|
ديوان الشاعر صالح البشري
السلام عليكم ورحمة الله وبركاته عزيزي القارىء الكريم اضع بين يديك هذه الأبيات بعدما تطاول أحفاد القردة والخنازير عليهم من الله تعالى ما يستحقون على سيد المرسلين وخاتم النبيين نبينا وسيدنا وحبيبنا:
صلى الله تعالى عليه وسلم تسليما ً كثيرا ً 0 أقــــــول :
إليا متى ياأمة محمـد يطولـك ذليـل=إليا متـى والعلـوج تحـد شفراتهـا وســــــلامتــــــــــكم 0فيك النصارى تقول: اللي تريد وتميل=هيبتـك عنـد الأذلاء طـوّل سباتهـا تخاطفوك العجم والمنتصف لك قليـل=وين الـذي ياخـذ حقوقـك بحزاتهـا مليار بإسمك تسمّى بس مامن حصيل=لأنهـم كغثـاء الســّـيـل بسكاتـهـا إليا متى الصبر ياأهل العقد بإسم الدليل=طال الأمد والنفـوس بحكـم نياتهـا إليا متى ياإمة محمد وخصمـك يكيـل=وأعداك متحالفة والحقـد فـي ذاتهـا العام دستورك المحفوظ بإسـم الجليـل=قدسيته تنتهـك ونعيـش حسراتهـا بأسبابنا كل مايجري وعنـدي دليـل=بعد عـن الدّيـن والدّنيـا وغفلاتهـا الدّين يبغى رجال تحقـق المستحيـل=بالنفـس والمـال مبداهـا ووقفاتهـا كيف إستباحوا ووصلوا للرسول الخليل؟=إلا بعـد شافـوا الأمـه وهقواتـهـا متشتت الرأي والأمه جسدهـا قتيـل=الواقعـه قرّبـت كبـرى علاماتـهـا نشجب ! نندد ! نقوم نحط وإلا نشيـل=السالفـه حولنـا تبـرم مقاساتـهـا إما حصل وقفة ٍ منها يطيـب العليـل=لاخيـر فـي باقـي الدنيـا ولذاتهـا |
السلام عليكم ورحمة الله وبركاته عزيزي المتصفح الكريم : يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول والإستحسان وأن ترقى إلى مستوى ذوقك الرفيع .. أقــــــــــــــــــــــول :
ياللي بدافع غيض نفسك توسمـت=هيد وتريح وأبهم اللـي رسمتـه وسلامتكمترى الكلام أبلغ مزاياه بالصمـت=لوكان من خاطبك ما شفت صمتـه يصبح كلامك هذر مردوده الشمت=ما أظن خصمك بالمكابر خصمتـه مهما يكون بكل الأوضاع لاشمـت=تلقى نتيجة من بصمتـك حشمتـه الفرض ماتقضيه سنه ولو قمـت=فرضك وواجبك المسمـى قسمتـه مهما يكون بمنطقك لـو تحكمـت=النقص مثل الزود مدحه وشمتـه مدح ٍ بلا موجب مـردّه توهّمـت=يحسب خطأ وأكبر دليـل إتهمتـه انشهد إنك فـي كلامـك توثّمـت=وحظك بما عدّيت يمكـن هدمتـه مهما يكون الحاصل إنـك تندّمـت=شي ٍ جديد وشي ماضي جشمتـه وليا ومرك الله وقمـت وتكلّمـت=حكم ظميرك وأدرك اللـي فهمتـه بالمنطقي والواقعـي لاتحيزمـت=كل ٍ فهم قصدك ودربـك رسمتـه وإن كان جانبت الحقايق تحلّمـت=ولا أحد ٍ مؤيد حلمك اللي حلمتـه مهما تقول : إنك قريـت وتعلّمـت=جايز بناك إليـا تواسـا دهمتـه هذا هو الواقع وأنا اشوف واقسمت=لو لك ظمير ٍ حي كـان إحترمتـه وإن كان من مبداك بالله تحطّمـت=إرتاح مكفـي والوتـد مادحمتـه القيض له كنه ويلحقك به حمـت=وإلا الشتاء متخفي(ن) ما جهمتـه ناظر بعينـك وانتبـه لا تقدّمـت=ماكـل دو ٍ لـو تهقويـت همتـه الظاهر إنك في عمى الراي يمّمت=وأخذت من شور العور ما غنمتـه خل اللجوف بواسع اليـم لاعمـت=قدام ألولس فوق غاربـك عمتـه كان أنت بأسباب المقاريد خيّمـت=فوق الهيار بدون داعـي واقمتـه عزالله إنك في مذاريه مـا نمـت=وإن عدتها راسك ترانـي وشمتـه وجريت وسم ٍ تعرفه لو تغيشمـت=[عرقاه] والشاهد بوجهك وسمتـه وعقب الخطام شظاظ كانك تولمت=إن كان تقرى العلم شفني ختمتـه |
السلام عليكم ورحمة الله وبركاته عزيزي القارىء الكريم هذه أبيات متواضعة 00 كلــّـي أمل بأن تحوز على إعجابك ورضاك أو جزء ٍ يسير ٍ منهما 0 أقـــــــــــــــــــول فيــــــــــــها :
هلا مرحبا ترحيب له بالضميــر إثبـات=تحية وفاء والصـدق بيـض ٍ معابيـره وسلامتكمهلا في محل أهل الكرم وابرك الحـزات=نيابه عن رجال ٍ لهـم بالوفـاء سيـره ومن مستوى الإعجاب تلقى طموح الذات=على كل حـال يميـز الرجـل تقديـره على العز تبقى سيرة المجد باللي فـات=ومن لاحفظ ماضيه عايش على الحيـره عسى الله يرحمنا ويغفـر لنـا الـزلات=ويكتب لنا المسعى على الخير والخيـره ودايم نواة الخير تحقـق لهـا غايـات=علو الهمـم تلقـح بالأسبـاب تاثيـره ومبنى الشموخ بغير دافع تجيـه آفـات=حديده ليا طال الزمـن صـار قصديـره سمو الهدف يوسر على القصد والنيـات=وبالفعـل تأكيـد النـوايـا وتفسـيـره وقيس العقول بنطقها وإركـز الرايـات=وعقل الرجل ميـزان طبعـه وتفكيـره عساها تجـدد ياهـل العـز والطـولات=ويسمع صداها راعـي البـر والديـره وتذكر بها الحسنى وتنبذ بهـا السيـّـات=تآلف قلـوب وملتقـى خيـر لاغيـره تسجل لربعي حـرب لاعـدّوا الحفـلات=عليها إستنـد من يكتـب المجـد تقريـره يدور الفلك ويبين وش ناتـج الوقفـات=ويحسب حساب الرجل لاقـال : تعبيـره عسى الله يقدّينا عن الميـــل والعثرات=هو اللي يسير الكون بأمــره وتدبيـره /////////////// أبن القبيله /////////////// |
(( بسم الله الرحمن الرحيم )) هذه أبيات متواضعه عساها تجمـــّـــل وإعذرونا على التقصير أقـــــــــــــــــــول فيــــــــــــها :
والله إني عـارف ٍ غايتــــك يالأجـــودي = وإن جهلت إنشد من الربع رجـّـال ٍ حكيـم وللجميع أحلى وأوفى تحيّــه من :لكن إصبر قدمك الدرب كلـّــه جرهــدي = بـــه وصيـّـه كان يقــريك علــمي يافهيـم إن قطعته مشي وإلا بعد رحت تعـــــدي = لاعجب , في كــل الأحـوال والرّب الرحيـم وإن ظهر لك نجم ماكل نجم ٍ كالجــــدي = الــــدّلايل واضحــــه والمعـــــاني كالبريـم قبل لا تصقرك شمـس القوايل وتغـــدي = الهقــــاوي لا تغـــرّك وعقـــــلك لا يهـــيم إعقد العقــــده بمعناك وإفهم مقصـــدي = الــــزّمن غـــــدّار ما يامنــه غيـــر السقيم لا تحسب إنـّـك وحيــد ٍ ولابه لك لــــدي = كــــم صبي ٍ قالهـــا وإنفخـــه فيها الرجيم ساقته صكـّـات الأيـّـام والحـظ الـــرّدي = في نحـــر سبع ٍ تعشـّـاه وأصبح له خصيم السحـــابه قــــــدم عينك وماطــرها بــردي = مار صبرك خل وضعك معايـــه مستقيم سمكرتهـــا واضحــه لـو تلمـّـع بالـبـدي = باخصيـــن اللي جديــــده ولا نجهـــل قديم الثـّـرى مــا هو لـــدي الثـّـريا يابعــــدي = بس حــــذراك الشــّـــراره تقــــرّب للهشيم إن قريت الدرسعي وإن قريت الأبجــدي = حضـّـر لســـين العوارف على معناي جــيم منت جاهــــل لجــل أعلمــك وإلا مبتـدي = خارج ٍ خطـــوه وقاصر عن المعنى السليم زوبعه , والزوبعــــه ما تطـــوّل وتهـدي = الله أكبــر مــا بقي قبــل ذاك الحـــرف ميم إشهدي ياعين باللي تشـــوفين إشــهدي = الطــّــــواف مع السعي بين زمزم والحطيم الله الهــــــادي ولا أحد ٍ بكيفــه يهتـــدي = قدمك النـّـجدين لو طوّلت ما أحد ٍ مقيــــــم /////////////// أبن القبيله /////////////// |
السلام عليكم ورحمة الله وبركاته عزيزي المتصفح الكريم : يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول والإستحسان وأن ترقى إلى مستوى ذوقك الرفيع .. أقــــــــــــــــــــــول :
يـاقـلـبــي الــلـــي بـالـخـطــأ مـاجـلـبـتـه=ومــن خلقـتـي مــا أرضــى الخـطـأ لــو جلبـلـي وسلامتكـــــــمولـيــا عـصـانـي فــــي عــزومــي قـضـبـتـه=ولـــو مـاأردعــه وأصـخّــره مـــا إنقـضـبـلـي أوّل لــيـــا مــنّـــي نـهـيـتــه غـلـبــتــه=يــدلــج ولا مــنّـــي زهـمــتــه حـضـبـلــي والــيــوم مــمّــا جــــاه هــــف وعـقـبـتـه=وأزعـــج لـــه الأصــــوات مــــا ينقـلـبـلـي يـقـول:عـسـر الــــدّرب لامـــــن ضـربــتــه=لــرضــاك جـابــرنــي وكـــــل الـغـضـبـلـي الـعـلــم مــنّــي جــــاك لــــو مـاطـلـبـتـه=مــادمــت تـفــهــم غـايــتــي فإسـتـجـبـلـي مــــن لايــقــدّر مـوقـفــي مــــا حـسـبـتـه=يقـفـي وأنـــا أقـفــي دامـتــه مـــا حسـبـلـي أخــيــر لــــي وأعــــز لــــي لا جتـنـبـتـه=بــعــدي دواه وتــايـــه الـــــرأي مـبــلــي قـلـت:إنـتـهـيـت؟وقـال:مـافـي جـــبـــتــــه=قـلـت:إسـتـمـع مــنّـــي ونــفّـــذ طـلـبـلــي مـــن لايــــرد الــصّــوت ســاعــة نـدبـتــه=بـإذنـي صـمــم لـــو صـــاح وإلا نـــدب لـــي وحـبــل الـسّـعـه طــيّــب وأنــــا مـاجـذبـتـه=ولا أسـقــي ظـمـيـري مـنــه لـــو ينـجـذبـلـي والـلــي يــمــد حــبــال طـيـبــه صـحـبـتـه=وأمــــد لــــه يـمـنــاي قــــدّام حـبــلــي والـعـلــم لاجــبـــت الـثّــبــوت ونـسـبـتــه=فــي حــظ مــن جــاب الـخـبـر لـــو نسـبـلـي وخـضّــب شـنـبـك بـمــا تــحــوش وكـسـبـتـه=رزقـــك يـجـيـك ورزقــــي الــلــي وجـبـلــي ويالله يـالــلــي كـــــل شـــــيء ٍ كـتـبـتــه=راضـــي بــمــا جــانــي وبـالـلــي كـتـبـلـي ولا نــي مـحـمّـل ذنـــب أنـــا مـــا إرتكـبـتـه=والـرجــل أبثـنـيـهـا قــــدم مــــن نـشـبـلـي |
السلام عليكم ورحمة الله وبركاته عزيزي المتصفح الكريم : أضع أمام ناظريك .. هذه الأبيات المتواضعة اللتي أتمنى أن تحوز على رضاك وإعجابك ... وأن ترقى إلى مستوى ذوقك الرفيع .. أقــــــــــــــــــــــــــــــــــــول :
ياللي تجيب العلم دايم على طــــول=منـي طــــلب قـــــدّام لا تــبتـديـبه وســــــــــــــــــــــــــــــــــلامتكم أعرف ترى علمك يجي عنك منقول=منـك الخبـر والنــّاس عـنك تهذيبـه كلن يحسب إنه عن الناس مجهــول=وبأتلا الزمــان تصير ماهي غريبه راقب ولي الكـــــــون يا كاتب القول=حيثه يشــوف المخطيه والمصيبه واللي يصّـــــدق شيْ ما هو بمعقول=درسه بغــــــّرات الّزمـــان العجيبه هذا وأنا ماني على الناس مسئــــول=لكن نصيحة للعقـــــول اللبــيــبـه دّونتها في صفحة الطّيب مرســــــول=تذكار والتذ كار مافيــــــه ريبــــه داخــل مجالسنا طحاطيح وزحــــــول=واللي يريد العافيــه من نصيبـــــه وإلا السحاب اليا أنحدر منه هملـــول=كلن دعى بالخـــــير يالله تجيبــــه |
السلام عليكم ورحمة الله وبركاته عزيزي المتصفح الكريم هذه أبيات متواضعة مجاراة لقصيدة أعجبتني في ديوانية حرب لأحد الشعراء , كلي أمل بأن تحظى وتحوز على إعجابك ورضاك وهي تعبر عن نفسها : أقــــــول فيهـــــا
قلبي يحضّه على مجارا النـّـبا حاضي=من عيلم ٍ لو يزود الورد ما غضـّي وسلامتكمماني عن اللي تشوق الفكر متغاضي=بيت ٍ على ساس ما يبنى وينقضّي ولاني مجاريه لو كان الهدف فاضي=ينبوع شهد ٍ زلال من الصـّـفا نضّي ياللي سماء المنتدى له خافقك هاضي=واكبت عقد ٍ بداج الليل متلضـّي أعرب عن التـّـاج في ساميت الألفاضي=حنـّـا بسوق ٍ يطبّه كل متقضّي فيه السـّوالف تمر طوال وعراضي=ومن لا أدرك رضاء الأعزّاء فيه مارضّي شعر الحداثه جروحه مالها معاضي=ساقيه ينقض طهارة كل متوضّي العشر لولا إختلاف الخلق ياراضي=بارت جميع السـّـلع والكل متفضّي برّاق بأحلك دياجير الدّجى ناضي=ساق ٍ تخيله تبي تتعب وتنشضّي وختامها صافيه ياعاشق الماضي=وإسلم وسلـّـم وسامح طرقي الفضّي |
السلام عليكم ورحمة الله وبركاته عزيزي القارىء الكريم يطيب لي ويسرني أن أضع أمام ناظريك هذه الأبيات المتواضعة والتي سبق أن شاركت بها بأحد المنتديات وهي تعبر عن نفسها أقـــــــــــــــــــــول :
بسم الوفاء يأهل الوفاء جيت زاير=تدفعني اللهفـــــه ومذهلني اليآس وســــــــــــــــــلامتكم 0وساقتني الصـّـدفه لكشف السراير=والكـــــــل بالله لكن الناس للناس وحاولت أخفـّـي ماتكن الظماير=وخانتني الذكرى وأنا شخص حساس ياما حصلـّـي من زماني عزاير=وغيب الليالي منه كد شيـــّــب الراس من كثر ماجرّبت (يالســـّــمح*)حاير=وشربت من لوعات الأيام بالكاس وبنيت من صكــّـات بقعا عماير= بنيان من صلب الحجر ثابت الســّــاس وزحت بهوى نفسي جميع الستاير=والله يجيرك من عنا الوقت والباس قصرتها رغبه وأريد البشاير=عطـــني خبر يامسنــدي قبــــل لا أنحاس حمزه يقول:الفرد ياعم ثاير=وأصبح مثل معــــــروف في حال الإفلاس * إسم عزيز علي وأكن له كل تقدير ٍ وإحترام 0 |
السلام عليكم ورحمة الله وبركاته من العايدين الفايزين إن شاء الله وكل عام ٍ وأنتم بخير ٍ وصحة ٍ وسلامه جعلنا الله وإياكم من المقبولين أعمالا ً 0 عزيزي القارىء الكريم أضع بين يديك هذه الأبيات المتواضعه , وكلــّـي أمل بأن تحوز على رضاك وإعجابك وأن تلقى رضاك وإستحسانك 0 في إحدى تصفحي لأحد المنتديات وجدت معلقة ً أسفل منها أكثر من عدد حروفها تشجيعا ً وثناء ً وتمجيدا ً لقائلها , وقد كانت من الشعر [ المنثور ] فلم أستطيع الرّد سوى بهذه الأبيات : أقــــــــــــــــــــــــــــــول :
ياليت من يقرأ يعد الحقيقه=ينصف ويكتب كلمة الحق للناس وســـــــــــــــــــــــلامتـــــــــــــــــــــ ــكم 0الهذر واجد والمشاعر رقيقه=بالمنتدى والكل مقبول لا باس وكل ٍ يشجــّـع بالملاقا فريقه=بس الهزيمه دربها دوم الإفلاس أيـّـا الصـّـديق اللي يصارح صديقه=ويعلــّـمه وين الخطأ قبل ينحاس وإلا الرّفيق اللي يجامل رفيقه=بالكذب لين يوقــّـع الفأس بالرّاس والوقت به ساعه تعادل دقيقه=من حلوها تسوى ثمانين مجلاس وبه حزّة تحسب على النــّـفس ضيقه=وأنا أدري إن الشــّاعر إنسان حسـّاس سجــّـلتها بالمنتدى لي وثيقه=في صفحة اللي للمواجيب حرّاس |
السلام عليكم ورحمة الله وبركاته عزيزي القارىء الكريم هذه أبيات متواضعة 00 كلــّـي أمل بأن تحوز على إعجابك ورضاك أو جزء ٍ يسير ٍ منهما 0 أقـــــــــــــــــــول فيــــــــــــها
خذها نصيحه واضحه مابها زيف=عساك تصحي من خطاياك وتفيق وسلامتكم:قابل وبأفتح مغلقات المظاريف=على النــّـقاء مابه عليها مداريق قــدّام تشرب من صداها ذعاليف=ما أقول:علم ٍ ما معي له مواثيق لا سقتها تنشاف فوق المشاريف=عن الوطى متساميه بالشــّـواهيق ترى الكلام ليا حصل فيه تحريف=يبقى الصــّـحيح وينجلي كل تلفيق يا مزبرق ٍ هرج الســّـعه للمزاهيف=سوّ العمل يطغى على النــّـفس وتضيق رمزي تبي تقراه من غير تحريف=وليا فهمته رد لاتنشف الرّيق لا صرت لاديــّـن ولا تقري الضــّـيف=ولا أحد ٍ ذكرك بخير عند المخاليق ولا لك على درب المراجل محاريف=مِـسـْـلـِـم بالإسم وفي تعاملك زنديق لولا رجال الطــّـيب وأهل المواقيف=لومك على اللي ما يعلــّـقك تعليق تحمل ضغينه مجهمه بالسواليف=متفنن بالحبك مطلق مسابيق /////////////// أبن القبيله /////////////// |
السلام عليكم ورحمة الله وبركاته عزيـــــزي : المتصفح الفاضل 0 يطيب لي أن أضع هذه الأبيات المتواضعه أمام ناظريك , لعلــّــها تحوز على رضاك وإستحسانك , وأن ترقى بمضمونها إلى ذوقك الرفيع 0
الشكوى لله يازمان الخثاريد =أشوف فيك إثلوم وأضغاث الأحلام وســـــلامتكـــــــــــــــم 0والله كريم يبدل الحال وتعيد=وترجع لنا في كفة العدل الأيام ترجع وتنفض مشكلة كل هربيد=وتزيح من دافع خياله بالأوهام مبنى الشموخ إليا حصل فيه تعقيد=حلــّـت به البلوى وتذراه الأنسام مايرتقي قمتك غير البواليد=وقت ٍ مضى واليوم كل ٍ بها حام سموّك الماضي حصل فيه تجديد=وتعكرشوا في سلــِّمك بعض الأقزام أدري وأعرف إنك حليف المساعيد=وإنك ليا حاشتك الأكوان ضرغام وإنك تعرف ضروف وقع العباريد=ولاهازك اللي ما حمل درع وإحزام لو ينتخي ويهوم تدعيه رعديد=لاصار ما هو لاإلتوى الحبل مقدام ما تتفق مع غير فيصل وصنديد=يعرف مقامك قبل لا يصدر أحكام علتك وأمراضك سببها المقاريد=بين اللغاوي والهقاوي لك أعوام ليلك طويل الظاهر إنه سراميد=وعلاجك بقصة تراجيد الأفلام شواهدك منها للأحداث تأكيد=منها وفيها مثل تسجيل الأقلام هو ليه ! جيشك راح تالي جلاعيد=مع كل فج ٍ جيشك معوّد أقسام طاح المقام وزرفلن المعاويد=وراع الرجاء من جمة البير كد شام |
السلام عليكم ورحمة الله وبركاته عزيزي القارىء الكريم هذه أبيات متواضعة 00 كلــّـي أمل بأن تحوز على إعجابك ورضاك أو جزء ٍ يسير ٍ منهما 0 أقـــــــــــــــــــول فيــــــــــــها أقــــــــــــــــــــــــــــــــــــول :
بالوصل ومواجهك للي تودّه=زرع الغلا يثمر ويخضـرّ عوده وللجميع أحلى وأوفى تحيّــه من :ترى البطى يثـّـر وتاليه صـّـده=ولا فيه خصله بالصـّـدود محموده والصـّـد سيف ٍ يقطع النفس حدّه=مع الجفاء شر ٍ عليه ويزوده واصل رفيقك كل ما مر مدّه=لا تقطعه والوصل طبـّـق بنوده وكثر المواجه للغلا فيه لدّه=يذبل غلا وصل ٍ تجاوز حدوده باب الجفا حاول بعزمك تردّه=والنفس دايم صدّها لاتروده ترى النفوس بغيضها مستبدّه=خسران نفسه من هواها يقوده نتيجة اللي زاد تأتيك ضدّه=وكل ٍ يبي يلقى حصيلة جهوده وكل ٍ عطه ثوب من الوصل قدّه=وإحذر عليك إبليس يرسل جنوده مافات من وقتك فلا تستردّه=الوقت يمضي والليال معدوده وإلا رفيق ٍ بالسـّـعه فيه هدّه=وتقصر بحزّات اللوازم زنوده بالك معه حبل المواصل تمدّه=أخير من وصله جفاه وصدوده أرخ الحبل من يمته لا تشدّه=يوم الزعل شر الظمير ووقوده كد قيل : علم ٍ تستحي منه بدّه=خشية كنينه يرهقنك لهوده وباب ٍ جلبلك ريح بالعزم سدّه=خوف ٍ يشم الجرح لا(عط) عوده وإدمح خطأ مغليك وإصفح وعدّه=تزود ما تنقص وهو ما يعوده وإن كرره لو الخطأ ويش ندّه=إوقف له بعروة غلا ومعقوده إليا إختلط بالعلم هزله وجدّه=جنــّـب عنه لو شفت سكبة عموده واللي بليا ساس ينهاز حدّه=والعالم الله والخلايق شهوده اليانع المثمر يجي من يجدّه=والرجل تعرف قيمته من صموده /////////////// أبن القبيله /////////////// |
السلام عليكم ورحمة الله وبركاته عزيزي القارىء الكريم اضع بين يديك هذه الأبيات المتواضعة وكلي أمل بأن تحضى على تقديرك وإعجابك , وأن ترقى إلى ذوقك الرفيع
الله من قلب ٍ حدوه الملاقيف=اللي ليا سمعوا كلام هرجوبه وســــــــــــــــــــــــــلامتكم حداد الألسن مقبلين ومناكيف=وليا لقوا علم ٍ يقين قدحوبه عيادهم تفريق جمع المواليف=يالله عساهم للفناء والعقوبه أعوان أخو مرّه بنوك السواليف=ومزبرقين الهرج نوبه ونوبه يجيك واحدهم لسانه كما السيف=وإلا الثمن زايد عنه سمل ثوبه يالله عسى فيهم تحل الصواديف=وإلا تلحقهم من الناس حوبه للطمس والتغيير معهم تعاريف=والزور والبهتان مابه صعوبه مذهبهم الزايد يجي فيه تطفيف=تداوروه بطبعهم وإجنحوبه مابين تدليس المعالم وتزييف=حتى يجيك بغير شكله وثوبه تلقى لهم بين المهازل محاريف=ونفوسهم عن كل حق مهزوبه على الحسد والحقد دايم مزاهيف=وأصغر خطى لاحصلوه إفرحوبه ذولا المرض ذولا العلل يالعواريف=بأسبابهم كم فيه روس معصوبه داهم يبي يكسر علينا المجاديف=وتصبح سفينتنا علينا معطوبه نغرق قبل ترسي المراكب على السيف=حتى الهوى ما أظن تصفي هبوبه |
السلام عليكم ورحمة الله وبركاته عزيزي المتصفح الكريم هذه المشاركة المتواضعة حسب ماطلب الأخ الفاضل : (( محمـد الشهـراني )) وقد طلب المشاركة حول البيت الذي طرحه ليكون نواة وهدف للمشاركين حيث قال :
يقولون باب الشعر مفتوح للشعار=ومن لايعرف الصقر بالنار يرميبه
وهذه مشاركتي حول البيت المطروح أرجوا أن تنال رضاك وإستحسانك وأن ترقى لذوقك أيها المتصفح الكريم :
تبور السلع واللي يفرّق بها الأنظار=دليل النظر للعقل كثرة تجاريبه وسلامتكم:وبه فرق بالتقدير والفكر والأشوار=ولاكل من يسعى يحقق مطاليبه ومن ساس ما تبذر تبي تجني الأثمار=وترجع على المبدأ ونسبة مجاذيبه وحسب الحدث وروايته نشرة الأخبار=وشوفك يجوز يخالف لشي توحيبه يخالف تصورك الحقايق عن اللي صار=ومن جاب لك علم لغيرك يناديبه يقولون باب الشعر مفتوح للشعار =ومن لايعرف الصقر بالنار يرميبه صحيح المثل والشعر يفرق به البيطار=سبايك ذهب ونحاس وأحوال تهذيبه صليب الحديد بقسوته ينصهر بالنار=تبدل تغير حالته من عذاريبه وهايب بها العاقل بها الخاين الغدار=وتلقاه مع جاهل يشوته ويوميبه ومع بارد الهمه ولا كن بدون إعيار=يجيبه عـَـيـَـار ووقع وتفرق مشاريبه خوافي ظماير حسب تأثيرها تندار=أشوفه كما النيشان مخطيه ومصيبه ووقعه كما العبرود يم الهدف لاثار=وكل ٍ على وزنه وشوفه مضاريبه أحد ياصل اللجه وأحد دونها ينهار=تهيج البحور وموجها يختلف غيبه ترى الشعر باب ٍ متسع ما عليه احكار=بليا حدود ووجهته من معازيبه ترى الشعر ديوان العرب شاهد ٍ تذكار=دليل وشاهد حق عن شك عن ريبه ليا صار مدلوله على الصدق ما ش إنكار= ولو هو قنب ندعان شيب الخلا شيبه /////////////// أبن القبيله /////////////// |
(( بسم الله الرحمن الرحيم )) عزيزي المتصفح الكريم : يطيب لي أن اضع بين يديك هذه الأبيات التي كلي أمل أن تحوز على رضاك وإستحسانك : أقــــــــــــــــــول :
بالله ياللي عندكم حـس وإحسـاس=ياللـي بنيتـم قمـة المجـد معنـا وســــــــــــــلامتــــــــكم 0إليا متى هالحال تهميـش وإفـلاس=نقـد , وتحيّـز والهـدف مجتمعنـا إليا متـى ياكاسـب ٍ كـل نومـاس=يزيـد تأثيـر الخطـأ مـن طمعنـا ما كل ما يعمل يبي يرضـي النـاس=وإن كان طعنا كل الأنظـار ضعنـا كل ٍ على ظنّه يبـي يأخـذ الكـأس=وكـل يقـول : بتاليتهـا طبعـنـا إليا توافق رأي الأصحـاب لابـاس=وإليـا تفرقـنـا تـرانـا رجعـنـا حنا مثل عينين يالربّـع فـي رأس=وإليـا سمحتـوا وإتفقنـا سمعنـا إما حصل ترتيب وإجمـاع وقيـاس=من قمـة العليـا جميـع ٍ وقعنـا وين التسامح والعفو يا أهل الباس=من كثر ما نقرى الهزيـل إمتنعنـا ماودنا نأخذ على الوضـع مـرواس=ومن المجامـل والتغاضـي شبعنـا وإلا نبيـن معضلـة كـل هـلاّس=اللـي نهـار العيـد كانـه قطعنـا عن سملها وجدادها فيـه نبـراس=وكثرة علينـا فتوقهـا لـو رقعنـا السيف وإسمه سيف ما يلادي الفاس=جزّوبه الهـزلات عـن كـل معنـا ولا كل ماهب الهوى صار نسنـاس=ولا كل مـا شفنـا وقرينـا نفعنـا لاطاح همّال الحيا شفـت عسـاس=وإن أدهرت شمنا وعنهـا إندفعنـا وكليب خانه سابق الوقـت جسـاس=وإليـا تسامينـا جميـع إرتفعـنـا |
السلام عليكم ورحمة الله وبركاته يطيب لي أن أضع هذه الأبيات المتواضعة بين يدي القارىء الكريم وكلي أمل بأن تحضى على رضائه وإستحسانه وأن ترقى إلى مستوى ذوقه الرفيع : أقــــــــــــــــــــــــــــــــــــــول :
وجهك أبيض وقلبك مستمر ٍ ســواده=الجـــوارح توضــّـح خيــر قلبك وشرّه وســــــــــــــــــــــــــــــلامتكم 0لو تحـــــاول تخفـّـي بيـّـنــتك القـــراده=والمنافـــق جهنـّـم قال : ربـّـي مقـــرّه من تعامـــلك سجـّلنا عليك الإفــــــاده=ما بقيلــــك من الأعـــذار مثقــــال ذرّه راعي النيـّـتين مفـــارقته الســـّـــعاده=زين بالعشـــر كانه شـاف وحده تسرّه من يحب التحـــايل ما صفاء بإعتقاده=سوء ظنـّـه وشكـّـه لو نوى الخير فرّه قالوا النقص بعض أحيان مثل الزياده=لكــــن النـّـفع بيـّـن والمضـــرّه مضرّه شـــدّة الوقت تمنــح كل عاقـل شهاده=والجهــل هو عدو النـّـفس وأكبر مغرّه والتــّـجارب لهــا تأثيــر بالعقــل عاده=فعلهــا مــع لبيــب العقــل يكفيـــه مرّه والصبر يلزمه بالنـّـفس عزم وجــلاده=فيـــه تلحــــق هــواك ورغبتك لاتكرّه طوّقتــك الحقايـــق والنـّـصيحـه عباده=مخلــص ٍ بالعمــــل لكـــن مابــه مبرّه المـــدى كان طوّل فيه كشـــف الرّياده=والصـّـراحه تراها بعـض الأحيان مرّه كــل من يجتهد يجزى بقدر إجتهاده=ما كتــب لـه على أية حــال لازم يمرّه تلــك الأيـّــام داولهــا الــولــي لعـــباده=أرض منها بدى المخلوق هي مستقرّه |
السلام عليكم ورحمة الله وبركاته أبيات سبق وأن شاركت بها بأحد المنتديات وكلـــــّــــــي أمل بأن تحوز على إستحسان القارىء الكريم وتحوز ولو على جزء ٍ يسير من رضائه 0 أقول فيها :
المجتمع ياعــذب الألفـــــاظ ظالـــم = خيـــره وشــــرّه طايــل ٍ كـــل مخلوق وسلامتكم:بالمجتمــــع كثـــرة علـينا المــثالــم = ولنتـــه مرقــّـع فتـق ومخلــّــي فتوق واللي يبي تعديــــل الأحـــوال حالم = ولو قالــوا: إن كل مطـــــرود ملحوق الوقــــت لاطـــــوّ ل يبـيد المعالـــم = ولا دايم إلا اللي على العرش من فوق من هو؟ يقول من الخطأ بس سالـم = كـــم طالب ٍ حــق ٍ ومطلــــوب بحقوق وكم واحــــد ٍ في ساعة الخير والم = لا شـــك ردّه دونهـــا شخــص مطفوق وكم واحد ٍ بالنـّـاس يمشي مسالــم = يبلى ويصبــح فوقــــه الطـّـاق مطبوق /////////////// أبن القبيله /////////////// |
عزيزي القارىء الكريم هذه أبيات متواضعه يحدوني الأمل بأن تلقى قبولا ً وإستحسانا ً منك وأن ترقى لمستوى ذوقك الرّفيع وإعجابا ً بما حوت من مضمون 0 أقـــــــــــــــــــــــــــول :
فهم السؤال أكيد نصف الإجابه = ولكل ما يجري مقاصيد وأسباب وسلامتكــــــــــــم0لكن توافيق ! الخطأ والإصابه = جايز خطأ تفـّـاق الأهداف ما صاب وكل ٍ على قدّه تفصـّـل ثيابه = والنـّـار للي زاد من حدر الأعقاب وليا نشت بين الرّ فاقه سحابه = إن ما إنجلت رودم بها طبوق وأهداب برّاقها يرهش وعزّل ضبابه = ويرزم رعدها بالعمد قبل الأطناب تلقح بها ضعاف العقول وتجابه = وتثير بركان الغضب بين الأصحاب يلقى(العدو-والعقربي -والقلابه)= فيها مداخيل ٍ على كل هنداب ولو كل واحد دونها صك بابه = لابد ما يفتح لها بينهم باب والنـّـاس تلقى بينهم به تشابه = لكن تفرق بالتـّـعامل والآداب والطـّـيب وهبه والمراجل كسابه = وكل ٍ يجازى عن حصيله والأتعاب والطـّـيب ما هو من بغى الطـّـيب جابه = دونه معاسير ٍ طويلات وهضاب ومن لا ظهر له طيب بأول شبابه = ما هو محصـّـل طيب من عقب ما شاب ومن لا حشم نفسه وكرّم جنابه = لابد ما تاطاه الأقدام ويصاب ومن لايعيش بعز ما له مهابه = ركـّـب عليه(خطام-وبطان-وذناب) و لا ينطح الشـّـدّات راع الخيابه = إن قال :ما يافي ولوعدك كذ ّاب لا حل في وجه الزّمان إنقلابه = تبي تشوف إعلوم وتراجع إحساب كم فيصل ٍ قبل اللزوم تهقابه = شمسه طلع من دونها ستر وحجاب وترى الثـّـقه باب ٍ قضيفه رحابه = وأصحابها حضـّـار لو كان غيـّـاب والشـّـك يثـّـر في ظمير ٍ رقابه = ولا يجتمع شك وثقه وسط الألباب كل ٍ لو يفتـّـش زهابه لقابه = أهل الرّدى وإلا عريبين الأنساب وكل ٍ على دلـّـه وطبعه وآدابه = واللي مدح له شي من زود الإعجاب |
السلام عليكم ورحمة الله وبركاته عزيزي المتصفح الكريم : يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول والإستحسان وأن ترقى إلى مستوى ذوقك الرفيع .. أقــــــــــــــــــــــول :
قـــال الـــذي مـــن كـثــر مـاشــاف عـايــف=جـــرّب وجـتـلـه فــــي حـيـاتــه صــواديــف وسلامتكـــــــــــــمعـــاش الـزمــان الـلــي طـعـونــه خـفـايــف=وقـاســى الـزمــان الـلــي طـعـونـه مــراديــف وأقــفــى وبــاقــي مـاطــوتــه الـصّـحـايــف=يــوم العـنـاء بعـضـه عـلــى الـنّـفـس تخـفـيـف والـلــي بـقـلـبـه مــــا وصــــل للـشّـفـايـف=خـايــف مـــن الـكـلـمـه تـعـقّــب سـوالـيــف لـشـتـالـهــا راع الـــهــــذر والـلّــفــايــف=تـكـبـر ويـصـنـع مــــن وراهــــا تـخـاريــف يـقـصـع بـهــا الــجــرّه لـعـيــن الـطّـوايــف=ويصـوغـهـا حـتّــى تجـيـلـه عــلــى الـكـيــف يـبــدابــهــا ويـســوقــهــا للهدايـــــــف=الـلــي عـلــى هـــرج الـخـطــأ كالـخـواطـيـف والــيـــوم لاراجـــــي ولانـــــي بـخــايــف=إلا الــــذي بــأمــره هــبــوب الـعـواصـيــف ولانـــي عـلــى الـدنـيــا كـثـيــر الـحـسـايـف=ولا يِــرجــع الـفـايــت كـثـيــر الـتـحـاسـيـف ولا أقـــول : غـيــر إنّـــه عـلـيــك الـخـلايــف=يـالـلـي عـلـيـك نـفــوس خـلـقــك مـنـاكـيـف |
السلام عليكم ورحمة الله وبركاته عزيزي المتصفح الكريم : يطيب لي ويسعدني أن أضع أمام ناظريك هذه الأبيات المتواضعة وكلي أمل أن تحضى بالقبول والإستحسان وأن ترقى إلى مستوى ذوقك الرفيع .. أقــــــــــــــــــــــول :
لاإتـــصـــال ولارســالــه ! شــي غـــريــــب=عـادتــك لـبـطـيـت تـبـعــث لــــي رســالــه وسلامتكمأو تـــكــــرّم بـإتــصــالــك يـالـحـبــيــب=مـادريــت إنّــــي رخــيــص بــكــل حــالــه جــيــت أكــلّـــم قـلـت:يـمـكـن مـاتـجـيــب=ســالــي ٍ عــنّـــي وبـالـمـجــلاس دالـــــه لـــو يـطـيــب الــوقــت وإلا مــــا يـطـيــب=خـابــر ٍ إنّـــه فـيــك مـــا تـبـقـى جـمـالــه فـــوق رقـمــي حــــط يـاعـمــري صـلـيــب=مـعــك صـبــر الـقـلــب ضـيـعــت إحـتـمـالـه الله أكـــبـــر يــازمــانـــي والـنّــصــيــب=كـيــف صـــار الـحـلـو تـــال الـوقــت مـالــه كــــل شــمـــس ٍ مـشــرقــه لازم تـغــيــب=تــحــت قــــدرة واحــــد ٍ جــــل ّ جــلالــه الـلـيـالــي طـبـعـهــا دايـــــم عــجــيــب=كـــم صــبــي ٍ كــــدّرت بـالـشّـيـن بــالــه مـــــا تــوفّـــر لا بـعــيــد ولا قـــريـــب=مـــن صـفــت لـــه يـــوم يـومـيـن تعـبـالـه بالـمـثـل كـــد قــيــل:وش كــــاد الـمـريــب=ويـنـكــم ؟ يــاأهــل الـمـواقــف والـشّـكـالــه للـمـحـبّـه عـنـدكــم مــــا بــــه طـبـيــب=والــجــواب الــلــي وصـــــل بـالإسـتـحـالـه يالله إنــــي طـالــبــك وأنـــــت الـمـجـيــب=رحـمـتـك بـالـلــي تــوجّــه لــــك ســؤالــه |
السلام عليكم ورحمة الله وبركاته عزيزي المتصفح الكريم : أضع أمام ناظريك .. هذه الأبيات المتواضعة اللتي أتمنى أن تحوز على رضاك وإعجابك ... وأن ترقى إلى مستوى ذوقك الرفيع .. أقــــــــــــــــــــــــــــــــــــول :
الــصــدق بــيّـــن والـمـجـامــل مـصـيـبــه=لـــو كــــان حــالــه دايــــم ٍ مسـتـبـاحـه وسلامتكم 0 لــو هـــو بـوقــت الـيــوم مـاهــي غـريـبـه=كـــم عــلــة ٍ تـعـيــي طـبـيــب الـجـراحــه بالله يــالــلــي تــجــدعــون الـضــريــبــه=أول ســــؤال أقــــول : ويــــن الـصــراحــه؟ لا صـــار كـــل ٍ يـشـتـمـت مــــن نـصـيـبـه=وشـلــون نـلـقـى مــــن يــحــط إقـتـراحــه وجــهــة نــظــر , وإلا فــلاهــي غـصـيـبــه=الـطــول ضـــرب الـعــرض كـــل الـمـسـاحـه تـــرى المـجـامـل نــــوب مــثــل الـهـزيـبـه=فـــي حـــال وإلا حــــال مــثــل الـرجـاحــه مـجـامــل ٍ مـكــســب ذنـــــوب ومـعـيـبــه=لا صـــار مـــن جـامـلــت كــلّــه بـجـاحــه هـــذي تــراهــا شــــر وأكــبــر غـلـيـبـه=مــثــل الـدّعــايــه بـالـخـطــأ لـلـسـيـاحـه ومـجـامـلـه مـفــتــاح شـــــك ٍ وريــبـــه=ميـدانـهـا يــطــرح عــلــى كــــل ســاحــه تـظــهــر نـتـايـجـهـا بـعــيــده قــريــبــه=ومعابـلـتـهـا مــثّــره بـالـفـلاحــه |
السلام عليكم ورحمة الله وبركاته عزيزي المتصفح الكريم يطيب لي أن أضع بين يديك وأمام ناظريك هذه الأبيات المتواضعة وكلي أمل بأن تحضى على شيء من رضاك وإستحسانك وأن ترقى إلى ذوقك الرفيع أقــــــــــــــــــــــــــــــــــــــــــــــــ ول :
ياهمــّــي الدنيا بليــّــاك مـــرّه=ترى الحلا والــذوق منك أستمده وسلامتكم:ومن الزعل ما شلت مثقال ذرّه=مهما تشوف إنــّـه بلغ في حـــّـدّه إعرف ترى ما أرضى عليك المضــّـرّه=وإن الزعل تجلاه عنك المودّه محد(ن) عرف لولا العقوق المبــّـرّه=ولولا الخطأ ماصار به صح ضدّه ولولا الحزن ما أحد(ن) يعرف المســّـرّه=حتى الرّخا عكسه يجي فيه شـِــدّه والعبد لولا الخير ما شيف شــرّه=وإن التواصل ضــدّه يقال : صَــــدّه وإن اليقين بعكسه أحيان غرّه=وإن البناء عكسه مع الناس هـَـــدّه دامك شبيه اللي بعيد مقـــرّه=لاتم عشر وخمس بحساب عــــدِّه لابد للأيام عوده وكـــرّه=للوقت والدنيا مع الصبر ردَّه برد النوى ذوقه لمن ذاق حــرّه=عقب الثمان إثنين قلبي وقـــــدّه /////////////// أبن القبيله /////////////// |
|
الساعة الآن 09:20 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
