|
ديوان الشاعرعبدالرحمن بن عاتق البيضاني (راحل)
من دون رابغ حنّا رجال=تاريخنا صدّق أقوالـه أفعالنا تتبـع الأقـوال=وشيخنا الكل يسعالـه قولك يحرّك شروح البال=يا سيف رابغ وخيّالـه رابغ فداه العمر والمال=والشيخ فالعين منزالـه |
من دون رابغ حرس وسياج=وابـراج ترسـل تـردادي ما اظن من يخترقها نـاج=ألغـام فالبحـر والـوادي |
يا نفس توبي لحقني لوم=لا تظهرين الذي خافـي يالله يا حي يـا قيـوم=رحمتك في يوم الارجافي |
آنا اشتكي من كلام الناس=النـاس كلامهـم قاسـي يزلزلون الـذي حسـاس=لو كان مثل الجبل راسي |
تغانـم الـوقـت يالمبـلـي=عيد النظـر فـي حساباتـك واصحب هل الخير والفضلـي=ترى عضاك تشهد على سواتك |
روح اشترك في مجالس حرب=اليوم يـا عاشـق الكسـره شعّار من شرقهـا والغـرب=ترحيـب والكـل لـه قـدره |
حطوني مخطي وانا ما خطيت=مـن جهلهـم بالخفيـاتـي ماريت مثل الغبن مـا ريـت=يا فريج هات الحكـم هاتـي من صوب قولك أنا مريت=وما لقيت غير الدعياتـي لازال باقي ورق ما اعطيت=هات الورق والحكم يآتـي صوب المنادي أنا لديـت=وللصوت كررت نظراتـي اثر المنادي من اهل البيت=واصبحت تحت الملاماتي لم تكتفي بالسمع و اصغيت=و اطلقته الشوف مراتـي كيف انهي المسئله لاجيت=دام الخصم عنـده إثباتـي فزعت انا وللنـدى لبيـت=أفزع !! واسدد غراماتي ؟؟ ما كشفت مستور ولا سبيت=عيد النظر فـي جزاءاتـي بعد إطلاعي على ما ابديت=وقول الخصم و الملفاتـي ما اقول مخطي اذا رديت=بس المُوقى لمحها عآتي و مني نصيحه لكم يا ريت=تسمع لها فآخـر ابياتـي سايس أمورك إذا حطيـت=أول قدم فـي المهماتـي جبت الدوى وللسقم شافيت=والنفس صارت فراحاتـي من أمس عن دارهم شديت=واليـوم زالـت معاناتـي |
اشغلتني ربنا يجازيـك=كثر الحكي شل تفكيري لو طيب تعمل يشكك فيك=وتقول لك علم تحذيري تعرف دروب الخطر يمديك=لا تروح بعض المشاويري في يوم تندم على ماضيك=ولا يفيد كثر المعاذيـري |
رجال تحت الثرى منكـم=تاريخهم ما عليه خلاف وانتم على الطيب معدنكم=والعز فوجيهكم ينشـاف معروف للكل ماقفكـم=انتم وحنا بيننا اعراف الله من الشر يا منكـم=ويديمكم يالطيف القاف |
بكره مسافر وراحل عنك=هاذي المقادير والقسمه والله مالي ولالي منـك=غير المعاريف والحشمه انت الذي فالمعاني بنك=وانت الذي فالسما نجمه وانا الذي فالوفا اضمنك=نواف فقلوبنـا اسمـه |
أصحابنا ما بقـي فيهـم=غير التجافي وسوء الظن حتى الذي كنت مغليهـم=فقلوبهم الحسـد يكمـن أصحابنا لـو نقاضيهـم=فالوقت ناخذ و نترك من لاكنك إصبـر ووافيهـم=مد الوفى والجميل أحسن |
سلام يالقايـد الأمجـد=يا منبع الطيب يا راعيه فالقيل لك شان ومسدد=ابغاك في دفتري تمليه يا مرحبا بشوفتك أسعد=منزالك القلب تسكن فيه بالصدق اقولها واشهد=مافوقكم زود ونداريـه عن حالكم يا خوي انشـد=واللي نقص كلنا نوفيـه وان كان شفت الجفا فالرد=يعلم بـه الله ولا ندريـه الحال في خيرها وازيد=والحمد من ربنا نطريه ماشفت الاالوفاالأجـود=واحلى كلامي لكم أهديه دمعة حزن خطها فالخد=من صاحب نوده ونغليه بنيان ما بيننـا مشيّـد=هذا يهـده وذا يبنيـه لابد سبب ينذكر ويعـد=هلت به العين ماتخفيه من جوّدالساس ما ينهد=ويزيد تعمير ويعلِّيـه نسيت فعل الجرو فالسـد=يوم اخلف السيل عن واديه حتى النحل عن مكانه شد=والوادي اجدب محد يسقيه من رتّل اللي شفـا للكبـد=يشرح به الصدر ويغذيـه ما عبد يحمل اسى عن عبد=وللرب حكمة فما يقضيـه |
في عيدنا الحـزن خيـم=حتى الطفل هلت اعبـاره يرثى لها حالـة المسلـم=بين البشر قـل مقـداره (صدام) في ديرته يعدم!!؟=ما بين ربعه وانصاره!؟؟ ما يشفي الدم غير الـدم=يا مسلمين اطلبوا ثـاره |
لو قلت كل القوافي فيـك=ما توصف الطيب في ذاتك طيّب أصل والوفا ماضيك=وفالشعر تصعب مجاراتك في طيب الاخلاق ماجاريك=صديق في كـل عاداتـك حاولت بس ماقدرت أوفيك=نجم السما تحت راياتـك |
يا محقق القول بالشارب=صحبتك الكل يشريهـا سالم من العيب والذارب=عساك تقـرا معانيهـا يااستاذ آنا معك طالـب=جيـت اتعلّـم قوافيهـا لا تقطع البرق يا صاحب=واصل معانيـك باغيهـا العين ما تعلا على الحاجب=الاولـه أنـت راعيـهـا فبحور الاقلام لك قـارب=وكل المغازي لـك فيهـا الفال مثل العسل ذايـب=والبن عندي وشاهيهـا وعقال في الربق ياغايب=لجلك ياملهوف حاسيها العفو يا شيخنا الراهب=كريم والشك مخطيهـا اوعدك يوم السما طايب=اجيك والهيـل يكفيهـا الرد جفا يكسر الجانـب=وانت على النفس غاليها أعزمك وتردني خايـب=وين العداله يا قاضيهـا فالمسألة قولكـم صايـب=وجيّتـك مانـي مخليهـا خلك على الوعد يا صاحب=والوعد يكفـي وينهيهـا |
قرار مـا يقبـل التبديـل=من خاطري اخترت فرقاكم ما نجتمع والقلوب تشيـل=والعيـن متهنيـة بلاكـم |
ما هي عوايدك تجرحني=وش غيّر القول والمعنا نسيت يوم كنت تهمسني=شر القدر مـا يفرقنـا |
الورد لا شافني يضحك=عييت اترجم معانيهـا جمعت جدك على مزحك=يا ورد احترت أنا فيها |
ياسيد كل القلوب تحن=لا طولت عن محبيهـا ما شفتني ارتجف واون=وعيوني الدمع ماليهـا |
لا تسهرون الضعيف اللي=الصبح يسقي غنيماتـه ان نمت ما عاد يحصللي=شوف الغظي يصك لمباته |
تشتاق روحي لعذب القيـل=والقاف لو انتحى ما ابعـد اشوف قلبي عليـك يميـل=ومن جاور اهل السعد يسعد شوقي معك واصِل الإكليل=وعذب المعاني برق وأرعّد يامُنتهى الذوق والتكميـل=كلآ حسب مصعدُه يصعـد |
اهلا هلابـك ابوعاتـق=يامدرسه في طروق الفن الخير والعـز متلاحـق=واجب علينا نسوق البن يوم الجفا للوفا سـارق=ماعذب الانس غير الجن بين الوهم والامل غارق=ياليت الاقدار لي تحـن عداد مـا يُعبـد الخالـق=ترحيب يا جيـد المعـدن نمشي على الطيب ونسابق=حسب العوايد واهل القـن اوصيك يالصاحب الصادق=لا تلتفت للوهـم والظـن ما يصفي الوقت للعاشـق=لو في قصور الترف يسكن |
سـلام مـن فـوق عليّـه=يابو شري اسمع الونـات ليّه عن الوصـل حوليّـه=ودموع عيني على الوجنات يا مرحبا الف رديـة=تنصاك يا بادع الابيات أخبُر سياستك دوليـة=ما تنغلب طيلة الاوقات شهور وايام مطويّـه=خبرها ساعته ما جات عسى عندك خبر ليّه=يخفف عني الويـلات مدري عن اسرار مخفيه=للآن ما بانت الشكـوات وقلبي معك مخلص النيه=ان كان عندك حقيقه هات قصور فالحلم مبنيـة=وفيها مقصدي بالذات اشوف ايديـه فيديـة=وعينه تسرق النظرات فالحال ارسل وجيهيـه=حسب القوانين والعادات غرائز الحـب نفسيـه=حرمانها يسكب العبرات |
سلام وانت لنا مكسـب=والبث ثنتيـن موجاتـه لا جاتني حزت المغـرب=زادت على القلب ضرباته حييت ياالصاحب الأعذب=يشكي لنا مـر آهاتـه ظني بخط الوصل كهرب=حذراك من شين صعقاته دستور يا عارفين الطـب=شفت البحر يقذف امواتـه وبعض البشر يقتلون الحب=من بعـد تجريـب لذاتـه حلَّين ماعَنُّهُـم مهـرب=والسبع أعْرَفْ بقدراتـه اللي عذا منهله إشـرب=ومن لاصِفِي عاف كدراته |
حبة خشم والغلط مرجوع=تعود الميـاة لمجاريهـا يهمني كاتب الموضـوع=من حـرب ولا معاديهـا الصلح بين العرب مشروع=سنـة ونعـرف مباديهـا واما المعادي هنا ممنـوع=لو طـب رجليـه نثنيهـا |
من دفتر الحب صور لي=الدرس الاول ورسماته ابغى اتفوق على الكلي=واجيب اعلى دراجاتـه على حسب ما تباينلـي=واللي لقيت فى سجلاته الخل لا ستملك الخلـي=وسيطر على كل خاناته يصبح على الكل متعلي=ولا حي يقدر مجاراتـه وعلى كذا يصير متولي=وفارس على كل ساحاته وصلني الشرح بالملي=والقلب زالت معاناته وبدعي لكم كل ماصلي=يشملك ربي برحماته |
الله يـا مركـز النـجّـار=بالليل يـا كثـر نسوانـه سألت نفسي وش اللي صار=قالت ترى العيـن خوّانـه خلك عنـد الفتـن صبّـار=لا يغرك ابليـس واعوانـه خسران من يسرق الأنظار=كل شـي يكتـب فديوانـه لا يغرك السـوق والـزوار=كل من دخل جوف جدرانـه دور على الي سكن بالـدار=ما هي على الشوف ولهانه سواق يدلف وزوج حمـار=واليا الفرس ضاع برسانه واللي يتذكر عـذاب النـار=يغض البصر ويسحب لسانه |
لله حكمة .. في تدبيـره=ما عاد طير الزهر ينشاف راح الزهر مع عصافيره=ديرة دهر والسنين عجاف |
مذموم فينـا قليـل المـال=حتى على الحق ما يطولـي يا خوي قصر الزمن أو طال=الكل على النعش محمولـي |
يا طير يللي بنيت العش=ما تدري ان البنا زايل ؟؟ اتعبت نفسك بجمع القش=انحش ترى غصنهم مايل |
يانجم الاشراق مطلاعك=بين الثريا ونجم سهيل يانجم طيع الذي طاعك=سهران لجلك نهار وليل يا راكب المـوج بشراعـك=وترعى نجوم السماء والليل عيون تبكي من اوجاعـك=الصوت لا ترفعـه بالحيـل لو الذي راعنـي راعـك=فمشاهد الطرف تشكي ويل ماشفته الحـال لساعـك=قلب الشقي شايلينه شيـل لو كان لا تغير اطباعـك=القول ما يحمـل التأويـل ولا تمسي الليل في رياعك=اشوف مثل السحاب يخيل عسى الذي فالهوى لاعك=يسمع صدى القيل والترتيل وان كان ما قدر اوضاعك=عن الصبر ما لكم تحويـل |
يالله يا مغيّر الأحـوال=انته رجايا ومسئولـي لا شك سهم النظر قتال=أخاف ما تكمّل الحولي طرف النظر دايما ختـال=منه الحشا دوم معلولـي حاول تغض النظر بالحال=لا لاح مثل القمر زولـي في خطوتي اتبع الجمّال=وتشهد لي الناس بعدولي يا قدرة الله على الوبّـال=الكل يحسبـك مهبولـي ما ينزل الدلو دون حبال=واللغز توجد له حلولي خلك بعينه بدون أمثال=بالضبط مثل المنوبولي ياصلك خطي مع المرسال=لك انت يا صادق القولي آنا على رنـة الجـوال=لا جاك خطي ومرسولـي |
نفسي على الظلم ما تقوى=عندي معرّفك يـا غالـب مطلوب في مجلس الشكوى=اليوم .. وآنا الذي طالـب يامن جعلنا بـك الهقـوى=وعن جانبي جاعلك نايـب اصدر فالاحكام ما تهـوى=ويجمد على حكمك الشارب |
يا عشق اسهمك مرتفعـة=بالحيـل ايامنـا ذيّــة مدري هوى مدري الشبعة=صار القمر يعشقه ميـة |
العين يا عاشقين العين=مدفون سر الهوى فيها يا كم صابت لها مسكين=والموت اغلى امانيهـا |
سلام من منبعـي صـادر=واللي يـرده لنـا مأجـور يابوعاتق وش حيلة الصابر=اللـي خاطـره مكـسـور ترحيب وش كدر الخاطر=ما هي عوايدك يا دكتور زيد الصبر والصبر وافر=تصير بعد الامور امـور |
طار الكرى واستمع ياستاد=من قول كله حزن واحسار جتنا افاده مـن الموسـاد=مضمونها اصرف الانظار لا يهمك النقـد والنقـاد=لا تقطع الوصل مهما صار وابعد عن الحسد والحساد=وخلك على وصلهم صبار |
سلام يـا طيّـب الفالـي=حنا على ما مضى باقين آنـا رفيقـي تعدوالـي=ابغى البصيرة وحكم الدين يا مرحبا بك يالغالـي=اصبر على زلة الغالين جامل رفيقك ولاتبالـي=اثبت على ساير الوافين |
وجيه والشوق يحدانا=اسبوع ماشفت طلَّتكم شرواك ما اظن ينسانا=مطلوب سجل زيارتكم يم الهدا الشـوق ودانـا=وريف الشفا يقول منساكم يا عبيّـد الريـم يبرانـا=حطوه لاهل الهوى حاكم |
سلام وافي بدون حساب=اليـوم جينـا نهنيكـم عقبال الالفين يا اصحاب=والله يحقـق أمانيـكـم اهلين ياالمشرف اللي جاب=الشكر والشكـر نهديكـم مشكور انته مـع الكتـاب=مجـهـود الله يعافيـكـم |
الساعة الآن 12:01 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir