الحق ظاهر بَيِّن بوجه راعيه= يبرز وما يحتاج شرحاً وتأويل
صافي السريرة صاحب الحق يبديه= وراعِ الخطا يحتاج ستر وتعاليل
مبدأ الرجل ياخذ على الحق يعطيه= وشَرَّ النِّسا في السِّرِّ ظنَّاً وتهويل
من فارق المبدا كثيرة شكاويه = ويناقض أحكامه بكثر الأقاويل
وش قيمة الرجَّال بالعقل لاغيه= قِدَّام من بالعقل فاقت رجاجيل
الصدق منجاها قريبة حراويه= والكذب مهوى ماينال المواصيل
حمل الضغاين ناتج أصغر بلاويه= في عين راعيها تشوف الأباطيل
يا من نويت الشر تلقى جوازيه= حكم القضا يوصلك من دون تعطيل
انظر لتالي الأمر وارجع لباديه= وافحص نواياها ومن غير تأويل
سفينة المبدا توصِّل لتاليه= بطبع النوايا تبان كل التفاصيل
أحكم على مبداك وش كان حاديه= سيب الضغاين دون لَفٍّ وتطويل
إحرص على ساسه وجوِّد مبانيه= عين الحسد تمحاه لو بالتماثيل
وإيَّاك عن وقت الغضب تبتدي فيه= تعوَّذ وسَمِّي بذكرٍٍ وِتنزيل

الاخ وابن العم إبراهيم الردادي

الله يعطيك العافيه

صح الله لسانك

وبيض الله وجهك

رائعه من رائع

حكم . درر . امثال

ياسلام ياسلام

تقبل تحياتي وتقديري

ودمت بالف خير

المشاركة الأصلية كتبت بواسطة إبراهيم الردادي السلام عليكم ورحمة الله وبركاته الحق ظاهر بَيِّن بوجه راعيه= يبرز وما يحتاج شرحاً وتأويل صافي السريرة صاحب الحق يبديه= وراعِ الخطا يحتاج ستر وتعاليل مبدأ الرجل ياخذ على الحق يعطيه= وشَرَّ النِّسا في السِّرِّ ظنَّاً وتهويل من فارق المبدا كثيرة شكاويه = ويناقض أحكامه بكثر الأقاويل وش قيمة الرجَّال بالعقل لاغيه= قِدَّام من بالعقل فاقت رجاجيل الصدق منجاها قريبة حراويه= والكذب مهوى ماينال المواصيل حمل الضغاين ناتج أصغر بلاويه= في عين راعيها تشوف الأباطيل يا من نويت الشر تلقى جوازيه= حكم القضا يوصلك من دون تعطيل انظر لتالي الأمر وارجع لباديه= وافحص نواياها ومن غير تأويل سفينة المبدا توصِّل لتاليه= بطبع النوايا تبان كل التفاصيل أحكم على مبداك وش كان حاديه= سيب الضغاين دون لَفٍّ وتطويل إحرص على ساسه وجوِّد مبانيه= عين الحسد تمحاه لو بالتماثيل وإيَّاك عن وقت الغضب تبتدي فيه= تعوَّذ وسَمِّي بذكرٍٍ وِتنزيل