|
ديوان مراسلات شعراء الملتقى (فن النظم )
|
بدع الشاعر / خالد بن عبيد بن معتوق ألأحمدي
فهد العواضه صاحبي طيب الساس=رجـال حملـه مايميّـل متـونـه /برسل عليه القاف في سرعة الماس=وبدعـي ورده بالعـرب يذكرونـه يافهد مثلي ماعرف لحظـة اليـاس=داس الخطر واعـداه مايرعبونـه وابو بكر سالم يداعب له احسـاس=ساعة يغني للعنـب فـي غصونـه سالك طريقه خطوتـه دوم بقيـاس=مايشتقي فـي نـاس يستعبطونـه ومايندم اللي يعمل الطيب فالنـاس=حتى ولـو هـم يافهـد يجحدونـه وكان السكارا تظرب الكاس بالكاس=لابدهـا تلقـى عواقـب مهـونـه يظهر لكم طيبه من النـاس بـلاّس=والغيض وسط القلـب ماتكشفونـه واعرف عن الانذال نكدين وانجاس=عدوهـم فـالاسـر مايرحمـونـه وطبع الشجاع الشهم له فعل نوماس=في ماسره يلقى اسيـره مصونـه ماينتهك عرض ٍ ولاهـو بمقّـاس=ويعفي عن اللي بالتهـم يقذفونـه كلاً يشوفه يافهـد شامـخ الـراس=ويمكـن عـداه بغيبتـه يمدحونـه وانته قريت العلم في وسط كـراس=رجـال عقلـه مايكـذّب عيـونـه حكم العرب هل كان منصف لجسّاس=ولاّ غـرور كليـب هـم ينكرونـه / / / رد الشاعر / فهد عواضه المخلفي
حي الكلام اللي على الشعر نبراس=ماجهلـه والعريـف مايجهلـونـه هز الهجوس وفاض بالحق هوجاس=والحق طلقيـن اللحـى يعرفونـه القرم يبحل كل شـاذب وهـلاس=وردي المجاني ماتنومـس متونـه حده ردى باسه على درب الاتعاس=وقلبه من العريف زادت شطونـه ولايلحق اللي مثلك الضيم والبـاس=دامه كذا اقصـي جـدا يقدرونـه يسلك طريقه وان سطا كل بـلاس=يقطـع طريقـه ماجنـا الامهونـه ينداس لو مايقتنـع ليـن ينـداس=لاشك بان الـذل يعـرف زبونـه وقرناس مايبخص به اكود قرناس=رخم الطيور تمـوت مايبخصونـه والناس قد قال المثل فرق واجناس=كلـن علـى ليـلاه غنـا لحونـه وذ شلقه الرديان في كـل متـراس=والشر مابيـن العـرب يولعونـه لاثارت الهيجاء ودقـن الاجـراس=ماضنتـي ميقافـهـم يحتمـونـه بضرب مثل وخذه بميزان وقيـاس=ولاشـك بالعريـف يستنبطـونـه زند البسوس لموت جساس قبـاس=وموت الزناتي شغل سعدى بشونه |
السلام عليكم ورحمة الله وبركاته الأخوة الكرام الأفاضل النبلاء هذا المشتكى يعتبر ضمن فن المراسلة بين الشعراء وقد وجهت هذه القصيدة ( فواز الزويهري ) إلى أخي الغالي ( الشاعر / قابل البشري ) وكان منهو هذا الرد الجميل وإليكم القصيدة وردها أرجو أن تنال استحسانكم ورضاكم
سلام طيب صافي النبع جياش=من هاجس (ن) يحكم معانيه ماضي .................................................. .فيه الوفى مزن (ن)من الجود رشاش=سيله سقا الوادي وروَى الحياضي يامل قلب (ن) هاجر الود ... لاعاش=من كان وده بحره اليوم غاضي عقب الفرح عامر وزين اللقا باش=ونبت الخزاما في جميع الرياضي والقلب مربع وأخضر العود عراش=فيه الثمر مايل له القلب هاضي حروة جناه أقبل من الناس غشاش=قطع عروقه وتل غصن (ن) غضاضي من بعدها قلبي من الطيب ما ناش=عذبه من الحنضل وزاده شياضي حتى تساوى كامل الزين بالاش=ومحال يلقى فالوليف اعتياضي اسمه على قلبي تباديع نقاش=ماظن يصبح وده اليوم ماضي ابعث لك المرسول ولفصلك اعطاش=وأنت لنا فالود يالشهم قاضي الرد من الشاعر قابل البشري
يامرحبا بالشاعر اللي لنا جاش=عداد براقٍ على المزن ناضي ولكم خااالص التقديرصبت هماليله مطر ماهو رشاش=أسقى الديار بوابله يوم فاضي جتنا مناديبك واخذ سلمنا كاش=ياللي شكيت طوالها والعراضي تحالفوا ضدك زمانك والاوباش=ومن جورهم ضاقت عليك الأراضي إن كان ترجي للأمل طب وانعاش=يلبس سواد الحزن نوروبياضي عيد النظر لعل تحيا وتعتاش=ويسري دواها فالعروق المراضي وان كان راح الود عساه (ماقاش)=محسوب غلق عمره الافتراضي ومن لايودك عن صواديفه انحاش=وارضى سعد من بالمقاسيم راضي لاترتجي ودٍ كما طاش ماطاش=انساه لايشقيك مليان فاضي ريّح ضميرك لو رست بك على ماش=في وصل ولاّصد خلك رياضي |
من هجوسٍ تجبر المعنى اجباري=ودي اخذلي مع الطاروق سيره
ياهل المقناص طاريلي طواري=واتحدث حول رحلتنا الاخيره وانشد العملاق زيزوم المساري=ريس الحمله ولازم نستشيره يوم سافرنا مع الارض الصحاري=مع نفودٍ بين لينه والزبيره وش عطيت الشاص والجيب السفاري=يوم نحداهن على الطرق العسيره والطعوس اللي مثل وصف الكباري=من طلع راس الطويل ومن يديره منهو اللي يدحمه تقل انتحاري=ومنهو اللي يعترض ويصر قيره يالزغيبي لاتميل ولاتداري=الحكم يعدل ولايظلم ضميره والله اني ماتنازل للسفاري=وصورة (الباشق) على برقع اسبيره ون نطحته شفت في وجهه مواري= تقل وجه داشرٍاًً مافيه غيره ولآعترض زوله تقل عامل مجاري =شايل العده وناصيله حفيره ماينافس الهطف شهب الظواري= عارفينه لاسلاح ولاذخيره مستواه من الدوام الى الحواري= مثل ماقال(ام زيدي بم ديره)
مفلح الرقابي الوسيدي=
كان المقصود بالسفاري موتر (جيب) الشاعر الكبير الهاب بن عوض الوسيدي
من هجوسٍ كنها البنك التجاري=لاطرا محرافها ماتستعيره
لو هدفها منطقٍ ماهو حضاري=ماتخليني ليا شاء الله بحيره يالهاب الوضع مهو بختياري=الرقابي زلهته عندي كبيره ريف من جابنهم قطم السماري=كل واحد محفيٍٍ عقبه بعيره لنشاما والعشاء عنده محاري=ماهو اللي دوم في ربعة قصيره دون لنقص بالنظير وبالمباري=عن حسبهم ازبن الله واستجيره يوم صار العلم له كاتب وقاري=تحت نور الشمس في عز الظهيره الحقيقه جاك يامفلح قراري=بعد ساعه تسمعونه بالجزيره يعتبر تعميد تعميمٍ وزاري=وغير ربي ماعبدت ايلاه غيره فرق ممشانا مثل مرمى السواري=لاغطى راس الهدف نصف الشعيره خص في عرقين وعرات ومذاري=حولهن مايهد راع الطير طيره شفت شئ واقعه بين جهاري=السفاري كشخت الناس الفقيره بالنفود تسحبه خجم اللواري=ان عرف له مصنعه حطه صغيره ان زعل راعيه من حقه يجاري=وان تركنا لا ملام ولامعيره ان وقف من فوقه التيار عاري= ونجلس وافلح بها ماهي كثيره الفخر للي على الجوده يماري=وارد مشهور يفخر به خبيره وارد الفكس آر مامون البراري=مركب اللي جايب بشته وزيره ماشيٍ بمهمةٍ فيها اضطراري=كنه اللي هد من ماكر وعيره وامتناني لنشاما واعتذاري=للامور مداعبه وإلها سريره
غازي بن مغيران الزغيبي=
من هجوسٍ مثل قوات الطـواري=تقتحم معنى راع الشاص و شويـره
يالزغيبي بـان للميلـه مـواري=والعلوم اللي سمعناهـا خطيـره وانت ماحطك محكم واستشـاري=غير رجالٍ يعرف انـك خشيـره مير تحكيمك من الانصاف عـاري=والحقيقه غلطتك ماهـي صغيـره تمدح الفكس ار في صوتٍ جهاري=مادريت ان السفاري هو نظيـره انشد اللي بايعٍ فيهـن وشـاري=وعارف عشاقهن في كـل ديـره ماشريته مقصدي قل المصـاري=ابك انا في خير وفلوسي كثيـره مير هذا هو مزاجـي واختيـاري=عاشقه عشق الهواوي للعشيـره والقنوص مدورة برق الحبـاري=حطو النسيـان قائـد للمسيـره يوم راع الشاص قصاص الاثاري=للسلق والعفـش ماكلـف بغيـره واحمد الله بانت الحجـه جبـاري=الزغيبي ماذكر للشـاص سيـره مير انا ساكت وحاذفهـا يسـاري=مابغيت اطور الموقـف واثيـره لين شفت غليص يشهد مع مكاري=ويجر الذمه عليـه بربـع ليـره ويوم سبو موتري يابا الثـواري=الطـم الشاوي و لاتلطـم بعيـره جاك ياالعملاق مـردود اعتبـاري=واعذروني صار عندي نوع غيره
الهاب بن عوض الوسيدي=
[/QUOTE] |
هذي قصيدة مرسله من الشاعر الكبير حمود العرافه الى منصور الغيداني
يامرحبا ترحيبتن تشـرح البـال=بالصاحب اللي له معزه وتقديـر عـداد ماهلـت هماليـل همـال= ترحيبن احلى من حليب المغاتير ومن بعدها نبدى بترتيب الأمثـال= ونجيب صرفن مثل نقد الدنانيـر نختار زينات المعانـي والأقـوال=وحقن علي اصخر القاف تصخير واحط لي رايه على راس ماطال=واقـول والله ماتجـوز المعاذيـر لازم نبين فعـل وافيـن الأفعـال=اللي لامنه ثار عـج ومعاصيـر ياقف بميقافن يعدي عـن الجـال= ويضحك حجاجه لا لفوه المسايير والله ماقولـه منافـق ومحـتـال= ياطيب السمعـه وواف الأشابيـر منصور ابن صالح من الجد للخال=عريب جد ولايحسب المخاسيـر عديت كلمة حق والحـق ينقـال=والمعذر اليا حصل فيـه تقصيـر وهذا رد منصور الغيداني
يالله يامنـزل تبـارك والانفـال=على النبّي ويذكر الناس تذكيـر ياخالقن هالكون في ستت اليـال=يارازق الانسان يارازق الطيـر ماتفيدنا الشهرة ولا ينفـع المـال=ويحاسب الانسان في كل تقصيـر والناس عريانه ولا يوجد انعـال=على اللذي مكتوب جايه طوابيـر ياويل من ياخذ كتابـه بالشمـال=ماقدمه الا النار وبرد الزمهريـر اللي يروح يمين حظه ترا عـال=قدامه الجنات خضـر ونواويـر يارب ساعدنا على الحظ لامـال=يالله انا طالبـك ماريـد تأخيـر الحمد لله جات الابيـات تنهـال=حي الكلام اللي يبشر تبـا شيـر ياحمود لك تقدير لك عز وجـلال=تستاهلون الطيب يافاعل الخيـر انته حفيد اللي بذكرة ولا زال=ياذبحين الحيل ياناحر بعير ياما تمنا الضيف في تالي ليال=امن الكرم ياما تمنا المسيير يامرحبا من قلب ماهوب تمثـال=اعداد مايطري على البال تفكيـر عد الشجر ويا الحجر عد الارمال=واعداد حجاجـن تلبـي بتكبيـر ياحمود يفدونك ترا كـل الانـذال=واسمح لنا لاصار فالهرج تقصير اقدم الشكر على كـل الاحـوال=للمنتدى مخصوص فكرة وتصوير يستاهلون المدح لاشـك لاجـدال=على العموم واصلـه للجماهيـر ولكل غيداني على الراس والبال=نعمٍ بهم ينقـال تكريـر تكريـر ملاحضه هامه البيوت الثلاثه الاخيرة موجهه الى منتدى الغيادين لن القصيدة جات مرسله عن طريق المنتدى وتمنا ان تحوز على رضاكم |
حسين مريع العبيدي
سلام مني وانا حربي واسطر زين الامـثال=من هاجس يوم فكر وانتقا زين المـــــــعاني سلام صافي مصفا مثل وبل الغـيث هـــمال=يشدا لذوب العسل مجناه من روس المجاني ينصى لحرب النشاما كلـهم رجـــال رجــال=ارسل سلامي لهم ويعمهم قاصي ودانـــــي وكل من قال اناسعودي سلامي له على البال=وكل منه قرى واللي سمعـها بالاذانــــــــي ياحرب ياهل المكارم والوفا في كـل منــوال=اخذتم المجد بالافعال ماهو بالتمـــــانــــــي ياحرب ياهل المواقيف الشريفه قول وافـعال=الربعه اللي صقور ولا يجي فيهم هدانــــي لا شفت لك نار في سود الليالي تشعل اشـعال=تراه شبابها حـــربي وخذها بالضمـا نـــي انصاوتلقى الكرامه والشحم والـهيل في دلال=وتلقى علوم الرجال اللي تسر المودمانـــي وميقافهم مع حكومتهم نـقا ماهــو تمـــــحيال=هذي هي سيرة الحربي ولو جار الزمانــي وكل القبايل تراهم مثلنا في كـل الا حـــــوال=انعم بكل القبايل ماتبي نقص الوزانــــــــي ياحرب قولواهلا يابن سعود اقفـاي واقبــــال=الحاكـم اللي عدل فينا وخلانا خوانـــــــــي تحيـه لك ياعبـــــدالله ولـخوانك والانجـــــال=مقرونة بالولا والحب مافيـــها مثـــانــــــي نفديك ياحكمنا بارواحـنا بالحـــــال والمــــال=الله يديمك علينـــا مايجينا حكــــم ثانــــــي اخذت عهد الجدود وعهدنا مـحفوظ مــــازال=لومال غصن الهوى ماميل دايم في مـكاني والله مــــــــاقلتها نفقه ولا هــو قول محتــــال=اللي يضمه صميم القلب يبديــه اللسانــــي وان قلت حربي فاناحربي عريب الجدوالخال=انا العبيدي وكل اللي عنا حرب يعنانـــــي واد الفرع ديرتي دار الكرام ولا بهـــــا انــذال=والعون بالله وبال اسعود عززنا المبانــي الرد من الشاكر أبو سامي
ترحيب مني وانا حربي وارد ريال بريال = وانقى المعاني كما ينقى من الذود السماني ترحيب مثل الذهب غالي على دورات الأجيال = العشر تسوى مية والله ماترجع ثماني ينصى حسين العبيدي عندنا له فال وعقال = ينصاه في مجلسٍ فيه الرجاجيل الذهاني ويعم كل الحروب رجالهم حاضر ورحال = وايضا شبابه وخنذف من طريف الى المحاني ياحرب ياهل الثلاث البيض فعل يعد ويقال = تعفون بالمقدره واجر الحساني بالحساني افعالكم في قديمات العصور جلال وجزال = عدوكم ما تدرك قلبه ضلوعٍ حواني فيكم شيوخ وقبايل كل شيخ بذكره لحال = اشهر من الجدي والمريخ وسهيل اليماني من حد جيزان لاحد القصيم يمين وشمال = ومن بحر جده لياحد النخيل الى معاني وكل القبايل ونعم ونعم مافيهم تمهزال = اهل الجزيره قبايل ما تحب المغلطاني في ضل حكم السعودي محتمين الدار والجال = اهل السيوف الرهاف مطوعين لكل جاني الله عسى عزهم يبقى سنين سمان وطوال = دايم وكل العباد تشير اليهم بالبناني ويا الله تسلّم لنا عبد الله اللي رد الاثقال = عنا ورد الحمول المثقله والإمتحاني وقفل طريق الخطر عن السعوديه بالاقفال = وجلب لنا الخير بامر الله مع كل المواني قلته وانا الشاكر العوفي ولا في العلم مدخال = من فيض فكري ولا قاله فلان ولا فلاني قلت الحقيقه واسلم في يد اهل العرف معدال = على كلامي واكمل بالوجوب اللي نصاني جاريت شيخ عريب في النسب للطيبه نال = قلت الحقيقه معبر لا ارتجيه ولا رجاني ثم اسمحوا لي لكان اخطيت والاّ قافنا طال = العلم ما ينتهي والعمر ياالاجواد فاني واختم كلامي بذكر الله عدد ما هُلل اهلال = واعداد ما فيه من خيرات في خضر الجناني وصلوا معي عد ما يمطر خيال و وادي سال = على النبي الذي له عند كل الناس شأني |
البدع كان من فايز ال محيسن المعبدي الحربي
سلام منـي مثـل برقـاً نخيلـه=الياء ارتدم مزنه وحنـا رجينـاه وجتنا به ارياحه تسوق الثقيلـه=وركز على الديره وهلّ المزن ماه ومن بعدها جتنا تباشيـر سيلـه=والأرض مخضره ومن قبل مسقاه من نو قبل أسبوع جانـا مثيلـه=واليوم زاد الخير عدل الذي جـاه وهذا تحيه منـي ماهـي قليلـه=تضفي لبوخالد ونعميـن مبـداه وتكفى يابوخالد ياراعي الجزيله=قلبي غدابه ود والـود ماقسـاه كل يوم يبكي ويشتكي من عميله=لاهو قطع عرقه ولا سكـت الآه يقرب ويبعد ولا عرفنا حصيلـه=كنه سراب وقلبي الشوق أضماه نطرد ولا نلحق دروبـه طويلـه=وياما نصحت القلب وياما نهيناه لاكنه عيا يستمـع فـي خليلـه=يبغاه رغم اللي حصل منه يبغـاه نبغا الإفاده منك وهات الوسيلـه=ياكيف نصبر عنه وياكيف ننساه الرد كان من الشاعر والاستاذ ( عبدالله بن عتيق الحنيني الحربي )
يامرحبـا بــك فــرض مـاهـو نفيـلـه=يا شاعرن يبني علـى الجـزل معنـاه ينـضـم عـقـود المـفـردات الجلـيـلـه=جـواهــر عـقــودن تـــلا لا مــــلالاه اسنـد علـي الـقـاف بـقـرب وسيـلـه=فـي ملتقـى حــرب العـزيـزه قريـنـاه والله يجمـلـنـا مـــع اهـــل الجمـيـلـه=والعيب عيب الذخـر بـا اللـي تـوراه انعـت نعـت حـروت هــواك ودليـلـه=حـتــى نـتـوجـاه للـبـيـوت المـبـنـاه همـن يشـال ابـشـر بقـرمـن يشيـلـه=لا تشـيـل هـــم الـكـايـده والمـعـانـاه نكـفـيـك تكـلـفـت الـهـمـوم الثقـيـلـه=وزنـدن يسـرك فـي لزومـك قدحـنـاه ان كان لك قسم وهـواء بـا الجميلـه=يامعـبـدي نـبـذلـك الـجـهـد والـجــاه والــي ماتقـسـم كـايــده مستحـيـلـه=انصحك لا عاضب هوا الولف تنساه والا تـحـيـزم لـلــف لـيـلــه ولـيـلــه=وجزم على رجـم العشاشيـق ورقـاه عـلـى هــواك انـكـان مافـيـك حيـلـه=من روس قـوم ومـن رجـال مسمـاه |
الضيقه اللي يانـداء تحتوينـي=ماهي وليدة لحظه وهم ساعـه الشاعر علي هليل الحصنيلوانها ساعـات هانـت بعينـي=كافحتها باسلوب كنـز القناعـه لكنها فـي كـل حـزه تجينـي=وميل الدهر مالي عليه استطاعه تجوالها بالـروح بيـح كنينـي=ولا ودي ابديها لكـل الجماعـه لولاي بالمسحوب ولا الهجينـي=غنيتهـا لمثمنيـن البضـاعـه يمكن تضيع اسرارها من يدينـي=واصير ضمن مضيعين الوداعـه احيان اقول اخفيه بيني وبينـي=واحيان اقول اياه وايا الشجاعـه همٍ على سـم الهـلاك يحدينـي=يضيق كل الكون رغم اتساعـه امنين ماوجهت بـه يحترينـي=عزي لمن تلوي همومه ذراعـه هذا الكلام اللي نقـاه المزينـي=من هاجسٍ ما انذاع في كل اذاعه عندك خبر يا مدلـه الغانمينـي=ما كل جرحٍ تكتشفـه الاشاعـه ما ودي الا اكسب جوابٍ ثمينـي=وانت الدرر في قنصها لك براعه
ياشاكي الضيقه وكثر الحنيني=الوضع غامض ماتبين شعاعه وهذا هو ردي على الشاعر علي هليلوش هو سبب همك عسى الله يعيني=نبحث عن علاجٍ قوي المناعه من شان نصرف لك علاجٍ يقيني=لدمك وضغطه والسبب في ارتفاعه ماادري؟وقعت بسيرة العاشقيني=ومعشوقتك تأبا وفيها قطاعه وامسا سهرعينك مثل سهر عيني=وقلبك شراء هذا وهذاك باعه والا سبب مابك ظروف السنيني=متقلبه بين الرغد والمجاعه تقسى على جانب وجانب تليني=لكن ساير حال وقتك وراعه اصبر على ظروف الزمان وتزيني=الصبر زين وقو نفس وبتاعه وان كان ماهي من حدى الحالتيني=يدري وش الملتاع سر التياعه هذا وانا خابرك رجلٍ فطيني=والرجل مايسبق هجومه دفاعه وانا اللذي فيما تريده رهيني=نصبر على وقتك وننطح سباعه اطلب تجد مايسعدك يالمزيني=وامر وانا ابى اقول سمعٍ وطاعه حالي وما تملك شمال ويميني=ينهي مدى همك ويقصر نزاعه |
الى عبدالله بن عتيق
البدع من غالي بن ربيعان الحربي
هات القلم قدام لايسـري الليـل=هات القلم هاتـه وعجـل عليـه بكتب وبرسل لي حروف ومراسيل=لعـل ماتكتـب عليهـا خطـيـه لإبن عتيق اللي يحـب التعاليـل=عبدالله اللي كـل راسـه حميـه حربي ومن نسل الرجال المشاكيل=اهل الوجيـه الغانمـه والوفيـه تاجر ومتعود لكسب المحاصيـل=يكسب براس المال ميـه بميـه مبعدعن الرديان والقـال والقيـل=واهل الطرب والعود والسمسميـه متعودً دايـم لشـرب الفناجيـل=كيفـه مـن البـراد والشاذليـه فارس ومن ركابت الجيش والخيل=وانا بعد مثله عزومـي قويـه مرتاح بالي لين اشوف المداهيـل=واذكر زمانن فيه روحـه وجيـه يوم القمر يبرى له الجدي وسهيل=يقفي وانا مابيـن هـاذي وذيـه ماهمني عبيـد سمـح المقابيـل=راع العيون اللي تجيـب المنيـه روح ولاهي عادته بـارد الحيـل=ايديه كانـت ماتفـارق يـديـه مغير ادلـه خاطـري بالمواويـل=لاعاد لـه عنـدي ولاعـاد ليـه من سبته عيني تهـل الهماليـل=كيه يمين القلـب ويسـار كيـه ياصاحبي ذقت العنى والغرابيـل=الحب بلـوى والمشاعـر نديـه هذ الكلام وعادتـه بـارد الحيـل=يجازي الحسنه بعشريـن سيـه والرد كان من الشاعر القدير ((( عبدالله بن عتيق الحنيني الحربي )))
قريت خطـك يـا جزيـل التماثيـل=يامرحبـا حييـت والنـار حـيـه ياشاعرن ما فـي كلامـك مداخيـل=شرواك بيـن النـاس لـه قابليـه غالي على اسمك با الغلا ماش تاويل=من لابتن با المجـد ماهـي خفيـه اللي مثل شـرواك يستاهـل الهيـل=والعـود الازرق والشحـم مقدريـه قدر الكرام اللي علـى غيـر تبديـل=سلمـن عليـه جدودنـا الاولـيـه سلـم النشامـا واليالـي مقابـيـل=ولا عندنا في تركـت السلـم نيـه واللي مثل شرواك كيـف المعاميـل=كيفـه ولا يحتـاج منـي وصيـه وشكواك تخفاني خفايـا التفاصيـل=لو بان بعض املابسـات القضيـه تشكي غرام ام الرموش المضاليـل=بسهومها تشقـا العيـون الشقيـه الجادل اللي تدعج العين بـا الميـل=تجني على بعض النفـوس البريـه وحب العذارا علت العصـر والجيـل=وراع الهواء كم جـاذب السامريـه يشكي عذاب ام التـرف والخلاخيـل=من حبهـا قـد هـام باالمهمهيـه عقب الغـلا ذاق العنـا والبهاذيـل=ومـن الغـرام العـذب للمكرهيـه وكثرهـن اللـي للخطايـا محابيـل=والثلث منهن بـا الحـراوي نقيـه وحب الشرف مافيه يا القرم تاجيـل=وترا مهـر بنـت النشامـا عليـه ابختصر دعـواك مـا ودي اطيـل=وختامهـا منـي سـلام وتحـيـه |
الا يامهجرس من غثاء النت انا مليت
الا يامهجرس من غثاء النت انا مليت=ولولا رجالٍ مثل شرواك كبيته لامنك مدحت الطيب اللي صنع له صيت=ردي البخت يزعل لياشيدو صيته يجي مثل منجوم الضحى كنه الخرتيت=يحاسبك كنك مجرمٍ طامر بيته وانا يالشدادي مثل مانته بليت ابليت=بشخصٍ عكس سيده وجاء مطفيٍ ٍليته قليل بحقه كان سميته العفريت=امجمع عفاريت البشر مع عفاريته من اللي هواهم قبست النار بالكبريت=ودايم بجيبه ولع ناره وكبريته يعيد ليامنه على النار صب الزيت=لياشافها خفت سكب فوقها زيته مبوز تقل مسقاء من الصبر والحلتيت=قلاصٍ مزود حب صبره وحلتيته يابا الفيت ماغيره رياجيل يابا الفيت=ودايم وعنزه يامهجرس مخاويته وانا لو اعرفه مع هل الملتقى ماجيت=ومتصفحٍ به قاصر الشبح ماجيته لو الله بحقه مااذكر اني سبق واخطيت=ومن فضل ربي ايمن الدرب ماخطيته ولا مره المعروف في حضرته سويت=لاانه بغير اهله خطا كان سويته مالومك ليا منك عن الملتقى صديت=ليا شفت به من يدبل الكبد خليته ليا ضيقو صدرك دفوش البشر صكيت=بوجه الدفوش مودي العلم صكيته ولا لك بغرات العرب حيها والميت=ومن لااحترم حييه ماهو محترم ميته لكن السنافي منك يكفيه لاهليت=وكلمة هلا يامرحبا منك كافيته ويدمح خطاك اللي بداء منك لازليت=يراعى النشاما والنشاما مراعيته وهذا الزمن لاقال فيه الحكيم ازريت=تحيرت مع ناسه والاشكال مانهيته صدق والخطا يقول راعيه مارضيت=ولاهو براعي حق ويموت مارضيته وفي منتهى قولي على المصطفى صليت=شفيع امةٍ في ساعة الهول داعيته رد الشاعر الكبير /دليم بن مرزوق الشدادي الحربي (مهجرس الحرف)
الا ياصحيبي يوم غنيت وش ضنيت=اكيد الوفاء حيث الوفاء فيك ضنيته وعلي الملامه كان صديت مارديت=وانا الصدق ابن جمران لله حبيته أعزه معزه لو مارحت معه وجيت=على شان ذكره يطلق الوجه عزيته والا ياهجوسي جمليني اليا غنيت=ابا اشكوي اللي ماسبقلي وشكويته رفيقٍ شكالي دبلة الكبد عل وليت=اجاريه باللي حسب عرفي توريته وعلي ابذل المجهود والبيت مثله بيت=توفقت والا شرهته لو تناسيته وانا والله اني لوتقصيت ماداويت=الهودٍ بابن جمران بالصدر شاويته قبس نارها الخرتيت واخطاء الدليله هيت=على غير يمه عنز خبل مسريته تخمه على مدحت هل الطيب بالتشميت=تغيضه فعول الطيب من غيرحاشيته وخبول البشر تشبه سلاحٍ بلا توقيت=سلاحٍ يثور بدون عبرود من كيته على ماتجي يقبعبها كيت والا كيت=غشيمٍ على نفسه يثور دناميته وترا سبيت ماله بيت ياللي تعرف سبيت=ولوعاش بين الناس ماحدٍعرف بيته ورجلٍ يغط النور ماحدٍ يقول اقديت=تعود على راسه ولوكان مخطيته يصح الصحيح وتعرف الناس ويش كميت=واهل امراه طار كميت لأسباب كاميته وتبى الصدق بعض الصد حكمه اليا صديت=لقيته وغيري ناس بالناس لاقيته |
المبدا من الشاعر خالد عبيد بن معتوق الاحمدي والرد مني
عندي طلب بطلبك ياطير شيهـان=ياسايح ٍ بالجـو عـارف حوالـه
خذ هالرساله دام نور الضحى بان=شمالك الشرقـي توجـه عجالـه مخبور بالخفجي لنا خير صدقـان=رجل ٍ يزيـد المـد للـي وفالـه اللي ورث عادات للجود واحسـان=من شايب ٍ مبـداه نهـج العدالـه مامات من خلّف مثل صار عنوان=للي معقّـب فـي عيالـه رجالـه ياطير مقصودي على ذيب سرحان=له فزعة ٍ يشهد بها مـن شكالـه مضحي ولد جمران مرحوم جمران=والنعم في مضحي ونعـم بخوالـه كسابة النوماس فـي كـل ميـدان=بني عمر قـوم الوفـا والجمالـه ياطيـر لامنـك تلاقيـت ذيبـان=قبّل حجاجـه قبـل مـد الرسالـه مكتوب له فيها عن الحال تبيـان=من عندنـا يبـداه لفـظ الجلالـه مشروح به في قول موجز ومليان=علم ٍ يبيّن صاحبـه كيـف حالـه الاوله حالـي بهـا زود نقصـان=كنه قصدني سحر صاحب دجالـه اللي يعينونه علـى فعلـه الجـان=راع العقد والنفث لا طـاب فالـه وانكان عاش الوقت في خير وامان=يوم القيامه يبتلـش فـي غلالـه والثانيـه بالـود مانـي بنسيـان=الصاحـب اللـي مالقينـا بدالـه غرو ٍ وعدني بالصفى صار خوّان=واليوم يعزمني حضـور احتفالـه والثالثه موقـف يخليـك حيـران=لنّك تضنـه علـم فيـه استحالـه وشلون صدقاني يصيرون عدوان=وما صابهم مني قصـور وجهالـه ودامي كتبت الخط للـرد شفقـان=عجّل ترى صاحبك صعب احتماله وصلي على نور الهدايه والايمان=اعداد سوّاح البشر فـي صلالـه
اهلا هلا واعداد هتان الامزان=بخطٍ لفاني واشقر الاريش شاله
يالحر الاشقر بس لحظه على شان=اخذ المرد وجعلها لك سهاله مردود مرسول السنافي بليهان=بعد قريته خوذ ردي بداله واسلم وسلملي على هاك الاركان=وماتحوي الفقره من اهل الاصاله امن الرجال اللي تنومس بالاكوان=احامده لاعدو اهل الشكاله افعالهم عن كثرة الشرح برهان=يوم الجزيره بين حاله وحاله اللي حمو في شذرة السيف شامان=مهيوب ياضلعٍ سباعه بجاله راياتهم بيضٍ على راس مابان=ومحصلين البيض في كل حاله لاهنت ياخالد سلايل كحيلان=اللي كتب ربك على العبد جاله والله يجيرك من بلا سو ماكان=والشر عن شخصك يعجل زواله واللي يلومك في هواء خدر الاعيان=في سوقهن ماعمره اتعب رحاله الود قد لوع مغاوير شجعان=وياما شكو سيفه رجال الشكاله مابه كلام لخرس الاعيان سلطان=وحكمٍ ينفذ جور وإلا عداله وإليا برك يشتال الاثقال شقران=والثقل ماهم الجمل لارتكاله النفس من خالف هواء النفس ربحان=ومن العناء يالقرم يرتاح باله لان السلامه ماتقدر بالاثمان=والرجل يشري راحته في حلاله واحذر تصاحب لك من الناس منان=وبغير اهلها ماتحط الجماله السن يضحك لكن القلب وجعان=يمن لو قدم عليك البياله والصاحب اللي مايشارك الاحزان=لاطحت قال الهيس مالي وماله من لايجازي راع الاحسان بحسان=العيد مع فرقاه ناظر هلاله |
البدع من الشاعر القدير بـخــيــتــان الــبـــشـــري = بسم رب العالمين الحي ذو القـوه المتيـن =الله المعبود ما نسجـد لغيـره مـن احـد أبتدي بأسمه وأحمده حمد من له شاكريـن =شكر عبد أنعم عليه الواحد الفـرد الصمـد وأطلبه في ماقفي توفيق وإنه لـي يعيـن = وأبلغ اهدافي بفضله ما أحسب حساب الجهد غايتي كسب الجمايل مع وجيـه الطيبيـن = ومايخيب اللي على ربـه توكـل وأعتمـد ياسـلام الله عليكـم كلكـم يالسامعـيـن = عد من صلى وصام وعد مـن قـام وقعـد جاتني دعوة كريمـة وصلوهـا الغانميـن = وعادة اهل الغانمة لاجـو جوكـم فالوعـد ياهجوسـي بالمعانـي ارسلـي لاتبخليـن = واقطفي دُر الحروف اليوم مالك عـذر ابـد في حفل ربعي معبد احضري لـي السميـن =بيضي وجهي خوالي شوفهم يـوم السعـد ربعةٍ تاريخها تاريـخ مجـد وعـز ديـن = من عصورً ماضيات المجد يولد بعد مجـد ماختلف تاريخهم في وقت عسر وقت ليـن = في علو الحيد في رؤس الحجا يامن نشـد والتقدم بالشكر في حفلكـم لكـم اجمعيـن = والعذر لو كان شعري ماوفى فيكـم وسـد وأختم اقوالي بصلاة الله على الهادي الامين = احمد اللي نص أسمه فـي كتـاب الله ورد وكان الرد من فــايــزالــمــحــيــســن المعبدي = بسم خلاّق البشر من نطفةً ماءً مهيـن = مستوي فالعرش يعلم كم عابد له سجد رحمته تسبق عذابه رحمةً بالمسلميـن = يغفر ذنوب الموحد رحمته دايـم مـدد ابتدي بأسمك وبأسمك ياألهي نستعيـن = يا أله الكون يارافع سمـاء أبلأ عمـد ويا ألـه المسلميـن التايبيـن النايبيـن = رحمتك ورضاك مطلب من قبل بيت الحد والله أنآ مذنبيـن وعارفيـن مقصريـن = فالصلاه وفالصيام والخطايا ابلا عدد ياأله رحمتك و الحقنا درب الصالحين = قبل لا روحي تغادر و تشهد اعضا الجسد من بعدها ياهجوسي هاتي الجزل الثمين = ضيفنا حرً وحش مقدام مشهور الهدد صايد وصيده سمين واجب انرد السمين = اجتهد ياهاجسي مادام حرفـي مستعـد شايفين و سامعين وياهلا و مرحبيـن = عد وبلً منهمر وعـداد مـادن الرعـد مرحبا في مرحبا ياعز منهم واصليـن = للنجوم العاليه من طيب خال وطيب جد جيتنا في حفلنا من شوفتك مستانسيـن = يالاصيل ابن الأصيل ويالأسد شبل الأسد يالبناخـي لاولا ولابعـد مستغربـيـن = دام من بشر السعد فانت تبشر بالسعـد الوفا في طبعكم ماروث مع مر السنيـن = ماختلف هذا الولد دام الولد عقب ولـد ساس قصرً ماختلف شيّد على الظلع المتين = يا بناخي ويا رحيم وياشهد خالط شهـد ماختلف في جودته من شمع واحد ذايبن = واشهد ان الطيّبه ربعك لها ذخر وسنـد والنعمّ ياللي على درب الوفا متعاهديـن = وللعداء نارً تلظـى كنهـا حبـلً مسـد وصلات ربي عد منهو فالمساجد راكعين = على نبيً مايخون العهد والمولى شهد |
السلام عليكم ورحمة اللع وبركاته : : : : " أسعد الله أوقاتكم بكل خير إلى الشاعر القدير غالي بن ربيعان مع التحية
تولم ياقصيدي وألبس بشوت المعاني انظاف =وخذلك من شماغ الحرف فاخر ..والجزيل اعقال [/quote]تطيب من فعول اللي بدع حرفك على المحراف=وأخذلك من بنات الفكر فكرة تعجب العقال أنا برسلك يم الشاعر اللي يحتمي الميقاف=سلام الله لياجيته عليه يرد فلإقبال ولستوفيت حق الضيف (وغالي )يكمل الأضياف=عطه علمي بدون قصور قول العلم بالأمثال وقله ياعميل الخير سوق الناس فيه اخلاف =بعد جاه الفقاري يشتري بالدين والآجال يبا يزاحم هوامير البلد فالسوق بلإجحاف=يبا يشري من الغالي ولكنه قصر ما طال خسارة لن شرا وإن باع ..كيف يبيع ما ينعاف؟=تورط مع هل الخبرة وروس(ن) تقطع الأذيال شكيله ما ربح فالسوق ولا ياخذ ولو مغراف=نبا حكمك في هذا الأمر قبل فسوقنا يحتال نصاك الحرف مابه سرف وسط الظرف فيه أهداف=عسا حرفي ليامنه وصلك تكون فأحسن حال سم طال عمرك واسف على التاًخير | \ |
هلا يامرحباوالسيف قالو صاحبه سياف=على مبدى الشجاعه والشكاله مايجي جهال بعد ماجيت يمي طالب التقرير بالانصاف=تسلم ردي اللي يحسم الموقف بدون جدال قسم بالله من قالو رحل عن دارنا صياف=تبي تسمع كلامً قيل يافواز ماينقال عزيزين النفوس عزاز وضعاف النفوس ضعاف=وكلن حسب منزاله يبي ينحط له منزال مع الايام ما يخفا لزوم انه يبي ينشاف=بسوق المعرفه ما يكسب الماكر ولا الدجال وراع الدين لو يربح يشيل ارباحه الصراف=غناوي فالمساء والصبح لصبح مابيده ريال تحزم ياعميلي واحتزم والشعر ماينعاف=هنا في ملتقى حرب العزيزه خله المدهال بنات الفكر تقطف من جزيله كل نون وكاف=خفيفات الحمول خفاف وثقال الحمول ثقال |
السلام عليكم ورحمة الله وبركاته أسعد الله أوقاتكم بكل خير " " " " "إلى أخي القدير والغالي محمد عبد الله البدراني مع التحية
أبتدي مبدا الرجال اللي حشام =يوم كل(ن)عند مبداه احتما [/quote]التحية من رفيقك والسلام =مثل عذب القطر من بنت السما عادة الحربي جنوب أوكان شام =مثل عد(ن) من يروده ماضما يوفي الوافي وله نهج ونظام=والهدف صابه ليامنه رما يامحمد ياصقر يابن الكرام =كم حمينا لحرب ميقافن طما العزاوي دونها شد اللجام =حرب نفديها بمنثور الدما والأصيل إليا تعزوا مايلام = كان ربعه مثل حرب أهل الحما والشعر يهل المعاني كالحسام =والحروف نقود للمعنى سما والقصيدة مثل بكرة بالخطام =وسط سوق الزين صاحبها أقدما والعرب كل (ن) بشوفه له علام =تفرق الطيب عن اللي ربما والمزاين فخر لصحاب المقام =أنظر لذود (الطهيمي ) وأعلما والهزيله فوجه صاحبهاتسام =بالرخيص تباع ولدون أسلما مثلها مثل القصايد يالهمام =والقصيد الجزل لزين انتما قالها فواز واختام الكلام =كل من صلى على أحمد سلما وعليكم السلام ورحمة الله وبركاته واسعد الله كل اوقاتك بالخيرات وكل اوقات الاحبة هنا باليمن والمسرات ويسعدني الرد على قصيدتك بكل سرور وامتنان لشخصك الكريم راجيا من الله التوفيق والسداد :
من بدأ مبدأ الرجال اللي تمام = ماعليه من الملامه يانما ..والتحيه ردها فرض التزام = مثل ذوب الشهد وازكى واطعما ومن عوايد حرب وافين الذمام = لازما الطيب ترى الحربي زما والوفاء لأ هل الوفاء في كل زام = مايغير منهج الوافي عما وانت يافواز لك كل احترام = ياوسيع العرف من قبل آسما والمعاني مثل ههمّال الغمام = عذبها ياشوق عذبات اللما ومن تعزوى يحتمي الماقف لاقام =مايتوانى عن لزومٍ يلزما واحدً من حرب عن كل الانام = وقفته تكفيك عن مثل وكما بالوفاء والطيب في ذروة سنام = ياصل الحربي بمجده للسما ياعريب الجد من خال وعمام = ماستوى مبناك واحدن يهدما وباج ديجور الدجى واجلى الظلام= نور حقٍ كل ماشع شع نما للملا علمٍ مٌبين ولا يضام = من تبع للحق دامه يعلما ومن بغى للطيبه مثلك ورام = للعلا يبلغ ولاهو يندما وفاز يافواز من صلى وصام = ومابقى بيني وبينك مبهما . . وهذه تحيتي مع اسمى ايات الشكر والامتنان فائق التقدير واطيب المنى رعاك الله . . . |
من/علي زيد الفريدي الى الشاعر/عبدالله بن عتيق الحنيني مع التحيه
وقلبي اللي وارد الهم لاعه =عقب انتحى المطلوب همه يلوعه عقب الخوي اللي طويل ذراعه=اللي يجملني بطوعي وطوعه اللي مماشيني بعزم ومطاعه = واللي تنور في طريقي شموعه ويفيدني بالمرجله والصناعه = وفيه الجماله مع حليه ونوعه وهبه من الله ماخذيته شجاعه = لين انه اصبح باليات فروعه ماعاد عندي عقب فارق مناعه=وابكي عليه ومستحيل رجوعه يرجيه طفل عقب سن الرضاعه=ويرجيه طالع في بداية طلوعه واللي ماجرب غيبته وانقطاعه= العلم مقبل لاتغره دروعه لابد من يوم يرد الوداعه =وتبدا اغصونه تنفصل عن جذوعه مايفيد طب ولاتفيد الشفاعه = ليا بدت تظهر علامة ركوعه كل ليامنه تمزع اشراعه = تبدا قطوعه لين تبلي قطوعه يابن عتيق ان كان عندك قناعه =نبغى الكلام اللي ثبات وقوعه ترى الكلام الصدق ممكن ضياعه =عند الهتول اللي تقلل سنوعه وانته برايي من كبار الجماعه = رجال عرف وزاكيات طبوعه استلامك والمعذره على القصور لاهنت / من عبدالله عتيق الحنيني
قدر ومقام المعتبر باالرفاعه=اللي يتل السبق تل بطلوعه [/center][/center]عانق شعاع الشمس حزت شعاعه=مع الحرار النادره والبتوعه يعانقه طربان له بندفاعه=ويقلده في هدته وبشلوعه يفداه قلب المرجفه والرعاعه=اللي لميع الشمس لا المع يروعه سمعت منه اللي يليق استماعه=وبعطيه علمن يقبلنه اسموعه مالي بدعوا ما شتكيت استطاعه=خصمك خصيم المجتمع في جموعه واللي يجيه ايقول سمعن وطاعه=مقدام قطاع النفس عن ضلوعه ومثلك يزود مزهبه من متاعه=وياخذ حصيله مثل خيرة ربوعه يوفي على ماقيل مده وصاعه=ويقلط على خير الرطب من قدوعه والكل لا بده مقطب شراعه=والدرب واحد لو تفرع فروعه الكل يب ياتي رحيله بساعه=شين مقدر مستحيلن رجوعه يروح والتركه الغيره اقلاعه=انكان ماهو لقمته قد جوعه وماراح راح ولا يعود طماعه=ويبقا وقاره ثابتن مع نجوعه يا الله عسا لك يا الفريدي شفاعه=عند الرسول بيوم تحشر جموعه صلو على اللي ذايع الحق ذاعه=المصطفى نهج الهدايه شروعه |
البدع من خالد بن مبيريك الحربي الى الشاعر الكبير عبد الله بن عتيق الحنيني الحربي
من دلـــتن عطـــــرها البــــن والهيـــــــل=وعشقهــــا تحت الظلـــــوع النحايـــــــف صبيت فنجانـــــا كمــــا صافــــــي السيـــــــل=اشقــــر ولا حافــــــه من الـلــــــــوم حايــــــف من كيـــــــف ربعــــن للمـــــواقف حلاحيــــــــل=معبــــــــــد هـــل الـبــــــارود يـــــــوم الحسايف لك ياسليل المجـــــــد ومخـــــاوي الليــــــــــــل=شبل النشامـــــــا حرب عــــذب الوصايـــــــف ياحـــــــر من مربا هل الهيـــل والخيـــــــــل=شهمـــــآ شمخ فـــوق المخاليــــــق نايــــــــف انا اشهـــــد انك من ربوعـن لهـــــا مـيـــــــل=فوق العــــرب يوم السيـــــــوف الرهايـــــــف شاعـــــــر ولك هيبـــــه وقـــــــــوه وتمثيــــــــل=وكلــن لهيبتـــــك بين المخاليـــــــق شايـــــــــف من المنطلـــــق هـــــذا ابكتــــــب ولا اطيـــــــــــل=ابيات من شعــــــــري ولا هـــــــــــي كلايـــــف عربون مقــــــدارك علــــــــى مثل ماقيـــــــــــــل=رجــــال تكسبهــــــــا ولا مـــــــــــال زايــــــــف هــــم مكسبـــــــك فالليــــــــــــــال المقابيــــــــــل=وهـــــم المال كلــــــــه مانقـــــــول النصايـــــف ومثلك لنـــــــا مكسب ولاهـــــــــــــو بتهــــــــويل=اقولهــــا صـــــادق ولانــــــــــــــــــي بعايـــــــف وختامهــــــا منــــــــــي صلاتـــــن بلا كيـــــــــــل=على نبيــــــا اعلــــــن الحق ماقـــــــــال خايــــف الرد من الشاعر الكبير عبد الله بن عتيق الحنيني
دام البقـا مضمـون جــل التفاصـيل=يـمـيـن فـايــف مـالـهـا غـيــر فــايــف كـيـفـن يسـوقـنـه ايــديــن الـريـاجـيـل=مـردود كيـف مكيـف الكـيـف كـايـف يشـبـه الكيـفـن يــدرج بــا المعـامـيـل=من جل كيف الكيف ياخذ وصايف وعليه مـن هيبـت سيوفـن مصاقيـل=ومن جود جودن ما يعقبه حسايف ومــن لامـنــي ماعـقـبـوه الحـلاحـيـل=والـحــر يرقـيـهـا الـرفـيــع الـمـهـايـف يـامـرحـبـا عـــــداد وبـــــل الـهـمـالـيـل=يلي لكم با المجد جـزل الصحايـف تـاريـخـكـم وافــــي بــكــل التـفـاصـيـل=يـوم المـدد مــع مومـيـات السفـايـف فزعتكم احلا من طعم شاطي النيـل=والطيـب يبقـا مـع جمـيـع الطـوايـف عن المبيريـك اهزعـي يـا المداخيـل=مقـر سـاس الطيـب عـن كـل زايــف اشيـوخ معروفيـن جلـيـن بـثـر جـيـل=وكـم طامعـن بمجـادهـم راح عـايـف والـشـكـر والتـقـديـر مـافـيــه تـاجـيــل=والـكـفـو يسـتـاهـل ولامــــن كــلايــف |
السلام عليكم ورحمة الله وبركاته
أسعد الله أوقاتكم بكل خير الغالي والقدير الشاعر إبراهيم الردادي ( بيان الصمت )
حمَلت بيت القصيد اليوم من فكري=البيت كنه جمل وحموله المعنى [/quote]نصيتبه شاعر (ن) وسط السما بدري=والكل شاف البدر والكل به يهنا سلام مثل الذهب ياعالي القدري=وأحلا من الشهد صافي عالي المجنا واليوم حرف المثل مرسول لك حصري=نبغى الإفادات تكتب حسب ما جبنا أشكي عليك الذي شفته حفر قبري=من يوم حث الخطا وحنا ولا كنا حاولت أعدل طريق العمر من بدري=لكن سمه تمكن من جوارحنا رحلت عنه ..ربطت القلب لا يسري=لعل طول الليالي تزيل ما شفنا لكن بعده يزيد الجرح في صدري=ولا أظن في يوم ربي فيه يجمعنا مثل السجل أنطوى وأنقص مدى عمري=بعد الصفا بيننا ..يايروح ..يارحنا وأنا الذي بانين في ساحته قصري=وأملت روحي ..خسارة بالأمل ضعنا خلا جروحي في جوف القلب ما تبري=خلاص ..ما عاد كل الطب يقنعنا ياطير ود الرسايل طلعة الفجري=سلم على صاحبي وأبلغ معزتنا العذر أخي فواز على التأخير ومثلك يعذر وأشكر كل من مر على هذه الصفحة وعطرها بجميل حرفه وإليك يا أبو محسن
أبياتكم هيضت مثل السحب شعري=نختار منها جزيل الحرف والمبنى يا مرحبا بقاري الإنسان والعصري=تعداد ما حروفها تعانق مسامعنا واظهر هداها علوم الكوفي والبصري=تجلا سواد الغرر عن حال واقعنا من نورها نستبين لكل ما يطري=نحسب حساب الخُطى وناخذ مواقفنا والنجم فيه الدّلالة بالذي يجري=نمشي على ضوّها من حكم خالقنا مأجور يا صاحبي فالعسر واليسري=في موقفك والذي حرّك مواجعنا ومفارِقك يا رفيق العمر ما تدري=كيف اللقا ينكتب من شيِّ قدمنا له الأثر ما حيينا بالأمل يغري=مما مضى ينجلي حاضر يطالعنا أحسن لظنَّك بربّاً مالك الأمري=الدايم وكل شي من حكمته يفنى وازرع فيومك أمل من طيِّب الذكري=تلقاه حسب الذي نصّت مراجعنا اليوم باعوام لك يا طالب الأجري=عمق التدبّر عن الجهّال يرفعنا واحرص بخوف ورجا والفوز لك محري=واسأل ثبات الهدى ويحسن خواتمنا واتلى كلامي سلاام ازكى من العطري=وصلوا على الخاتم المختار سيدنا |
البدع من خالد بن مبيريك
ياهاجسي عطني جزيلات الابيات=عطنـي مــن الـلـي فالـهـا القابلـيـه ماكنها الا مـن هذيـك المغيضـات=يازينهـا فــي كــل روحــه وجـيـه منـهـا أتنـقـى فالمزايـيـن بـالــذات=ولا الــرديـــه مــانـــدور رديـــــه اليـوم انـا بنصـى رفيـع المقامـات=بنصـى سعـد راع العـزوم القـويـه الطيب اللي له مع الطيـب عـادات=عــز الـخـوي ولا يـخـلـي خـويــه محـمـدي واقــول والنـعـم مــرات=والنعـم فـي ربعـه رجـال الحميـه اهل المواقف يـوم للوقـت ويـلات=واهـل الكـرم والكـيـف والشاذلـيـه ابي معه من طيـب القـول كلمـات=مصافـحـا لاهــل الوجـيـه النـقـيـه مـادام لمتـنـا صـواديـف الاوقــات=فـي مجلسـن للطـيـب والسامـريـه مافـيـه عـلـمـن جـــد ولا مـلـمـات=ياغيـر أوافــي صاحـبـي بالتحـيـه عربـون مقـداره وفعـل الكرامـات=ماينقـطـع بـيـن الـرجــال الـوفـيـه هــذا سـلامـي ياسـعـد والتحـيـات=عسـاك تسلم مـن صـدوف المنيـه الرد من الشاعر سعد المحمدي
جـتـنـي بـيـوتـاً مـــن زمـيـلـي جـزيــلات=مــــــن خـــالـــد مـبـيــريــك راع الـحــمــيــه مـــــن الــشــوائــب يــــــوم جـــنـــا نــقــيــات=مـــثـــل الـــذهـــب والـــــــورد بـالـمـزهــريــه بشمـوخـهـن يـشــدن جـبــال الـســروات=وأثـقـل مــن جـبــال الـهــدا مـــع طـمـيـه فـي حـال والا حــال عـنـدي خفيـفـات=أشـــــــــد لـلــمــعــنــي بــــطـــــان الــمــطــيـــه يـاخــالــد مـبـيـريــك زبن الونيـــــــات=يــالـــقـــرم يــــــــاراع الــيـــديـــن الــســخــيـــه عرفك شـرف ماهـي علـوم وخرافـات=مـــــن مـــــد لـــــي يـمــنــاه جــاتـــه مــلــيــه مـــــن نـــايـــد الاجـــنـــاب والا قـــرابـــات=والله مــاجــزاء راعـــــي الـطــيــب ســيـــه والـــيــــا رجــعـــنـــا لــلــعــلــوم الــقــديــمــات=أنــتــم هــــل الــــردات فـــــي كـــــل هــيـــه بــنــي عــمــر لا حــولــوا بالـصـقـيـلات=عــاداتــهـــم ذبـــحــــت عــقــيـــد الــســريـــه يـــوم انــهــا مـابـيــن جــولــه وصــــولات=افــعــالــهـــم مــــاهـــــي عــلــيـــنـــا خـــفـــيــــه أهل الوفاء وأهل الصحون الثقيلات=يــشــهــد عـــلـــى مـــاقـــول رب الــبــريـــه قـــومٍ لـهــم بالـطـيـب جـلـسـه وقـومــات=عــــــز الــرفــيــق ولــلــعـــدا ســـــــم حـــيــــه اخـتـامـهــا وردٍ عــلـــى شــكـــل بــاقـــات=لـــخـــالــــد مــبــيـــريـــك مـــــنـــــي هـــــديــــــه |
قصيده من الشاعر نايف الحبلاني
وردي عليه
سلامـي يابـو تركـي تحيـه لهـا مفعـول=تزيـد الغـلا وقلـوب الاصحـاب تفرحهـا من القلب تاصل حضرتك وانت ! ويش اقـول=!من ارجال خبـره نرتـوي مـن نصايحهـا اسلّـم ولـي موضـوع قايـم علـى مدلـول=قضيـه ! وعنـدك مفـرداتـه توضحـهـا انـا لـي (حبيبـه) خـط جوالهـا مفصـول=غريبـه ! فواتيـره تعـرقـل مصالحـهـا وهي بنت تأجر تقضي الصيف (باسطنبـول)=ما اخذها على (ابهـا) بعـد طلبـه يفسحهـا ما عندي ما يثبت غيـر جوالهـا المحمـول=خطايه ! ما اخـذت ارقـام باقـي شرايحهـا عريبه وبنت ارجال مصـدر وفـا ووصـو=لويشهـد علـى عـرق الاصالـه ملامحهـا غلاها ! غلا استولى على القلب عرض وطول=وعلـى جملـة ارقـام الحبايـب مرشحهـا زرعت الغلا فيها وعينـي علـى المحصـول=امسّـي عليهـا كــل ليـلـه واصبحـهـا ولكـن خانـت بالعهـد والسبـب مجـهـول=ما غير اجمع افكاري من الضيق واطرحهـا تـدور الليـال ولا شفـا قلـبـي المعـلـول=متى يشفي ! وروحـي مـن الهـم اريحهـا؟ بقي فصل من عامي وراحت ثـلاث فصـول=تصافحنـي ايديـن المواجـع واصافحـهـا بعد حـب ومحاكـا وبحـثً عـن المأمـول=تنحّـت علـى غفلـه عسـى الله يسامحهـا مفـارق ! وعذالـي علـي سيفهـا مسلـول=وعلـى طـاري الفرقـا تولّـع مصابحـهـا وانا ما تحمّـل مـن زمانـي علـي احمـول=تقاسيـم وجهـي تختصـر لـك وتشرحهـا ولا ادري يابو تركي ورأ (الفصل) فيه حلـول=تعيـد الامــل لمكالمتـهـا واصارحـهـا؟ ردي على الشاعر نايف الحبلاني
هلا مرحبا يشدا لعقـد الذهـب والـول=على عنق فاتن شافت اللـي يمازحهـا على البست لاقامت تهزع بدون نعـول=تهز القلـوب القاسيـه مـن تطرحهـا برساله لها مغزى ومعنى واقول كمـول=رساله على وجهيـن يـوم اتصفحهـا بها يشتكي نايف راع المبسم المعسـول=شرايين قلبـه مـن افراقـه مجرحهـا على حد قوله طرفها الناعس المكحـول=يطش الطيور من السماء يوم تسنحهـا من افراقها لاشاف حليـاه ماشـي زول=نهـاره كئيـب وليلـتـه مايمرحـهـا رجع للورى حولين مدري زياده حـول=على ذكريات الوقت والبعـد ماسحهـا يجوز السبب عنكم لقت في ديار الغـول=صديق ٍ يداوي جرحها يـوم يجرحهـا تغير عليها اللبس والشـرب والماكـول=لقت غيركم وسط الملاهـي يمرجحهـا ونست من يعشيها كنافه وتبسـي فـول=لاقامت تزيـن لـه بالاقـدام يرمحهـا أبعطيك رايي كـان يقنعكـم المعقـول=عن المقفيـه نفسـك تريـح وريحهـا ورى المقفيه مايمشي الا رجل مهبـول=ادموعه مـن الفرقـاء مايقدرايمسحهـا عن النصح والارشاد دايم عيونه حـول=تجيـه النصيحـه يارفيقـي ويشقحهـا يقولون حب اليوم خلـوه ودق ا طبـول=على النت يمكن لاصبح الصبح يفضحها على عكس حب ٍ فات عن الرجال اتقول=على اوصول لاعاف الهواء مايشرشحها عسى ردنا يرضيك ياسيفي المصقـول=على شانكم كـل المحيطـات سابحهـا |
بدع الشاعر / خالد بن عبيد بن معتوق ألأحمدي
فــواز يـافـواز ياشـهـم منـعـاز=يانسـل قـوم ٍ يذكـر الطيـب فيهـم صادق ولك في ساحة الطيـب مركـاز=ونـاس ٍ تبيـع الطيـب ماتشتريـهـم نبغـاك تعطينـا مـن القـول ماجـاز=في ناس باعوا عشـرة اللـي يبيهـم زلـزال همّـه داخـل الصـدر هـزّاز=يشكي عـى اللـي بالقشـر مبتليهـم قلب انحرم من منـوة الـروح مافـاز=عافوه راحـوا خلـف منّـلا رضيهـم طيبـي لهـم قـدّر بتقديـر ممـتـاز=لـكـن ربــّك للـوفـا ماهديـهـم عنـد المصالـح والدنانيـر تنـحـاز=وجـور الليالـي والفقـر ماوطيـهـم نـاس احرقـوا حلمـي بتنـور خبّـاز=لـو للهوى قانـون كـان اشتكيـهـم وسمعت لي فتوى من الشيخ بـن بـاز=لو كان كبـرت حسرتـي ماارتجيهـم حسره على اللي من ورى سور واحجاز=شفـق ٍ علـى لامـاي حكمـه بديهـم لو ياصل المكتوب مـن يمّـه انجـاز=مخطـور يذبـح كـان قـدر يعصيهـم بينـي وبينـه بعـد صنعـا للاهـواز=ولو كان بحذف لـي حصـاة ٍ تجيهـم فــواز يـافـواز حــلاّل الالـغـاز=الناس تطلـب حـل لغـز ٍ خفيهـم وش مكسبه برويـز مـن ظلـم نـوّاز=مادامت ( ياصف ) صرت حاكم عليهم ؟ رد الشاعر القدير/ فواز الزويهري الحربي
حي الجواب اللي به عطـور قـزاز=وأهل الوفا حرف الصفا يكتسيهـم ياصقر ياصقـر المراقيـب يالبـاز=أنته أعدك مـن رجـال اصطفيهـم قريت خطك وأرسل اليـوم إيعـاز=حسب الذي مكتوب للـي اتعنيهـم خلك على نهجك وطبعك له إعـزاز=ولابد نهج الطيـب مـا يحتويهـم ترا السفينة بلجت البحـر تجتـاز=رغم اصطفاق الموج .. ما تزدريهم تعبر بحور ٍ مالها شامخ ٍ راز=وتراسى على المينا بمـا يهتنيهـم وياصاحبي خلك كمـا بـز بـزاز=والبز يصبح حب منهـو ضفيهـم سمعتلك فتوى من الشيـخ بجهـاز=وأهل الصلاحة سِعد مـن يقتديهـم وإن شفت مافيهم من الخير مخراز=تـرا الصقـور أوكارهـا تعتليهـم أبعد عن أهل البور لو رحت شيراز=أشـري هـوا بالـك ولا تعتريهـم والفضل للخـلاق والخلـق تعتـاز=وأهل الجفا الدنيـا تـرا تلتويهـم والناس فيها ألوان وأشكال وطراز=شي ٍ نوده وناس ما ننتخيهـم والظلم لقلـوب المخاليـق جـزاز=والظالميـن امصيرهـم يكتويهـم |
البدع كان مني انا
الحمـد لله والشكـر والثنـاء لـه=افرح بها صحابي وزعل بها عـداي علمن وكـاد ونافـي(ن) للجهالـه=ابشـرك بالطيـب يافالـح الـراي قريت مضمون وحـروف الرسالـه=واستبشر الخاطر وضحكة لها شفاي طيب الفتى لاشك من طيـب خالـه=لن كان بقبالن ولـن كـان بقفـاي عدالوفاء للرجـل هـوراس مالـه=وانا بعده ديـن يبقـى بـد نيـاي والرجل ما تلحـق يمينـه شمالـه=وانته عزيز وعارفن كـل مغـزاي الشعر لـه حـزه ولاجـا مجالـه=ممشاك يعجبني ويعجبـك ممشـاي دنيا العنـا فـي حلتـن وارتحالـه=فيها اغنم الفرصه ولاترقب الجـاي والرزق ماضنـه يجـي بالسهالـه=والله قسم رزقي وجاني على رضاي والا مكانك فـي ضميـري لحالـه=متربع(ن) بالقلب يا غايـت منـاي الرد عبدالله بن عتيق
نثني على الخـلاق جـلا جلالـه=له الثناء والشكر مبـداك مبـداي والغالي اللي ننشـده كيـف حالـه=وان طاب حال القرم شفي ومشهاي ونواصل الواصل بوصل اتصالـه=وما للمقفي عندنـا غيـر بيبـاي انته من اهل الطيب واهل الشكاله=وانا بعـد هـذا مقـري وملفـاي وراع الوفا والطيب من طيب فاله=عسا السعد والطيب سعيك ومسعاي عضدك وزندك والجزالـه جزالـه=حروت هدف معناك دققت مرماي وقاف القصيد اجاوبك من خلالـه=ورضا مثل شرواك قصدي ومعناي والأدمي يطـرد معوشـت عيالـه=الرزق مشقي كل خلق الله اشقـاي كلن يجي رزقه ولـو مـا عنالـه=رزقه يجيله غصب لوهو بمخبـاي واللي يـروح يعـوض الله بدالـه=وبا الله رجا شروا جنابك وشرواي ودوام حال المرء شـي استحالـه=والدهر له سطوه ومخلاب وهواي والطيب يبقـى والوفـا والجمالـه=ودامك بخير افلحة يا فالح الـراي والله يديـم العـز لهـل العدالـه=وعزيز قدرك والوفا غايت امناي |
اقتباس:
هلا وغلا بالشاعر القدير صقر المراقيب وإليك الرد الذي أرجو أن ينال القبول والرضى
حي الحروف اللي جزيل (ن) صداها =من شاعر (ن) عشق القوافي سجاله ياخالد الدنيا غرور(ن) مناها=من يامن الدنيا تضيع مناله وناس (ن) رموث حبالها من رجاها =تشرب حثال البن وتمشي جهاله ترا الخوال بروق يوضي سناها =وكلن بفعل الخال تلقى فعاله ياصقر روحي بين داها ودواها =من بنت عذرا ضيعوها حثاله البنت تصرخ من ألم في عضاها =والأخ ينظرها ولاهي في باله تدري متى ترتاح من ما وطاها =لاصار فرض الفجر كلن عناله هذي فلسطين الجريحة نداها =للفارس اللي بأمر ربه اتكاله وشعوبنا من روسها جا عناها=ومحال راسك ترتجي في بداله وناس تجذ فروسها ماتراها =إلا فقبر(ن) فوق دوده هياله تبغى الصلاح وضيعت درب ماها =تبغى سهول الأمر وطلعت جباله ومحال تجني إصلاحها من غواها =وشعب يكب الشرع يلقى وباله والمملكة بالدين ربي وقاها =وملوكنا الإسلام رمحه ونباله كم ضلمة أجلو غشاوة عباها =وكم حبل للأمه سعو في وصاله ولو حكم السودان منهاج طه=الخير فالسودان عمم ضلاله |
مراسلة بين فواز الزويهريوصقر النراقيب
/ /.,.,,.,.15/4/1432هـ,.,.,.,.,.,/ / / / / بدع الشاعر القدير / فواز الزويهري=
بنات الأفكار جتني تلعـب الليلـه=على حروف المثل غنـت معانيهـا سلام ياصقر مثل البن مـع هيلـه=وسط الدلال اللي لمثلـك مزهيهـا ياخالد البارق اللي ما نبـا نخيلـه=اللي يميت البلاد اللي نـزل فيهـا عند الحمد هـل ياخالـد هماليلـه=سيل سيول الفتن وأربـع بواديهـا والسقم في ساسها.. والعلم تفصيله=فاللي ورا البحر يوم النار يحييهـا أشعل فتيلة غضب وأشرك محابيله=إبليس عبادة الطاغـوت مغوييهـا وده نسلم علـى العمـه ونثنيلـه=ونغير الديـن والكعبـة نجافييهـا دس الخفافيش ..وده يرقب الميلـه=مايدري إنه في عين الشمس خابيها مكشوف لعبه هبيله يلعـب بذيلـه=وده ديار العرب بالخبـث يسقيهـا الأمر شايك ونطلب منـك تحليلـه=ونبغى حلول القضية من قواضيهـا رد الشاعر / خالد بن عبيد الاحمدي=
يامرحبا يالاسد والقاف له شيله=وكلّي فخر فالبيوت اللي تغنيها لاتشغل الراس بالافكار وتهيله=واللي تكفّل بخلقه مايخليها الله يمكر على اهل الغدر والحيله=واللي تبلّى على خلقه بيبليها ومهما يكثّف عدو الدين من حيله=إلى بدا خطّته بيعاف تاليها جالس تحت شجرة ٍ ماهي له مقيله=وديرة حمد دونها شجعان تغليها يبشر بضيمه وكيده بعد تفشيله=مادامت القوس تعطى يد باريها دون العقيده عدو الدين ياويله=في روسنا عزنا لله نحنيها والبيت لك قبله وتعطيه تقبيله=علم ٍ يكيد الخصوم اللي تعاديها والختم ياصاحبي للقاف تقفيله=بعطيك كلمه وانا ملزوم بحميها اللي لعب لعبته لو كان نركيله=بيصير عبره هل التارخ تطريها |
يامرسلن فلوه
هذه مراسله بيني وبين الشاعر غربي حزام العنزي
البدع من غربي حزام
يامرسلن فلوة الخاطر على غربي = جتنا محبه صنت من طيب مرسلها هلا وغلا حيّهـا لعناقهـا ذربـي = مهرة اصيلاً وانا من عصر اخايلها الطيب يستاقها ميرادهـا شربـي = نبعي قراحـن ليـا وردة يجمّلهـا في قمة بالوفاء والطيب يفخربـي =اخيلهـا ليـن ماذبـت جدايلـهـا لبياتها والمعانـي جيتهـا طربـي =والطيبه طيبها من طيـب قايلهـا حيو معي الشاعر البدراني الحربي =ابن الرجال العريبه فـي قبايلهـا ميل به الهاجس وساقه على دربي= وذكر بيوت ن عمرها طيب عاملها ياطيب فكره يافكري لا تقف سربي =نبي نرد الجميلـه مـع جمايلهـا
ياهاجسي كل مانسس هواء الغربي= صخر بنات الفكر بالطوع ذللها صنت البدرانيلعيون قرم يفك الضيق والكربي= اللي ليا مالت الحمله يعدلها نوارد الفكر لاجل الطيب تبحربي= من شان ارد الثمينه كف حاملها مايختلف لونها بالبعد والقربي= نرضي ذوائق رجال الفكر باكملها يشهر بها الحر عنوه محكم الضربي= في قمةٍ والحرار الشقر تدهلها وقفة ثناء في عميلي والوفاء حربي= خاويت غربي على الهاجوس واشعلها من طيب فكره يهيض ساير العربي= ببياته اللي جميع الناس تنقلها غنيتها بالوفاء والصوت يشهربي= نبي نرد الجميله من مخايلها |
السلام عليكم ورحمة الله وبركاته
" " " " " " " ردي على الشاعر القدير صقر المراقيب
من زعيم الشعر في رتبة مشير=ردّة التقدير منّي تاصلك مقصدي فواز ياجبر الكسير=صاحب الميقاف عالي منزلك صاحبك ينبيك بالوضع الخطير=بعد لاهو بالمشوره خوّلك شاعر ٍ سمّوه بالبحر الغزير =لنته بجاهله ماهو جاهلك بالحشا حسّيت نيران السعير=ولو ظهر لك ربع همّي هولك وامرنا لله والله المجير=يازمان العشق ذقنا حنّضلك والهوى من قال شرّه مستطير=والله انّه لانطقها ماكلك دايم ايامه عبوساً قمطرير=حضّ منهو في طريقه ماسلك واسلم وصلّي على الهاد البشير=واطلب انّه بالشفاعه يشملك صادق المنطوق ذو الوجه المنير= الذي موحيه جبريل الملك عدّ مادوّج على الدنيا بصير=وعدّ مايضوي بدورات الفلك الر د من الشاعر فواز الزويهري
من صليب الراس وحروف الأمير=مرحبا تقديرجاك فمحملك ياعميل الخير يالصقر الذخير=ما بنادم من مقاديره ملك عفتها الدنيا غرور(ن) تستدير=من بها دوار وابهم تحتلك إن ترجينا فهلها كل خير =تختلف كل الهقاوي وتفتلك والهوى فبدايته زهر وعبير=شهد نحل (ن) في لسانك يحلا لك والهوى مثل البحر ماله عشير=المنايا وسط موجه تذهلك يتعب الغطاس فالبحر الغرير=وإن تمادى في غياهب انهلك يصبح فروضة ويمسي وسط بير=وهم ساعه يالهواوي ضللك غير ود(ن) فالصفا يعقب بخير= دربه الواضح بطيبه جملك ود منهاجه كتاب(ن) من قدير=والسواير يارفيقي منهلك من سلك درب النبي ماله ضرير=وأخــتــم بـحـمــد الـعـظـيـم فـمـرسـلــك |
الساعة الآن 12:49 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir