دبــاديــب الــخــلا بـالـجـحـارة=قـضـى عليـهـا الـجـوع مــن قــل الامـطــار نشـكـي عـلــى الـلــي رزقـهــا بـاقـتـداره=الـلــي نـصــر مـوســى عـلــى ســحــار الله يـعــيــد لـــكـــل وادي خـــضـــاره=ويغـيـثـنـا ويــبــدل الـعـســر بـايـســار غـيــث مـــن المـنـشـا يـعــم انـتـشــاره=دفــــاق رفــــاق حــقــوق ومـــــدرار هـــذا ووضـعــي حـــول طـيــري مـــداره=ابـــي نـظــر تـوجـيـه ذربـيــن الاشـــوار الـطـيــر نـقـلــه يالـنـشـامـا خــســـارة=ينـعـاف لــو هــو يـذبـح الـصـيـد وخـيــار ياسـمـيـر يـــاراع الـولــع وانـــت كـــاره=يـابـن صليـهـم مـكــرم الـضـيـف والـجــار مـحـتــاج رايــــك يـاحـكـيـم الـعــبــارة=رجــال عــرف ومـــن طويـلـيـن الاشـبــار عـطـنـي نـظــرك الـطـيـر قـطّــع شـكــاره=عـانـى مـــن الـبـرقـع غـرابـيـل واضـــرار مـــن قـــل تفـريـعـه تصـيـبـه حــــراره=نقـنـص ونـرجــع مـــا تـمـغـط ولا طـــار انـــــا اطــلــقــه والا اتــحــمــل وزاره=ياسمـيـر انـــا مـــن قصةالـطـيـر مـحـتـار ياسمـيـر مــا شفـنـا مـــن الـطـيـر بـــاره=بــلاه قــل الـصـيـد والـطـيـر مـــا بـــار حـبــه بقـلـبـي بـانــي لــــه عــمــارة=عـلــى حـجــر وفـروعـهــا عــشــرة ادوار شـعـبـيـة عــنــدي تـمــثــل ســفـــارة=لــو كـــان دور الـطـيـر مـقـفـي ومـنـهـار تــذكــر عـلـيــه نــوزتــه وانــحـــداره=يـشـره عـلـى زرق الـغـلـب وقـــع وطـيــار يــازيــن تـفـريـعـه بـخـطــو الــزبـــارة=بالـنـازيـة مـــا بـيــن جـــدلا وســنّــار خـطــو اشـقــر مـابــه مـلــوع ونـــزاره=بـالـوكـر مـــا يـكـفـخ ولـلـخـرب حـشــار واظــــن عــايــش ودعــــه بـاخـتـيـاره=مـاشــاف لـــه بـهـوايـة الـصـيـد مـعـبـار اطـلـق ســـراح الـطـيـر واصـــدر قـــراره=مـــن عـقــب مـاهــو للمنـاعـيـر سـبــار يـامــا جـهــم للـصـيـد بـــاول نــهــاره=ايـــام هـنـدابـه مـــع الـطـيـر مـخـتــار هــده عـلـى المـضـيـاح مـــن راس قـــارة=واهـــوى عـلــى روض نـوامـيــه نــــوار وادلـــى عـلــى خـــرب كـبــار فــقــاره=واعـلــق بـــه الـلــي للحفـافـيـن جـــزار يـــوم الـولــع لـــه ذوق فـــن ونـهــاره=وعـايـش يطـلـع مـــن عـكـاشـات وايـســار والـيــوم نـاشــه مـــن زمـانــه غـيــاره=لابــاس يالـطـيـب عـســى خـيــر ومـجــار الـلـي فـتـل قـيــدي فـتــل لـــه هـجــاره=عـلـى الـشـرف مـاهـو عـلـى مـوتـة الـنـار والـسـيـف لا بـــد لـــه مـــن الانـدثــاره=والحـصـن يخـلـف جريـهـا طـــول الاعـمــار والـلــي حـــذف بـــاول شـبـابـه جـمــارة=يشـقـى بـهـا غـيـره ويقـنـع بـمــا صـــار وجـهـتـهـا والــحــر تـكـفـيـه اشـــــارة=رجــــال كلـمـتـهـم ثـمـيـنـه وشــعـــار والـلــي يــشــاور يـنـتـظـر مـسـتـشـاره=والـشـور لـــه عـنــد الرجـاجـيـل مـقــدار ومـضـمـون وضـعــي لـلـولـع واخـتـصــاره=يالـربـع مـانـي عــن غــلا الطـيـر صـبــار غـديــت مـثــل الـلــي عـلـيـه الـخـفــارة=بالـبـيـت جـالــس بـيــن فـيّــه ومـصـهـار مــا ارتــاح فــي جــو الـبـلـد والـحـضـارة=هـوايـتـي شـــوف الـصـحــاري والاقــفــار ولا لـــي هــوايــة بـاكـتـسـاب الـتـجــارة=والــرزق عـنـد الـلـي خـلـق خلـقـه اطـــوار وارسـلــت كـلـمــات احــتــرام ووقــــارة=واقـــع وفـــا ماقلـتـهـا زيـــف وقــمــار ورسـالـتــي عــنــي تــنــوب الــزيــارة=قـصـدي بـهــا نـــوع اسـتـشـارة وتـذكــار مـنـدوبـنـا جــاكــم وخــــوذوا اخــبــاره=يــا هـــل الـكـويـت وحمـضـونـا بـالاخـبـار يـاهــل الـبــلاد الـلــي عـزيــز جــــواره=اخـوانـنــا واعـوانـنــا ســــر واجــهــار الــديـــن واحـــــد والـــهـــدف والادارة=اســــلام بالـعـلـيـا رمــــز واشــعـــار نسـيـر مـــع هـــدي الـرســول ومـســاره=الــديــن واحــــد والـعـقـيـدة والانــظــار ضـــد البـغـيـض لـيــا تـشـايـط عـشــاره=لـيـا طــار فــي جــو السـمـا عــج وغـبـار وصـلـوا عـلـى الـهــادي رســـول الـبـشـارة=عــداد مــا ســار القـلـم فـــوق الاسـطــار |
يا اهل النياق اللي عليهن تصكون=من فضلكم لا تسجنون البهايم مافيه داعي للبهايم تحبسون=خلو عطايا الله تذب الخرايم ياليتكم عن مشتراها تجوزون=ولا تبعد عن صطول القمايم اما عطوها حقها لا تشحون=ولا اتركوها مالكم بالظلايم بحقوقها اللي وافيه لا تعيون=الله عطاها للصحاري قوايم والبل بها شجعان نجد يتعزوون=اللي وراها يجدعون العمايم مقدارها عند المناعير مضمون=يومنها بين القبايل غنايم ليت الذي تحت المقابر يشوفون=اللي عن البل جاهدوا بالعزايم اللي بميدان المعارك يهوشون=يوم الرمك تعطي هجوم وهزايم هذا وانا مالي على الناس قانون=وجهة نظر ما افرض عليهم لزايم واللي عطوها حقها مايلامون=بعناية البل مالحقهم لوايم |
مرحبـا باللـي دفـع يمـي سـوال=فيه صح وفيـه ظـن وفيـه شـوق شوق مشتاق(ن) حضر فكره وقـال=ويتسـلـى بالمثـايـل والـطـروق وزارني بابيات جـزلات(ن) ثقـال=وضعهن تاسع له الطـرق وتضـوق والهـدف مـا لـي بميدانـه مجـال=واحترم سلم العـرب منطـق وذوق والرفاقـه شمسهـم عنـدي ظـلال=صح تثبيت الغصون مـن العـروق عادتي ما عاتـب الصاحـب نكـال=لو غلـط منـي مسامـح ومعتـوق يابن عامـر لـك قبـول ولـك دلال=ابـن عـم وقيمتـك عنـدي تفـوق منهـج الجـدان بـاقـي مـايـزالوال=رجـل ينهـج مناهيـج العمـوق والبـروق اللـي تكاشـف بالخيـال=المطـر مامـور والحايـه تـسـوق والمطـر يومـر وينهـى بامتـثـال=رادة اللـي كونـه بالـجـو فــوق وانت وضعك بين سيـن وبيـن دال=قصـة الوالـد مـع الابـن العقـوق ياسعد خذ راي مـن وطـى وشـال=راسه ابيض بالتجارب لـه حـذوق يعـرف المعبـار لاشـد الـرحـال=والمـلايـا مايعوضـهـن شـلـوق يشخل الماء عن غثاريـب الحثـال=مع رجال العرف له قيـل معشـوق احتفـظ بالسيـف مسمـوم السـلال=عنـد حاجاتـه ليـا زام الفـسـوق عز راسك لااكتـرب حبـل الجـدال=لاحصل بالجمـع خانـق ومخنـوق درعك اللي ترتـدي وقـت القتـال=مستواه اكبر رصيـد مـن البنـوق ودرع غيـرك لاتعـده راس مــال=وسايـر العالـم بتقديـر ورفــوق حد عرفي وانت عارف كـل حـال=خلنـا نرتـاح والهاجـس يــروق والحصان اللـي مشاويـره طـوال=كيف ينشـط للطـراد بـلا علـوق والجوايـز بالسبـق تدفـع جـزال=جايـزه للـي تـفـوق باللـحـوق ذا جوابي وانت خـذ منـي سـوال=عن شقيق(ن) بالرضاء لاصق لصوق ناسبـه بالمرتـضـى دم الـخـوال=والفصيلـه حللـت قبـل الـريـوق مابهـا سيـرة حـرام ولا حــلال=ثوبهـا ابيـض لافتـوق ولابهـوق ويش رايك لوحصـل عنهـا بـدال=علقـت كـل القـرابـه بمعـلـوق راي ولا مابهـا نـقـص وخـمـال=كل شجـره نبتهـا صنـف العـذوق واعتبـرهـذا خـطـاء ولاعــدال=ولاتخليهـا علـى الغيـاب طــوق ذاحـسـب عـرفـي ولله الكـمـال=عالـم الاسـرار واشبـاح الرمـوق والهدف قفـل علـى حـرزه قفـال=والامانـه يابـن عامـر بالعـنـوق استلمهـا مـن بلـد شرقـي شمـال=منتهاها الجرف مـن دار الشـروق عند شبل(ن) مـن شغاميـم العيـال=ابلج(ن) ماهو عن الواجـب نسـوق واجبـي تقبـل جوابـي باحتـمـال=لايجي فكـرك قضيـف ولاحمـوق الصبـر والشيـل ماعـاب الجمـال=والجضـر مافـاد هـردان الربـوق |
بأسم الأله اللي على العـرش معبـود=اللـي رفـع سبـع وسبـع تحتـنـا اللـي سجـد لـه بأخـر الليـل داؤد=ونـزل كتـاب مـن حروفـه لغتنـا الله يجنبنـا عـمـل كــل منـقـود=يـارب تجعـل بالـهـدى خاتمتـنـا هذ وابقطف مع هـل الشعـر عنقـود=بأبيـات أركزهـا حسـب معرفتـنـا مني هديـه لأهـل المجـد والجـود=للأسـرة اللـي حاكـمـه مملكتـنـا انجال ليـث خلـف أشبـال وفهـود=قيادنـا الـلـي وجـهـوا قافلتـنـا اللـي وفاهـم لـه براهيـن وشهـود=بجهودهـم كـل الـدول صالحتـنـا نصارة المسلـم علـى كـل نمـرود=أفعالـهـم بالمجتـمـع شجعـتـنـا حكام ياصل وصلهـم كـل مضهـود=هـم درعنـا الضافـي وفيهـم ثقتنـا وحنا لهم ذرعان وأكتـاف وعضـود=وافينـلامـن الـدواعـي دعـتـنـا معهـم لناوقفـات بالهـون والـكـود=شـوايـب الافـكـار ماغيـرتـنـا شبابنـا واللـي بالأحضـان ممهـود=مـع رايــة التوحـيـد لاعمدتـنـا والرايه الخضراء لها العـز موعـود=باسـم الجلالـه صوتنـا ولهجتـنـا اسـلام مايدخـل بناشـك وصــدود=عشنـا علـى الملـه وفيهـا نبتـنـا ملة رسول جاهـد الشـرك بجهـود=اللـي علـى هديـه تسيـر أنظمتنـا وان كان به ناس لنـا ضـد وحسـود=نـار الحسـود بخافقـه ماحرقتـنـا حنا العرب وأهل الحسب ساس وجدود=بمقدمـة مجـد الـعـرب مرحلتـنـا مانال منـا ساعـي الشـر مقصـود=ودعـايـة الاحـقـاد مازعزعتـنـا |
مساجلة جرت بين الشاعرالكبير/ بدر الحويفي والشاعر الكبير زيد مبشر الحثل ..
يقول بدر:
يابو فهد هاضت قريحة اشجوني=وجهتها يمك مشوره ومسيار ياخال للراي السديد ادفعوني=يابن الرجال اللي لهم فعل واذكار ربعٍ ليا جاء ذكرهم يمدحوني=لهم بصرح المجد مارد ومصدار قل للصديق اللي عليه اجلبوني=ناسٍ بلا ذمه خمايم وفجار وأنا ليا من الخبول اظلموني=اغضي عن الهفوات شيمه ومقدار مقدار للي غيرهم شيموني=ما ضيّع الشيمه على شان ثرثار لو إن تجار الحسد ما ازملوني=انا لجن مذبذب العقل حشار ماني سفيهٍ ليا بغوا حركوني=ما أثوّر البندق بلا قن وعيار وسواعدي ما جرحتها سنوني=وعلى القبيلة ماتبختر تبختار وان جضة اصوات الضواري نخوني=لاهب من نفخ العدا عج وغبار تسهر على شان القبيلة عيوني=ما ارضى على ربعي مقابيس الاشرار وان جاء الخبر ما يقصر العلم دوني=لي ماقفٍ من عرض وافين الاشبار ولا رد شذرة حربتي في متوني=عقلي معي واعرف عدوي والانصار ولا عارض اللي ما تدخل بشوني=ولا اضيع اعمالي على ذم الاحرار وعلى النشاما ما تغير ضنوني=في حال متواضع وفي حال جبار اعرف بياعي وعارف زبوني=ولا اجامل اللي صحبته غش واقمار ولا اشفق على الجهال لو صاحبوني=اللي تغيرهم وساويس الافكار ما ارجي شفاعتهم وهم ما رجوني=وعرفي مكفيني ليا صار ما صار ولا اركض ورا الزيلان لا جنبوني=مثل الذي يلهث ورا كل مرار وكان المهبل في غثاهم بلوني=طير الفلاح ليا رميناه ما طار ولو هربدوا في غيبتي ما ازعجوني=الناس تعرف بالمشاهد والاخبار وعقلي معي ماني بغوج ٍ مجوني=ولاني سفيه يرمي الملح بالنار ورد زيد:
في خط ابو سلمان لو بشروني=سقت البشارة بالخبر سر وجهار لو كان مما فيه واطول كوني=من المستشار اللي يبي مني الشار ويقول بالراي الرشيد ارشدوني=واقول ياستار بالوضع وش صار ويقول خوذوا ما تبون وعطوني=واقول ياعلام ما تخفي الاسرار وبعض الرجال استغربوا و انشدوني=عن شامخ النابين و اقول عيّار اللي دفوفه بيضتها المنوني=يا بعد مضرب خطوته كل ما ثار واللي يجارونه يبا يتعبوني=هدار يفدر لا هدر كل هدار قال ازهلم ريع العدى وازهلوني=لا هاب جوهرة البحر كل بحار واللي يقول بمبركه نوخوني=ماهو بدر عواد بالماقف الحار يابدر تجار الحسد ما اعرفوني=وكباير الأنذال بعيوني صغار ماني معاملهم ولا عاملوني=ولا افطر بوقت فيه ممنوع الإفطار تكفى عليك عداك لا يفرحوني=بعض البشر بسياسة الشر شطار واللي يبا يشريك باللي يهوني=قال المثل ما يشوي الصقر صقار هذا وانا ما ادري من اللي تعوني=ابشر بطيارة قذايف وطيار والدقن والشارب تراه محسوني=ان كان تاسع زيد عن بدر الأعذار يفدا الحويفي كل ما بمخزوني=دام القريحة ما اعلنت صك الاعسار لوقلت له يا عم..عم و يموني=قضاب جنبيه مع الوالد البار ياللي تبون مفارقه فارقوني=الأول المعذار والثاني انذار اقول واقابل واقول اسمعوني=بثي كلامي يا محطات الاقمار ماني بقايل لازعلوا سامحوني=مبصر ولا جاريت عميان الأبصار أما الخبول اموت ما بايعوني=إلا ان رقم الذاكره عندي اصفار الى امسح عقلي بهم سرحوني=وقولوا تحول راعي الحصن حمّار اما لابو وجهين لا واجهوني=عطيتهم وجهٍ من النور و النار واسلم لعل عداك ما يسلموني=ونخطي ونستغفر و الإله غفار |
هذه القصيدة للشاعر الكبير/بدر عواد الحويفي موجهه للشاعر الكبير/عبدالله فاضي المشيعلي
للشاعر بن خريص وجه ندانا=نبيه يفتح للمناظيم هنداب لعل ابو ماجد يحقق رضانا=ودي يعزيني ترى القلب منصاب غابت نجومٍ لامعه في سمانا=والباقي الله والنجم لو طلع غاب وحنا بغيبتهم تكدر صفانا=والموت حق ولاعن الموت مجناب يالله ترحمنا وتجبر عزانا=يالواحد المعبود يارب الأرباب وتعوضنا بأبطالنا وعضدانا=اللي لهم بالمجتمع قدر وحساب اللي مهابتهم تزعزع عدانا=لاجات زله من مزاهيف الاجناب سيوفنا القطع ذخيرة حمانا=نردع بها المخطي ونمنع بها أرقاب ضد الخصيم المعتدي لاغزانا=ولا فيه داعي للأسامي والألقاب واليا انطلق غوجٍ بظلمه دهانا= نادوه في جابه عليها نسم داب جوابهم لأهل النفوس الحزانا=سم يخج القلب ويشل الأعصاب غابوا عن الدنيا وحنا ترانا=تهزنا العبره على فقد الأحباب وشعارنا الحيين فيهم رجانا=الله يكافيهم صواديف الأنشاب هم درعنا الوافي ومقضب عصانا=دون القبيلة لاحصل حزم كلاب لامن تفاق المعادي رمانا=غزوا له الرايه على رأس مرقاب وإن هازنا خصمٍ عنيد وبلانا=هدو قساه اللي يهدون الأصعاب وحنا الوفا فينا ونثبت وفانا=وافين بحقوق القبيلة والأجناب وثايق التاريخ تثبت نقانا= على الشرف وإسنادنا قفش وحراب وعن كلمة الناقد نشيم لحانا=نافي ونوفي مع نزيهين الأشناب وبالشعر منهاج الحقايق لغانا=لاصار بالشعار صادق وكذاب وليا إنفتح باب العيا والمشانا=على الخصوم الطايشه نقفل الباب وهـــذا رد الــشــــــاعـــــر/ عبدالله بن فاضي المشيعلي
يابدر بن عواد قافك لفانا=ناديت عبدالله وعبدالله أجاب يالله يالمعبود يالله عسانا=نكسب رضا بدر الحويفي بالاعجاب شاعر حكيم ومن خيار إرفقانا= استادنا المبدع على زين الاداب شاعر خدم شعر النبط ماتوانا= اثبت وجوده بين راوي وكتاب شاعر علم سيفٍ يضد إضددانا=يحسب إحسابه بالقبيلة وينهاب يسنا ولا يصعب عليه المسانا=مد وجزر بحره له إذهاب وياب يقيس ببحور المعاني مدانا=وش عند قبطان السفينه من إزهاب أعلن رثاه وشاد يطلب رثانا=ويقول عزوني على فقد الأصحاب اللي مواقفهم تضد أخصمانا=بالماقف اللي للرياجيل غصاب ذكرت سته من كبار شعرانا=اللي شذاهم للعدا حر تيزاب سبيل كساب الرهن بالمثانا=اللي خزم خشم الجمل شامخ الناب وبن صخيبر والعسيلي حتانا=بنقض وفتل معنا لواليس الأنشاب وأذكر رجاءالله والعجي بفقدانا=بالملعبه ننطح بهم كل لعاب وهواش لاطال العيا والمعانا=له كلمةٍ يبلش بها الخصم لوتاب راحو وباقي يالحويفي سرانا=كل الجماعة مع هاك الدرب هراب الموت يابدر الحويفي ورانا=تذكر النومه تحت لجف سرداب سبحان عالم موتنا ومحيانا=الوقت يمضي وآخر الوقت نكاب نرثي ونِرثى يالله المستعانا=من جاه يومه مات ماتفيد الأطباب اما رثينا العود ولا رثانا=الموت يقضع قلة العود والشاب يغيب نجم وبه نجومٍ تبانا=نجم وراه انجوم يابدر ماغاب شفنا نجوم وبه نجوم اتخفانا=لدار وراثه ولنار شباب نسمع مثل يروى قديم الزمانا=مامات من خلف من أصلابه أنجاب كان المثل هذا صحيح الضمانا= هواش ماجد وأحمر العين ثلاب وصبر ويبدو لك حسلس اشرابنا=بسوق يروج سلعته كل جلاب نارث ومنا يارثون احفدانا= يطلع مثل عنتر وإبو زيد وذياب |
مساجلة بين الشاعر خالد ابن بليهد والشاعرالكبير بدر الحويفي ..
يقول الشاعر خالد البليهد:
يالله فـي نـوٍ مزونـه مزابـيـر=يسقي الدير ويـزول عنهـا محلهـا امطار خيـر وكـل ماتنبتـه خيـر=يسيل منهـا ضلعهـا مـع سهلهـا نشوف بالديـره زهـور ونواويـر=تكثـر بهـا الربلـه ويكثـر نفلهـا على الغصون الناعمة غرد الطيـر=كل الدير من فضـل ربـي شملهـا وتربع البل في حسيـن المخاضيـر=وتزخرف الريضـان للـي نزلهـا والبـدو مجاهـيـم وذودٍ مغاتـيـر=والعـز والنومـاس يبـرى لاهلهـا انـا بحـب البـل جبـت التفاكيـر=حيث اني اغليها ولا ابغـي بدلهـا عندي لهـا يانـاس حـبٍ وتقديـر=ارضى من ارضاها ونزعل زعلهـا سمحات الأيدي مبعـدات المشاويـر=ماحافهـا السرحـان ياكـل هملهـا وارقابهـا عـوجٍ اسـواة البواكيـر=ووجيههـا سمحـه وربـي عدلهـا يازبنها وان جـات ورد ومصاديـر=يبرى لها الراعـي وتتبـع جملهـا فيهـا مصاغيـرٍ وفيهـا معاشيـر=وفيهـا اجذعـات ناجبيـنٍ فحلهـا وفيها مجاهيـم تشـوق المحاضيـر=كبـارٍ مثانيـهـا قلـيـلٍ مثلـهـا ووجيهها مثـل السبـاع المشاهيـر=وعيونها مـن نـور ربـي كحلهـا والوضح يالأجواد ترا شكلها غيـر=يابخت مـن حظـه قـوي حملهـا الوضح شفـي يالوجيـه المسافيـر=احبهـا والـروح تحمـل عذلـهـا يازبـن صفتهـا سـواة الطوابيـر=بيض الخدود مجمّلـه مـن عزلهـا اللـي لبنهـا للضيـوف المساميـر=واللي سبرها ما انقطـع مـن سللها والبل بها شقحٍ وحمرٍ كمـا الكيـر=كالشـرار مـوزع مـن غزلـهـا البل عطايا الله وكسـب المناعيـر=ماهي بكسـب اللـي حياتـه قتلهـا مجمع الدنيـا علـى غيـر تدبيـر=يركض وراها مادري عـن قبلهـا مشغول في دنيـاه ويحـث بالسيـر=متوهـمٍ لـه حـاجـة ماوصلـهـا وصلاة ربي عـد وبـل الشخاتيـر=مـن المـزون اللـي كثيـرٍ هللها على محمـد نـوّر الحـق تنويـر=عقب الضلال اهدى البشر عن جهلها وجاراها الشاعر بدر الحويفي:
حي الجواب اللي مركـز بتفكيـر=ابيـات تفكيـر البلـيـد فتلـهـا ابيات شاعر من خيار الشواعيـر=القافيـه يقطـف نـوادر سبلهـا يابن بليهـد ياعشيـر المناعيـر=ياريف شجعانٍ على الكيف ولهـا صدقت ماعديـت زلـه وتزويـر=بابياتـك اللـي كالمغـرم نقلهـا لو كان منها صار بالقلـب تأثيـر=حاله مضت دور الحضاره شملها وانته مصور حالة البدو تصويـر=يوم البـداوه ماعتراهـا كسلهـا والبل غرام اللي براسه زعاطيـر=تحلـب حلايبهـا وتركـب ذللها ياما غزوهـا مبعديـن المسابيـر=وذاقوا مرارتهـا وذاقـوا عسلهـا نوبٍ بها يقفـون غـز القناطيـر=ونوبٍ ركايبهـم غنايـم لأهلهـا يوم انها تقطف زهـور ونواويـر=ريحة عبسها مثـل نبتـة نفلهـا واليوم مسجونه بشيك وجواخيـر=تسكب مدامعهـا عبايـر خجلهـا مصروفها تبن المـزارع وشعّيـر=كثر الشحم فيهـا وكثـرت عللها تحكم بها العملة وسلـم الدنانيـر=تاجر بها المصلاح واللي جهلهـا حلاتهـا يـوم انهـا بالمصافيـر=تقفر مع الريضان ماحـدٍ عقلهـا وعساسها قدامهـا ينقـل الطيـر=فوق اشعلٍ به نسبةٍ مـن فحلهـا تتبع مداليـج المـزون المباكيـر=اللي تنّزل كـل مامسـت طفلهـا هاذي حالات البل كبار الأباهيـر=يوم انهـا فيهـا ومنهـا رحلهـا واليوم تشعاهـا سبـاق الحناتيـر=نـوبٍ تفرقهـا ونـوب تعقلـهـا ورعيانها جيبوا بفيـزه وتاشيـر=اجنـاب ثبّتهـا الجـواز وكفلهـا مايفهمون حقوق برص المواخيـر=لاعلّـق البـوري عليهـا هبلهـا لاحاسها ضيق عليهـا المعابيـر=اما حجرها غصـب والا جدلهـا البل تني ناسٍ تسّهل لهـا السيـر=وترتع بها رتـع الظبـا بمهملهـا لاريعّـت خلفاتـهـا للمقاهـيـر=صوت المـوده لا تكلـم زجلهـا باطرافها تلقى الحباري مخاميـر=والريم حايز عن طوارف عيلهـا هذا يابو فرحـان ذوق المغاتيـر=يـوم الـبـداوه ماتـرنـق فللها يوم انها فـوق المـوارد دواويـر=وبيوتهم يستانـس اللـي دخلهـا واليوم حـالات البـداوة تعابيـر=وعيالهم شرب القواطـي دعلهـا ولولاي شفت بحالة البدو تغييـر=ماجت على بالي ولو قيـل قلهـا اجبرهم السكـر لبلـع العقاقيـر=واجسامهم قـل المرونـه فشلهـا صاموا على الحموه وراي الدكاتير=والنفس عنـدالله شفاهـا واجلهـا وعلاجهـم در البكـار الاباكيـر=اللي مع الغيشـه تـرزم هجلهـا وانا ماقول بمذهب البدو تقصيـر=نعم الرجال اللي يـذري دخلهـا اهل سلـوم وبالمعـارك مغاويـر=واصل العروبة من سلايـل سللها اخص واستثني رجالٍ بهم خيـر=اخص ناسٍ جنبـت سلـه اهلهـا لاقلت له قال الزمن فيـه تطويـر=عادات غيـره شاقتـه وارتجلهـا لو كان غادي عند نفسه كما الزير=والله يحاسب كـل نفـس بعملهـا تمت وصلى الله على داعي الخير=نبـي الأمـه والرسالـة حملهـا |
متى على الله تبتدي رخصة الطيـر=وعقب الرباط يصف ريش القرانيس والمزن بالمنشـأ نشوفـه مزابيـر=والبرق تالي الليل مثـل المقابيـس ابي إليا قالوا مشينـا علـى خيـر=والراي شـدوه العيـال المدابيـس وتواعدوا عقـب العتيـم المناعيـر=مسرى تحت داج الظلام الغطاليس ربع لهـم عنـدي معـزه وتقديـر=مدلهيـن اللـي بقلبـه هواجيـس وافيـن باللزمـات ماهـم مثابيـر=شيالة الكايـد إليـا دنـق الهيـس يبون من خشم المسمـى محاديـر=نشمل إليا لوقا ونجنب الى التيـس لاوقفوا بارض(ن)بها اثرة وتأثيـر=وفكوا براقعهن حرار(ن)فواعيـس والطير تـل وشافهـن بالعثاميـر=الخرب كوبر والطبايـل مفانيـس واعلق به اللي مزر الريش تمزيـر=اللـي مخاليبـه سـواة الدبابيـس واللي تروح طيار ما عينت خيـر=شيهان نكسها على القـاع تنكيـس نادر بحر ياخـذ عليهـا مشاويـر=ماهو بوكري(ن)يهـاب الدماميـس وإليـا تلافـوا بالمعشـى مناعيـر=في خايع(ن)جرمه سواة الكناديـس وشبوا وقـادوا للسوالـف معابيـر=النجر يلعـي والمباهـر متاريـس خفاف النفوس رجال ماهم مثابيـر=ولافيهم اللي فيه كبر(ن)ولا فيـس وجوهم يبون الكيف ربع(ن)مسايير=قالوا علوم الربع قالـوا عواسيـس نذكر لكم جول(ن)رثعنابه عصيـر=حازن من الخبه يبـن الطعاميـس في ماقع(ن)عقب المطر مابعد ذيـر=تومي بنـواره هبـوب النسانيـس والصبح مدوا للحـراوي مداويـر=وطاحوا بجرتهن جداد ومداريـس وحثوا بهن بالخور مثل الطوابيـر=وتزارقن قوع الشجـر والمتاريـس وتنهض اللي كن عينه سنـا الكيـر=كد ذوقوه مـن الثنـادي تلاميـس والخرب قام يحوز دون المعاشيـر=وزته وطار الريش مثل القراطيـس ومدوا عليهن مبهمـات المواصيـر=شغل الفرنج مقولمـات النواديـس وصادوا و وفقهـم ولـي المقاديـر=واهل الوكارى ربطوهـن مفاليـس هذي حلاة الصيد وقت المخاضيـر=وبعض الصقاره يالنشاما مطاريس |
يابـو فهـد قلـبـي تـقـل فـيـه لـحـام=كنـه بـراس الـتـاج تـكـوى عـروقـه بأسبـاب طيـرٍ مـات والـنـاس صـيـام=بآخـر شهـر تسـعـه طويـنـا سبـوقـه النـادر اللـي يعـجـب العـيـن لاحــام=يـا زيـن تنجيمـه ومـا احلـى خفـوقـه وان طـار وأقفـى عـن نـويـه يعـوقـه=عـزالله انــي ضـايـقٍ عـقـب غـنـام ألحـق علـى القـلـب المـولـع حـروقـه=ان ماحصـل لـي سجـةٍ مثـلـي الـعـام آخـذ بـهـا بـيـن الصقاقـيـر روقــه=لا كـان مـدري عــن مقـاديـر الأيــام يالله عسـى حـظـي تسـاعـف وفـوقـه=انـا غـرامـي شـقـة الـنـور مجـهـام الفجـر لا أقفـى الليـل نــوره يسـوقـه=لا طـاب نـوم اللـي ليـا نــام مـاقـام أكبـر ضحـى يـاكـل غــداه وريـوقـه=يسهـر علـى البيلـوت وفـنـون الأنـغـام وكشـف الـبـروق اللامـعـه مايشـوقـه=مالايـعـه لـكـم الصـحـاري بـالأقـدام ولا أحفـت ذعـاذيـع الهبـايـب رمـوقـه=مـاهـو بمثـلـي بـيـن عــال ولــوام مـن شـان نفسـي للصـقـاره عشـوقـه=قلـبـي لشـرسـات القرانـيـس مـريـام اللـي لهـن بـيـض الـدواغـر علـوقـه=هـذا غرامـي لـو تجـي لـي بــالأولام اليا قطعـت ( البتـر ) وعـروق ( لـزام )=ضـاعـت هـمـومٍ بالضمـيـر مخنـوقـه فـي ديـرة مـابـه مــزارع ومـرسـام=بين ( الخرم ) ( الهوج ) ( شعاف لوقه ) مـع ربـعـةٍ نـقـوة شغامـيـم وحـشـام=وخويـهـم يحـشـم ويعـطـى حـقـوقـه كـل ابلـجٍ يعجـب مقـامـه إلــى قــام=مستـارثٍ طيـب النـبـا مــن عمـوقـه مـاهـو لـغـاويٍ ولا هـــو بـشـتـام=صـدره وسيـع وزيـن الأخـلاق ذوقــه |
واطيري اللي لأبرق الريـش جـذاب=بالقـاع وان طـارت يخيـب تعبهـا لا شافهن في جانب الروض ما هـاب=حول على اللـي نفضـت لـه غلبهـا بالكف مـا يكفـخ وللصيـد قصـاب=كم خـارمٍ منـه أقرشـت لا ضربهـا غدى وأنا اومي له على راس مرقـاب=طلعـه ورى برقـا بعـيـدٍ طلبـهـا بيني وبينـه زولـت قـور واهضـاب=هـف وهفـا بـأرضٍ قليـل عربهـا ونخيت صدقانـي عريبيـن الأنسـاب=وكـلٍ تحـيـزم وأستـعـد لطلبـهـا وراحوا على الحروة يرمّون الأسبـاب=فـي ديـرةٍ بالقيـض تابـس اقربهـا وجوني وعزوني عن الطيـر حطـاب=وأستقنعـت نفسـي وهـون غضبهـا قالـوا لقينـا جثتـه بيـن الأطنـاب=تلعـب بـه الورعـان جملـة لعبهـا لا جاء القدر مال الفتى عنـه مجنـاب=يـا مـا فجـع نـاسٍ ونـاسٍ نكبهـا وياما خـذا طيـرٍ تدرايـه الأجنـاب=وإلا الطيـور تمـوت ماحـدٍ حسبهـا مثل ( الخريشا ) وأبن حثلين ( عقاب )=لا طار عن بيـض المفـارع سلبهـا يوم الفعول برمح وسيـوف وحـراب=ومشـوكٍ يشظـى العظـام وعصبهـا هاذي علومي ياعزيزيـن الأصحـاب=في طيرتي واللي جـرى مـن سببهـا |
يقول الشاعر جزاء صالح مسنداً على بدر الحويفي:
يابدرما انتـه والعـذارى ولايـف=عنهن تراك ابعد من الجدي لسهيل وفارقت لامـا مترفـاتٍ عفايـف=بيض العواتق لا بسـات المفاتيـل نجل العيـون معسـلات الشفايـف=وخدرات الأعين والحواجب مكاحيل اللي عبثهن بالقلـوب الصخايـف=وكلٍ شكى منهن عذاب وغرابيـل ولو القلوب اجبال صارت خفايـف=وياما غدن بقلوب ربـعٍ حلاحيـل والا بليد القلـب عنهـن مسايـف=ولا شوّقه دعج العيـون المظاليـل وانته على ماقيل شايـف وعايـف=وعن الركاب منزلالشيـل تنزيـل ليا صار متنك صاير لـه سنايـف=وتدبح بمشيك واللأحجـة مشاهيـل والزول مهدف والتراكـي نحايـف=ونظارتك سودا مثل حالـك الليـل وجسمك مثل عظم تضبّـه كتايـف=ولا باقي الا هيكلـك والعصاقيـل ومن كبرك سنك ماتبيك الوظايـف=والواسطه مالـك عليهـا مداخيـل وعليك من سرحان بعض الوصايف=الذيب الأشهب فيـك منـه تماثيـل ولو شافن الخفرات ماكنت شايـف=مايقبلنك لو قضن عمرهـن حيـل ماهو ردا بك ياذرى كـل خايـف=عند اللـوازم نعرفـك بالتفاصيـل من روس ربعٍ ياخذون العطايـف=وياما اتعبوا من سبّق الهجن والخيل وفعولهـم بمصقـلات الرهـايـف=ليا طوحن سمر العذارى الهلاهيـل وليا اعتلوا فوق المهار الزغايـف=يردون ساحات الوغى بالمصاويـل ما ارزقهم بالحرفنـه والحرايـف=ولا يزرعون الحب وسط المشاتيل وانته حفيد اللي عليهـم حسايـف=ولا افضّل الميت على الحي تفضيل زبن الدخيل وموميـات السفايـف=ومدهال طلقين الوجيـه المشاكيـل وسوالفك عنـد النشامـا طرايـف=طرايـفٍ مابيـن شرابـة الهيـل مافيك ماينقال وابيـض صحايـف=صحايفك بيضا بيـاض الفناجيـل لاراجـيً منـك ولانـي بخايـف=انا اشهد انك من خيار الرجاجيـل سبعٍ تعشى وان هبا كـل خايـف=لاشك كبر السـن مافيـه تجميـل ويوم الصبا وانته رقيت المهايـف=ومعاك في كشف المسافات دربيـل يوم الفزوز اللي تـرب الحتايـف=تسري وتصبح قدمهـن بالمداهيـل واليوم عصرك يافتى الجود طايف=واسمح لغيرك قبل يوم المراحيـل واحذر تعـدي بالرجـوم النوايـف=يمكن علينا تجفّل الصيـد تجفيـل ورزقك على اللي مايدينه قظايـف=اللي حمى ركن الحرم من هل الفيل واسلم وسامح بالمـزوح الخفايـف=نبـي سوالفنـا طرايـف تعاليـل ترى على مثلك تجـوز العجايـف=والا الردي يابدر مابـه محاصيـل ورد عليه الشاعر بدر الحويفي:
جزاء غزاني شاف غـزوي نكايـف=عنده خبر معرض عن القول والقيـل ساقه علينا من هواء النـود طايـف=نـوٍ ثقيـل وفيـه بـرق ومخاييـل وساسي حجر ماهو عشاش وصرايف=يهزهـا دفّـاع الامـواج وتمـيـل ياللي بحـال العـود مانتـه برايـف=علي ينخونك بعـض نـاس بالتيـل يبي علـى راسـي يلـف اللفايـف=طاوع صديقه والتمس منـه تفصيـل بمكبرات الصـوت يرسـل قذايـف=وركز مواقعهـا علـى غبـة النيـل صارت صوايبهن بجنبـي خفايـف=مرن ولا ضـرن سلامـه وتسهيـل يارجل بالشيبان ويش انـت شايـف=زمل الحمول ليـا رغـن المخاليـل مـن لايعـوه بشلفهـم راح عايـف=ليـا دبـرت خيـلٍ وخيـلٍ مقابيـل قطاعة الصحراء وجـرد الحتايـف=اللي بها حـرش الأفاعـي مشاويـل وعندك خبر يوم المعوشـه خطايـف=ايام غـارات العـرب والمصاويـل ومن شب شاب وذاق عجز وكسايف=ذي سنة الدنيا وجيـلٍ بأثـر جيـل وعندك خبر للجيـل الاول خلايـف=ارجال ماتوا والخلايـف رجاجيـل ياللي على اسلوبكـم بـه جحايـف=يبحل به اللـي مايعـرف التحاليـل هوم لو هـو مـن قلـوبٍ نظايـف=ابعد عن الشكه من الجـدي لسهيـل محدود مايلمـس حقـوق الطوايـف=مضمونه الواقـع امـزوح وتعاليـل موضوع ماله يـم غيـري هدايـف=تعليق من صاحب لصاحب بتسجيـل يقول شايـب واحترمـت الوظايـف=والرزق عند اللي تكفـل اسماعيـل وان كان عندك غير هـذي لغايـف=ياصاحبي لا تكرب الحبـل بالحيـل مافيـه داعـي للأمـور العنـايـف=العنـف يثـر بالصاقـه عراقـيـل خل الهدف بينـي وبينـك مسايـف=تـرا الجمـال عيونهـا للجماميـل والعرف قـدوه للرجـال العرايـف=وانتم عـوارف ماعليكـم مداخيـل انتم رجال العـرف مانتـم عذايـف=اهل وفـا وسلـوم قـول ومفاعيـل وصوغاتكم دايـم تجينـي غلايـف=واليوم صوغتكم بهـا نـوع تشكيـل مهمـا علـى تـدورون الحـوايـف=مانـي معاتبكـم بــرد التماثـيـل وانا من الموضـوع مانـي بخايـف=اخاف يجهل وضعنا سـاري الليـل وتصير قصتنـا مقيـض ومصايـف=نزهـة فـراغ مجمعيـن الدهاويـل ناسٍ تـذوق مـن بحرنـا غرايـف=جهـال تفتـح للسوالـف سرابـيـل السالفة لو هـي مـزوح وطرايـف=لازايـده وزنـه ولا ناقصـه كيـل تفسيرها عنـد العقـول الصخايـف=كبر الجبل لو هي كبر حبـة الهيـل لاكـن عليّـه لاتـحـد الرهـايـف=انا محملنـي شقـا الحـظ تحميـل وموسـرٍ عـود القنـا بالكتـايـف=ومسلّم امري رب موسـى وجبريـل حقي من البيض الحسـان العفايـف=دور انتهى ماهـو مغـازل مهابيـل ماهـو غـرام بالهواتـف خرايـف=واحلام بسلـوك الهواتـف مراسيـل اخـص راديـن العقـول الخفايـف=اللـي محبتهـم سماجـه وتضليـل والا الرجال اللي سيّرهـم شرايـف=تمنعهـم الشيمـه وسلـم الرجاجيـل وحكمك بوضعي يارفيقـي سرايـف=اول هجوم وتالـي الـدور تجميـل خطة نشامـا مابهـا زيـف زايـف=تشـاورو واومـو لنـا بالمنـاديـل وارسلت روس اقلام مامـن كلايـف=وارجي السموحه يارفيقي عن الميـل ماعامل الطيـب بسـود الصحايـف=اهدي له الصوغـه تحيـات وكليـل لو كـان حـر ولا عليّـه حتايـف=ارتّل المعنـى عـن النقـد ترتيـل وارضي بميزان النصف والنصايـف=ماني عوج يحتـاج نظـره وتعديـل وان جنبـت مانـي عليهـا مهايـف=ماحمّـل العاقـل شمـات العواذيـل غيبـي بعيـد ولا بنـودي قظايـف=مـع احترامـي للنشامـا المشاكيـل والطيـب ادمـح زلتـه والعجايـف=والا الردي شوفـي بعينـه سماليـل في حاله الين من نسيـج القطايـف=وفي حاله اقسى من جبال البرازيـل وتمت وصلـوا عـد وبـل القنايـف=علـى نبـيٍ نفـل الديـن تنفـيـل |
وهذه قصيدة للشاعر جزا بن صالح مسندها على الشاعر بدر الحويفي ..
يقول جزا:
يابـدر عيّـن لا يهيـدن عيونـي=يبكن لهن ناسٍ علي امـس يبكـون وعندك خبر لولا الغلـى مابكونـي=لكن عزيـز وهـم عليـه يعـزون وانـا ابتليـت بحبهـم وابتلـونـي=وحبيتهم حيث انهـم لـي يحبـون وعطيتهم قلبـي مثـل ماعطونـي=وانا وفيـت وهـم يقلـون يافـون وطال انتظـاري لينهـم عذبونـي=وصبري نفذ ماعاد لي باقـيٍ لـون وباح العزا من ضامري واذهبونـي=ولا كن في تعذيب حالـي يشوفـون وان قلت ماهو حـق لا تذبحونـي=عيّـو بحـال المبتلـي لا يرفـون وقلبـي خـذوه وبالهـوى ولعونـي=وبيحت سدٍ بين الاضـلاع مكنـون واحبـهـم وافراقـهـم مايهـونـي=يابدر فرقاهم على القلـب ماتهـون وان جيت اباشكي حالتـي بعدونـي=وان قلت ابا اقفي بالتـودد يهلـون واليـوم منهـم يابسـاتٍ شنـونـي=يبست شنون الكبد والقلب مشطـون اشنـون كبـدي يابسـه واتعبونـي=كما شنون اللي للأطمـاع يسعـون يبست شنون اركاب من يطمعونـي=اشنون ركبـن للطـوارف يويقـون ركبٍ على تال الدبـش يسبرونـي=وفاجتهم الغاره على غيـر يـدرون وراحن بهـم هـرّاب مايسمعونـي=وشجعانهم في تالي الجيش يرمـون على الذي فـي حبهـم جرحونـي=وليا ا شتكيت الحال عيّو يروفـون يابـدر منهـم طايـلاتٍ شطونـي=والقلب منهم صايـرٍ فيـه شاطـون يسوقني سيف الهـوى وافضحونـي=وسيفٍ على قلوب المحبين مسنـون الله يجزاهـم مـثـل ماجـزونـي=وما ذقت من هجر النيالـه يذقـون اقفـو وانـا ماظنتـي يرجعـونـي=وانا نحيل الحال من دون فـي دون واليـوم عنهـم مقفيـات ظعونـي=ولا ظنتي عقب المفـارق يـردون بـدوٍ علـى نـو الحيـا يتبعونـي=وان لاح براق الحيـا لـه يشـدون لاشك انا بوصيـك وانتـه تمونـي=وصيـةٍ وانتـم علـيّـه تمـنـون اوصيـك يامشكـاي لاتذخـرونـي=واحفظ وصاةٍ راعيه منـك ممنـون اليا مت في راس الطويل ادفنونـي=اغدي شديد البـدو يمـي يمـرون اظنهـم فـي ديرتـي ينزلـونـي=يمكن تجي ناسٍ على القبر يقفـون وان شفت جني رادعات الوجونـي=انته من اللي فـي طلبنـا يثـارون لاترحم اللي بالهـوى مارحمونـي=ترى الجروح اقصاص وانتم تعرفون يامسنـدي لا تقبـل العـذر دونـي=ولا تطيعهم لو كان عنـي يحلفـون هذا وانـا ادري والمقـدر يكونـي=بامرٍ من الله كان بالكـاف والنـون ومن لا شرب ياصاحبي بالحفونـي=شربه على ذرعـان ذولاك مغبـون وتم الجـواب وبأخـره سامحونـي=وانتم من اللـي بالمهمـات يشفـون واهدي سلامـي جعلكـم تسلمونـي=عداد من فـي طاعـة الله يصلـون وصلاة ربي عـد وبـل المزونـي=وعداد من في بيـت مكـه يلبـون ورد عليه الشاعر الكبير بدر الحويفي .. يقول بدر:
يامرحبـا عـداد وبـل المـزونـي=نو الجبـاه وناوتـه ديـم وغشـون ذعذع له الشرقـي وجـوه اسكونـي=ساق وتساقى بيـن وديـان وبطـون وطيّر حشاط القاع نـدف الغشونـي=واستبشـروا نـاسٍ لنـوه يخيلـون هـذا وانـا ممنـون للـي نصونـي=بابيات دافع هيضها حـب وشجـون جـزاء شكالـي مخلفـات الذهونـي=وانا مسكـر دونهـن بـاب كيلـون يشكـي غـرام معسـلات العيونـي=احيا زمان الباهلـي وابـن لعبـون يوم الهـوى مالـه دخـل بالفنونـي=والنـاس بالعـشـاق مايستشـكـون واليـوم بالعشـاق تشيـن الظنونـي=الدور غير الدور له سبـر وعيـون النـاس باقـرب نـاس ماياثقـونـي=من كثر مايهـرج عليهـم ويوحـون وعكـر مـزاج منسعـات القرونـي=اللي لهن وزر المشاعيـف صابـون خشوف الصحاري هافيات البطونـي=ليا لايعن راع الهوى كونهـن كـون قبلـك شكولـي حبهـن وازعجونـي=واقنعتهـم باسلـوب مهمـا يحلفـون نـاسٍ عليهـن ياجـزاء ينحبـونـي=لولاي اهـدّي جوهّـم كـان يبكـون واما انت موضوعك دمجتـه بشونـي=عسى السبب ينفع وبـدوك يطيعـون ليا جيتهـم قلـت الخـوال جلبونـي=وانا وقفت بسوقهـم كـان يشـرون وان كـان هـم بالجـاه ماقدرونـي=ولا صار للشيمـه ملافـي وماعـون مع باب ثانـي جيتهـم لـو شنونـي=واغريتهم بالمـال مهمـا يصـرون قلت افرضـوا يالربـع لا تستحونـي=اللـي تبونـه لـو تقلـون ملـيـون وتشـاوروا فـي رايهـم وفهقونـي=وانا اتحـرا ياجـزاء وش يـردون وطال انتظاري ياجـزاء وبحلونـي=وخليتني جمرة علـى راس غليـون وسمعت مدري قيـل نـاس ابلغونـي=ان الغضي حبلـه معقـد ومشطـون ولا هو وكاد العلم مصـدر اظنونـي=واليا كربـت العلـم قالـوا يقولـون صريح مـار النـاس ماصارحونـي=نوب افتهم منهـم ونـوب ايتناجـون وازريـت اميـز رايهـم واشغلونـي=وقالوا بشرط ان كان بالشرط ترضون قالـوا نبـي مـع نجعنـا تنجعونـي=ودام النسب من بيننـا ماتحضـرون وانـا بحكـم المرتضـي وكلـونـي=ان كان حكم الشرع وان كان قانـون ابا اجتهد في واجـب اللـي نخونـي=عسى يوافقنـي بهـا حـظ وتهـون ثنتيـن فيهـن ياجـزاء لزمـونـي=بالجاه والا المال حاضـر وممنـون وزودٍ علـى الثنتيـن لا تشرهونـي=مافرض على طوق العرب حد مسنون وانت المخيـر ياجـزاء واخبرونـي=والبـدو مطلبهـم عليكـم تـبـدوون اما امتثـل للشـرط والا اعذرونـي=البـدو عيّـو ياجـزاء لا يليـنـون هذا وسامـح كـان هسـت لحونـي=وعلى جوابـي ياجـزاء لا تقصـون انا ابتحلت بـراي نـاس احرجونـي=ناسٍ شكولي ياجـزاء قبـل تشكـون حيران باحـراج الشقيـق الحنونـي=اللـي مراسيلـه علـيّـه يطـقـون واجهدت لكـن بالقصـور اتهمونـي=وقامـوا عليـه بالملامـه يحضـون واحتار فكـري بامرهـم والهدونـي=لكـن مـاودي علـيـه يضيـقـون وقلت افلحوا ياهل الهوى واتركونـي=باذني صقه ياهل الهوى لـو تنـادون من يوم شفـت امفلجـات السنونـي=اللي تنـوع كـل ساعـة لهـا لـون اللـي شعرهـا مايطـول المتونـي=وتزوي شمايل ثديهـا تقـل سيفـون دايم على صـوت المسجـل تنونـي=وعلى صداه تطق الاصباع بالحـون والله ماكـذب شـي شافـت عيونـي=ناسٍ على حيد الرصيـف يتمشـون عقبتهـم مالـي بـهـم واعقبـونـي=من شكلهم يلقـون نـاسٍ يهوسـون مانـي مخاطبهـم ولا خاطبـونـي=ولاني مقارن بين صاحـي ومجنـون لـو ان عشـاق الهـوى عاتبونـي=انا احتمـل منهـم قناطيـر وطنـون |
ياحمـد انـا يابـوك شوفـي تدانـا=تقريـب ثلثينـه فقدتـه مـن العـام والحيـل والله يالحـوفـي تـوانـا=وحسيت عجزي بالمفاصل واللأقـدام الله بوصلـك لا يخـيّـب رجـانـا=اميـن يامنـزل تبـارك والانـعـام اوصيـك بالتقـوى وحفـظ الامانـا=والوالدين حقوقهـم فـرض ولـزام ابيـك لامـن الـزمـن احتـدانـا=تاقف معي لمصادمـة غبـر الايـام وتـرى التمسـك بالعبـادة رضانـا=والرزق عند اللي بالأحـوال عـلام وترى الشريـف وسمعتـه ماتهانـا=والا الجهل ضـد الرجولـه وهـدام يرميـك مـن روس العـلا لطمانـا=ويرخص مقامك عند ربعك والأخصام وصحبة ضعيف الدين راس الهوانـا=والله خلق بالنـاس مذمـوم وحشـام والمرجلـه صحبـة طـوال اليمانـا=اللي عـن الشكـه بعيديـن وكـرام وصحبة قرين السوء تعـدي ضمانـا=ومن لاحسب للعاقبـه طـاح ماقـام وعن مايعيب النفـس ربـي نهانـا=وحنا عرب وشعارنا ديـن الاسـلام الله عـن الفعـل القبيـح يحمـانـا=ويجعل لنا من طاعته درع ووسـام عسـاه للفعـل الصـواب يهـدانـا=وانـه يجنبنـا المعاصـي والأثـام تقصيرنـا واجـد وواجـد خطانـا=والله كـريـم وللمنيبـيـن رحــام الله مراقبـنـا ويعـلـم خـفـانـا=حنـا ننـام وخالـق الكـون مانـام بامـره تكـونّـا ولــه منتهـانـا=حكمه يدوم وعمـر الانسـان مـادام ننسـى حقـوق الله وهـو مانسانـا=واعمالنا تحصى على روس الاقـلام مشاكـل الدنيـا سبـايـب وبـانـا=تضحك لنا وخلافهـا المـوت هـدام تضحك لنـا الدنيـا ونطـرد شقانـا=ونعيمها فاني مثـل طيـف الأحـلام الموت وحسـاب المحاسـب ورانـا=مادامت الصحـه وتنعيـم الأجسـام وصلوا على اللـي للشريعـه دعانـا=اعداد من صلى الفرايض ومن صـام |
وهذه قصيدة للشاعر الكبير سبيل بن سند -رحمه الله- مسندها على الشاعر الكبير بدر الحويفي ..
يقول سبيل:
يابـدر ماتخفـى علـي السواليـف=ياطيّـب الرفقـه بعيـد الهـقـاوي ادري واعرف ملامس الشلف والشيف=ورفيف الأبرق من رفيـف النـداوي لكن اطوّف فاضي الحكـي تطويـف=لين انهـا تاصـل حـدود اللحـاوي واليا التفتنا لـه هدمنـا الغظاريـف=بمطـرقٍ يبعـد خفيـف الاهــاوي كد هيز ياواف الخصايل وكد عيـف=ملامسـه يحيـر فيهـا الـمـداوي اليا طب ميدان النفـوس المشاريـف=حطت ووطت مـن كثيـر العـزاوي والا الكمـال لواحـدٍ حـي ومنيـف=ذا الجواد والحبل المتيـن الرهـاوي محيي النفوس وخالق المزون والريف=محيي الهشيم اللـي شعيبـه سنـاوي ماقول انا عنتـر ولا قايـل استيـف=اقـول وهـاب الوهايـب سمـاوي لكن ليـا منـي رفعـت المراظيـف=سـم الحنيـش وسمّهـن امتسـاوي وليا ضرب رمحي مدق الشراشيـف=شـال الصفـاق وصلعـن الكـلاوي يوم الردي في مذهب الكلب حريـف=يندس وذي عـادة كـلاب الشـواوي ياصلك غافل ويترعرع اليـا شيـف=ويروغ اليا قلت الخـلا يالضـراوي لاكان خلـه يابـدر يركـب الهيـف=يطويك في بشتتـه وانـا بالعبـادي والحر يدري ليش نصبر على الحيف=وش هـو مدانـا لابتلتنـا البـلاوي ماهي سواليـف الوجيـه المكاسيـف=عشاقـة الميلـه بلـيـا حــراوي على الرفيق يصلفحـون التصانيـف=ومن الهبـوب يسخـرون الجنـاوي والضـد ياخذهـا عليهـم مدانيـف=والكـل معطيـه القفـا مـايـراوي كنـه مكتـف عـن تحديـه تكتيـف=لكن مـن العانـي يبـون العشـاوي بصرار وبـرزّة خشـومٍ مشانيـف=وان ذار مالك تنشـده ويـش نـاوي يضرب بك الغبة ويظهر على السيف=ويطير بك يـم الكواكـب فضـاوي يصل القمر ويرد فـوق العواصيـف=وانته معه كـن الرياحـي خـلاوي واليا صرخ باذنـه دوي القواصيـف=راحـت حماريـه وتمـزّع يـلاوي من عقب ماهو حاتم الكف ياضيـف=وعنتـر ليـا غيّـم نهـارٍ عمـاوي ويطق بأصبع لابن لعبـون وحنيـف=وابـن ربيعـه والحيـاة الخـلاوي ماعلق المنسـف ولا علـق السيـف=مثلـه ولا غـنـا ولا عــد راوي هذا الدليل انه على قصر واصخيـف=لاكان رايك وانـت رايـك كفـاوي رايك نسّيـر فيـه الاقـلام وانقيـف=والنـار نشعلهـا ونحمـي المكـاوي ورد الشاعر بدر الحويفي ..يقول:
يامرحبا عداد ما اشرق ومـا شيـف=نـور الكهـارب بالمـدن والقـراوي باللي فتح لسلوب غامض مظاريـف=ولفتـت نظـر لملليـن الغـطـاوي ضيحه زمت له بين غزو ومناكيـف=نوبٍ تـزم ونـوب تعطـي مهـاوي وده يوقفهـا علـى حــد توقـبـف=وانـا اعتبرهـا للثمـن ماتـسـاوي ياللي تقـدا بـك رجـالٍ عواريـف=طلبـت منـي راي وانتـه غنـاوي رايـي تودعهـا نشيـط العواصيـف=لو انـت متسيطـر عليهـا عـلاوي (يمكن لها باوضاع غيرك محاريـف=وانته لها تطـرق عطيـب الاهـاوي انتـه تخيلهـا مثـيـرة قـواذيـف=وانا اعتبرهـا مـن ثميـن الهـداوي رايي تجاوزها مثـل سانـع الطيـف=واقرب حرا القصه مجـرد حجـاوي (وقصة رفيقي قصة الجار والضيـف=على المعـزب مـن كبـار البـلاوي يابن سند بالصبر رحمـه وتخفيـف=وترى التسامح حق فـرضٍ سمـاوي ترى الظنون تنشف الفكـر تنشيـف=نوبٍ تصيب ونوب تضرب هـواوي العام انا سامـع هـروج وتصانيـف=من نـاس ماتفهـم كثيـر اللغـاوي ناسٍ تحرف وقع الامثـال تحريـف=شجعان الالسـن بارديـن الهقـاوي وان قلت من هم قيل هذلول وخليـف=شبّابة العنـدل علـى عـود جـاوي ناسٍ ترّكـز للجبـر شـوك عكيـف=ويرثع بغيبـات العـرب كـل واوي وان كان تذكر لـك كـلابٍ دناديـف=وتقول منهن قـد ختلنـي ضـراوي قبل سمعت وشفـت واقـع وتطفيـف=وخليتها تضـرب وسيـع الفضـاوي وان لهـا لـو ماتشيمـت حـريـف=لاكان ما ازعجنـي نغيـط العـواوي من شيمة الطيب حشمـت المهافيـف=لو يتـرع الكلمـة خطـاة الرغـاوي اللـي يسطـر فاضيـات السواليـف=نفعـه ضنيـن وبالسوالـف رهـاوي لولا الرجال اهل اللـزوم والمواقيـف=لبّست راع الغـوج بشـتٍ حسـاوي لو ان غوجه من سبـاق الشواحيـف=مرهي عليه اليـا بغيـت الغطـاوي اللي يبـي يمسـح حنـان المواليـف=ياعنـك لا طيـب ولا هـو حيـاوي وبالمجتمع ينعش صدى الكذب والزيف=يقول انـا مـع حـق وفـلان داوي ومادام نار الشيـخ ماتعلـق الليـف=ماهو على عسـر اللحاليـح قـاوي ماتبـرد النمـه كبـود الملاهـيـف=ولا تنفع العقل الضعيـف الـزراوي واللي يلغف غايـب النـاس تلغيـف=لاعـل مالـه عنـد ربـه عـراوي من دق بالغيّـاب هـزلان وضعيـف=حتى ايش لو هو عند نفسـه فـراوي وانته رجل عارف ومن ناس عُريـف=ماضاع لـك حـقٍ ووجهـك نقـاوي يوم الرعود اللي بها بـرق وتخفيـف=نجمك لمـع يـوم المهـذب جـراوي هاك الخيال اللي سرى لـه رفاريـف=سيله على بعـض المناهـل نحـاوي وقفت لـه فـي قـو همـة وتعنيـف=ومن عادة الطيب سمـوح وقصـاوي |
وهذه قصيدة اخرى للشاعر الكبير جزا بن صالح مسندها على الشاعر الكبير بدر الحويفي ... يقول جزا:
يابدر يامشكاي هب الهـوا غـرب=وهبّت علينا مع غيـاب الغروبـي هيفيـةٍ يامسنـدي تقلـع السـرب=صلفٍ هواها واستشـاط الهبوبـي وتصفق عليّه يابدر ناعـم التـرب=وعلي تصفق من شمـال وجنوبـي والمعجزات العشر ماعنّهن هـرب=ولام طريقٍ لـو بغيـت الهروبـي ولو كان ليّه مع نسم عجهـن درب=لابد مامشي مع هواء النود دوبـي هذا صحيح وكـل شـيٍ مجـرب=ولا من مفرٍ والبشر لـه اعيوبـي وانا اتحملهن على العسر والكـرب=وراع الادب لازم صبورٍ وادوبـي ومواقفـي يـوم المثايـل تعاقـب=كلٍ سمعني فـي طرايـف لعوبـي لاكن يجينا هـرج نـاسٍ تهـرب=هـرجٍ هلـه ياسبقهـم للهروبـي هرجٍ جديـد وبالضمايـر تشـرب=لين استشمت ضربةٍ فـي اجنوبـي حكين وتفسيـره علينـا تضـارب=وموجهٍ يابـدر صوبـك وصوبـي والهرج يوم انـه علينـا تسـرب=كـلٍ بعرفـه دون حقـه ينـوبـي وانا عصايه راسها من عصا حرب=واعد نفسي من شبـاب الحروبـي واللي علينـا يالحويفـي تعرقـب=لا يرمي الصيـده ولاسـد نوبـي لاشك بعض العوج مالقي لها طـب=ولا تنحمل وانا الضمير امعطوبـي ولا بد راس الحيف مايسطح الغرب=ليا تلته بارشـاه خطـو القصوبـي غير السباع اللـي علينـا تقانـب=اللي تقانب في طـوال الهضوبـي وانته وانا يابدر فـي راس مرقـب=وانا معك وانته صعيـب الدروبـي وش راي راسك يالشجاع المجرب=في بعض هرج مثل وصف الذهوبي انا افتـح الموضـوع والا اتجنـب=وش راي فكرك يا الأديب اللعوبـي وكان انت تامرني نشب الخبر شب=وانا على بـدع المثايـل طروبـي حنا نصب القاف من روسنا صـب=من شان راع الهرج عنـا يتوبـي وانا بري وانـت للقـاف تطـرب=حيث انت تفهم في معاني اسلوبـي والشك والتهمه على لاحس الـرب=وربه على روس الشوارب يذوبـي وان كان بعض الناس قـام يتقلـب=يابدر عرفي فيك حـل الصعوبـي وانته حكيم وراس شلفـاك تلهـب=وراع الطنا منك يشـق الجيوبـي يالحر يالقطـاع يالذيـب الاشهـب=ياللي على خصمك تطق الكعوبـي وكان المدارى يابدر فيـه مقضـب=القلب من كثـر المـدارى يهوبـي واليوم كان انت تجنبـت الاجـرب=كثرت علينا الجرب من كل صوبي وهذا وتسلم والسلامه مـن الـرب=وعسا تسلم مـن جميـع الذنوبـي ورد الحويفي يقول:
حي الجواب اللـي لفانـي مرتـب=من شاعرٍ وجّـه معانيـه صوبـي ابيات جتنـي مـن حكيـمٍ مهـذب=جبـار ماهـو مسنحاني نصـوبـي يالماس يالفولاذ يالسيـف الأحـدب=لا قامت الحيـه تحـك الجنوبـي يوم المحازم يابو صالـح تكـرب=لك ماقفٍ عند الرجـال محسوبـي وانا على داعـي طلبـك اتوهـب=واللي سنحكم لامـسٍ كـم ثوبـي ممنون يالسيف الصقيـل المجـرب=لانفخت عمـي الافـاع الذروبـي لقامت اصوات الضواري تجـاوب=هذا يبـا الغـاره وهـذا يحوبـي عندك قذايف من لمس صلوها شب=ومجهـزه لمدوريـن النشـوبـي ورحاك يطحن حيدها شاتل الحـب=وسياتهـا لملقطـيـن الحبـوبـي وجهاز فكـرك بالعدالـه مركـب=وخسران بعض الناس حق ووجوبي وان كان دبـدوبٍ دبـا بيننـا دب=حشم جنابك عن دبيـب الدبوبـي لو خيلهم مع كـل شـارع تهـاذب=اسلاحهم بـروق نبـات الدعوبـي وطبوعنا مـن طبعهـم ماتناسـب=وتلقى عليهـم لـو تـدوّر نقوبـي خشاش صيـفٍ للجحيـم يتجـاذب=جندٍ عن النطق الجميل محجوبـي بكبودهم جمـره وبعيونهـم شـب=ويرّقعـون خلولـهـم بالكـذوبـي جرب الحلوق اللي علينـا تعاقـب=امعلـقـه ومخـزمـه بالهلـوبـي وان كان تنخاني على طلي الأجرب=الجرب تطلى لـو رغاهاطنوبـي هذا ويكرم كـل شهـمٍ مشـورب=عيال الحمايـل طيبيـن النسوبـي مانظلـم العالـم ولا نقبـل السـب=ولا نزرع الوسواس بين الشعوبـي حنا انـا شيمـه وذمـه ومذهـب=وندرا الحظوظ ولا نغط الحسوبـي وان كان نسناس الهوا يمنـا هـب=يدرا غضبنا كل وجـهٍ غضوبـي من هازنا عنـد المطاليـع ينشـب=لاشـان نطـق ملغميـن القلوبـي لو هو عطيب وبالشجاعه تصلـب=ان زلّت الشيمـه تـراه مهزوبـي رمحي على راع النقيلي مصـوب=حربي وضد اللي يـذم الحروبـي كان اجنبي والا ولد عـم واقـرب=ماني باحله لـو يضيـق الخنوبـي لو كـان ودي بالسعـه واتجنـب=اهل النمايم لـو سكـت اشمتوبـي ناسٍ تـذب انفوسهـا بالخطـا ذب=جسو جزاء صالح وانـا برقوبـي لكن لهم عنـدي قذايـف تزهـب=يضرب هدفهن كل زول محصوبي اخـص نـاسٍ للمشاكـل تواثـب=تجار هـرج مفرقيـن الحزوبـي ناسٍ تبـي روس البدايـد تناشـب=وهذي طبايع كـل سبـوٍ سبوبـي واللي يبي جـو الصداقـة يخـرب=ردي حظ وعـن نحـاه مغلوبـي يفرح ليا شاف القنابـل تضـارب=وش مقصده راع الحصان الهذوبي يركض مع الغفله ويجحر عن النب=وراسه على النطق الذميم معصوبي متوهمٍ في مـخ راسـه ومعجـب=سمـاه غيـم والتـراب معروبـي وجهتها للـي ليـا جـات رحـب=جزاء ولد صالح عزيـز النسوبـي وبل سلامـي كـل شبـلٍ مـذرب=وانتـه وكيـل وبالنيابـه تنوبـي اهد السـلام لكـل رجـلٍ مشبـب=اللي بركـن الباديـه واسمعوبـي والمعذرة كـان ان بالقيـل منقـب=الكامـل اللـي مطلـع بالغيوبـي حيث ان تـوي بالنشيـد اتـدرب=ان كان انا قصرت باللـي هقوبـي |
هذه قصيدة للشاعر حبيب العريمة مسندها على الشاعر بدر الحويفي ..
يقول العريمة:
يقول من زيـن المثايـل طـراً لـه=واشرف علـى راس العبيـل وتمثـل من هاجسٍ يـوم انهـن هايفـن لـه=والعصر من قصر الشرف هايف الظل لساقهـن مـن دافعـن ساوقـن لـه=ويفهم لهـن بيبـان مطلـع ومدخـل الله مـن قـلـبٍ هجـوسـه تمـلـه=والكبد من كثر العجـز علهـا عـل كثـر النفـاق مـن المقاريـد علـه=وعدواه بين الناس عدوى مرض سـل زبنـي كفيـل الخلـق دقـه وجلـه=وعن منـة الأنـذال مـدالله افضـل برزان يغني عن بعض نـاس ظلـه=والخالق الرازق يغنـي عـن الكـل لا حظت من بعض الصداقـه مملـه=وراع اللقـا مايهيـن نفسـه ليامـل اهانـة النفـس العـزيـزه مـذلـه=لاعاش من يرضى على نفسـه الـذل راع العزيـزه عـز نفسـه جبـلـه=وعن كثرة الخلان خـلٍ بـدل خـل خـلٍ ليـا منـك عرفـتـه تمـلـه=وخـلٍ يعوضـك بالبعيديـن والمـل الله ولا خــلٍ خيـالـي بـخـلـه=لا قيـل خايـل فـي خليلـه تخايـل وليـا طلـب لـه مطلـبٍ ماحصلـه=ماكـن خلـه فيـه مــره تجـمـل حبـل الصداقـة لـو فتلتـه يفـلـه=اليـا زعـل لـه مـرةٍ فلهـا فــل وراح الغلا والبغـض حـل بمحلـه=واللـي مـن اول يالحويفـي تحـول اسنـدت لـك بالـراي يامسنـدٍ لـه=يابدر بن عواد قـل لـي وش الحـل يوم انـت موضـوع الرفاقـه تحلـه=ورجلٍ مجـرب والتجـارب لهـا دل للتجربـه برهـان مـنـه الادلــه=وبعض الاطباء منه الاعصاب تنشـل ليا جاك من بعـض المقاريـد زلـه=وشلـون يابـدر الحويفـي تحـمـل يمكـن تقـول ان مـا تبلـواك خلـه=لكـن عـروق احلوقنـا تلهـا تــل بالكذب والغـرات رحنـا عشـاً لـه=بـرّق يابوسلمـان فـيـه وتمـهـل لاصار خبـلٍ عـي كيـف احتملـه=امـا نطحتـه بالعيـا قـال لـك ذل الا ولا ادري لـو ورا الهـرج شلـه=واللي هـرج بالهـرج منهـم تنفـل يشوف عنـده باكثـر النـاس خلـه=وعن عيبه اللي فيـه تقـل ايتجيهـل وشوّه طريـق الديـن مـن يستغلـه=لو هو حرامـي قلـب حـرم وحلـل عزي لمن شـذب المقفـي جـداً لـه=هرج القفا ماقيل يبـرد لاحـد غـل ياويل مـن هـرج القفـا مهنـةٍ لـه=قتـات والقتـات بالـدرك الاسـفـل والهـرج ماهـو هـم كثيـره وقلـه=مـار البـلا المحتـال ليـه ايتحيـل والله ماجامـل لـلـردي وامتثـلـه=لـو الـردي يشـره عليّـه ويزعـل والطّيـب ادمـح زلتـه شيمـةٍ لـه=ولا اشفق على زلـة رفيقـي ليـازل اصبـر واجامـل كلهـا حشمـةٍ لـه=لاشـك زلات الـردي مالهـا حـل يابـدر عـنـدي مالـهـا حــل لله=عوج الـردي لـو عدّلـت ماتعـدل ماعنـدي الا للـردي دقـمـةٍ لــه=وان شفت به ماعفت به قلت لـه ول رايـي سديـد وراي مثلـك يـدلـه=يابـدر دلـه للسنـع كـان مــادل حيثـك حكيـم وكـل شـيءٍ بحلـه=وفرصة حلاته يالحويفـي ليـا حـل وازكى صلاةٍ لا فضـل الخلـق كلـه=اعـداد مـن بالبيـت كبـر وهلـل ورد الحويفي يقول:
البارحه جاني خبر حاسـبٍ لـه=من شاعر غنّا على نايـف التـل حي الجواب اللـي لفـا بالسجلـه=بيضا بها حبر القلم مثل الأكحـل جاء من رجل لو ماعنا عانيٍ لـه=والخط لا عادي ولا هـو مسجـل من صاحبٍ يشكي خطا صاحبٍ له=وانا علـى رد التماثيـل مابحـل حبيب وجه لي بيوتٍ طـرىّ لـه=مثل الذهب من ضامره زلهن زل يشكي وانا عندي خبـر بالشكلـه=واسباب ماخلـى الدوافـع تسلـل سوء التفاهـم يالعريمـه اعضلـه=يكرب على السنه صواميل واتيـل وانا سمعت اللي حصل بالمجلـه=واخبار لاداعي تطـول وتجـول هذا خطـا واللـي سعابـه لعلـه=ياخذ حسـاب العاقبـه ويتسهـل والوضع غامض والعدو يستغلـه=لاشاف عقبـان الوعيـره تناتـل والعنـف مقـدار الرفاقـه يشلـه=والعقل لـولا المعرفـه ماتكامـل قدّر رفيقك واحشمه واحتمـل لـه=لو شفت جرفه في نحاك ايتهايـل والناس تـدري ماحشمتـه مذلـه=تمدح بها عند الرجـال وتجمـل وتـرا الجبـل ماكـل رشٍ يبلـه=يذري ومن حس الرعد ماتزلـزل وانا معك واللي فرضت ارتحلـه=واقوم بالواجب عليـه ليـا حـل بالجاه والحكمـه وسيفـي ماسلـه=وعلى الرفاقه ماتغطرس ولا افعل ورفيقك اللي بالمثـل مشـرٍ لـه=موضوعكم غيّم نهـار وتمضحـل مافيه داعـي يابـو نـادر تعلـه=وتصبح هروج بالمجالـس تناقـل ينشي لها الشيطان حجـه مظلـه=من شان يحكم بالجبر ماتواصـل وشد القصـاوه بينكـم سبـةٍ لـه=كـلٍ يقـول لصاحبـي ماتنـزل ياحيف ياللـي تحتمـون المتلـه=من بيتكم كيـف الدقايـق تبـادل ترا القصا ياناس مانتم هـلٍ لـه=عيب المشاحـن بينكـم يتطـاول لا ضـاع هـذا ذاك لا يستزلـه=تصبح على ماقيل حصنٍ تصاقـل مافيه داعـي تنفضـون الاجلـه=من شان لا مشرب ولا فيه ماكـل لو كـان دار اللـي نباهـم يدلـه=ربعٍ ليا جاورهـم الجـار مامـل تناكدوا مـن شـان بيـدا مزلـه=من قشعها سود العقـارب تناسـل وراع الوطن حب الوطن عادتلـه=يجوز من حـب العيـال يتعـادل لو كان فيها الشوك مثـل الاهلـه=بانظارهم تسوى بساتيـن وفلـل روضٍ عسى غر السحايب تعلـه=لو كان مابه غير قيعـان وكـول فيه ام سالم ترفع الصـوت كلـه=تبكي على شوف الزروع وتويـل مصروفها بالقيض بـروق وجلـه=ياليتهـا يـم الفويلـق تـرحـل الحب مـن روس الكلالـي تهلـه=وان شافت الجح المصلـع تهـول هذا المكان اللي ينومس هـلٍ لـه=والا الحزوم اللي بها رمث واعبل يوم البـداوه صـح للبـدو فلـه=واليوم فارقهـا القبـول وتحـول بين الموشـم والحـزوم المطلـه=مدهـال بـدوٍ بالمنـادي تنـازل ثلاثة اشهر من حسـاب الأهلـه=والمال من فوق العـدود يتراسـل دور مضى للبـدو يازيـن حلـه=يوم البـداوه وضعهـا ماتكنسـل يوم ان حزمـة رايهـم مستقلـه=ماحل بالديـره مراسيـم وحيـل اليـا تمالـوا بيـن نجـرٍ ودلـه=والكيف من بين النشامـا تـداول ربعٍ لـه بالخـوف هيبـه وسلـه=يوم القبايل بالصحـاري تصـاول كم فرقـوا مابيـن خـلٍ وخلـه=باللي مضاربهن تشل الدمـا شـل هذا وما يقصر بـه العـرف تلـه=ان كان عرفي عن يمومك تعايـل واسلم سلمت وجاك خطـي وفلـه=وصلوا على اللي بالرساله توكـل |
الساعة الآن 03:30 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir