|
ديوان قصايد الشاعر متعب بن بطيان الفهيدي
من يــأخذ الأوراق والا الطــبــاشـيــــر =واخـــذ ســـلاحــه وارتديــهــا ابــدالــه ابــلـبـس الـبـــدلـه وأدق الـبـساطـيــر =واطــــى عـــلـى الـحـوثـي ويـتـم عياله واصـيــر أنـا طيـــار لو كنت مــ أطـيـر =وطـيــارة أف 16 مـــاأرضـــى بـدالــه وأخــذ عـــلـــى صـنـعـا لـفــه وتدويــر =وأرجـــع عـــلـــى حــد الجنوب وجباله وأدمر احــفــاد الـخـنــازيــر تــدمــيــر =اهل الــخــنـــا وأهـــل الـخــزا والـحثاله شــلـــة كــلاب ودون مـذهــب وتـكفير =بـيــن الـخـمـيـنــي وأبـن لادن عــمــاله هــذا وطــنا مــاتــفـيـــد الــمـعـاذيـــر =الـــدار مــثــــل الــعـار ســتــره رجـــاله هــذا وطــنا يــالرجــال الــمـناعــيـــر =نـحـــمـي حــدود الــدار فـــي كــل حـــاله نــقــدم الأرواح والــصــايــر يــصـير =والنــصـــر بـــأذن الـلـه لــهـــل الـشـكاله دون الــوطـن مـافــيـه غلطه وتـبرير =يــامـــدور الــطـــولات هــــــذا مــجــــاله |
سج القدم لاضـاق صـدرك ومليـت
سج القدم لاضـاق صـدرك ومليـت=من الظروف ومـن وجيـه وجماعـه لاتنزوي مسجون فـي داخـل البيـت=سافر عن جروح الزمـن كـم ساعـه شفني عـن الغاليـن والنـاس قفيـت=كل شي صار وكان بطـوي شراعـه بالبـر القـى سكرتـي لاتقهـويـت=مـن دلـة الرسـلان كيـف وقناعـه وربيـع قلبـي للرجـم كـان عديـت=وجتني بيوت الشعر سمـع ن وطاعـه والذود يطرب خاطري كـل ماجيـت=فيـه اتنومـس عـز راس وشجاعـه وغيـر الستـر والعافيـة ماتمنـيـت=لانـا بزمـان المهزلـة والأشـاعـه ومهما فعلت وقلت ضحيـة واعطيـت=وعن الـردى والـذل عنـدي مناعـه واللي يبـي قربـي عشانـه تعنيـت=وكرامتـي بالـدم ماهـي صنـاعـه وان غبت لي عذري واذا جيت سديت=وكم واحدن تلـوي ظروفـه ذراعـه والهرج لا من زاد صديـت ماوحيـت=يللي كثيـر الهـرج عنـدك بضاعـه احدن على ربعـه شـراره وكبريـت=بين الجماعـه شـب نـار القطاعـه مر وغثيـث وفيـه حنظـل وحلتيـت =لاوهني من قـام وبالخمـس صاعـه اللي لسانـه يشـذب الحـي والميـت=بيـن العـرب يذيـع مثـل الأذاعـه الله حسيبه كـل ماصبحـت وامسيـت=الله حسيبـه يـوم يسـقـط قنـاعـه واحدن كريم وذايع الذكـر والصيـت=يحرص على الطولات قدر استطاعـه يضيق صدر ان شاف بالوضع تشتيت =ويفرح ليا شـاف الربـع والجماعـه سلـم عليـه وقـول كفيـت وفـيـت=والذيب ما يهرول عبـث ذي طباعـه وياذيب انا من جملة النـاس أزريـت=والحق صار اليـوم صعـب انتزاعـه لا رضيت نصف القوم للنص مارضيت=تأ كل بعضها النـاس تقـل بمجاعـه ولاتلومنـي ياذيـب بالبـر سجـيـت=ببعد عن ازعاج البشـر كـم ساعـه |
ماللحزن في وسط صدري مساحـات=والدمع ماله داخـل العيـن داعـي وماللفرح والضحك فينـي محطـات=ومالي ومال الناس زادت صداعـي عايش على الهامش واطالع حكايات=قصة حياة النـاس قصـة ضياعـي ماأقسى التجارب أه ماأقسى البدايات=ماأقسى النهاية أه ما أقسى الصراعي وماأقسى القهر والهم ماله عبـارات=وبالصمت والتوديع بطوي شراعـي اوراق وأقـلام ورفـوف وملـفـات=وانام ربع اليـوم واسبـوع واعـي وفي كل لحظه في حياتي أكتشافـات=والنفس ضاقت في علـو ارتفاعـي والجاذبيـة كـذب ونيوتـن ومـات=وأنـا بغيرهـا بقـدر أستطـاعـي لقيتها وسـط المصاحـف وأيـات=والروح تجذبهـا واجـي بندفاعـي وحياتنـا بـالأخـرة والمـسـرات=والا ترى الدنيـا عبـور ومتاعـي أجمع بها سجده ودعـوه وركعـات=وصيام وقيـام ن وتطعـم جياعـي برووصل واحرص على اثنين بالذات=ان طعتهم نذرن علـي أن تطاعـي ثم قم توضا وريح النفـس لحظـات=واقر اية الكرسـي وأقبـل وداعـي |
يازمــان الــذل وش باقــــي بعد = كــل يــوم ن تــلفي بـــجرح ن جديد يازمـن وش فـــيك اخــلفت الوعد = ليــش طبــعك يازمــــن دايــم عـنيد حظي اللـــي يــوم واحــد ماصعد = وان صـــعد لـــو هـــو دمـــار ولايفيد ياسراب وكــل مـــاجــيـت ابــــتعد = ياالـــغدير اللي لمــحتـك مـن بعيد ويالبروق اللــي تـقــفاهـــا الرعد = ويالــهبوب الــلي تـــلاعب بـالجريد كم شـــكينا وكـــم بــكيــنا وكم نعد = مــن هموم ن شــايبه وهـمن وليد ويالــصبر فـــي وسط قلبي استعد = للظروف الـــقاسية مــــــثل الحديد ويالــصقر اكفخ بجــنـــحان السعد = وغــــير جـــزل الـــصيد تكفى لاتصيد خـــــل طمان الارض واتـرك من قعد = خـــلها للــبوم واشبـــــاه الــعــبـيد |
لي قلب ماخانك ولافـــكر يــــخـون = ولي عين ماتشفق على غير شوفك وان كان هالأثنين لــــك مايكفـــــون = وطاري السفر يزيد همك وخوفك بشقق البوسبورت من شان تدرون =ان الفـــهيـــدي اليـــوم قدر وقوفك تـــمت ثلاث سنـــين وانــتم تـــوفون = وانا ثلاث سنــين همــت بوصــــوفك تمت ثلاث سنين وان غبت تبكــــون = تمت وانا احبك واموت بحرووووفك فيها تعلمت الهوى كيف بجنون = ولاضقت كيف اجــــيك واحــضن كفوفك ياأجمل حكاية حب صارة بها الكون = متــعب ولـــد صـــياح يكفــيه شوفك |
لاتــجـرحـيـن الـخـد بـالـدمـع يـاعـيـن = ولاتــضـايـقين اللي من الهم سالي 14/1/1431خليـنـي أســلا لـو دقــــيـقـه ويـومـيــن = يكـفي مـن اللوعات شي ن جرالي يامــا ذرفت الدمـع والـنـاس مـمــسـيـن =ويـامـا ذكـرة بـوحـدتـي كـل غالي وياما تــحـضـنــت الألــم والـســكاكين =بين الجـروح الـقــاصـيـة والموالي ويامــا صـبـرت أيــام وشــهور وسنين = ولــولا مـرار الوقت ماتذوق حالي ويامـــا عـرفــت مـن الرجال الكريمين =يــوم الــكـرم والطيب عز الرجالي وياما عرفت وشــفـت نـاس ن مـلاعين =وسـكـنـتــهم بــيـن الثرى والنعالي وكم واحدن ودك يـغــســل الـمــواعين =خـــوذو شــمـــاغــه لبسوه الشيالي لايهمــكــم لـــو كـــان يمـلــك ملايـيـن = اللــي يـبــيــع المــرجـلـــه بالريالي ان جــا لــزومــه يخـتـفي عنك مايبين = أنا اشــهـد ان الطيب صعب المنالي والبعـــض مابـيــن الـمـره والوراعين =اكبــر طــمــوحه يرضي أم العيالي وبالسوق يمــشــي خلـفــها بـالـكراتين = ومتحـضـنـن ورعــه شبـيـه الشفالي وصوت المــره رنـان بـين الــدكاكـين = والــكــلـب يمـشــي خـلـفها مايـبالي لــكن يـبـــقى لـــلـمـــراجل ميـاديــن = فـيــهـــا رجــال ودايــم الراس عالي ناس ن على الـطولات والطيب شفقين =والمــرجــلـــه والــديــن أول وتالي أحـرص على الطيب واحطـه بها العين = وان مــاكــفــتـه العين ياخذ حلالي يامر عـلى روحـــي ولا أقـول بـعـدين = مـــدام راع الـطـيـب هو رأس مالي واوصيك بالأخلاق والــــطيب والـدين =ان كـان ودك تــرتـفـع لـلـمعــالــي |
نويت أغير كـل شـي بحياتـي=حتى هواي أمـوردات الشفايـف ونويت احط الـذود ياالفاتناتـي=واطرب هو قلبي بزين الوصايف طرد الهوى هم وعذاب وشتاتـي=بين الصدر والعين والا الردايـف شفي قبل أرحل وتدنـي وفاتـي=خمسين وضح و كلبوهن ولايـف وخمسين شعل أمعربات وخواتـي=أتلاد ابن حثلين والشيـخ نايـف وثنتين من خيل السطر مسرجاتي=شرق الصداوي عندي الجو كايف والجيب شاص مكملن بالصفاتـي=توه جديـد ومرقبـه بالنوايـف وبيت الشعر والكيف هذي مناتي=مسودسن ومزبنـن كـل خايـف أعشق حياة البدو واحفظ صلاتي=وابعد عن أزعاج المدن والوظايف |
ياضيقـة ن وسـط الضمايـر تثـنـت &&&
واستوطنـت بيـن الحنايـا والأعمـاق وياعبرتـن وسـط العيـون استكـنـت&&& لا أقبل سـواد الليـل تغرقنـي أغـراق وحمامتن مـن فـوق الأغصـان غنـت&&& غنـت طـرب ماتشكـي الهـم وفـراق ماهـي بمثلـي لأقبـل الليـل ونــت&&& من جمرتن وسط الحشا صعـب تنطـاق ونفـس الشقـا مايـوم واحـد تهنـت&&& بظروفي اللـي محرقـه حالـي احـراق والجـادل الـلـي مالـقـت ماتمـنـت&&& تسهـر تعـد الوسـم وتخيـل بــراق كـم اهدمـت بحلامـهـا وأستبـنـت &&& كم أرسمت شمس الضحى وقت الاشراق وكم اصبـرت مـل الصبـر واستجنـت&&& وضاقت بها الارض الوسيعـه والأفـاق وليـا أذكـرت مضنونهـا ثـم حـنـت&&& حنـت علـى ذكـر المحبـه وعشـاق وراحـت تسـج الرجـل يمـه تعـنـت&&& لجل الغلا والحب تمشـي علـى سـاق برسل على الجوال واكتب علـى النـت&&& وانسج حروف اسمك على كـل الأوراق والله ماخـون اللـي لقـربـي تمـنـت&&& والله ماخون اللي لياضقـت انـا ضـاق 11/3/1431 |
وسط الخبر صارت محاذير وأسـرار والشـعـر والله تـــو زانـــة حـروفــه وهب الهواء من ناحية شرق وأندار واصبحت أميـز شـي ماكنـت أشوفـه غـرون عـلـى قـتـل المحبـيـن جـبـار ولـحـالـت الـعـشـاق مـابــه مـروفــه ليته جلس في وقفتـه شفـت الانكـار وليته رحمنـي بجلستـه عـن وقوفـه وليـتـه وقـــف ولاتـحــرك ولاســـار ولا فـتـنـا بمشـيـتـه مـــع وصـوفــه العين عين اللي علـى ضلـع سنجـار والخـد بــارق صـيـف مـحـلا قنـوفـه ادعج غنج كيف اوصفه صرة محتار والكعـب عالـي يشتكـي مـن اردوفـه الردف ضامه واشتكى الثقـل وانهـار والـوسـط ضـامـر والهبـايـب تلـوفـه والصـدر يانـع بـه بساتـيـن واثـمـار والــورد والـرمـان مـاأحـلا اقطـوفـه مـر وتعـدى ومركبـه جيـب فكـس ار ماظنـتـي يشـكـي الـزمـن والكـلـوفـه قلـت السـلام وضامـري يشتعـل نـار سـؤال واحـد كــان منـتـي معسـوفـه ويـن الوطـن يابنـت مـربـاك والــدار يـــم الـحـسـا يـابـنــت والا هـفـوفــه نمشي على وضحى النقا مابها عـار لاوهـنــي مـــن ذاق مـنــك رشـوفــه وقالـت منيـن وقلـت جابتـنـي اقــدار اجلس مع المزيـون وادرس ظروفـه قـالـت ملـكـع يـاولـد يـــدك والـحــار وكــم واحــد مثـلـك يــدور احـتـوفـه قـلـت الـكـلام بشفـتـك كـنـه اسـكــار ونـهـايــة الـبــيــاع دوم امـعــروفــه وادمنـت خمـرك خلنـي داخــل الـبـار واللـي فقـد عقلـه تـرى يـقـل خـوفـه ودعتها ولـي عبرتـن وسـط الانظـار وقـال الـوداع ولـوحـت لــي كفـوفـه واقفـا بهـا السـواق فـي بـر الاقـفـار وعلـى البحـر مثـلـي يـطـول وقـوفـه |
تعبت أجامل مايـل النـاس ياسعـود وتعبت أجامل ناس واطلب رضاهـا وبعض المجامل فيه حسرة ومنقـود ويرث على النفس العزيزة غثاهـا وصكتني الدنيـا علـى كـل جلمـود ورتني اصدوف الدهر مـن عناهـا وخضت التجارب بين ضباط وجنود وبعـض الرتـب اوجيهـا ماتحماهـا بعض الوجيه البيـض افعالهـا سـود وبعض الوجيه السود عز اقصراهـا وبعض اليدين اللي بها القل موجود قــدام واجبـهـا تـكـرم الحـاهـا وبعض اليدين اللي بها مال ونقـود قــدام واجبـهـا ايبـيـن رداهـــا والبعض حاش المرجله بكل مجهـود كـم ليلتـن ظلمـى برجلـه سـراهـا ذكره وفعله يرفـع الـراس مشهـود كـم قمتـن شـد الحـزام ورقـاهـا متوارثين الطيب من خـال وجـدود عيـنـن يكحلـهـا وعيـنـن عمـاهـا ومعربيـن السـاس ونمـور وفهـود ربعي على الطولات واضـح ابناهـا ولاني بحاجة زيد وعبيـد واعبـود والشمـس لـو غابـت يبيـن سناهـا افخر بهم ربعي مـن الـورع للعـود وباللي ليامـن قـال كلمـه حماهـا |
ماجيـت ادور للمدايـح والأمـجـاد ولاجيـت ادور للهدايــا الجزيـلـة ولاجيت ادور قرب غضـات الأنهـاد ولا جيـت أدور بالقصايـد حصيلـة ولا جيت اجامـل كـل حاقـد ونقـاد اهل الحسد واهـل الدنـس والرذيلـه ولاجيـت ادور للسوالـف والأنـكـاد ولاجيت اتوبع مـن يجرجـر شليلـه جيت اكتب التاريخ مع سيـرة اجـداد واوثـق افعـال الـكـرم والقبيـلـة وجيت امدح الطيب على روس الاشهاد واطى على الواطين وارقـى الطويلـه وجيت اكتب الابيات من غيـر ميعـاد ويحـرم عليـه مااجيـب الهزيـلـه ومهما كتبت الشعـر مانـي بقصـاد احرص على الجزله واعشق الأصيلـه وابعد عن الزلات عن سـب الأجـواد وماغير ربـي لاحشـا مانحنـي لـه والليـل طـول والهواجيـس تـزداد كم نـاس تسهـر والنواظـر عليلـه والصدر ضايق مابقى اليـوم مقعـاد وسط الحشـا والقلـب شبـت فتيلـه هـم يصـدر بـي علـى هــم وراد ياحيـلـة الله يالهـمـوم الثقيـلـه متمكنـن مثـل الخناجـر والاوتــاد وغير الصبر يـارب مالـي وسيلـه يـزداد بـي هـا الهـم وازداد وازداد ازداد فـي حـب الكـرم والفضيلـه ربيـع قلبـي مسكـة الخـط وقنـاد وخـوة نشامـا بالـدروب الطويلـه يومن بعض النـاس كنـه بالالحـاد بين العمـل والـورع عنـد الحليلـه وابقى عزيز النفس في صف الاسيـاد وابعد عن دروب الدنـس والفشيلـه احرص على ربعي وشوفتهـم اعيـاد عيديـن والثالـث بشـوف القبيلـه 9/9/1431 |
تعـبـت ادور للخطـايـا معـاذيـر,,,
وتعبـت ادور فـي حياتـي موانـي وتعبت من كثـر السهـر والتفاكيـر,,, وانا اعرف ان ابداخلي شخص ثانـي تعبت مـن هـم وعـذاب ومحاذيـر,,, وتعبـت ادور بيـن ربعـي مكانـي وسط الحشا والقلـب شبـت دوافيـر,,, والنار تحـرق مابقـى مـن كيانـي ولكن وربـي يالرجـال المساطيـر,,, ماتهمـنـا امــوال والا مـبـانـي همي كبيـر وشامـخ ن كنـه النيـر,,, صعبه يترجـم بالحـروف ومعانـي قم ياعضيدي شـب نـار المناعيـر,,, واركو عليهـا بـن صنعـا يمانـي لاصـار كيفـي بالـدلال المباهيـر,,, ياثالـث الفنجـال مـنـك كفـانـي واسمع فداك اللاش واهـل المعاذيـر,,, نصيحتـن منـي وتاصـل اخوانـي الصبر في وجـه الليـال المعاسيـر,,, حكمه ولكـن غصـب نبقـى نعانـي ولايرعب المقتـول حـد السواطيـر,,, ولاتطرب المطعـون كـل الأغانـي ولايزعج الاحرار صوت العصافيـر,,, السيف في يمنـاك وهـذا حصانـي اليا بغيـت الربـح ارض المخاسيـر,,, واليا حسبـت الوقـت عـد الثوانـي واليا لفتك اهمـوم صـدرك طوابيـر,,, لاتنهـزم ساسـك عريـب المجانـي وان عاكسة دنياك يمكـن بهـا خيـر,,, خيره وغيـر الله كـل شـي فانـي وان زلت الأقدام فـي داخـل البيـر,,, البير فـي وسطـه حبـال السوانـي لاتلتفـت للنـاس وش يملـك الغيـر,,, الله عطـاك العقـل عيـن ولسانـي قم وافرد الجنحان اكفخ كمـا الطيـر,,, عيب ن على الاحرار ترضى الطماني وقبل تنام اقول تصبـح علـى خيـر,,, النوم جاك وهاجـس القلـب جانـي اهموم صدري مثـل ذودن معاشيـر,,, مرباعهـا بيـن الضلـوع المحانـي ناس ن تنام ونـاس تبقـى مساهيـر,,, وشلون انام وفيه شخـص ن يعانـي |
من الارشيف (1423) للذكريات فقط ودي,, ارحل,, عن عيونك وابتعد عن ظلمها ـــــــــ ودي,, اصرخ ,, في ظلام الليل وابكي له قهر ودي،، اكتب ,, لك رسالة دم قــلـبــي حبرها ــــــــــــ الخيانة ..رمزها.. وسـطـورهــا تــشــكــي الغدر وقبل,, ماتقري الرسالة أرجوك شمي عطرها ــــــــــــ الهـــدية الــغـالــيــة لــيـش يظـلـمـهـا الــدهـــر قبل ,, ماتبدا,, الخيانة كنت عارف قدرها ــــــــ وبعد غدرك (ياجبــانه) عــطرهــا غـصـب انتثر الهدية,, اللي من ايدينك وهمت بسحرها ـــــــ أبــشــرك (ياخــايـنــه) رمـيـتـها وســط البـحــر الخيانة,,, دمــرتــنــي واكـتـويت بجـمرها ـــــــ الخــيـانــة (سـم قــاتـل) لـيـش بـالدنيـا ظهر ليش نغدر،، بالمحبة،، ليـش نـطعـن ظهرها ــــــ والوفا,, يأهل القلوب الطاهرة ليش ..انتحر |
عن الهوى ومطارد الخشف تبنا = لاشفتهن بالسوق ياخوك صديت ياما نضمنا الشعر ياما تعبنا = ياما جلست بوحدتي باخر البيت وياما على الرجم الطويل انتصبنا = ياما رفعت الصوت عالي وونيت وياما عن اللمات والناس غبنا = لهروجهم وخبارهم ماتوحيت وبالحبر والاوراق يكمل طربنا = اليا نزف حبره بدمي وخطيت مجنون ليلى بالهوى ماغلبنا = وعنتر بعبله والهوى ذايع الصيت عشقن على وضحى النقا مانهبنا = ماهو بعشق المهزله والسرابيت واليوم ابعفي لحيتي ياشنبنا = العمر يركض بالثلاثين خشيت وابشكر المولى على ماوهبنا = بنت الشيوخ بدنيتي كنها اليت وابطوي الصفحات واللي كتبنا = وابمسك المصحف من الشعر مليت |
حب الوطن بالقلب ماهو بقصيده&& واليـا دعانـي واجبـي قلـت لـه سـم حب الوطن عز الفهيدي ورصيـده&& حـب الوطـن يجـري بنـا كـنـه الــدم مجـد الوطـن فـي كـل عـام ونعيـده&& تـمـت ثمانـيـن بـهـا الشـمـل مـلـتـم يــوم الـوطـن فـيـه المعـانـي فـريـده&& انـقـدم الـجـزلـه بـهــا الـيــوم نـهـتـم تـاريـخـنــا فــيـــه الـمــزايــا عـــديـــده&& مثـل البحـر مثـل المطـر كنـه اليـم يـــوم الـبـطـل حـقــق لـنــا مـايـريـده&& عـــم الامـــن والـجـهـل زال وتــهــدم تـوحــدو مـــن كــــل شــــن وبــديــده&& عقـب الجهـل والظلـم والهـم والـغـم عـــم الـرخــا كـــل الــديــار الـبـعـيـده&& هـــذا اخـــو هـــذا وهـــذا ولــــد عــــم طــبــق كــــلام الله وامــــر الـعـقـيـده&& ورفع لنا الرايه ,,حضارات واشيـم هـذا مسـك مصـحـف وهــذا جـريـده&& فــي دولــة التوحـيـد لقلوبـنـا ضـــم واليوم ابـو متعـب وجنبـه عضيـده&& كــل الـرخـا والخـيـر بوجـودهـم تـــم والــلــي بـقـلـبـي مـاتـعــده قـصــيــده&& من الغلا ياموطني مااحصي الكـم حربـي كتـب وأفعـال ربـعـه شهـيـده&& يشهد لنا التاريخ ,, يشهد لنا دم دون الـوطـن والـجـار كـلــن نـبـيـده&& نحمـي حـدود الــدار ونجـرعـه ســم انــت الـوطـن وارواحـنـا لــك زهـيـده&& اطـلـب فـدتـك ارواحـنـا ،، وانـتـقـدم |
ارحب يابو مانع على كل حاله ويامرحبا اعداد وبل الشخاتير راع الوفا والطيب ياحي فاله ماهو من اللي يكثرون المعاذير عز الرفيق وعز منهو عناله نسل الرجال اللي تقود الطوابير اهل المدينه للوفا والشكاله والحر مايرضى بغير الصقاقير ربع الوفا ربع الكرم والبساله اهل السيوف الشامخين المساطير تاريخهم معروف نعم السلاله اهل العاشير والبكار المغاتير ولايهمنا راع الردى والرذاله واهل القلوب اللي على لاهب الكير احدن له الفنجال واحد البياله واحدن مع الثنتين طيب المباخير واحدن له اليمنى اتمد بجزاله يستاهل التقدير زبن المخاسير واحدن له اليسرى عقب الحثاله شذابت العرقوب ورد ومصادير له كف من يمنى الفهيدي تناله وان ماغدى رجال له عندنا غير والدم مانرضى بشين بداله يومن بعض الناس مثل الغنادير اهل الجهل لجا وقت الجهاله من لابتن ميقافنا دون تبرير حريبنا وقـــت الــلــقا عـــزتالــه وخــويـنا مانـتركه للمقادير واهل الوفا والطيب حنا رجاله ونقدم الجزلات عقب المباهير وبالقاف يالشعار نحمل رساله وما قل دل وزبدة الهرج تذكير |
الساعة الآن 11:45 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir