|
تمشي وتفتل في شنبها
السلام عليكم جميعا ورحمة الله وبركاتة
سلام تسليمة وفا مني لها لحيه وشارب =وسط صف الملعبة تمشي وتفتل في شنبها
من بنات الفكر صافي جوها عن كل ذارب= بين طيات الكتب علم البلاغة من كُتبها (smok)(good)(good)(good)(good)(good) |
عوداً حميداً ياورقان كنت ابي ارد عليك لكني شفت بالصفحه شاعر افضل مني واترك مجال له
|
وعليكم السلام ورحمة الله وبركاته
كيف حالك يا ورقان ، عساك بخير ، الله يحييك واستلم لا هنت
مرحبا ترحيبةً ما كِنّها الا سد مارب = وسط صف الملعبه لا من بدت محدن غلبها
مثل موج البحر في مده يغربل كل قارب = والرجال أهل العقول الله من الحكمه وهبها (good)(good)(good)(good)(good)(smok) |
اقتباس:
لو ادري انك موجود ، ما كان رديت لاني اليوم ماني متفرغ لكن ورقان شاعر جزل واي شاعر يتمنى محاورة شرواه ، ولم استطع مقاومة مبداه الجزل وان شاء الله تكون محاوره ممتعه للجميع لكم تحيتي |
الله الله
صح لسانك الله يحييك ياحفيد الحجيري تسعدني مجاراتك واستلم :
البقا بأهل اللوازم من بعيدين واقارب =يوم راع الطيبة دايم يحضر في طلبها
والمعادن والعقول تصيغها كثر التجارب = ماعرفنا نحاسها لولا التجارب من ذهبها |
اقتباس:
انت والا حفيد الحجيري كلكم شعار مافيكم حيله تسدون اللزوم والشرف لي بمجاراتكم شرفني مرورك يالغالي |
صحت السنتكم
والله يعطيكم العافيه بيض الله وجيهكم |
اقتباس:
وصحت ابدانك |
شاعرنا حفيد الحجيري
ارجو المعذرة لخروجي الان ونلتقي بالليل ان شاء الله |
ورقان: يا هلا و مرحبا بك صح لسانك مبدا شامخ كجبل ورقان فقدناك والله حفيد الحجيري: صح لسانك رد كافي و وافي تابعوا لا هنتوا |
صحت لسنتكم على قولت حمد السعيد مافيكم حيله متابع لهذا الابداع
|
وانا اسعد بمجاراتك واستلم :
فاللوازم ما قصرنا جهد ونضدّ المحارب = يوم راع الطيب شب النار ما نطفي لهبها
المعادن كُثر والعربان مستعرب وعارب = والرجال بفعلها لو كان مغنيها نسبها |
ياسلام ياسلام
صحة السنتكم وبيض الله وجيهكم بس يالربع الشطر الاول في البيت الاول من الوسيمه فيه خطاء املاءي والا انا غلطان |
اقتباس:
يسعدنا مرورك |
اقتباس:
وجهك ابيض اما من ناحية الخطأ الاملائي فقد يكون هناك لبس فيه ،، قد يكون خطأ املائي وقد يكون للهجه دور مع اني لا أشك لحظة في تمكن زميلي الشاعر ورقان وقوته الشعريه |
مليون هلا وغلا يابو عبدالعزيز ويامطول الغيبات جبت الغتايم وسرنا واسعدنا هذا التواجد لشخصك العزيز وحياك الله وابقاك ومليار مرحبا بشخصك الغالي والحمد لله على السلامه
صح الله لسانك على هالطاروق الراقي وصح الله لسان زميلك حفيد الحجيري وجزاله وابداع من الطرفين بيض الله وجيهكم واصلو ومنكم الابداع والجزاله ومنا المتابعه لاهنتم |
الشاعر/ ورقان
سلام تسليمة وفا مني لها لحيه وشـارب=وسط صف الملعبة تمشي وتفتل في شنبها الشاعر/ حفيد الحجيريمن بنات الفكر صافي جوها عن كل ذارب =بين طيات الكتب علم البلاغه من كتبها
مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها الشاعر/ ورقانمثل موج البحر في مده يغربل كل قارب=والرجال أهل العقول الله من الحكمه وهبها
البقا بأهل اللوازم من بعيدين واقـارب=يوم راع الطيبة دايم يحضر في طلبهـا الشاعر/ حفيد الحجيريوالمعادن والعقول تصيغها كثر التجارب=ماعرفنا نحاسها لولا التجارب من ذهبها
فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها المعادن كُثر والعربان مستعرب وعارب=والرجال بفعلها لو كان مغنيها نسبهـا |
صحت السنتكم شاعرين جزلين لايختلف عليكم اثنين
|
مانته مقصر ياحفيد اللي بعيدين المآرب= مير نارك من زنادك شبها واوقد حطبها
وش نبا في شبل شيخ يدللونه فالمضارب= كان ما ياصل مواصيل القديمين وشببها |
اقتباس:
مراقبنا الصييفي المهلي ما يولي ولسانك صحيح ولا تفقد غالي ان شاء الله وهذا كله من ذوقك الرفيع والف مبروك الترقيه تستاهل يعلم الله |
اقتباس:
صح بدنك يامحمد ولا عليك زود |
اقتباس:
اما الخطا الاملائي قد يكون زي ماقال شاعرنا حفيد الحجيري اختلاف في اللهجة في بعض المفردات واشكره على كلامه وليس هناك اي مانع من ابداء الخطا ان وجد فكلنا نستفيد من بعض |
اقتباس:
الله يسلمك يا ورقان و هذا من طيب معدنك شكرا لك |
اقتباس:
الله يبقيك ويحيك مدد بلا عدد والمهلي ما يولي يالغالي صح بدنك وبيض الله وجهك والجزاله انت راعيها والله انك تتعب من يكتب بعدك من طيب كلامك وتراحيبك وهذا والله من طيب اصلك وحسن اخلاقك ولاتهون ولا يهونون الطيبين |
اقتباس:
شاكر مرورك ومشاركتك |
الشاعر/ ورقان
سلام تسليمة وفا مني لها لحيه وشـارب=وسط صف الملعبة تمشي وتفتل في شنبها الشاعر/ حفيد الحجيريمن بنات الفكر صافي جوها عن كل ذارب =بين طيات الكتب علم البلاغه من كُتبها
مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها الشاعر/ ورقانمثل موج البحر في مده يغربل كل قارب=والرجال أهل العقول الله من الحكمه وهبها
البقا بأهل اللوازم من بعيدين واقـارب=يوم راع الطيبة دايم يحضر في طلبهـا الشاعر/ حفيد الحجيريوالمعادن والعقول تصيغها كثر التجارب=ماعرفنا نحاسها لولا التجارب من ذهبها
فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها الشاعر/ورقانالمعادن كُثر والعربان مستعرب وعارب=والرجال بفعلها لو كان مغنيها نسبهـا
مانته مقصر ياحفيد اللي بعيدين المآرب=مير نارك من زنادك شبها واوقد حطبهـا
وش نبا في شبل شيخ يدللونه فالمضارب=كان ما ياصل مواصيل القديمين وشببها |
اقتباس:
مار ماشفتلي عميلي الليلة الظاهر اني تأخرت عليه شوي |
اقتباس:
فعلنا ما يعلمونه غير عكفان الشوارب = نارنا يشهب سناها ويل للي يقتربها من مرار الوقت من يشرب من الحلوات شارب = فالنوايف يوم بعض الناس ساكن في شعبها |
فعلكم من يجحدونه يا عطيبين الظوارب= مار المواقف مالها ياصاحبي الا عربها اللي معاي ولا يقربلي اهواه ولا يضارب = اليا جلس بين الجلوس المشكلة يبعث سببها |
الشاعر/ ورقان
و الشاعر/ حفيد الحجيري صحت السنتكم على الابداع وعلى الطاروق الحلو تابعنا واستمتعنا |
الشاعر القدير/ حفيد الحجيري
كل الشكر على مجاراتك وردودك الرائعة وبيض الله وجهك انت شاعر مافيك حيلة وقافنا شاب والختام عندك ان حبيت والمعذرة ان حصل قصور والشكر موصول لجميع الاخوان على تشجيعهم ومشاركاتهم |
اقتباس:
الشاعر الرائع ابو حرب مليون هلا ومرحبا نورت الصفحة والابداع هو حضورك وصحت ابدانك |
اقتباس:
فالختام ونعم فيكم يا عذيين المشارب = والمواقف لأهلها و أهل العنب حامض عنبها كل الشكر يا ورقان ،، شاعر جميل جدا ولك مني كل الاحتراممن دخل في سوق الأسهم كان ما يعرف يضارب = من خساره في خساره واشقا اللي ما حسبها بيض الله وجهك يعلم الله اني تشرفت باللعب معك يابن العم ،، الله يعطيك العافيه |
الساعة الآن 06:06 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir