من قِبل عمالقة الكسرة وروّادها أمثال أحمد عبدالرزاق الكرنب

، عايد القريشي ، ومحمد أبو شعبان يرحمهم الله ، وغيرهم من

كبار شعراء الكسرة .

لذا أرجو ان تشاركوني في سرد الكسرات القديمة لهؤلاء الشعراء

من خلال ما تحفظونه من كسراتهم لتفعيل ملتقانا

والإستفادة بما قاله هؤلاء الكبار

شاكراً لكم تعاونكم سلفاً.

أخوكم / صقر المقرح

قفّى والاشواق في حاله = ورسومها شاهدوها خلق
العين بالدمع هلاّله = وانين قلبي حرقني حرق

تغرب الصدق واستاحد =وضاع الوفا بين هذا وذاك
هذاك ناكر وذا جاحد =ماحي تحطه على يمناك
حنا هنا للموافي جنود =جميعنا فيه خدامي
لو كل ليله يجينا وفود =للطيب واقف على اقدامي

كل من اتجهنا لنا مع درب=نبغى بعيد المـدى يقـرب
نلقى طريق المروح صعب=نرجع ونلقى الرجوع أصعب

ساءت الأحـوال للغايـة=وصلت معـي لانهايتهـا
وعجزت لاعرف لها بداية=اللي انتهت في بدايتهـا
آنا ملك في كيانـي ملـك=وأحكم على الملك فحدودي
حدود تاصل مدار الفلـك=لا صرت في عالم وجودي
من بعد صبري عليك سنين=إسمع سؤالـي وجاوبنـي
أسالك باللي جمعنا اثنيـن=ماتـدري إنـك معذبنـي
بعض العرب يرفعون الراس=لاحتجتهم يرخـص الغالـي
والبعض الاخر عديم إحساس=يوعـد ويخلـف ولا يبالـي

ليا غابت الشمس وامسى الليل= وكل مطرب اخذ مأواه
الكل يعزف نغم ياليل= وانا اعزف الآه تلو الآه

مهما شمخ وأعتلى ر ضوى=مع كبر حجمه عن الضلعان
أكبر منه للرجل هقوا = وابعد من الشوف للأعيان
يا ذات للعرف والفتوى=معقول ما فكر الإنسان
يجوز يحظى بمن يهوى =والى هواجس من شيطان
مع روقة البال والفضوى =وأبعاد فكري عن الاشطان
قوم اسمع النص للقضوى=وأقرا تجد نص بالقران
من عامل الله بالتقوى = يجعله مخرجه بحسان

وقلبي الي نحا مع ناس=من البطا قلت نسيوني
ولما قطعت الرجاء بالياس=مروعليه وبكوني

كيف البصر كيف ياهمام == لادام قطف السفرجل نيش
زرعتلي عود من نمام == وان جيت ابقطف زهر مافيش
ياريس الجمع يامقدام == درك امورك عن مانيش
ذي شيحة محتويها هام == اكل ثمرها وخلى الريش

ماأحسب فالأيام واحد يوم = يعكس مسير الهوى ضدي
ويكبني فالأسى واللوم = ويعدني حي متعدي
ودعني الود وأتكلني = وإنصبت يوم الموادع صار
أنا ولو حي خيرني = لو خيروني عنه ماأختار
انا مأمل زماني يطول = لاكن جديد وعليا جد
انا مأحسبن الليالي تحول = بيني وبين الذي فاليد

أملتني والفؤاد أمل = قبل الهوى يبين تأميله
تغير الحال عن أول = عنا وقاطع مراسيله
مايكمل الود لو طول = لو كنت بالمال ساخيله
ومادام شرع الهوى حول = لاعادك اليوم ترعيله

يضحك عليا خلي البــــــــــال=ما يحسب أن الدهــــــــــــــــر فانـــــــي
وين اللى حازو على الاموال =مانابهـــــم غيـــــــــــــــــــــر الا كفـاني

اهتز كرسي الغرام اهتز = اهتز عن مركزه واخلاه
وماظن بعده يجي مركز = يمشي على منهجه وابناه

أسست لك نهر من دمعي= ترسي جميع البواخر فيه
لا وين ياهاجري بنعي= حبك سباني وانا هاويه

أمــــان يا ناعـــــم الخــــديــن=لو كان تمشي على المكشوف
لو كنت جنبي ما أشوفك وين=العــين عميت ما عاد تشـوف

في يوم جانا هوا غربي= وانا مقفّي عنه منحاش
نسمه منه وصّلت قلبي= من وقتها لغرفة الإنعاش

انا الجريح الحزين اللي=زادة جروحه وزاد ابكاه
الصبر ماعاد يمكن لي=جسمي نحل من أنين وآه

قالو الهوى قلتله لا بأس=أهل الهوى نتبع اراضيعم
لجل هواهم شرينا الكاس=لو كاسهم مر نهواهم

خذني نيانه عن الكبريت= من نار قلبي أولِّع لك
لولاك من ديرتي ماجيت= من كثر شوقي أطالع لك

آه الهوى ياطواني طي=من كل نقصان من جسمي
ومن شافني قال مابه شي=واللي بقى فالجسم رسمي

شربت كاس العطب من يد=بخلاف الآمل من يده
برضه رغم ماراى ماسد=يكرر السم ويمده

الناس محسب معادنهـا=فيها فوارع وفيهـا دون
الا بعـدبـان باطنـهـا=وكل حسب وزنته موزن
قلـوب سـود مخازنهـا=وقلوب فيها الاسى مكتون
بعض العـرب لاتامنهـا=يضحك والغدر مدفـون

والله يا مقبلات أيام = مُرّه وفيها الحموضيّة
اليوم نبكي زمان العام = ومن عاش نبكي على ذيّه

إن ما يكون الهوى موزون= لا خير في ود متفاوت
هذاك يضحك وذا محزون= وذاك يبكي وذا شامت

ظامي وانا في غزير الما= يجري نهر من غزر عده
يجوز وسط النهر واظما= والما حياتي تحت يده ؟

إصحـى تـناسى ولا تـنــسى =إنك بها المـعـرفة مشــهور
عــند ك مقــالات للخـــنــسى =وأخذ من الجامعة دكـــتور
الـيوم يـوم أقــبل الممـــــسى =وباقي طرف من شعاع النور
صارت بها النفـس في حنـسى =أثر خطرها على المذكــور
لا تزيد فالمدح لا تقســى =وأصيرأنا بعدها مــغرور
مازلت في أول المرســى =للأن ماحـــرك الــبابــور
ولجليش تلتاع أو تأســـى =وإنت على الشعرديكتاتور
شعرك بفم الهوى همسـى =يأسر عواطف بنات الحور

يدعيك راعي الفرح يسالك=الطيب ماله معك مقدار
وش اخرك والذي اوزمك=ول ا طغى منك واستهتار
مجلس وفود الهوى ينذرك=بمذكر ه يرسل الانذار
عن مجلس اهل الهوى يمنعك=ويشطب على اسمك الشعار
من هو الذي بعدنا رشحك=وخلك واحد من اهل الكار
انا واهل البلاد نعرفك=.ماتحسن الذبح ياجزار
اقسم مدير الهوى يسجنك=وحده سنه ويمنع الزوار
في كل جمعه يجي يفرشك=ويكولك اقعد هنا ي****

يامشتكي الوقت مايعابي = العيب يأتي من الانسان
كثير معروف في حسابي = مايقدر الطيب والاحسان
لاتحرق القلب وتصابي = بالضغط والهم والحرمان
لاشي عن ربنا غابي = خلك معه واترك الغلطان
وانت على صبرك إتثابي = والصنف الاخر هو الخسران