|
ديوان الشاعر عازم بن فاطم الحربي (العاني)
غطتني غيمه سودا ورمشي ما غطا عيني = يوم الوقت متوقف والعقرب بدا زعلان وحاولت امسك الغيمه ابيها تسكن يديني=وفجأه راحت الغيمه وانا في داخلي ضميان اثرني كنت متفائل وطول الوقت حاديني=اداعب غيمتن سودا واحاول اروي العطشان ولكن اللى ثبت فعلا بأن الحزن غازيني= يذكرني زمان فات ويفتح مغلق البيبان يذكرني زمان اول زمانٍ كان مشقيني=زمانٍ كان هاويني ملاك بصورة الانسان يبي يقضي على عمري يبي يكسب وينهيني=ولكن مالقا مدخل وغيمه اختفا خسران يحسبني مثل اول ادور عن عناويني= ولا يدري عن اللى صار وكيف ان الامل عنوان صحيح اني هويت بجد وكان الحب مضنيني= وكنت بوقت من عمري ضعيف وحاير هيمان وكان العشق له سطوة وكان الشوق معميني= لشخص كان مالكني وسكنته ورى الاجفان ولكن من هجر قلبي وراح وصار ناسيني = ابد ما بالتفت يمه وانا قادر على النسيان وسلامتكم |
اسعد الله جميع اوقاتكم بكل خير الزمتني بعض الكلمات المعرفه بتغيير بسيط يحق لاي شاعر اللجو ء له وهو انى استخدمت حرف الـ لام كبدايه لكل كلمه ان وجدت كي يسهل نقلها على السان والاهم من هذا كله اتمنى ان تنال اعجابكم احترامي وتقديري للجميع
لو دريت ان بمساري انعطاف = مرة نحو اليمين ومرة نحو اليسار ما تفاجا في ثباتي بانحراف = نحو قلبٍ ما عطاني لــ ختيار من اشوفه يكتسحني ارتجاف = ومن يغيب احس اني بـ احتضار الامل فيني يصرح باعتراف = بـ انها ذيك الاميره ملكتني بانتصار بادرت لي في زماني بـءاتلاف = بين ضم من الحنان وبسمه لي بانكسار المزايا في هواها ما يطوفها مطاف = والا انا وشهو حذفني لمها في هالمسار تقسم العقل المولع للامانه بانتصاف = والثنينه في هواها مالنا فيها قرار كنت اخاف ليا طرولي لــ اختطاف = واكتشفت انه يهبل بعد طول الانتظار ولو بقول من القوافي ما بوصل لـ احتراف = الشعر عندي هوايه ولي به اسمٍ مستعار القصيده انت .. وفيك شعري مستضاف = وان مزجت من الروايع ما توقع لـ انبهار انت ورد .. وصعب مني لـ اقتطاف = شوك حولك واقفٍ لي بانتشار باختصار .. الحاله اشبه بانجراف = للخيال اللى ذبحني بـ اختصار وسلآمتــكم |
مساكم الله بالخير اخواني اعضاء وزوار هالمنتدى مشاركه متواضعه مني في هالمنتدى الراقي والاكثر من رائع كلي امل ان تنال استحسانكم
ايه هين ! خل عني بس ! قلي وش تبي = بس هاه شغلت ان الشوق جابك مستحيل انت تدري ان وصلك في حياتى مطلبي = انا مالى في مرادي لا كثير ولا قليل كم سهرت الشوق لاجلك والوله والشوق في= ونامو الناس القوايل وانحرمت من المقيل وقال والناس الاكابر انت وش بك يا صبي = انت شكلك منت طيب شكل قلبك ذا عليل شفت كيف الناس ذولي حسو في قلبي وفي= وانت دايم منتلمي حتى في حسك بخيل انت تدري انا منهو انا عازم يا غبي = قلبي الطيب ذبحته ومستحيل انى اميل والله لو تمشي على اربع والله لو تحبي حبي = بس عاد لا تبك بك ودمعتك هذي تسيل انتهيت الحين انته وشكلي انا بابتدي = وثق تماما في كلامي ماهو يا حضره عسيل شفت ذا ك الباب الابيض والا ادلك تبي = مستحيل انى ادلك ومستحيل تلقى دليل رايي الراجح تقرر بشور عقلي الابي = مالك الا تختفي اللى هو طبعا رحيل وسلاااااااامتكم |
يسعد مسا بيض الوجيه السوامح= اللى لهم بالقلب مجلس ومركى
السلام عليكم ورحمه الله وربركاته اعرض بين ايديكم هالقصيده وانشالله تساعدوني في ايضاح من هو قائلها ومتى ومناسبتها
غابت ثمان سنين حـل ٍ وترحـال=غابـت ثمـان ٍ كلهـا مدلهـمـه قضيتها بالحـب والشـوق رحـال=شوق ٍ تحدى كـل باسـه وهمـه دورتهـا سنيـن وشهـور وليـال=ولا فيـه فـج الا توجهـت يمـه وعقب الثمان اللي تعبها برى الحال=جاب الزمـان الكارثـه والمطمـه جاني ولدها يبتسم بيـن الاطفـال=ومن بسمته عرفت انا بسمة امـه شفته وصاحت داخلي كـل الامـال=بصوت عجزت بكتم الانفاس المـه ركضت له دمعي على الخد همـال=ومن كثر شوقي قمت بالحيل اضمه وساعة حضنته والطفل في يدي مال=شميت ريحتها على اطـراف كمـه واستلهمت نفسي مقاديم الاهـوال=وتم الضيـاع واكـدت لـي متمـه ليت الغياب اللي برى غربتي طـال=ولا دور العاشق على حـرق دمـه واليوم بنت الناس في بيت رجـال=وحب ٍ على غير الشرف لي مذمـه مجبور اعود واشتكي لكل الاجيـال=نفـس ٍ عزيـزه كائبـه مستهمـه برجع غريب ٍ سكتـه بـر ورمـال=يمـوت يحيـا يندفـن مايهـمـه |
احرق سقاره وادخن بس مالبورو = ال ام الازرق والاحمر ما يكيفني واشور نفسي وغيري ما عرف شورو= والشور شوري وشوره ما يشرفني واسبح وغيري غدا غرقان فبحورو = واعرف مكاني ولو ما كان يعرفني والشعر عندي وزن والقاف بشطورو = ويفهم شعوري ويبدع لي ويوصفني اوراق فكري تعبّن منه بسطورو = عاصف بفكري وهو بالفكر يعصفنى والنور نوري ونوري ناير بنورو = ولسان حاله على كيفي يعرّفني مغرور قالو ودايم همه غرورو = وانا التواضع الى الهامه ملحفني لو ان غيري يذوق الفضله بسورو = انا عزيز النفس والدنيا تصرفني لعبنا لعبه الادوار وكلٍ لاهي بدورو = وانا دوري بعزة نفس والطيبه مكلفني انا سعودي ولاني من هل اليورو = ولو انى مشوف الناس احس الكل شايفني وسلامتكم |
[align=center][السلآمـ عليكم ورحمه الله وبركاته
اسعد الله اوقاتكم بكل خير مشاركة متواضعه كلي امل ان تنال استحسانك[/align
يالله يا حلال عقدات وانشاب =ترجع زمانٍ لي مضى من سنيني ماصابني فيه من المعاذير ما صاب =ولا شلت هم ان الرياح تعتيني ولا شلت هم وللفرح فيه طلاب=اصحي وانا وراحتي راحتيني ما اسمع حكي واشي ولا هرج مرتاب= ولا شفت من دنياي شي يشيني ما كنت اظن الحب باحسب له حساب= وما كنت اظن ان الهموم تهويني هموم صدري صارت اليوم تنساب =بينٍ وبين وبين بيني وبيني تبرك على صدري بلا عمد واطانب =وتعمي عيوني والملا شايفيني يالعن ابوها خلت العقل يرتاب =وضاقت بها الدنيا الوسيعة بعيني متعددة اسبابها عده اسباب =وصبري لي المنجاه والله معيني وش جاب زولك يالغضي قول وش جاب = انا وحيد ودنيتي ما تبيني اذا تبينا نكون خلان واحباب = حطي في بالك يالغلا حاجتيني ما همني رجالٍ طويلين الاشناب = ولا همني تحت العباة الكميني انا بدويٍ ملعبي راس مرقاب = نوبات اغني ونوب يسمع ونيني وصقرٍ خويي ومالى بخوه غراب =والبس رخيص وناس تلبس ثميني ومانى من اللى يلعب العاب والعاب= لا جيت ابلعب لعبتي تعرفيني مكشوف لعبي مثل عنوان لكتاب =يعني بصراحه وين لعبي و ويني ودامك فتحتي للتفاكير الابواب= ابي ابوح بفكر دايم يجيني سهرت ليله والقمر حي ما غاب= وقامت هواجيس الخفوق تغزيني لا من حضرتي ينقلب ودي عتاب =واقوم ازود كلمتي كلمتيني ويا زينها لا من رميتي بهالكاب= ثم انتثر شعرك على راحتيتي من سيل شعر كنه السيل بشعاب =من بين ملسن كنها قمتيني واصير اشوف منضر ذهول واعجاب=واقوم اصفق في شمالى يميني ورغم المسافه بين عيني والاهداب = احس كنك ساكنة نن عيني والا قوام جنن اقراب واغراب = خلا مزايين العرب حايريني والا رموشٍ كنها اسراب واسراب = سوت حول بأنظار هالناظريني ولا فادني عن شوفها طب واعشاب = من بعد صح اصبحت من المدينيني أكبر عليكي كيف اسوي لك حجاب= واصير سالم من عوارض حنيني وماعاب هزك للخصر فيك ما عاب = لا راق جوك و الطرب تطلبيني والا حنان بضمتك ذوب رقاب = وخلا خليط اجزائها ذايبيني ما خاب مدحي فيك بالحق ما خاب = واضح وضوح سهيل للعارفيني اصبحت انا مغلوب والوصف غلاب=والله قدري بالوصف تغلبيني حثيت في عين اللى حسد فيكي تراب = ومثله من اللى فيك هم حاسديني مقدر خلاص الوصف ااحرق لي اعصاب = وانتى بسرع الزعل تعرفيني ولو شاب شعري والشعر فيك ما شاب = بأحفظ لكي حبي عساكي تبيني وسلآمتــــــــــــــــــــــــــــــــكم |
السلام عليكم ورحة الله وبركاته اسعد الله اوقاتكم بكل خير مشاركة متواضعة كلي امل ان تنال استحسانكم
اذكريني لا بغيتي تتركيني = واذكريني دام فيكي روح حيه القرار اللى وقع بينك وبيني = القرار اليوم مااظنه عليه ادري انك يا حياتي ما تبيني= والله اني لاغصبك لو هو بيديه وعلميني وش بقول وجاوبيني = لا سالوني عن حياتي عارفيه لا سالوني عنك ويني اللى يجيني = علميني وش بقوله للبريه صارو رداة النوايا طالبيني = عقب الاشكل صرت انا مرغوب فيه مااطلبوني من غلا او حب فيني = اطلبوني لاجل عرف الآ دميه اطلبوني واسالوني عن ظنيني =وسالوني عن وصوفك يا صبيه و الله اني مالقيت لسائليني = كود علمٍ مالقوا له قابليه الجواب اللى اعرفه في كنيني = ما دفنته بس هو مدفون فيه الهنوف اللى احبه من سنيني = الهنوف ام العيون النرجسيه خلت النوم يعصالي موق عيني = لعنبو نوم ٍ نكرني بالمسيه وصرت الاعب في شمالى هاليميني = وانتظر شوف الغضي صبح وعشيه مرخص لك ما تعدينه ثميني = مرخصه من شان عينك يا جوديه وكل بيت بكتبه عيا يليني = والله اني لاجبره وزن وقفيه يا عنود الصيد يا وجهٍ حسيني = لك ترتب هالشعر بالابجديه يا عبير الورد فل ويا سميني = كل وصفٍ فيك ما يصعب عليه اذبحتني في وداعك عبرتيني = العدو لو شافها يستاء ليه والله اني ما قويت ارد عيني = في دواعك مالقيت المقدريه والدنيه صار فيها مو تتيني = مت انا فيكي وانتي مت فيه والنهايه كل ابوها كلمتيني = اذكريني يالعيون النرجسيه وسلآمتكم العاني |
اسعد الله اوقاتكمــ بكل خير في البداية ابارك للاخوان القائمين على المنتدى والزوار البادره الطيبة في انشاء المنتدى الصوتي وهذا ان دل على شي انما يدل على نجاح المنتدى وحرص القائمين عليه وتقبلو تحياتي
مريوشه العين راحت وخلتني على الاطلال = اقلب في هبوب الوقت حسوفه راحت يديني وصرت بحال مكسوره اقاسي حرقه الاهوال= ولا به عين تنظرني ولا به صوت يحييني اعيف النوم في ليلي وعفت بيومي المقيال =ادور عن صقيع البدر حضن دافي يدفيني وجريت الحزن نغمه على خد الامل موال =يفسر لوعه الفرقى ويرثي غابر سنيني الا يا وقت وين اللي زرعته بالحشا تمثال =وكان القلب مسكن له وطيفه دايم بعيني عساه يكون في راحه وحاله اطيب الاحوال =ولا اسمع من كلام الناس كلامٍ به يواسيني انااحبه واحبه حيل وصبري بالزمن وان طال = بيبقى في ثنايا العمر عضيدٍ لي يسليني هذاك اللي على وصفه ضربنا اروع الامثال =بحسن فيه ما يوصف يحد الشين بالزيني اهيم فـ بسمته لا جا وهو في بسمته يختال = لاني كنت له عطشان و وصله صار مرويني لامنه ظحك اظحك ولامنه زعل احتال = عساها تنفع الحيله ولا يزعل ويضنيني عطيته حب ما يوصف واخذت اللى بقا ينشال = دموعٍ انتثر ماها على ساحات خديني سقيته بالوفا دله وسقاني بالهجر فنجال = مرار وغبن والحيره مع الهجران ساقيني على صفحه سنين العمر غدالى هالقلم خيال = يروض كلمة حروفي على اسطر دواويني ولا باقي من الحلام سوا صوره لها اشتال =انا مانسى حبيبي لو عذاب الهجر يشقيني ابضرب في جدار الصمت كلام قاله العذال = على هجر الحبيب اللى بـ بعده صار ناسيني واذا ما شافته عيني ابقطع بالوفا اميال= وبمشي في دروب الحب الين الموت يلفيني وسلامتـــــــــــــــــكمـ العــــ ـــاني |
اسعد الله جميع اوقاتكم بكل خير
يا لعن ابو دنيا دنيه رمتني = كني كسير العظم مبطي ولا قام لا جيت ابنهض هامتى عرقلتني = تامر علي ايام وشهور واعوام انهد منها مع بطا الوقت متني =وبانت مواريها على الجلد وعظام لا صرت معطيها القفا قابلتني =وحتى بمنامي تقلب الحلم لاوهام يا لعن ابوها كانها عذبتني = يا لعن ابوها خلت الروح تنضام عقارب الساعه معاها سبقتني =وانا حريص شاد حيلي بالاقدام اغير عنها ثم لا غرت جتني =انظر لها خلفي وفجأه لقدام منهج ضعيف النفس لي ما خذتني = معطيه ربي وما كلن حق الايتام فيها بلاوي كلها مذهلتني =شوفي وانا واعي وشوفي بالاحلام يكفيك منها صورةٍ جننتني = ومنهو ضحك لك وبالقفا صار نمام ولا صرت قادر مقتدر مغنيتني = القا بها ناس كثير وخدام ولا احتجت فيها حاجة معوزتني = ردوا علي بقول نايم ولا نام ماصير ساعي بالردى لو عصتني = ارد نفسي واغتني عنه بأسلام اعرف انا نفسي ونفسي عرفتني =انا بدويٍ رافع الراس ما انضام بديار ابو متعب انا امي ولدتني = واضح صريح قاسي الطبع مقدام وفي صورتن وحده تراها عجبتني = صوره من اللى صوب القلب بسهام عرفتها صدفه وهي ما رأتني = اكتب لها رموز وتكتب لي ارقام وسلامتكم العــــــــاني |
ياليل اانا بانشدك وارجو تردي = بس انت وحدك للمحبين والى وابي جوابك يا ونيسي مسي = في سد باب الاسئله والمجالى وش هرجتك باللى مع الوقت صدي = ومن صدته عني جرا ماجرالى لا تقول خله شوف وش يستجدي = مدام قلبه لك رد الواصالى ودري يرد يقول يدك ويدي = نبقى سوا في سهلها والعوالى نثبت ونتحدى على اصعب تحدي =حب القلوب الصادقه والمثالى وان كان قفا وابتعد بلا مردي = تراه ماهو في حياتى مبالى تراه ما هو للمحبه مبدي = قربه وبعده وفي حياتى توالى لا بوه لا بو من تكبر وصدي = لا بو مشاعر عن حقيقه تزالى ياليل رد ارجوك يا ليل ردي = قولي سليم وصح والا خيالى لم لم نجومه والقمر واستعدي = ومع طلعت الضو لي تهادى وقالي من باع صادق حب واحساس ودي =عسا حياته تنتهي بالزوالى وعساه ما يلقى يدينن تمدي = ولا يرحمه ربي عزيز الجلالى |
امس قبل الخمس كنت ملزم ورديت=وحتى بعظمه لسانك وعدت العين بالجيه واول مالقيت انك بعد مارحت انا ضليت=وانا جاهز لموعدنا ميه مليون بالميه وحتى صورتك هذي تجي وتروح لا سهيت=لأن اللى لك بقلبي كثير ن ماهو بشويه اذا مازاد ما ينقص ولو بيزيد به حسيت = بأن العقل بزود الحب يقل وينقص بليه ترى حبك كبير كثير وانا والله ما ظنيت= بأني اقدر اتجاهل كلامن منك جا فيه وغلاك اللى بوسط القلب حطيته وما خبيت= بأنك هاجسي الاول وافكر فيك يوميه بس انك كذا فيني لا تفكر ولا اهتميت=ومن وقت العشا وحدي لآخر لحظه ليليه تجي هالحين بالأعذار تقول اسمع انا مليت =انا اللى مل يا قلبي وصبري طال موليه لقيتك ضايع بدنيا سكنت الشارع بلا بيت=تبكي ترتجف وشوي تقوم تحبها يديه بحالٍ للعدو والله انا ماادعي ولا اتمنيت=دموع الحزن بعيونك تدور وقت حنيه وبعد اذنك ابي ارجع لماضي حضرتك يا ليت=واذكر من نسي اصله وعاش بحال وهميه ترى بدري على اشكالك تباهي بالاصل والصيت= وتنكر ماضي الايام وتتمناها ممحيه وحط فبالك وركز وجرب فني التنصيت=عسى تفهمني هالمره وتبهرنى بعقليه توكل وانقلع عني وحط فبالك ليا جيت=بأنك صرت لي ماضي ودستك تحت رجليه |
[align=center]وهذه القصيدة هي اول مشاركه لي
في هذا الملتقى وقد كانت مطروحه بشكل غير منمق وبعد مساعدة الاخ القناص لي في ايضاح كيفيه التنسيق لها اطرحها مره اخى بين ايديكم
ياليل انا بانشدك وارجـو تـردي=بس انت وحدك للمحبيـن والـى وابي جوابك يـا ونيسـي مسـدي=في سد بـاب الاسئلـه والمجالـى وش هرجتك باللى مع الوقت صدي=ومن صدته عني جـرا ماجرالـى لا تقول خله شوف وش يستجدي=مـدام قلبـه لـك رد الواصالـى ودري يـرد يقـول يـدك ويـدي=نبقى سوا في سهلهـا والعوالـى نثبت ونتحدى على اصعب تحـدي=حب القلـوب الصادقـه والمثالـى وان كان قفا وابتعد بـلا مـردي=تراه ماهـو فـي حياتـى مبالـى تـراه مـا هـو للمحبـه مبـدي=قربه وبعده وفـي حياتـى توالـى لا بوه لا بو مـن تكبـر وصـدي=لا بو مشاعر عن حقيقـه تزالـى اللى عطيته من مشاعر يسدي=ولاني براجي اللى مع الوقت مالى ياليل رد ارجـوك يـا ليـل ردي=قولي سليـم وصـح والا خيالـى لم لم نجومه والقمـر واستعـدي=ومع طلعت الضو لي تهادى وقالي من باع صادق حب واحساس ودي=عسـا حياتـه تنتهـي بالزوالـى وعساه ما يلقـى يدينـن تمـدي=ولا يرحمه ربي عزيـز الجلالـى |
يقول شاعر من الشعرا مبطي = قصيده والتعابير حضرتني طرقت الباب حتى كل متني = فلما كل متني كلمتني وانا دقيت باب اللى احبه = ولكن ما فتحت لي وتركتني وحتى ما لقيت من الحبيبه = دقيقه من دقايق ما عطتني وانا مدري وش اللى صار فيها =وليه من التفاصيل منعتني ورحت وطاحت الورده من ايدي= اجر الهم والاحزان جتني وكنت بجد بالحيل إمتضايق = وكل آلآم هالعالم لفتنى وتال الليل صار الهم كايد =ودمعاتى من عيوني غزتني كأنى طفلن يشاهق ويبكي =يقول امي بعيده ما رأتني وقبل النور ما يطلع بفتره= علىالجوال فجأه هاتفتني وكل الى حصل منها نسيته= لان البنت هذي مالكتني اثرها كانت تجرب شعوري = اثر بنت اللذينا ما زحتني وانا اغليها على كل الخلايق = وهي ايضا تراها مغليتني |
تحس بنشوة التعذيب ليا بادرت بالهجران = تحسبني انا ببكيك واعيش بحاله اسهادي ابد مالك لوا يا زين وربي مخطي وغلطان = واول مره بعمري اشوف الزين متمادي ترى قلبي كبير كثير وله مدخل وله بيبان = وليا صكيت لي بابك ترانى عنه متحادي وانا ادري لا لفحك البعد وجيت بحاله الندمان =بتلقى ان الوضع طيب وهم ان الوضع عادي بتتعب في ترجيه وترجع جايع وعطشان = ولا تلقى من الاغراب مكانٍ فيه ميرادي بتبقى تايه بدنيا ولا لك مرجع وعنوان= لانى مذكر انى خنت وانت بخونتي بادي تحس بنشوه التعذيب ليا بادرت بالهجران = تحسبنى انا ببكيك واعيش بحاله اسهادي وربي ما نزل دمعي وربي ما لقيت احزان =واحس بلذهالنومه بليلي وسط مرقادي |
ادري مسالم وبرضو يمكن حبيب =لكن شموخي ما تهزين يا بنت لو شاب راسك وراسي ما بعد شيب = ما تنزل دموعي على شانكي انت لنك عجيبه وفيكي طبع متسيب=الحين واول لا تقولين ما كنت والله ما اتبع هواي وقلبي الطيب =اتبع هوا فكري وفي فكري آمنت انا بعيدن مرامي ماهو قريب= ما هو هدف عادي ليا من تمكنت اصحك تقولي تراك بداخلك طيب =شوي تهدا وترجع زي ما كنت هذاك اول يوم العقل متغيب = والحين اشوف الصح والصح بينت انتي جميله ولكن طبعكي عيب = عيب جمالك وبعيني تراكي شنت يا شين فارق وسيب راحتي سيب =تراك في خافقي بعد الغلا هنت |
تغشاني سحاب الهم واللهفه على لقياك =وخاوتني دموع العين بـ تال اليل وحداني بهذا الحال من مده ونا ميت على روياك =ونا صابر على الايام وهمٍ بك تغشاني الا يا منوتي وينك وش اللى صاير بدنياك= تروح وتبتعد عني ولا تسال عن العاني ذبحني من غدا صوتك وصوره ظحكتك بـ شفاك=ذبحني شوقي الساطي على تبديد وجداني واهيم بعالم الاحلام ادور بالورا ذكراك =عساها تزرع البسمه وانا في وسط خلاني لانى من رحل حسك ونا باكي على فرقاك=ادور عن عناوينك واثرني ضاع عنواني وخلاني اذا مرو سالني بعضهم وش جاك= سكوتي عقد حروفي وعقد حرفي لساني اسج بنظرتي عنهم واصك ارد الباب والشباك= واكابر لا حضر قاصي واجامل لا حضر داني احس اني بديت ايئس واهج لصورتك وانصاك =واكسر صورة الوحده واسطر فيك ديواني اجيب الحرف متنكس واحطه بالقصيده آك =واكمل شطرها الباقي مكمل وزنها آني لاني لو كتبت لا كتبت الحرف افكر فيه لجل رضاك= ويجيني طوعا بلا كره ولا فكر بعصياني يجيني فيك واتمكن وفي مثلك وفي شرواك =لأني صرت بك مجنون فبحرك صرت هيماني حبيبي وينها ديارك حبيبي كيف انا بألقاك =حبيبي آه لو تدري وش اللي صار واشقاني سهر هـ الليل عذبني ونا صابر وبستناك= ولا فكرت بغيابك اشيل الغير باحضاني اخذت القلب من جوفي وحطيته على يمناك =وش باقي من الالام عذابن منك ما جاني فديتك باللذي ولآ وباقي العمر لك يفداك =وانا تفداني الحسره ونار البعد تفداني حبيبي لو نسيت انسى افكر يوم انا بأنساك =لانى لو نسيت بيوم تذكرني بك اشجاني احبك واعشك وبجد اموت فغيبتك واهواك =لانى عازم الحربي وقالو عني العاني |
اســــــــــــــــــــــعد الله جميع اوقاتكم في مقارنه بين الكبر والتواضع حاولت جاهدا ن اتمكن منها لكن الظاهر مافيه وجه للمقارنه الا اكيد مافيه وجه ابدا لان الكبر في النهايه والتواضع في البدايه
يا وجيه الخير من بعد التحيه والسلام = ودي شوي انتباه وان حصل باغيه كله ودي اجمل حروفي واتجمل بالكلام = لين تعجب كل سامع وحبذا لو شال شله بـ ترسم بالوضوح في وصف حته غلام = يدبل كبود الخلايق وقد تسبب لي بعله هو صحيح انه نظامي وهرجته فيها نظام = بس عيبٍ فيه واحد خلف لشخصه مذله ان فيه من التكبر ما تسبب بازدحام =في تسابق هالنصايح علها تقدر تصل له ناسي انه في دنيه ما تساوي بالمقام =اخرتنا بالنهايه وش تسوي بالاخله ناسي انه من تراب وكل شخص بالانام =وكلن بيرجع لاصله لو تطاول فيه ضله التكبر ما يفيد وما يجر الا الملام =ويضهر اللى فيه كبر باحقر وادنات طله من تواضع لجل ربه يرفعه بين الانام = والنتيجه بالمقابل من تكبر له يذله ما به احلى من التواضع لا بغيت الاحترام= وانت اصلا لو بغيته ما يضيع الا تدله احترامي للتواضع وبعدها مسك الختام = والسلام احلى ختام في نهايات الاهله وسلامتكم |
مسآكم الله بالخير يا وجيه الخير
وش ينفع الارسال بعد اتصالي = يجيك رقمي ثم تعطيه مشغول وش جاك مني يوم تقطع وصالى = هذا عتاب القلب والقلب معلول والله لو تدري وش اللى جرالى =من زود همي صرت طايح على طول منتغربل من سبه الهجر حالي = والحال حالٍ كملت مده الحول صفيت مع ليلي وليلي صفالي= والليل يسمع للاحاسيس ويقول مالك ومال اللى مع الوقت مالي = وش تحتري من بعد فرقاه يحول مير اطلبي ربٍ عزيز الجلالي = يكفيك من بعد العنا لهالفعل والقول بيطول وقتك تنتظر في خيالى = ويطول وقت البعد والبعد بيطول وخلي خفوقه من المشاريه خالى = هذا الكلام اللى بهالعقل معقول وانا اقول اللى مضالى كفالي = ما عاد ينفع فيه تدوير لحلول لا شك زوله مرتكي في خيالي= عرض وطول وطول عرضٍ على طول يالله تجعل باللذي مامضالي = اخير من زول لهالفكر مشلول وسلامتكم العــاني |
اسعد الله اوقاتكم بكل خير
انطلاقا من نهايه اخر علوم القتيل =منتهي في اول حروفٍ بدت فكتابها باستميت بشرح حاله حاكها حلم نبيل =وانتهى الحلم النبيل باحتراق اعصابها ماكفانى في زمانى حاله الجسم النحيل=انتهى بي الزمان وابتدى بغيابها والبقا في خافقي منبع الحب الاصيل =لين يلقى مصرعه ويندفن بترابها وان توطته المشاعر وابتدى الها يميل =واظهر اعجاب وقبول وانفتح له بابها والله انى لذبحه واقطع الحبل الجليل=مااتركه ينسى ويسلى وينخدع باعجابها ماتموت بداخلي رفه الرمش الكحيل =كحل عين لا غزت تنذكر بمصابها تذبح عصاه العيون دون ما تشعل فتيل =لافرقت برموشها بانحدار شعابها خلت طغات القلوب فبنكسارٍ للذليل= مع بشاير ثغرها ولمعتن في نابها لا نهار اليوم نور ولا ظلام اللليل ليل= بعدما ذكرى الهنوف طارين لي جابها هي ونيسي في عبور سكه الخط الطويل =ولو تموت ولااموت بأندفن بترابها وسلامتكم العــاني |
بسم الله اكبر ابتدي زين الابيات = واقوم اجر من القوافي قصيده يلقى بها راع الوله والمعانات= شي يسلي خاطره ما يزيده ويلقى بها من صارع النوم وقفات = لا صار نومه يالعرب ما يفيده وش جاب زولك يالغضي كود طروات = تطري على بالك ولا هي عديده ما فادها طيور العرب فيك هدات= ولا فاد فيكي كايدٍ لك مكيده انا الوحيد اللى ضفر فيك بالذات= ومن بين كل الناس صرتي وحيده يا لعن ابو حيك ترى الحب ما مات =حبك حيا في داخلي يا عنيده وشلون عيني تقبل الشوف لحظات = وغيري يقابل ولفه بيوم عيده مانى من اللى مذهبه خذني وهات = لا من عطيت القلب ما اقبل اعيده وماني من اللى يقبل الهرج بسكات =منطوق علمي له معاني مفيده ومانى من اللى يلعب الحب لعبات= وكلٍ يلاعب بالهوا من يرديه للحب في قلبي من اول علامات = والله عليم ان العلامه اكيده حبيت بنتٍ تنذكر في حكايات = من زود وصف له مزايا فريده له طلتٍ مثل القمر حي مامات= وله بسمه تحلي هموم عتيده لو شافها شيخ مسوي عمارات = باع العماير واشترى له وريده ولو شافها ما سور من عقب غزوات = عزالله انه قطع حبال قيده يا لعن ابوها خلت العقل ينشات = اشوت حيد وحيد ينشات بيده ملزوم اجاري حكيها الزين بنصات=واقول لا من خلصت هاه!عيده! عزالله ان الحب سوابي سوات= عسى ابلقى من بلا الحب فيده ولا من غدا عضمي من اسبابها رفات= ادعو لها تحيا بدنيا سعيده |
مساكم الله بالخير واسعد الله جميع اوقاتكم
اشغلت بالي وقت وانا مدورٍ حل = والعقل تعبته من اول بتفكير المشكله لازم تجي هي بالاول = من كبرها تسرح بهالناس وتحير الوله دنياك وان قلت لي ول = ادري معروفه بس ببدابها غير مهما ملكت بدنيتك لازم تضل = كنك بقاع اشجار وملزوم بالسير ولو غايتك منهااكل شربٍ وظل = ملزوم تبدا عقبها بالمشاوير اما طريق لجنه الورد والفل = والا لنار بردها ويل وسعير تغانم الدنيا بالاحسان واعمل = لعمل ليوم الشر يفصل عن الخير اد الزكاه ولا دعى مذنك صل = واحرص عليها دايم بدون تاخير واخذر مجالس من بهالناس تاكل = تنهش بعضها نهشه الحر للطير لا فاضت عيون المخاليق وابتل = خد الكبير وحرمته ومنهو صغير من بعد ثوب كان كاهي ومخمل = اكفان بيضا هي لك الللبس بتصير ما ينفعك قوله اياليت ولعل= ما ينفع الا دعوه الناس بالخير واسلك طريقك وما بها شك تاصل = درب الرسول مبشر الخلق تبشير وسلامتكم |
الساعة الآن 07:18 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir