راشد والهاب
سلام الله سلامٍ طار من صوب الشمال وجاك=تحـره يالسحيمـي بالشبكـه العنكبوتـيـه لوانك مت ياراشد نبي نبكي علـى فرقـاك=وندفـن جثتـك بيـن المدينـه والحناكيـه هلا يامرحبا حي السلام ومرسله حيـاك=تبي تستقبله كـل أجهزتنـا الالكترونيـة أنا يالهاب لو أموت مالي حاجة في ابكاك=ولا أدري لو دموعك كلها ماهي حقيقيـة انا مالي بموتك مصلحه جعل الردي يفداك=علامك متهمني وانت ماتـدري وش النيـه عساك تعيش ميت عام والموضوع مايخفاك=ابي هذي وابي هذي وابي ذيه وابي ذيـه تراني مادخلني شك في مثلك وفي شرواك=ولاني ناظر الا فـي الملفـات الاساسيـة تبي هذي وذيك وذيك شاور ذاك وأنشد ذاك=أكيد ارباح الأسهم داخله فيهـا الحروميـة ترى ماينجح المشروع لين اصير انا وياك=نبيع ونشتري بالسوق والعملـه سعوديـه انا مديت لك يمناي وانته مد لـي يمنـاك=عسى ربي يجيب الحسنه اللي تدفع السيه سنونك بيض ما يحتاج لافرشه ولا مسواك=أكل بالناب والأضراس وأضحك بالأمامية توصيني عن النسيان وانا مستحيل أنساك=معك ما يثبتك للكـل وأوراقـك نظاميـة انا يا صاحبي ربي عطاني خير وانت أعطاك=يابـو رامـي بـلاش الحركـات البهلوانيـه اشوف أسمك كبير وقلت ما شاءالله من سماك=بالانتـر والصحافـه والمحطـات الفضائيـه أنا كيف استفزك وأنت مثل سلاحي الفتاك=لا حاسدكم ولا شخصيتي فيها ازدواجيـه أكيد اللي مسميني قبيلة حرب دون إرضاك=ياليتك شفت يوم اقطّع ايديـن الحراميـة جزاك الله خير ووجه سلاحك على مرماك=وحنا مانحط الميتـه فـي صـورة الحيـه الياء سموك حرب الله يبارك لك بكل أسماك=وانا اللي جبتها بالعنف ماجتنـي وراثيـه مشينا بالبدايه مع بعضنا وختلف ممشاك=تقول انا تخالفنا علـى ختـم العموديـه اخاف تحدني بالعلم وحدك على قصياك=وهذا شرط من ضمن الشروط الاخترافيه يازين العقل والحكمه ياطيب الوعي والادراك=وانا لازلت مانـي معتـرف لـك بالاحقيـه ابااشهد عليك الناس مـن ذولا ومـن ذولاك=ولابينـي وبينـك لاشـروط والا اتفاقـيـه |
صحت السنت الشعار
|
يعطيك العافيه
اخوك الحب الباقي دمت بخير |
سلمت على نقل المحاوره الرائعه
|
يعطيك العافيه
|
يعطيك العافية و بيض الله وجهك
على نقل محاورة شاعرين من أبرز شعراء القبيلة بل من أبرز شعراء الخليج |
بيض الله وجيه الشعار
ويعطيك العافيه على النقل والأختيار الراااائع بارك الله فيك تقبل تحياتي ودمت بخير |
عساهم على القوه والعز
|
مشكور على النقل
و صح لسان الشاعرين |
مشكورين على المرور
|
شكراً اً أً
بيض الله وجهك ووجية الشعراء الذين يمثلون قبيلة حرب
|
صح لسان الشاعرين الكبيرين
ابو رامي &وابو جميل ومشكور على النقل |
مشكورين على المرور
|
الله الله الله
صح لسانكـ يا ابو رامي عساك دوووم على القوووه الله يعطيك العافيه تحياااااااااااتي |
الساعة الآن 12:59 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir