|
ديوان الشاعر سعود المبيريك
دقات قلبي لا غفـل تشتغـل عكـس=واسمع كلام الناس ياحمود منكـوس واليا انتبهت وقمت ترد بـه نكـس=كن الضلوع اللواح ساج بها سـوس جاني انـذار مـن ردارات الإيوكـس=وقلت الخبر يمكن مع البث مدسوس ياحمود نبي الرد عاجل على الفكـس=ومحشوم مانته يابن الأجواد جاسوس اما على حبل القرابـه نحـط إكـس=واليا يجينا العـذر رد مـن الـروس ياحمود سلملي على صاحب الفكـس=وقله ترى كل الشوارب لهـا مـوس راع الشبح واللي حلاله ظهر تكـس=ماكل نفـس تقبـل العـذر بفلـوس إلا ملوص(ن) مثل صابونة اللكـس=وحنا تراها عندنـا كسـر نامـوس |
طقيت باب (فلان ) مانيب محتـاج=واثـر ردي الـعـزم ماينعنيـلـه تجني عليك زيارتـه ذل واحـراج=وترجع مكاسبك العنـى والفشيلـه يقصر لي الفنجال كـان القـدم داج=واللبس مع الخفرات برقع وشيلـه ان جيت من بيته للاجواد مسهـاج=يلقى وانا القى من الجماعه بديلـه بيت مساييره مثـل حملـة الحـاج=من كل قطـر مـن بعيـد تجيلـه وجدي على ربع اليا هاجنـي هـاج=تقصر بهم سـود الليـال الطويلـه وجدي عليهم وجد متحضن السـاج=موج يحـدر بـه ومـوج يشيلـه وسط البحوراللي تلاطـم بالامـواج=تحطمـت سفينتـه نـص ليـلـه ياناصر البشري بعـد كـل هلبـاج=تراي من بعض العرب شفت عيلـه كميت الاولى عن هذر كـل هـراج=اللي علـى الـزلات يلقـط شليلـه والثانيـة والثالثـه وسـط الادراج=والرابعـه شبـت بـرأس الفتيلـه وتحطمت عراوي القفل ابـو تـاج=وغنت شياطيـن القصيـد تعويلـه ابروقها سفتـي بجنحـان ميـراج=ترعد مثل سود السحـاب الثقيلـه لولا الضلوع اللي على الصدر تنعاج=الياتصافـق سيلـهـا ترتكيـلـه والله فـلا يبـقـى لـلانـذال دواج=اليا ثار بركان الغضب مـن قبيلـه |
يابدر خل الصـدر لايضيـق برحـه=تراك بعد سهيل بعدك عـن العيـب وتراك حر مانت خاضـور سرحـه=حر يخلي الروض ساحة قصاصيـب تطيح هامة مـن تطـاول بصرحـه=ويرتد طرفه مالقـى بـه عذاريـب و لا للعدو لو دق الاجراس فرحـه=العود لولا الجمر مايشم لـه طيـب ومافات تحت جسور الاضلاع ضرحه=كان العذر يزعل علينـا المعازيـب وكان الكتاب احترت في فهم شرحه=والا اشتبهت بعوية جرهـا الذيـب انظمت در يمحـى الإبهـام طرحـه=يزيل ماصاب العلاقـات مـن ريـب وكل اوسومه تفرق اصناف سرحـه=الضالعـه واللـي بثرهـا مخاليـب الذيب جر اعواه مـن كبـر جرحـه=والسبع يقلب لانكسر بالعرب شيـب وكل حلاله ماجفـل وسـط مرحـه=الذيب ليا خاوى يعـرف المواجيـب |
البارح الموت اللتفت بي وعـوى=والموت ماهـو يامهنـد مهابـه الخوف اليا فكو ربـاط المطـوى=والقبر ردو فيـه فوقـي ترابـه والصوت داخل ظلمة القبـر دوى=مثل الخيال اليا تصـادم سحابـه وجوني أثنين يوم تمشي تلـوى=والكل منهن تقـل قنطـار نابـه وقالو لي جاوب يا ابن آدم وحوى=من ربك من دينك ومن دعى بـه يوم يشوف الآمي ويـش سـوى=ويلقى رصيده نازل في احسابـه |
من نهني قبل مانهني انفسنـا=الإداره تبـذل اجهـود جبـاره ومشرف القسم بجهوده يحمسنا=والشعار من الشعر تنظم اخياره وكل عضو في ردوده يونسنـا=في عبارات من الـود مختـاره والزوار اللي تزوره تحسسنـا=ان ديوان الشعر زادت انصاره اليا تحدينـا غلبنـا منافسنـا=منتدانا دونـه تـذود شعـاره والنهايه واضحه من تنافسنـا=للديوانيه فخر تحمـل اشعـاره |
يموت الهوى وأليا ذكرت الحبيب أحياه=وبدعت القوافي وأبتدأ الحب من ثانـي أنا تايب عـن الهـوى توبـةٍ لـولاه=اليا قلت له تايب رمى الشال واسقانـي عسل حضرميٍ ذايب بين حمر اشفـاه=ونقضت العهود وقلت ذنبي على الجاني يغويني بحلم الليل واليا اقترب لي تـاه=وارد بمنامي واقضي الليـل ماجانـي اشوفه ينادي وانتبه واللتفت ما ألقـاه=واسمع صدى صوته اليا نمت صحاني أنا اليا تذكرتـه وقفـت وتنهـت آهـ=تردني على غفله تقل مـس شيطانـي اميرة جمال الحسن اميره كبيـرة جـاه=بين الصبايـا ماخلـق مثلهـا ثانـي عليها من الريمي حلايا وصوف اشباه=وعليها من الحر اشقر ضافـي دانـي |
جمرت طاشت وطاحت في بحر جوفي=استوى الدر منها وسـط الأصدافـي وجاء بلا نظم فيـه العقـد ملفوفـي=جابه الموج من قاع البحـر صافـي قلـت لـه لاتحـدث قـال معروفـي=موقع الرأس ثابـت فـوق الأكتافـي ماتصفـق ايدينـن مابهـا كفوفـي=والقمر لـو نحـل يكبـر وينشافـي سيف بالنايبات مـن ابتـع سيوفـي=لوطعنـي طعنتـه فـي ماتشـافـي مره اجمع ومـرات انثـر احروفـي=ولاتوصـل خيالـي حـد الإنصافـي كل ماجمعت جملة وصف موصوفـي=اتعبتنـي مايجـي وصفهـا كافـي مامدحته نفاق ولاهـو مـن خوفـي=كـف ميـزان عـدل منـه ماخافـي سيفنا لـو نكيـل المـدح مانوفـي=وش نقـول بطيـب كامـل وافــي |
بعض الصداقة ياعمر مالهـا حـد=وبعض الصداقه ماعليهـا شفاقـه اليا صار ماتبنى الصداقة على ود=لا ياعمـر لاتعتبرهـا صـداقـه ترى الصداقة ياعمر ساعة الجـد=بها يتحدد ويـش نـوع العلاقـة صديقك اللي لابدت حاجتـك صـد=ولا صارت الهيه عطى الريح ساقه يوم صديق وينقلب يوم لـك ضـد=حمـاق همـاق خبيـث نطـاقـه يحتر مـن حالـه بحالـه ويبـرد=ولو تمنه صـرة ملـح زاد باقـه هذاك نـذل للصداقـه ماهـو قـد=وصداقتـه للحـر مثـل السراقـه جنـب طريقـه ياعمـر ماتنكـد=لو تربطه بالإسم معـك البطاقـه وصديقك اللي لابدت حاجتك سـد=ماقال مالـي بالمواجيـب طاقـه صداقتـه فـي كـل يـوم تجـدد=علىنقاء ماهـي صداقـة دراقـه ماتنقطع مـن قوةالجـذب والمـد=صنقـل حديـد مبهمـات حلاقـه اليا فعل جـزل وجـزل اليـا مـد=وسيع صـدر مايعـرف الحماقـه اللي عليه الارض تبكي اليـا شـد=والدار والجيـران تبكـي فراقـه لو هو بعيد عنك كنـه ولـد جـد=اخير من رفقت ضعيـق الرفاقـه هذا الصديق اللي به الحـر يعتـد=صداقته تشرى وتعشـق عشاقـه واحذر تعدى في مطاليبـك الحـد=كثر اللوي للغصن ييبس اوراقـه اليا تعدى المطلـب الحـد يلهـد=ريحان فـي ريحـه ومـر مذاقـه وراع الخطا امهل له وجازه اليا هد=بضربة جزاء فعله وضربه اللحاقه وان عاد رد الصاع صاعين له رد=خله من المطراش يأخـذ حقاقـه ولاتهمـل بدينـك ولابـه تشـدد=المومـن اللـي ماتغيـر اخلاقـه رزقك وعمرك فـي كتـاب محـدد=مال للبشر في ماكتب لـك علاقـه |
اتحدنـا و رايـة التوحيـد لله أجمعتنـا=ماعلينا من مثورة الفتن روس القـراده زل عهد مسيلمه والدين نازل فى لغتنـا=مانقص بعد الرسول ولا نزل بعده أزياده من عدالة ديننا بين البشرعدل انظمتنـا=وراحة للنفس تلقى به مفاتيح السعـاده والحضاره من ينابيعه دعيناهـا وجتنـا=لين صرنا مرجع النهضة بميدان الرياده والشعوب اللى بتاريخ الحضارات اسبقتنا=أختصرنا دربها وفزنا وتسلمنا السيـاده طول الله عمر قايدنا فهـد مصدرثقتنـا=من يزور بلادنـا مـره تمناهـا بـلاده ونائبه عبدالله جهوده الى خفنا أمنتننـا=نصف ليله خدمة للشعب و الآخرعبـاده وابوخالد سوردولتنا وسماهاعن اعدتنـا=مايتعلم جاء معلم قايد من سـاس قـادة توصيات نفذوها مـن موحـد مملكتنـا=من خطط عبدالعزيزبذورتسقيها القيـاده وانبتت زرع تنوع الامم منـه أحسدتنـا=كل مايحصد يزيد بكثرة اثماره حصـاده |
جرحي خطر وانا احسبنـه تعافـا=برى على سقم بقـى فيـه خافـي سقاه ريـح صلـف قبـل يتشافـا=سقمه يسوق وظاهـره مايشافـي وهاجت امواج بحور جوفي تقافـا=لها على الحـدب الحنايـا مرافـي بقصر الحشى طافت وقامت تلافـا=وصبيت منها منها صافيات القوافي قلـت انصفنـي بعدهـا ونتصافـا=من صاحب معي اول الوقت صافي واشوف قوله عن افعولـه تنافـا=مدري زعـل والا بدايـة اعيافـي امانعـود احـبـاب والا نتجـافـا=ويبن مـن منـا سعـى للتجافـي وكل علـى مقـدار فعلـه يكافـا=ياخذ ويعطي كامـل الحـق وافـي ان كان له حـق فياخـذ اضعافـا=وان كان لي حق فيظهر انصافـي ادمح اليا صار الخطأ لـه الحافـا=لو ولعت بالصـدر لهـا مطافـي وان صـار لايدمـح ولا ينتـلافـا=ماني من اصحاب القلوب الضعافي ردي على السبع العجايب يضافـا=فى زاوية تسعين قـول احترافـي اطلى به الاجرب ويصبـح معافـا=واليا عسفت الشرد تصبح اولافـي وسم اليـا ذاقـه غليـث الهرافـا=اما يطيب او يصبح الصبح هافـي ماقول قـول فيـه يلقـى اختلافـا=البسه ثوب عـن العيـب ضافـي |
طوينا سجلات الهوى ياحبيبي طي = ونسينا الحروف اللي بها يكتب ويملا وبقى جمر نار الجوف بوجار قلبي حي = الى هاجت الذكرى اشعلت جمره الذبلا اشوف الجمال ويوم اشوفك ما اشوفه شي = تصف الصبايا بحضرتك وتخضع خجلا انجوم(ن) طلوع الشمس منهن يزيل الضي=انا عنك كيف اتوب وانسى الهوى واسلا وانا بكل شيء اشوفك اليا دخلت الحي = مثل ما تذكر عنتر الخيل في عبلا ياليت بصفاتك لاتذكرت شيء سي =ولكن الأحلى منهن احلى من الأحلا هواك بحياتي مثل فعل الهوى والمي = يبل العروق ويدخل الروح ما يملا يقولون بك جني وانا اقول حب انسي= رفيع المكانه عن جميع البنات اعلا ويقولون من هي قلت ما احد (ن) درى من هي = وراها الحرس لاغادرت موقع(ن)يتلا جربت العلاج ولابقى طب غير الكي= ويكثر ماتحت الثرى من الهوى القتلا حكمتي عليه حكم الأكراد ببو عدي = بنظرات ما تجلى من االذبًل النجلا |
يتعظ من شاف في غيره مصيبـه=ويتذكر كيف كان الوضـع هـادي مايصيب اخيه يمكن انه يصيبـه=عادت الدنيا ولو صافـت تعـادي كلنا شفنـا فلسطيـن الصويبـه=جرحها ينزف وكن الوضع عـادي للعرب والمسلمين اكبـر معيبـه=الأطفال تحارب عنـا بالهـوادي والعراق اشتبـت بشعبـه لهيبـه=شبها صـدام واكملهـا الأعـادي اليا مشى خلفـه وقدامـه كتيبـه=وعاد عقب العز يمشي بالقيـادي الأموال وغيرهـا راحـت نهيبـه=والقصور العالية عـادت رمـادي وتوخذ الحره وهي تصرخ غصيبه=والأبو و الأخو مربـوط الأيـادي يغتصبها اللي على صدره صليبـه=البسو مهد الحضارات السـوادي تذكره لهـل العقـول المستجيبـه=من بعض ما حل في بعض البلادي طاعو الشيطان والأريـا المريبـه=وحل فيهم ماجري في قوم عـادي |
يامعرب الأعمام والخال والجـد=ياسيفي اللي يرهب الضد حـده حر قطامي يشبع النـزل لاهـد=لاشافه التبع انتحى عـن مهـده انته تغلى او مقصدك بالجفى صد=قلي ترى عن لـذة النـوم مـده الرد من الشاعر سعود
اللي بنى بيني وبينك حسد سد=لعل ربـي بـاب رزقـه يسـده جعله على يبغضه غصب ينحـد=علـى بخيـل (ن) مايـوده يـحـده اليا طق بابه مافتح عاد لـه رد=واليا فتح بابـه بخيبـه يـرده يمـر عمـره للبخيـل يتـردد=ويرجع تردد دمعته فـوق خـده ويعيش بالدنيا حيـاة المشـرد=عقب الغناه يمـد للنـاس يـده وبين البهايم والبشر ماله مـود=مهوم مذوم مـن اعيـال جـده وان مات جعله قبل مايموت يرتد=وابليس عن نطق الشهاده يلـده زاد الجروح بروحي اجروح اجدد=ادعو معي يأهل القلوب الموده جعله على سكت قطار الحسى يمد= وتاطا على جسمه معده 0 معده |
الرزق عند اللـي خزونـه ملايـا=مانـى لعفنيـن الطبايـع أمـدارى عندي لهـم ذرب يخيـط الشفايـا=وهبه من المعبود ماخـذ عـوارى هبيلهـم عنـدى لرأسـه كـوايـا=وعندى عصا موسى لمن به حمارى وعندى لمن يبي النصايـح هدايـا=آيات وإلا مـن صحيـح البخـارى ما خطي وارد الصاع لهل الخطايـا=ليا استحكمت مليون من سم هارى ليـن اللسنتهـم ينشبـن باللهايـا=ومن عاد منهم له نسن الشبـارى ارفـع أيـدي لـرب سبـع علايـا=واكفها عـن عابديـن المصـارى رزقي يجينـى ماتحـرى العطايـا=من يد كريم كافـل الكـون بـارى مانيب من تفرض عليـه الوصايـا=ضعيف عقـل مذهبتـه الطـوارى ولا همنـي هيـس جـداه الزرايـا=يزرى ولا يدرى على ويـش زارى أيديه مـن فعـل المراجـل عرايـا=هماز لماز علـى الـزور ضـارى مطيـة لبليـس بـيـن البـرايـا=بأعراض خلـق الله بيـاع شـارى ليا نـث،ر حبـه طحنتـه راحيـا=واذراه مع صلفات هـوج الـذوارى دجت البحور ودجت لجـة سمايـا=وخاويت سبع الليل وسط البـرارى ومشيت مع ساقى حياض المنايـا=وامرحت بأرض الجن والجن دارى وجبت الذهب من وسط عش الحيايا=وأنكفت به من ضلع حوران سارى نجيـب حـره مانجيـب الهمايـا=وبين القبايل فـي نسبنـا نمـارى بنت الشيوخ اللـى تبيـد السرايـا=وقايـع بشهـود ماهـى هـذارى مركاضهـم تسيـل منـه الشغايـا=دم حمر مـن رؤس قـوم تثـارى ومن زارهم كنـه بعيـد الضحايـا=سلـم القبيلـة وورثـوه الـذرارى روس القبيلة من سليـم انسبايـا=شمال شرقـى الجزيـرة ضـوارى من نجد شالوا فوق عوص المطايا=بأمر من الفاروق ماهـو اجبـارى لله غــزوٍ مخلصـيـن النـوايـا=لله وانصـار الشريعـة حــوارى حنـا حـروب مانظـم الهفـايـا=تاريخنا يمـلأ البحـر والصحـارى وحنا قمـر ليـل الجزيـرة نقايـا=الىطلـع غابـت نـجـوم درارى وحنا بهـا شمـس تنيـر النحايـا=وحنا بها زلـزال عنـد الطـوارى وحنـا بهـا سيـل يطـم البنايـا=إليـا جـرت بالنايبـات الجـوارى وكـل القبايـل بالجزيـرة قسايـا=هيمان بالهيجا تـدوس الخطـارى كرام اللحى قاسين ستـر الصبايـا=واليوم صار الرزق منثـر خبـارى وصارت صحاري نجد مدن وقرايـا=بعد العرى تجـر ثـوب حضـارى أبفضل حكـام ال سعـود الدهايـا=اللى لها العقبان تمشي حبارى |
يابو ملاك بفرحة العيد أهنيـك=وعساك من عواد عيد الإمساكـا ولكبار وصغار الحرار ال مبيريك=اجبال نجد اللي عليهـا نتراكـا لهم نـزف التهنيـه والتباريـك=من دون خص الكل فيها شراكـا للضيف والجيران حسبت مماليك=ادروع حرب الصم سـم الهلاكـا حالين مريـنٍ مزابـنٍ تهاليـك =غضب وغيض وغيث فزعة دراكا ليا تك صدري دك كثر الدواكيـك=وأدلكت قبل ادلاك وقـت الدلاكـا أشرق بنور اقمار سود المحاليك=ماهم ادحوش تجتمع للمشاكـا رواسي بأرض الجزيره مباريـك=ليا مرها حن السحـاب وتباكـا ما دينـو للله خدعـة مسوايـك=دين صحيح صدق مابه إشراكا المدح عيب ليا مدحت الصعاليك=وإلا قلبت ابليس صـورة ملاكـا والديك لو يذن تقول العرب ديـك=لا لك صـلاة ولايصلـى وراكـا |
اخترت مايبهر اعيـون الملاييـن=صنعت بشر للجن والإنـس تفتـن صالون لكزس جيب مركب سلاطين=لاسامه اللـي مامعـه قيمتـه ون لارن سلفه لجـت ابلوفـه آميـن=وردت اقزوزه تقل يقولـن اهبـن كـن التوايـر لاشلعنـه جناحيـن=صاروخ جو ارض اطلقنه سفايـن والا القطاه اليا اقتفتها الشياهيـن=تبى النجاة وهـن بعـد ماتعشـن إلى سطع نوره تقل نـار نجميـن=علـى شياطيـن تجمـع تهـاون صنعت حكيـم عبقـري الثقليـن=امه بشر وابوه مارد مـن الجـن تخالط به نطفـت النـار والطيـن=لا جن ولا هو آدمي جاء مهجـن تقل يتسمع وش تقول الشياطيـن=الى وقـف فكـره تنهـت وتتـن عود(ن) اجفونه تقل كفت موازين=وصوابره من طوي الأيـام حتـن لاهمتـه دنيـا ولاهمـه الـديـن=همـه يصمـم مركـه كلهـا فـن ملفاه قصر العز من اول وهالحيـن=قصر الوفاء قصر العطايا بلا مـن لولاي اعرفه قلت واحد من اثنيـن=من الجموع اللي تـزوره يطوفـن |
اخذت في شعري شهاده من الناس=والناس مدرسةٍ تخرجـت منهـا الآدمي فيها على على عقله يقاس=ويعطى شهاده بالصدور تخزنهـا تنصب موازينه على لبنة السـاس=وتعرض على اثقال العقول وتزنها يفنى وتبقى له مع الناس نبـراس=يدفن وتبقـى حيـة فـي كفنهـا ترجع بها اليا حل طاريه الأنفـاس=ويقراء بها شخصيته وش عدنها اما كريـم كاسـب كـل نومـاس=اليا هامته شهب الشوارب حسنها في مجلسه تلقى الأجاويد جـلاس=واليا سمع له زلت صدى عنهـا والا خبيث تجتمع فيـه الأنجـاس=اليا سمع لـه زلـت مـا دفنهـا تسمع شهيقه كن في حلقه ايباس=اليا سمع له هرجت مـا مكنهـا نفسه بها من قلة الدين وسـواس=عن طاعـة الله بالخلايـق فتنهـا جعل يجيله ماجاء الآصنام بالفاس=يوم الخليل اقتـص للديـن منهـا وبعض البشر بهيمة وآدمي راس=تمشي ورى من قادها في رسنهـا اليا جلس في مجلس صابه نعاس=من خلقته يأكـل ويؤمـر وينهـا في مطبخ الخفرات تسمع له انفاس=اليا انتخى على البصلـه وطعنهـا |
يالقوافي غصت بالعمق في غبت بحرك=وعن خزاينك الحصينات حطمت القفول العقود من الحلي والدرر سقتـه مهـرك=فاتنه من حسنك الحسن يصيبه خجـول من جبينك تشرق الشمس وتغيب بنحرك=فيك روح وراس وعيون ولسان(ن)يقول ارقصي لي القوافي وقضي لي شعـرك=عرسك الأكبر هو اليوم في مدح الرسول ما عذرك الا تصفين مـن غالـي دررك=قول مابعده ولاقبلـه اليـا قلـت قـول بالمحبـه للرسـول وكـره بالدانمـرك=في رسول الله مانقبل انصـاف الحلـول شلت ايدينن اتصورك وتشوه اصـورك=دولة (ن) مثل البهايم اجسام بلا عقـول امطريهم يالبراكين من حامـي صخـرك=ويالزلازل دمـري دولةالكفـر و تـزول الدانمرك الظالمه ربـي الواحـد دمـرك=بالقارات السبع صابك غضبنا بالذهـول البضايـع علفيهـا الخنازيـر وبقـرك=اقتصادك كل يوم(ن) رصيـده بالنـزول حشرة الشيطان يوم الحشر نبي انحشرك=كل حريه لها حـدود وقيـود واصـول يارسول الله ننصرك وننصر من نصرك=كلنا نفـداك بالـروح شبـان وكهـول الحضاره والعداله معالـم فـي سيـرك=الف واربع اميه وسبعه وعشرين حـول والرسالة خالده خاليه مـن كـل شـرك=باقيه محفوظة (ن) مثل ما يوم النـزول نسأل الله في نهارالحش نـارد نهـرك=وكل من عاداك خاسر وخايب ومخثـول |
بصدري تقل تنشـر مكينـة منجـره=تدورهـا امكـار السيـور وتستديـر واليا استـدارة كـل ضلـع تنشـره=واسمع الي افترة صدى صوت الصرير من فعلتـن بيـن الخلايـق منكـره=صور بهـا الرسـول رسام(ن)حقيـر يكـرم رسـول الله عـن ماتنـشـره=صحافة اعداء الدين من قول(ن) خطير عليهم اللعنـات مـن رجـل ومـره=لاديـن يردعـهـم ولاذرة ضمـيـر اكفره ملعونيـن مـن نسـل كفـره=غلطان من يرجي من اعداء الدين خير سحب الغضب هلـت عليـم ممطـره=تمطر شواضيها على ابليـس الكبيـر الدانـمـرك النـكـره المستنـكـره=يـا أمـة الإسـلام لايبقـى سفيـر ومبنـى السفـاره حولهـا مقـبـره=حتى انها لكل الـدول عبـره تصيـر خلـوه يبلـش فـي حليبـه وبقـره=ماهـو كلامـي ذا كـلام اكبرخبيـر بكـره تصيـر الدانمـرك مـدمـره=وبكل دولـه مـن غضبنـا تستجيـر بأ سـلام ابـاد اوتستجيـر بأنقـره=ولو نقطع البتـرول ترجـع للحميـر |
زادت الضيقه وصبري زاد ضيق الصدر ضيقه=احترق بالصدر صبري من كثر ما كنت أعيده انقضى عمري وانا ماشي على نفس الطريقه=حطني خاتم حبيبي في صغير اصابـع ايـده ياغريبه طال هجرك والصبر بعدك ما اطيقـه=حبك بقلبي مع الدقات ينبـض بـه وريـده مثل عداد الثواني مـن دقيقـه اليـا دقيقـه=وكل ما ترمش اعيوني تصورك وانتي بعيـده مره اشوفك خيـال ومـره اشوفـك حقيقـه=ويبتعد عني خيالـك كلمـا قربـت اصيـده يامحيط الحب نفسي في بحر حبـك غريقـه=درت بالدنيا وشفتك بيـن خلـق الله فريـده حزني اكبر من زماني والجروح اكبر عميقـه=ياهني اقلوب ناس (ن) مابها احساس او بليده كلما افيق اسكرتني من خمرحمـر(ن) رقيقـه=وكلما اقول اعتقيني قلبها اقسى من الحديـده هكذا العاشق يكون وهكـذا تكـون العشيقـه=قلبها مفتوح لي وانـا قلبـي لهـا جريـده وين ناصر مادرى عن من نقض توبة رفيقـه=عقب ماتبت اعرضتني وقالت انقضها بقصيده توبة العشاق اثر ماهي يا ابن عمـي وثيقـه=مثل توبة شارب الدخان_ لا_ ماهيـب أكيـده |
ياللـي تغازلنـي تـرانـي تديـنـت=بدلت قلـب الحـب فـي قلـب ثانـي لو جيتني بأرض(ن) خلا بس أنا وأنت=لـو أتمـنـى ماتـجـي بالأمـانـي وزود علـى فتنـت جمالـك تزيـنـت=وبينـت مـن تحـت اللثـام الثمانـي رجعت منـي سالـم(ن) مثـل ماكنـت=اليـا لآن قلبـي عنـك فيـه يحدانـي صوت(ن) اليا قربت لـك قالـي خنـت=لـو عنـه حطيـت الأصابـع بأذانـي وارجـع واقـول استغفـر الله يابنـت=الـرب عـن درب الغوايـه هـدانـي ماخون ربي بعـد مـا تبـت وأمنـت=الله عنـك ومـن فتـنـك يحمـانـي واسمع صدى صوت(ن) يناديني احسنت=كنـه موصـى لـي يـزف التهـانـي واٌقول له ياصاحب الصوت مـن أنـت=ويقـول لايمكـن بعيـنـك تـرانـي انا الضمير الحـي يـوم انـك اعلنـت=صحيت مـن نومـي وعـدت بمكانـي |
نقيت من در البحـور انـدره=وانظمت منه الـدرة النـادره وتكاملت عقـد كمـل منظـره=على ضبابـة موجـة هـادره ونثر عليها الحوت من عنبره=وركب لها الموج اجنحة طايره ومحراب فكري وقفت بمنبـره=وبانت على الشاشة من الذاكره وعلى الديوانية سرت ممطـره=تحية مـن صـادق صـادره فضله قبيلة حرب مـا تنكـره=حتى تقـوم الساعـة الآخـره على الذهب ماتركب السمكـره=تبقى القصيده حايره قاصـره |
انا اللي لو يقرى على الجن شعري=تلقى شيوخ الجـن تبكـي وتقـرا روائع من بعض الأمـراض تبـري=بالروح تقلب صفر الأوراق خضـرا وللنفس ماء عن مس الأرواح مقري=يقرأ على النفـس العليلـه وتبـرأ ولأهل الهوى نوع عن الزاد يقـري=أليـا تغنوبـه يغيـبـون سـكـرأ ابيع به وابـرم ملاويـه واشـري=وعندي منه ترياق من نـاب كبـرا مس يردني يلتمـس منـه فكـري=يعيد لي من متحـف الـروح ذكـرا غلب على سحر العفاريت سحـري=وخليتهـا عقـب التحـدي تغبـرا خليتها من ملعـب الشعـر تسـري=وشبيت نار برؤس الأشـرار كبـرا ابغى الذي مايعرف سعـود يـدري=قبل يطيح بليـل مـا فيـه مسـرا |
سمعت قول(ن) ثار بي منـه زلازال=ووادي الرمه اليا سال ماحد (ن) يرده الي اصطفق سيله من الجال للجـال=قـل للـردي بيديـه يقـدر يسـده سيل الغضب حول على الظالم الضال=وعميلـه اللـي بالخزايـا يـمـده طبو يبون بـوادي المـوت منـزال=وامطر سمانـا فوقهـم ليـن هـده بحجارة (ن) من طير ابابيـل تنهـال=للـي طلـع مـن حفرتـه مستعـده نفدي رسـول الله بالـروح والمـال=واللـي يسبـه كلنـا نقـوم ضـده عليهـم اللعنـة خبيثيـن الأعمـال=تلعـن ابـوه وتلعـن امـه وجـده |
اللي بنى بيني وبين الغضي سد=لعل ربـي بـاب رزقـه يسـده جعله على يبغضه غصب ينحـد=علـى بخيـل مايـوده يـحـده اليا طق بابه مافتح عاد لـه رد=واليا فتح بابـه بخيبـه يـرده يمـر عمـره للبخيـل يتـردد=ويرجع تردد دمعته فـوق خـده ويعيش بالدنيا حيـاة المشـرد=عقب الغناه يمـد للنـاس يـده وبين البهايم والبشر ماله مـود=مهوم مذوم مـن اعيـال جـده وان مات جعله قبل مايموت يرتد=وابليس عن نطق الشهاده يلـده |
متى العرب تصنع الصاروخ والذره=ويرجع للإسلام من عز العرب دوره وترجع فلسطين لعيون العرب قـره=و الشر نمحاه ونهـزم امبراطـوره ونأخذ بثأر الشهيد محمـد الـدره=القصة اللي بتاريخ العـرب عـورة ويبرد بكبدي لهيب ما بـرد حـره=يشتب مع نشـرة الأخبـار تنـوره الظلم من شلة االشـارون يامـره=اعصابة الكفر تلعب بالعرب كـوره مذابـح مثلهـا التاريـخ مـامـره=لا في حديثه ولا في غابر عصوره يوم نعيشـه كفانـا خالقـه شـره=به كل ساعه تمر توضح الصـوره ضر العرب وأمة الإسلام من جـره=تبقى الإجابه ورى الأهداف مبتوره ناس تصب العسل والسـم بالجـره=شراذم من يهود الشـرق موتـوره وناس تبي عزة الإسـلام وتضـره=جهادها عنـه يوقعهـا بمحـذوره تفتـي بقتـل البـري والله ماقـره=لا بالأحاديث و لا به نـزل سـوره وناس بها تقتدي عن جهل مغتـره=اتنفذ مخطـط الأرهـاب مغـروره افكارهم مضلله والـروس مفتـره=على شيوخ الضلالات درسـو دوره يفتيهم مسيلمه وابـو لهـب مـره=وزعيمهم يصدر النشرات من غوره وثرثاربقبن عليه الدور اخـو مـره=والله ان ينشب لسانه وسط حنجوره يحيا ملكنا وتبقـى المملكـه حـره=والفئه الضالمـه تمـوت مقهـوره حنا حروب لنا يوم الوغـى كـره=وقفاتنا مع ولات الأمـر مشهـوره |
بصدري من طعون الدهر مابرن فتـوق=تخايط على سقم بهـا مابـرى باقـي مع العصب بين اللحم والعظام يسـوق=بالروح خافـي ماتـراه المـلا تاقـي كن الجفون اليا غفت تلتمـس وافـوق=يحسبني الجاهل سعيـد وانـا شاقـي تردني هموم مثل جمع الجـراد فـروق=على الورق بغصون الاشجار متلاقـي ما شكي على مخلوق مثلي وانا مخلوق=علة فـواد مالهـا مـن المـلا لاقـي الله رفـع رزق المـلا والمنايـا فـوق=فـي قبـة بـلا عمـد مالهـا راقـي رديت مرسول الهبيله بشيـك السـوق=لو كان لرقبتي مـن الدايـن اعتاقـي شعري ماهو بضايع في حراج السـوق=سيف يعدل عوج الألسـن والاعناقـي وترى من يركب ريشة الصقر للغرنوق=الناس تدري اليا طلع جسمـه الباقـي واللوح يبقى لوح ماله بالأرض عروق=لو تزرعه يطفح به الماء مع الساقـي وكل آدمي له قصة في رقبتـه طـوق=وبصدور خلق الله لها اقلام واوراقـي |
بلادى السعوديـه بأمـى وبأبـى =وبصحبتـى افديـك وفديـك بـدم فان كنت كاليلا بجـم المحاسـن =فلا عجبآ ان كنت قيـس المتيـم ارى الحسن فيك قد تعاظم وابتسم =يكن عبارات فلـو كـان ذو فـم لااطرب محزونـآ وهيـج عاشقـآ=بلحن ارق مـن الحريـر وانعـم ارى الليل لما جاء يرنـو بلجـة =وارسل سدولآ من ظـلام مفحـم رآى مفاتنـك فأنتابـه الـهـوى =فأرسل لك بيض النجـوم لتعلـم ولما رأت بيض النجـوم جمالـك =خذف دمعها شهبآ الىالارض يرتم فقال اين انـت يازينـت السمـاء=بنيا توصـى بـي فإننـي متيـم بفاتنة ترمـي السمـاء بجمالهـا =مفاتنها زالـت ظلامـي المخيـم فقال يـا ابـي كفـا بـي دلجـة =الم ترى في وجهي الحزن معتـم فولا يجـر فـي الـورى ذيولـه =كا جيش من الأحباش هرولا مهزم بلادي حماك الله من كـل معتـدي=فأنتي بما جدتي من الخير ننعـم جدت لنـا بذهـب سايـل اسـود=معجـزة بالكيـف والفعـل والكـم فيا عجبآ من فعلـه كيـف اذ هـو=يسيـر جمـادآ دون لحـم ولا دم |
وشلون عليا غيرت فكـر ابـو زيـد=اللي يعدونـه هـل الفكـر محـراب مـدري كبـر والا مشـورة مقاريـد=والا ركب خيل الجهل عقب ماشـاب العمر- لا- ماله يابـو زيـد تجديـد=مبين(ن) في سورة التيـن بحسـاب ايضا ولا له لا انتهى رسـم تمديـد=واللي يقول انه لقـى غيـر كـذاب من طالت ايامه طوى طولهـا القيـد=لين يتوسـد لبـن ويلحـف اتـراب ومن جت له الدنيا علىكـل مايريـد=من الحور لوجاب الف ماينقلب شاب ويمكن يصيده بالحيل حابـل الكيـد=يمد لـه حبـل المـوده وهـو داب فـي وادي فيـه الحيايـا ملابـيـد=لو هي اصغار اسمومها وسط الأنياب الصيد في عمر الفتـى لـه مواعيـد=ولا فات ميعاده فتر حيل الأعصـاب واللي بلغ سبعين لـو مـره الصيـد=غير العوى مايحتـرك فيـه مخـلاب يالعود عود عودتـك للعـرب عيـد=انت العمود اليا اعتدل شد الأطنـاب عز الله انـك مـن كبـار الأجاويـد=ريف الفداوي والمسيـر والاجنـاب ولا شلـت الذلـه ايديـن الرعاديـد=يمناك مدفع لا ضربـت عايـل تـاب فيك المدايح مثل عقـد علـى جيـد=لو المحيط الأطلسي فـي فمـي ذاب وانظمت مايشدى القلايد على الغيـد=يبقى علينا من الجمايل لـك حسـاب من لابـت ترعـد وتمطـر صناديـد=وخيل عليها سربـة المـوت ركـاب بحدب النحاف اللي تقـص الجلاميـد=كم فيضـة دم العـداء وسطهـا راب يوم(ن) كل(ن) دولته جرهـد البيـد=سور على حد العدى مغلـق البـاب اولاد راشـد فـي كتـاب الأسانيـد=من حرب حامية الحرم روس الاعراب يوم الجزيـزه للحرايـب تقـل ميـد=ليا طبت ارض الملعبة غيرها هـاب تاريخهـا يكتـب بحـد البـولايـد=بدم العدى ومن الجماجم لـه كتـاب |
يا بن العريفي ياهلا ومرحبا فيك=يابن الكرام اللـي رفيـع جنابـه دعيتني يالقرم واجبـت داعيـك=وجتلك عبر ديوان حرب الإجابـه انظمت در مثل ما انظمت اجاريك=وتجددت بالقلب منـه الإصابـه تشكي وانا يالقرم في مثل مافيك=جرح من الماضي عميق صوابـه انا مضى لي ماضين مثل ماضيك=تجـارب العشـاق دايـم تشابـه قضيت عمري بين هاذي وهاذيك=اسري اليا غابة اعيون الرقابـه وارجع اليا بان الصبح واذن الديك=وغابت انجوم الليل واقفى سحابه اغواني اللي ياابراهيـم مغويـك=كنـه عليـه دعـوة مستجابـه كنه مركب فـي ردوفـه تماتيـك=يطوي عن الساقين ردفـه ثيابـه واليا نظر عكشه تميتك وتحييـك=غض غضيض ويل من يبتلا بـه ياقلب ياقلب العنى ويـن اوديـك=قصر الحشى من بعد خلك خرابه يا بن العريفي يابراهيم اوصيـك=وصيت للـرأس مثـل العصابـه افتح لها قلبـك وسجـل بأذنيـك=قبل الضماء الماء ميزه من سرابه لاتتبع المقفين وارفـع هقاويـك=ترى المقفي مثل ظـل السحابـه وان كان ثوبك قاصر او مايدفيـك=اوصل اكمومه لين تخفي عيابـه ثوبك اليا صنته عن الغير يغنيـك=وثوب السلف عليك مثل الجنابـه |
احمداللي خلا ابن مطلق صديق=الصداقه مـن ضميـره نابعـه واحد وبالمنتدى وكنـه فريـق=كـل ديـوان يمـر يتابـعـه نحلة تجمع من الزهر الرحيـق=صافـي تجنـاه مـن مرابعـه الأشراف بمثل ابن مطلق يليق=سلطة للمنتدى اخـرى رابعـه ليا نخيته مايمـن ولا يضيـق=اليا اتعبتني كثرة اخطاء الطابعه |
حربي وادافع عن قبيلة بني حـرب=ولي الشرف لقالـو النـاس حربـى الجد نوح ابو العرب والأبـو حـرب=إسلالةأبوالأنبيـا احـرار عـربـى وحنا مدافعها ليـا أشتبـت الحـرب=قذايـف تقطـع ظهركـل صـربـى واليا أعترض فى دربنا تايه الـدرب=يجيه سيـل مـن غضبنـا يدربـى نعسف الصعب والسم نطلا به الجرب=والخيـل لاصحنـا عليهـا تهربـي يدعي بنا من جاه من غيرنا كـرب=عسى تجيكم حـرب وتفـك كربـي وجيرانـا ماكنهـم بيننـا غــرب=تنسى وطنهـا فـي وطنـا وتربـي شرق القصيم حدودها والبحر غـرب=ومحارم الحجـاح فـى كـل دربـى |
0ياغايبه0
شعر : سعود بن عبدالله المبيريك [
البارحه ضاقت علي الوسيعه = كني بسجنن مظلماتن مبانيه مثل الذي فجئه جرت له فجيعه = على وحيدن غايبن عنه يرجيه اليا حبس دمعه عصى مايطيعه = اليا جاه من ربعه رفيقن يعزيه حزني مثل حزنه عجزت استطيعه=اليا حبست الدمع فجر مجاريه كنه مطر ديمن غزيرن جميعه= رش اوله يجي مثل رش تاليه حزنن قديم وحزن قبله طبيعه= وحزنن جديدن تو بانت مواريه حطم احصون القلب قبل المنيعه=وجرت وراه جيوش الأحزان تتليه رحلة شقى بين الوصل والقطيعه = من اللي تبيع القلب مره وتشريه ياغايبه والقلب عندك وديعه =مدرى وش الله فيك سوى ولا فيه |
اتحدنا وراية التوحيد لله أجمعتنا= شعب واحد والله الواحد وحنا من عباده مانطيع اهل البدع واهل الفتن لو خالتنا= ماعلينا من مثورة الفتن روس القراده زل عهــد مسيلمه والــدين نـازل فــى لغتـنا= مانقص بعد الرسول ولا نزل بعده زياده التعاليم الأسلاميه تبعناها و حمتنا= وطاعة الحاكم بشرع الله للمسلم عباده من عدالة ديننا بين البشر عدل انظمتنا=وراحة للنفس تلقى به مفاتيح السعاده والحضاره من ينابيعه دعيناها وجتنا=لين صرنا مرجع النهضة وميدان الرياده والشعوب اللى بتاريخ الحضارات اسبقتنا=أختصرنا دربها وفزنا وتسلمنا السياده واقتدت فينا الشعوب اللي قبل تجاهلتنا=من مناهجنا اكسبت خبره وعبره مستفاده والتراث العالمي زادت حضارته ارصدتنا = واكثر العالم علينا يعتمد كل اقتصاده حكمة القاده عن دروب المصايب جنبتنا = مانشوفه من خلافات وفتن حرب الأباده مدرسة عبدالعزيز القائد الي درستنا =وماضي التاريخ والحاضر على الواقع شهاده الملك عبدالله قايدنا وهومصدر ثقتنا=من يزور بلادنا بعهده تمناها بلاده يبذل جهودن الى خفنا من الأعداء أمنتننا=نصف ليله خدمة للشعب و الآخرعباده وابوخالد سوردولتنا وسماهاعن اعدتنا=مايتعلم جاء معلم قايد من ساس قادة توصيات نفذوها من موحد مملكتنا=من خطط عبدالعزيزبذورتسقيها القياده وانبتت زرع تنوع الامم منه أحسدتنا = كل مايحصد يزيد بكثرة اثماره حصاده |
اخترت مايبهر اعيـون الملاييـن=صنعت بشر للجن والإنـس تفتـن صالون لكزس جيب مركب سلاطين=لاسامه اللـي مامعـه قيمتـه ون لارن سلفه لجـت ابلوفـه آميـن=وردت اقزوزه تقل يقولـن اهبـن كـن التوايـر لاشلعنـه جناحيـن=صاروخ جو ارض اطلقنه سفايـن والا القطاه اليا اقتفتها الشياهيـن=تبى النجاة وهـن بعـد ماتعشـن إلى سطع نوره تقل نـار نجميـن=علـى شياطيـن تجمـع تهـاون صنعت حكيـم عبقـري الثقليـن=امه بشر وابوه مارد مـن الجـن تخالطت به نطفـت النـار والطيـن=لا جن ولا هو آدمي جاء مهجـن تقل يتسمع وش تقول الشياطيـن=الى وقـف فكـره تنهـت وتتـن عود(ن) اجفونه تقل كفت موازين=وصوابره من طوي الأيـام حتـن لاهمتـه دنيـا ولاهمـه الـديـن=همـه يصمـم مركبـه كلهـا فـن ملفاه قصر العز من اول وهالحيـن=قصر الوفاء قصر العطايا بلا مـن لولاي اعرفه قلت واحد من اثنيـن=من الجموع اللي تـزوره يطوفـن |
مهداة الى الزميل / الدكتور /
عبدالله البسامي شعر : سعود بن عبدالله المبيريك
ربعي نخوني وانا نخيت عبدالله = ابن الكرام الشيوخ من ال بسامي الي لهم يحفظ التاريخ بسجله = من الجاهلية الى التاريخ الاسلامي ومن عهد عبدالعزيز لعهد عبدالله= مكارمن حطمت بالجود الارقامي قحطان قمة سنام المجد تحتله = بأرض الجزيرة لها تاريخها السامي وشلون ابا اوصفه والطيب به كله=من هامة الرأس الى العشرين الأبهامي الي نخيته بلازم كايدن حله = من قومته يصغر الكايد الى قامي مايمدح السيف لولا شذرة السله = الى بها تفصل الروس من الأجسامي وهو سلة السيف الأبتر مابها ذله= اليا قال تم أعتمد عن قوله يحامي |
اخذت في شعري شهاده من الناس= والناس مدرسةٍ تخرجت منها الآدمي فيها على على عقله يقاس = ويعطى شهاده بالصدور تخزنها تنصب موازينه على لبنة الساس = وتعرض على اثقال العقول وتزنها يفنى وتبقى له مع الناس نبراس =يدفن وتبقى حية في كفنها ترجع بها اليا حل طاريه الأنفاس =ويقراء بها شخصيته وش عدنها اما كريم كاسب كل نوماس = اليا هامته شهب الشوارب حسنها في مجلسه تلقى الأجاويد جلاس = واليا سمع له زلت صدى عنها والا خبيث تجتمع فيه الأنجاس = اليا سمع له زلت ما دفنها تسمع شهيقه كن في حلقه ايباس =اليا سمع له هرجت ما مكنها نفسه بها من قلة الدين وسواس =عن طاعة الله بالخلايق فتنها جعل يجيله ماجاء الآصنام بالفاس= يوم الخليل اقتص للدين منها وبعض البشر بهيمة وآدمي راس= تمشي ورى من قادها في رسنها اليا جلس في مجلس صابه نعاس =من خلقته يأكل ويؤمر وينها في مطبخ الخفرات تسمع له انفاس =اليا انتخى على البصله وطعنها |
شفت حلاقن غريبن مظهره =قلت ابنشد هالبليه وش يصير قالو انته ماتعرفه ذا اشكره=قلت وش تعني ترى مانى خبير قالو لارجال ولا هو مره=جنس ثالث له وصوف ووضع غير هولتني نفختينن بنحره=مايحير بوصفهن غير الضرير وكن رأسه جنط وشعره كفره=والوجه مصبوغ تقل أرية بعير والأطافر كنها أظلاف بقره=ويلبس مزلط على شرتن قصير يقص قصاتن غريبه منكره =مايرضاها من البشر غير الحقير قلت هو من وين قيل من انقره=قلت مسلم قالو علماني كبير قلت ياحلاق مدري مسخره=ماييجيك من البشر غير الدشير من يخلي مثلك يحلق اشعره=وانت جرثومه من النوع الخطير لاتكتب حلاق واكتب مقبره= حتى يدري من يدخل ويش المصير مثلك لازم يبقى تحت السيطره=لااخلاقن تمنعه ولا ضمير مال مثلك غير حوش المحجره=ولو توسل ماتلاقي لك نصير لين يختم لك خروج وتذكره=جيت من دولتك طرور وفقير وتبي ترجع ما معك غير شعره=والكفيل يحاسب احسابن عسير شخص مثلك ينعرف من منظره=ما يجيبك واحد وهو فيه خير |
الساعة الآن 06:30 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir