ديوان كسرات الشاعر (عماد القرافي)
السلام عليكم ورحمه الله وبركاااته
اول مشاركه لي بمنتدى الكسرااات علها ترضي اذواقكم...
دمعات عينه لها لمعه = تبرق في عيني سواة الدمع هو ظن انا حابس الدمعه = ما يدري اني عكست اللمع ودمتم بخـــــــــــــــــــــــير |
كم ودي اقرى حديث النفس = واشوف وش نضرتك فيني اما رفست المحبه رفس = ولا حضنتك بيديني |
ضلي زهق من وقوفي وقال = وش فيك متجمد وش فيك اما يتغير هذا الحال = ولا تراني ابا خليك |
مهو زماني زماني راح = اليوم كثروا الاغرابي زماني لا من بغيت ارتاح = ارتاح غصب ٍعن اتعابي |
ملت يديني من التكويع = واثارها يشهده مركاي وانا اتحرى يجيني مطيع = واقول بكره يعوّد جاي |
ثلاث باحضانهم يبكي = سبابتي واصبع ابهامي والوسطى دايم عليه يتكي = لاقام يحكي عن الامي |
اخاف من قربه وبعده = والخوف الاسباب مجهولة لمحت برق وسكن رعده = للحين متحري هطوله |
خلاص يا حبّيبي ما عاد = القلب ما عاد متحمل الوقت زاده اذى واجهاد = وانت مع الوقت متجمل |
اجيك يا هيه متودد = كلي امل واحترام وفال وارجع بضيقي ومتنكد = بخيبه وكسره وعكس الحال |
الله محلا هذيك البنت = اللي نتشفق دمعتها كل الخلايق انا حتى انت = نستبشر بيوم طلعتها |
اموت واحيا ما بين الناس = ولحدٍ من الناس داريبي واضل اكابر انا عالباس = حتى ولو طال تعذيبي |
البرد بي حرّك الساكن = نبّش لي اشياء منسيه ايام فيها الغلا ساكن = من حيث ما تطلع النيه |
روحه وجيّه ووقفه صمت = وتانيب دايم مع التفكير لو شفت كل الحلا ما همت = سبه عديم اعدم التصوير |
كم لي وكم لي وكم لي كم = اعطيه ودي وهو سماع لا هو بصمٍ ولا ابكم = لكنه حبيّبي طماع |
اكبر فشل لاجعلت السـاس=حب(ن) ومن فوقه احساسك لاضاع حبك يضيع احساس=ويضيع حتى معـه ساسـك |
ابك الشقى في عيوني بان = كل من لمحني نشد وش فيك تعبان ومعانق الكتمان = والله ذا اكبر سبب يكفيك |
دقات قلبي وخفقاته = تنبيني عن علهٍ فيني قامت تزايد ضرباته = من يوم شفته بطرف عيني |
قربك يزيد الوله فيني = والبعد يجلب عليّ ضنون لو يوم واحد تخليني = أخاف بعده أجي مجنون |
روّحت يمه وعني صد = الهقوة انه يحييني ناديت له ثم بعدها رد = ببرود جمّد شراييني |
سنه تعدت افكر فيك = شكل السنه ذي شقيقتها ما بي الليالي كذا ترويك = قصة وجاهل بدايتها |
فراغ وحب ومرض وجنون = وضيقة وهم وعنا اعصابي تجمعت كل هموم الكون =و تفرقوا عني احبابي عز الله ان الحياة ديون = ضحكت وأثره على حساابي |
روّحت له ليتني ما رحت = كنت احسب بروحتي راحه جيته مكابر وعنده طحت = من بعدها زادت رماحه |
خفقات بالقلب تذبحني = مليون مره قبل لا اجيه وان جيت عنده تريحني = من يوم يضحك وانا احاكيه |
تعبت من حبكم وامسيت = ما بين شاري ومتخلي وان كان يا صاحبي قفيت = حلفت ما تلمحه ضلي |
اقول مدري وش اباقول = بس الوكاد ابقلك شي شي ٍبوسط الضمير يجول = وعيا معاي الحكي يمشي |
صديت عنه قبل لا يصد = من خوف لا اتفاجأ بصده لجله يتعامل معي بالضد = عساه يمشي على ضده |
الحب مدخاله العينين = وبلوى كبيره على المسكن وبمخرجه تستمر سنين = اسنين هذا اذا امكن |
طعم المحبه بدايتها = انتاج صادق من القلبين وان قرّبت من نهايتها =تلقى الخساره على الشارين |
عز الله انه بعد حبك = تجرد الذات من عزه عزمت من بعدها اكبك = من شان ما شي يجي يهزه |
اخذتني يالهوى عاقل = موزونه اقوالي وافعالي ورديتني يالهوى جاهل = للناس مقلوبه احوالي |
لا شفتها زادت الآلام = عزم وسافر جهة قبله اتشوف بيت نصوه اقوام = الكل عنده طرح حمله |
ياليت مخي اتحكم فيه = او امتلك سلطه بقلبي كان بدقيقه حبيبي انفيه = من داخلي وانحره حبي |
اسمٍ موحد وله افعال = حتى الضلاعين اخلفها ذاك ((الهوى ))والهوى مازال = يبري الخلايق ويسخفها |
الروح بالحيل مكتربه = من خل بالخير ماجاني مهموم من بعده وقربه = كل حالٍ العن من الثاني |
ليه الحلو يارفيقي صعب = وان جا سهاله عنى قافيه واضن ما ضاع نصف الشعب = الا يدور صفى غاليه |
نضره امل دوبها قامت = مستبشره في بدايتها عن فالها الاولي شامت = يا الله تقوي عزيمتها |
النضره اللي بها شكه = تنعاد تالي تبي ترتاح لكنها جاتني بضكه = مع جرحٍ بداخلي ما راح |
خذها نصيحه يا زين الزين = لا كنت ناوي على ذنبك وضي وصل ركعتين اثنين = الله يثبت بها قلبك |
كل مابغيت اصبح الامثل = بعيون خلي اجيب العيد مجمل كلامي معه يختل = ولا قلت جمله معاه تفيد |
اصدق معي لا تخليني = يغلبني الشك وضنونه يمين احبك وداريني = هذا الهوى وهذه جنونه |
الساعة الآن 02:32 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir