من كوكب الزهره الى حد برزان =جيتك مشاعر شمري عند ضيفه
جيتك شجاعة حرب بعيون ولهان =باحساس عاشق من وليف لوليفه
جيتك مثل فرحة شفا لروح مرضان =جيتك رصيد في حسابك تضيفه
جيتك كما برق سرى بليل هتان =فرحة طفل في غياب شخص يخيفه
جيتك يتيم عاش عمره بحرمان =مثل الشجر أصبح ربيعه خريفه
جيتك أمل في حلم يا كل الاوطان= باحساس جيل ما لقى له وظيفه
جيتك و انا كلي مآسي و حرمان =كني وطن مجروح و انتي نزيفه
يا فرحة الماضي على ثغر الأحزان= انتي معي و الا لجرحي حليفه
أبكتك قصه و انا فيك عنوان=لأهل القلوب الصادقه و النظيفه

/
.



السلام عليكم



الشاعر / عايد الوهبي


صح لسانك


وبيض الله وجهك على القصيدة


دمت مبدعاً ومتألقاً



تقبل تحياتي واحترامي




اخوك




/
.

0
0
0

السلام عليكم ورحمة الله وبركاته




الشاعر العزيز / عايد الوهبي

صح لسانك وعلى شانك على هذه الجزله ... والان بامكاني اتصفح الديوان الخاص بك واستمتع بروائعك وحروفك الذهبية

0
0
0
تحيتي