|
ديوان الشاعر / علي بن زيد الحربي
يا كريم الوجه ياسامع الــد اعــي = عالم سـري ووضعي وموضوعي ياجزيل الـمد يامبــري الاوجـاعي = يالعظيم اللي له السمع والطوعي يارحيم عــالم كل الاوضــــــاعي = وامرك ونهيك منفذ ومســموعـي اشتكي لك علة بين الاضـــــلاعي =احكمت واستحكمت داخل اضلوعي مالها من غير رحمتك مطـــــلاعي = الرجاء في غير رحمتك مقطوعي انته المعبود والرب والراعــــــي = المرض تشفيه والهم والــجوعي ابتدت تظهر علامات مرجـــــاعي = والحمول اثقال والعلم متبـــوعي والليال السود ينهن الاطمــــاعـي = طالت الايام مانهيت مشــــروعي مايريد الله يسعى به الســــاعــي = والبشر دوني وحولي ومن نوعـي مكسبي في قدرة الله بذراعــــــي = ماتبعت اللي من الدانيه يــــوعي غير حقي ماتمــاديت باطــماعــي = وتحاشى كل طامع ومطمـــــوعي لااجهل الواقع ولاقـاصرٍ بـــاعـي = بس لي طبعٍ على الحق مطــبوعي والكلام الزور مايدخـل اســماعي = ماينـــاسبني ولايــوافق اطبوعي واتجنب هــرجةٍ مالها داعــــــي = وأجتنب رجـلٍ على الزور مدفوعي والزمن ماينصف المنصف الواعي = مطلبه مرّ على الحـــــــر ممنوعي لايجير ولايجامل ولايـــــراعـــي = كم كريمٍ من معـــــاديه مفجــوعي وان بغيت اعــدّل الميل مــاطاعي = به اعناد وله محــابيل وفــروعي واسع ضيّق لو فجوجــــه اوساعي = مفرح محــزن ولوعاته تروعـــي انتهى شرحي وابا اصفط اشراعي = والكلام اللي على حق متبــــوعي |
كل رضي عقله ويفخر بشـــوره = ويمشي على رايه ويشرح قـــراره ويمشي برايه لوبرايـــه دبــوره = ويشوف نفسه لووجوده خســــاره عفن الرجال اللي مهقــويه دوره = لولا الــذرا مذريه ماشـــب نــاره ليا دخل بيته قفل باب ســـــوره = ومـع جاره الادنى كثـــيرشـــجاره لايزور جيرانه ولاأحـد يــزوره = ولاهو من اللي يعتنــــي بالـزيـاره في غيبته ماحد يفضل حضــوره = وليا حضر لاشــي معنى شـــــعاره وبين الرجال ارجال عند الضروره= يثنون دون الواجبات بجــــــــداره يم المعزّه يسلكون الوعــــــوره = لياشفت واحدهم شعرت بــوقــــاره تلقــابهم رجـل تنــوّر بنــــوره = يعجبك في كل المـــواقف مســــاره يعنى بامورك قـبل يعنى بـاموره = رجل مهمّه جعل تسقــــــى ديـــاره وانا مشيت وشفت من كل صوره = وشفت الغشيش وشفت راع الشطاره نفهم تعاريج السمك في بحـــوره = ليا تاه فيه محفّرين الـجحــــــــاره وبعض الرجال اللي كلامه بزوره = اللي يحاول بالخفى يضــــر جــاره اللــي يجي فـّزاع مــع البــزوره = ويرجم على الورع المطرّف حجاره هذاك والله مــانقدّر شــــــعوره = والله فلا يسوى رماد الزقــــــــاره |
الله مـــن قــلب به الهــم يزداد = وفي كل يوم يشيــــل هم زياده مشاكل تظهرلها جذور وابعـــاد = عن حملها يعـجز قـوي الاراده هم يغـــيب وهــم للقـــلب ورّاد = متقافيه لين اصبحت شبه عاده عالجتها في كل مقنع وطـــــّراد = واخذت من ماض الليالي شهاده واخذت من راي اهل العرف مافاد= وراي العوارف فيه لي استفاده فكرت بالدنيا وهـّزات الانكـــاد = ولقيت كل فيه هم ونـــكــــاده كم غربلت قبلي كريمين الاجـواد = وياما شكا منها عزيز السيـاده ومن ساد باد وكل تأثيرهابـــــاد = والحي يمشي في طريق الاباده وين الرجال اللي بنوا ساس الامجاد=وين الملوك الناعمين بســـعـاده وين السموّل ويـن شـدّاد بن عــاد = وين الرجال اهل الصلف والجلاده عالم فنت متعدده مالها اعــــداد = وهذا نظام المعتلـي فـي عبــاده اجداد لجداد فنت قبلها اجــــداد = والكل يفنى مــاتحقق مـــــراده ومن عاش في دنيا تنادي بعـواد = يموت ونفسه راغبه بالزيــــاده وكل حياته كلها هم واجهـــــاد = ويفنى قبل ماينتهي من جهــــاده كل يريد ويفعـل اللــه مـــاراد = القايد الاول حكيــــم القــــيـاده ياجامعين المال من كـل مــــدّاد = من مدخل غطى بيــاضه ســواده الممر كلّـه فيه الايام شـــــّراد = والمال كثره مــايغطي نكـــــاده والحر تكــفيه الغنيمه ليا صاد = والبوم ما حصل على الارض صاده ومن جاد ساد وصاحب الخير ينعاد=ومن ذاق طعم المـــــّر ماعادعاده الله يجود ومدة الله لمـن جــاد = يلقى بها المـحتاج حسـن الوفـــاده والاالبخيل يزيد مــاله ولازاد = وان مات يرمى مثل رمي الرمــاده والارض مليـانه نمايم وحسّـاد = والبعض فيهم مع حسدهـم قـــراده واهل الحسد واهل النميمه والاحقاد=حرب على أهل الطيب ما به هواده من صابته غيره مع الخبث ينـــقاد = وباالسّر والخفيـه تعلـى جـــــواده والخبث يظهر له معينين واولاد = وجذور وخيوط وخفي عنــــــاده والشرله عدة مــكامـن وروّاد = ويمشي مع الجهّال واهـــل الـبلاده ولياتمكن جاله اولاد واحفــاد = ولابد من لـجــمه وشـــدّة قــــياده والزود لوانه من اطايب الزاد = ليا دخــل جــسم بـه الشـــّر زاده والخير له ناقل وللعلـم نشّــاد = والصبر لحظــات المكــاره عباده وابن البلد مايرتضي غيره بلاد = يصبر على حرّه ويرضى بـــراده وللشّر حصّـاد وللخير حصّاد = وكل يبي يجني حصيلة حصــــاده وان جاء نهار فيه عاصي وشدّاد=يضيع بالهيجا خطــات البيـــــاده والكذب ضعف وراعي الكذب ماساد= نقص على الراوي ونقص اسـناده حبل قصير ومن تزين به اعماد = يضيع في ليل طويل هـجـــــــاده ياهل العقول المجد ينسب للامجاد= وكم فارس طيب عثر به جــواده والجود ما يحسب بدلــه وبـرّاد = الجـود له مقياس والطيب عـــاده ولاللعزيز بديرة الــذل مقعــاد = والرجل يقضي حاجته من ازنـاده والخبث يبغى صدّ وبعادوخمـاد = قدام يســري ويتكــاثــرفســــاده عليان يشعر بالمغثّه من اقـــراد = والنّمل سرّا عنتره من بــــــلاده والنّامس اضعف جند قاتل وجلاّد = وليا ابتلى الانسان سبب هجـــاده ولاللمشاكل والمسرات ميعـــاد = ولايامن الاحـزان بيت السعـــاده هذه الـدنيا مســاداة وعنـــــاد = ونظامها للخلق حتى نفــــــــــاده وهذ ماعندي والمعاني لها ابعاد = والعذر عن قـول الخطــاوالاعـاده وصلوا على من قاد الامه للارشاد=اعداد ما خط القلم في مـــــــداده |
في طيب القول لي مقصد ولي غـــايه = سيفي لساني ولي بالقول حريه قول العوارف تشعب مالــــه انهــــايــه = ولاكل ناطق يوفق بالميــه مــيـه من صاب قوله تراه يصيب في رايــــــه = ومن تاه قـوله تصـير ارياه مجفيه بعض البشر فيه راي وعرف وهـدايــــه = لكن بعض البشر بواطنــه ســيه والبعض فيهم حكيم وعنــــده ادرايــــه = يملك جزيل الكلام وصـافي النيه لكن بعض الاوادم منــــــطقه تـــــــايه = يتعب على الهرج والاهداف ملويه اما يكون الهدف تضليل وغـــــــــوايـــه = ويوجه النــاس لاشيا غير مـرضيه في منطقه يعجب الجـهـال با غـــرايــه = رجال في ظاهره في داخله حيه والاتكلـــــــــم نفــاق وزود وصـــــــايه = ومن الطــمع كثر الروحات والجـيه ويردده عنـــد بيـــاعــه وشــــــــــرايه = ويفخر بقوله عسى تزلف به الطيه مبدا المنافق يخالف كـــل مــبدايــــــه = ذلـــيل كاذب وكل أريــاه ســـلبيه انا احترم من صدق لوهــــومن اعـــدايه = واكره اسلوب المنافق لوقرب ليه والآخر اللي كلامه سب ووشــــــــايه = لاجل يتطفل على بعض الطفيليه يجيب هرجه ويـــرجع منك بحكـــــايه = ويـحط عنوان للهرجه ومـــاريـــه ينقل لي الهرج كنه يطلب ارضــــــايه = ومني يودي كلام زور رديــــــــه عينه عليه ولكن يرصـــد اخطـــــــايه = وان كان ما خطيت صورها خياليه فرق تسد غايته ويسوقها اهـــوايـــه = يوهم بنصحه وهو قايد حــراميه بينت للي سمع رايي ومغـــــــزايـــه = مبادي ماتناسب مع مبـــاديــــه بالناس جاهل وفيهم كـــيد واعصــايه = وفيهم اضعيّف وفيه افعال كيديه وفيهم ارجال تدير الــوضع بعــــــنايه = اهل ملازيم مكشوفه ومخفيـــه منطق سليم ووفاءللدين حمّـــــــايه = تسرك افعالهم ووجيههم حـــيـه ارجال لهم بالمواقف ترفــع الــرايــه = راية محبه من الاعماق مثنيـــــه هذا كلامي وكـــل انسان له غـــأيه = والقول والفعل مبني على النــيه |
اباابدأ بذكر الوحد المطلع بالحال = عظيم الرجا اللي كلمة الحق سامعها يجازي هل الايمان عن صالح الاعمال = ويعلم خوافيها ويعلم دوافعــها عليم النوايا والمقاصد من الافعال = بسط سبع اراضي والسموات رافعها انا ابا استعين الله واقيس بالمكيال = وابا اطرق مواضيع فسيحه شوارعها امور بدت في مجتمعنا تغث البال = عسى الله بتدبيره يجفف منابعــــها من اهمها الغيبه وترديدقيل وقال = مع الشائعات اللي مضره شوائعـــها تلفظ بها حاقد وتسري مع الانذال = خبيث النويا كلمة الحقد يزرعهــــا ليا صاغها في خبث يرسل بها مرسال= نميمه حقيره قاتل الله صـــانعهــــا واشوف الحسد له عند بعض البشرمنزال= كما راية حمرا على الراس رفعها مصب الحسد من حقد ونهايته سلال = سكن بالقلوب اللي خبيثه طبايعهــــا ومنع الزكاه ولعبة الماكر المحتال = صفات خبيثه طابع الكفر طابعهـــا مع اكل الربا والغش من شان جمع المال= مصادر رذيله جعل تتلف مزارعها ومن ضمن ما لاحظت موضه مع الجهال = تقاليد من ديرة هل الكفر مطلعهـا عقايد خبيثه خايبه تمسخ الرجال = ارجال تشابه للنساء في تدلعهـــــــا كلام هزيل ومنطق به خزي واذلال= حركات ممجوجه يحاول تصنعهـــــا قليل الكرامه والشهامه خبيث الفال= ونفس ضعيفه للمهازل يطاوعهـــــا عن المرجله عاجز على المفسده خيال= يضر البلاد اللي نشا من منافعهــــا على والدينه هم للمجتمع غربال = صفات الردى والضعف والخبث جامعها ولااعم كل الناس بين الرجال ارجال= ارجال الكرامه والشهامه مطامعها ارى بالاوآدم من يسمون باالابطال = ولكنّها ناس قليله نوايعها الى جيتهم لقيتهم في مكان عال = عنيفه وقايعها جميله صنايعها ارجال الى واجهتهم للحمول جبال = شريفه مطالبها عنيفه وقايعها اقوله وانا لي موقع فوق راس الجال = واوضح اخلول جعل ربي يسنعها |
بدأ بذكر الواحد المنفرد بالجود= جزيل العطاء رب الملا وافي المده اله عظيم بالعلن والخفا معبــــود = رحيم رؤف يرفع الكرب والشــــده واباابدأ كلام قبل أقوله عليه اشهود = كلام الحقيقه طاب ذكره وابا اعـده الاول ترى الطيب على المرجله محسود = اضعاف النفوس وقاصر المرجله ضده بعزه يسود الناس لومابغوه يسود = كثير من الحسادضده ماهم قــده والثاني كثير المال لو مابذل مجهود = تهافت عليه الناس لويعلن الصده يجي له خدم واعوان لوهو قليل فود= لونه وضيع الاصل فاخرك في جده اشوف الطمع بالزود خلا الرجال قرود = قرود حبيسات تهافت على المده ارجال الياواجهتها تفند المنقـــود = لها منطق يدخل على القلب ويشده ارجال تحدث كلما حك عودعــود = عن الحل والتحريم وتفاخرالبـــده اهل قلت وقلت تفكيرهم محدود = لهم قول مايفعل وعادات مرتــده لياشافوا اللمه على مصدرمحدود = بليا تحقق بالنظر قالوا الــهـــــده يعودون واكثرهم مع المهزله مطرود = قليل المعرفه ناقص العقل وشحده اعرف الشهامه والكرامه لهن احدود= عزيز الرجال بعز ياقف على حـــــده واحب الرجل يثبت على الموقف المحمود= اذاانه بنى مبنى على عـز ماهـــده واحب الرجل سيف على الغلط مجرود = قليــل التـردد مـاهــــو وده ولاوده أنا أكره انسان لوحضر يعتبر مفقود= اساليبه العوجاء تخطيه وتصـــــــده اقوله وانا ماني مفوض ولامنشود=عن الناس واخطاهم وعن قاصر المده |
ايالله يارزاق يارحمن يامعبود =دعيتك ياكريم الوجه ياربي تعافيني ــــــــــــــــــــــــــــــــــــــــــــــــــ ـــــــــــــــــــــــــــــــانا بحماك وانت اللي على ماتكتبه محمود =الاياسامع الداعي من الامراض تشفيبي انا مقصّر انا مذنب وعطفك ياعظيم الجود=وسيع ورحمتك ينعم بها حتى المسيئني لقيت الناس موجودين مادام الرخا موجود=وليا عانيت مس الوقت كل صارناسيني فذا يجامل وذا مقفي وذا كاره قليل الفود = يكن الكره كن الشر جاري بينه وبيني زمان غير المذهب وعقب بالقلوب الهود =وكثر الشر واتغييربالاخلاق والديني تفشى الخبث بين الناس والافساد والمنقود= الايالله تسترني وترحمني وتحميني يخالفني برايي عالم تفكيرهم محدود = قليل المعرفه له راي يبغى معه يثنيني وانا رايي على مبدا ولي بالعارفين اشهود = ليا مني مشيت الدرب لي راي مكفيني وصلاة الله وتسليمه عدد مابلوطى من عود = على طه الرسول وسيّد الغرّ المياميني قصيده بدون مناسبه فقط دعاء الله |
فكرت بالـــدنيا وفيها الفكر حــــار = بــاللـــي يعـيـــش ببـرهـا وبحــارهـا مجاراةالإستاذ الأديب والباحث / فايز بن موسى البدراني على القصيدة من دقق التفكــير بالـــدنيا يحــــــار = يصعب على أهل الفكر كشف أسرارها تمشي بحـكمــة مـن خــلقها بـاقتــدار = مـتــجــددة والـنـاس تـفنى أعــمارهـا أحـــــد يعيش بغفلته ليـــــــل ونهار = حتـــى يـــزول مــن الحــياة ودارهـا وأحـد يطــول به الأمــل والأنتظــار = ويغـادر الـدنـيـــــا مـاكنــه زارهـــا وأحـــد يزور ولايطول بـه المــزار = مــاذاق منـها حــلـوها وأمـــرارهـــا والكــل وده مــن طـــويليين العـمـار = والله يـقـدر للنـفوس أعمارها دنيا عجيبة وأمرها فيه اعتبار = يااللي تشوف اقبالها وادبارها تعريفها ياأهل المعرفة باختصار = التفرقة بين العباد شعارها أحد تزين له وتعطيه القرار = تضحك معه وتناوله جمارها من حلوها تعطيه ماذاق المرار = وترخص له اللي غاليات أسعارها وأحد بها مغبون وهمومه كبار = اللي يذوق من الحياة اعصارها واحد بها يلقى مذلة واحتقار = وتلاوعه بهمومها واعسارها والكل منهم له محطة واختبار = في موقف تظهر جميع اخبارها الخلق كله من صغار ومن كبار = للخالق الديان كل أبصارها وكل بهالدنيا لهالدنيا معار = ياخذ بها فترة ويخلي دارها ولا أخطا الطريق اللي يشير ويستشار = بعض الرجال يصيب بعض أشوارها وأنا حسب علمي بعد شفت الآثار = عن البشر وأخبارها وآثارها إن الكلام إليا بدا بالانتشار = سارت به الركبان في مسيارها والمختفي لابد مايظهر جهار = والناس مختلفة بطول أشبارها وكل يعيش بحال عزة وافتخار = والمايلة نفسها تحب إنكارها أحد عن الميلة يعدل بالمسار = وأحد يخليها على معبارها وأنا مشيت ودجت في كل الديار = وكل البضايع كد عرفت أسعارها وكد دجت في وسط الربيع وبالخضار = وكد شفت من مس الحياة أضرارها وكد عشت بالرغبة وعشت بلا اختيار = وعاصرت ناس تختلف بفكارها أحد لقيته خيّر صاحب وقار = يقضي على الفتنه لو أنه جارها وأحد حليم وهو على دينه يغار = عقيدته تلقى ضمن أنصارها وأحد كريم شهم ولغيره ستار = تعتز فيه كبارها وصغارها وأحد حياته كلها نقص ودمار = نوعه ذكره ومحرمه هو عارها وأحد جعله الله للإسلام عار = تضحك عليه بسيرته كفارها وأحد حياته كلها سب وشجار = ويثوّر البندق بغير عيارها وأحد يحسب الطايلة رفع الشعار = لكن مقاييسه خطأ مقدارها عن واجبه والحق يلجأ للفرار = ويوزع الفتنه ويشعل نارها وأحد سديد الراي يمضي بانتصار = حلالها كسارها جبارها إليا قال هذا يصير مهما كان صار = وإليا نوى دار بعيده زارها وبعض الرجال رجال في صنع القرار = ويعدل أهل الفتن وشرارها بين الأوادم فيه طلعه وانحدار = متباينه بأفكارها وأنظارها وإن ثار بركان الجبل فالانفجار = يعم وديان البلد وأنهارها وإن جا نهار فيه يختل العيار = تظهر رجال فاهمه بأدورها وبعض الرجال تصيبهم حمى قفار = إليا اختلط دخانها وغبارها وإن طاح سقف البيت وأختل الجدار = تهتز بيوت محكمات أسوارها والنار مصدرها ليا شبت شرار = لكن تطول الغافلين بنارها والحر يعرف موقعه بني الحرار = وأهل الديار أبخص بعلم ديارها يلي سبحتم في محيطات البحار = لين وضعت كل الحروب أوزارها يوم الفلك غير مسيره واستدار = كل الطيور مبرقعه بأوكارها واستقبل الموضوع مسئول القطار = عدل مسيرتها وبحسن أدارها استعدلت مابه ضرر ولا ضرار = إزمامها بيد كبير خيارها سارت على ميزان وبحكمة تدار = وتميزت في خيرها عن جارها اليوم مانسمع كلام اللي يغار = ناس خطاها مختلط بأعذارها اللي مطامعهم على كل اعتبار = يحرق ورقها اللي ربيب أثمارها حنا بعون الله لها عز وستار = نغرس شجرها رافعين جدارها نعالج الأوضاع في صبر وحوار = لكن نفجرها على فجارها القاعدة ماهي على ساس هيار = على الصخر قامت وصلب احجارها وصلوا على سيد البشر حسن الجوار = عد البروق وعد وبل أمطارها ــــــــــــــــــــــــــــــــــــــــــــــــــ
بسم الذي يطوي مع الليل النهار = خالق خلايقها عليم أسرارها سبق نشرهما في وسائل الإعلاماللي على العرش استوى بحكم قرار = أمره بكاف ونون لمح أبصارها اللي بنى كونه على علم ومنار = وأنشا مخاليقه وسن أعمارها اللي رفع سبع لنا فيها قرار = زين كواكبها ونور أقمارها اللي لسلطانه يخضعون الكبار = المعتني بصغارها وكبارها اللي به التفكير في وصفه يحار = جلت صفاته مانصل مقدارها بسم بديت القيل والدولاب دار = دولاب فكري دار مع دوّارها ومن فكر بدنياه تفكير اعتبار = شاف العجب من وردها واصدارها والآدمي منشاه من طين الفخار = تلقى معادنها بنوع أحجارها والطينه الطينه عزى والا هيار = تبقى عناصرها حسب معيارها وإبن آدم مسير على غير اختيار = رحلة ينفذها ولا يختارها اربع محطات على ذاك المسار = إما ربح والا يشيل أوزارها وأخطر مراحلها محل الانتظار = اللي يحدد نفعها وأضرارها محطة ياخذ بها العبد اختبار = والناس فيها أجناس حسب أفكارها أحد بها في عز وأحد بانكسار = هذا براخيها وهذا بعسارها فيها الحكيم يعيش في حذر وحذار = وإلا البليد يسير مع تيارها من غرّته ياخذ بها وقت ازدهار = إحلوم ليل وتنجلي بأسفارها لو ساعفت لابد تاليها بوار = من ذاق طلعتها شكى محدارها عقب الحلا لابد من طعم المرار = من ذاق حاليها يذوق أمرارها عقب الخضار تشوف بالعود الصفار = يصبح هشيم بالي بقفارها وعقب العمار يصير عامرها دمار = زين القصور تصير ضمن أثارها وعقب الوجود يصير تاليها اندثار = ماباقي منها ياكود أخبارها معشوقة ً تلعب على العاشق جهار = اللي يكافي شرها وشرارها لكنها للمتقي دار اعتبار = يصبر على علاتها واكدارها ومن لازرع حسناتها وقت البذار = يندم نهار يكيل أثمارها يوم الوقوف بموقف صعب الفرار = والعبد تعرض سيرته بأسطارها يوم عسير فيه ماتنفع إعذار = يوم الحساب ويوم كشف ستارها يوم تغيب الواسطة والمستشار = يوم المساوي صعب انكارها عن وصفها وضحت رايي بختصار = عن الحياة وسيرها وأطوارها وإن كان أبو زيد ابتلش فيها وحار = محتار بين أشرارها وأبرارها إذا ابتليت بقرب عفنين الجوار = اصبر ترى صبرك يزيد احسارها وإلزم طريق أهل التقى وأهل الوقار = أهل النفوس الخيره واخيارها أهل الطريق اللي مرافقهم فخار = أهل العلوم الطايلة وأنصارها |
أبد يت ما في خـاطري بالتمـاثيـل= شي شــغل فـكري وقـررت أقوله أشياءتبي درس ودراسه وتحـليل = لوكان يمكن فهــمها بسهوله ماهوبحب لكثرة القول والقيـــل = لكنها أشياء غايبه ومعزوله يختص فيها نافلين الريجيل = امر ماكل اللي يريده ينوله انا ادري ان ايامنا بذت الحيل = فيها وفيها مايله ومعدوله لياتعدل جيل صاب المرض جيل = لين افسدوها مدعين البطوله العدل فيهاقّلّ واستفحل الميل = حتى الزمان يغيرون بفصوله وانا نويت ادلي بدلوي ولااعيل = وآخذ مع اهل الراي والعرف جوله مرزوق اعرفه وافي يوفي الكيل= ما غاب عن غيره بفكره يطوله حكيم متحكم ومدرك وحلحيل = وان قال قول نوّر الفكر قوله يابن مبشر هات رايك بتفصيل = بامريخص الشعر ويدور حوله الشعر ضاع وضيعوه المهازيل = جنازة في كل عود محمــوله ومصيبته من كثر الحط والشيل = كل بلا تمييز يشعب ذلوله احد من اجل الحب مايرقد الليل = يقول حبّه من زمان الطفوله يبغى الثريا شايف نفسه اسهيل = متصنّع جور الزمان بذهوله يشكي من الدنيا ويبكي من الويل= ومعناه من بعض المعاني عدوله واحد ذليل وزاده الشعرتذليل = ياخذعلى طمس الحقايق عموله راع الحمار يصوره فارس الخيل= الكذب رغم انه يعرفه يقوله مسافة البوصه على رغبته ميل = ويسمي الناس الذليله خجوله ويقول هذا ليث لوهوولد فيل = مع الطمع ينسى معان الرجوله عين على دجله وعين على النيل =ولا فيهن اللي في نفاقه ينوله لا قال حق ولا حصل له محاصيل= ورا القراده بايدات نعوله شكله رجل لكن بقوله طلع ذيل =كيف الرجل يرضى نفاقه يعوله في منطقه يعجبك حجّه وتاويل =ويعجبك في شكله وعرضه وطوله ليا تكلم تحسبه ينطح السيل = لكن علومه ماتوافق فعوله وناس تبي تدخل على الشعرتعديل=ومنصبين ارواحهم من فحوله هم مفلسين وكل يميل ويعيل =يشره على مطالب ماهي حوله والشعر ذمّه يالرجال المشاكيل = اللي يشك بصحته لايقوله ميزان حق ولايجي فيه تضليل = به تفتخر دوله وتنهان دوله به ترسم اخطوط السنين المقابيل= ويشرح تراث باليات اسموله وبه تنشر احداث الملا باالتفاصيل=ليا صاغه اللي فاهم في وصوله الشعر لاسلعه ولاهو بتمثيل =ليا فقد معناه يصعب قبوله ماهووسيله لاحتيال ومحابيل = لوان جهال الملا صفقواله قلته وانا مالي على الناس تخويل =ولا اجامل اللي مايلات حموله وعداد ما هلت مزون المخاييل =صلاة رب البيت على رسوله ــــــــــــــــــــــــــــــــــــــــ علي زيد الفريدي والاتي رد الشاعر/ مرزوق مبشر المزيني
حي الرساله والخبر والمراسيل =من شاعر له كل جزله نحوله فرايده ماهي تصنّع وتبجيل = بالعقل يصخر كل وضحا معقوله يصخرجلايل مايصخّر مخاليل = له بالجزال اجزال صوله وجوله يسوقها بالمطيبه والفناجيل =ومعها من دهن ازرق العود توله يسقي هدف معنى القصيدة شهاليل = من منهل بعض العرب ماوردوا له بتدوال أشعاره تطيب التعاليل = شعره اذا قيل الرجال اصنتوا له كنه يجيب المفردات بقناديل = بتجاربه ماقال عن ماوصفوا له مايجيبها ملفوفة بالزهاميل = واضح بمطلاعه وواضح نزوله يشيد ثم يزيل ويشيل ويزيل = واذا أعلنه أهل الرجاح شهدوا له على الهدف يرمي حجر طير أبابيل = ماعاد باقي قول عقبه نقوله حمس ودق وطاب كيف المعاميل = وأكرم بفعل وقول من سيروا له على هلا والعلم يحتاج تحليل = الوضع ماهو ياعلي بالسهوله ياعلي تطلب راي يشرح بتفصيل = معنى هدف شمط اللحى قد غزوا له الراي ترك الهامله والمثاميل = انت بزمن فيه العيوف مغيوله ياعلي خلف الجيش خيل وزماميل = والمعترض لأفكارهم ماحسبوا له ياعلي خل الريل لاتعارض الريل = لاتعترض له قوته في رجوله ماأنت مكلف في ذراري إسماعيل = مالك ومال الناس يابن الحموله آمين يعبون القصيد ببراميل = الشعر ماانته يابوخالد رسوله لكن قل لأهل الجمال الجماميل = خل القوافل سايره محموله وبعض القصيد اليوم مثل المناديل = معناها ريغاء والبيوت معفوله وبعض الآوادم لو قصيده طهابيل = تصير عوجه يابن زيد معدوله مايهمهم ياتي صفوف وجواديل = عين الرضا تطسم فدايح خلوله وشعر ببعض الصحف جديد ومحيل = غرام روس بالوضيع مغسوله شعر الحداثه والملالا ومواويل = وشعر يادان دان دقت طبوله سيل بليل ودبك خيل وخلاخيل = وناس وقفوا ضده وناس بركوا له واللي يصبون المعاني هماليل = على الصباخ لكسب بعض السيوله يمدح رياء ويرتل المدح ترتيل = ويطبخ لحم حرجه على نار كوله والغيل مارد للكبود المغاليل = اللي اذا شافوا نضيح أدبكوا له الناس كل له ميول ومداهيل = وكل بعقله مقتنع في ميوله وإن كنت ضد أهداف بعض المواصيل = لاتنشغل في صاحيه ومهبوله للأذن سماعه وللعين دربيل = والعقل يضع كل شي بوصوله كل بماله حر لكن غرابيل = الناس بأية باب حق دخلوا له إن قال وإلا أعطى سبايك سماليل = زعل رضي يرتاح يطق جوله باللي مجنب عنك مالك مداخيل = اطلب من اخير العباد سجدوا له يسترك بالدنيا من القال والقيل = بعض اقتلوا ذكرك وبعض شفعوا له _____________________________________ سبق نشر هاتين القصيدتين في وسائل الأعلام |
قال من يدخل على الشعرمع بابه =وان دخل بالشعر يعطيه ماجوبه ان مدح يشرح عن المدح واسبابه= ون نطق بعتاب مايجرح اسلوبه ون سمع كلمه مع الناس تغتـابـه= يتجاهلها ولو وجهت صـــــــوبه ان تكلم منطقه يحسب احســابه = المثل من قال بالناس قالوابــه يبغض اللي للاجاويد ســبــــــا به= التعرض للمقفين له حــــــوبه والمشاكل ساسها ناس كــــذابه = صنفوا مايشتهون وتواصــــوبه والكلام ليا لقوافيه متشـــــــــابه = فسروه برايهم ثم تنادوا بـــه من يود الهرج من صاحبك جــابه =حش عرقوبك وهو حش عرقوبه من عرفنا سيرته نفهم اطبــــابه = ونتوكد والموازين منصــوبـــه واعرف الطيب ولاارميه بغيــابه = ولااستمع في هرجة عنه منسوبه لكن اناديه وازيد بعتــــــــــابه =واخذ المطلوب واعطيه مطلوبه آه من قلب جديد العناء صــابه = كن فيه النار بالغاز مشبوبــــــه من زمانن كل مابغاه عيا بــــه = كنه يجازي على الصبر بعقوبه عملة تلمع بها سرق ونهـــابه = لوتحقق بامرها قلت مضروبـه مايغث الرجل ويثور اعصـابـــه = مثل كلمة صاحب فيك مقلوبه كلمة الطيب ليا جد مشذابــــه = عند من لا يفهم الوضع محسوبه واحد ما يفهم العلم يسعى به = غيره واستدخله من تحت ثوبه واعذروني من هرج حق ماعابه= وان حصل مني خطاءيالله |
وصلتني رساله من الشاعر / مرزوق مبشر الحثل هذا نصها :.
الاخ العزيز علي بن زيد الحربي سلمه الله تحية العروبة والاسلام الخالده :وبعد ابعث اليك هذه الابيات المتواضعه والتي تتخذ الغموض بعض ابياتها ولما اعرفه عنك من صواب الراي ودقة التحليل اخترتك منصا لها وهي:.
من السليل بعثنا الجمس بزروفه = للخرج واللي سكن بالخرج من غادي فرديت على / ابوهلال التالي:.ومن خوف لايشتبه معناي بحروفه = علي ولد زيد فيه المدح ينقادي اللي يكثر من الترحيب بضيوفه = ماهو تصنع طبيعه بابن الاجوادي نفسه على منطق الترحيب معسوفه = مع ما تيسر تحس بلذة الزادي اليا مدحته بفعله مالي حسوفه = اديت واجب ومدحي له ما هوعادي اديت واجب وخصمه يضرب الطوفه = ان ضايقه ريحة الريحان والكادي ان باع والاشرى مع تاجر الكوفه = من ساس غادي ومن جامل معه غادي ياعلي بن زيد جتك ابيوت ملفوفه = مضمونها ترجمة صلبوخ وازنادي ارسالتي ياوسيع العرف مسقوفه = على سوألين مع دله وبرادي اباسألك عن اعلوم غير مكشوفه = تحت الثرى بالعفار وجاوب البادي كان الاجابه على الوجهين معروفه = ركّز على مغناطيس السيف جلاّدي ون كان ناظورك الفضي قصر شوفه = لايميز الخط الاصفر عبر الارصادي اباآصفه صورة التوضيح ماصوفه = من ضمن الاحيا ولكن روحها جمادي اللي شرب من معين العمق بكفوفه = باية طريقه يعاتب ريس النادي بمبارز السيف فاز وغمّد اسيوفه = واللي ورا السور هيس عند جلاّدي ومن كانت اذنه ربيبة كل معزوفه = احيان يطلع من الملع للالحادي واللي بجوفه يباهي بكلشنكوفه = على قمر سم دمه شغل الرادي مده وجزره تكهرب في بحر جوفه = يتبع مصدر وينظر صوب ورّادي يتبع هوا الفاطر اللي نوب مردوفه = مع نافخ الكير لوماهو بحدادي الواو معطوف ضمن حروف معطوفه = ياللي سبح في محيط وغبة الهادي اما النقط من حروف الجر محذوفه = يامورخ العلم في هجري وميلادي
الجمس عبر الفيافي جاب مضروفه = يامرحبا به عدد ماسال من وادي ابيات شعر بفن وذوق مرصوفه = فيها معاني وفيها سيوف حدادي كأنها من زهور الورد مقطوفه = اعتز وافخر بها في روس الاشهادي ماهي لمن حاول التحليل مكشوفه = اللي بناساسها في بنيها استادي عن كل عين تثير الشك ملقوفه = ابعد مراميه عن عايد وعوادي كلمة وفا من وفا بالقلب مالوفه = علم قديم ومعه علوم جدادي لكن عسى مجاوبه تسعى له ضروفه = ويصير حول الهدف يالله ياهادي يابن مبشر ترى الاوضاع محفوفه = بملابسات لها تاويل وبعادي ياللي طمست الهدف وشلون ابا اشوفه= وانته دفنت الهدف باعماق الالحادي والرجل مايدحم الجدران بكتوفه = ويحاول انه يقدم رايه القادي اللي شرب من معين الخوف من خوفه= من يطلبه قصد ياخذعشرة افصادي واللي وطا فوق جمر النار بخفوفه = مما يعانيه يندب حظه الرادي مبداه بنهايته والعلم برفوفه = والظفر ابو زيد بالغفلات ينصادي وان كان حمل الجمل حول على اردوفه = مالي وماله مادام اني على شدادي والمحترم لحيته بيديه منتوفه = ليا صار يشره على متعب وشدادي نفسي عن اللي يغث النفس مصروفه = لاتلومني ياسديد الراي بعنادي النفس ماهي على من صد ملهوفه = ولاني على متابع المقفين منقادي من دخل يديه وصط الجحر ولجوفه = ماجاه حقه وراع القيد ينقادي وقت الرخا مايبين الرجل ووقوفه = متشابه موقف الممتاز والعادي لكن محك الرجال الوقت وصدوفه = اللي به الحر دون الواجب يفادي واللي تبع فاطره سنه شبك صوفه = يسعى ورا الزود مار النقص به زادي يمشي بواد عميق تتعب اجروف = وان ضاع ماله من الاجواد نشادي الاذن تسمع لكن القلب له شوفه = احلل اللي سمعته واتبع مرادي والرجل عن مايعيب الرجل مكفوفه = وان زلت الرجل عذري ماهو عمادي جتك الاجابه على قسمين منصوفه = من عقب ماطال محداري ومسنادي |
فهد بن عبد الله المطيري (ابوخالد) ارسل لي قصيده تعبرعن نفسها
كان لابد من الرد عليها وقد قيدني بموضوع معين بقوله العب على المعنى والقصيده لن اعلق عليها فهي واضحه للقارئ وهي :.
ــــقال الذي لاقال يخشى المناقيد = صاغ المعاني في كلام اختصاري هذي قصيدة المطيري والنقد مرفوع والزعل ممنوع وهذاردي عليه:ماهو كلام راح كله سراميد = اللي يجيبونه خزام الصحاري مرددين الزين والشين ترديد = ولافرقوا بين النهار وغداري لوكان ورع تو ما يرضع الديد = ينشر له اللي باغي باختياري شاعر يعدونه مثل زيد وعبيد = والاسم توه جايبه مستعاري ويمجدون ليا نشر كل تمجيد= وضاعت حقوق الشعربوضح النهاري ياهل الصحافه حددوا كل تحديد = لازم يجي للشعر ناقد اداري الشعر يبغى له مثل علي بن زيد = والا الحويفي يوم والا الحداري والا العريمه جدد الشعر تجديد = اللي قصيده مثل ضرب السواري وغيره وغيره من جميع القواصيد = اللي لهم بالشعر مفعول ساري ناس بحق الشعر تعطيه وتزيد = يصور المعنى بمظهر حضاري العب على المعنى عسى عمرك سعيد= حيثك بسوق الشعر بايع وشاري ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
وصل الكلام اللي على حق ومفيد = من شاعر سواه با سلوب ناري يامرحبا به واعتبر جيته عيد = لوهو على بعض الشواعير زاري يقول ضاع الشعر بكل تاكيد = كنه يقول الشر لعبة حواري ومن غيرته يبغى تدخل علي زيد = وهو يدري ان الوضع يمشي جباري ياطيب المعدن كلام الهرابيد = لورددوه اصله كلام تجاري لايقبله عاقل ولايمكن يفيد = مالك ومال معلقين البواري شعر بلا معنى نشوفه سراميد = راعيه يرجي من وراه المصاري واحد يجي شعره مثل عاكس السيد = مستشعر يسوقها ما يداري وشعر ليا اوحيته مغثه وتنكيد = من واحد بقوة نفوذه يماري وناس تقول الشعر لكن مقاريد = مداحة المفلس طيور المذاري عند الزعل سبابة لللاجاويد = عند الطمع تمدح اكبار العتاري وناس تبي تدخل على الشعر تجديد = ليا عجزوا تطري عليهم طواري وشعر يادانه دان شعر المساريد = وليا وصلهم علم صاروا حباري وشعر يقاد بدون شرط ولاقيد = ممجوج لو يقراه مليون قاري يجمع وينشر والهدف منه تمجيد = سوالف من كل معنى عواري والصحف تنشر للموالين وتشيد = يفرض ولكن صاحب العقل داري وشعر الحداثه ينشرونه عواميد = سموه شعر وهومن الذوق عاري ذا موجز مني ولاودي ازيد = والا القضيه وامرها سيل جاري وترى الكلام يصاد وقت الطلب صيد = ولايدرك الطيب قليل المساري وتوجد ارجال تفهم الشعر وتجيد = تلقا لهم في كل نادي مواري بالسلم حلم وبالملاقا بواريد = مدنين مدمين جمال ضواري ونته تريد ويفعل الله مايريد = ومالك وما ل المنتحي والمباري لاينفع معدل ولا يفيد تطريد = خل البحر تجري عليه الجواري تسلم يابو خالد من المكر والكيد = عساك تسلم من لهيب الذواري |
زامل بن علي العوفي من الاصدقاء الذين اعتزبهم وجهت له لغزين
قال واحد ماهو وارد قالوا الحاضرين عوضه عنه مرزو ق مبشر قال عطه عشرين لغز والرجل ذكي وناقد وشاعرفكتبت له الآتي:. ــــــــــــــــــــــــــــــــــــــــــــــــــ
بديت باسم الله جلت قدرته= الوحد اللي من لجا له ماندم فرد ابو علي بالابيات والحلول التاليه:.يابوعلي جعلك بخير ونعمه = يالطيب اللي كل علمك محترم فيك الصراحه والمروه والوفا = مع المعرفه والشهامه والكرم يا مفسر المعنى بتحليل الذكـا = وتصدّره واللي جهل به يحتزم ابا اسالك حيثك فهيم وعارف = ومثلك ليا سمع المعاني يفتهــم عندي لك الغازعساك تحلـها = على الرخا ماقول سلم وستــلم 1) انشدك عن جاهل يسوقه عاقل = يمشي وراوقدام مشي منتظـــم يفتح طريقه ون مشى بسنونه = وليا فتح درب بلا خوف انهـزم 2) ونشدك عن شي حرام طــاهر = طهارته تطهر بها كل الامــــــم 3)و وشماشيه لو طوعوها وسرعت = ممشى ثلاث اسنين مايعادل قدم لاتاكل التمره ولاتشرب لبن = ولاتاكل الخضره ولاتاكل لحــم تاكل ولاتشرب وفيها فايــده = ولااظنها تطعم لماكلهــا طعـــم 4)وانشدك عن شي لقيته يـاكل = ياكل رضم ولاشبعوه من الرضم 5)وانشدك عن حاكم بدبرة حاكم= يحكم على الحاكم ويرضى به حكم 6)وويش الذي حمّل بتهمة قاتل = وجيب الدليل وقيل هذ المتهـــــم لكن براته قالها بلسانــــــــه = لو كان ماينطق بلفظ ينفــــــهم 7)وانشدك عن بحر تعب به سبح = لويبتديه من الطفوله للهــــــرم كل البشر يابو علي ما تقطعـه = ماله نهايه يا طـــــويلين النسم 8) وعن من توفى مرتين من البشر= عبره بدت للمعتبر منذ القــــدم 9)وعن من نذر نذرووفّى نذره = مانفذه لاشك حكــم الله حكـــم نذر صبر حتى تحقق مطــلبه = ون ما عرفته فاذكر اصحاب العزم 10)وانشدك عن شي خفي واضح= منشاه مايعرف ويخلق من عــدم ولو تطلبه في كل ساعه حاضر = ردد مثل ما قيل رفرف ياعــلم 11)وانشدك عن حاجه تضروتنفع = لكن على نوعين يمكن تنقســم النوع الاول في الشريعه جايز = والنوع الآخر به مضره ويحرم يضيع به حق ويثبت باطـل = والظلم نار الله يجازي من ظــلم 12)وانشدك عن بيت ضعيف ساكنه= بيت ضعيف ومن سكن به ينرحم ماتستطيع بناه ونته ماهـــر = واللي بناه بدون لحم ولاعظــــم 13)وانشدك عن رجل تحكم بجرته= يمشي على راسه وفي راسه سهم 14)وانشدك عن رجل قليل خاتمه = الا ليا منّك حكمته وانخــــــــزم يقذف بناته من امام ومن وخـر = ليا ذبحهن خيرهن معه انعـــدم 15)وانشدك عن رجل تجيبه عندك = حارس على بيتك وهو مثل الصنم يصرف حسابه من حسابك بالرضا= يعمل لغيرك وانت بامره ملتزم 16)وانشدك عن شي مشى قدامك = ونته وراه وهوكريم لمن حــلم لولاه ضاقت بالعباد الدنيا = لكن صحيح العزم يبراه النجــم 17)وانشدك عن شي تحسب حسابه = غايب وهو ياصل ان كان الله قسم يقل يكثر نعمة الله تنذكر = اصبر على شانه وجامل واستقم 18)وويش الذي جبته بعشق ورغبه = وضيّق عليك وصارشر يحتدم اما تحيزم واقلعه عن دارك = والاتراه يصير في جسمك ورم 19)وويش الذي ياكل ولايوكل معه= ياكل ولايشبع ولايحس بألم 20)وويش الذي كل الخلايق تكرهه = وتمشي له الامه على ساق وقدم تم الكلام وباق اللـــي عندك = واقبل تحياتي وهذ ما لـــزم
يامرحبا ترحيبة ممزوجه = بدهن عود وللعسل فيها طعم بيض الله وجه ابو عليبرسالة جت من رفيق وافي = في كل حال مدرك قول ونعم ليا عدوا اهل العرف يحسب منهم = شاعر وله هيبه ويحشم ويحشم ارسل علي ارسالة مرفوقه = بعشرين لغز وكل لغز له خصم وسميت باسم الواحد الفرد الصمد= وفيه اتكلت ومن توكل به سلم وعطيت رمعاتي حسب مفهومي= عساك يابن زيد يقنعك الحسم نشدت عن جاهل يسوقه عاقل= يمشي ورا وقدام مشي منتظم هذا هو المنشار مابه غيره = يفتح طريقه دام سنه ما نثلم ونشدت عن شي حرام طاهر =طهارته تطهر به كل الامم هذا هو البيت الشريف بمكه = مابه حرام طاهر غير الحرم وعن ماشيه لوطوعوها واسرعت =ممشى ثلاث اسنين مايعادل قدم ذيك الرحا والحب هو مطعومها = ون حركوها ما تقدم تبترم ونشدت عن شي لقيته ياكل = ياكل رضم ولااشبعوه من الرضم هذا حسب ظني هي الكساره = يرمى الحصى فيها وهي تفضم قضم ونشدت عن حاكم بدبرة حاكم = يحكم على الحاكم ويرضى به حكم هذ هو الميزان حكمه عادل =ليا حكم ماحد بحكمه ينظلم ونشدت عن متهم بتهمة قاتل =جيب الدليل وقيل هذا المتهم الذيب يوم اتهم بقتلة يوسف = واثبت براته باليمين اللي قسم ونشدت عن بحر تعب به من سبح = لو يبتديه من الطفوله للهرم هذاك بح العلم وانت ادرى به =كم واحد رقاه عالية القمم وعن من توفى مرتين من البشر = عبره بدت للمعتبر منذ القدم هذا العزير وقصته معروفه = احياه من يحي العظام وهي رمم وعن من نذر نذر ووفى نذره = مانفذه لاشك حكم الله حكم ذاك النبي ايوب في ساعة غضب = نذر ولا وفى النذر حيثه ندم ونشدت عن شي خفي واضح = منشاه ما يعرف ويخلق من عدم ذيك الهوا منهية ماموره = يديرها اللي بالسراير معتلم ونشدت عن حاجه تضر وتنفع = لكن على نوعين ممكن تنقسم ياعلي ذيك الواسطه معروفه = لاتعتصم فيها وبالله اعتصم ونشدت عن بيت ضعيف ساكنه = بيت ضعيف ومن سكن به ينرحم هذاك بيت العنكبوته ظني = لعل بيت ما يذري ينهدم ونشدت عن رجل تحكم بجرته = يمشي على راسه وفي راسه سهم هذا يا بو خالد جوابه واضح = اسمه قلم ياللي بخيص بالقلم ونشدت عن رجل قليل خاتمه = الا ليا منك خزمته وانخزم هذا المسدس جارك الله شره = لاتنقله ياغير في وقت مهم ونشدت عن شي تجيبه عتدك = حارس على بابك وهو مثل الصنم هذا هو العدّاد حسب اوصافه = سدد فواتيره واضافات الرسم ونشدت عن شي تحسب حسابه = غايب وهو ياصل ان كان الله قسم هذا هو الراتب ولغز وارد = جد بعملك وراتبك لاينخصم وويش الذي بعشق ورغبه = ضيق عليك وصار شر محتدم ياعلي هذ الدين حمله جاير = من يبتلا به في سداده يلتزم وويش الذي ياكل ولايوكل معه = ياكل ولايشبع ولايحس بألم النار تقصد عاذنا الله منها = تاكل ولاتشبع ولكلش تلتهم وويش الذي كل الخلايق تكرهه =وتمشي له الامه على ساق وقدم الموت جعل الله يطول عمرك = لابد منه ووعد خالقنا يتم ماسلت عنهن بالاجابه جنك = مفسرات موضحات بالاسم تمت واختمها مثل مبداها = في دهن عود ودمت يالرجل الشهم |
وجهت هذه القصيده للشاعر العملاق /مرزوق مبشر المزيني
ا
ابدي بذكر منور الكون بالنور = اللي خلق ليله وكون نهاره رد الشاعر/ مرزوق مبشر المزينيومن عقب ذا نبدي معانن لها دور= كلام مخلص والمحبه شعاره يلفي على مرزوق والعلم محصور = فوق الطويل وتحت ساس المغاره يابو هلال العلم مسناد وحدور = وليا انتشر جعله يزيد انتشاره عارفك با لاحسان والخير مذكور = يانمر يامعشي جياع النماره لكن مثل ماقيل منهي ومامور = وحسناتك اكثر والتفافك شطاره ولاانته من اللي يهدي العرج والعور= تفهم هدف راع الهدف بالاشاره بالمستوى الشعبي معلم ودكتور = وتعلم العالم باصول الحضاره شهم وكريم وصايب الراي والشور =هذي صفاتك بامتياز وجداره ياطيب المعدن نبي راي مستور = عن شي براسي يسبب عواره اباسالك والعلم من داخل السور = عن المكان اللي تراكم غباره بيت نظيف وله زمانين مهجور = ما فيه غير مكيفه والستاره كد شفت في حوشه بساتين وزهور = واليوم تمشي عثته في جداره جيت اتصرف فيه لاشك مكبور = وكفيت ايديه لين اشوف الشراره هل هو صحيح الكون هذا على ثور = والا الكلام محرف عن مساره وهل هو صحيح بماكر الصقر عصفور= وان البساس السود صارت اسعاره قل لي عسى بيتك على طول معمور = كيف افتح المبنى واردا عتباره وانشدك عن علم لفاني له اشهور = جابوه لي محفرين الجحاره علم جديد وهو قبل عام منشور = اهل النقيلي مصدرين قراره عساه زور وناقله ينقل الزور = ان كان قصده جد والا عياره الحق نور وسيف ابو زيد مشهور = لاشك رجلي ماتدوس الخباره صراحتي عيبي ولاالف وادور = واخالف اللي يقطعون الاشاره اجزي واجازي واتصرف على الفور = وبعض المجازى للمجازى طهاره ولاني على بعض السواليف مجبور = ليا غير المبداء قطعت الزياره الرجل يا الطيب له احساس وشعور = وبعض المجامل باعتقادي ثواره وصم الصخر ماهو بيصبر على الجور = يذوب لوزادت عليه الحراره العلم فيه وفيه كامل ومبتور = فسّر وحلّل يامدير الاداره تمعن المعنى بنظره وناظور = عساك تسلم يابليغ العباره ان جانبت ظني فانا قلت مشكور = وان وافقت ظني عطيتك بشاره صح الصحيح وحال ابو زيد ميسور = الرزق ياصل كل حي بداره ومهما حصل يا طيب الفال معذور = موقعك عند ي في محل الصداره جعله ياقاك الله من كل عاثور = ردك يريحني وانا بانتظاره يمكن يحط بكبد قارون خابور = ويذوق به فرعون كاسالمراره ــــــ
حي البيوت اللي تقل وصف طابور = طابورعرض ابداع فن ومهاره والسلام عليكم ورحمة الله وبركاتهمن شاعر ماهو بمعناه مثبور = معناه يفرض هيبته من وقاره اذا بعث لك قاف ماهو بمحشور = من فيض مكنون يفيض بغزاره سايق ميكانيكي على الجمس والمور = ماهو مثل ما قيل سواق طاره ليه كتب ريف النطا عدة اسطور = على هدف مخفي بشاشة رداره بالمركب السحري عبر عدة بحور = وركب على الجودي جسور العماره بالماس مسموره على لوح مسمور = على فلك ماينتميز مداره بعض معانيها لها بطون وظهور = وبعض معانيها مثل عين واره حسب هدف مضمونها مابها قصور = تصميمها تصميم مبنى وزاره اسلوب ابو خالد كما اسلوب منصور = بين اللحاء والعود قنصل سفاره من خارج المبنى قواعد على جسور = ومن داخل المبنى مزارع وحاره قبل ارمضان بيوم نادى بعاشور = وركب راع النادي عقود الاناره ماجور ريف الضيف والجار ماجور = بدافع زعل وجّه من الشرق غاره غاره لها بالخارطه سبعة اسبور = حسب مصادر مدعين الاماره امشي واوقف كن عليان مهجور = اخاف يوخذ من اشعفته اهجاره ومن لامشى على قواعد ودستور = وحط الحكيم المطّلع مستشاره يموت ماقدّى جهامه ومظهور = وعليه شيخ اعداه ماسك خفاره والبل لها قعده وركبي ومقهور = وراع الغنم لاهان يركب حماره ولكل نادي ياولد زيد جمهور = والسوق يا صرّاف ربح وخساره اما سؤالاتك لها فروع وجذور = والنور والتنور وصط الغماره ومن لاعمل للحور ماشاهد الحور = اما الجمل شقران همّز فقاره سالت عن بيت زمانين مهجور = مافيه غير مكيفه والستاره اشوف ما تشوفه وغشام خاضور = خاضور من نبت الغزاله خضاره وشيب الهجاف اعجاف ياراعي الكور = يامعاتب العاقل ماهو باختياره خذ الكلام اللي على صلب ماسور = وسر يجبر به كسير الجباره وسالت عن علم لفا لك له اشهور = جابوه نقل محفرين الجحاره حسب كلامك قلت حفارة اجحور = اذا فهم مابين جرذي وفاره لايسبب اصداعك حكي كل ثرثور = اللي يرى خلق المشاكل اصقاره لاحامي مركي ولاكاسب خور = اكثر قراراته بتوقيع عاره اعوذ بالله خالق لنار والنور = من اللي لهم نقل النمايم تجاره ضعوف الرجال مروجة كل محذور = والتمر شيصه من ضعافة وباره ياعلي قل لمروج الحكي مثبور = ان كان اخو سعدى والااخو ساره وخل السنان اعنان والسيف باكور = يامكرم اضيوفه وياسور جاره تراك عندي كبر ورقان والطور = والعلم اشاره والذهب با لحجاره اعرفك لاجاهل ولاانته بمغرور = لكن حسن نيتك مثل المناره ماقولها تحريف واقع وديكور = تصويرمكنون وهبك اقتداره لاباععث ميت ولاحافر قبور = وحكي التوافه ما نغذي صغاره تم الجواب ودرب الامجاد ماثور = وكثر التسأل من سلوب الاثاره |
في طيب القول لي مقصد ولي غـــايه = سيفي لساني ولي بالقول حريه قول العوارف تشعب مالــــه انهــــايــه = ولاكل ناطق يوفق بالميــه مــيـه من صاب قوله تراه يصيب في رايــــــه = ومن تاه قـوله تصـير ارياه مجفيه بعض البشر فيه راي وعرف وهـدايــــه = لكن بعض البشر بواطنــه ســيه والبعض فيهم حكيم وعنــــده ادرايــــه = يملك جزيل الكلام وصـافي النيه لكن بعض الاوادم منــــــطقه تـــــــايه = يتعب على الهرج والاهداف ملويه اما يكون الهدف تضليل وغـــــــــوايـــه = ويوجه النــاس لاشيا غير مـرضيه في منطقه يعجب الجـهـال با غـــريــه = رجال في ظاهره في داخله حيه والاتكلـــــــــم نفــاق وزود وصـــــــايه = ومن الطــمع كثر الروحات والجـيه ويردده عنـــد بيـــاعــه وشــــــــــرايه = ويفخر بقوله عسى تزلف به الطيه مبدا المنافق يخالف كـــل مــبدايــــــه = ذلـــيل كاذب وكل أريــاه ســـلبيه انا احترم من صدق لوهــــومناعـــدايه = واكره اسلوب المنافق لوقرب ليه والآخر اللي كلامه سب ووشــــــــايه = لاجل يتطفل على بعض الطفيليه يجيب هرجه ويـــرجع منك بحكـــــايه = ويـحط عنوان للهرجه ومـــاريـــه ينقل لي الهرج كنه يطلب ارضــــــايه = ومني يودي كلام زور رديــــــــه عينه عليه ولكن يرصـــد اخطـــــــايه = وان كان ما خطيت صورها خياليه فرق تسد غايته ويسوقها اهـــوايـــه = يوهم بنصحه وهو قايد حــراميه بينت للي سمع رايي ومغـــــــزايـــه = مبادي ماتناسب مع مبـــاديــــه بالناس جاهل وفيهم كـــيد واعصــايه = وفيهم اضعيّف وفيه افعال كيديه وفيهم ارجال تدير الــوضع بعــــــنايه = اهل ملازيم مكشوفه ومخفيـــه منطق سليم ووفاءللدين حمّـــــــايه = تسرك افعالهم ووجيههم حـــيـه ارجال لهم بالمواقف ترفــع الــرايــه = راية محبه من الاعماق مثنيـــــه هذا كلامي وكـــل انسان له غـــأيه = والقول والفعل مبني على النــيه |
مرزوق مبشر المزيني من الاصدقاء القليلين وبيني وبينه
مساجلات كثيره الجاء له لشرح شعوري وهو شديد النباهه يدرك ماقصد ويجيب قلت له ذات مرة مايلي:.
الكلام يقال عند مناسباته =والعلوم تجاب في حزة طلبها فرد مرزوق بما يلي : والرجل يسعد ويشقى في حياته= والمشاكل كل عاقل يجتنبها الرجل ينبيك هرجه عن صفاته = والحقيقيه تقنع اللي ما طلبها ما نحسّب للكلام وشايعاته = والمحابل شرها للي نصبها من تعرض سيرنا نلجم لهاته = ومن يشب النار نرميه بلهبها ندرس اوصاف الرجل ومواصفاته = نقتدي في سيرته والانعقبها ياوسيع المعرفة ماجبت هاته = ماتجيب إلا لجزيله مارجبها عندك النطق الجزيل وطيباته = والمعاني ماتجيب إلا ذهبها الاسم مرزوق مرزوق بذاته = من فعول طيبات ومن أدبها وبعده مبشر والبشرى من سماته = يشتري كل النوادر من جلبها ياسديد الراي ودي بالتفاته = للعلوم اللي تسلي من قضبها جدد الموضوع وأهمل سابقاته = كل نار طافيه غيب حطبها لو بنات أفكار مخي حاضراته = من شهور ماضية كان انتدبها لكن الموقع عليه مخلفاته = وأثرهن راحن مع اللي راح لأبها قمت أحس الوضع وألمم شتاته = والوعور اللي تتعب مارتكبها يالفهيم اللي على الحكمه ثباته = لاتحاسب من حساباته حسبها والعمى متجود في راس شاته = مالنا بالطاولة واللي قلبها والثمر مازال باقي في نباته = وانخله مستور ماحرك رطبها جاك علمي وأنت تفهم خافياته = تفهم القصة وتفهم وشسببها
ياسلام الله عليكم وبركاته = كلمة تظفي على السامع هدبها مختصرها والكلام وموجزاته = وكل كلمة حسب فهم اللي كتبها وأبو خالد يوم عبر من جراته = ومن وفاه لسيرة الماضي طلبها وارداته حطهن مع صادراته = باختياره جمع العقل وقصبها يوم حسب عاد طبع مذكراته = وعمر الفله وقال اختر كنبها بالبيوت اللي بها صاغ كلماته = ماص مفراس البيوت إذا كتبها القلم ترعف من أفكاره دواته = والمعاني لو تمادى ماسلبها ولا تكل من الجزال محاولاته = وخبرته وأفكار عقله ماحجبها من سلوبه لاصدقائه مجاملاته = والنفوس البوس مايدرى غضبها لاصدقائه بعملته ومعاملاته = سيرة اللي لاتركتها ولا قضبها والصراحة والثقة من راسياته = والحماقة لو ركبها ماشعبها حسب فهمي للهدف وملابساته = يوم مس أبطانها مدري حقبها ساقها سوق المعيد بمبهماته = ساقها مدري مع المنحى سحبها صاغها بمخططه ومعادلاته = وقال جبها وأنت واحد من جنبها والسفينه مبحره في صافناته = وترجمة سبة زعلها مع طربها وحملها دفعت على الشاطئ زكاته = ودسرها ثبت على الشاطئ خشبها قادها بحبلها وأرسى حصاته = طاوعت مدري على الجود غصبها أعتبرها معجزة من معجزاته = كيف يذبح ولا قطع عصبها والنعت توضيح علم بمفرداته = والعمى بيت القصيده ياحدبها العمى خل البصير وعابراته = وكابتن الحاره يدرب منتخبها خذ عبارة يالحكيم بواجباته = إن خلت مستور ماصفى حسبها وأبو خالد بالرموز مساجلاته = جاوب الأعراب في لهجة عربها وإبتديت وطالب التوضيح جاته = جملة مضمونها يفتل شنبها شفت مدري شاف في شاشة قناته = والعرب تجهل سببها مع نسبها والخبر تحت الثرى دفنت نواته = شافها مدري سمع لكن نكبها واحد شال الذبيحه في عباته = راسها مخفيه ومبين ذنبها اللهم لا إنتقاد ولا شماته = لعبة البيه ولا افلح من لاعبها وكم مصلي ماقرا الحمد بصلاته = وكل نفس تسير حين الله وهبها |
الجمس هاته وافحص الجمس ياغلام = وليا جهز مقدار ماقول حمّه ــــــــــــــــــــــــــــــــــــــــــــــــــ ــــوهات القلم واكتب وانا امليك باحكام= واضبط احروف القول شده وضمه اكتب كلام لامزيف ولااوهـــــــام = وباول كلامي راعي الخط سمه كلام احلى من لبن در لانعــــــام = شقح النياق البارزات المزمه مرباعهن بين الفويلق ولـــــّزام = ومقياضها الصوال تشرب مجمه قول يدور بوصط فكري من العام = منزّه عن الخطاء والمـذمــــــــه وان كنت ساكت فالضروره لها احكام = العلم واضح والمواضيع جمه لكن بعد ماحمّضت كل الافلام = طاب الكلام ولي معانن مـــــهمه تحمل سلامي والتحيه والاكرام = من واحد عّز الجمـــاعه يهمــــه وترحيبة تبقى على مر الايام = عمق المحبه والمودّه تضمــــه تاصل وفياً يوم احليّه ضرغام = علم السعد عنده وحوله ويمه عضيب الحربي مقصدي والهنا دام= مخصصه بالقول من بين الامه ابن الرجال اللي مشاهير واعلام = اللي لهم بالحق مبدا وهمــــــه اهل الوفا واهل الكرم واهل الاقدام= كل يقول الحق عنده ويمه من لابة تمشي على العز قدام = مع فعلهم فيهم تسامح وذمــه مقومين الحق واركان الاسلام = واهل الشجاعه بالظروف المهمه ربعي هل اللقوات من عصربن حام=من هازته نفسه بهم سال دمه ليا قيل وصلوا حرب قيل السعد قام= الله عطاهم موقع فوق قمـــه ذا قول من هو بالوفا ملزم الزام = قواعده من حرب خاله وعمـــه ياعضيب يوم نك على الفعل مقدام = تخص من تبغى بعلم وتعمه اعجبتني ياعضيب في جمع الارقام = وقص الاثر بالليلة المدلهمه لك موقف هديت به حيل الاخصام = خليت شبه العير يرجع على امه سجلت توضيح المعاني بالاقلام = وقطعت راس الداب وابطلت سمه دعست راس اللي تبجح بالاقدام = ليا رفع راسه وقع في مطمه وللي نوى يشري تراجع ولاسام = واللي حفر حفر تراجع ودمــه من عقب زل وذل وقع بالابهــام = واعذر بدرب ابليس من عقب خمه حيثك ياليث تجيد تفسير الاحلام = وبقدرة المعبود رايك تتمه لك ياقوي الباس تقدير ووسام = وسام الشرف ياللي قضيت المهمه [="ic"]هذه القصيده قبل اكثر من عقدين عند ماكان عضيب بن هليل العلوي يجلد الخصوم ويسقيهم السموم وربما سقط منها بعض الابيات لكنها تعبر عن شعور قايلها |
ارسل لي / عبدالله بن هليل بن شماس الجميلي قصيدة اعتذر عن عرضها لوجود
بعض مايمنع العرض فرديت عليه بما يلي: ////////////// ـــــــــــــــــــ
اهلا هلا عد الخضر والهشيمي =وعداد وديان الجبال وشعبها ببيات شعر من رفيق حميمي = يدرس خوافي كلمته ويحسبها منطق مهذب في صياغة سليمي= تحمل مواضيع قليل صخبها عبدالله هليل هميم محيمي = على العلوم الطيبات بادبها ولاقال لي هذي علامة خصيمي= اخفى جميع اهدافه اللي نصبها وانا مفاهيمي وسيني وجيمي =كل العقول المدركات تغلبها لكن حسب عرفي وحكم الحكيمي=نبي ندورجزلها مع جلبها لعلها تمشي بدرب قويمي=وتبر القلوب الغاضبه من غضبها يا بوهليل من بشبل القديمي=يشيلها للواجبات وطلبها افتيك باشيا مانت فيها اعليمي=والمايله عارفك ما ترتكبها تدريب حربي مع سياسة قصيمي=من لابة تعرف مواقع لهبها اهل الشجاعه راجمين الرجيمي = اللي نهار الكون تدفن اركبها صاحبك بن عمك لوانه وخيمي = لازم عيونك عن خطاه تعصبها الاليا جت ضربة في الصميمي=وعليك طاولة الاواعي قلبها عليك بالحكمه ورافة رحيمي=والنار لاترمي عليها حطبها يفنى الرجل لكن فعله مقيمي = والطيبه كل يريد يخطبها والوقت فيه وفيه عدل وعقيمي=حتى العجوز اليوم تفتل شنبها كد قال بالمعنى صياف السحيمي=ترى احبال اليوم يقرص ذنبها ومرزوق مبشر قال قول الفهيمي=بعض الحبال احيان يخشى عطبها ومن نايف الجربوع ومن الطهيمي=سمعتها والمعتدل ماعقبها وليا اختلط حب الحدج واللقيمي=اما اقبل الموجود والااجتنبها وان صار جو الوقت حر يضيمي=تلقا البراد وصافي الجو بابها ياطيب خلفك حّر هميمي = الصاريه من شمها ما شربها الطيبه تمسح دموع اليتيمي=والخايبه نقص على من قربها ومثلك ان شاف المبرمه والبريمي=العقل ليمها بصمت وقصبها |
;سلام وتحيه وافيه مثل ريح العــــــود..= تحيـة وفـا والـورد والحـب يحــــــــملها على حرب ربعي عدمابالوطى من عود = هل الجود واهل الطيب من عصراوايلها ارجال الشهامه والكرامه ارجال الجود = نقول الحقايق والبشر مانجـــــــامــلها اذاعدت الافعال جاعلمهم محمود = قبيلة وفا مافيه مخلوق يجــــــــــهلها حماة الوطن والدين واهل الوفا والزود =قبيله تعامل بالوفا من يعاملها هل العلم واهل الحلم عند اللزوم وسود = ليامن نار الحرب شبت مشاعلها اقوله وانا منهم ولي الفخر ياسعود = اقول الحقيقه وانت ياصاحبي قلها |
الاستاذ الباحث والاديب / فايز موسى البدراني من الرجال الذين ابلوا بلاء حسنا في اظهار مناقب قبيلته حرب له اكثر من عشرين مؤلف معظمها يتصل باصول واحداث القبيله ويجب ان يشكر على هذا الموقف المشرف في 21/6/1421هـ قلت هذه الابيات المتواضعه تاييدا وشكرا لهذا الرجل. الــــــــــــــــــــــــــــــــــــــــــــــــ ــــــــــــــــــــ
الرجال النوابغ يصنعون الروائع =المدارك وسيعه والمسالك بديعه المعرفه تنوع بين شاري وبايع = المراجع تجيبه والعوارف تذيعه والمعرفه برايي من جميع النوايع = الادب من جميعه والنسب والشريعه ماضيات العصور ومامضى من وقايع = والتراث المنوع محتواه وجميعه عند رجل المعرفه عند زاكي الطبايع = عقب بحث وتقصي حافظه مايضيعه ابو تركي بامانه حافظ للودايع = عند راع الامانه ماتضيع الوديعه ابن موسى بامانه حمل الحمل طايع =ان بحث مايزور والصراحه ربيعه يابن حرب القبيله كل ماجبت رائع =يا كثير المواهب موقعك بالطليعه قلت جزل الكلام وحزت بيض الصنايع = عندي وعند غيري لك مكانه رفيعه الذهب هو رصيدك من حميع البضابع = رابح من شراه وعادل من يبيعه بالوفا والحموّه صار لك صيت ذايع = صانع المجد يعرف من وفاه وصنيعه والعمل من نجح به سد باب الذرايع =مايعارض نجاحه غير ناس وضيعه كان بعض الاوآدم تقل للهرج جايع = الكلام المعرّى مايسمى ذريعه ذي شهاده بموجز واعتبرها طلايع = من رصيدي وفكري جبت لمحه سريعه |
يالله يامجري ذوار الهبـــايـب = يارازق الواد المحل بالسحـوبي الواحد المعبود جزل الوهايـب = رب المــــــلا والمطلع بالغيوبي يارافع عن المصاب المصـايب = يالله ياساتر جميع العيــــــوبي ياقابل التوبه لمن جاك تــايب = يالله ياغافر جميع الذنــــــوبي انت المعين بنازلات النــوايب =ياخير من يدعى لكشف الخطوبي تزيل عني موجعات صعـايب = من فعلهن ضاقت علي الدروبي اقفت زهور العمر واصبحت شايب=والعمر في حكم الحكيم محسوبي وعاصرت بالدنيا زمان العجايب= عصر لقيته مثل ليل صلوبـــــــــي مسايره لين انكفن الركايب= واحـاوله باللـــين عيـــا يتوبــــــي واسوق الاريا بين مخطي وصايب=حتى تعبـت وفاختن الذهــــــوبـي وحسب اعتقادي معظم الوقت عايب=وسبب عيابه ناقلين العيوبي احدحضر جسمه ومبداه غايب= واحد لغيره دون تفكير لـوبـي وبالناس من يسعى لعوج الطلايب= رايه يعاند فيه لوهو كــــذوبي برايه يحب معقدات النشايب= و هذ المرض سبب خراب الشعوبي وقت ليا فكرت كله غرائب=ليا بغيت الحق صار محـــــــــجوبي حيرت فكري يازمان العجايب=عجزت لاشرح قصتك في سلوبي أحد ضعيف الراي مهزوز خايب= وأحد مهماته كذوب لســـــوبـي وأحد يعرف العلم لاشك هايب= ساكت ويجامل ميتين القلوبي تم الكلام وصدرن النجايب=والشمس مالت ونتحت للغــــروبي وصلاة ربي عد وبل السحايب= وما با لفضا من غالب ومغلــــــوبي على نبي كل ما قال طايب= العادل المختارخير محبـوبي |
]
قـال الذي عدّا براس الجذيبـــــه = لحظة زعل ماهي هواية مــراقــيب ـــــــــــــــــــــــــــــــــــــــــمن واقع يشعل بقلبي لهـــــيبه = وغيري كثير يحس منه اللواهــــيب ياهل العقول المدركـات اللـــبيبه = ياللي لكم منهج وتفكير يصــــــــيب وشرايكم في ذاالسنين العـجيبه = اللي بها خبثت جميع المشــــاريـب والغالبين استسلموا للغـلـــــيبه = وصار الثعل يستاسر الليث والــذيب وابو حقب في وسط كور الـنجيبه = وراع النجيبه عرّضوه المشــاعــيب واهل اليدين المطلقه في مغيبه = واللي حضر ترمى عليه العــذاريب المحترم يمناه في وسط جـــيبه = وابو وعد ركب لثوبه مية جيــــــــب والخوف بالرجال ساس المصيبـه = لوكان حاضر كـل شي به يغـــــيب ومجامل فيه المهونه معــــــيبـه = وعيش المذله واحتمال الاذى عيب والحسد بالرجال يردي نصيـــــبه = والحقد يعمي صاحب الحقد ويخيب أشوف ظاهرة غريبه عجـــــــيبه = كثر الطمع بالناس والــشك والريب المـــاده تجـمع بامــور مــريــــبه = حرص على الدنيا بكل الاســـالـيب وحب الاذيه عند بعض الشـــبيبه = أهل المشــاكل تاركين المــواجيب وشفت التقاعس بالضروف العصيبه= عند الشباب وعندبعض من الشيب واشوف ناس للغلـــط مستجيبه = والــوقت مايقــبل تعــــبث والاعيب الحر عند الجــد عقــــله طــبيبه = والاضعيف الراي لوغــاب مايجـــيب يرضى الاهانه لين يذهب ذهيبه = ماهو من اللي مطلبه شمّـخ النيب لايــــودي المعــروف ولايجـــيبه = ومن لاتأدب مـــانفع فـــيه تـــاديب الطيب يتعب والمراجل صعــيبه = ولايندم اللــي يفعـل الخير والطيب واللي مشى درب وهو يستعيبه = هذاك ماله عند ربــــه مطــــالـيب يدفــع حـياته والكـرامـه ضـريبه = قدّام احســاب الآخره والعــوقيب ياهل الكـرامـه والعقول الاديبـه = يااهل المعرفه والــوفا والتجــاريـب الدرس واضح والقضـــــايارهيبه = حتى الصحاري صار فيـهاشواذيب وبليس طاغي والافاعي قـريبه = والمبعد الشيطان جـاله منـــاديب والمنتبه صكوا عليه الـــــزريـبه = والملعبه كثروا عليهــا اللــواعيب وان صار ماللبيت قدر وهـــــيبـه = يصطي عليه القطو والكلب والذيب والوقت هذا مايل يندعــــي به = يرمي به السافل هل الخير ويصيب به يفرض الباطل بعنف وغصيبه = وبه تفرض القوه ببطش وتخريب به جور والفيران به مستذيبــــه = والخيرفعله صارخفيه وتهــــريب ذي حــــالنا والله عــليم بغــيبه = والوضع يبغى له مواجه وتـرتيب وكل على مسعاه والله حسيبه = لكن علينا في بلدنا مـــــواجـيب ومن جامل المحظـور والارضي به= يصبح عشا جاهز لطفل الانابيب علي زيد الفريدي |
اقول حرب مفرقين المواليف
ابغى اتكلـم والمعانـي تصاريـف=والحق حافظه الولي عن ضياعـه اما كتب به حامـل العلـم تاليـف=والاهرج به مـن يعرفـه واذاعـه والطيب لاهل الطيب ماهي سواليف=ماهو ب للي ون تعب منـه باعـه أحد مكانه فوق عالـي المشاريـف=واحـد بحرمالـه احـدود وقاعـه واحد نهر وأحدمواسـم وتخطيـف=وأحد تسـاوت قاعتـه والفراعـه وأحد مماته عن عوانيـه تخفيـف=مافيـه خيـر ولايجيـد الصناعـه والقول طاب وهيض القلب توصيف=وقاف يشجع والطـرب باستماعـه قول على معنـى ولافيـه تزييـف=من شاعر عبّر ببعـض انطباعـه قول الحقيقه ماحصل فيه تحريـف=وكل اليا سمعـه شعـر بالقناعـه اقول حـرب مفرقيـن المواليـف=خصيمهم بالحـرب مالـه شفاعـه ولياانفقوا ماحسّبـوا للمصاريـف=أهل الوفا والجود واهل الشجاعـه للاجنبـي بديارهـم كلهـم ريـف=ويرجعون الحق عقـب انقطاعـه قلته وانا منهم وهم لـي تشريـف=طاب العميل ولا تبـور البضاعـه اعرف بهم ويزيد عرفي بتعريـف=والعز رفرف فوق ربعي شراعـه منهم مدفنة الركب فعلهـم شيـف=في ماقف مافيه عطـف وضراعـه اللي طمع به من عقب فعلهم عيف=في موقف حرج تشابـك صراعـه وثواب ابن حماد وقت العواصيـف=ياما فرق شمـل يهـز اجتماعـه وايضا الفروم اللي للانفس نواتيف=ليا جاء النهار اللي تناهش سباعه ونهار ونويشي وجهجاه وخليـف=كل عـن الواجـب قـويّ دفاعـه ومنهم معقّلة الجمـل والمخاليـف=اللي ثنوا والحـرب زاد بشناعـه وذكر الذويبي عند عدوانه يخيـف=وسلطان كم جمع فتك بـه وراعـه اهل كرم وان جا الملاقا شواحيـف=من فعلهم يشيب طفـل الرضاعـه أفعالهـم بمصـقّـلات مـراهـفوريف=وعز الضعيف اللي قليل متاعـه ياما ثنوا ذربين الاريـاء مناكيـف=في مغنـم كثـرت وراه الطماعـه هم مسندي وان عاكسن المجاديف=وان طار عن وجه المقنع اقناعـه وفي حقهم لوقلت بالقول تقصيـف=افعالهم تتعـب احـروف الطباعـه والمعذره يـا متعبيـن المواجيـف=ماقلت ما يكفـي ولوهـو طواعـه وما قل دل وحكمة القول تصريـف=يثبت صحيحه والبواقـي اتباعـه وصلاة ربي عد ما ذعذع الهيـف=على النبي اللـي رضينـا اتباعـه |
هذا زمـان كـل مـا جـاب ودا
قال الذي في عالي الرجـم عـدا=وابحر مع الهاجوس والجوهادي ابحر مع ا لماضي بسرعه وهـدا=العمر يفنـى والليالـي اجـدادي هذا زمـان كـل مـا جـاب ودا=هذا انتهى وآخر مع الوقت بادي والوقت يمضي والليالـي تحـدا=وعمر الفتى مستسلـم للنفـادي اللي قدي الـراي واللـي يقـدا=كل مصيره في مكـان انفـرادي عينـت نـاس باللـوازم تـبـدا=كيف انتهى مفعول هاك الايـادي من عقب ماهي للموجـه تصـدا=استسلمت من عقب طوي القيادي واللي تعشى العود يبغـى يتغـدا=والوضع ماهـو قابـل للعنـادي والوقت عانـد والليالـي تـردا=والسيل من وادي تحّول لـوادي وابو حقب على القطامـي تعـدا=ركب الرديف وقادها اللي يقـادي |
يامدين المليون في ربع مليون
بسم الكريم المعتلي خالق الكـون=الواحد اللـي عـمّ فضلـه ومنّـه ابدى كلام لـه دلالـه ومضمـون=والمستمـع عليـه تقديـر فـنـه في منطق موزون والشعرمـوزون=خواطر فـي ضامـري مستكنـه ابا اشرح اللي داخل الفكرمكنـون=دن القلـم يابـدر والبـوك دنـه فكرت بالدنيـا وماكـان ويكـون=ومتابـع التفكيـر بالكـون سنـه وفي عالم مابين صاحي ومجنـون=وظواهـر سيرالبشـر غيـرنـه ولقيت كل انسان شاقي ومفتـون=يسعى لامـور بالخفـى يذبحنـه همه مع الدولار لوصـار قـارون=ودراهمـه يـمـوت ماريحـنـه ياعابد الدينار والقـرش بالهـون=دنيـاك مفتـاح لـنـار وجـنـه لاتجمع الدنيا على غيـر قانـون=كـم واحـد دراهـمـه يلعنـنـه ولاتفتكر عمرك من الموت مامون=لحظات عمـر الفـرد مايسعفنـه اطلب حلال من الشبهات مصيـون=تبقى سعيد وراجـح العقـل هنـه والضالين اللـي هدفهـم يضلـون=افكارهـم حتـى الذكـي يبحلنـه عبّـادة الـدولار حتـى يموتـون=اللي بلدهـم كـل مخـزي مغنـه نوب هدفهم يحرقـون ويبيـدون=ونوب هدفهـم يزرعـون الاجنـه في كل موقـع ياصلونـه يعيثـون=مراكـب حتـى القمـر ياصلنـه عاثوا فساد وشرهم هـدد الكـون=اقمارهـم تنصيرهـم ينشـرنـه عبر الفضا للكفروالشرك يدعـون=افكار من يضعـف لهـا يغيرنـه ذولا دعاة ابليس وبليس ملعـون=اوفوا بعهد ابليـس كذبـه وظنـه مار المصيبـه مسلميـن يرابـون=تعامـل فـي بيعهـم فيـه لـنـه يامدين المليون في ربـع مليـون=تذكّـر الـلـي عـالـم ماتكـنـه احسب احسابك قبل ماتموت مديون=والمال لغيرك وانت مسئول عنـه تقاسموامالك بعـد مـا يصفّـون=وجسدك ديـدان الثـرى ياكلنـه والثاني اللي يدعي الدين ويخـون=ليا لاحت الفرصه لعـب بالاعنـه في كل فرصه له تصرف وله لون=وتصرفـاتـه للـمـلا يكشفـنـه ولقيـت نـاس للمشاكـل يغنـون=واقدامهم ساس المشاكـل وطنـه وقررت اسمي عالم اليوم مجنـون=واطماعـه لكـل البـلاء وصلنـه |
يعيب الرجل ويطيب باالنطق والمنطوق =علامات عقل الرجل لفظه ومنطوقه
نويت اتكلم ضمن غيري وانا مسبوق = على كل باب وكل الابواب مطروقه فلكن كل له طريقه وله طاروق = وكل له اسلوبه ورايه وطاروقه يعيب الرجل ويطيب باالنطق والمنطوق =علامات عقل الرجل لفظه ومنطوقه فهيم الرجال ليا تكلم كلامه ذوق = يشد الرجل لمتابعه شد ويشوقه تقل يقطف المنطوق من ذروة الزملوق =كلامه مثل طيب على السامع يسوقه اذا انه تكلم روض وليا سكت صندوق = له المستمع يطرب ويرتاح لطروقه كلام طري لاهو بني ولامحروق = سحاب بلا عاصوف تلاعج بروقه ولكن بعض الناس في منطقه مطفوق = يفند حقوق الناس ويضيع حقوقه واعرف ان بعض الناس في لفظه المسروق =كثير التبجح والاساليب مسروقه لصوص الكلام وكذبة العشق والمعشوق = سخيف الكلام قليل الملح واللوقه ترى الشعر حّر ويعتبر للرجال سبوق = ليا قاله اللي جاهل به ضعف سوقه جزال المعاني نادره والثمين يروق = لراع الثمين وكلمة الحق معشوقه انا عارف اني في كلامي كسرت الطوق = فلاشك هذا واقع العلم وعموقه ولا لي دخل والخالق يدبر المخلوق = تبين الحقيقه والمعايير ملحوقه وانزه ارجال المعرف واعتبرهم فوق = بعيد عن الزلات والكذب والبوقه لهم كامل التقدير والعذر به مرفوق = مكانة ارجال العرف بالنفس مرموقه وانا اذا سمحتم لي فانا موكل مرزوق = عن اللي حضر من حرب يهدي على ذوقه مادامه كريم وتاجر من تجار السوق = يده مطلقه لكن يد الله من فوقه |
يا مسلم السامود يامدهل الجود = ترفع لك البيضا على روس الاشهاد
يا مسلم السامود يامدهل الجود = ترفع لك البيضا على روس الاشهاد اذا وصفتك بالوفا عندي شهـود = تسود في فعلك على كل من ســــــــاد لك موقفٍ ثابت ومنهجك محمود=لاجل الوفا تمشي على كل ما كاد عارفك يا مسلم على الطيب محسود=وراع المروّه له عواذل وحساد ماقول بك على جميع البشر زود = لكن حفظت الجود يا ذخـــــر الاجـــواد الطيب يالطيب بحر ماله حــــــــدود = وانته مشيت الزود من ضـــــمن من زاد لياعدوا اهل الطيب تصير معدود = سجلت نفسك يالوفي ضمن الامجاد شكرًا يابو ماجد عسى ايامك سعود =ولعلـها بيضٍ تنـادي بعـــــــــــــواد. الله يجيرك من حسد كل مقرود = يا طيب وافي على الطيب معتــــــــــــــاد |
رثاء المرحوم محمد بن عبدالله العسيلي
رثاء في المرحوم بإذن الله محمد بن عبدالله العسيلي
الله من قلب عليل ومنصاب = شي قديم وجاه علم يزيده نجم لمع في حرب عقب ارتفع غاب = غيبة مودع ّوالليالي مديده هذا المقدر والمقدر له اسباب = وانا اشهد انك يالعسيلي فقيده فقيدة على القبيله والاصحاب = وحتى الوطن يبكي لفقدك صعيده فيك الوفا والجود للعز طلاب = وسيرتك في كل المواقف حميده الله عطاك من افضل الوصف ماطاب= والعلم والحكمه مع اريا سديده لانته بفحّاش ولانته بسباب = على النقا واضح سليم العقيده بشوش متواضع كثير الترحاب = والمجتمع من فيض علمك تفيده مواقفك بالصلح واعتاق الارقاب= كل عرفها والمفاوض تجيده لكن عن المكتوب ماتفيد الاطباب = الله بحكمه فاعل ما يريده يالله ياللي من ترجّاك ماخاب = يامبدل الدنيابحال سعيده يامعطي الجنه ويا رب الارباب = ادعوك باسماك العظام العديده تكتب له الجنه بلا عقاب وحساب= وتنجيه من حر اللهيب الوقيده |
تمشيه صح
وسط البراري مشيت وجوها اعجبني = باتلى العقارب وماسومه وممطوره ولقيت طير برفع الصوت جاوبني = بنت من الوضع مبسوطه ومسروره ولقيت رجل بخفيه يهدم ويبني = ابو شنب بالصحاري عارف دوره بغيت قربه وهدم البيت تعبني = له غرفة داخل البدروم مستوره ولقيت رجل على رجليه وارعبني = ينفخ عليه قبيج اللون والصوره رفع عصاه ووقف كنّه يطالبني = بلسانه اللي يمدّه تقل باكوره ومن بعد هذالقيت اللي يناسبني = رجل يشيل التراب براسه وزوره علامته جارته واللي مكذبني = ينشد عن امثال بالمذكور مذكوره ولقيت رجل لياجيته يراقبني = يهز راسه بتعبيره عن اشعوره كنه على وقفتي عنده يحاسبني = ويدير عين تقل حبة بنادوره لاني بخافه ولا شكله مرغبني = خله يروقب بقشع البر وجحوره ولقيت رجل صلح لي لكن اتعبني = عطل علي الوسيله من كبر جوره ابغى ادّبه بالوسيله لكن ادّبني = قربه يونس ولو في قربه اخطوره ولقيت بنت بها الخيال عا قبني = تلوح لي من بعيد وتقل مغروره ولقيت رجل مخيش بايمن المبني = سموه باسم الثعل والخير في كوره وقابلت رجل يسير بعنف وانشبني = لقيت اشدوقه بما يحييه محشوره ولقيت رجل ماحب انه يقربني = وما قرّب الارض لاتامن من اشروره ولقيت لي ماكرثم فرّهايبني = عطيت له ماكتب الله ثم دفن سوره لكن خضر الروابي شوفها اطربني = والرجل في سجة للبر ماموره يالله باسمك دعيتك لاتخيبني = تغيث دار شواها الوقت وادهوره |
رثاء الفقيد الغالي سلطان بن نغيمش رحمه الله تعالى
حار القدم ياسمير مافيه مسيار = الرغبة الأولى ماهي رغبة له
من يوم غاب اللي لنا عز وإستار = والرجل عن بعض الطرق مستقله ياساكنين الدار وش غير الدار = وش علم دار العز صارت ممله خيم ظلام الدار من عقب الأنوار = وأنا عليه خيم الجو كله ياتل قلبي ياملا عقب ماصار = تل الهزيل اللي خصيمه يتله ونيت ونة من عليه الدهر جار= عقب الفرح والعز بغثر محله في ساعة حرجة صديق الرخا بار = علة زمان وداخل الجسم عله بين الضلوع أونس مثل صالي النار = وباقي إعظامي كنها وسط مله على وليف غاب عن كل الأنظار = غيبة مودع والملا مقتفي له من يوم أبو بندر على المتبع سار = سافر عزيز ولا طلب غير حله ودع أكبار وودع أطفال صغار = تسعة من الأطفال في حاجة له عليه عيني هلت الدمع مدرار = وعليه يرخص دمع عين تهله اللي رحل ماباقي غير تذكار = محفوظة بالقلب مع صورة له أخذ من الدنيا فقط تسعة أشبار = من الخام الأبيض ذرع مافصلن له أدين بالاسلام وأومن بالأقدار = وهذا قضاء ربي وأنا صابر له مرحوم ياللي ماسلك مسلك العار = ولو زل غيره مايجازي بزله ولا عمرهم قالوا تطاول على الجار= ولا عمر مخطية السوالف مضن له يصبر على غلطة زميله ولو ثار = يغضي تقل في ثورته مافطن له يمشي على درب الشرف سر وجهار = به خف نفس وفيه زين الجبله ماغيروا فكره غريبين الأطوار = حصن حصين ومجلسه ماتمله في مجلسه تلقا أهل الكيف والكار = أهل الوجيه اللي قبل مسفهله صريح في ممشاه مالف مادار = ودع أهل الدنيا نظيف سجله اختاره الرحمن من ضمن مااختار = يالله عسى الجنة بعطفك جزا له عسى مقره يوم زوغات الأبصار= في جنة الرحمن ينعم بظله عساه يوم البعث من ضمن الأبرار = يالله عسى حسناته يضاعفن له ياناقل الأخبار ياشين الأخبار = علم نقلته حط بالقلب خله عقب الخبر هلت عيوني بالأعبار = وزهدت حتى في وجود الأخله عفت الجميع وعودت عشري اصفار = مافهم من الواعظ وأنا مصغي له ليت الليالي ياملا تعطي إنذار = وتعلم المخلوق وشمقبل له وقبل الحدث ليت الزمن يعطي إشعار = يدري به اللي خالقه ممهل له مار الزمان الله يجازيه غدار = اللي غفل في غفلته يستزله قلته وأنا عندي إيمان بالاقدار = ماقدر الله للفتى صاير له وأدر إن عند الله تحديد الأعمار = يسعى الضعيف وخالقه كاتب له وأدر إن غيب الوقت من ضمن الأسرار = مما مضى عندي دليل وأدله لكن حزين القلب يسلى بالأشعار = يشرح بها الملهود عن ماحصل له ويندم على الغفلات ويورد أعذار = ويعتب على سود الليالي المضله ليا شاف من الأيام ميلات وإدبار = قال السنين أيامها مانصفن له ولوقت به ميلات ويساعف مرار= وكم من عزيز ذاق طعم المذله قدامنا قد قالوا الوقت دوار = واللي يقدم من عمل باقي له أقولها من عقب فكرت بابصار = وفكرت بادقاق المسايل وجله لكن مع المكتوب ماتفيد الأفكار = الرجل يخطي في طريق يدله والله بعون العبد مادام صبار = والرجل يذنب ويحدث منه زله ياللي تجي بندر ليا رحت زوار = من الكلام اللي على البال قل له أنته ولد سلطان من ناس أخيار = ساسك عزيز وغيرنا شاهد له ان شفت من مس الدهر ضيم واعسار = عليك ياللي كل عقد يحله صحيح لك ربع ومحبين وانصار = لاشك اذا حملك بنفسك توله وتجنب أهل الحقد والناس الأشرار = خلك عزيز وصاحب السؤ خله ترى بعض الناس خادع ومكار = مصادقك في حاجته يستغله وبالناس نمام وبالناس مهذار = وفيهم خبيث بلا سبب فيه عله وبالناس راعي شر للشر سمسار = حب الأذيه والأذى يستحله وبيت الردى لابد يضعف وينهار = يفداك من بيت الردى منزل له بيت الردى لو كان من عشرة أدوار = عن الرجال اللي تعرفه مزله وبالناس أهل وقفه حصينين الأسوار = مثل الغصون المثمرات المظله وبالناس أهل وقفه حصينين الأسوار = مثل الغصون المثمرات المظله ولا حد بمقياس الرياجيل يحتار = الطيب واضح والردى معاكس له هذا كلامي والمعاني لها أدوار = ومافات مات وكل شي بحله رثا/ سلطان بن نغيمش الفريدي رحمه الله |
نصائــــــــح ذهـــــــــبية
بسم الكريم اللي علينا معتلي = ابدا واقيس الكيل بالمكيال كلام لعيالي ويهدى لغيرهم = بمناسباته يسمع وينقال كلام من عاصر وخاض التجربه =جرّب وشاف من الحياه اشكال ابا اشرحه تذكير للي يفتهم = عسى الجمال تباري الجمّال نصايح نرسم بها الحط الخضر = لعل مافيها يفيد اجيال اقول ياللي تستمع ماقوله = من التجربه خوذوا حكم وامثال بيت الشرف والطيب يوصف يالشرف = وبيت الردى هو ماكر الانذال والحر تعرف همته من هومته = ولكل موقف وقفة ورجال والعقل من رب البرايا نعمه = والعاقل اللي رافق العقال اختر صديق صادق في كلمته = واحذر من اللي يكذب ليا قال واحذر من النمّات والكذب والحسد = ترى نتايجهن بلا واذلال الكذب والنمه صفات الخايب = والحسد للنعمه يصير زوال وترى جليس السوء للشر يدفعك= حيثه يزين لك خبيث افعال اختر مجالس طيبين المذهب = حتى تطيب بطيبين الفال وليا تكلّم عاقل لاتقاطعه = انصت لهرجه واسمعه لوطال ولاتجادل برايك تحاول تفرضه = ومن جادلك خلك وسيع البال وحذرك لاتدخل حرام بمالك = اكل الحرام من اقبح الافعال احفظ حدود الله يرتاح بالك = واحرص على كسب نظيف حلال ولاتغش في بيعك ولاتقرب الربا = ترى الربا ذنب وبلا ووبال ومن اطيب الاعمال تقدير جارك = واكرام ضيفك ياعريب الخال الجار حق تحفظه في غيبته = وتسانده وتساعده بالمال تعطف على صغاره وتحفظ كرامته = وتشاركه بالهم والغربال ومن الواجبات اللازمه ستر عورته = وللزله اللي تنحمل حمّال اياك لاتنظر بعورة جارك = هذي صفه ماهي صفة رجال ون جاك في بيتك من الناس عاني =قدم لجزلين الرجال اجزال ترى مقامات الاوادم تختلف =والارض فيها مطمن واجبال وليا مشيت الدرب خلك متزن = وببلا عمل لاتكثر التجوال واحفظ حدودك لاتجاوز غيرك = ولاتقبل العيله من العيّال وليا بليت بعيلة من معرفه = حاول تجاوزها بحل اشكال واوصيك واحذرك عن بوقة العهد = اوف العهد مهما تكون الحال ولاتسمع النمه ولاتخلف الوعد = ولاتجامل الكاذب ولاالمحتال ولاترافق المسرف ولامن يبخل = الزوديذهب والهزال اهزال وحاول تزود بالادب والمعرفه = في كل وقت ليا حصل مجال واحذر من الايام واحسب لغدرها = الوقت ليا منه تعدل مال حلو الليالي قافي له مرّها = وجميع شي مقتفيه زوال ون مسك من الوقت شي تكرهه= اصبرعساه يحلها الحلاّل لاتشكي الا للكريم المنصف = حيثه هو اللي يعلم الاحوال وتجنب اهل الكبرياء والغطرسه = ولاتعامل الطامع ولا المحتال وتعامل بذمّه وعليك بالوفا= اوف التزامك لو ربع مثقال ترى الرجل في حق غيره وواجبه = لو كان حر مكبل باغلال ولااحد من النسيان والضعف والخطا = معصوم ولابالبينات جدال ومهما تكون الحال للرجل غفله = والحر ياقع في يد الحبّال واحيان يوجد بالمكاره منفعه = واحيان يلقا بالخبال امثال والناس مختلفه بجوهر ومظهر = وبالمعرفه والفهم والافعال والضعف لايمكن يقاس بقوه = ولايشره الرجلي على الخيال ولايجتمع بالكاس مالح وحالي = ولايستوي عاقل مع الجهّال ومن لايودك لاتوده وفارقه = تراه لو جامل مرض سلال كرامة الانسان هي راس ماله = ماهو هوى يتبع ولعب اعيال ولاتتبع المقفي ولو كنت عاشقه = خلك لحملك يافتى شيّال امطارد المقفين نقص ومذله = طرد ورا المقفي عنا واهبال وليا جفتك الدار بدل بغيرها = ليا استخبثت مالك بها منزال والعلم حاول دايم انك تكسبه =ترى المسالك واضحه واطوال من المهد حتى اللحد خلّه هبابك = والوقت تضييعه يسمى اهمال ياطالب العليا ترى العلم ساسها = مطلبك غالي والحمول اثقال والدين هو لب الحياه ونورها = مطاعة الله صفوة الاعمال وختام ماقلته صلاة على النبي = ماهل وبل من مزون اخيال |
القصيدة اللامية
قال الذي وان قال فكّر بماقال = معاني صورتها بالمثايل صورت فيها الحال من واقع الحال = وعندي على ماقلت بعض الدلايل صورت با لامثال عذبات الامثال = والقول ما اخذته من اقوال قايل فكرت باستدلال في خلق اهوال = ومن دقق التفكير يلقى الهوايل اللي مضى من افعال لالآف الاجيال= من كل جنس ومن جميع الفصايل كانوا بعزة حال واللي بقى اطلال = آثار بقيت مع بقايا السمايل شفت السنين اطوال والعمر لوطال= يفنى ويفنى ماتلى من سلايل العمر مهما طال لابد رحال = ويبقى محل العمرفعل الجمايل حياتنا ترحال والعمر ينزال = والناس كل فيه عدل ومايل ومهما سعى الرجال في جمع الاموال = يمشي ويتركها بليا زمايل اما عنه ينقال مرحوم رجال = يذكر بفعل الخير راع النفايل بالقلب له تمثال لو مات لازال = تبقى له الذكرى بسمح الشمايل وبعض الرجال ان زال ماهو على البال= رحل من الدنيا ماخلف صمايل يامشتكين الحال من بعض الاحوال = مهما تكون الحال من عاش زايل الحبل له فتّال وللعقد حلاّل = ذي الحقيقه من عصور الاوايل دنيا تقيم اشكال وتفرق اشكال =فيها النوقص واضحه للاصايل احذر من الجهال ياطيب الفال = الجاهلين يوردون الغوايل ومجالس الانذال مارد للاذلال = اختر جليسك من عيال الحمايل ولاتقيم الرجال بالشكل والمال = ولابانتسابه والفخر بالقبايل ياما اكثر الازوال واهل الوفا اقلال= واللي يحفظون الموده قلايل مرزوق فيهم قال وديان وجبال = وهضاب والتمثيل ماهو بعايل لكن على اية حال يبقن الاعمال = وكل يواجه ماعمل من عمايل هذاك باحسن حال وآخر با لاغلال= والحق يحصي دقها والجلايل في موقف لامال ينفع ولاخال = كل لحمله ساعة الحشر شايل حمل من الاقوال من غير الافعال = الله يوفقنا لحسن الفعايل يامنزل الانفال يامحي الاطلال = يامن يجيب بساعة العسر سايل يارب عبد شال من صعب الاحمال = حمل عسى الله يغفر الذنب هايل تغفر ذنوب اثقال ياعالم الحال = ياخير من يسأل ويارب سايل يامفني اجيال وياخالق اجيال = ادعيك يا منشي صدوق المخايل انت الامل والفال عليك الآمال = رحمتك يامعطي العطايا الجزايل |
مساجلة مع الشاعر / نائف الجربوع
هذي القصيدة مسندة للشاعر نائف بن جربوع الطريسي
يا إله الكون يامنجي دخيله=ابتدي بإسمك على كل المعاني وهذا رد الشاعر نائف الجربوعياكريم رابح من يلتجي له=يامجازي اهل الحساني بالحساني وعقب ذكر الله تعليت الاصيلة=وابتديت اشرح كلامي في بياني مسندٍ قولي على صاحب نفيله=فاهم يعرف مداخيل المباني مايتعامل مع رفيقة بالهزيله=مايجيب الا الجزيلات السماني نائف الجربوع وافي مع عميله=لإجل هذا جيت له بالعلم عاني يالطريسي بالاساليب الجميله=حرك المكنون ياسهيل اليماني العمار تزول والدنيا طويله=العمار الى انتهت مثل الثواني والليالي كل ماتجيبة تزيله=والموارد تنتهي والعمر فاني والحمل ماكل واحد يرتكي له=والسواعد بينهن هادم وباني والرجال اشكال كل له وسيله=طيبهم وافعولهم مثل المباني فيه رجال على قده حصيله=لايزيد ولايعين ولايعاني واحد مايزيد خيره عن خليله=مايجود ولايدين ولايداني واحد وافي ووقفاته جزيله=لايضيم ولايضام ولايهاني يارفيقي مالنا بالوقت حيله=الحمول اثقال والوقت ايحداني والامور اللي بنفسي مستحيله=والضروف اتحد ذربين اليماني والرجال اللي على مبدأ قليله=والبواخر ماتحملها المواني امس جالي واحد يومي شليله=قالو انه عيد لكن صار هاني يوم شفته قلت مايوجد مثيله=لابس بشته وشكله مودماني ما اعرف طبعه ولا اعرف له قبيله=لكن انه فيه لطف وبه لياني قو نطقه قو باسه قو حيله=اعجبنّي واحترمته واحتواني فارض قدره وتقديره زميله=له كفيل لاضعيف ولاهو اناني لكن المكفول ماجمل كفيله=واختلاف الوقت من بادي الزماني يوم مسينا الحبال وشال شيله=عود وضيحان يرثع بالاواني وفي نهار اليوم نبحث عن بديله=عند امبدلة التهامي بالعماني صار درس وكل دم له فصيله=يالمعيدي كيف اراك ولاتراني من حلب عنزه حليبه في صميله=باقي عنده وانا ربي كفاني ادري ان السيل جنب عن مسيله=والكديش مسرح مع الحصاني والضواري والفرايس بالخميله=والرسن مطلق ومفلوت العناني والرجل ياصاحبي قلبه دليله=وانت تفهم ماقصدته من معاني جاك علمي واعتذر عن كل ميله=لاتواخذني على زلة لساني
مرحبا واهلا عدد وبل المخيله=بالمراسل يوم مرسوله لفاني مرحبا بك ياعلي في كل ليله=وكل يوم وبالدقائق والثواني يوم حركت القطار ودار ويله=وشال ميزان المعاني مرجحاني ثم قررت الخبر يمي تحيله=والقلم فسر هدف نطق اللساني وانتصاني بالعبارات الثقيله=ماقدرت اخالفه ساعة نصاني انجبرت اوقفه واعرف مديله=واتحقق بالمكان وبالزماني واعرف حمله وزنه اتحليله=ثم اسجل له بعد علمي بياني إن نوينا نازنه والا نكيله=نضبط المقياس في فن وضماني ياعميل ما اعجبه عملة عميله=شاري بعشرة وبائع في ثماني يوم ماحصلت واحد تشتكيله=بعد ربي غير انا والعلم جاني لازم ابحث فوق الارض المستطيله=عن عميلك صاحب الاسم الفلاني العميل اللي ذكرته كيف اجيله=وانت ماحددت عنوان ومكاني هو جدي والا نحو مطلع سهيله=غرب شرق بعالية والا بطماني وين ربعه من شهوده من كفيله=وعسى ما يكون من ............ ولو لقيته كان شبينا الفتيله=واحترق راس العميل المغلطاني وصار باق الجسم في وسط المليله=لين يابس ماتحصل به لياني مير سلم لي على حضرت وكيله=وبلغه مني تحياتي علاني وقل لابوزيد الهلالي عزتيله=من سلاح لافتيل ولاسناني ولايعد من القواطيع الصقيله=كيف شافه في عيونه هندواني وانصحه قل له سلاحه لايشيله=وشر عليه ايبدله بسلاح ثاني انتهى علم مشابه له مثيله=لعبة الشطرنج والا الصولجاني وبارق مااسقى الضوامي لاتخيله=والوفاء معناه تحقيق الاماني وان بغيت الظل شف شجرة ظليلة=غصنها بيمناك ماهو خيزراني والزمان اليوم راسه عند ذيله=واهله من دون راسه بالمثاني لاتعاتب بالدهر نمره وفيله=يمكن المجني عليه ايصير جاني واترك البستان شوكة في اكليله=راعي البستان يشري له سواني ولاتعزل سكره عن حنظليله=كل صنف له زبون وله عواني اطلب اللي مدته مده فضيله=واحدٍ ماشاركه بالملك ثاني سعد من في جنة الماوى نزيله=شاري عمر بدأ من عمر فاني والقطوف الدانيه حوله ذليله=تجري الانهار من تحته باماني عنده الكوثر وعنده سلسبيله=وزوجته عنده من الحور الحساني تم مضمون الكلام ونظم قيله=رد مني مثل ما المرسل عطاني |
مساجلة مع / الشاعر هديان الحنيني
الشاعر هديان مناحي الحنيني الحربي يسند علىالشاعر / علي بن زيد
البارحة ماطرق الجفن سهران=قمت اتقلب لين ملت جنوبي اجاهد الشذان كني بالاحزان =تاخذني الافكار كل صوبي كني مع الحولات مذهب وحيران=راعي مغاتير غدله اذهوبي تقل اتجرع سم ساعة الاحفان=ما غير طول الليل العيي واهوبي هاج وتفجر داخل الجوف بركان=جسمي مضايقني على لمس ثوبي بسباب ماينقص من العرف ميزان=لوكان ما ينقص هزيل السلوبي بعض الكلام يكون للمجد عنوان=بلسم اشفاه علاج مرضى القلوبي وبعض الكلام يفرق لجمع الاخوان=في ساعة الفكر السليم محجوبي وبعض الكلام يغطي الجو دخان=لولاه يذهب به نسيم الهبوبي الكلمة العوجا ثقيلة بميزان=اقو من صم الحجر ماتذوبي تايه متاهه يوم زلة من لسان=ياطيب الرفقة سليم العيوبي عرفك عن النقصان محشوم ياحصان=ياراع النخوه بيوم عصوبي حيثك بعيد الشوف ياطير حوران=رفيع قدرك منت ذيل لسوبي حكيم يامخلص مدين وديان=تازن بلد من الرجال امحسوبي يابن الرجال اللي على الخيل شجعان =لاحل بطراف الجهامه نشوبي يردون حوض الموت ميراد عطشان=في ساعة فيها اشهب الملح شوبي يردون لحياض المنايا بالاكوان=ليا زغردن منقشات الجيوبي ستر العذارى يوم زوغات الاذعان=بياعة الاعمار صمع القلوبي فريس من فريس وراث فرسان=ليا مات هذا له خليفة ينوبي مكانهم يشبع به الذئب سرحان=يوم القبائل غالب ومغلوبي ريف الغريب اللي من الضد دركان=ضاقت عليه وساع كل الدروبي هذا وانا وانته قبيله وجيران=ساس البناية ما اختلف فيه طوبي مبنى قبيلة حرب رفيعة الشان=حرب الحرابة معربين النسوبي عدوهم يشرب مرارة الى كان=من ضدهم بالحرب عنهم يتوبي من قال انا الكامل يقولون غلطان= الكامل اللي مطلع بالغيوبي من راجع التاريخ ينبيه بإتقان=ماهي علوم المسنحان الهذوبي جنك مزاهيف المثايل بالارسان=سواقها منصاه صدر رحوبي مرصعات بالجواهر ومرجان=ليا شح بالهين كبير القطوبي ينصن ابوخالد نكد طيش عدوان=ان شان نطق مفتلين الشنوبي يسقيه من سم الصقطري ليابان=مطعومه السم الذحاحي حلوبي يصافح العوجا ونكدها بالاحسان=الله يغفر له جميع الذنوبي له التحية مزج عنبر وريحان=حراير الديباج لها ركوبي وهذا الرد من الشاعر الكبير / علي بن زيد
وصل الكلام اللي مرتب ومليان=وافي وخال من جميع العيوبي من شاعر جزل على الجزل شفقان=يبيع ويشري في خيار الجلوبي سبح بجزلات المعاني هديان=واحسن واجاد ووجه العلم صوبي يامرحبابه عدّ ودّان الامزان=واعداد ماتمطر شمال وجنوبي ترحيبة معها من اللفظ مازان=من مخلص ماهوب فيها كذوبي يابو منير اعرفك مافيك نقصان=ممشاك صح وبالنوائب تنوبي مع المروة والوفا قوّة ايمان=من لابة تخشى بوقت الحروبي ربع لهم في قمة المجد مسكان=في سلمهم فعل المروّة وجوبي محشوم عن درب الغلط منت غلطان=ولانته من اللي يجهلون الدروبي ياطيب خلف لك الطيب شيبان=موقعك عندي فوق عال السحوبي لايضيق صدرك وانت في بر الامان=وانا على كور الاصيلة ركوبي لايستفزك كلمة فلان وافلان=من راقب العيلات ليله صلوبي ان كان بعض الناس عنده عمى الوان=وان زلة اقدامه لجا للهروبي الهرج له مدخل وللبيت بيبان=وما خف تذهب به رياح الهبوبي البيت له ساس وقواعد وعمدان=ولاغير الاسلام تجريح لوبي بالناس متهور وبالناس وجعان=في غفلة المعرض قضوع شذوبي بعض الملأ على الاذى مدمن ادمان=يفوق شره مدمنين الحبوبي وترى اللسان احيان مفسد وشيطان=احيان هو ساس البلأ والكروبي واللي تعرضنا بلا حق ينهان=ندوس فوقه لين عنا يتوبي ما اقول قصدي تعالي وحقران=ولا اقول للمعرض تراك مهزوبي انا ادري ان الناس غابة وضلعان=وابحور فيها عاطب وامعطوبي وبعض الرجال اتجود واتصون واتصان=ماهم ما قيل دوبي لدوبي لاشك ماابيع الكرامة بالاثمان=والرزق عند المطّلع بالغيوبي هذا كلامي وانت مدرك وفهمان=ماهر وفي سوق المعرفة تجوبي وصلاة ربي عد ماكائن كان=على حبيب الله خير امحبوبي |
تهيض المكنون وافصح بمنطوق = مما لجا بالقلب وازريت اطيقــه قبل سنوات موجهة للمرحوم /سلطان نغيمشحاولت كتمانه وانامنه محــروق = وعجزت اقاوم قام يكبر حريقه هموم(ن) تجي مع كل مدخل وطاروق =لياغاب عني هم داوم رفيــقه من الشرق ومن الغرب من تحت من فوق =منها اهموم اجداد واخرى عتيقه عالجتها في منتهى اللطف والذوق = وقامت تزايد مع مرور الدقيــقه وكني بغبات البحر فوق دانوق = متعطل وسط البحور العميـقه بملاطم الامواج كنه بصنــدوق =موج يشيله فوق واخر يعيــــــقه ورغم الهموم اللي عليه تقل طوق =متمسك بعرى الاله الوثيقــــه وأرجي رجا المظلوم ويهزني شوق =عندي أمل بالله المــح بــريقه وانا على مسات الايام مسبوق= لاشك مايمكن تضيع الحقيقه ياللي تجي سلطان لامسه العوق=قل مرسل المرسول يشرق بريقه قلبه يابو بندر من الهم مطروق = هم وقف قدمه وسكر طريقه مقيد الرجلين لـــوقلبه يتـــوق = وانته حبيبه والده يا صــديقــه وعليه لك واجب وماجوب وحقوق=متأصلات بالاصول العريقــــــــــه حقوق كتبها الله على كل مخلوق=على الولد بين الشقيق وشقيقه ولاهي جديده علمها علم ماثوق=ماروثة عبرالقــرون السحيــقــه واعلم ترى نومي عدوله الموق=وافكار قلبي في همومه غريقه |
]محمد عبدالله العسيلي المرواني رحمه الله رحمة واسعه
كان يحب المداعبات وهوخلوق صافي النيه ارسلت له الابيات التاليه:.
سر ياقلم واكتب من الفكر منظوم = ابيات في مضمونها مستقيمه
قول نظيف من اطيب القول محكوم = مثل النسيم اللي عليل نسيمه لاهوعتاب ولامعاتب ولالوم = ولارد فعل من خصيم لخصيمه بعد التحيه نبتدي قول مفهوم = يحمل معان اجداد ماهي قديمه لعلها تاصل عزيز من القوم = وقلبي يحب اهل النفوس الكريمه قل يالعسيلي مرسل الخط ملزوم = يبلغك حيثك بك سياسه حيكمه عن الوكيل اللي يبي يبعد الحوم = وابعد ومعه محاولاتي عقيمه من ضلع دخنه راح بي يم بلعوم =متجاوز وادي القصيم وقصيمه والهرج فيه بكل الاحوال مسموم = ادخل على الله من كلام النميمه ولوجيت بالفرس مع عسكر الروم = صيطر عليهم وانكفوا بالهزيمه ومع قو باسه به حيالات وعزوم = ما قدر عليه ولونهضت بعزيمه فيما ذكرته فيه ماهو بمظوم = وتراه مثلي مايحب الظليمه ابلغني انك جيت للخرج معزوم = مار العزيمه كد سبقها عزيمه لاشك انا ابافصل وكيلك من اليوم = وعسى العوقب يا العسيلي سليمه وكان المسايل جابها لمسة اخشوم = قلت الكفيله في ضروف حشيمه حيثه برغم اللي ذكرته من علوم = عندي حشيم وله معزه وقيمه انا هدفي شوفك عسى عزك يدوم = وشوف الرجال هل المعرفه غنيمه وحنا يد وحده بعادات وسلوم = والرجل له عند المحبين قيمه والرجل ماله غير ماكان مقسوم = والعلم يعرف صايبه من صميمه وعن الخطا مايوجد انسان معصوم = الا لنبي موهوب سيره عظيمه وعلى النبي صليت وانهيت منظوم = عداد ماحطت على الارض ديمه الابيات تهدى للاخ علي زيد الحربي ارج ان تنال اعجابه:.
ارسالة جتني بها انذار وهجوم = وسميتها من باب فخري يتيمه تمت في 3/10/1408 هـ مع تحيات /محمد العبد الله العسيليحي الجواب الل على الخير مرسوم= تحية عن الخطا مستقيمه من خاطر عن منطق الشين مفطوم = ويشفق على الطيب ونفسه رحيمه خص ليا من الخبر صار معلوم = ومتجنب درب الخطا والشتيمه خط وصلني به عبارات ورقوم = من غالي يشكي علينا نديمه مناوره لكن تقل مابها اسهوم = تمشي على اصحاب العقول السقيمه ياعلي لوان السما دونه غيوم = افهمك ياكيد النفوس المزيمه عوق الخصيم اللي ملا نفسه الزوم = تحطم عناده وتمهن رسيمه ليا مايبيع بضاعته بارخص السوم = ويبني على راسه من الذل خيمه لعل من خلفك ياعلي مرحوم = ياقايد المركب رفيقك زعيمه اما الوكيل اللي وصل راسه الشوم = ماني مسئول ليا عطيته قسيمه جعل عدوه يابيض الوجه مايقوم = طبعه عنيد ولايوفق غريمه يبي يوهقني وانا ماقدر اعوم = في عاصي يركب عميمه طميمه في حندس كن القمر فيه ملقوم = لاتشاف به نجمه ولاتشاف غيمه ونته تقل تضفي على المجرم هدوم = تمشي على الجره وتخفى الجريمه ابراي لله من مسلم وسلوم = كفيت حبلي لو ورودي محيمه ماني مباريكم تقل مشي منجوم = ونتم علي تغيرون الوسيمه ليا صار سلاحي بس خنجر وقدوم = اخشى من اللي دمرت هيروشيمه ياعيال يوم انتم مناعير وقروم = ومن لابة لها مواقف عديمه قبيلة ماتقبل الحيف والظوم = وبين القبايل منزلتها كريمه لها بنجد اوطان وتراب وارسوم = ولها وفا كلمه وقوة شكيمه لاتواخذون اللي قطع وقته الصوم = يطلب من المولى رضاه ونعيمه بشهر مبارك فيه معطى ومحروم = الله لايكتب علينا الجريمه لنا بها الدنيا مطاليب وهموم = والعمر راحل والليالي مقيمه لابد من يوم على النفس محتوم = والخطب فادح والمصيبه جسيمه ياعلي ماعنكم من السر مكتوم = كان الله احيانا قطعنا الخريمه يمك مسايير عسى عمرك يدوم = شوفك شرف ماهو طمع بالوليمه وتم الكلام وكل موجود معدوم = الا الوجود اللي وجوده يديمه الله تعالى جل شانه عن النوم = واجاب في صعب المواقف كليمه |
الاخ الفاضل/ عبدالله الفريدي
بيض الله وجهك وسلمت يمينك الوفا يجي من اهل الوفا ياوفي الله لايخلينا منك |
انا ابا استعين الله واخوض بالميدان = واشارك برايي والمعايير موجوده بامور لها في كل مجلس كلام وشان = عن الشعر واهل الشعر بابيات معدوده بعد ما لقيت الشعر ينقل وهو مرضان = نحيل هزيل ينخر البين في عوده سألته عن الاسباب وعرض وهو غضبان = لكن الاجابه جاتني شبه محدوده عرفت الاجابه والحقيقه من العنوان = وابا اقولها والهرج نقصه مثل زوده يقول السبب شعر الحداثه ويالادان = هزيل الكلام وناقص الوزن والجوده يقول الملالا عند بعض البشر ميزان = خلي من المعنى برده ومردوده يقوله قليل العرف ويغني الفنان = يجيبه قليل العرف عميان ويقوده يقول الصحافه في كثير من الاحيان = تورد كلام يجعل النفس مسدوده سبب نشرها للهزل حيثه كلام فلان = ومادامه كلام فلان ماهي بمنشوده فلا فلان متريح ولا اللي قرا فهمان = ولا الصفحة اللي تنشر فلان منشوده تفشى العبث بالشعروللعب بالاوزان = بعد جدده من خالف اباه وجدوده وله مصيبة معروفة عند كل انسان = كلام النفاق وكلمة الصدق مفقوده شعار تقول الشعر لكنهم كذبان = اهل موهبه لكنها ناس مقروده يحسبه بقول الكذب رابح وهو خسران = بعد ذمته ضاعت وعزه ومجهوده وانا ياهل المعروف والمعرفه حيران = وادافع عن الشعار والشعر ووروده وبعد ماكسرت الباب واجهت لي بيبان = ولقيت الرجال اللي على حق محسوده وابا انخى هل الغيره وابا احدد النيشان = وابي من معه بارود يرمي بباروده نبي وقفة وحده نواجه بها الغلطان = عسى بعض خلق الله ياقف على حدوده ابي وقفة بالحق في موقف الشجعان = سيوف على من جانب الحق مجروده |
غزلية
نهار الخميس اشرفت في عالي المرقــاب = اعالج لواهيب على الكبد محترّه افكر بعالي مرقبي ماحسبت احســـــــاب = لامور تحد القلب ساعات وتجره انا ماحسبت لشي ولكل شي اســــــــباب = وامور الهوى والعشق جربتها مره لكني عقب جربت حطيت دونه بـــــــاب = عقب ماتعبت اعذرت من خيره وشره طلعت الطـويل وعدت من طلعته منصاب = ولون قبلي من تعلاّه ماضـــره الاوعذابي يوم عيني شـــقت باغــــراب= عقب شوفهم صارت حياة العنا مره تجدد علي الجرح والجرح ماكد طــــــاب= ابانسى الجواهر وعرضت قدمي الدره وانا صرت مثل الل رمى له هدف ماصاب= تركت النظر بالعين وابحث عن الجره رماني مليح الوصف بالعين والاهداب = مع الاشقر المجدول والصدر والغره لمحت الجمال ومنظر الحسن لي جذاب = وبلحظه حواسيسي مع الحسن منجره بعد ما لحظته صرت متوتر الاعصاب = وجميع الجوارح من هوى الزين منضره وانا ليا ذكرته زاد قلبي ولع واعجاب = وافكر مثل ماقيل بمعاود الكـــره لكني فقدته تقل ملح بماْ ذاب = فقدت الامل في داعج العين بالمره جريح الهوى مملوك لوتنصحه ماتاب = يصارع بحر من حب ويعيش في بره |
الاوضاع الفلسطينية
جار الزمان وقام يكسف وميضه =والظلم حلّ وغيّب العدل حاميه والحل بيدين القلوب المريضه = والشر زاد وصاحب الدين يخفيه كل يشوف الكارثه والغميضه = والكفر يعلن به مع الناس راعيه الظلم ينشر في البلاد العريضه = وبن البلاد اللي له الراي راضيه واللي يحب الخير يمشي بغيضه = وان كان صاحب حق كل يعاديه والمعتدي طالت عصاه الغليضه = ماجا على دربه برايه يمشيه وفعل الجريمه والمجامل فريضه = على الزعيم اللي عدوه يبديه الضعف واضح والمواقف بغيضه= أخس جندالله يعلن تحديه والوضع مابه لاهل الصبرعيضه = مادامت المامون مالله بهاديه ليا بان في وجه المبلّم جضيضه = كل العيوب اللي بغيره بدت فيه ليا سعى في عدل حمّل نقيضه = راع النفاق بكلمة الزوريرميه من عالي المبنى يحط بحضيضه = تلفق له التهمه وكل يعاديه واللي فقد من حق مايستعيضه = الحق يلعب به بلا حق حاميه ظلم وجرايم فايضه مستفيضه = والسيل جنب وانتحى عن مجاريه واهل المجاهر بالرذايل حظيظه = والحق كل في مزاجه يسميه وقت كما مزن تقطع نفيضه = زل محسوبه والهبايب تلاحيه |
الساعة الآن 01:38 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir