|
ديوان الشاعر فهد مطلق السليمي
اخواني أعضاء وزوار ملتقى حرب الرسمي
أضع بين أيديكم محاوله أخرى كسابقتها جــأت هكــذا فقبلوها كما جــأت ,, والعذر يسبقها ..
يغيب الصمت في ساعة حضور الهاجس الفعّال = ويبقـــى للشعـــــور الحــــي دور أبمــــدة أغيـــابـــــه تسيّر لي هواجيسي إذا سمعـت بضيـــــق البــال = وأنا فكـــري لــزواره مبرهــــــج ضبــــة أبــــوابــــه أفــز لواجب الهـاجس يالين أقف علـــى الأطلال = وأدســــّم بالقصــأيــد والمعــانـــي حضـــرة أشنـــابـــه على كيس الضمير الـــي يقــدّم بالقصيد أمثـــال = تترجــــم مـــده الــــوافــــي من إحسابه على أحبـابــه أصوّر صـــادق أحساسي وأغنيبـــه على مــوال = علشــــــان المـــولــّـع لادرابــــه تهـــدي أعصـــابــه يعيش بمنطق الواقــــع ويبقـــي للطمـــوح أمـــال = ولا يشــطــب علــى حلمـه يالين يخوض بـــأسبــابــه يحاول قد مايقـــدر ولا يرجـــع علــى الأهمـــــال = وترى من يتعب بحاجه يحصــــل خلفـــــة أتعــــــــابـه يقولــــه واحدٍ صكت على حلمــــه يديـــــن أنــذال = تساووله وحطــو دون بــــابـــه خشــــم دبـــــــابــه ولاخلـّــــو علــى شفــــه مطاليبٍ لهـــا مدخـــــال = ليا منـــه بغــــى شــوفــه تقــــــوم لشــوفه أطــلابـــه خذالــه من سنين العمر خوه مع ضروف الحــــال = ولازالـــت ضــروفـــه تقـــوم بــــواجــب إنشـــابـــــه تعذب من صدوف ٍ تجمع الضيقه مع الغربـــــــال = ليا سيطـــر على الأولـــى تجيب الثانيــــه جـــابـــــه تعبت أشيل حمــــــلٍ ماتشيله بالرحيــــــل أجمــال = عطيتـــه دفة أمتــــوني وزود وقتـــــــي أنصــــابـــه ولاكني صبرت بموجب إن الصبر طبع إرجــــال = لعـــــل الصابـــر يحقــــق مطـــاميعـــه ومكســـــابــه ولاكدرني إلا ديـــرة الـــوجهــــه لأبــــو بنطـــال = وسفه العـــاقـــــل الــي راح يكشخ بأفضل أثيــــابــه يدور هيبة الهيكــــل ليـــا زاد الشماغ أعقـــــــال = مايــــدري بـــأن جيــــل اليــــوم غير واقع أدابـــــه صحيح إنه تغير كــــل شي وشــــانت الأحــــوال = بعد ماطالت الدعــــــوى وفر الوقـــــــت دولابـــــه ولاباقي ياغير نقـــول كبــــرة حجـــة الجهــــــال = وضعفت حجـــة العــارف وساح الحبر بكتــــابـــــــه إذا شفت المعلم داخل براســــــه شوي إهبـــــال = عليك الله وأمــــان الله تقـــــدر وضـــــــع طــــلابـــه ترى ماللملامـــه ياوسيع المعرفــــــــــه منـــزال = على صدرٍ ملاه الضيق ولخبط حسبـة أحســـــابـــه ولولا فزعة الهاجس وشوفــــــــة دوره الفعــــال = لاعاد الغيض في صدري وطـال القاف بأغيــــابــه |
وقفــة ألم
//وقفـــة ألــم //
اقتباس:
|
الشعر مايصعب على أنسان موهوب = معطى على سبك القوافي وكاله يصخر بنات الفكر لو أنهن عوب = ويرسم هدفهن بين صعب وسهاله وأنا إليا غنيت غنيت بأسلوب = أسلوب يجمع بين عرف وجزاله وإليا بغيت أوصل من الجاش مطلوب = عندي على سرد القوافي بساله كن القريحه تودع الشعر مندوب = ينقل هدفها مثل نقل الرساله رسالةٍ مابين عاشق ومحبوب = الكل منهم طاوي البعد حاله كلن عن الثاني غدا شبه محجوب = ومن بينهم ضاع اللقاء وأحتماله وصار التواصل بينهم عبر مكتوب = ومرسالهم بأخبارهم طفل داله يمسي من أسباب المراسيل متعوب = والي مضويه التعب مادراله مشغول باله مايبي غير رعبوب = رعبوب مثله مشغل البعد باله العشق مايرحم أحاسيس وقلوب = وأنا مجال العشق مالي وماله الي يشيل بداخل الصدر ويجوب = شي ٍ يشيب بالرموش أجتواله أصحاب حطوني على جال لاهوب = وصارو على كف المواجيب عاله من فعلهم ماصار للعرف ماجوب = زاحو جناب المعرفه بالنذاله والمعرفه ما تتخذ كأنها ثوب = يفسخ اليا جرد ويلبس بداله والشارب الي كله عيوب بعيوب = أقلب عليه الموس قبل أعتداله |
هذه القصيده ومجاراتها من القدير /// سعد المحمدي
الناس كلٍ حسب عرفه وتفكيره = والي يميز عقول الناس مبداها أحدن يحدك على شكره وتقديره = وافي و دايم علوم الطيب يهواها وأحدن يحدك على شطفه وتحقيره = سامج و دايم علوم العز يشناها وطيب البشر صعبه تحدد معاييره = كلٍ يمينه حسب طيبه سواياها وإلا الردى بيّن ومعروف تقصيره = راعيه نفسه على الأصحاب بدّاها ولو قال ما قال ماتمشي دهاويره = تعرف علومه من أولها إلى أتلاهــا الأدمي يعرف من أخلال تعبيره = ويبين غيب القلوب بواقع أحكاهــا والعاقل الي كلام الناس مايثيره = وإن جاتله ساقطه ماكنه أوحاها يسكت وياخذ عن السفّاه تشطيره = والعالم الحاقده يصحى لبلواهــا فهد مطلق السليمي
تعيش ياشاعراً جزله تعابيره=الطيبه والثمينه ماتعداها ماهد ماهد في صلف الهواء طيره = راعي جزاله ماداوى عين وعماها ياصاحبي وقتنا كثرة خوابيره= والناس كثر الحسد والخبث عداها به من خلط هيله الاصلي بشعيره= اليا كتبها بلش وشلون يقراها يفرفرالحصان اليا اندهن سيره=المخطيه من ردات الحظ ينصاها مافيه شيمه ولا حكمه ولاجيره=عند المصالح حياض الناس يجفاها ما ناخذ الشور من مثله ولا نشيره=نفسه زعلها يساوي عندي ارضاها وبه مثلكم يالسليمي طيب السيره=نفسه على الطيبه والعزممشاها مايغيره كثر يالصاحب دنانيره=لو يملك سويسرا ويحل بحماها على الرفاقه ماينفخ يالسهم كيره= ومن قدم الطيبه لابد يلقاها سعد المحمدي |
مدارات شعريه ( مضحي الجمران - سعد المحمدي - السهم الحربي )
هاذي مدارات أتشرف فيها لأنها من شعار كبار وأعتبرهم أساتذه أستاذن الشعراء وأستاذنكم بوضعها بين أيديكم بدأ الشاعر الكبير مضحي الجمران وقال
الهواء والعشق مايبقى وسيلـه= كل شيٍ زاد عن حـده سماجـه
مع مدلهة الخوي مخلي سبيلـه = يالسهم معادلي بالعشق حاجـه دام عندي بنت ناسٍ لي حليلـه = كيف اهاوي غيرها مثل الخواجه وجاراه الشاعر الكبير سعد المحمدي وقال :
السهم عداء على راس الطويلـه= لرماه اصبح على العالي مواجـه
ان سمع صوت الرمي يرفع شليله= لو نبي نرميـه يعمينـا عجاجـه صابه اللي يفلج المخطـي دليلـه= مضحي الجمران عكر له مزاجه مايوصل راعي الطرقه صميلـه= دام جلده يشبـه لجلـد الدجاجـه بازناد ان شب في راس الفتيلـه= كل جرحٍ عندنا يوجـد علاجـه وجيت أنا وقلت هالبويتات :
الهواء والعشق مانتم ضمن جيله= دامكم شيبان خلـــوه بحــــــراجه
ودورو سوق المساويك الجليلــــه=كل واحد مطلبه حسب أحتياجـــــه مضحي الجمــران داله مع عميلـه= ولايغير قايد الريم أنتهـــــاجــــــه حسب قوله مكتفي بأحسن بديله=له مسار ولايفكـــــــر بأزدواجه عارف أن السيل لاعدا مسيلــــه=يغرق الشاوي ويسحب من نعاجه والمجاري يطمـــر براس النثيلــه= وأن غشاه الليل ماولع سراجـــــه يرهبه سرحان لازاد بعــــويــــــله= ولاوطاه الخوف مايعرف خراجـــه إن غزوه القوم ماينطح قبيـــلـــــــه=و لاسمع صوت التفق لاذ بزراجـــــه المشوك ياسعد حذرا تشيلـــــه =لو تشيله ماج قلبك بأرتجــاجه وأعرف أن الدم يعــرف بالفصيلــــــه=والقلوب أما حجر وإلا زجـــــاجـــــه والسهم خلوه يطرب مع خليله=كلها شهرين ويحدد زواجــــه ثم رد الشاعر الكبير / سعد المحمدي وقال :
ياقلمـنـا وف لـطـلاب كـيـلـه=من بـلاد الهنـد والا مـن سفاجـه ادري انـه يرقـب الضلـع ويميلـه=لـه علـى عاليـه وقفـه ودراجـه ميـر حنـا نشفـي الكبـد العليلـه=نعرف النادر من فـروخ الزراجـه ماحدونـا مـن لهـم وطيـه ثقيلـه=عارفين البير عذبـه مـن هماجـه شاعراً ماسـار مـع دربٍ بديله=اسمـه الاصلـي على عالـي نتـاجـه يوم شاف العـام بالاوضـاع ميلـه=مارضي ركب المسامـه والحداجـه يالسهـم راع العواجـه ماحبيـلـه=ظربتي يالقرم مع مقـرن حجاجـه وانت ماحصلتلـك بالـدرب زيلـه=مـع عـدال الـدرب والا بنعواجـه لو صغيـر السـن بالطرقـه دليلـه=دق سلف الجيب من داخـل كراجـه ونحـره نجـد العذيـه قبـل ليلـه=مايلفلـف بالحـواري مـع زناجـه وصاب راس الذيب في عيطاء طويله=ماخلط سهم العـرب مسكـه بداجـه صح من قال الفتى من طبـع جيلـه=بالرجولـه والهقـاوي والغنـاجـه قاله اللي يعـرف العيـص ونخيلـه=مايدس الراس فـي يـوم المواجـه ومن يدسـه مالنـا بالامـر حيلـه=والسكوت اخير مـن كثـر الجاجـه |
بويتات (كيبورديه) أقبلوها ع عجل
يالـــي تعـز الحـرف لاتذبــح الحــــرف = خله بحاله وأعتقه يابـن الأجـــــــواد ! [/quote]لاصار مانته بادعه حكمه وعـــــرف = ماهي على كيفــك مواريث الأجــــداد ! تلعبهـــــا حتـــــــى تميلـــح على تــرف = أو تسحـّــــب بالــــدواويــن شحـــــاد ! تشيل خشم البيت وتصـــكـه بجـــرف = وعلى العـــدام تنوشه سن حصـــــاد ! لاوعذابــه غسّـــل عيونـــــه الــــذرف = والموت واقف له على كل الأبعــــاد ! وأنته تقول أنك تجمــــل بــه الظــــرف = أُُُُُُُُُُمــا الحقيقه دابــــــلٍ فيــه الأكبـــاد ! ولو أننــــا عن حالتــه نقصـر الطــرف = يبــــي يمــوت الشعر ونعيش بإحداد ! والعلم بيـــن لـــو يشيلـــه بطــــن زرف =ياخوفتي مانتــه عن العلـــــم نشـــاد ! أو أنت بأسباب الهوى منجــرف جـــرف =تبغا يسمونــــك مع النـاس قصـــاد ! لاكن ترى سيــرك تنحّّــــابه الحـــــــرف =ودك تحصل منوتك ميـــر مافـــاد ! |
[
أخواني أعضاء وزوار هذا الصرح الشامخ أهدي لكم هذه المتواضعه على أمل أن تصافح ذائقتكم فأسمحو لها بالمرور لكم الجديد
قامت صواديف الزمن تاطانـــي= وأسترسلن عقب البطا قيفــــــانـــي حييت يالهجس الصدوق الراهي = يالي حضورك يقلب الأوزانــــــــي طوّل غيابك وأستضاق الخاطر=من شهر عشره مبعد الأوطـــاني واليوم جيت وجيتك محســـوبـه = ضيف ٍ عزيزأو واجبه ينخــــانـي والله لاذبح لك بنــات أفكــــاري = وأصب لك من دلة الأشجــــانــي لين أكرمك وأعطيك كل أحقوقـك= حقن علي أوجّب الضيفانـــــي قال المثل أكرم كريم وتربح = وإلاالردي من يكرمه خسراني وأنته كريم وطيبتك ملمــوســــه =لاشان وقتي والزمان أشقانــي تاقف معي وقفة صديقن صادق = وأدلـــه معك ياعمدة الصدقــاني وأطلق خيالي بالفضا ويروده =وأقوم أكوسر بالقصيد الحانـــــي وأنظم ابيوته مثل نظم السبحـــه = يالين تظهر خفته بالســـــانــــي والبسه أصفى الحلي من الذهــب=حتى يرجّح كفــــــة الميزانـــي ثم أبتدي وأطلق سراح حروفــه = وتعود معها سرحة السرحانــــــي قولن جزيل وسامعه يطــربلــــه = ويثني عليه السامــع الحقــانــي وإلا الغبي ماهمنـــي لو ذمـــه =عمر الذكا ماناسب الغبيانـــي ماهو غرور وغطرسه ياربعي = إلا كلام ٍ يدعمـــــــه برهانـــي انا بسيط بمنهجي وأسلوبــــي=ويغلب علي الطابع العقـــــلانـــي تحكمني أعرافي وسلم جدودي = الي عليهـــا والدي ربـــــانــي الدين والفزعــه وبعد النظــره = وذبح السمين من الغنم للعانــي والباس والطيبه ولطف الجانب = والجيره الحسنه مع الجيرانـــي ودعم التواضع والتواضع مكسب = والي يحصل جانبه كسبــــانـــي والحمدلله يـــــوم ربــــي حطـــه=منهج يثبت بالخفوق أيمـــــانـــي ما أشوف نفسي لاظهرت بميزه = حافظ حقوق الجانب الأنسانــي ومع مالقيته من مديح بشعــــري = ماقلت يالله يالغرور أنحـــانـي شاعر أديب ونظرتـي رافعهـــا = ولايمكن أني التفت للدانـــــي حتى قصيدي لابغيت أقولـــــه = ماخصصه في قايد الغـزلانــي أعرض عليه أوضاعنا بالمجتمع =واليا عرضت أوضاعنـا حياني وأقلط وأخذلي بالمشاكل وقفـــــه = وأطرح حلول المشكله بأحساني يثيرني فعل الخطـــا ياعالـــــم = بالـــــذات لاصار الخطا بالعانــــي وأكبــر خطا إن العرب ماتخجل = تلقى الجميل وتعقبه نكــــرانـــــي ! لين أنتشـــــر بين العرب حســاده = صف الحسد وأفترقت العربانـي! هــذاك يبغى ينتقص من هـــــذا = لين أكتسب من نيته نقصانــــي ! وأفلان مايقدر يعــد الواقـــــــع = إلا ليا يعــــد الصحيح أفــــلانـي! وحتى المواهب ينحسد راعيهـا= لو المواهب وهبة الرحمـــــانـي ! وشلون نبغى نرتقـي للقمه = وحنــا ندور عثرة الفرســــانــي ؟! والراعي الي مايشكل قوه = نعطيه سرج وندعمه بأحصــــانــي ! ويروح وحزامه ملي وكامل= ويرجع احزامه بالفشق مليــــانــي ! واليا نشدت أصحابنا عن وضعه= قالو شجيع ويرهب الشجعانــي ! أثر الزمن هذا زمان أمغاير = وانا أحسبه كـ ماضي الأزماني ! فيه البشر تلقط عيوب الشاطر= ولاتمتلك عن زلته كتمــــانــــي ! تركي عليه من العتب وتعاتب = وترمي عليه من الجهل جحداني ! أما البليد تجامــــلــه باأخطائه= لو هو على طول الزمن غلطاني ! وأنا وقعت أمع الضمير بموقف = اليا رضى زعلت علي أخوانـــي ! واليا زعل لايمكن إنه يرضــا = لاما غديت بموقفي حيرانــــــــي ! الله وأكبر يالزمان وجـــــوره = كم أشتكى من وطيته شيخــــــاني؟! اليوم يظهر لك بسنن ضاحك = وبكره تشوفه عاقد الحجــــــانــــــي ! ربطت جوره بالحديث السابق = من بعد ماشفت الصريح يعــــاني من ينفرد في نظرته مايسلــم = أمــن الزعل ومعاتب الشرهـــانــي هذا نظام ٍ جــالنــا من تالــــي= وأنا غــديت بمـوجبــه بلشـــانـــــي ويالله تستر مــن نظـــام ٍ قــادم= يمكن يصيب أهل الوفا حرمـــــاني حنا بزمان العولمه والفتنــــــه = نرجع ورى ونقفل البيبـــــانــــــي ! نبغى التطور والتطور ضايع = كلٍ على بث الفضا شفقـــــانــــي مير النتيجه ماتسر الناظـــــر = هز وطرب مع عاصي الحــــلاني وأوادمٍ منهــــا الحيا متبــري = تشوفها في ســــاحــــــة الدكـــاني هذا يغومض للفتـــاه بعينـــــه = وهذيك تبغى تزحم الفتيـــــانـــــي حثت عليها العولمه وأستابت = تضحك وتتبع سيرة النصــــرانـــي دنيا عجيبه جيلها متعاكــس = غادي من أسباب الفضا خربــــــأني قام الولد يلبس لباس الأنثــى = وأم الضفاير شالت الغطيــــــانــــي تميل للبس الكريــــه الضيق = لو كان يظهر جسمها عريــــــانـــــي وأبو شنب شال الشنب وأستمرد = وأدرج حنوكــه للملا بألبــــــانــــي وقتٍ غريب ومنهــجٍ متناقض= عسى الولي من موجته يحمـــانــــي ويقلب توجه جيلنــا للأفضـــل = ويرسل عليه من الحيا هتـــــــانــــي وسلامتكم ] |
--------------------------------------------------------
|
بويتات خطافيه جت على عجل وتقبلوها بصدرٍ رحب :0746::
واحليل الي على شفه تعنـــــــــا = وراحت الايام ماحصل مــــــراده ويوم حظه مع هل العليا تــــــدنــا = قام ينتف شاربه لعيـــــون غـــــاده يرتقص من صورة الكف المحنا = ولايهمه بيض وجهه من ســواده في حياته من حياتـــــه ماتهنــــا = راح عمره من قراده في قـــــراده وإن سمعت إغناه لاقام يتغنـــــــا = ابتسمت وقلت يازين الركـــــــاده شاعرٍ دن دوف واعزومه تثنــا = كل ماذع ذع هــوى الغربي براده أكبر الأحلام لاقــــام يتمنـــــــا = ريح وردٍ من علوم الطيب ســــــاده يحسب إنه لاضعف باسه يهنـــا = والحقيقه ماشيه .. عكس إعتقــــاده ليت مثله مايــــدوج في وطنــــا = وإن وجد مثله يدخل في عيــــاده لو.. لسان الخبل بأعنانه يعنــــــا = صار قرم وجاب للسانه شهـــاده مير صار الشعر في تالي زمنــــا = لا مزاج ولاعلاج ولا ريــــاده كان فن وفنه الماضي تفنــــــــــا = وصار قن وقنه الحالي قنـــاده فاقدٍ للذوق وابيوتــــــه تبنــــــــا = فوق ساسٍ هش مايبطي هــداده ودام حتى لابس السلسال هنـــــا = كيف يقدر يخفي الهاجس وداده ؟ أتركوه يبوح .. معلوقه تحنـــــــــا = مايصير أيصير جرحه بأنتقــاده جاملوه وخلو الواقع يكنـــــــــا = مابقى له في ذرى الصح أستفاده الصحيح يموت والكذب أمتحنا = صارت الأكذاب عند الناس عاده الصراحه طيبه منكم ومنــــــا = أقبلوها كاش ماعندي هـــواده لو لقينا شعر جيّــد مثل بنـــــا = او يقارب مستوى مرسا ســـداده كان زالت علة التهريج عنــــا = وصار عندي في قصيد البيض راده وسلامتكم [/quote] |
أخواني الأعزاء لكم جديدي ممثل في هذه القصيده المتواضعه والتي أرجو أن يكون لها قبول
الناس قالو طراة الشي في حلـــــــــه = والي يجي دون حله مايجــــي غـــالــــي
الأدمي مايعيف الشي ويملـــــــــــــــه = الا ليا حصله من دون غربـــــــالــــــــي أصبر شويه وياصل علمنا كلـــــــــه = وتنبيك عنه الشوارد وسط الأمثــالـــــي يامغطغطين الحقايق بانت العـــــلــــه = وجه الحقيقه سليم وجسمهـا بــــالــــــي ! ومن دونها ياقف الرجلي على ضلــه = ومن خلفها تختفي موجات الأرســالــي ! اليا متى نكتم الموضوع بسجلــــه؟ = ونقصر حدود النظر عن وضعنا الحالي! تضحك علينا وجيهً مالها ملــــــــــه = والجيل الأول يـــــدمر جيلـــه التــــــالي و(الأب) كنه يفجــــــر بالولـــد غلـــــه = و(الأبن) يبغى حياته تمشية حـــــــــــالي ! من صغر سنه طليق ويتبع الشلـــــــه = والموت من شلةٍ ماعندها والــــــــــي تدل درب الهدى وتقول مـــــاتدلـــــه = يلعب عليها اللعين بكل الأحــــــــوالـــي وإن قلت هذا غلط تنطحك لا باللــــه = لا بالله إلا صحيح بعين الأنـــــذالــــي أول : رسوم الخطا بين العرب قلـــــه = واليوم شفنا الخطا بالوان وأشكــــــالي العولمــه سيطرت / والعولمــه ذلـــــه = والتربيه حولها تشكيك وإجـــــدالــــي الشاشه الي تربي داخـــل الفلــــــــه = والشارع يساند الشاشه بالأخــلالــي ! والبيت يطلب وكـــف العــود يرســله = وعن الفوايد تدنت روس الأموالــــي ! على الولد يرخي المصروف ويهلــه = ويلقى الجزا من رداة الحظ طــوالي أما يمره على المركوع ويزلــــــه = وإلا يدفه بدارٍ سورها عــــــالـــــي ينسى رضى شايبه لامن لقى خلــه = ويستكثر يواصله لو هو بجــــــــــوالي ! وأحقوق الأثنين لايمكن يعـــادلــــه = أياة حق ٍ على الدنيا تنــــامـــــــــــالي مير إن بعض المبادي جابها خلــــه = والبعض الأخر بدين وبطنها خــــالــي ! ومن شاف عودٍ يصيح ونجله يتلـــه = بيقول وش تذخر أحفادي عن عيالي ؟ ! وإن كان دق الكلام موازين جلــــــه = بكره يجيك الخبر من دون مرســـالي! وسلامتكم ]ملآحظه : كان لحلقة أباء يموتون قهراٍ والذي بثت من خلال برنامج نوافذ على قناة الأخباريه دور كبير في كتابة هذا النص ,,,.. |
بدون مقدمات من الكيبورد إليكم :
أستمع لي وأعتبـــــــــــر قولــــي نصيحــــه = مـــــاوراهـــــــــا يالبيب العـــقل حــــــاجــــــــه
أنت عندك عـــــادةٍ مـــــاهـــــي صحيحــــه= مايقـــــــــــــر بصحهـــــا حتـــــى الخـــــواجــه تنقــــــل المسباح وأبـنــوكك شحيـــــحــــــه= وتقتمص لك دور بثيـــــــاب السمـــــــاجــــــــه وكل ماسجيـــــــت تسرق لك ذبيـــــــــحــــه= وأنت تدري سرقة الغــــــــالي ســــــــذاجـــــــه من رصيد الناس تكسب لك شريحـــــــــــــه= مانت كاسب شي وأرصيـــــدك دجـــــــاجـــــــه أشهد إنك قمت فــــــي فعلـــــــه قبيـحـــــــه= وطبعك المضروب مايعــرف عـــــــــــلاجـــــــه تعرف إن الكذب منقــــــود وفضيحـــــــــــه= لآكـــــــــن إنـــــــــك ماتقيـــد عن رواجــــــــــه تفعل الفعل الــــــردي ثمً تبيـــــــــــــحــــــه= لين طحت اليوم مع عنـــــــق الزجـــاجـــــــــه ولو مدحك أنســــــان وأرخــــالك مديحـــــــه= لآزم أنك مع هـــــل الواقــــــــــع تـــــــواجـــــه الصحيح أحيان لو تبغـــــى تــــــــــزيحــــــه= كنك الي تثبتــــــــــه عنــــــــد إرتجــــاجـــــــــه ليت قلبك من عنـــــــا الدنيـــــــا تريحــــــه= قبل تنزل ســــــــوق ماتعـــــــرف خـــــراجــــه الليالي بالخفــــــا ماهــــــي صـــــــريحــــه= كم وسيع ٍ عّقـــــد الخافـــــي حــــــجـــاجــــه وكان ودك تطلـــــــع بصــــــوره مليحـــــه= أقرن الأنتــــــــــاج مـــع راعـــــــي نتـــاجـــــه وإلا تـــــــــدري مالك ومـــــال القــــريحـــه=العلـــــــوم البيـض مافيهــــــا لجـــــــاجــــــــه وسلامتكم |
هاذي قصيده للشاعر الكبير والمبدع سعد المحمدي وهيض قريحتي هالمبدع وجاريتها بأبيات وأنا أدري إن قصيدته شيخه وفيها مافيها من معاني جزله وراقيه ومن الصعب مجاراة قصيده كهذه بنفس المستوى ولاكن للمجتهد نصيب ,,, يقول سعد المحمدي :
طاح القناع وبان يالاجواد وجه السارقه = ماقول علمٍ ماعليه أثبات من زيد وعمر متسميه في بنت فارس قام يوضي بارقه = تبغى بها ماطا قدم مابين بدوان وحضر الوسم واضح والعلامه ياجوديه فارقه = ياأهل مصر لاتشجعون السارقه يا أهل مصر العام جابت ذاهبه من دار شرق الشارقه = خفر السواحل زاح برقعها على ضابط خفر لو مازعلتني بابها يالربع ماني طارقه = بكره تاخذنا بالسرا ياصحابنا نفر نفر ونصير حنا السارقين اسباب وحده مارقه = تبغى تسوي من بنات الناس بالقمه قصر اخاف بيدين العداء تصبح زجاجه حارقه=حطيت تحت السالفه خطين للفاهم حمر سعد المحمدي وهاذي مجاراتي عسى أن تنال إعجابكم
شمس الحقايق ياسعد فوق الحقايق شارقـــه = ماتحجب بغـــربالــــها لوحـــاولــــو بعض البشر علمك وكاد ويندرج ضمن العلوم الخارقـــــه = عن الذي صلا صلاة الصبــــــح بالرحله قصــر متذرعٍ له حكم والحكـــــــم الملايم طارقــــه = يقصر فروضه كلها لاصار في عرض السفــــر العام ينقل سرقته يوم السفينــــــــه غــارقـــــه = وخفر السواحل حرر القصه على شاطي بحـــر وسجل عليه مخالفه بأسباب شـــــــــيٍ دارقـــه = وعاود على نفس الغلط من بعد ماكمل شهـــــــر ولو كان له وجه يعرق ضمن الوجيه العـــارقه = ماقام يكتب له سطر ثم ً يجنب له سطــــــــــــر البيض يفرق زينهن وأوصافهن متفــارقــــــــه = وراع العباه يشوفهن في ناظــــــــــره لعبـــة بزر ليته يعدل سيرتـــــــــه وإلآ القصيد يفارقـــــه = لاصار مايقدر يقدم للقصيد أغلــى مهـــــــــــــــر فهد السليمي وسلامتكم |
الشعر زان وزان نظم أحروفــــه = وقريحتـي كنّ الضروف أحيتهــــا
تاخذ على جزل المعاني حوفــــه = ولاتختلف صوب الهدف نيتهـــــــــــا شيكاتها حسب الحدث مصروفــه = ورافع جزيل أنتاجها رايتهــــــــــا والي يمر إنتاجها ويشوفـــــــــــه = يمكن يفوت ولايصــل غايتهـــــــا أبياتها حول الهدف ملفوفــــــــــه = ولاتحتمل بعض العرب وطيتهــا تظهر لها فوق النوايف نوفــــــه = وعن الشفا ماتنقصر فيتهـــــــــــا والي يثير أعصابها بسيوفـــــــه = لايـــدرق لآصملت هيتهـــــــــــــا وإن ولعت نار الغضا في جوفـــه = ترى السبب من نية ٍ بيتهــــــــــا يبغى الشجـر تظهر عليه احفوفــه = حتى العرب ماتختلف مشيتهــــا ياهل النقا من ينثني بوقوفــــــــه = ماينقبل لو صفحته زيتهــــــــا مابه رفيق إلا بعيد الشــوفـــــــــه = وإلا البشر ماتختفي سيتهــا وأصحابنا الي ساكنه بالكوفـــــه = قشعة خلا ماتنومن حيتـــهــــــــــا تم الكلام وزبدته بحروفــــــــه = موجة غضب جتها هبوب أحيتهــا وسلامتكم |
أتشرف بالأنضمام لهذا الصرح الشامخ
وهاذي محاوله شعريه (كيبورديه) أسمحو لها بالمرور :
التعــــاون بالبسيطــه والكــويــــده = والتكـاتــف حــــول تشـــريــف القبيـــلــــه خصلتين ٍتتبع أخصــــالٍ عـــديــده = ضافهـا الحربـــي على بــاقــي حصيلــــه الحروب أخوان والغايه فــريــــده = ومن يريد أثبــــــات لـــه قوقل دليـــلــــه بس يكتب وسط قوقل مايريــــــده = عن بنوك الطيب وأسيــــاد الجزيـــــلــــه ويتقدم ملتقى حرب بجـــديــــــــده = وللجزيل محــــــرك البـاحـث يحيــــلــــه بين شعر وبين علـــــمٍ يستفيـــــده = كــــــل زايـــــر وده أنـــه ينتمـــــــي له ويكسب الإبداع ويـزود رصيـــــده = من سوالف جيــــل سابق ركب جيــــلــــه ومن ثقافة حاضر الوقت الحميــده = وإستضافة فكــــرة الشعـــرالجميــــلـــــــه أحد يكتب عـن مواضيــع ٍ مفيـــده = وأحــــد يكتب عن رواميــــــع ٍ تشيـــلـــه وأحد يكتب عن شعوره في قصيده = وأحد يكتب عن مواقــــف تستمــيـــــلــــه والنوايـــا بيض والأنفـس سعيـــده = و ملتقانــــــا غيــــر مانقلــــى مثيـــــلـــــه أقبلونـــي فيه عضــــوٍ مايزيــــده = غير فخــــــر وعــــز يوم إنه يجيــــــلــــه |
دار بيني وبين أخوي الصغير ( علي ) نقاش حول القلم ودوره بأنتشار العلم والمعرفه عبر الأمم إلى إن وصلنا إلى الشعر وقال لي ليه الشعراء ماتطرقو لدور القلم بالعلم بشكل خاص ولاتطرقو له إلا في بدايات لحظيه مثل ( سر ياقلم ) وماشبه ذالك قلت ماهو مشكله أنا بكسر القاعده وبكتب أبيات مخصصه في القلم ودوره بنشر العلوم ,, وإليكم هذه الابيات وأمل أن تحوز على رضاكم :
القلم يحمل على عاتقه جـــــل العلــــــــــوم = وكل عالم ينشر العلم في حبر قلمــــه دوره الفعال ياخوك ماهـــــو بمهضــــــــوم = غير عند الي تساوا وجوده وأعدمــــه لو تزود التقنيه وأتطور كــــــــل يـــــــــوم = القلم في نهضة العلم مركوز علمـــــه مايرخص قيمته ياعلي كود الرخــــــــــوم = أو شخصً جاهلٍ .. حتى دوره مافهمــه القلم مرفوع قدره على روس الرجـــــــوم = علم الي لا كتب شد حيل المرسمـــــه ذاكره ربي بمحكم كتابه ومعـــــــــلـــــوم = هو سلاح الرجل لاقام يكرب محزمــــه ومن تسلح فيه مارجـّـع الركــب مهــــزوم = ومن تهاون فيه روّح على ظهر أحلمــه يرفع الله طالب العلم والرجل العـــــزوم = ويذهب الله من شجون الملاهي تحكمـــه كم شخصً بيت عزه على الساس مهـــدوم = يوم ربي عن وحا العلم والعز أحرمـــه وكم شخصً بيت عزه على حد النجــــــوم = يوم ربي قارن العز بالعلم أخــــدمــــه وسلامتكم |
]
اليكم هذه الابيات الكيبورديه تعليقاً على خروج المنتخب من بطولة
المنتخب كلّه بحاجـــه لتغييـر = إدارتــه ومـدربــــه واللعيبـه حتى يحقق ماتبيـه الجماهير= وياخذ من أمجاد الملاعب نصيبه هاذي ثمان سنين مافيه تطوير =واليوم ذقنا بالخروج الضريبـــه ندخل بجو المعركه دون تحضيــر =وأكيد نجني من وراهــــــا غليبـه أضعف فريق يسوقنا للمخــاسيـــر =وتكتيكنا بأوراقنا والحقيــــبـــــه مافيه تسديدن ولافيه تمريـــــر = ماغير (طق وطير) حاجه عجيبه واليا صدر من ملعب الضد تحذير =كلٍ يشاور بالمهمه صحيبـــــــه وبعد اللقاء لازم نسوق المعاذير =حتى نخفف من وقوع المصيبــه خلاص مانبغى شماتــــه وتبريــــر =نبغى ليا شفنا (المذّهب) نجيبـــه وناخذ جوايز مع شهادات تقدير =ويصير الأخضر كل خصمٍ يهيبه |
هجوس الشعر صفت لــــي قوافيهـــــا = وبعد صفت بديت أفتــــــــــل معانيهـــا على حب ومحبه نبنــــــي المـــعنـــــا = وناخذ من بيـــوت الشعـــــر راقيهــــــا ونهديها لقايد نهضــــة الدولـــــــــــه = زعيم المملكه والي سكــــــــن فيهـــــا أبو متعب وإذا وصلــــت لأبومتعــــب = تزين حروف شعــــــري يــوم أغنيهـــا لأنــــي من صميم الذات قايــــلهـــــا = ولاعندي تصنع فـــــي طــــواريـــــهـــا أحبه مثل حب الأبن للـــــــــوالــــــد =محبــــــه والمحبــــه كيـــــف أخفيّهــــا؟ تجلّت يوم شفتــــه بالسعــــــوديــه =بعد غيبه طويله مــن يــــــواليهـــــــــا؟ تمالكني مجيــه وأحتفــــل قلبــــــي =وطلعت أنزع عن الفرحـه مغــاطيــهــا ولقيت الشعب كلـــه عايش الفرحـه =وبديت أمسك مسيرتهــم وأماشيهـــــا وإلا مني مشيت وشفت لــــه صوره =وقفـــــت أقبــل الصـــوره وأحييهـــــا عساني مانحرم شوفك ياحاكمنــــا =وياقايـــد دفة الدولـــــــه وحاميهـــــــا فعولك ياحبيب الشعب ملموســـــــه =ولابه شخص بالدنيــــــا يســــــويهـــــا تدور مصلحة شعبـــــك وتحضـــرهـــــا =وعلى نفســـك يابومتعب تبديهـــــــــــا تتبعنا جهودك فـــــي مصالـــــحنــــا =ولقيناهـــا كثيــره صعـــب نحصيهــــــا فتحت الباب لأجل تشوف حاجتنــــا =وإذا بانت لنــــــا حاجـــــات تقضيهـــــا مع أشعوبك تعامل في شفـافيـــــه =تحاورها علــى الواقـــع وترضيهــــــا وتحب العلم وترفع همة العــــالـم =وتبني من صـروح العلـــــم باهيهـــــا وتراث المملكه تحرص على جمعـه =وتـــربـــط بين حاضـرهــا ومــاضيهـــا وأوامرك الأخيره تطلق الخــاطـر =ويبقى فـــي نفــوس النــاس طـــــاريهــــا نجدد لــك يابو متعب تعـــــاهـدنــا = وعدوانــــك إذا زلــــــت نعـــــاديهــــــــا [center]وسلامتكم center]] |
هاذي الأبيات من نسج الخيال طبعا :0746: وبالأول والأخير أنا ماني شاعر غزل ولا أعرفله لاكان هاذي خربشه ومحاوله بسيطه أقبلوها بصدر رحب ,,,,
لاتستغل ضـــروفنا ياخلـــــــــي = وتروح تنقض عهدنا وتخونه وسلامتكم خل الخيانــــه يالحبيب تـــولــي = ترى الخيانه عندنا ملعونــــــه إرجع ورى بالذاكره وأرسلــي = منها شواري حبنا المصيونـــه يوم أننا ننقز بظهـــر الهلــــي = ونسوقها قدم الفريق بهونــــــــه خوفٍ يفطّن صوتها المتجلــي = شخصٍ يطيّر بالغريــب عيونه ويوم أبتعدنا قلت لي بالملــــي = (حبي بقلبك يافهد وشلــــونــــه ) قلت المحبه برجها متعلـــــــي = وبيني وبينك سيرةٍ ميمونـــــــــه أنا الوفا ياصاحبي من دلـــــي = أقف على روس الركب من دونه لاتحسبني بالهوى متســــلـــي = قلبي عشقك وكلمتي مضمونــه ورديت لي في وقتها متحلــــــي = (أنا بحبك يافهد مجنـــــــونــــــه ) (أفتح نوافذ غرفتي وأطلــــــــي) = (كني بداخل غرفتي مسجونـــــــه) (وإن لحت لي فز الخفوق ايهلي) =( ومع فزته أرسل جديد فنونــــــه) (شوقي على بنك الغلا متولــــي )= (ولاظن شوقي يشتكي مخزونــه) قلت أتفقنا وأقبليني كلـــــــــــي = والي يخون نمسكّه حنحونـــــــه واليوم أشوفك يالغضي متغلــي= تمشي و بعض عهودنا مركونــــه وأخاف بكره تنقلب متخلــــــي = عن الوفا والسيــره الميمونـــــــه |
خربشه جديده لها طابع خاص ,,أقبلوها بصدر رحب
فض صمتك وأنزع أستار الكلام = وخل عنك الثقل يالــوزن الثقيــــل أنت عاقل قبل يطويك الغــــرام = والغرام يخلي العاقــــــــل هبيـــــل يدفعه تأثير عشقــــــه للهيــــــام = لين يدخل دولة العشـــــــاق ميــــل! ودولة العشّاق مافيهــا نظـــــــام = الجريح بوسطها يدفـــن قتيـــــــــل ! والقتيل يعيش لعيون الســـــــلام = والسلام يموت بيدين البخيــــــــــل ! والوصال يعيش بيدين الكــــرام = والكرام أوصالها ماله مثيـــــــــــل ! ياكريمه قابلينــي بأبتســـــــــــام = أبتسامك بلسم الجرح العليــــــــــل فيه رقه جوف خفه وأحتـــــرام = فيه صورة... ذالك الثغر الجميـــــــل ! نور وجهك يستحي منه... الظـلام = وريق فمّك فيه طعم ...السلسبيــــــل! فارعه بالطول وأكتوفك تمـــام = يتوزع فوقهن ..ذاك الجديـــــــــــل ويتدلى تحتهن تفاح شـــــــــــام= أثنتان وبينهن يطلـع سبيــــــــــــل واليدين أرق من ريش النعـــام = والمحازم خصرها يبدو نحيــــل من يحطك في خياله ماينــــــام = مايعرف النوم بالليل الطويــــــل طول ليله ينتظر وقت الـــدوام = فرصته لاصرت ناويلك رحيــل ! ياهل المعروف قدام الختـــــام = الأجابه للسؤال أكبر جميــــــــــل هو يُلام القلب وإلا ما يـُـــــلام = لاهوى له شي وأصبح له يميــــل؟ ! |
أبيات غزليه طرت وجرت وحيث ماجرت جبتها لكم تقبلوها يالربع
عيونك مصدر ألهامــي = عسانــــي ما أفقــد أعيونــــك لأنك حبــي الســـامــــي = وأنـــــا خلك ومجنـونــــــك أشوفك زهرة أحلامـــي = وأبيع العمــــر من دونــــك عساك تقدر أهيــامــــي = وتكرم عيــن مفتــــونـــــك بشوفة وجهك الشامـــي = وليلٍ كاســــي أمتونــــــك تفــله فـــــل قــــدامــــي = وتظهـِر ضحكة أسنـونـك يالين أقف على أقدامــي = وأجيك أقبــل أجفـــونــك أرتب شكــــــل هندامـي = وأمسّح طـرّف أردونــك هواوي وأحسب أوهامي = على شفك ومكنونـــــك لقيتك بــ أغلـــــب أيــامي = تماشيني على هـــونــك تمد الميســم الحـــــامــي = وأجيك أستقبل أطعونـك وأقاوم جرحي الدامــــي = وأدور طيبة أظنونــــك غرير وتجرم أجرامـــي = عجزت أقاوم أجنونك أصونك وأفهق أحكامــي = ولاكن تقل ما أصونك يزلزل هجرك أعضامـي = وأَبيت أصد وأخونك عشانك مصدر ألهــامي = وعشاني عاشق عيونك وسلامتكم |
هاذي مجاراة للشاعر الكبير / عبدالله بن زويبن الحربي
يا مـل قلـبٍ هواجيسـه يسجنـه =سج النضا بالمطـارق والمشاعيبـي هن ودهن كل روضٍ زيـن يرعنـه =وهم ودهم بالمساء عـند المعازيبـي يوم انتهاء كل ما بالخـرج والشنـة =تواعدوا بيـت نطـاح المواجيبـي شيخٍ صدى صوت نجره كل ما دنـه =يقنب بروس النوازي قنبـة الذيبـي يرخص خروفه ولا يبخل على بنـه =ويشكر ويذكر ليا عدوا هل الطيبـي تريحـن وأمرحـن يومنهـن جنـه =وأنا الهواجيس تسرحبي وتسريبـي راحن بقلبي ولا أدري ويـن ودنـه =أخذت في جوهـن غفـوة وتغييبـي سجيت معهن علـى فلـمٍ يعرضنـه =عن غيب بعض القرايب والأصاحيبي ابليس لـولاه كـل النـاس بالجنـة =لاكـن يلعبـنـا راع التلاعيـبـي يا شين بعض الأوادم لو ضحك سنه =يضحك بوجهي ويشذب في عراقيبي واللي ليا غبت غوجه للطـرد عنـه =وجرد سيوفه عطيبات المضاريبـي هجرت كل الـدروب اللـي يمرنـه =أخير لي من مجيه ، عنـه تجنيبـي ولو ما أقتدي في كتاب الله والسنـة =خليت كلٍ على دينـه يصلـي بـي وهاذي مجاراتي
يامل قلبً هواجيســــــه يدكنـــــــه = كما تدك الفيافي شمخ النيبــــــــــــــي إبلٍ ليا قوطرت تسمع لها حــــنــــه = من يوم ماتنطلق وردٍ قواصيبــــــــــي ضمين و وردن على عدٍ يخبرنــــــــه = عدٍ يبدد ضماهن بالمشاريبي ميرادهن لابدن في حسبة الكنــــــــه = نقروح صافي ولا فوقــــه غثاريبـــــــي ثم صدرن وأخشعن من عقب وردنه = وأنا هواجيسي الصلفه محازيبـــــــــي شافن خفوقي ورى أضلوعي وساقنه = لين أركبن بسرته فوق المراكيبـــــــــي وقامن على صاجة الواقع يملّنــه = حتى أبتدا يتعبة عرض المكاتيبي الناس لو تحسن المكنون والظِنـــــــه = ماشفت في وسطها شكاك ومريبــــــــــي أحيان بعض العرب تظهر لها خنـــــــــه = وأحيان ترمي على الغايب نشاشيبــــــــــي و(ابن زويبن) تجنب سيرها لـَـنـــــه = يشوف في سيرها بعض العذاريبــــــــــي وأنا بعد عندي الهرّاج ماكنّـــــــــه = يشفق على غيبتي من شان يحكيبـــــــــــي رافع حدود النظر في ذمتي عنـّــــه = ولاني معلي مقامه في تعاقيبـــــــــــــــــــي ولو إن كل ٍ يمشيني على فنــــــــــــــه = رميت في سلة الماضي تجاريبــــــــــي |
بعد إنتهاء الأختبار ودوشتها هاكم الجديد عسى أن يصافح ذائقتكم
للشعر في بعض الدعاوي داعي = ولاكل داعي تصرفه بإعراضــــــــه أحيان تتبع للأمور أتبـــــــــاعي = وترفع عن العلم القديم أنقاضـــــــــه واليا ظهر علم ً عليه إقنــــــاعي = حضّرت لهجوس القصيد أغراضــــه وحطيت للبيت العميق إيقاعــي = إيقاع شاعر لاأدركه ملحاظــــــــــــــه مسيس قول وللعـدو قمـــــــاعـــي = وعنده على طيش الرفيق إغماضــه يلقى كلام أقصيرين الباعــــي = ويقول طيش وتبعثـــــه حرّاضـــــــه ويقيسها بـ عقل ً رزين أو واعي = وتطلع نتايجها بطيب إحماضــــــه لأرتاد في جلب الرسايل ساعي = ترى الصدور المحبطه مغتـــاضــــــه يدفع خفاها للملا دفـّـــــــاعـــي = والكل تظهِر محتواه الفاظـــــــــــــــــه والي شدوقه بالكلام اوساعـــــــــــي = تصير دايـــــــــم ضلفته عضّاضــه ولو تسفهه وتقفل الأسمـــــــاعـــــــي = صمّل على مايهتويه أو خاضـــــــه ياشعر ماني للزهوف أمراعــــــي = الصدر ضاق وضيقته كضّاضـــــــه ماهو بهم ولا حدور أوضــــاعــي = عردة خطا بالحلّه الحــضـّـــاضـــــــه لقيت لي شخصٍ نزيل القاعـــــــي = يركض متر ويتعّبــــه مركـــاضـــــه واليا تعب عوّد يذم إبـــــــداعــــي = أيشوفها وأيسوقهـــا لفيـــــاضــــــــه هو ليه ياعودً غريب أطباعـــــي؟ = تلعب بلون ثيابك الفضفــــاضــــــه هو أنت من جور الزمن ملتاعي = وإلا عليك من العرب فرّاضــــــــــه يبدو لي إنك مالقيت أسنــــــاعي = بإول شبابك وإبتلتك الغــــاضـــــــه حاول تجنب سيفنا البتــاعــــــي = بعض الدعاوي للفتى قضّاضــــــــــه وصلك كلام المبدعين بداعـــــي = مخفي ولاكن للعقول أريــــاضـــه وسلامتكم |
فيه برنامج أسمه شاعر خلف القضبان وجه لي دعوه فيه الشاعر والصديق العزيز غالي بن ربيعان وطلب مني كتابة قصيدة تحت أي موضوع وبالحقيقة أني كنت مشغول ولولا معزته رفضت الدعوه .. وإليكم القصيده من أمام القضبان وليس من خلفه :0746: عسى أن تحوز على رضاء الجميع
يامرحبا بالأخ غالي ربيعـــــــــــان = ترحيبة ٍ مانختلف في هدفهـــــــــا نقولها ونردها قدر الأمكـــــــــــــان = للشاعر الي تهمته ماكشفهـــــــــــا يبغى يعديني ورى أبواب قضبــان = لو كان مابه زلــــةٍ مقترفهــــــــــا لاني بمتعدي ولاني بغــلطــــــــــان = وكل الأمور الفايته محترفهــــــــــا لاكن يمون الأخ غالي ليـــا مـــــــان = وأميانة الطيّب عزيزً كنفهـــــــــا لبيه ياغالي وجيتـــك علشـــــــــــــان = ماتاقع الفثه بشيفة سعفهـــــــــا ويروح جانيها من الصيف خسران = ويرجع يلّقط من سقايط حجفهــــا حنا نحّسب للذي مابعـــــــد كــــــــان = وإن وقعت مانتقي عن كلفهــــــا نرمي لها العمه ونسرج كحيــــــــــلان = ولانشتكي لوطولت من صلفهــا وأنا أدري إنك يافتى الجود بلشـــــــان = بالحلــــه اللي سقفها ماسقفهـــــــا مفروض يعرض وضعها لأهل الشان = وتلغى مكاتبها وتغلق غرفهـــــــا قد لاح لي بيتً ملغم ومليــــــــــــان = ياصف ضحاياها وهي ماوصفهــــا ولاقلت غير الصدق ياطير حــــــوران = أخير من بعض الحوايج تلفـــهــــا والحاجة الي تزعل أفلان لفــــــــــلان = لاتنتظر كلمة وفا من طرفهــــــا الناس تدري بالحقــــــايق والأضغان = وأغلب قلوب الناس تتبـــع شغفها حطيت لي موجز وأنا عندي الســان = يقدر على تفصيل حاجة عرفهـــا ويقدر يغطي زبدة الهرج لابـــــــان = ويرّجع الحذفه على الي حذفهــــــا أنا فهد مطلق بناخي لعردان = الشاعر الي كـــــــل زهره قطفهــــــــــــــا يفتل مضامينه على كل الألحان = والمخطيه لا جر صوته نسفهــــــــــا بيت ٍمن بيوته عن الفين ديوان = ولا يقول كلمه غير راسم هدفهــــــــا وسلامتكم مشاركة أبيات للأخ غالي بن ربيعان
مافيه شك انته وانا مثل الاخـوان = ياشـاعـر جــزل المعـانـي خطفـهـا شاعـر وفـارس فايـز بـكـل مـيـدان =بالمهـره اللـي محـدن قــد عسفـهـا الهرج مثل الرمي والرمـي نيشـان =وقريـحـتـك كـلــن شــهــد ويـعـرفـهـا مثل الذهب غالي بوزنه والاثمان =والـمـتـرفـه بــيـــن عـلـيـهــا تـرفــهــا |
كل عام وأنتم بخير من دون مقدمات :::::::: ::::::
قل الطموح ولا بقي شي نبغـــاه = إلا السلامه كان حصلت ســــــلامـه كل الذي بالأمس كنا أنتمنـــاه = ماعاد باقي منه كبر الحمــــامه أول نشوفه كالجبال المسمـــاه = واليوم لابالله مامن جسامــــــــه بأسباب شيً بالصناديق نكمـــاه = خوفٍ تلحقنا النشامـا مـلامــــــه لاكن تعالو وأنظرو للمعانـــاه = وخوذو كلام الي يفقد كــلامـــــه أنا ومثلي غرسنا ماحصدنــــاه = حتى لو إن العود فايت صرامــــه والله ماخذنا ولــو حق سقيــــاه =و وحيدنا ماصـر حتـى طعامـــــــه كل مابغينا نحصده ونتعشــــاه = قام يتغدى فيه سرب التهامـــــه حيل الله أقوى مرنا ماقوينــــاه = والأدمي لاطاله الجور ضــــامـــه حتى ولو هو ماتقدم بشكــــواه = تظهر عليه من الخفايا عـــلامــه خلوني أذكر مامضا وأتبنــــاه = يوم الولد بالعمــر ستً عــوامـــه أسمه وهو أسمه يادوب يتهجــاه = واليا مشى يسحب وراه العمامـــه جيبه أصغيّر وأربع أريـال تملاه = وإن خيروه أختار ماهو أمـــامـه أدناة ماطلّع على الناس فحـواه = وأصغر حدث بالكون يلقى أهتمـامه إن ضاق صدره قام يشكي بكـــواه = وجابو أبوه واحدٍ من عمـــامـــه وكلٍ يحاول بالولد ويتهـــــداه = واليا تسهجى سكها بإبتســـامــه ويعود من بكره على نفس دعــواه = يادوب يوعونـه هله من منـــامـه واليا تشّيل شنطته تاه ممشـــاه = كاره وجسمه ماتشيله عظــامــــه وأبوه من خلفه يكزه ويرعــــاه = يبغاه يلحق بالثريا مدامـــــــــــــه متسلفً قيمه مصاريف سلــــــواه = حتى يعينه لاكبر في مقـــــامــــه ويعوّضه ماكان ياخذ بمخبـــــاه = ويصير دايم لاتحرك الزامــــــــه مير الولد كبر وتغرب عن أبــاه = يدرس ويبحث بالزمن عن حــلامـــه مكافحٍ ماله مصاريف تــكفــــاه = كل مارقعٍ شقٍ يزود التزامــــــه وأجار بيته نوب ماهو بيلقـــاه = واليا لقاه شلون ياصل دوامــــه قضى حياتــه بالنكد والمراجـاه = ونسى النكد يوم أستواله مرامــه جاب الوثيقه والشهاده بيمنــاه = وأخذ من المجد المسمى سنــامــه وقام يترقب راتبه ويتحــــــراه = وطوّل على العد المطوى حيامـــه مافيه بابً يطرقه قال حيـــــاه = تحطمت نفــسه بكثر إنصدامـــــــه ولاله رجا بالناس حسب الذي جـاه = إلا با أبو متعب وريــث الزعـامـه القايد الي كلنا من رعـايـــاه = وراع الرعيه مانخون بنظامــــــه في كل يوم نصافحه بالمـــــولاه = ويدعي له الصايم بساعة صيامــــه والجامعى ينعد واحد من أبنــاه = ويسعى لخدمة دولته بالشهـــامــه وسلامتكم |
إياكَا أعني وأسمعـي ياجـــاره = الهرج مره والخطا تكـــراره والعلم موجز والكلام أجبـــاري = والصدر ماودي تبيح أســراره ولو هو على كيفي نسيت الموقـف = الى دعت بوح القصيد أثــاره وجاوب لها هجسً يهز السامــــع = ببيوت شعرً كلها مختـــــاره فيها الكلام موثقات أحروفــــه = والجزل منها مايهس إعيــاره بديت فيها من طناخة راســـــي = قبل الصباح يسرنا بأنــواره بأكناف بيتً للطراقي ملفـــــا = بيتً مشيد بالرخام أجـــداره حافه أبوي وساعدوه أخـــوانـي = وعلى المعزه فاتحين أسـواره بالقيض للافي لطيف وبــــــارد = وبالبرد دافي ماتطفــا ناره زل العجم وسطه ثمين وغـــالـي = ولاحسبو يوم الشرى لأسعـــاره وفيه الدلال أنواع غير أنواعـي = وكلً يقدم في محله كـــــاره ويوم أعتلا كوعي على مركــايـه = لا الكيف بالدله يصوك إبهاره وقام المقهوي وأحتسى فنجــالي = حطـه يمين ودلتــه بيســاره وساقه علي السوقه المعتـــاده = ويوم أنتهى الأول عليـه داره حتى أقتعد راسي وطار عمـاسـي = وشقّر عليه هاجسي بأزيــــاره وأنا ليا هاز المشاعر هجســي = أسوق من راسي بنات أفكــاره فرايدً فيها المعاني قمـــــه = لو قدمها بعض العرب محتــاره أجيب مبداها على معنــاهـــا = وأحط له بيت القصيــد أستاره وأرتاح من راع الكلام الفاضــي = وأمحللٍ تنقد على منظــــاره أهل الزوايا هرجها ياكثــــره = تهوس لادق اللعين أوتــــاره وإن قيلت الكلمه بطيبة نيــه = تكبر بساعه والعرب ثرثــاره ياهل اللغا لا تشغلون العالـم = ترى العروق الهاديه فــواره كل الذي فج الضمير وسـاقــــه = رفيقي الي مالقيت أعـــذاره أخطا خطا وأقشــــــر خطــــا في ضني= خطا رفيقً ماتحب إشهـــــاره غره هوى نفسه وطيشـــــــه غره = والكبر دن دن للردي مزمـاره حنا نحفظ أحقوقنا لنفسنـــــا = وأهل النقا لأهل الوفا وقّاره واللاش دايم نظرته للدنيـــــا = والحر دايم نظرته في قــاره والطيب يبقى والأوادم تفنــــا = وكلً على ساسه تلد أنظـــاره ولاكل شيٍ يشترى بالمـــالــــي = والطبع ورثه مايجي بتجــاره والي ورث له ناقةٍ عَرجـــــائي = يمكن تموت ديوسها بإصــراره وقصيدتي ساقت بنات أفكــــاري = يالله عساها للبطا كفـــــاره ماقلتها بحثً عن الأنظــــاري = لا والذي باد أبرهه بإحجـاره |
خاطره بسيطة ومتواضعه أسمحو لها بالمرور
الليل روّح مابقى غير .. ثلثه = وأنا أتنقل بين ياهـو وقوقـــل سهير عيـن وخاطــــري مايحثه = إلا فراق الي بـــدمي تنوقــــل أربع ليال وعلمها ماتبثــــه = مــادري حداها شي وإلا تثوقـــل مير الأكيد إن المزايين غثــه = أضروفهن تعصف حياة المعوقــــل وأصويحيبي بعض العواذل ترثـه = وأنا على طاريه دوب أتصوقــــل تلوح لي صورة ثمانه بلثــــه = وأروح من بسمة ثمانه مدوقــــل وإن ماوصلني صاحبي عقب حَثــه = مشيت شرق وغرب مثل ( أبن حوقل) |
السلام عليكم نعود لكم بعد فترة أنقطاع بشوق ولهفه لمصافحة ذائقتكم العالية
رد الجمايل بالقصايـــــــد له أسنين = والمدح لأهـل الطيب مابه زريه يمدح كريم الذات مبطـــي وهالــــحين = وحنا نسوق أمع الطريق المطيه وافين ونقــــــــدر رجـــــالً وفيين = ومن طبعنا شكر الرجال الوفيه والطيب والتقديــر عملـــــه بوجهيـن = يكتب ورقها بالقلوب النقيــه وأنا مُدان ولا أقدر أطلــــع من الدين = للطيّب الى زاد طيبه حميــــه أهدي عليه من الـــــروابـــع مضامين = وأحس بالتقصير رغم الهديـــه هذا محمد وقفتــــــه بيـــــن قوسين = ( صعبه على بعض العزوم القويه ) لجل إنها لو حولـــــت بالمــــوازين = تميل كفتها وتازن طميــــــه عندي على قولي ثبـــــوت وبـــراهيـن = وقولً بدون إثبات يصبح خطيــه وإليكم التفصيل عقب العناويـــــــن = بالموقف الي زادني معنويـــه للي تحرك وأتصل قبـــل شهــــــــرين = عقب الخطاب الي شرح له قضيـه وقال أعتبرني معك بالماقف الشيـــــن = وبالزين مايحتاج هرج ولغيــه ثم أستوى للعلم نــــــاسً رفيعيــــن = يسعى محمد والمحاصيل ليــــه كلم أخوه وقال مابه خيـــــاريـــــن = هذا الرجل يستاهل المقدريــه وقدام خمس أيام صار إلتقائيــــــــن = الأول أقدم وأزهل الي عليــه والثاني أبشر ياسليـــل العزيــــزين = أنته رزين ولا تبيلك وصيــــه قاله سميي وأسمعوه المواليــــــــن = وتشاوشو تقل الهروج أنكريــه صحيح مايعرف سلـــــــوم القديميـــن = إلا بدويً من عروق أبدويـــــه وفهد ولد يملك مع العرف عرفيـــــــن = قليل تلقى بالمناعير زيــــه لقيت فيه الطيب والحزم والليـــــــن = والناس ماهي بالمزايا سويــه وشلون مايفرق وربعه بـــــداريـــــن؟= قومً على الطاله تشب اللظيــه ركاب خيل وبالمــــلاقــــا شجيعيـــن = يوم الزمن شيب عيون البـريـه وللضيف والرحال دايـــــم كريميــــن = من الهجير يقلطونه بفيـــــه ورجالهم يفزع لجـــــاه البعيـــديـن = تقول فازع بالزمن مع خويـــه ولاهو بلازم عندهم نظــــرة العيـــــن = يقضي لزومك مايبيلك جزيــــه وأكبارهم من يوم كانـــــو صغيريـــن = فيهم نعارة قوم ماهي رديـــه وأكبر دليل من الدلايــــل شقيقيــــن = أعيال عبدالله رجال الحميـــــه مهداه للشاعر والأخ العزيز : محمد عبدالله البدراني والأخ العزيز النبيل الأستاذ: فهد عبدالله البدراني والعذر يسبقها كان حصل تقصير |
جت على الطاير وتقبلوها بصدر رحب
ياهل الهوى وشي أسلوم الهواويه؟ = تو الهوى والغلا يثر على قلبــــي ماأعرف سواليفه ولا أعرف دعاويـه = دوبه قبل ساعه و ساعه بدا يشبي ولاكان عندي على طرد الهوى نيــه = أضحك على الي يحب وجابني ذنبـــي للسوق أبو لوحة وشلقة يمانيـــه = ليتك ياسوق الغلا مانته على دربـي أنا دخلتك سليم ولا بي أبليــــه = وطلعت عندي جروحً مالها طبــــــي ريانة العود وأم عيون سحريــــه = أول سهوم العطب مع بابك الغربــي أشوفها قدمي بشوفه طبيعيـــــــه = ماهي على ويتز آب ..أولا على بي بي غافل ومشغول وأوقاتي قياسيــــه = والجدول الي معي بالحيل متعبـــي وأثر الذي ياقع بنظرة فُجائيـــه = مثل الذي ينغزى ماهو بمتنبـــــي أما يجمّع قواه وينطح الهيـــــه = وإلا يروّح كسيرٍ بآخر الركبــــــي ولو كل ماطلع لقيت أشياء خياليه = مارحت أغني هبوب البرد لي هبـــي مير إن زين البني وسط السعوديـه = من كل ميه ,,, تجي وحده هي اللبــــي وأنا لقيت الحلا ميتين بالميـــه = بالجادل الي فرقها بالحلا ربــــي تسللت للخفوق أشويـــه أشــويـه = ولاردها عنه ,,, صك أضلوعه الحـدبـــي ومن يوم راحت وأنا مثل الهلاليـه = حتى كلامي قصايد حب من ,, حبـــــــي أحيان مسحوب ,, وأحياناً هجينيــــه = ألعب ولو أني مخيّر عن ,, اللعبــــي والشعر كله على لحن الغراميــــه = أصدق من الي يقول أقواه ,, بالكذبـي قلته بعد ماذخرت العشق لبنيـــــــه = ياليت عشقي يموت ولا يجي سلبــــي ومادام صار الهوى حوله ضبابيــه = أبنشد الي يحط العلم ,, من كسبــــي عن حاجةً بالعموم أوهي خصوصيـــه = ماتنقرى ياعرب فـي داخل الكتبــي الي سرى في خفوقي من محانيــــه = هو راغبً فيه وإلا بس يلعبـــــــي ؟ . . . وسلامتكم |
خربشه كيبورديه تقبلوها بصدر رحب
البارحه والنوم عن محجر العيــن = أبعد من السوده عن أديار عمّان سهير ليل وصار ليلــي بليليـــن = كله من الي غاب صوته ولابـــان أتلى العهد بمهاتفــه قبل يومين = ويومين بأحساب المواليف (عامان ) أنشهد إن الهجر بين المحبيــــن = لو هو دقيقه يعتبر كنه أزمـان! رده على الباقين غير المقفيـــن = شتان مابين الطريقين شتــــان ! البعديقلب راجحات المــــوازيـن = ويمكن يروّح من ضحاياه الأنسـان! كد راح بأسباب العذارى مجانيــن = مجنون ليلى حب ليلى ولا خـــان وليلى تحبه يوم كانو صغيريــــن = وأول بدايتهم مع العشق رعيـان وأخر بداياهم من البعد وجليـــن = (ابن الملوح) هف مابين ضلعـــان لاتقول ذولا يـا أريش العين مبطين = المبطي أنت .. ولا سبق بعدك إعـلان قفيّت ماكنا عن الوضع داريـــــن = غلطان ياسيد الغنادير غلطــان أنا الذي لاقمت تشكي من البيـــن = أشيل ماشالت أضلوعك من أحـزان وأحفظ حقوق أهل الوفاء والقوانين= وأعطي عواذيلي من الناس جحدان حنا نعيش بهالليالــي خليليــــن = والي يجي بين الخليلين خســران أقدر أهمش ماتقول المساكيـــــن = ولاني بتهميش المساكين غلطـــان مير أنت لاتمّهد دروب المعـــاديـن = تراك تفتح مع عنا البعد بيبـان ماتدري أني من بنوك الدواويـــن = شاعر وأعبر عن شعوري بالألحــان واليوم عود وأترك العذر بعديــن = مقبول عذرك مانبي هرجة الســان أهم حاجه ريح القلب يازيــــــن = تراي من شوقي متيم وولهـــــان وإن كان في خاطرك شيً من الديـن = أقضي ديونك وإن تريحت كسبــــان أهم لاعندي من الحــــــب ثنتين = سلامتك ومشاهدي لـك بالأعيـــــان ... .. . . وسلامتكم |
طرت وجرت اقبلوها يوم جرت ::
الغموض يفك باب الريبــــــــه = والوضوح أصحابنا يزعلهـــا صارح الأصحاب تلقى غيبــــــــه = وكان تبغى مدحها جاملهـــا تخطي المقصود وإلا تصيبـــــــه = المهم الناس وش حاصلهــــا؟ ذا نظامً للولد والشيبــــــــه = والنظام أكبودنــا دابلهـا طاح ركن البيت من تنصيبــــــه = والبلا بالطوبه وعاملهــــا وإن كتبنا كلمتين أمصيبــــــه = تخلف العربان وجه أولهـــا ومن توهق مايقر بعيبــــــــــه = لين يفقد حجته بأكملهــــا يتورسل كلمةً تهـــــويبــــــه = والرجال رجال لو يجهلهـــا كل قصر يشدنا تركيبــــــــــه = نحتفي في بنيته ما أجملهـا وكل قصرً ملتويبه سيبـــــــــه = مايشيد أبنيتــه نازلهـــا والبنادم يقنعه تجريبــــــــه = لو تجيه المخطيه يكفلهـــا أفحص المقصود قبل تجيبـــــــه = ياوليدٍ بدلته بدلهــــــــا ثار عرقك والدمي .. تجريبـــــــه = روح وأنقض غترتك .. وأفتلهـــا الكلام الشين يمسح طيبــــــــه = كان تقدر فرها وأعزلهـــــا والأوادم هــرجها ما لي بــــــه = رغم كل إلغاتها حاملهــــــا ذا زمانً مايكشّر ذيبــــــــــه = والحصيني صيدته ما أسهلهــا |
تقبلوها كما جأت
مالي مزاج أبوح .. وأجاوب النـــوح = لو ناحت الورقا وهاضن الأشجــــان [font="comic sans ms"]وسلامتكم [/fontقلبي من الصكات مبري ومجــــروح =ولاعاد يمديني على شيل الألحــــان لاكن قرّب وأفتح الدرج للــــــوح = وشيل القلم فوق الورق ياعليـــّـان وإن قلت جيبه لا تجيبه ومسمـــوح = مانته بعيني يافتى الجود غلطــان الشعر ياخذني على نية البــــوح = والناس تفهمني غلط يابليهـــــان أبطن المعنى عن عيون مشفـــــوح = والقى الرزين من العرب تقل شرهان يبغا كلامي لاتغنيت مشــــــــروح = والشرح للمعنى مذله ونقصــــــان لاوالله أني لبعد الشوح وأشــــــوح = من ياضع الكلمه على غير ميـــزان ماني كتابً للمخاليق مفتــــــوح = أنا كتابً داخله كم عنــــــــوان على الغموض أسلط الضو بوضــــوح = ومن الوضوح أبيّن أغموض الإنســـان حتى أيش لو أنه من الناس طحطـوح = لاصار مايخشى هل العرف ينـــــدان وش يجبر العرى على عشبة الصــوح = مادام ماتبقي على الكنس إدهـــان الله يجيب الصبر ويبعّد الفــــــوح =لو أن صدري كنه أدلال رســـــــلان أشوف مايزعل من الناس وأمــــوح = من خوف لاتزعل قرايب وخــــــــلان والي يدوبح عنده العرف مذبـــوح = ومن مات عرفه يطلع إنسان خســران بالله قولو وش بلا غصنة الـــــدوح = قامت تطرّق كنها غصن رمــــــــان غضا خفيفه هزها كل لافــــــــوح = وأنا أحسب إن أغصينها شيخ الأغصان أبديت ماكنيت بيّن ومطـــــــروح = ولا مطول الدعوى على زلـة الســان المستمع ماله من السرد مصـــلوح = الناس قالو زبدة الهرج نيشــــان والظاهر أني بترك أصروح لصــروح =وأرتاح من هرجً على غير بــــرهان مادام حتى لاتغزلت ملمــــــــوح = وشلون لاهاضت نقاريح الأشجــــــان تعال يابن أبوي والصمت ممـــدوح = وشيل القلم عن مكتبي قدر الأمكـان الناس تصرف مقصدي قبل لاأبوح = وإن بحت قالو لي هكالشخص غلطــان |
تدري وش الي صار من عقب فرقاك = وإلا بلاش أحكي ترى ماحصل شي أخاف تدري والغرور يتقفـــــــــــــاك = ويزيد بعدك بعد ياشمعة الحـــــــــــي ! يكفيني أني صرت من سبــة أجفــاك = أكتب من الفرقا على راحة أيـــــدي (أنا عشيقً ينتظـــــــــر يوم لقيـــــاك) = (كل الحروف أيعيفها ماعدى الــ(....)) ! لبيه ياحرفك ولبيـــــــــه ياشفــــــــاك = لو كان مادري من شفاياك وش لي ؟ ! مير المهم إنك من أقصاك لدنــــــآك = خفيف روح وقيمتك ماهي أشـــوي ! غالي بقلب ً غايته بس لامــــــــــاك = ذاق المفارق وأنطوت حالتي طــــي ! أسير بأقدامى على باب رجـــــــواك = وأروح وأرجع والمشاعر كما هــــي ! تقنعني أعذارك اليا شفت فحواااك = ما أقدر أجوعك والعواطف لك أضمي وإن كان تبغى زبدة الهرج تقداااك = أفطن لهاذي يا أكحل العين مـــــع ذي ](أهواك) و(أحبك) ومن زود ماأهــــــواك = أسهر على رجواك لا طلعت الضــــــي وأنام وأصحى مامعي غير ذكـــراك = وأجر صوتي بالهوى مع هل الغي |
كتبت تحت طقوسها الخاصه
توحو ياهواة الشعر وأحبابـــه = كلامً تو جادت به ضمايرنــــا نقوله باللسان ولا أنتهجابـــه = على قوله عزيز الملك فاطرنا نحدّه مانرده وأنتغنابـــــــه = ولاتتعب من أحروفه حناجــرنا جزيل القول لامنا بدينابـــــه = تغطيه السمينه من مشاعرنــا بدينا والقصيد مشرع ً بابــــه = تقول أنه على أحروفه يخيرنا وأنا قدام أقوله وأتسمابــــه = أحولها سبايك من متاجرنــا على وجه الحقيقه ماأتعدابـــه = ولاتمشي على الفاضي بواخرنـا بعد ندري عن الموضوع وأسبابـه = نحضر له من المعنى جواهرنـا سمعنا ماسمعنا وأعتنينابــــه = عن أشنابٍ تقول (الوقت جايرنـا) تواسو للزمان وكشر أنيابــــه = وحنا عن دواهم ماتعذرنـــا لقيناهم ورى المركوز وأطنابـه = وقلنا ياعسى المولى يصبرنـا يمر الجيش والجادل تزامابـــه = مومرها وحيدً من كوادرنــــا يقولون أنكريه مالها أمشابــه = تمشت وأستدارت من مجاورنــا تقول الذيب معطيها من أثيابـه = عسى الله من غناة الذيب يفقرنا تذكرت الرطين وشجرة الغابـــه = ويوم أن القوم ترطن ماتحيرنا وقفنا بالمواقف وقفة أذيابــه = وعلى قمع المعادي ماتوخرنـا ويوم إن النفس طابت ماقعدنابه = شلعنا من كراج الدار موترنا أنا مالي ومال الريع وأصحابـه = بفرقا أصحابه القشرى تباشرنا فقارى الشعر قالو لي توحابــه = وأنا ماأدنى كلام ً مايعطرنـــا بعد شفت الغني يروج أكتابــه = عرفت إنّ بعدنا ماتطـورنــــا وترى كلٍ له أسلوبه بما جابــه = نضد القوم ونقدر مقدرنـــــا سلمت وماتعبت وتمت الجابــــه = بشيخة فكر من نخبة نوادرنـــا |
الساعة الآن 01:12 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir