بيت للشاعر/ محمد السناني
ليت مافيه حربي في بلاد الرسول= لجل تبقى بلاد(ن) كلها طاهره
وصلني هذا البيت بمقطع صوتي لمحمد السناني وهو من شعراء المعنى بدون شك ويقال ان من كان في مواجهته الداهيه راشد السحيمي فمن لديه رد هذا البيت من راشد يكتبه لنا واذا كانت المحاورة كامله يكوون افضل تحياتي لكم |
اخوي الغالي
فهد البدراني بيض الله وجهك على حرصك ومتابعتك كل مايخص ربعك ورد الشاعر الكبير والعلم راشد السحيمي
لو مافيه حربي مثل مانت تقول =كان ماجابو الجهنان في باخره
|
صدقني
ان السناني مايعرف اللي له ولا اللي عليه وهي مقوله شهيره فيه |
السناني شاعر معنى وهذا ليس شتما بل هي محاوره أمام شاعر يعرف كيف يخصم البيت ويرد عليه .
ولو أني ارفض أقحام اسم القبيله مهما كان الهدف . |
اقتباس:
السناني في ملعبه بالمدينه مع مستور وحبيب يقول السناني يامرحبا ترحيب باهل المدينه=مسجد رسول الله ومسكن جهينه مثل العلم كلن يشوفه بعينه=... رد عليه مستور وقال هذي مدينة من حماها بسيفه منتا معه يوم الليالي المخيفه رد السناني وقال هذي مدينة كل مسلم يصلي ؟؟؟؟؟؟؟؟؟؟؟ شوفو السناني وشوفو الفرق بين الموال الاول اللي قاله وشوفو رده يوم يقول هذي مدينة كل مسلم يصلي طيب مو اول قال السناني مسجد رسول الله ومسكن جهينه |
السناني: ليت مافيه حربي في بلاد الرسول ..=..لجل تبقى بلاد(ن) كلها طاهـره السحيمي: لو مافيه حربي مثل مانت تقول =كان ماجابو الجهنان في باخره رد وافي من راشد.. وعلى فكرة السناني أٌعطي أكبر من حجمه ، وأغلب معانيه يلعب على أهل الحفل.. لكن له بيوت فرايد.. شكرا يالبدراني |
اقتباس:
|
عنوان كبير جدا
تمنيت لو أنه أخف شوية لأننا لو تتبعنا مثل هذا في شعر المحاورة فلن يسلم أحد فيما أظن ورد أبو رامي على البيت رد وافي وكافي وبيض الله وجهك أخي البدراني وأخي الشعيفاني ولكم خالص شكري وتقديري . |
شكر اخوي الشعيفاني
وشكر للجميع على المرور والتعليقات تحياتي |
لقد خصمه الشاعر الكبير راشد السحيمي
وشعر المحوره يعتمد الآن على الاستفزازيه والشاعر محمد حسب ماقيل عنه انه شاعر نقنوق ومشاهدتي له من قرب ثبت صحه هذا الكلام وشعر المحاوره فتل ونقض واتمنى من الشعراء الابعاد عن القبائل بالشتم وغيره |
الله يبيض وجه راشد السحيمي
مانخاف مادام خصمه مثل راشد السحيمي و شرواه و حقيقة راشد خصم و داااهيه من دواهي الشعراء |
السناني شاعر من الطراز الاول مو يعني انه سب او شتم فهو يختبر راشد وهو عارف ان راشد بيرد
في محاورات صياف مع عدد من الشعار مع حبيب قال حبيب حربي اليا شاف البحر والحوت ....ماعاد يقعد يوم في بيته رد صياف برد ممتاز جداا وشلون تنسى الضب يالعكروت ...ياللي نهارالعيد ذكيته فيبقى محمد بن متروك السناني شاعر من خيرة الشعار وبعدين الشعر فتل ونقض وتقبل تحياتي اخوي الكريم |
السلام عليكم ورحمة الله وبركاته ..
المهم : المدينه .... ديرة رسول الله صلى الله عليه وسلم .. أكثر من يسكنها أبناء قبيلة حـــرب شاء من شاء وغضب من غضِب والله يكثر الصالح منّا ويهدي ضالنا وضال المسلمين . يبقى الشعر بالميدان ولا يجب أن يتقدم إلا من هو كفؤ له .. ووورااااااااااااشد كفؤ كفؤ كفؤ .. ياأخوان شاهدوا ردهـ كيف جاء .. الله يطول بعمره ... يبقى محمد بن متروك شاعر ويقال أنه شاعر معنى من الطراز الأول وتبقى وجهة نظري أن أعلام المعنى راشد وحبيب والرياحي .. |
ياليت تبحثون لنا عن هذه المحاورة كاااااااااااملة
|
محمد السناني شاعر ولكن مايكعمه سوى راشد السحيمي وياليت الجميع يتابع محاورات محمد السناني وراشد السحيمي ويشاهد ماذا يعمل راشد بالسناني
|
اقتباس:
ويعطيك العافيه ياناهس الشعيفاني |
شاعر يمثل نفسه
|
اقتباس:
إي بالله دوروها لنا |
ياشباب مايصلح تشتمون الشاعر
على بيت قاله يمزح مع خويه فيه هذي اشياء تعتبر مزوح وتصير من كل شاعر وبالاخير تبقا المحبه والخوه تجمعهم لاكن اعجبني قوووووه نقض البيت من راشد السحيمي السناني: ليت مافيه حربي في بلاد الرسول ..=..لجل تبقى بلاد(ن) كلها طاهـره السحيمي: لو مافيه حربي مثل مانت تقول =كان ماجابو الجهنان في باخره من روايع النقض لله درك يابو رامي والله انك شاعر من الدرجه الاولى وبعدين لو كان البيت قاله السناني من غضب مااثنا على راشد في لقاءه بالساحه وهذا اسلوووب المحاوره |
اتمنى تغيير العنوان .. وبدون فتنة .. فقبيلة جهينة قبيلة عزيزة وجيران لنا من قديم الزمان .. وجيرتهم حسنة وهم أهل طيب ووفاء ولابة طيبة .. ولاتسببون فتنة في مدينة رسول الله صلى الله عليه وسلم .. ومثل ماقال فهد عواضة يمزحون مع بعض واصحاب والدعوة كلها محاورة فماله داعي العنوان هذا ..
|
اقتباس:
|
هذه محاوره فتل ونقض وحرب وجهينه جيران ولابينهم الا الخير والمملكه كلها لهم موطن وهذه المحاوره دايماً يختبر الشاعر زميله ويروزه ومثل مايقولون اللي تغلب به العبه وابن متروك شاعر داهيه واللي قدامه ماهو خمس فلوس قدامه الادهى ابو رامي راشد السحيمي وبيت محمد السناني رد عليه بمثله لكن العنوان لهذا الموضوع يفضل استبداله بهذا العنوان ((هكذالفتل والنقض بين السناني والسحيمي)) والله يحفظكم
|
هاذا الكلام السليم
ونحن عينين في راس وقبيلة حرب قبيلة اشتهرت منذ القدم بالكرم والطيب وهاذا ليس جديد عليكم ودي |
اقتباس:
و تم تعديل العنوان من شأن عيونك و عيون جهينه يامحمد تستاهلون و حنا و الله مانحب نتطرق للسب و الشتم و انتم كذلك |
الساعة الآن 12:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir