|
ديوان الشاعر// عبدالعزيز بن حمود ابالعون
يا منيف انا راسي من الهرج منداش=غديـت لـون معايـد القريتيـنـي لاواهنـي النـاس يامنـيـف دلاش=واناعذابـي كـل يــوم يجيـنـي اقنب قنيب الذيب باطـراف عكـاش=شفّـا ولاشـاف العـرب نازلينـي في ليلةغدراء بهـا طـل ورشاش=وفيهـا الجليـد مسـوي طابقينـي اقنب قنيبه يوم يقنب مـن الجـاش=وون مثـلـه بالخـفـا ونتيـنـي من هاجسٍ بيـن المعاليـق نهـاش=يخمـنـي بالثانـيـة مرتـيـنـي اليا جيت اهدّي فيه يامنيف يهتـاش=والنـاس مايـدرون عمـا يجينـي ياراكب اللـي قيمتـه كلهـا كـاشأش=هب سوات الذيب مـن جانبينـي عليك با لمنهل ليا صرت معطـاش=على الـروا و مشاهـد الغانمينـي ملفاك شغموم على الطيب مدغـاش=جـازي مـلاذ مـدوّر الحاجتينـي هو منوة اللي تالـي الليـل هتـاش=عن الونس والنـاس لـه ليلتينـي يلقا سواليـف علـى دلال وفـراش=سوالـف ماهـي سوالـف دوينـي مامر فيها عـرض غافـل ولانـاش=اعروض خلـق الله وهـم غافلينـي حلو نباه وقلبه انظف مـن الشـاش=وانظف مـن القرطـاس للكاتبينـي ماهـي سواليـف تعوّداليـا مـاش=هذا ولـد هجـاج هيـف السمينـي ذبّـاح للجمعـة فرافيـر الاكبـاش=ما اقول قول الناس شوفـي بعينـي عادة لهم عنده بليـا تشـو بـاش=ليا صلوا الجمعة وجـوا فايضينـي فاتح لهم بابيـن والثالـث قـراش=وثاني لهـم رجلـه علـى دلتينـي ما حط وسط الضو كرتون وقشـاش=يعبى لهن جمر الغضـى رصتينـي ريحة زفرهن فوق جمره ليا غـاش=يجي له اللـي مـن ورا شارعينـي يبذل لهم من طيب نفسه وماحـاش=الله يعيـن بعـونـه الصابريـنـي ان كان هو موجود وان كان طراش=اليا غاب وصى عقبـه الحاضرينـي له ماقف (ن)يصعب على كل هـلاش=ياويـل والله عقـبـه الوارثيـنـي المارد اللـي تـارده كـل الادبـاش=تفـوح انابيعـه وجمّـه رصينـي هداج ماحامـت ضواميـه عطـاش=شيخ العـدود اللـي يلـمّ القطينـي ان جيت باْول الليل وان جيت غباش=هداج لـو شـان الدهـر مايشينـي مثلك يابو نـواف والعلـم نبـراش=عندي بدور اليـوم مالـك حتينـي ماقلتها قصدي عراميـش وعـراش=لا و الذي صامـوا لـه الصايمينـي مار انت راعيها ليا كوبـش الـلاش=اللـي يابـو نـواف لـه نيتيـنـي من لابة يخشى غضبهم اليا طـاش=اولاد راشـد ميتمـيـن الجنيـنـي رجالهم مثل الهزبـري اليـا هـاش=لو . . لان .. صوان الحجر ما يليني ما ينلقي فيهم من العيـب مدخـاش=افعالهـم تعـرف وهـم بينيـنـي وصّاني الدكتـور والعارفـه عـاش=وانـا دكتـوري سيـد العارفيـنـي يقـول لاتهـدي معانيـك بـبـلاشا=لقـول واجـد والقليـل ثميـنـي لاشك فيّه مـن تصانيـف هـوّاش=وافهم واعرف ان المحصّن حصيني ولانيب بعروض الاجاويـد حشـاش=ولا تابـع الغـرات بالمسلميـنـي تمت .. ومن عاداك يا مير لاعـاش=وتم الكـلام اللـي بـداه المزينـي ما قلت .. ماني عن قوافيه منحاش=وصلوا على المختـار يالسامعينـي |
يا قاعـد القعـدان جينـاك زوار=جيناك يابن الشيخ مـا فيـه منّـه جينـا وجابتنـا لديرتـك الاقـدار=حيثك حبيـب وللنشامـى مظنّـه جينا على صنعة أمريكا مع القـار=نعطيهن البنزيـن وهـن يشربنّـه صناعهن في صنعهن نافعٍ ضـار=فيهن ومنهن خير والمـوت سنّـه لا روحن من دار يبغن لهـن دار=مثل السهوم اللي هدفهـن رمنّـه تلقى رفارفهن بها طيـن وغبـار=من كثر عـجٍ خلفهـن يزعجنّـه وهذي حلاة العمر سجه ومسيـار=وشمة ذعاذيـع الهـوى فوقهنّـه مشوارهن يسوى ثلاثين مشـوار=واللي مثل شرواك مـا يسهجنّـه وعرف الرجال اللي لهم فعل وأذكار=شرواك وإلا اللاش مـا ينحرنّـه بيتك لهن مارد ومنهـل ومصـدار=يا ما مشـن يمـه ويامـا نصنّـه بيت الأمير اللي على الطيب مغوار=حـرٍ صواريـم الحـرار جذبنّـه من ماكر طيره يشجع إليـا طـار=يتعـب صقاقيـرٍ تبهيـن مغـنّـه ذبّاح ما وقّـع ولحـاق مـا نـار=أقطع من البالود مـا بـه محنّـه ضاري على دوس الطرايد بالأقفار=واللي تعب بغـذاه ماخـاب ظنّـه هو الأمير اللي لهن يشعـم النـار=ياسعود لوهـو بالبحـر ياصلنّـه عاداتنا ياسعود ندلـه مـع الجـار=وعاداتنـا لطـن الوجيـه المدنّـه وعاداتنا دق المعادي على الـزار=نطويه بأحزانه تقـل طـي شنّـه ماهي سواليفٍ بها كـذب وقمـار=سوالف اللـي فيـه بغـض يكنّـه ما ودنا يا أمير في كشف الأسرار=وإلا السوالـف عندنـا مثلهـنّـه خذ ردها يا أميـر والثـار بالثـار=شاربك مما حاشـت يديـك حنّـه أميرنا ماهوب راعي علـى حمـار=تقول رديتـوه فـي وجـه هنّـه ياكبرها يا أميـر ماهـي بالأذكـار=حكيك يا ليت سموعنا ما سمعنّـه قايد سرايا حرب دوّاس الأخطـار=كـل البيـارق والعطـف يتبعنّـه لا جاء يخليكم وقاري على الـدار=تونون من ضربـه ثمانيـن ونّـه في قارة الأسلاف يوم الدخن ثـار=عينت وين البيت مـن ضربهنّـه جابوه ربعي فـوق حثـات الازوار=وعجز السوالم فوق ربعـي بننّـه جابه لنا مانع على غيـر تختـار=هو وأهل العرفاء على غير سنّـه غصبٍ عليكم ما بهـا رد معـذار=قولٍ عليه شهـود ماهـوب أظنـه ماهـي سواليـفٍ تعلـق بشنكـار=من قـول نايـل حجتـي مستعنّـه والبيت الآخر راح بيدين الأحـرار=يـوم الخناجـر فوقكـم شقّقـنـه بيت الأمير اللي عليه الدهر جـار=أمير برقـا اللـي سنينـه طونّـه ذي العلوم اللي بها العيب والعـار=المعجـزات السـود فـي وقتهنّـه واليوم سلم وراعي الحـق يختـار=يأخذ ورى حقه ويضحـك بسنّـه هذي علومٍ دونها ستـر وأستـار=نسولف سوالفهم وهـم بالمجنّـه ما يعقبن غير الفضايح والاشـرار=وإلا ترى اللـي راح مـا يلحقنّـه واليوم حنا بوقـت تاجـر وتجّـار=نركض وراء الدنيا وهي مرجهنّـه ماهمنـا غيـر نتسمـع فالأخبـار=ونتابـع الأسعـار وش سعرهنّـه بيني وبينك نرفع السـور بجـدار=حتـى نعيـش بعيشـةٍ مطمئنّـه ولا انته مروّح بأول الجيش سبّار=ولا انته محول بالخطـر قفوهنّـه في حكم أخو نورة تساون الأشبار=والذيب ليت الضـان مـا يأكلنّـه |
يامـل قلـبٍ همـوم الليـل تسريـبـه=سرية جموسٍ سرن مـن حـد عمانـي سراهـن اللـي لقـاء لـذات تهريبـه=وكـل المراكـز تعـداهـن مسيـانـي مـدري علامـه اليـا دبـت دباديبـه=حـرك عليـه مجـال الهـم واوذانـي الهـم يامنيـف يقبـل بـه ويقفيـبـه=اقبـال واقفـاي كـورة ملعـب الثنـي الملعب اللـي بـه الشعـب ومناصيبـه=اليا صفقهـا الدفـاع ولعبهـم شانـي كن الحكم يـوم شـان اللعـب يوميبـه=بيـن الجماهيـر متضايـق وزعلانـي كبرت عليه المصيبـة وانفـرى جيبـه=مغير يومـي براسـه تقـل سكرانـي عليـه ممـا عليـه ذنـب ومصيـبـة=واللـي حصلـه حصلـي مـا تعدانـي ياراكـب اللـي يخـم البعـد ويجيبـه=هو منوة اللي علـى الخـلان ولهانـي جمسٍ علـى مطلبـي تمـت مطاليبـه=صنعة امريكا القديمـة ماهـو يابانـي حدوه باغلى ثمـن وارضـى جلاليبـه=هم مشتهيـن الفلـوس وذاك عجلانـي ماهمـه الـزود والا الـزود يدريـبـه=اليا قضى لازمـه مـن ذاك مـا كانـي لزه من اقرب محطـة وامتـلأ شيبـه=الجمـس بطـران والسـواق فنـانـي يلفي على اللـي اليـا شافـه يهليبـه=ماهو عن الضيف والماجـوب متوانـي النـادر الـلـي يعشـنـه مخاليـبـه=الظاهر انـه سلايـل طيـر حورانـي يا بعد فرقه علـى غيـره ويـا طيبـه=عندي ولالي علـى العربـان سلطانـي النـاس كـلٍ علـى عانيـه ومصيبـه=مـا بالاجاويـد يانـيـاف نقصـانـي مار ان ابن هايـف تسلينـي تعاجيبـه=ليت العذارى يجيبـن مثـل سرحانـي الوافـي اللـي قلـيـلاتٍ عذاريـبـه=اللي اليا جيت يمـه قـام مـن شانـي امـا قضـى لازمـي والا يوصيـبـه=يابعـد فرقـه علـى فـلان وفلنتانـي المـدح يستاهلـه والطيـب يحريـبـه=وانـا مـع الطيبيـن اعيـش مجانـي والله لاغنـي واعـز اللـي يغنيـبـه=مـدام للـمـدح يانـيـاف ميـدانـي وقلبـي يحبـه محبـه مابهـا ريـبـة=حيثه مـع المجتمـع صافـي وحقانـي حتى الحـرم كـل ماجيـت اباصليبـه=حبه بقلبي دخـل مـع حـب ورعانـي ملعون ابو من كـذب والكـذب ماليبـه=محدن جبرني وانـا مـا ازل بلسانـي ولاني مبرزخ عن الكـذب وشواذيبـه=مار الله اللي عصمنـي منـه وانجانـي ومن شاف عيب العرب واقوا على عيبه=يا ساتر استـر مـن الهـدام والبانـي ليـت المصفـي يصفيليـه مشاريبـه=عن علقمٍ ما يسـره بعـض الاحيانـي |
نبـي نوجـه للفريحـي رسايـل=من فوق جمس صافيـات بلوفـه جمسٍ يخم الخـط خـم الهوايـل=خص ليا قـام الدريـول يحوفـه يسرب كما يسرب سراب القوايـل=حصاة ضلعٍ من قـراه محذوفـه يحمل تحيـاة الوفـاء والمثايـل=مني لمن هو يستحـق الطروفـة ابو محمد مـن حسـاب الاوايـل=بالطيب له منهاج ونفسه عزوفـة انصاه ليا ضاقت علـي الوسايـل=والقاه في بيـت وسـاع رفوفـه بيت يزورونـه كبـار الحمايـل=دايم ليا جيتـه تداحـم ضيوفـه عليه من صارة وصوف ودلايـل=أسود سوات الليل من صفو صوفه بانيه ضرغـام يعـرف الدغايـل=عساه في دنيـاه يلحـق شفوفـه ضاري على شد الرحل والرحايـل=ماهو صعب بيضٍ صفايح دفوفـه وافي ليا جت بالعلـوم الصمايـل=دنياه معطيتـه ونفسـه عطوفـه ماهو بـرسٍ مـا يبـل البلايـل=دايـم شرابـه بالنكـد والكلوفـه الرس لو كبـرت عليـه النثايـل=لا تنحـره لعـل بقعـاء تلوفـه لو هو على وادي من الوسم سايل=تلقى الهوافـي ماليـات لجوفـه انصى مثل هـداج خـل الثمايـل=هداج تيماء اللي تهشـم قنوفـة شيخ العدود اللـي يلـم القبايـل=كلٍ يعرفه عرف لو مـا يشوفـه مثل الفريحي من كبـار العوايـل=متواضعٍ ما به على الناس شوفه المانعي طيـر الثـلاث الجلايـل=ماهـوب وكـريٍ يهمـه علوفـه اليا عثا بالجول راحـن سحايـل=يدلـي بمخـلابٍ كبـارٍ كفوفـه الدم من مضـراب كفـه شلايـل=كم خارمٍ يأكـل معاليـق جوفـه يفعل ومن مثلـه يجيـد الفعايـل=ومثلك اليا وصفت وانته وصوفه انته على ماقيـل واف الخصايـل=وانا عن الخاطر جليت الحسوفـة سويت لي جملـة بيـوتٍ قلايـل=يومٍ وضعي ساعدتنـي ظروفـه متعمدٍ ماني عـن الـدرب عايـل=واللي مثل شرواك تكثر صفوفـه انته كفو للطيـب ياصقـر حايـل=وعلى كثير من العرب فيك نوفـة الناس كلٍ لـه عيـوب وفضايـل=وكل على حقه جموعـه زحوفـة أخبرك والا عنكـم الشـك زايـل=يوم انت من بيتٍ رفيعة سقوفـة من لابتٍ يـروون حـد السلايـل=كم ايتموا من عين بنت ٍ هنوفـه شمر هل البوش العفر والاصايـل=واهل اللحيسة في ليال الحفوفـة رجالهم ماهو عن الطيـب فايـل=مثل الجنيه اللي قليلـة صدوفـه تمت وانا مانـي مـدور حثايـل=لاشك في مثلـه تراهـا مخلوفـة هديـةٍ منـي لـراع الجمـايـل=اللي فعولـه بالجميـل معروفـة |
يا خالق الكون يا محصـي مخاليقـه=تفـرج لقلبـاً عليـه الهـم متيـادي يا خذنـي الهـم تغريبـه وتشريقـه=مالي جدى غير محـداري ومسنـادي أدلة القلـب عـن همـه وتشويقـه=ما غير أسولف على روحي وأنا غادي والدمع بالعيـن ماتقضـي غواريقـه=شيء يغيض الصديق ويفرح أضـدادي خطراً على الثوب لوجاملـت تمزيقـه=بس أتجلـد علـى نفسـي تجـلادي وقلبي اللـي تجـذب مـن معاليقـه=وليا عذلتـه يزيـد خـلاج وعنـادي يكفـخ كمـا اللـى يتلنـه مسابيقـه=شاف الصقاقير هدوامن وراء الـوادي قبل أمس مربوط واليومه على ريقـه=يشو فهن شوف عين وحده الحـادي ضاري على طشت الخـارم وتشليقـه=ليا ضرب ضربةً في مخلبـه جـادي يفعل وراحـت حماريـه وصعافيقـه=عقب الشواهيق مربوطاً على شـدادي صبرت صبره وباقي الصبـر ماطيقـه=والكبد صامت عن المطعوم والـزادي ونويت أعلق على الموضوع تعليقـه=أظـن منهـا يقـر القلـب بفـؤادي أظـن قلـب العنـا يتـرك طواريقـه=يضرب طريق السلامـه والله الهـادي مالي مـع الحـيّ يانيـاف عشيقـه=ياعنك ماهمنـي مزبـور الأنهـادي الجـادل اللـى جديـداتٍ عشاريقـه=اللي نسمها يشـادي ريحـه الكـادي يوم أتمثل تـوال الليـل مـن ضيقـه=ضاقت على الوسيعه يابن الأجـوادي مـن سبـة اللـى قليـلاتٍ توافيقـه=زود عليـه وأنـا قـدام مـازتـادي ليا خذت بالليل سوهاجـه وتطريقـه=أفزفـزة قريصـاً جــاه طــرادي تقـل أتخيـل وراء البيبـان تصفيقـه=ماله جدى غير عض النـاب وينـادي ماينفعه عنـد أبـو عـرام تشهيقـه=والظاهر أنه سبايـب حظـه الـرادي جربـوع مسعـود لوتكثـر مناطيقـه=لابـد يامنيـف ماياقـع وينـصـادي ماننفعـه عنـد خلانـه خثاريـقـه=راحت علوم السعه من فـوق بـرادي والله ماتنـسـي لــذة عداريـقـه=في مجلساً مايجونـه كـل الأفـرادي خلـه لعلـه ينـط الريـع ويويـقـه=ويشوف ماشافه المجنـون والعـادي اللي زرع زرع يقطف مـن زماليقـه=يجني محاصيل زرعه كـل حصـادي ماينفعه عقب طـاح اليـوم تبريقـه=هاذي فعوله بنفسه عمـد وعمـادي يأخذ جزاء ماذكر من نـص تحقيقـه=يوم أن هرج النصيجه فيـه مافـادي والله لأبين على الشاشـة خوازيقه=لوكان تفـرح عليـه كـل حسـادي خطو الولد ماص ماتلحـق ملاحيقـه=يزيد عن فعل أبوه وفعـل الأجـدادي وخطو الولد ماتبي شوفـه وتخفيقـه=يوماً حصـل فيـه يانيـاف لاعـادي لوكان حرمـه يفكـك منـه تطليقـه=طلقته أربـع امـرارً عـد وعـدادي والله لخلـيـه وقـطـع مواثيـقـه=قطع العلاقـات مـع حكـام بغـدادي |
أقنب قنيب اللي اليا جـاع عـوّى=في راس مشرافٍ يـروح ويتوقـه في راس مشراف الهوى والسلوّى=عدّا به اللي بس يلحـس شدوقـه ما ظنتي عـدّا الطويـل يتهـوّى=يبي عساه يشوف شوفٍ يشوقـه إن شاف زولٍ زال وإن شاف ضوّى=كنّه مبشر فـي عشـاه وغبوقـه يبي لعـل عـروق قلبـه تـروّى=عقب اليباس اللي تلمس خفوقـه حاديه برد وليـل دامـس ونـوّى=والا المسافة بعدهـا مـا يعوقـه ياللي خلقت آدم ويسـرت حـوّى=تفرج هموم اللي دموعـة ريوقـه يالوف قلبي لوف عشـبٍ تلـوّى=أقفى نباته يـوم جفّـت عروقـه اقفى نبات العشـب والعـود ذوّى=بس الهبايب تنسف الرمـل فوقـه والقلب يـا نيّـاف كنّـه يكـوّى=من هاجسٍ بين الضماير يسوقـه هاجس دخل بين الضلوع وتطـوّى=حاولت به لاشـك عسـرٍ لحوقـه وانا بلايه داخـل الجـوف جـوّى=من سبت اللـي كـل مـرٍ يذوقـه نصحت مار انـه بوجهـي تثـوّى=وخلّه على ما قيل يشرب مروقـه ودنياك يـا نيّـاف مـا تنتسـوّى=ازرى بها طبّ الحكيـم ونشوقـه قامـت علينـا كـل يـومٍ تقـوّى=وتصفق بنا الجيلان ماهي رفوقـه لاشك ما يـدري خطـاة المغـوّى=اللي على نفسـه يدلـك نطوقـه |
يابو فهـد قلبـي تجـذب عروقـه=يتلهـن تـل الوحـش للسبوقـي خطو القضيب للي يدمـي شدوقـه=ضاري على فرسة خطاة الوسوقي أشقر عطـر ومسـرولاتٍ رفوقـه=نزرٍعلى ذبـح الحبـاري شفوقـي الله رمـاه بيـد غشيـمٍ يعـوقـه=عقب التلال اللي هواهـا يشوقـي يبي المطيـر وقاضباتـه سبوقـه=وعينه مثل عين الشجيع الطفوقـي كريـم يـا مـزنٍ تشالـع بروقـه=برقه على دار الجماعـة حقوقـي الله علـى دار السوالـم يسـوقـه=عسى يجي بالعلم رجـلٍ صدوقـي ودي لهـم بالخيـر لومـا نذوقـه=ودي بهم مـار الوظيفـة تعوقـي البيت بين بيـوت سلفـان روقـه=وليا نشدني واحـدٍ قلـت روقـي مبسوط بـال ولا عليـه مضوقـه=عند الرجال اللي تعرف الحقوقـي الجار معطينـه خصايـل حقوقـه=مااذمهم وانـا ارجـي الله فوقـي ولانـي بحذروفٍكثيـرة طقـوقـه=خايف تجي في راس غيري طقوقي ماني على الجيران كسـاب بوقـه=أمشي على هوني ومشيي رفوقـي وإن جت من الخبل الرغاوي فسوقه=أغضي ولا كني فهمـت النطوقـي لـوإن كبـدي مرهـا زام فـوقـه=ماني على لطمة خويـي سبوقـي يومٍ خطو الـلاش تكثـر ضيوقـه=على خويـه كـل يـومٍ ضيوقـي همـاز لمـازٍ قليـلـة وفـوقـه=طوبٍ على طق الأصابـع طبوقـي |
من جارتي ما أملى مناظر عيوني=ولا ني وأنا أبو حمود قصَّاص جرَّة ما أتابع الغـرات لـو اتهمونـي=ولا ني من اللـي يتّبعهـن بغـرّة ولا ني من اللي يطردون البدونـي=ولا أحب هرج الناس كشفه وسرّه وألزي ليا من الرجـال ظهدونـي=وأزيد عن ما بـيّ ثلاثيـن مـرّة وآخذ حساب اللي تعرض لشونـي=واصد عن من صد عنـي بشـرّّه ولا اخلي البسمة تعدى السنونـي=خوفٍ من اللي هرجته مـا تسـرّه امراة في وجهي وموسٍ طعونـي=تصطي على عظم الفـؤاد وتقـرّه واتبع هوى اخوياي كان اعسروني=واجبر خواطرهم لـو إنـي مكـرّه لو أنهم شاخـوا علـي العفونـي=اللي كبارتهـم مـن العمـر مـرّة يمكن خلال أسبوع لي يرجعونـي=واكسب صداقتهـم بليّـا مضـرّة هذي وصوفي كان صحّت ظنونـي=والظن يـا نيـاّف سـوّ ومغـرّة ولا هو بنافعني أليا ما امدحونـي=مدّاح نفسه ما فعـل مـا يضـرّه يا منيف من قلبي عذابي وكونـي=قلب العنا اللي كل طـاري يجـرّه نوبٍ يجرّه جر لأدنـى الغصونـي=ونوبٍ يلوفه لوف عشـب المكـره كن الفراش مبعثـرٍ بـه فنونـي=وعيني بها من ملحـة الـزاد ذرّة تشـدا هماليـلٍ تهـل الغشونـي=يسوقهـا خيـالٍ سريـعٍ بــدرة وقلبي حنون ويستحـب الحنونـي=ا للي أليا شاف الصديـق يتشـرّه انصاه ولا لي في خطات المجوني=اللي عن الماجوب فيـه اقصعـرّه ما غير مثل الضب عند المكونـي=دايم مقابلهـا تقـل وجـه هـرّة ماهوب مثل اللي يشيل الطنونـي=شيّال مـا شـال المعشـق بـزرّه اللي يحطون الشحـم بالصحونـي=ذباحة اللي لـون كبـش المجـرّة والله لآصلهـم وتاصـل ضعونـي=لو دونهم يا منيف عثعـث وحـرّة هذاك عنـده يـا أهلـي دورونـي=تـراي فـي بيتـه بسـرّه وقـرّة سامحتكم وانتم بعـد سامحونـي=والمعرفـة مـن بيننـا مستمـرّة |
السنه اللي مابها اقـرار وانكـار=على العموم ابـدا بهـا واهجاهـا ومن بعدها حييت يانمـر الانمـار=ياليث ياسبـع السبـاع وعماهـا يامرحباحييـت يانسـل الاحـرار=تحيـه مـن ضامـري مبتداهـا يامرحبا حييت من قلب واصخـار=ترحيبه تمـلأ السهـال وفضاهـا هلا هلا عـداد هتـاف الامطـار=واعداد مانبـت النبـات بثراهـا واعداد ما بالكون كلـه وماصـار=مـن كانـت الدنيااليـا منتهاهـا مـولاي يـوم جيتنـا فيـه زوار=جوده رفعنـا للنجـوم وسماهـا اليوم تاج بيـن الايـام وشعـار=فرصه عمـار حقـق الله مناهـا يابن سعد وافي الخصايل والاشبار=هداج في ليـن السنيـن وقساهـا هداج تيما اللي تجي عنه الاذكـار=حكامنـا درع الـبـلاد وذراهــا مولاي يـوم ان التماثيـل تذكـار=تذكار عن مـر السنيـن وحلاهـا قدم يتعلا نجمكم فـوق الانضـار=ونجد العزيـزه دم اهلهـا اقراهـا جو يغيض ويتملي ملـح وغبـار=ونـاس تحـد اسيوفهـا لقبلاهـا تلعب على حبلين مع كـل قمـار=لين ان اخو نوره برجله وطاهـا ثبت قواعدها على ساس واسـوار=ضرس طحن كل الضروس وهماها وصارت لنا جنه بها انوار وانهار=من ذاقها ما ينتسـي بـرد ماهـا كف العيا باللـي للأرقـاب بتـار=هد الصعب فيهـا وشيـد بناهـا كف التناحر وانتهى الثار بالثـار=والخيل بالميـدان قصـر خطاهـا رد السيوف بغمدها سر واجهـار=والنيه ابلت وابخـص الله نياهـا هذا وانا من لابـه كارهـا كـار=اللابـه اللـي ماتخـون اولياهـا حرب هل الرده اليا شبـت النـار=اليا من نار الحرب عمـد سناهـا اللي لهم معكم مواقـف ومشـوار=ماأمنهـا مـار افتخـر واتباهـى حرب الذي زيرومها يوم الاخطـار=ابن نحيت اللي علـى مستواهـا ابن نحيت اللي على قحص الامهار=يقـود حـرب وريـس لريساهـا حجاب يوم الجار مايامـن الجـار=مقدام حرب وفي يمينـه عصاهـا باسمه نحييكم وابى منـك معـذار=عن مايعيب من البيوت وخطاهـا تمت وصلى الله على سيد الابـرار=ياسامعي صلـو علـى روح طـه |
عنيت ميـر انـي نويـت النكوفـه=من يوم حصلت لى صواديف وصدوف ياعنوتـي ماهـي علـي مخلـوفـه=من يوم شالوا راس مالي وانا اشوف بسباب لوعـات الزمـان وكسوفـه=عز الله اني من عنا الوقت مكسـوف هات القلم واكتـب بيـوتٍ طروفـه=عندي وكلُ لـه تصانيـف وصنـوف عنهـن عذاريـب الكـلام محذوفـه=ومصفيات كلهـن صـف وصفـوف بيتيـن مافيهـن علـيـه كلـوفـه=وانـا علـى رد التماثيـل مكلـوف قلبـي عواصيـف الطـواري تلوفـه=لوف الغصون اللى على جال طفطوف يلوفهـن شغـفٍ عـلـى طـوفـه=على شفا جرفٍ من السيـل ملهـوف واطيري اللـي فيـه يامنيـف نوفـه=طير الثلاث اللي على الصيد مزغوف تزيد عـن وكـره مضـارب كفوفـه=كنه يطالعله مـن ا لجـو خاطـوف وليا عثـا بالجـول خـرب صفوفـه=مضراب مخلابه على شامة الجـوف ماهـوب وكـريٍ يهـمـه علـوفـه=لو هو على وكرٍ من القطف منـدوف ياكل ولا يوكـل كـلا الـدود جوفـه=ماينفعه كنه مـن الريـش منتـوف واجـد معاذيـره واجــد ظـروفـه=خصٍ ليا جولـه مساييـر وضيـوف والكبش يانيـاف لـو طـال صوفـه=اصله هو اصله كبش ماينفع الصوف خطـو البليـد اللـي كبـارٍ دفوفـه=بالفعـل ماينفـع وبالهـرج ملقـوف يغضي على الهرجه وهـي ماتطوفـه=هميصعـيٍ ياخـذ العلـم منصـوف هـذاك لـو ولاّ عسـاهـا ذلـوفـه=مهـف دخـان تقـفـاه عـاصـوف وجدى على شيـخٍ قليلـه وصوفـه=زين الطبوع اللي مع الناس مالـوف اللـي فعولـه بالجميـل معـروفـه=يشهد له التاريـخ والعلـم منكـوف مالـه بروحـه دون ربعـه مروفـه=هذاك بن ناحـل ومعنـاي مكشـوف مهـو ريـا طيبـه ولا فيـه شوفـه=حجر على واجد من الناس به نـوف نفسه على حـال الضعيـف عطوفـه=وان زاره المظلوم يامن من الخـوف كم من سجين طلعـه مـن صدوفـه=لو دونه الحراس والبـاب مـزروف تم الكلام اللـي علـى الفـا حروفـه=بيتين معناهن على الألـف ملفـوف وصلوا على اللي نستعيـن بوقوفـه=يوم الحشر والناس طوفٍ ورى طوفه |
متى يجي يا منيف وقـت الزيـاره=ونزور شيخ بالجنـوب وضواحيـه شيخ الشيوخ اللـي براسـه نعـاره=اللي يسـر البـال ذكـره وطاريـه الشامـخ اللـي يستحـق الامـاره=ريف الضعيف اللي سنا الوقت واطيه الليل عنـده لـون شرقـت نهـاره=والباب دائـم مـا يصكـن روابيـه كنه علـى البيبـان راعـي خفـاره=من خـوف هتـاش بغـره يفاجيـه هتـاش ليـلٍ يستحـب الخـطـاره=ترمي به الاقـدار والجـوع يرميـه يبـا علـى كبـش كبيـر فـقـاره=كبش البخيل اللـي لمثلـه يربيـه ربـاه اللـي مـا يحـب التجـاره=اللي بدور اليوم مـا درهمـن فيـه عنـدي وكلـن لـه ثمانيـن تـاره=والنـاس كـل واقـف دون عانيـه مار الصويتي مطلـق لـه هجـاره=والـدرب قدامـه مخيمـر مسويـه شيخ الشيوخ اللـي قديـم اعتبـاره=اللي بماض الوقت تذكـر حسانيـه يوم السنيـن اللـي حلاهـا مـراره=والذيـب فيهـا يابسـات لواحيـه وابوه ستر اللـي عليهـا انكسـاره=عد مثـل هـداج يـروي ضواميـه بابه مشـرع لـون بـاب الـوزاره=بالقول ولا ما حضرنـا دواعاويـه ماقلتهـا ياميـر مـزح وعـيـاره=لا والـذي نـزور بيتـه ونرجيـه انتـم حمولتكـم تحـب الطـهـاره=بيـت بنـاه الله وثبـت رواسـيـه مبني على حسـن المكـارم جـداره=على الوفـا وديـن راعيـه بانيـه مشيـد مبـنـاه مـثـل العـمـاره=بانيه من ربه على الرشـد هاديـه مخيمر اللي مـا يهـاب الخسـاره=اللي ليـا ضافـوه يذبـح سوانيـه لو كـان زرعـه مستتـم خضـاره=يوضع بسانيتـه وتيبـس سواقيـه في ليلتن تضيـع فيهـا الشطـاره=الذيب فيها يدوج والجـوع طاويـه ومخيمـر الذاعـر يشـب المنـاره=ويرمي بها قلب المطيـه ويشويـه بين الضيوف وبين ورعـان جـاره=اللي على العـاده تحـروا حراويـه تلقا الشحم من بينهـم والصهـاره=كـل يدسـم شاربـه مـن تواليـه من فعل اخـو بنـا وقـوت قـراره=أميرنـا اللـي كلنـا نفتخـر فيـه ونته محلـه وأنـت شبـاب نـاره=وانت الأمير اللي فعولـه تنشميـه لـولاك كفـو للـوفـا والـجـداره=ماصرت بالمنصب ونومست راعيـه مار انت نمر مـن سلايـل نمـاره=ومنصبك يوم انك تنصبـت ماليـه انـتـه كـفـو للمرتـبـه والأداره=واللي مثل شرواك تشكـر مساعيـه تمت وانـا تميـت والعلـم شـاره=والهـرج مـاودي تكـرر معانيـه |
واجـر قلبـي جـر قـوس الربابـه=ليا جرها اللي راثعن فيـه هاجـوس عودٍ يلاعـب قوسهـا مـن عذابـه=قلبه على طـرد العماهيـج ممـروس ليـا عـوا كنـه صويـب الذيـابـه=متعلمٍ يلعـب علـى شـذرة المـوس البارحـه بالليـل عـنـدي طـلابـه=نومي على كوعي تقل نوم مضـروس والقلـب منـي جـاه شـي سرابـه=واصبحت كنه مني العقـل ملمـوس كريـم يـا بـرق تراكـم سحـابـه=عساه يـزي مـن نواظـر لبلعـوس جعله على المزنـان ينفـض ربابـه=روَاسهم ياخـذ سبوعيـن مأيـروس علـى الجماعـه والاهـل والقرابـه=ربعي هل التوحيد وبليـس ملهـوس دفانـة الركبـه نـهـار الحـرابـه=ماشيف بيرقهم من الغلـب منكـوس هـذا وكلـن لـه نصيـب ومهابـه=كل العرب فيهـم مهمـات ودقـوس يابـو فهـد ياشـوق جالـي عذابـه=يازبنهن وان جن عن الضيم والبوس زبن الضعيف وخيـر مـن يلتجابـه=لياجا على الاجواد خصَه وحاسـوس جنوب بيتـك تقـل مجـزر قصابـه=جلـود خرفـانٍ جديـدات ورمـوس تقـل تاخذهـا مـن ذوايـب كسابـه=ماتذبح الا اللي تقل صـدر جامـوس بيـت الكـرم والجـود نـوَر ترابـه=ياعنك ماهو بيـت عفتـان والعـوس بيـتٍ بـه الثبتـان لهـم ضبـابـه=عسـاه دايـم دب الايـام مـانـوس بيـتٍ بنـاه الله وزيَــن رحـابـه=مبني على شيخـه وعفـه ونامـوس بيـت السليـح لاعدمـنـا شبـابـه=وش عاد لو مالي مع الذود حرسوس أبمـدح الطيـب ويـكـرم جنـابـه=شيخٍ ولد شيخٍ خـذا شيختـه قـوس جـده خـذا الفنجـال علـى عتابـه=فعله يفاخر بـه ولاهـو بمدسـوس غصبن علـى عدوانهـم والصحابـه=له عدِي الفنجال غصبن على الـروس ولا ينسـى دواس قـفـر المهـابـه=قدام بـدوانِ لهـا سبـر وعسـوس يجي علـى مـا بخاطـره ماهقابـه=اللي ليا ركبو علـى الخيـل دبـوس درعٍ لربعـه عـن خطـاة القـلابـه=اللي بعج الخيل ضاري على الـدوس تاريخهـم مفـهـوم كــلٍ درابــه=جدانهم حطَو علـى القـوم كابـوس وهـرجٍ بـلا تاكيـد وش ينبغـابـه=لو كـان ماتاخـذ معانيـه بفلـوس الصمـت حكمـه والتمنـي خيـابـه=خلقك ربك نفس مـن جملـة نفـوس ولا تامـن انـك تستريـح بخـرابـه=ولا ينومن ضرسٍ دخل وسطه السوس والسيـف مأيقضـب بليـا نصـابـه=ولا ينكرب حبلٍ وهو قبـل ممسـوس والنـاس كـلٍ قـد جسمـه ثيـابـه=مأينلبس ثوبٍ وهـو قبـل ملبـوس تمت وعبَـر ضامـري عـن جوابـه=ولاني على غرات الاجواد جاسـوس |
نبيلنـا قـارةٍ يـا منيـف نرقبـهـا=مغيرانا وانـت والبـراد مجضوعـي تراي كنـي خزايـن نجـد قاضبهـا=لياصرت في راسها ولا حولي نجوعي أخيـر مـن خـوةٍ تكثـر مناقبهـا=اللي يكـدر صفاهـا كـل منزوعـي وخل الصحايب تدربك مع صحايبهـا=يهفون هفة مقيط ولابهـا رجوعـي مهف بدوٍ بـروق الوسـم تجذبهـا=بدوٍ تنحّـو علـى بـراد لا موعـي برقٍ ينـوض ويسوقنـه سحايبهـا=يذكر على أرضٍ بها قشعه وطالوعي واكبدي اللـي بـدا فيهـا تشطبهـا=تشطب القاع عقب السيل باسبوعـي من ما تشوفه عيوني مـار اكذبهـا=وحتى ايش لو هلت العبرات ودموعي دنيـاك بـذت خفانـا فـي تقلبهـا=تبكي وتضحك بها لـذات وفجوعـي أحيـان تلعبلنـا وحنـا نلاعيـهـا=وأحيان تصوعنا بكفوفهـا صوعـي تقرن من بين الشباب وبين شايبهـا=والعمر زرعن تحت واليه مزروعـي ونضحك وننسى بلاويهـا وغلايبهـا=وليـا دعتنـا مشينايمهـا طوعـي عذرا على راسهـا تنسـف ذوايبهـا=وتحط للـي تبيـه بنـوك وفروعـي أنا مجـرب مثـل غيـري مجريهـا=ملعونتـن لوبهـا لـذات وطموعـي ليا جنّبت عنـك يـا نيـاف جنبهـا=ليا صار مامشيها لك قود وسنوعـي دور خلا صـك ولا تقعـد تراجبهـا=شرواك يفهم و الكرسوع كرسوعـي واللي تبي بيعنا يـا منيـف نجلبها=والعرض سالم ولا بالوجه قاموعـي نمشي على كيفنا والنفـس نطربهـا=في ما يجيب الولي والراس مرفوعي ألـذ مـن عيشـةٍ تلـدغ عقاربهـا=عيشة مذله بهـا دافـع ومدفوعـي يا راكب اللي توسـع بـال راكبهـا=ركاّبهـا مـا يشيـل دلال ومتوعـي ليانـوت دار مـن ديـره تقربـهـا=من صفو ماطورها والخط مشروعـي أسبق من اللي تنهّش فـي مخالبهـا=فيها وعك من ضرام الصيد والجوعي كنك عن الجو سبـع أيـام حاجبهـا=داجة وراجة وشافت فرخ جربوعـي شافت لها شوفتٍ يامنيـف تعجبهـا=ولا همها بعدها لوهي ورى القوعـي ضفّت على راسهـا ثومـة مناكبها=وهوت على طلعتٍ مادونها طلوعـي شيهانةٍ مـا تبـدل عـن مضاربهـا=تفرى النحر ضربها للصيد قاطوعـي تلفي على اللـي لياجاتـه يفزابهـا=الصاحب اللي عرف مجراي وطبوعي منجوبتي يوم راحت هـو سبايبهـا=يستاهل اجيه لوامشي علـى كوعـي والله ان تمشي لوان المشي يغضبهـا=ولو ان ماطورها مخبـط ومفقوعـي كـان ان مشوارهـا يمـه يخربها=يجي عوضها من اليابان مصنوعـي وارد عراوي ليـا ساجـتٍ لوالبهـا=لياروحت كنها يـا منيـف قبوعـي ما اقدر على سبها والشعب راغبهـا=احزابها دونهـا زافـات وجموعـي مـا مثلهـا ورّد اليابـان لولبـهـا=يذوق ركابها مـن الهـم قرطوعـي |
أنا ليـا صابنـي لافـوح=يقبـل بقلبـي ويقفيـبـه عديت يا منيف باللحلـوح=اللـي عسيـره مراقيبـه شوفي براسه يجي ويروح=من طول مانـي معديبـه رجمن لراع الهوى ذر نوح=بـس الهبايـب توميبـه هو منوة اللي عليه لمـوح=ومطققـاتـن عراقيـبـه وأنا ترى خاطري مسموح=مالي هدف يـوم أعديبـه مالي هدف والزعل مطروح=والناس كلٍ على مصيبـه يا راكب اللي مع الممسوح=جمسٍ تظـارس لواليبـه نبا نسير لـراع الصـوح=مالي غرض مـار وديبـه دايم وباله لنـا مشـروح=من طيب ساسه ومن طيبه زعيمنا الأسمـر المملـوح=عجـردٍ نابتـن شيـبـه الشيخ نايف بعيد الشـوح=شيـخٍ قليلـه عذاريـبـه على الصخا والكرم مشفوح=من شاف وجهـه يهليبـه دايم وبابـه لنـا مفتـوح=نقفي ونقبل علـى سيبـه نقفي ونقبل بلا مصلـوح=نبـي قبالـه وترحيـبـه يا مير ياللي بوجهك نـوح=يا راعي الذكـر والهيبـه أنته بفعل الكـرم ممـدوح=يا معطي الناس من جيبـه يا الأشقر النادر الذابـوح=حـرٍ عطيبـه مضاريبـه حرٍ يلوح الحبـاري لـوح=كـن المخاطـر مخاليبـه من ماكرٍ نادره طحطـوح=كـل القبايـل تشدّيـبـه تراك ما نته قصير شبـوح=ما كرك عسره مقاضيبـه عن راس عواد وين تروح=اللـي بعيـده مطاليـبـه مقدم هل المغتر الشرشوح=اللـي توامـى دباديـبـه غير السوالم معه مسروح=زعيمنـا اللـي نباهيبـه |
أنا ليـا ضاقـت علـي المحاريـف=ماني على بـدع المثايـل كتومـي آخذ على زيـن المثايـل تصانيـف=ما طاب وإلا الشين مالـه لزومـي خصاً ليا عديـت روس المشاريـف=في راس لحلوح يكـف الرجومـي تلعب به الارياح بالقيـظ والصيـف=بس الهبايب فوق راسـه تحومـي هو منوة اللي حاصل له صواديـف=وعليه من سود الليالـي رسومـي يلعب به الهاجوس والهجس والطيف=كنه على رأس الطويـل محزومـي الله من هم سبا الحـال يـا منيـف=وعين تهـل دموعهـا كـل يومـي حاولت أقنعهـا مروفـة وتخفيـف=وقامت عبايرهـا تشـن الهجومـي مما لجا بالقلـب بيـن السراجيـف=لاج ولجا ولبسـت فوقـه هدومـي واكبدي اللي غاديـه كنهـا الليـف=قامت عليـه مـن بلاهـا تزومـي يالوف قلبي لوف غصن الشفاشيف=تلوفه الغربـي هبـوب وسمومـي تلوفه الغربي هبـوب وعواصيـف=ومنين ما هب الهواء قـام يومـي من هاجسٍ بين الضلوع المهاديـف=خلـى معاليـق الضمايـر لهومـي ضاقت علي سهال نجـد الهفاهيـف=كنـي بحـقٍ باللحـام مختـومـي من حال والا مـا عليـه تخاليـف=ياللي تبي منـي طرايـف علومـي ماتمشي الدنيا على غايـة الكيـف=ولا هي على درب السنع واليمومي تلعب بنا لعب القوارب على السيف=بمصافـق الامـواج والله رحومـي نوب بها نمشـي بليـا مصاريـف=ونشوف فيهـا بالنهـار النجومـي نوبٍ تجود وجودهـا فيـه تطفيـف=تبذل لناس وناس عنهـم تشومـي نعيش فيها عيشة الذيـب بالريـف=نوب بها نفطـر ونـوب نصومـي متـاع والا ماعليهـا تحاسـيـف=من شدة الحاجـة نطيـح ونقومـي ناكل ونشرب مارشـرب الذعاليـف=ماطاب لي ماكل ولا طـاب نومـي واليا بغيت النـوم نومـي تزاييـف=ماينعرف وش صحوتي من حلومـي لولاي اوسع خاطـري بالسواليـف=واسج الياكثـرت علـي الهمومـي اسج يـم مدلـه الجـار والضيـف=اللـي محلـه مـدهـلٍ للعمـومـي لين جناب وبه ملاذٍ عـن الحيـف=مشـرعٍٍ بـابـه لعـلّـه يـدومـي شيخٍ على مثله تجـوز العجاريـف=ما هو من اللي يرفعون الخشومـي متواضعٍ كنه على شـذرة السيـف=يمشي بخطة والحشيـم محشومـي سرحان بن هايف وخـل الملاقيـف=ذيـب العيـال ومسنـد للقرومـي الشيخ ابو نواف مالـه تواصيـف=ولا اقول شكلـه بالبـلاد معدومـي والناس كلن لـه فعـول ومواقيـف=وكلن على حقه جسـور وجزومـي مار انت ياريف الركاب المواجيـف=دايم وقسمك من خيـار القسومـي على العرب راعي صنيع ومعاريـف=ولا يجـحـد المـعـروف غـيـر الرخومي ما يجحد المعروف غير السفاسيـف=ضعوف الرجال مضيعين السلومـي تمـت ولا فيهـا عليـه تكالـيـف=تستاهل اكثر يالحصـان العزومـي |
|
[’] هذه القصيده قالها والدي رحمه الله بالشيخ جازي الوسوس رحمه الله [’]
يامل قلبٍ بين زعـلان ومنيـس = نوبٍ يسيح ونـوب فيـه التوايـه الشاعر / عبــــدالعزيز حمود أبالعون رحمه اللهنوبٍ عليه الهم ياخـذ مراويـس = ونوبٍ يريحني ويكسب رضايـه مدري علام الحظ جتله عواكيـس = ابيـه قدامـي ويرجـع ورايـه يا منيف قلبي فيه مثل الدبابيـس = قامـن يغزنـه بثومـة حشايـه نومي على كوعي ولابي حواسيس = أهد وأبني مـن خـلاي بخلايـه إلا ان قلبي فيه كثـر الهواجيـس = ذا له ثلاث سنيـن بيـح خفايـه اما يجـن اجـداد والا مراميـس = صاراً عليه سلطـةً مـن سمايـه هات القلم ومسطرات القراطيـس = والله عليـه المبتـدا والنهـايـه وانا ليا هبت هبـوب النسانيـس = ليه على بـدع المثايـل هوايـه يا راكب اللي يوم يزفر ليا ديـس = مثل الرعد صوته يهـز البنايـه يهوي كما تهوي خلوج القرانيـس = جمسٍ على شفي وغايـة منايـه عده لابن هجاج خـل الدنافيـس = ضعوف الرجال مضيعين الحكايه جازي ليا كثرت على اللواليـس = انصاه ليا منـه تلولـس رشايـه انصا ولد هجاج واخلـي الهيـس = لو كان أمبر ومن حساب اومرايه اللي يزورونـه ولات المحابيـس = راس الشيوخ وخل عنك الدعايـه انته ومثلك يـا بعيـد المناطيـس = دايم لعصمان الشـوارب حمايـه وانته يابو نواف مالـك مقاييـس = فيك الحمـوه والكـرم والهدايـه يا ريف هتاش الخلا بالغطاليـس = انته مثل هـداج مابـك روايـه هداج تيماء اللي وروده كراديـس = ما طبه الغـراف ياخـذ وقايـه تمت وانا ماني مـدور لحاويـس = ولا شلت من بين الجماعه عصايه شري على العدوان ماهي تلاميس = ولا علـى ربعـي بعيـدً مدايـه من دونهم حولت وسط المتاريس = لين اشتكوا مني جميع اخصمايـه انا وربعـي كاسبيـن النواميـس = مني ثنا البيضاء لكـل اعضدايـه يوم الصياح ويوم حذف المقابيس = عدوهـم دقــوه دق الوقـايـه |
[’][ النايفات المشاريف ][’]
عديت روس النايفات المشاريف = في ساعةٍ فيها الخلايق مصده أخذ على نفسي وأعيد السواليف = واليا بنيت البيت أرجع وأهده أخذت من وقتي براسه تخاطيف = وحولت منزاعٍ على البال شده هيضت ما بالنفس بالشعر تؤليف = بأبيات من شعري وهذا مشده سر يا قلم واكتب عن الحال تعريف = واللي تكنه داخل القلب عده من هاجسٍ بين الضلوع المهاديف = وسط الحشا كم له من الوقت مده يسوقني داع الوفاء بالمواقيف = رد الثناء غايت ضميري ووده يا أمير يا راع الوفاء والمعاريف = اللي لكم يا أمير صعبٍ نرده والله لاكتب بالقصايد تواصيف = عن طيب تركي دون خاله وجده من دون طيب الخال غيث الملاهيف = جده بوقفات المراجل يسده ظلٍ لنا عن واهج النار والصيف = لا قال قولٍ يشبه السيف حده تركي بجاد ومثل ابو عقاب ما شيف = عز الصديق وكل عايل يصده ابو عقاب ان عودت للتصانيف = ما وصفوا بالطيب مثله وقده تركي على كسب الجميلات حريف = دايم على الطولات هذا مكده يفرح ليا منه لفا مجلسه ضيف = طلق الحجاج ولا يمدون مده ملاذ من همه يبي عنه تخفيف = من جاه يشكي قال لا زمك بده هو شيخنا لا صار ميله وتحريف = أمير حرب وكل حاجز يهده من غير تركي وا عنا القلب يا منيف = يا حي يا قيوم عمره تمده وتحفظ جنابه عن جميع الصوادبف = وعن كل مكروهٍ إلهي ترده في جاه من بأمره تهب العواصيف = الواحد اللي عالم أحوال غده تمت وأنا مالي وراها مصاريف = ولا أقولها من شان هاته ووده الشاعر / عبدالعزيز بن حمود أبالعون رحمه الله |
[[ هدية الشيوخ ]]
قم يا نديبي فوق تسع وثمانين = توه على التمرين والاشتغالي عده لبو ماجد وهو بالتمارين = نبا نزور زيارةٍ با حتمالي نبا نزورك يا زعيم المضايين = وزعيمنا عند اكتراب الحبالي ونرثاك وانته حي يا كامل الزين = فيك الثلاث الكاملات الجزالي فيك الكرم والخلق والثالث الدين = ثلاث ما فيهن شكوك وجدالي سلطان ربعك يابو ماجد سلاطين = أخوان جوزاء ميتمين العيالي تاريخهم مفهوم ما هم خفيين = السربه اللي يحتمون التوالي مار انت مثل اسهيل بالعقل والعين = وانا ترى عرفي على قد حالي يا كامل الاوصاف مالك مثامين = جعلك تعيش اسنين جرد وليالي انت مثل هداج يوم المقاطين = علبه مثل الغيم ناس وحلالي وعليه قطعان ترك المعاطين = ليا روحن مثل طخاف الخيالي هداح تيماء اللي تجي له براهين = بالوصف مثلك يا كريم السبالي يا ويلنا عقبك من الهم والبين = ومصافق الجيلان شرق وشمالي ياللي وصوفك بالجماعه قليلين = الا حجر استثنيه وسعود خالي سعود بن مطلق عن الجيم والسين = أضن من معناي واضح سوالي بالوصف لو حطيتكم بالموازين = تساوت الكفه على كل حالي ورباح شمعتنا بوسط الدواوين = عز الله انه من خيار الرجالي جعله على عزه وحنا عزيزين = في جاه خالقنا عزيز الجلالي وسعود والديري وناسٍ مسمين = ودي بهم لاشك ضيق مجالي سعود اخو صيته زعيم الموالين = ربعي ليا ركب الرشا بالمحالي اللي ليا وصفت مثل ابو حدين = يفعل نهار الكون عرض وعدالي سيفٍ ليا جرد يقص الشرايين = من لامسه فارق براد الظلالي الشيخ ابو راكان شرع وقوانين = ليا قلت الحيلات والاحتيالي وموسى ولد خالي زعيم الفراعين = ليا جيت يمه بالزوم ارتكالي ما صد عني يوم جيته لثنتين = ولا قال دور يالبناخي بدالي الله عطاه العرف والعقل واللين = وفهمٍ على بعض المخاليق عالي انصاه لامنه غدا الراي رايين = وضاقت عليك من الهموم السهالي انصا مثل موسى وخل ابو وجهين = وحجاب شيال الحمول الثقالي اللي ليا نوكب يفك المساجين = وياخذ على غيره وسام ومدالي شفنا وعرفنا يوم دعوا المراوين = يوم ان الأقصى يدرق بالموالي وقفوا على وضح النقا مستعدين = حتى انتهى الموضوع وارتاح بالي السبعه اللي كلبوهم وفيين = شفنا وفاهم شوف ما هو خيالي شيوخنا اللي بالمواجب لازين = قاموا بواجبهم كمال وجمالي لهم ثنا البيضاء من اول وهالحين = يرفع لهم بمشمرخات الجبالي ربعي بني سالم كعام المعادين = دفانة الركبة نهار القتالي ان اجلسوا وان كان قاموا ثقيلين = بالوصف مثل مخزمات الجبالي ميزانهم ثقيل ماهم خفيفين = مثل الجنيه اللي رجح بالريالي ما مثلهم يوم اعتراك الميادين = عندي وكلٍ له مع الناس غالي الشاعر /عــــــــبدالعــزيز حمود أبالــــــعون رحمه الله |
[[ قصيده قالها الشاعر عبدالعزيز أبالعون بالشيخ عبدالله بن رداس ]]
سر يا قلم وأكتب من الشعر ما جاك = رد الثناء هو هاجسي هو لزومي الشاعر / عبدالعزيز بن حمود أبالعون رحمه اللهجنب عن التقصير في خط ممشاك = في مدح من ذكره لمثله يشومي في مدح أبن رداس ما ظن يخفاك = اللي محله مدهلٍ للعمومي سجل جزيل المدح وأشهد بمعناك = بأبيات تبقى مثل سبع النجومي يوم المعالي كلها طوع لرضاك = حرٍ على الجزلات دايم يحومي يا شيخ أنا ما شفت وصفك وحلياك = متواضعٍ للطيب نفسك تهومي لكن عسى من لامني فيك يفداك = من حرب وإلا من أي صوب ويمومي واللي يبي يزع يسوي سواياك = ويصير مثلك يالحصان العزومي يا فزعة اللي من عنا الوقت ينخاك = لا جاك يشكي بالزمان الهمومي ما خاب ظن اللي من الضيق ينصاك = عانيك من دونه تطيح وتقومي الله يمد بعمر مثلك ويا قاك = وتبقى لنا ظلٍ ظليل وتدومي مالك شبيه بين ذولا وذولاك = عندي وكلٍ دون حقه جزومي كم ضايقٍ فرجت همه بيمناك = لا بان من ضيقه عليه الوسومي الله على طيب المواقيف يجزاك = بالخير في جاه العزيز الرحومي يا شيخ أنا ما شفت وصفك وحلياك = ولا أنته من اللي يرفعون الخشومي حصلتها من طيب ساسك ومجناك = دايم وقسمك من خيار القسومي وهذا يا أبن رداس فعلك ويزهاك = لك في مجال الطيب جزل العلومي الطيب والمعروف والجود مبداك = فطره فطرها فيك منشي الغيومي الله يبيح اللي على الطيب رباك = يالمنكب اللي دون ربعه دحومي |
[[ قصيده قالها الشاعر عبدالعزيز أبالعون بالشيخ عبدالله بن رداس ]](2)
يا مل قلبٍ هموم الليل تحتله = إليا اقبل الليل جاء همه وطاعونه الناس ناموا وأنا كني على مله = مدري لذيذ الكرى يامنيف وشلونه يا منيف هات القلم والبوك والدله = والرابع اللي على بالي تعرفونه اليا صفا الجو لي ولا بدا خله = يا زين رد المثل والقاف يا هونه سجل كلامي لابن رداس عبدالله = الشامخ اللي على ذكره يعرفونه حلال ما يقصرون الناس عن حله = واليا عقد عقد ما ظني يحلونه ما جابن البيض مثله خص لا والله = عندي وكلٍ على ضنه بمظنونه ما قول حاز المراجل دون خلق الله = كلٍ شرابه على ما قيل بحفونه مار أمتساوي حسب ظني على السله = متربعٍ فوق راس الطيب ومتونه أنا أشهد انه شجاع وحصله كله = يوم العرب كل طايل ما يطولونه ريف الضعيف ليا منه تبين له = ليا صكوا الباب والبواب من دونه يدحم بروس المناكب لين يأصل له = حتى تهيا مطاليبه ويعطونه ليا طلب مطلبٍ منهم تسهل له = عن ما يبي بالدوائر ما يردونه كلٍ يجيله على ذكره ويدله = مثل الحيا الناس يا نياف يتلونه عز الله انه فعل فعلٍ على حاه = لعل بعض العرب بالروح يفدونه يعل يفداه من دور بدل خله = الصاحب اللي بلوفه ماهي ما زونه شذب العراقيب والتعليق طبع أله = دايم لسانه تقل حذاف طاحونه والله يالولا الحيا يا منيف لادفن له = وأظهر علومٍ زمانٍ فات مدفونه حتى يجنب طريقي ريس الشله = واللي يجنب طريقي ما أعترض شوونه بالله يا مرسلات الصوت قولن له = لا يعترض بالنحر وأدق ليمونه أنا ليا قلت قولٍ ما أقبل الذله = ماني من اللي خبول الناس يا طونه تصرفاتي على كبد العدو عله = أصنفر البلف لين يطير كربونه واليا زمالي زميت بعالي التله = مانب محابيه مثل اللي يحابونه والله لاحده على قصياه وأدبل له = حتى يشوف الهزيمه شوف بعيونه الشاعر اللي يكد الراس ويفله = عقب تبين تخفا ما يشوفونه كان المهبا نواني بالردا قله = ماني محرج على ديكٍ بكرتونه يمكن هدومه عقب ما فات مبتله = ما ظنتي ينظفه كرتون صابونه الشاعر / عبدالعزيز بن حمود أبالعون رحمه الله |
[[ قصيدة بمحافظ الرس سابقاً محمد العساف ]]
سافرت جعلك بأمان الله = ذهاب وأياب يالغالي يا مكثر الهيل بالدله = يارعي المذهب العالي ما بك عذاريب لا والله = شيءٍ تصور على بالي حصلت نوع الحلا كله = يا كاملٍ كل الأشاكلي طيبك على ساس وجبله = ما هو مثل طيب الأنذالي الطيب قدك وكفوٍ له = والطيب يعقل بالأفعالي واليوم كني على مله = كل الروابع تهيا لي بس أتردد على الفله = ولا فيه غير الخلا الخالي وأشعر بشيءٍ من الذله = ويصيبني خوف وجفالي ليا شفت بابك على حله = أدري أن ما فيه رجالي بابٍ عوانيه تدله = دايم لهم فيه مدهالي راعيه ما سكره لله = عن هاتش الليل عمالي بيته ملاذٍ لنا ظله = عن لاهب القيض واللالي ما فيه بالربع ندٍ له = ولاني على الناس دلالي أخص محمد عن الزله = راع الصخا والنبا الحالي حيث أبن عساف طبعٍ له = متواضعٍ ماله أمثالي أقول قولٍ عليه الله = ماني بالأمثال ختالي الشاعر / عبدالعزيز بن حمود أبالعون رحمه الله |
[’][ مدفع بني سالم ][’]
أنا يشير اللي يريد البشاره = زانت وجت ليه على كيف ماريد اليوم جوي صافيٍ من غباره = يا ويلكم يأهل الكبود المغاديد يا ويلكم من جد ماهي عياره = ياللي علينا توجهون البواريد خصٍ به اللي يختفي بالستاره = ويكفن المرحوم من غير تشهيد خله على كبدة تزيد الحراره = لا عل ماله عند ربه مشاحيد خطو البليد اللي كبارٍ قفاره = يفرح ليا صارت مشاكل وتنكيد على هواء نفسه يسوي قراره = لاشك ما ياصل مثل غيره الميد علي من يمناي لا أقصر هجاره = حتى يطاوع بالشكيمه اليا قيدك بالعنف والا الطيب ماهو بكاره = هذا جزا اللي ينقل الهرج ويزيد واليا صفت لي مع مدير الإداره = ما همني هرج الخبول الملابيد كلٍ على كيفه يوجه قطاره = ذولي محاديرٍ وذولي مسانيد الشامخ اللي يستوي للأماره = حقٍ على زيارته بأول العيد حقٍ على أزيارته واعتباره = بالخط الأول دايمٍ بأول السيد شيخ الشيوخ اللي براسه نعاره = وصفه مثل هداج شيخ المواريد ما هو رسٍ ممتلي من دماره = دايم على جاله حيام المفاريد هداج هو هداج مابه غياره = حصلت له الشهره بليا تماجيد حصلت له الشهرة وزاد اشتهاره = على فطاحل نجد ذكره تراديد مثلك ليا وصفت والعلم شاره = يا شيخنا عند اختلاف المواعيد أنته لنا درعٍ قويٍ وساره = أصله من الفولاذ ما هو تقاليد أصله من الفولاذ ما هو عماره = صافي حديده ما حصل فيه تسويد من ساس ما فيكم من العيب تاره = وأخير ما بالأرض تال الأجاويد عسى لهم في كل ديره وحاره = تالي ولتالي رسوم ومواليد يا شيخ يارع الفخر والكباره = قد جاك من غيري قصايد وتأييد أنته مثل حرٍ على راس قاره = من ماكرٍ طيره جريءٍ على الصيد النادر اللي يستوي للصقاره = يأخذ على جول الحباري ملاكيد دايم على كفه تشوف الحماره = يفرس ولا يفرس ولا له طواريد تم الكلام اللي نويت اختصاره = ياريف هتاش الخلا والرواويد من جاك مايلقاك عند السماره = يلقاك وسط البيت عند البغاديد يلقاك حول الكيف عند المناره = بمسودسٍ فوق مرفع تقل حيد أكبر ليا وصفت من حيد صاره = مبني على روس العيال البواليد عيال عودٍ سار وأنهى مساره = على النقا والصدق ما هي هرابيد على النقا والصدق والانهصاره = دون الضعيف اللي حدوه المقاريد ليا وقفوا قدام باب الوزاره = ويبست من الذله حلوق الرعاديد يقلط على وضح النقا بأختياره = مدفع بني سالم سريع التساديد اللي سريعه ثورته وانفجاره = على الهدف ما هو على غير تأكيد كلٍ شهد له بالوفاء والجداره = عسى له الفردوس منزل وتخليد عقب لنا نمرٍ تهاب النماره = شوفه ليا صارت وعايد وتهديد رباح فيه من العيا والسطاره = ما يكدي العدوان لو هم صناديد نحشم على شانه بحشمة وقاره = وناطا على روس الأفاعي بلاقيد ما فيه مثله بالدهاء والشطاره = زايد على غيره بليا تحاديد عندي وكلٍ له سفير وسفاره = وأظن مافيها عليه مناقيد واللي تهيا العام جعله وداره = عن سيرة الماضي تجوز التصاديد هذي سواة السوق ربح وخساره = ما هي على راسي ولا راس أبو زيد الشاعر / عبدالعزيز بن حمود أبالعون رحمه الله |
ربعي المزنان
تل قلبي تلتين من العموقي = تلة اللي تلته عدوٍ سمينه تل هيمن حملوه من القوقي = تل هيم اثعش والمكره لعينه ليتني يا منيف ما شفت البروقي = وليتني ما رحت لضليع المكينه راكب اللي لامشى مشيه يفوقي = ما يداني شوف ريحة بانزينه ما يغرز في غراميل الطروقي = مثل قصاف الرعد تسمع رطينه يلفي اللي عقبهم عفت المذوقي = ربعي اللي كل واجب ناطحينه ربعي المزنان والحق محقوقي = يوم كلٍ عزوته تبرد كنينه بعدهم عني عمى عيني وعوقي = وعندهم لو طحت راسي رافعينه الجماعه يرفعون الراس فوقي = ومن يلوم بحبهم تنسد عينه شوفهم عندي مثل شوف العذوقي = وبعدهم عني مخليني رهينه والا أنا مبسوط من حسن الوفوقي = عند ابو هزاع ما فيه غبينه ليتني من شان ابو هزاع روقي = من عيال ثبيت والا محالفينه ليت جيرتنا تطول ولاتبوقي = وليتنا طول الحياه مجاورينه جاري اللي ما يهس ولا يتوقي = ولا يحسب وش غدا له من يدينه وأمره ربه على حسن النطوقي = وهينه نفسه عسى الله لايهينه صافيٍ قلبه على الجيره شفوقي = مني البيضاء على غرة جبينه مع عيال ثبيت منزالي وسوقي = اشتري وابيع كني بالمدينه شيخهم مسلط ليا هاب الطفوقي = كم سجين زال كربة والادينه مخلبٍ صياد في كف صفوقي = عادته صيد الجليله خابرينه كل ما زادت سنيني زاد شوقي = عندهم حيث القصير مدلهينه رفقتهم طيب وانا معهم رفوقي = جارهم ماراح منهم مزعلينه ما حدً مني ضاق ولاني ضيوقي = يوم خطو اللاش نفسه ما تعينه همشريٍ مهنته كثر الطقوقي = دايمً تصغر عيونه من قرينه ما غدا له حق مير انه سلوقي = كلب مغرابٍ تربص في خزينه نا يعرف اللازمات من الحقوقي = ولا يميز وش عدوه من خدينه ولو بغينا الزنق للخبل الزنوقي = ما حسبنا ويش ربعه من ثمينه ما ندرا عن علومً ما تلوقي = ولا نرد الراس يمه حاقرينه |
[[ البارحه ليلي ]]
البارحة ليلي سواياه فيه = ما تنتسوى يا سلايل دغليب ضاقت على فجوج نجد الفضيه = وأقصى مشاويري من الدار للسيب وأقوم واقعد بين هذي وذيه = مستانسٍ وناسة الجن والذيب من علةٍ وسط الحشا داخليه = مقرها بين الضلوع المحاديب بين الضلوع اللي عليها محنيه = منها معاليق الضماير عباعيب وش رايكم يا محللين القضيه = دعواي سريه وداخلني الريب خايف وخوفي من فعايل يديه = ونفسي تراودني على شقة الجيب والناس منذ كانت الجاهليه = لهم وعليهم يابو ناصر مواجيب أنت الحكيم اللي فعولك قويه = رجال عرف وماضيٍ لك تجاريب فيك الشجاعه والكرم والحميه = وأضن ما بك غير ذلي عذاريب لا والذي بالدين شرف نبيه = الواحد اللي يعلم السر والغيب إنك من الوافين والعبقريه = بالقول والا مانصيناك بمصيب تكفى يابو ناصر بع الأرض ليه = بارت وأنا محتاج حاجة معازيب بارت وأنا محتاج لي وعليه = لي وعليه للجماعه مطاليب ولا أنت يا ربيعان خذها هديه = عندك ولا عند الوجيه المغاضيب عندك ولا عند الوجيه الدنيه = عفون الرجال قريبين المحاضيب والا أنت مثل الحربه العنقريه = مضرابها يفوق كل المضاريب عندي ولا فيها عليه خطيه = يا كامل الثنتين يا منقع الطيب بيتك مشيد لون قارة طميه = مبني على شيمه وقيمه وترتيب على الشرف والطيب والشاذليه = بيتٍ يزورونه جماعه وأجانيب ينصونه العربان من كل نيه = على الطريق ولا لهم عنه تجنيب يوصف على هداج شيخ الجويه = دايم وقطعانه ترك المغاريب يردنه القطعان صبح وعشيه = وضحن عليهن من غلاهن دباديب تفوح أنابيعه ويزتاد ميه = ما هو برسٍ ما يسر الدغاليب ما قيل وراده يحول خويه = على غريفٍ كل نصه غثاريب هداج تيماء اللي تصافق دليه = كلٍ قصدبه من حضوف اللواعيب مثلك ليا وصفت وأنته حليه = عندي ولا فيها عليه مناقيب الشاعر / عبدالعزيز بن حمود أبالعون رحمه الله |
هلا مرحبا ترحيبةٍ ما بها ممنوع = تجود النفوس ابها عن الخبث والطيبي تحيه من الشاعر على وجهها المشروع = حيا الله ولد ماجد قليل العذاريبي هلا بك عداد الكون والكل والمجموع = على كيس ابن عساف وكيس المعازيبي حمولة ذوي عساف لهم بالبلاد فروع = عجمانٍ لهم تاريخ معكم وترتيبي عجمانٍ لهم تاريخ يوم البلاد مزوع = ولهم في زمان اليوم جاه ومناصيبي دعوك ودعونا للكرامه وجينا طوع = على شان شوفك يا حصان الأطاليبي هلا مرحبا حييت يالنادر الشعشوع = وسيع النحر والعين جثل المخاليبي عريب المجاني ماكره ما يجيب اتبوع = حرارٍ تسلسل من عطيب المضاريبي حرار الجزيرة من سلايل طويل البوع = على مثلهم ما تطلع الشمس وتغيبي مشوا بالأمانه ما تغاضوا عن الموضوع = على نهج أبو تركي سياسه وتأديبي سلطان الجزيرة سيفها الباتع الباتوع = حكم بالسياسه والسيوف المحاديبي حكمها عقب ما ذاق من مرها قرطوع = وصفت له عقب ما ذاق مر المشاريبي صفت للجميع وراح عنها الكدر والجوع = على شان ثروتها يجون الأجانيبي على شان ثروتها يجون الوفود جموع = تهاوى عليها من بعيد المناديبي تهاوى عليها من صدى صوتها المسموع = يعيش المليك اللي وفى بالمطاليبي على راية التوحيد والبيرق المتبوع = على كل راية يرتفع غصب ومصيبي عليه الجلالة رمزها دايمٍ مرفوع = حماها الإله بعزته عالم الغيبي واختامها بصلاةٍ على الهادي الشفوع = محمد رسول الله وأكرر تراحيبي واطلبك السموحه كان جاء بالكلام هزوع = لو أنا قديم وماضياتٍ تجاريبي |
حييت من قلبٍ تريح واستسر = على قدومك ذاق برد ازلالها على قدومك صاحب الحق انتصر = واللي يبيها بدون حق اشتالها هلا هلا عداد هتاف المطر = بعبد الإله اللي سما بأجيالها يا مرحبا حييت يالبدر العفر = ياالليث يا لمغوار يا حلالها حييت ياللي فيك ثلاث العبر = متوفره بأنواعها واشكالها ياالليث يا بن الليث يا الماص الحمر = وفيك العداله وافيٍ مكيالها بأسم قبيلة حرب حياك القدر = من يوم سرت وجيت يم ارجالها واليوم بان الحق والخافي ظهر = وأبوك عنا كل كربه شالها اللي عسى له وسط طوبى مسقر = ينعم بنعمتها وبرد اظلالها عبدالعزيز اللي ولاها بالظفر = والسيف والحيلات لين احتالها جر الجراير بالجزيرة واشتهر = سبعٍ سبع كل السباع وزالها نجمٍ بدا نوره على وقت السحر = هبت هبوبه ثم شال خيالها هبت هبوب النصر وابليس اندحر = ونادى مناديها بروس اتلالها ما جت لكم بأصوات والا مؤتمر = جت بالسيوف اللي تروي اسلالها وشلفٍ شناشيلٍ يشقن النحر = وخيلٍ تطلق بالهجوم احبالها الخيل بالميدان تفر وتكر = حتى صفى الصافي وراح احثالها وصفا لنا مشروبها عقب الكدر = وهي امنا وحنا عيال اعيالها نارد مواردهم اليا جانا النذر = والرايه الخضراء نعزز جالها وانتم على منهاج مسسها ذخر = يا فهودها يا أسودها يا أبطالها كسيتم العريان منها واستتر = عقب العرا راحت تجر اسبالها لبست لها ثوبٍ عقب ثوب الطفر = واستبشرت للخير عله فالها وتمت مسيرتها على شط البحر = كلٍ يبيها مار ما ينالها من دونها تردون ميراد الخطر = يا سترها الظافي وستر احوالها تمت وصلى الله على سيد البشر = المصطفى عن دقها واجلالها |
بسم الله الرحمن الرحيم
هذي القصيده قالها والدي رحمه الله تعالى في مدح مرزوق الثقيل العتيبي وهي رد ثناء ويقول فيها...
أنا ليا مني رقيت التله = وشلت القلم من بين روس يهومي أخذ على راس الطويله عله = حتى تحقق غايتي وحلومي أدور الطاروق ثم أحتله = وأعبره في شايت القيومي يا منيف قم هات القلم والدله = عجل تراني بالمثل مزحومي سجل لنا في صفحة المجلة = أبيات ما فيهن علي ثلومي ما طاب والا الشين عنا خله = حيث أن ما للوم غير اللومي ماني وكيل أدم على خلق الله = ولا لي على سمو العباد رسومي الناس كلٍ قالته منحله = وأنا بلشت بقالتي وهمومي البارحه ليلي قضيته كله = وعيني حداها هاجسي عن نومي ليا جيت أبرقد كن فيها غله = من هاجسٍ وسط الحشا مكتومي أقوم واقعد والنجوم مطله = وكثرت عليه في سماي نجومي مقسوم والا ما علي عظله = والأدمي ما له عن المقسومي يا راكب اللي من مديله دله = أسبق من الصاروخ بالهجومي عليه فني والطريق يدله = أدل من فرق القطا للثومي جمسٍ يخم الخط ما تفطن له = عليه يا نايف ثلاث رقومي عده لمرزوق الثقيل وقله = سلم عليه وعلمه في علومي له سفرةٍ ما ترتفع عن زله = ما حط فيها من بنات الرومي تلقى عليها كل يومٍ فله = يرمي عليها من فقار الكومي قولة هلا باللي يجي طبعٍ له = لو كان ما هو بالعرب ملزومي طيب وطيبه يوم كان جبله = هذا حسب عرفي وذا مفهومي اللي فعوله كلبوها مجله = طير الثلاث اللي يكف الحومي عندي وكلٍ مولعٍ في خله = والناس كلٍ له صديق وقومي حيث أن أبو نايف قليل الزله = وافي وهذي سهمتي وسهومي والله لا أغني بالثقيل رضاً له = وأمجد الطيب عساه يدومي من لابةٍ يروون حد السله = يوم الملاقا ضربهم مسمومي أولاد روق متيهين الظله = ليا جاء نهارٍ فيه وسومي خصيمهم تطري عليه الذله = ورصاصهم في اسابقه ملحومي أحبهم يا منيف دين ومله = خفاف النفوس قليلين الزومي تم الكلام وكل شي بحله = هذا وصلى الله على المعصومي الشاعر / عبدالعزيز بن حمود أبالعون رحمه الله |
[’][ أبن جــــــــــديع ][’]
بسم الله الرحمن الرحيم
هـــــــــــذه القصبده أسندها الشاعر عبدالعزيز أبالعون رحمه الله إلى صديقه الوفي عتيق بن خليف بن جديع الحنيني أطال الله في عمره ...
يا منيف أنا ليه مضنه وملجاه = صديقي الوافي وساعد يميني الشاعر / عبدالعزيز بن حمود أبالعون رحمه اللهأزريت لا اصبر يالسنافي بلاياه = ليا غبت عنه أسبوع تقل شهريني ابن جديع اللي على الخط مبناه = عمارةٍ بيضلء على شارعيني عتيق جعل الموت يا منيف ينساه = قرنين والا كلنا ميتيني الوفي الكامل بدينه ودنياه = حاز الجميل وحصل الطولتيني هداج ما عمر الرياجيل تدهاه = تضرب به الأمثال طول السنيني عدن وروده ما تهاوش على ماه = تفوح أنا بيعه وجمه رصيني مثلك إليا وصفت وأنته حلاياه = ماني مجامل يا عتيق الحنيني عندي وكلٍ له مع الناس مشهاه = ولا قول ما كل العرب طيبيني الطيب سندا والأجاويد ترقاه = الله يعين بعونه المستحيني احدٍ خذا طيبه من أفعال يمناه = واحد ورث طيبه من الوالديني واحدٍ مهف مقيط بالبير ورشاه = ما فيه لا دنيا ولا فيه ديني لو عاش عمر شعيب بقعاء تعشاه = لا ناقصٍ زايد ولا زاد شيني خطو البليد اللي قناته محناه = ضاري على الصده بقلبٍ متيني ما هو عتيق اللي بشوشٍ لمن جاه = ذباح نابية الفقار السميني ذباح نابية الفقار المحلاه = اللي شحمها صايرٍ طابقيني للطيب شاره واضحه بين حجاه = رمز الوفاء ماجود فوق الجبيني له مجلسٍ كلٍ يزوره وينصاه = عز الله انه مدهل الغانميني ذولي على موعد وذولي مفاجاه = ماقول قول الناس شوفي بعيني ستر البلد مثله وواجد مزاياه = لا أشك أبقصرها على كلمتيني والله ما ظني تسوى سواياه = وهداج لو شان الدهر ما يشيني ما قلتها بالشيخ قصدي هداياه = لا والذي تسجد له الساجديني لا شك أحبه حب من جد وادراه = واجيه وان ما جيت يمه يجيني لعل عدوانه من الناس تفداه = يفدونه الحساد والحاسديني اللي من أقصى الناس واللي من دناياه = ناسٍ عداوتهم عداوة بطيني دايم مجالسهم مجالس مواواه = على شمات الناس متوالفيني هذا وأنا ما خص ناسٍ مسماه = اضرب مثل والناس متخالفيني كلٍ على كيفه يوجه مطاياه = والعرف ما يعرض على العارفيني وصلاة ربي بأول القول وأتلاه = صلوا على المختار يالسامعيني |
[’][ أبن جــــــــــديع ][’]
يسم الله الرحمن الرحيم
هذه القصيده أسندها الشاعر عبدالعزيز أبالعون رحمه الله إلى صديقه الوفي عتيق بن خليف بن جديع الحنيني أطال اللع في عمره ...
البارحه ليلي هواجيس وعماس = عساه ما يجري لك اللي جرالي يا مل قلبٍ كل ما هب نسناس = كنه على جمرٍ يزيد أشتعالي كنه على جمر الغضا وسط محماس = مثل ما فالوا بين صالي وقالي يا منيف قم عطني من البوك قرطاس = عجل وسجل يا مضنته عيالي عجل ترى فكري من العصر محتاس = يلعب بي الهاجوس شرق وشمالي يلعب بي الهاجوس والهجس والياس = لا واهني قلبٍ من الهم خالي والله يالولا هرجةٍ تخوي الراس = ولا ودي أفتح للسوالف مجالي لا قول والقول المسيس على ساس = راعيه ماهو مستمع للجدالي لاقول با وافي الهصايل والأجناس = ما عقبن مثلك بنات الرجالي عندي وكلٍ له مضنه مع الناس = واستثني الطيب على كل حالي اللي مثا شرواك بالفعل لا باس = يالصاحب الوافي كريم السبالي أنت الذي تستاهل الفوز بالكاس = يا فارس الميدان ماهي مدالي تستاهله غصبٍ على كل هلاس = لو هو على ما قيل صاحب معالي ياريف من مسه من الوقت حساس = زضاقت عليه من الهموم السهالي ما فيه يابن خليف من غير هولاس = مثلك رفيقً بالموده صفالي أنت الرفيق اللي على ذوق وأحساس = الله يمهل لك بطول الليالي شبلٍ لبا صار الرشا فيه لولاس = تفك عقد مشربكات الحبالي تظهر مع الظاهر ومع الغطس غطاس = فتال ما تسني عليك المحالي يالليث يالبلود يالنمر يالماس = وشي عذاريبك من أول وتالي دايم مساييرك على النار جلاس = والناس ما تتليك لولاك غالي أنته لنا يا معدت الجود نبراس = تضرب بك الأمثال يا بن الحلالي والهرج له عند الرجاجيل مقياس = خصٍ ليا صار الكلام ارتجالي يدخل عليك من الرجاجيل وسواس = اللي يعرفون الخطأ والعدالي هذا وأنا ماني على بنك الإفلاس = ما دمت حولي حلالك حلالي تمت وأنا ماني على الناس جساس = الله يسترهم ويستر حوالي الشاعر / عبدالعزيز بن حمود أبالعون رحمه الله |
[’][ حقوق الرجال ][’]
يا منيف قم هات القلم والسجله = عجل عليه يا مظنة عيالي عجل ترى قلبي همومه تتله = تلة محوص مجويات المحالي والله يالولا الهرج ما يقال كله = لا اقول يا نياف قولٍ يقالي قولٍ يسجل فالعبر والأدله = ولاني بعن بعض المخاليق سالي وشوله المرقاب يوم ارتجل له = دايم على راسه تقارش نعالي كني مدور بالخلا حاجةٍ = قمت اتهور بالجهل والخبالي خصٍ ليا منه شبا العود ضله = كن المنادي فوق راسه ينادي والدمع من راسي عيوني تهله = هلة هماليلٍ حشرها الخيالي واوجس بصدري فوح مار احتمله = وباقي السوالف ما تصور ببالي ماني مسجلها بصفحة مجله = يقرونها كل العرب والأهالي والهرج هو سهمة خبيث الجبله = يشيل والا يجيب علمٍ يشالي خله يروح وكل سلك بمشله = ما فيه خير ولاش شيٍ غدالي ولا عانيٍ ليه ولا عانيٍ له = لا صد أنا صديت لو هو قبالي اكويه بالهجران كله رضاً له = كية نكب والنار لها اشتعالي وان زان زنت وراح وقت الشكله = ماني حقود ليا لجا والتجالي من شان ستر العرض ماهي مذله = رجال وافهم وش حقوق الرجالي والقى لو أدور ثمانين زله = القى على اللي يوم دور لقى لي هو يحسب ان علومنا مضمحله = وحنا عيال اليوم قول وقبالي بالله يا نياف رحله وقله = يرحل والا ابرحل ودنوا رحالي والهرج مابه خير دقه وجله = اخير ما للهرج صك المجالي وشمة ذعاذيع الهواء براس تله = عندي لها قيمه على قد حالي نبي لنا يا منيف جلسه ودله = وتعليلةٍ عند الأمير الموالي اللي ليا جيته ينومس محله = ولك مجلسٍ بين الكنب والزوالي ولا انته بعند الشيخ على ممله = كنك على ما قيل صاحب معالي قولة هلا باللي يجي عادةٍ له = جميل والجميل يبا الجمالي والنفس دايم للعرب مسفهله = ورعه وراعيها من الكبر خالي واليا اشتبك حبل الجماعه يفله = بالجاه والحيلات والا حتيالي وجيه جاه ومطلبه حا صلٍ له = واليا اهتوى باسه يشق الجبالي رباح ما جابنه البيض لله = في جيل دور اليوم مثل الهلالي عندي وكلٍ له هوايه بخله = دريت عقب احصيت وش راس مالي هو شيخنا ليا قلدن الأجله = ليا جاء النذير وصار للعلم تالي سبعٍ تخاويه السباع وتدله = ما شيخته شيخة خطاة الكحالي لعل خطو المنتسب فدوةٍ له = اللي عن المكتب يصيبه جفالي ما غبر كبر وزوم والنفس عله = ما به من الثنتين شيٍ صفا لي ليا قال قولٍ ما حماه وفطن له = مثل الهواء ما ينمسك بالحبالي هذاك ودك مع وريده تغله = غله ولي العرش رب الجلالي والا انت ما بك عيب والكامل الله = كامل بفعل المرجله والكمالي وعيبك ليا جاء للجماعه عضله = درعٍ لهم يلبس نهار القتالي نجمٍ بدا بين النجوم المطله = عليت يا حبس النجوم الشمالي الشاعر / عبدالعزيز بن حمود أبالعون ,,, رحمه الله |
[’’’][ فز قلبي ][’’’]
بسم الله الرحمن الرحيم
أبيات مهداه من الشاعر عبدالعزيز أبالعون رحمه الله تعالى إلى الحفيد (مشاري) بن صالح بن عتيق بن جديع الحنيني الحربي
فز قلبي من ضميري يا مشاري = يوم شفتك فز قلبي من ضميره فزت العبرود من بطن السواري = أشقرٍ جابه من المصنع خبيره لوف قلبي لوف زملوق الذواري = في شفا صوحٍ تلوفه زمهريره كنه اللي مات في وسط الخباري = يوم نش من البطا صافي غديره لك بوسط الجوف صندوقٍ تجاري = ما يجيه الا انت وقفوله عسيره أنت فرخ الباز ذباح الحباري = أشقرٍ عينه وسيع ومستديره لا تخيبني وأنا ذيب الغداري = يا حفيدي يا بعد كل العشيره كل ما جالك مع العربان طاري = أفتخر بابوك صالح يا وزيره انتخبته ما علي من المزاري = ولا علي من الصغيره والكبيره انتخبت الشيخ دواس المحاري = فكرةٍ عسى بها مليون خيره على شان العود دواس الخطاري = حسبته عندي من عيال الجزيره للصخى والجود في وجهه مواري = ما تكدر خاطره عند النحيره على فعل الطيبه والطيب ضاري = ما يتيه اللي يجيه ويستشيره الشاعر / عبدالعزيز بن حمود أبالعون ,,, رحمه الله |
[’][ القلم ماجود والساعد طويله ][’]
القلم ماجود والساعد طويله = وأنا ليا غنيت ما ني مسنحاني كل وادي يتبع مجراه سيله = والحساني ما جزاها إلا حساني راكب اللي تو ما جا مديله = مار كان جميح وإلا بهبهاني تو ما جابه من الخارج وكيله = بالوكاله ما بعد جوه الزباني يستخف القلب يوم يطير ويله = لون مش السيل والمركب لياني كنه الصاروخ يوم اهتز ويله = ما يحاسب للرفاع وللطماني ما عليه الا الدريول والدليله = نبا على الجمس نزف التهاني للشيوخ اللي يفكون الدبيله = كان صار العلم دونه علم ثاني يفعلون المعجزات المستحيله = وذي عوايدهم ليا شان الزماني السيوف اللي بيمنايه صقيله = يقطعن الراس بالحد السناني أصلهن مفهوم من ساس وفصيله = كاملات أوصاف من كل المعاني على راس حجاب زيزوم القبيله = شيخنا اللي يوم بان العلم باني أنثنى من دونا وإشتال شيله = يدفع الشيكات ما فيها مثاني كل ما نوخ لحملٍ يرتكي له = لو يصير الشيل فيه عويرجاني شال ما شال البليهي عن زميله = مثل هديب الشام ما يعرف التواني ما عليه من الخفيفه والثقيله = يوم بانت بتها بأربع ثواني انتهى الموضوع والحاله جميله = والله اللي معتني بالمودماني ما لنا لولا الولي قدره وحيله = مار رحمنا الرحيم المرحماني انتهى الموضوع بجهود ووسيله = بين وجيه الخير والربع العواني ربعي اللي ما بهم نفسٍ هزيله = لهم شكري وأحترامي وامتناني ما بهم من صد عنا في سبيله = يوم جانا العلم قدام رمضاني ومن حصل له شي يستاهل حصيله = والعرب مثل العرب مسني وساني العرب كلٍ شرابه من صميله = مار غيب الوقت ما يضمن ضماني يوم قربنا الزناد من الفتيله = واختلف وضع الكلام من اللساني قام ابن نحيت كساب النفيله = واعترض بنحورهم مثل حلباني واقفٍ بالماقف اللي يستوي له = ما قفٍ يزهاه ما هو مشبهاني الأ مير اللي عذاريبه قليله = قام بالماجوب من قاصي وداني يوم شفنا العلم قمنا نلتجي له = نلتجي للظل عن حر الصخاني نلتجي للظل والدوحه ظليله = دوحةٍ ما تنتج الا الزعفراني الشاعر / عبدالعزيز بن حمود أبالعون .... رحمه الله |
[’][ يا محمد العساف ][’]
بسم الله الرحمن الرحيم
هذه القصيدة قالها الشاعر عبدالعزيز أبالعون في محافظ محافظة الرس سابقاً محمد العساف ،،،
ليا أخذت لي مع جرهد القاع مرواس = أدله وعن قلبي تخف الحراره مع خايعٍ ما به تزاويل وأو ناس = ما يعترض لي فيه ضو الأشاره من فوق جمسٍ يطرب البال هواس = ليا ارتفع زوره خطيرٍ طياره هذا هواي وكل راسٍ به أعطاس = وكلٍ على كيفه يوجه قطاره ما همني يا منيف مدقوق الألعاس = اللي صفاره مختلط مع عفاره يا منيف قم عطني من البوك قرطاس = عجل عليه لا تضيع العباره عجل ترا فكري من الهجس منحاس = يقدح به الهاجوس مثل الشراره سجل لنا بيتين من هامة الراس = بنات فكري مابهن أستعاره هديةٍ مني شجاعة ونوماس = للي براسه للمراجل نعاره عوين خير وللمهمات مدباس = شيخ الشيوخ اللي قديم اعتباره ما شيخته شيخة موسوس وهلاس = اللي على ما قيل شيخة سماره وإلا أنت يا ريف المناعير عفاس = حرٍ فرس من ماكره بالصقاره يا ريف من مسه من الوقت مساس = عليه من سود الليالي غياره تمشي به الدنيا على غير هولاس = يمشي وياقف بين حاره وحاره لينه وصل بيتك بعيدٍ عن الياس = أقفى دجا ليله وشرف نهاره بيتٍ يزورونه طوابير وأجناس = اللي على ميعاد واللي زياره وأنا ليا جاني من الهجس هوجاس = سيرت لمحمد على جال ناره جنبت عن هابس وخليت هباس = مالي ومال الناس كلٍ بداره لي عند أبن عساف عادة ومجلاس = على ثلاثٍ مالياتٍ وجاره صفرٍ مهاديفٍ على النار جلاس = فنجالهن عود القماري بهاره يحوفهن بوجارهن تقل حراس = كنه عليهن ماسكٍ له خفاره من فوقهن صفراً مثل صافي الماس = ليا جاه راع الكار يزهد بكاره ما ظنتي موجود مثله مع الناس = وإن كان هو ماجود يوجد ذماره بالطبع متواضع وفاهم وحساس = يفرق على غيره بعرف وشطاره فيه الوفاء والدين والعرف بقياس = ونفسه عن الهفوات فيها وقاره يستاهل التمجيد والفوز بالكاس = على بعض ناسٍ تحب التجاره هو الأمير اللي على ذوق وأحساس = أمارة ماهي بأمارة خساره أمارة الناموس والعز والباس = تسلسلت من راس نمر النماره من راس أبوك وكل شيٍء على ساس = ثبت على ساس المعزه جداره وأنت لذوي عساف يا أمير نبراس = لو ما بهم عندي من العيب باره شيوخ عقب شيوخ قدام قرناس = رافعكم التاريخ من فوق قاره رافعكم التاريخ عن كل لولاس = واللي يطيح من الطويله وداره ما يختلف ضلعٍ عليه القدم داس = وبيت الشرف تبقى عليه الطهاره تمت وأنا ماني على الناس جساس = الناس كلٍ له سفير وسفاره وصلاة ربي عد ماهب نسناس = على نبيٍ كمل الله شعاره الشاعر / عبدالعزيز بن حمود أبالعون .... رحمه الله |
[’][ يابوعلي لولا الولي ثم لولاك ][’]
بسم الله الرحمن الرحيم
هذه القصيدة قالها الشاعر عبدالعزيز أبالعون في محافظ محافظة الزلفي سابقاً سليمان العساف ،،،
يا أبو علي لولا الولي ثم لولاكـ = رحنا زبد سيلٍ تحدر مسيله صكوا علينا كل منفذ وشباكـ = وتسكر الموضوع بأسهل وسيله مار أنت هذي ميزةٍ من مزاياكـ = رفع الضرر والظلم عنا تزيله تاقف بصف اللي إليا جاك ينخاكـ = يا فزعة الخايف إليا باد حيله الله يمهل لك ليالي ويجزاكـ = بالخير يا راع الفعول الجميله يا كاملٍ بأمور دينك ودنياكـ = أنا اشهد إن أوصاف مثلك قليله ما ظنتي والله تسوى سواياكـ = خصٍ بحل القاله المستحيله ولا أقول ما به واحدٍ مثل شرواكـ = الناس كلٍ قي هواه وسبيله ما أنت تفرق عن هذولي وذولاكـ = وعندي سلوككـ كل أبوها جليله أنته مثل هداج وصفك ورؤياكـ = كلٍ يدله ما يبي له دليله هداج تيماء اللي على دور الأتراكـ = تفوح أنا بيعه ويزداد سيله ما أنته برسٍ كل من جاك خلاكـ = رسٍ وروده ضاريه بتعليله الرس يمه لا تعدي ضماياكـ = وش عاد لو كبرت عليه النثيله مالك ومال اللي ليا جيته أضماكـ = الرس لو ينضح قليلٍ حصيله عليك بالمنهل إليا عمسن أرياكـ = إنص العدود وخل عنك الثميله مثلك يأبن عساف والا حلاياكـ = اللي لهم بالمجد باعٍ طويله يا كامل الأوصاف لعل يفداكـ = خطو البليد اللي حصاته ثقيله بالفعل ما ينفع وبالهرج نماكـ = هميصعيٍ بس يومي شليله لو هو ولد شيخٍ مفوه وفكاكـ = إليا صار ما ينفع عسى الله يشيله وإلا أنت حصلت المراجل بيمناكـ = أخذتها من راس راع الطويله أبوك يوم أنه على الطيب وصاكـ = صنت الوصاة وزدت بالصاع كيله ما خاب يوم أنه غذاك وترجاكـ = وخلاك يا سليمان عقبه وكيله تنعم ببيت العز والعز يزهاكـ = بيت الشيوخ اللي يزبن دخيله بيتك مشيد والرجاجيل تنصاكـ = دايم وعصمان الشوارب تجي له ولولا فعولك كان كلٍ تعداكـ = مار العرب يتلون ضو الفتيله وأنا افتخر باسمك وذكرك وطرياكـ = يوم أنت من ربعي خذيت الكحيله أخذت بنت اللي لهم فعل فتاكـ = قبيلةٍ يا ويها من قبيلة حربٍ هل التوحيد ما هو بيخفاكـ = سم على كبد العدو حنظليله ربعي اللي إليا دارت دواليب الأفلاكـ = يشدون موجات البحر وسط ليله وأن صار للخوة مساليك وأسلاكـ = إنشد نويشي يوم قصة زميله والناس كلٍ دون حقه إليا صاكـ = مثل ما قالوا كل جيلٍ وجيله من قال أنا كيد الرجاجيل كلاكـ = الناس كلٍ فيه دم وفصيله تمت وأنا ما أنسى جميلك ولا أنساكـ = وحقك عليه فرض ما هو نفيله أطلب لك التوفيق من عند مولاكـ = الواحد اللي كلنا نلتجي له الشاعر / عبدالعزيز بن حمود أبالعون ،،،، رحمه الله |
[’’][ حجر بن ناحل ][’’]
بسم الله الرحمن الرحيم
السلام عليكم ورحمة الله وبركاته ،،، هذه القصيدة قالها الشاعر عبد العزيز أبالعون رحمه الله تعالى في مدح الشيخ حجر بن ناحل رحمه الله تعالى وفيها يذكر الشاعر بعضاً من أمجاد الشيخ حجر وأمجاد والده ،،،
عديت وقت الضحى في راس مزمومه = فيها الذعاذيع تقبل بي وتقفي بي وبانت لي البينه والنفس مزحومه = وهبت هبوبي وسجلت المكاتيبي وهاضت هجوس الحشا اللي فيه مكتومه = وشفنا هدفنا وسددنا المضاريبي وعاداتنا ندفن الرقبه على الثومه = وناخذ ونعطي ولا نطيع الزواريبي وهذي وهايب من الإله مقسومه = لنا و علينا تجي بحضوض وتغيبي ويا موتري شد عزمك وأصبر اليومه = نبي عليك نتلمس للمعازيبي ليا صار رجلي على المشوار ملزومه = أبيك يا موتري للشيخ تمشي بي الشلمخ اللي قباله يبري السومه = اللي جوابه أليا جينا تعاجيبي نفسه عن الهرج والهراج معصومه = ما هو من اللي بهم شذب وشواذيبي يستاهل اللي يسوي فيه منظومه = قولوا وأنا أقول يا حضوف اللواعيبي كلٍ يعبر حسب عرفه ومفهومه = والمدح يستاهله من فاز بالطيبي اللي مثل حجر بن ناحل على علومه = اللي تسر العرب يم الأجانيبي شيخٍ يحوز المراجل حوز بعزومه = حوزة ركايب قناطيشٍ جلاليبي عطاهن اللي حداه الوقت وسلومه = وحدوه ربعه على شين المشاريبي الحربه اللي براس الضد مسمومه = أعني بها عقاب ما عنها تجانيبي أبن ربيعان يوم أنه ترك قومه = عنز على أبوك يا حصان الأطاليبي عنز على واحدٍ ما بار بقدومه = حياه وأغناه من بين الأصاحيبي هذي علومٍ بلوح المجد مرسومه = ما هي علومٍ تولفها الكذاذيبي يشهد بها الحاكم اللي غابت نجومه = تعطون وتحذون لو ما أنتم كساسيبي ما شاله طيب العرفان بكمومه = شهر ثناكم على روس المراقيبي الشامه اللي بكم ماهي بماشومه = عذروبكم يوم يطرون العذاريبي ليا حربتم حريبٍ فز من نومه = واليا عطيتم عطيتم شمخ النيبي واليا حضرتم مجالس شر وخصومه = أنتم من اللي يفكون النشاشيبي أنته تفك السجين اللي بمحكومه = يا مزبن اللي رماه الوقت بالسيبي تفك من فكه الله وأنت زيزومه = تفزع بجاهك على الأجواد ويصيبي جاهن عطاه الولي تقدير وحشومه = نوح بوجهك على اللي داخله ريبي مثل الرشيدي زواه الشر بهدومه = وأذعن لجاهك عقب ما جاه تأديبي نصرٍ من الله معك يا طيب الهومه = تفعل وفعلك على برهان ومصيبي قدرك وجاهك يصيب الماس بسهومه = راعي عوايد وماضٍ لك تجاريبي الشاعر / عبدالعزيز بن حمود أبالعون ،،،، رحمه الله |
[’’][ يا منيف قم سو المهيل وحوفه ][’’]
هذه القصيدة قالها الشاعر عبدالعزيز أبالعون رحمه الله تعالى
في مدح سعود بن صايل السرباتي الحربي ،،
يا منيف قم سو المهيل وحوفه = كمل مطاليبه وكثر من الحوف الشاعر / عبدالعزيز بن حمود أبالعون ،،، رحمه اللهكمل مطاليبه وكثر صنوفه = فنجال كامل من تصانيف وصنوف ليا ذاقه الشراب يرتاح جوفه = فنجال نجداوي على حلوة الجوف عحل ترا قلبي همومه تلوفه = يلوفني هاجوس تال الضحى لوف لوف الغصون اللي على جال طوفه = بس ايتوامن بين جيلان وطفوف نبتٍ على صوحٍ تصافق شعوفه = تلعب بهن دايم معاصير وشعوف يا راكب اللي صافياتٍ بلوفه = من مصنعه ما صار به حس وبلوف من حيث ما جيته سنادٍ وقوفه = واليا هوى مع خايعٍ تقل عاصوف اسبق من اللي شاف عينت علوفه = رف وتحدر من لحاليح طفطوف ملفاه شغمومٍ يكرم ضيوفه = ويفرح ليا جو له مسايير وضيوف الشارب اللي ما يربي خروفه = وعن واجبه ما يمنعه شغل وظروف طماع ما عمر المراجل تطوفه = وعلى العرب راعي صنايع ومعروف ضاري على شد الرحل والكلوفه = لو كان ما هو بالمخاليق مكلوف طير الثلاث اللي دوامي كفوفه = ما هو بوكريٍ عن الصيد مصدوف ما هو صعب بيضٍ صفايح دفوفه = عليه تأثير الرحل جنب ودفوف شد الرحل واصل ترايب كتوفه = متساويٍ من بين نسنوس وكتوف الله يفكه من بلاوي صدوفه = وياقاه ربه من بلا كل صادوف هداج تيماء اللي تهشم قنوفه = ما راح وراده على ماه ملهوف مثلك ليا وصفت وأنته وصوفه = يا سعود بن صايل ترا العلم ماصوف قدامي الشعار دقوا عزوفه = غنوا وأنا غنيت والعلم مكشوف ولولاك كفوٍ للعلوم الطروفه = ما جاء يا ابن صايل تماثيل وعزوف عنك الشوايب كل أبوها محذوفه = تركز لك البيضاء على راس قفقوف ياللي عن الخاطر جليت الحسوفه = قدت السفينه وانكشف كل ملفوف وزريق ما فكه من الموت خوفه = إن مات مات بذل وإن عاش بالخوف يا سعود يوم انك سعيت بذلوفه = عساه في سته وستين ذالوف اللي يا بو نواف يسحب ظلوفه = يبي لعله ياخذ الحق منصوف والحق من دونه تصاقل سيوفه = دونه رجاجيلٍ قواطيع وسيوف أفعالهم عند الجميع معروفه = يرون من كأس الطنا كل ملقوف سرابته فيهم هلى الضد نوفه = بأيمانهم دهم الفرنجي ومزغوف ربعي وأنا منهم بعنف وعنوفه = لباسة القرمز على جوخة الصوف تجمعٍ ما هو تجمع حلوفه = من ساس ما حنا عصابات وحلوف تا ريخهم مفهوم مع كل طوفه = دفانة الركبة على راس غضروف ليا جت من العدوان نمرا زحوفه = عدونا دايم من الغلب مكسوف وأنا كلامي واضحاتٍ حروفه = ما ابني بناي إلا على ساس وسقوف ما أقولها من شان قصدي مضوفه = ولالي وراء هذي مطاليب وشفوف مار إني أدري عن رفيقي وأشوفه = والناس ما يدرون عن كل ما اشوف اللي فعوله بالجميل معروفه = وإلا الردي ما هو مع الناس مألوف تمت وأنا منها نويت النكوفه = وصلوا على المختار والعلم منكوف |
[’’][ هات القلم والله عليه المعونه ][’’]
بسم الله الرحمن الرحيم
هذه القصيدة قالها الشاعر عبدالعزيز أبالعون رحمه الله تعالى في مدح عبدالله بن محمد الفريحي رحمه الله ،،،
هات القلم والله عليه المعونه = نبي نسجل كلمتين بترتيب أبيات عندي بالضمير مخزونه = لهن على مثل الفريحي مضاريب الناس دايم بالصخا يذكرونه = وأنا أبا أقول انه قليل العذاريب أنا عرفت وشفت لا تاصفونه = وصفه مثل هداح شيخ المشاريب ما راح وراده تقارع شنونه = بالقيظ والكنه وحر اللواهيب لو زادو العربان ما يشحنونه = ما هو برسٍ ما يسر الدغاليب هو منوة اللي بالقصا ينحرونه = يذبح لهم كبشٍ كبير اللغابيب ما هو ملقيهم ترايب متونه = أول كلامه للضيوف التراحيب وصفت وصفه والعرب يفهمونه = ما يختفي مثله عن البال ويغيب البيرق البين بوصفه ولونه = عن الرياض ليا مشيتوا بتغريب الشامخ اللي كل ما يمدحونه = يزيد من طيبه ولا به ذواريب ليا عطى ما يمنعنه ظنونه = ضاري على الجزله حصان الأطاليب دايم وعصمان الشوارب يجونه = باللازمه تنصاه كل المواجيب كم واحدٍ قالوا ثنا الرجل دونه = بالقول والا ما نصيناه بمصيب لعل بيته ما تهدم ركونه = بيتٍ يزورونه جماعه وأجانيب ييت الشجاعه والكرم والمرونه = مبني على شيمه وقيمه وتأديب بيت الفريحي والفريحي زبونه = يستاهله خيال حرش العراقيب غصبٍ علو الحساد لو ما يبونه = خيال قطعان ترك المفاريب خيال شعلٍ فنهن من فنونه = وصفر ومجاهيمٍ سواة الغرابيب ووضحٍ مثل لون البرد من مزونه = بناتهن مثل البطاط المحاديب ليا شافن الرعي وسمعن لحونه = تلافتن يمه وجنه جناديب خصٍ به الصفرا التلاد النمونه = اللي وبرهن لون روس الكلاليب صفر دباسيات لون وليونه = أرداهن اللي ترتكي للمحاديب حمر سواعدهن سوات السعونه = مثل البريسم لينات ومراطيب ليا شافهن راع الولع زاد كونه = ما دوجن بالسوق عند الجلاليب والله ما ألومه لو تبعهن بشونه = يمشي على الرجلين وإلا على الجيب المال يصلح مع رجالٍ تصونه = والبس ما يشره على حقة الذيب ومن طاح عند الناس ما يرحمونه = ما يرحم الا عالم السر والغيب الواحد اللي ما ينامن عيونه = دايم على خلقه عيونه مراقيب ليا عطى يعطي ولا يمنعونه = ما يمنعه حساد والا معازيب والناس لو مدوا عطاهم مهونه = مثل الشراب اللي بوسطه غثاريب ومن لا يعز النفس بقعاء تخونه = عسى عليه تصك عوج المخاليب لو كان يضحك من طوارف سنونه = يلحس ولا يلحس ولا له مقاضيب ما ينعرف وش صحوته من جنونه = لعل ماله عند ربه مطاليب خطوا البليد اللي كبارٍ ثفونه = يشره ولا شره ولا ينكر العيب بالهرج كل الناس ما يلحقونه = يحتاج هند بريك يمسك وتوضيب متطلقه سبايكه من شطونه = من كثر ما يودي من الهرج ويجيب هميصعيٍ بس يسحب ردونه = حمر عيونه كنهن المشاهيب تم الكلام اللي على حرف نونه = لأبو محمد جاهزات المكاتيب من شان ناسٍ ما تبيه مغبونه = يحتر منها راعي الكبر والريب الحاسد اللي فيه بغض وخشونه = وراه يبغض راعي الفعل والطيب الناس راع الطيب ما ينكرونه = ما ينكر المعروف غير العصاليب ما ينكر المعروف غير الزنونه = حشارة المجلس حمير المشاعيب اللي بهم من كل عيب لدونه = كحوف الرجال قريبين المحاضيب والكامل الله والعرب يطلبونه = سبحان من خلقه صنوف وتعاجيب الشاعر / عبدالعزيز بن حمود أبالعون ،،،، رحمه الله |
[’][ أستغفر الله وأتوب ][’]
يا منيف قم عطني عباتي وثوبي = تراي للديره مسير ومنعوب غصبٍ عليك ولاتعرض أسلوبي = ما مرت به يافي وشاربك مقضوب وأركب على اللي جاهزٍ للركوبي = توه من المصنع مصمم ومصبوب جمسٍ يخم الخط مثل الهبوبي = مني لابن شايع منجب ومنجوب وسلم على زين السجايا العجوبي = الوافي اللي ما لقوا فيه عذروب راع النقيلي ما لقى به عيوبي = يتعب ليا دور مناقيب وعيوب سلامٍ احلى من حليب الحلوبي = واصفى من السلسال واحلى من الذوب ذوب العسل مافيهحتى الكعوبي = الصافي اللي من مجانيه مسحوب يا احلى من البارد لكبد الشروبي = اللي على فاقه يشفه من الكوب وتراك يا نايف تمون وتنوبي = ان صرت طالب حق وان صرت مطلوب اهرج ليا جيته بصوبه وصوبي = هرجة صداقه ما بها شذب عرقوب وانا ليا ضاقت عليك الدروبي = والله لا اسوي لك مساليك ودروب يابو محمد ماش غير اللعوبي = وهروجنا هذي تماثيل ولعوب وانا حسبتك من حساب الحروبي = ولا فيه فاصل بين قصمان وحروب اللي شمالٍ عنك واللي جنوبي = جاهم مطرها مار ما بلت الثوب مزحت مزحه ولا عليه ذنوبي = ولا فيه ذنب أستغفر الله واتوب وهذي طبوعي لو تشقق جنوبي = والعبد ما صبه مقدر ومكتوب اقنع ترى قلبي صخيف وحطوبي = وانا اهرج من جد ما هو بمقلوب ما ازتاد من مابي وزايد شبوبي = والغاز كنه في حشا الكبد مشبوب في جاه علام الخفا والغيوبي = اللي عقل يوسف على ابوه يعقوب ابيك تداعبني وتقبل دعوبي = والهرج ما يوكل ولا هوب مشروب تمت وانا بالهرج ماني كذوبي = عساك ماهما رحت بالخير مصحوب ماني بمن يركب حصان الوهوبي = واردها للي عرفني على الدوب والسب ما ني للجماعه سبوبي = لا مادحٍ خايب ولا اسب مسبوب اما على الطيب تفيض غروبي = ليا صار ما به مثل ما قيل شاذوب اللي مثل شرواك رجل محسوبي = يستاهل التمجيد والمدح بأسلوب واف الخصايل والحبيب محبوبي = ومن حبه الله قالوا الناس محبوب الشاعر / عبــــــدالعزيز حمـــــود أبالعـــــون رحمه الله |
[’][ شيخة القصيد ][’]
يامنيف قلببي كل ماهود الليل = تفتح عليه فجوج يقعا نفقها مليت من موجست يامنيف بالحيل = وصبرت لين الهم حالي سرقها صبر المعيد اللي تسج المحاحيل = علق عليها رشاه صفقٍ صفقها علق عليها رشاه صفق الرجاجيل = خلا شحمها ينتثر مع عرقها ياراكب اللي ليا مشى كنه السيل = جمسٍ يوسع مهجتي عن ضيقها نبي نزور اللي عليهم مغاليل = ذيك الوجيه اللي ينومس رفقها دار الرجال الطيبين المشاكيل = وننحاش عن دارٍ تهاوش سلقها ننحاش عن دارٍ بها القول والقيل = ياوي ديره مار ربي محقها نزور أبو منصور ريف المقابيل = صباب سمن الضان على درقها بصنيةٍ فيها ثلاثٍ من الحيل = ماتشال لولا أنه قويٍٍ حلقها في مجلسه تسمع ضريس الفناجيل = في يد صبيٍ حمسته ماحرقها المجلس اللي ماتجيه الدعابيل = غير الرجال اللي تتعب طرقها العود يمشي بينهم والتعاليل = وسوالفٍ ما شابها اللي شدقها شوق الهنوف اللي تجيب المحاصيل = عقول الرجال تجيبها من عمقها ماهي من اللي طيبهن بالدحاميل = سبحان من سوِى نباها وخلقها اللي حلاياها قليله مع الجبل = شجرةٍ عسى الله مايفرق ورقها بنت الرحال متيهين المخاليل = السربه اللي تستريح بشنقها عسى وطنهم للمزون المضاليل = غر الخشوم اللي يلهله شفقها لين الرفيعه تتقي فالهماليل = تاخذ ثلاث شهور يمشي سحقها من بيينهم ماتروح حتى المراسيل = تفجر القرنه وباقي خنقها يروح واديها متل شاطي النيل = الديره اللي من عرفها عشقها خيرٍ بليا شر حكمه وتنزيل = في جاه من شق البحور وفرقها مدهال عجفات الظهور الإباهيل = غبوقة الخطار برصٍ شققها وأيضا بها للجار شيمه وتدليل = على دلال الجار ما احدٍٍ سبقها قصيرهم مارح يشكي البهاذيل = ولا شفق من الغربه وتالي رهقها هم الرجال ولا عليهم مداخيل = البندق اللي ماتعض بفشقها ثبتان ليا ركبوا على الحيل والخيل = مع بيرقٍ كل البيارق فهقها على سروج الخيل مثل المهابيل = والا سكاررانٍ تزايد فسقها يتلون ابو ماجد بعيد المناويل = شيخٍ له الشيخان ترمي علقها هو الأمير وخل عنك الطهابيل = إما خذاها طيب وإلا وسقها وجيه جاه وبالمهمات حلحيل = وذكره بعد صم الجبال اخترقها ياويل برقا وروق عقبه ليا شيل = ويا ويل من له قالةٍ مالحقها ماهو من اللي شيخته بس تظليل = ونفسه على ماله تزايد شبقها ولا أخص فيهم مار أنا اقول تمثيل = واللي مشكك بي على مطرقها ماقلتها بشيوخهم نوع تهزيل = ولاني طباخ الفاس يبا مرقها شيوخهم ماتلحق بالمفاعيل = مار ان أبو ماجد سبايب غرقها طلع عليهم طلعة البدر وسهيل = على النجوم اللي كثيرٍ دبقها ولا يختفي بدر الدجا يابن منديل = ولا تختفي شمسٍ تبين شرقها الشاعر/ عبــــــــد العــــــزيز حمود أبالــــــعون رحمه الله |
الساعة الآن 01:40 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
