|
ديوان الشاعر خالد بن مبيريك
الاخ عبد الله بن عتيق الحنيني ابيات متواضعه امام شموخك عربون صداقه طال عمرك ارجو ان تتقبلها مني لاهنت منك اتعلم وافخر بان اكتب لـ مثلك ومجاراتك وسام شرف على صدري
من دلتن عطرها البن والهيل=وعشقها تحت الظلوع النحايف وسلامتكصبيت فنجانا كما صافي السيل=اشقر ولا حافه من اللوم حايف لك ياسليل المجد ومخاوي الليل=شبل النشاما حرب عذب الوصايف ياحر من مربى هل الهيل والخيل=شهمً شمخ فوق المخاليق نايف انا أشهد انك من ربوعن لهل ميل=فوق العرب يوم السيوف الرهايف شاعر ولك هيبه وقوه وتمثيل=وكلن لهيبتك بين الخاليق شايف من المنطلق هذا ابكتب ولا اطيل=ابيات من شعري ولا هي كلا يف عربون مقدارك على مثل ماقيل=رجال تكسبها ولا مال زايف هُم مكسبك في الليال المقابيل=وهُم المال كله مانقول النصايف ومثلك لنا مكسب ولاهو بتهويل=اقولها صادق ولاني بعايف وختامها مني صلاتا بلا كيل=على نبيا اعلن الحق ماقال خايف اخوك |خالد بن مبيريك الحربي \ \ | رد الشاعر عبد الله بن عتيق
دام البقـا مضمـون جــل التفاصـيـل=يـمـيـن فـايــف مـالـهـا غـيــر فــايــف كـيـفـن يسـوقـنـه ايــديــن الـريـاجـيـل=مـردود كيـف مكيـف الكـيـف كـايـف يشـبـه الكيـفـن يــدرج بــا المعـامـيـل=من جل كيف الكيف ياخذ وصايف وعليه مـن هيبـت سيوفـن مصاقيـل=ومن جود جودن ما يعقبه حسايف ومــن لامـنــي ماعـقـبـوه الحـلاحـيـل=والـحــر يرقـيـهـا الـرفـيــع الـمـهـايـف يـامـرحـبـا عـــــداد وبـــــل الـهـمـالـيـل=يلي لكم با المجد جـزل الصحايـف تـاريـخـكـم وافــــي بــكــل التـفـاصـيـل=يـوم المـدد مــع مومـيـات السفـايـف فزعتكم احلا من طعم شاطي النيـل=والطيـب يبقـا مـع جمـيـع الطـوايـف عن المبيريـك اهزعـي يـا المداخيـل=مقـر سـاس الطيـب عـن كـل زايــف اشيـوخ معروفيـن جلـيـن بـثـر جـيـل=وكـم طامعـن بمجـادهـم راح عـايـف والـشـكـر والتـقـديـر مـافـيــه تـاجـيــل=والـكـفـو يسـتـاهـل ولامــــن كــلايــف |
الــف ليـلـه والليـالـي تشـابـه=فيها الظلام ونورهـا من قمرهـا ولا هـو بقصـدي شـن الحرابه=عـلـى اللـيـال الـسـود ولا سـهـرهـا القصـد فــي زولــن كبـيـره عـلابـه=للـعـيـن يـازيـنـه ويــمــلا نـظـرهــا ون جـيــت لعـلـومـه بـلـيـا مـهـابــه=مثل السراب العيـن يخـدع بصرهـا مـن رافضـه فيـهـا مـحـب السبـابـه=واحكـام شـرع الله تغـيـر صـورهـا لا ثـايـبـن نـفـسـه ولا بــــه مـثـابــه=اقـشـر طـبـوع ونفـسـه الله قشـرهـا نهجـه عـلـى درب النـكـد والنشـابـه=مجبـولـتـن نـفـسـه وقـلـبـه امــرهــا مغـيـر ينـهـش فالنـبـي والصـحـابـه=وام المؤمنيـن بحـقـد قلـبـه غمـرهـا متـجـاهـل ان الله ويـشـهــد كـتـابــه=فـي محـكـم التنـزيـل بـيـن طهـرهـا مصيونـتـا بـالـديـن مـاهــي نـهـابـه=عز الشرف واطهر من اللي ذكرها يارافـضـي كــذاب فــي كــل جـابـه=وام المؤمـنـيـن الله بـديـنـه سـتـرهـا يـومن لـك فـــي كـل بنتـا طـلابــــه=مـن رافضـه نجسـه وربـي عثرهـا كــم مـرتـن تـدخــل علـيـهـا نـيـابـه=عـن رافضـي مثلـك يبـك تخشـرهـا كـم مرتـن صبـت الرذيـلـه اصـابـه=وكـم مرتـن تلمـس ايدينـك نحـرهـا يا نجس في درب النجـس والجنابـه=فــي ليلـتـن ســودا مـحـرم ثـمـرهـا يـاعــل لعـمـالـك عـلـيــك انـقـلابــه=فـي يـوم مثـل العمـه اللـي تخمرهـا وصـلاة ربــي عــد وبــل السحـابـه=على النبي واصحابـه اللـي نصرهـا |
ماعاد لـك فـي جـوف قلبـي مـوده=ولاعـاد لـك حـتـا مـعـزه وتقـديـر ومـــدام بيـديـنـك مـقـامـي تــهــده=انــا بـعـد مثـلـك بـهــد المـحـاذيـر بقلـط علـي مـقـدار مثـلـك واهــده=وحـط فـي قـدرك خيـار الغنـاديـر يمكـن يجـي فـي بنـت حـوا مسـده=ويسـد عـن مثلـك بنـات المناعـيـر ماهـن حـزام لــي ولاهــن مـشـده=ياغير ابين لـك صـدوف المقاديـر ولاسـار مالـك فـي القـرابـه مـلـده=ماللـقـرابـه فـيــك لــــده وتـدبـيــر ليـا انقضـي يومـك وناضـرة غـده=امالقيـت اربــاح مـنـك المخاسـيـر هذا رصيدك وانت عـارف وعـده=وتلقي عدد اصفـار زايـد ولاغيـر مايـنـفـع الـرجــال يـاغـيـر مــــده=لاكان وافـي ونقـص مافيـه تقديـر لــن كــان مايسقـيـه مـيـراد عــده=ماله مع اهل الورد مارد وتصدير تمـت وخيـر القـول مـاكـان جــده=واقولهـا مالـحـق وراهــا معـاذيـر بعـض العـرب ياغيـر رقمـا نعـده=ياليت له خلخال وامسا عـلا خيـر |
قصيده قلتها بمناسبة اليوم الوطني للعام 1431 ارجو ان تنال استحسانكم
قالو من انت وقلت اسمي سعودي=قالو ودارك قلت داري السعوديه فيها ثرى عرقي ومربى جدودي=وافخر بحبات التراب النقيه مزجت في رمله نهايت حدودي=ولي في ثراها عشق ياهل الحميه شربت عشقه وارتوتبه عدودي=وحبه سكن قلبي وغالي عليه من دونها اموت واخذو عهودي=يحيى الوطن والروح لجله هديه ياديرتي لك مجد رغم الحسودي=من فوق هامات السحاب العليه فيك العدل والامن كله يسودي=في عهد ال سعود منهم عطيه ارسى دعايمها سليل الفهودي=ويمشي على نهجه رجالا وفيه يادار والله ما لحبك قيودي=عطيتني وابشر برد الجزيه ياعل من عاداك ماله وجودي=يحماك ربي كل صبح وعشيه هذى مشاعر والمشاعر تجودي=لا كان في حب التراب الابيه |
نزل الشاعر مسند بن سعود السبيعي جارا للمعابيد من حرب اكثر من عشرين عام ... ووجد عندهم طيب المعشر وحسن الجوار ... وقد عبر لهم عن شكره بقصيده من عشرين بيت قام بطباعتها وتوزيعها عليهم تجسيدا وتخليدا للعشرين عام واكثر من الجوار الحسن استحسنت ان اضعها واضع الرد عليها امام انظاركم كما انه هناك رد للشاعر المبدع غالي بن ربيعان قصيدة السبيعي
قال السبيعي باديا شامخ الحيد=في مرقبا يصعب على الدالهيني وجتني بيوت الشعر مثل المقاويد=واختار منها كل جزل وثميني في مدح وافين الشبور الصناديد=جيراني اللي بالفعل زايديني نزلت بالحاره جوار المعابيد=والله ونعم بجيرت الطيبيني والله ونعم ونعم واقول واعيد=نعم الرجال اقولها كل حيني رجال اهل جيره واهل طبيب تاكيد=يشهد بها الله والعرب شاهديني كبيرهم واللي بسن ********=قبيلة للطيب متوارثيني ديدنهم الشيمه ونبل المقاصيد=وعز الرفيق وتكرم الزايريني جيراني اللي طيبهم دون تحديد=طول السنين وجيههم ماتشيني عشرين عام حساب يالربع وتزيد=وانا مع رجال الوفا ساكنيني ماحسنا منهم كلام اللواهيد=ولاضايقونا جعلهم سالميني ياعل تفداهم وجيه المقاريد=اللي على جيرانهم قايميني والحمدلله بيني وبينهم جيد=انا وهم بالطيب متبادليني نسل الحروب مطوعين المعانيد=حرب العدو وللقرابه تليني اهل الشجاعه والكرم يالاجاويد=وعلى فعول الطيب متواعديني واهل السيوف الساطيه والبواريد=واهل الشرف والعز علما يقيني واهل صلابة عنتر وعزم ابو زيد=واهل كرم حاتم بماضي السنيني واهل الخوي والجار والضيف يافهيد=واهل موقفا يوم الموقف تبيني واهل السلوم الطيبه والتقاليد=وعلى دروب المرجله سايريني عشرين بيتنا في هل الطيب تجسيد=وصلوا على المختار ياسامعين رد الشاعر/ خالد بن مبيريك
بديت باسم الله عليه المسانيد=سير امور ***** دنيا وديني ياعبيد هات البن والهيل ياعبيد=واوقد لهيب النار والله معيني ومن جمرها دور كبار المواقيد=اللي عليه الكيف طعمه يزيني واختار من شقر الدلال المناضيد=وزين لنا فنجال للشاربيني من كيف حرب اللي تروم المواريد=على عدود الجود متوارديني وان قلت بالتحديد كيف المعابيد=كسابة الطاله مع الجيديني وخص به مسند عديم المناقيد=الطيب اللي بالوفا محتريني مسند وابوك سعود والنعم توكيد=من روسكم ياسبيع ماهو دويني ماينجب فهود غير الافاهيد=نشهد بها والناس له عارفيني والنعم بالسبعان من غير تحديد=تشمل جميع سبيع والسامعيني اهل السيوف وباللقا يومهم عيد=زبن الدخيل وتحرب الطامعيني نعم جار لنا ماجات منك المناكيد=عشرين عام نعد هذا السنيني وتزيد وان زادت ترا طيبها يزيد=من زود طيبك ياطويل اليميني اوفيت للجيره ونعمين ونعيد=ماينكر الاجواد غير اللعيني وماينكر اهل الطيب غير المعاقيد=نكارت المعروف يامسلميني الشاهد الله ماحصل منك تنكيد=مثلك على جاره دريك وحصيني ومثلك عضيد الجار واقول تاكيد=في مجلسه فنجال للسامريني ياكاسب الطيب لك المجد تخليد=شهادتن تمشي مع الناقليني واوفت لك معبد ولاهو بتمجيد=يشهد بها مثلك من الخابريني تمت وياحرب فكاكة القيد=اثنو على مسند ذريف اليديني وسلامتكم |
وجــــــه القمر ارجو ان تنال استحسانكم
كل ماناظرت وجهك قمت وارخيت النظر=واكتفيت بنور وجهك في دجى الليل المهيب اتامل في شعاعك عانق اهداب الشجر=وامتزج لونه بنورك تحت منظرك العجيب شفت شلالك تناثر فوق موجات النهر=ما حلا شلال نورك من فضى الكون الرحيب في ظلام الليل نورك ينتثر مثل الدرر=والليالي في غيابك ليلها ليلا كئيب ياقمر لو غاب نورك انطفى نور السمر=بس طلبتك ياقمر سود الليالي لا تغيب الثواني في غيابك عندي اكثر من شهر=كيف اكون بدون نورك في دجي الليل الجديب ينجلي ليل الكابه تحت نورك لا انهمر=اشهد انك نور عيني في دجى الليل الجديب |
نصيحه وامل ان تنال استحسانكم
لا شفت من يبكي بدمع التماسيح=حطه شمالك والعرب فاليمينا وامسح تواصيفه ولقي بها الريح=وقل ياهبوب الريح حذرا يجينا ارميه فالجمه عسى حظه يطيح=ويصبح بقاع الجم كله طحينا وصحح مفاهيمك على الفور تصحيح=واعقد بها جزما وعلما يقينا من يسكب الدمعه على غير تصريح=اهل الفجر والكذب ومنافقينا يعطيك بالظاهر على الود توضيح=ويخفي بجوف القلب حقدا دفينا وانصحك لا تشقى على دمعه تصيح=حله يموت بحسرته والضغينا وياليت تمسحبه على الارض تمسيح=وتخدم جميع الناس والمسلمينا |
واحسايف يوم ضاعت فيك هقواة الرجاوي=وانت فينا معتبر بالحيل من عزوة شبابـــــــه كيف ضيعة العفو والطيب يالحر النداوي=كيف ضاعت منك نخوة شيخ كلن انتخابه كيف ماحطيت لك بالطيب منزالن علاوي=والعفو والطيب شيمه من عفا جاله ثوابه والقدر محتوم لو قلت القدر ماله مداوي=الرجا ضاويك لو قلت الرجا ماصك بابه والليال السود تجري والعمر قافيه ضاوي=وانت منا يوم حنا منك من ينسي القرابه ولا انت عنا مغتني لو قلت انا عنكم غناوي=من هو اللي يغتني لا دق مزمارالحرابه |
السلام عليكم ورحمة الله وبركاته ومساكم الله بالخير هذه اول مشاركاتي بعد ان نلت شرف الانضمام لهذا الصرح الشامخ اخوكم خالد بن مبيريك الحربي
ياملتقى حرب النشاما هل الشار=ملفي لكم بالخير بعد التحيه هذا كلامي عقب جيت سيار=ضيفا على وجيه الرجال الوفيه ولاسم خالد ولن جيت بالدار=من حرب روس القوم ماهي دعيه حر(ن) ومرباي في دار الاحرار=معبد هل التوحيد واهل الحميه يوم اسود الوقت والجمر والنار=اسيوفهم فوق الرقاب العصيه ولا ني بطرقي على الدار مرار=مقيم انا ياهل الوجيه النقيه |
الله الله ارتميت وطحت يالخد الطريح=الله الله طاح حظك مع مطيحك وارتمــــى و الحقيقه كيف تسمووانت في راسا ذبيح=كل عرقن فيه ميت من زمان قد مضــى كل عرقن فيه ميت فيه من قبل المطيح=والمكاسب في حياتـــــــه كلها غيـــــر الردى ولو عيونك ناظرن بالكون والماد الفسيح=شهد ان عيون راسك مادهــا ماد العمــــى ماانت راسا يفتخربه للعرب يقدح قديح=ا نت ياذالـــراس والله مايداويك الــــدوى والحقيقه لن بغيت الصدق والقول الصحيح=كيف مثلك يشتري في سوق بيع ومشتـرى والله اني عارف العله وجرحك يالجريح=وعارف للي في ضميرك لوسترته بالخفى وادري انك راس ميت صدق بالقول الصريح=ولاانت راسا قد تولم للمواقف وانبــرى والوفا من راس غيرك وانة ريح واستريح=انت خلك في مطيحك ماتجيب الـى العنـــى |
مجاراه مع الشاعر غالي بن ربيعان الشاعر غالي بن ربيعان
بعد ما انقطع حبل الامل والرجاء بالياس=وبــانـــت نــوايـــا قـــلـــب بـالـحــيــل قـــدرتـــه واخـذتـه مــع الايـــام فـــي دنـيـتـي نـبــراس=ولافــيــه يــومـــاً شــفـــت زولـــــه تـحـاقـرتــه وصلـتـه وجاملـتـه عطـيـتـه بـــدون قـيــاس=عــســى تـنـعــش الايــــام فـالـحـلـم ذاكــرتــه وهـو مـا يهمـه غيـر لمعـة بـريـق الـمـاس=غــوى نفـسـه الشيـطـان والـنـفـس غـررتــه قوت نفسه الشينه علا اعز واغلا الناس=وقــفـــى مـــــع الايـــــام والــنـــاس مـنـكـرتــه نويت ابتعد وارحـل عـن الهـم والهوجـاس=وبــطــوي كـتـابــاً بــيــن الاحــــزان سـطـرتــه ابطـويـه لـيـن يسـيـل حـبــره مـــن الـكــراس=وبـنــثــر حــروفـــه بــعـــد الايـــــام بـعـثــرتــه علا شان لو فكـر يجـي لـي مثـل جسـاس=أعـرف العـلـوم الـلـي عـلـى الـبـال قاهـرتـه بيـبـطـي عـلــى درب المـحـبـه مـثــل دواس=يــســج الــقــدم مــابـــل حـلــقــه وحـنـجـرتــه الرد من خالد بن مبيريك
مريت موضـوع وشفتـه لـغالـي جويـد السـاس=قريت النص والخافـي مـن المضمـون فسرتـه عميـل المعرفـه والطيـب دايـم بالـغـلا ينـقـاس=ابـو نايـف صــدوف مـقـدره بالحـيـل قاهـرتـه ضـروفــا فـالـزمـن جـاتــه وهـمـهـا دســــاس=هـمـهـا جـــوف الـحـشــا والـقـلــب مـحـرقـتـه وانا عارف مثل غالي شديـد المعرفـه والبـاس=لاكـن امـور يدراهـا عـلـى الصـمـت جابـرتـه لـزوم انـه يداريـهـا لـجـل وضعـهـا الحـسـاس=............................ لـــو كـــان نـاحـرتـه وانا بنصحك ياصاحب تريض ياصليب الراس=تـرا شاهـان جـولات الحـبـاري بــس مبهـرتـه ياخذله فالزمن جوله وجولـه تنعـش الاحسـاس=وعـسـى الايــام ياغـالـي مـثـل ماقـيـل دبـرتـه لا انتـهـض شـاهـان وابـعــد انـتـظـر لابـــاس=الامــــل لا يـنـقـطـع مــــن عــيــن نـاظــرتــه لـوزان لــه وســع الفـضـا وطــول الـمـرواس=اقـــو اخـــذ عـلـمـي مـــرد الــحــر مـاكـرتــه والا ياعـل مايضـوي عليـك الهـم والهـوجـاس=تـريـح دبــرت الـخـلاق كــل الـكـون سـيـرتـه |
السلام عليكم ورحمة الله وبركاته خصومه مع الليل وانشاء الله يجلاها نور القمر قريبا ارجــــــــــو ان تنــــــــال استحسانكـــــــــــــــــــــــــم
لولا القمر ياليل مالي هوا فيك=ولا ني بناظر لك وجهك كأبه ولولا النجوم اللي بجوفك تخاويك=اعلنت انا بيني وبينك حرابه افز من اسمك ولونك وطاريك=واعوذ من جورك برب الصحابه اسو ترا وجهك وفعلك وماضيك=ومالك على قلبي مروفه وثابه كم مرتن تسهر عيوني لياليك=وكم مرتن قلبي تضاعف عذابه ياما انقضى عمرن وانا في بلاويك=اتعبتني ياليل ويش السبابه واحرمتني من هجعتن في تواليك=حتى حلا نومي ظلامك سرابه ماشفت لك رحمه ولاني بمغليك=مايرحم الا الله وانا عند بابه واشكيك انا للي على الكون مرسيك=يجلي ظلامك ويش ماهي غرابه |
ملاحظه القافيه في الغصن الاول على وزن . ارجهني . استكني
الصدر ضايق والهموم اسهرنـي=واقـــول لله يـاعــرب مشتـكـايـه ياغير اسلـي خاطـري واستكنـي=وارمي سبايب ثورتي من ورايه أصارع افكا ري وفالراس جني=واصـبـر النـفـس الشقـيـه معـايـه ماهو غزل وسهوم عين ذبحنـي=ولاهو فقر ضاوي وسبب عنايـه ولاهي وشايا حسـد ثـم جرحنـي=ولاهوبعـد ربعـي تقصـر معايـه ميقافهـم واضـح وعــزوه تهـنـي=ولاقول فيهـم نقـص كـل اقربايـه العلـم ياصاحـب تبـا العلـم مـنـي=ودك تعـرف السالـفـه والحكـايـه بيـع العـرب فيـه البـلا والتجـنـي=وقلب النوايا صار مقصد وغايـه أحـدن يبيـع جنيـه بجنـيـه علـنـي=تاجر وله مكسب وفوقه وصايـه وأحدن بكـاره جـرب مايربحنـي=يـبـي يــدور للمـكـاسـب خـفـايـه في معطفه ثعبان ماخـاب ضنـي=وليا حسبته ضيف ويـش النهايـه ياليت ناضر صورته وارجهنـي=ودور مـن الله مغـفـره والهـدايـه |
السلام عليكم ورحمة الله وبركاته وعد من الشاعر عبدالغني بن سعد الحربي على ان يرسل لي نسخه من قصيده كتبها في مناسبه الا انه تاخر واستحسنت ان استعجله بهذه الابيات
سلام من راسي وتنصاك ياراس=راسا على قسو الدهر مايبيدي الشامخ اللي معتلي كل الارواس=ماهو كلام يقال علمن اكيدي يفداك من كل العرب روس الانجاس=وتسلم لنا من كل مكرن وكيدي ياموعدن ترسل لنا يوم قرطاس=مكتوب في وسطه حروف القصيدي خلك سريع وللوعد دوم حساس=الله خلق فالناس حر وعبيدي ون عز ماقفها ترى قلت لاباس=معذور ياراع الجنيه المجيدي قفل على شعرك بقفلن وترباس=ونقولك معذور حظا سعيدي وخله على اللي نارهم دوم مقباس=ودلالهم تبهْر بكيف العويدي ويوم العرب مابين مسلم وقساس=ماشانهم حالا ولاهم فقيدي وصلاة ربي عد ماهب نسناس=على النبي شفيع يوم الوعيدي |
لـوبــيــن وبـيــنــك تــطـــول الـمـســافــات=ابـخــتــرق طـــــول الـــــدروب ورهــنــهــا ماهـمـنـي لـــو كــــان بــعــد الـمـجــرات=كــــل الـمـسـافـه شــــوق قـلـبــي وزنــهــا تقاربت لين اصبحـت بـس خطـوات=وقـــام يـتـلاشـى فـــي عـيـونـي زمـنـهـا ماللصـبـر فالنـفـس بـاقــي مـسـاحـات=نـفــســي رهـيــنــت شـوقــهــا وارتـهـنــهــا انـبـاح صـبـري مابـقـى غـيــر اهـــات=واشــــواق قـلـبــي قـــــد تـفــلــت رسـنــهــا مـع غيبتـك غابـت جميـع المـسـرات=والعين يخبر دمعها عن حزننننننها سـارت حياتـي فـي غيابـك متـاهـات=اعــيــش غـربـتـهـا وانــــا فــــي وطـنـهــا مـاعــاد لـــي روحـــه ولاعــــاد جــيــات=وقـــف هـــوا نـفـسـي وبـعــدك طعـنـهـا |
مساجله مع الشاعر الكبير سعد المحمدي البدع من خالد بن مبيريك
ياهاجسي عطني جزيلات الابيات=عطنـي مــن الـلـي فالـهـا القابلـيـه ماكنها الا مـن هذيـك المغيضـات=يازينهـا فــي كــل روحــه وجـيـه منـهـا أتنـقـى فالمزايـيـن بـالــذات=ولا الــرديـــه مــانـــدور رديـــــه اليـوم انـا بنصـى رفيـع المقامـات=بنصـى سعـد راع العـزوم القـويـه الطيب اللي له مع الطيـب عـادات=عــز الـخـوي ولا يـخـلـي خـويــه محـمـدي واقــول والنـعـم مــرات=والنعـم فـي ربعـه رجـال الحميـه اهل المواقف يـوم للوقـت ويـلات=واهـل الكـرم والكـيـف والشاذلـيـه ابي معه من طيـب القـول كلمـات=مصافـحـا لاهــل الوجـيـه النـقـيـه مـادام لمتـنـا صـواديـف الاوقــات=فـي مجلسـن للطـيـب والسامـريـه مافـيـه عـلـمـن جـــد ولا مـلـمـات=ياغيـر أوافــي صاحـبـي بالتحـيـه عربـون مقـداره وفعـل الكرامـات=ماينقـطـع بـيـن الـرجــال الـوفـيـه هــذا سـلامـي ياسـعـد والتحـيـات=عسـاك تسلم مـن صـدوف المنيـه الرد من الشاعر سعد المحمدي
جـتـنـي بـيـوتـاً مـــن زمـيـلـي جـزيــلات=مــــــن خـــالـــد مـبـيــريــك راع الـحــمــيــه مـــــن الــشــوائــب يــــــوم جـــنـــا نــقــيــات=مـــثـــل الـــذهـــب والـــــــورد بـالـمـزهــريــه بشمـوخـهـن يـشــدن جـبــال الـســروات=وأثـقـل مــن جـبــال الـهــدا مـــع طـمـيـه فـي حـال والا حــال عـنـدي خفيـفـات=أشـــــــــد لـلــمــعــنــي بــــطـــــان الــمــطــيـــه يـاخــالــد مـبـيـريــك زبن الونيـــــــات=يــالـــقـــرم يــــــــاراع الــيـــديـــن الــســخــيـــه عرفك شـرف ماهـي علـوم وخرافـات=مـــــن مـــــد لـــــي يـمــنــاه جــاتـــه مــلــيــه مـــــن نـــايـــد الاجـــنـــاب والا قـــرابـــات=والله مــاجــزاء راعـــــي الـطــيــب ســيـــه والـــيــــا رجــعـــنـــا لــلــعــلــوم الــقــديــمــات=أنــتــم هــــل الــــردات فـــــي كـــــل هــيـــه بــنــي عــمــر لا حــولــوا بالـصـقـيـلات=عــاداتــهـــم ذبـــحــــت عــقــيـــد الــســريـــه يـــوم انــهــا مـابـيــن جــولــه وصــــولات=افــعــالــهـــم مــــاهـــــي عــلــيـــنـــا خـــفـــيــــه أهل الوفاء وأهل الصحون الثقيلات=يــشــهــد عـــلـــى مـــاقـــول رب الــبــريـــه قـــومٍ لـهــم بالـطـيـب جـلـسـه وقـومــات=عــــــز الــرفــيــق ولــلــعـــدا ســـــــم حـــيــــه اخـتـامـهــا وردٍ عــلـــى شــكـــل بــاقـــات=لـــخـــالــــد مــبــيـــريـــك مـــــنـــــي هـــــديــــــه |
قضية حب بين مؤيد ورافض اضعها امام ناظركم دون حذف اي كلمه منها والابيات تشرح شئ من واقعها المرفوض البدع من .........
البارحه من ضايق الصد ر والروح=دق السهر فـي محجرالعيـن مسمـار سهـرت حتـى مطـلـع الفـجـر بـضـوح=أجــــــاذب الـــونـــات مــــــرات وأمـــــــرار وأبني من آمالـي عمـارات وصـروح=وأخــذ مــع طيـوفـه وسـيـرتـه مـشــوار قـفـى مـعـا زوجــه وانــا فـيـه مـجـروح=لاكـن موعدنـي علـى الــود بـاصـرار ابو عيـون خـرس والصـوت مبحـوح=وخدن معا (نوره ) يضيعن الانـوار وجادلن من فـوق الأكتـاف مطـروح=كنه ظلام الليل لا غطـى الأشجـار والـخـصـر والـردفـيــن مــــاودي ابــــوح=شـيــن يـخـلـي عـاقــل الــنــاس يـنـهــار راع الهـوى لـو يخفـي الـود مفـضـوح=يبحث خفـاه الشـوق ويبيـح الأسـرار ياجرح قلبـي فـوق مابـي مـن جـروح=فــــرقـــــاه ســـيـــفـــا لـلـمــعــالــيــق بـــــتـــــار مـالــه بـتـعـذيـب المـخـالـيـق مـصـلــوح=إذا رمــتــهــم فــــــي مـحـبــتــه الأقــــــدار شفنـي لجـل عيـنـه أجــي دوم وأروح=متحمـلـن كــل المـتـاعـب والأخـطــار الــــــــرد من خالد بن مبيريك
يـاعـاشـقـن فــــي ســكـــت الـــــود مــســـدوح=لــمــلــم جـــراحـــك واذكــــــرالله بــالاســحــار مـالــك عـلــي كــثــر التـحـاسـيـف والــنــوح=ودروب بـــاخـــرهـــا عـــراقـــيــــل وامــــــــــرار واحـذرتــرا خــلــك عــلــي نــقــص ويــــروح=كـنــه ســـوات الـمــوج واسـمــاك الانــهــار لـــعـــاب عـــاشـــق لـلـتـواصـيــف ومـــــــدوح=يـلـعــب عــلــى قــلــوب المـحـبـيـن تــكــرار والـيـا غـنـج لـــك كـلـهـا ضـحــك ومـــزوح=بـايـع وشـــاري فـــي الـهــوا ســـر وجـهــار مــاهـــم قـلــبــه لـــــو راي دمــــــك مــســفــوح=وجــهـــن جــديـــد يـفـظـلــه عـــنـــك بــيــثــار لـــو الـوفــا طـبـعــه مــشــي درب مــبــروح=لــــلــــي بــــنــــي بــيـــتـــه وظــــــــواه بــــالـــــدار ومـنـتـا عـلــى قــســم المـخـالـيـق مـسـمــوح=والـــحـــر مـايـنــظــر لـمــقــســوم الاحـــــــرار هذي نصيحـة مـن تسمـى فـي مسـروح=حربي ربي في حرب في دار الاخيار |
ودي اكسـر حاجـز الصـمـت وابــوح=واشرح لكـم بالحـرف قصـت عذابـي حـرام اقضـي كامـل العمـر مـجـروح=وامـوت مـن هـجـره ولـحـدن درابــي انـا مـولـع فــي هــوا القـلـب والــروح=زين الوصـوف اللـي غرامـه سرابـي عـاشـق وقلـبـي مــن تغـلـيـه مـذبــوح=والهجر ضاعف ياعرب من صوابي ابـات ليـلـي ضـايـق الـصـدر وانــوح=انشـهـد انـــه عـــن مـنـامـي انتـحـابـي حتـى الامـل ماعـاد لــه بــارق يـلـوح=مــــن زود صــــده مـاتـقـبـل عـتـابــي انا جريـح الشـوق والصـوت مبحـوح=اشـكـي لـكـم يـانـاس مــن حــر مـابـي |
ودي العـب فـي بحـر ثـايـر الـمـوج=الاعـب امواجـه واسـامـر سهـرهـا وتاخذني الموجـه مسافـات ونلـوج=فـي غبتـن ماقبـلـي احــدن عبـرهـا وترميني الموجه على كيف ماحوج=وتحظني الموجه لاارتميـت فـي نحرهـا واحـط مجدافـي علـى مايـل الـبـوج=واداعـب الموجـه وانـا فـي بحرهـا مـر اتقـارب لااخـر القـاع والـعـوج=ومــر اتبـاعـد لا تـقــارب خـطـرهـا لين ارتوي من موجة المالح الهوج=ثــم اتــوادع بالنـظـر مــن نـظـرهـا |
لاباس ياعز العروبه والاسلام=لاباس ياراع اليدين الكريمه ولله يابومتعب ماهوقول واوهام=اقسم عليها باليمين العظيمه لو قدرتي افديك من كل هدام=لقيم من اجلك جزيل الوليمه اقولها والله على الغيب علام=أقول مافي النفس والله عليمه ياحامي البيتين من كل ضلام=يحماك ربي من صدوفا سقيمه ياناصر المظلوم يازبن الايتام=انت المليك اللي يدينك رحيمه انت الهنا والظل عن شمس الايام=وانتى سعدنا في الليال الظليمه وانتى عن الامه من الجور دحام=في حاضر التاريخ ولا قديمه انتى وانت . وانت يانسل ضرغام=يشهد لك التاريخ . نخوه وشيمه الله يمد بعمرك اعوام واعوام=ويجزل لك الصحه وكامل نعيمه تمت وصلو عد لباس الاحرام=علي نبيا مامشي في النميمه |
الغيــــــــــــوم
ابتوارى عن عنا الشمس ف الغيم=واعيش كل العمر فـي ظـل غيمـه اقـيــم لا ســـارن مــعــي ظــلــه مـقـيــم=وارحل معه لا سـار ماهـي مقيمـه واســـج مـــع ظـلــه لـيــا ســـج واهــيــم=واقطـع معـه كــل القـفـار الصريـمـه وامـــــر لا مـــــر الـســفــوح الــمــراديــم=وارقى معه روس الرجوم العظيمه ولا هــل رذراذه عـلــى مـرتــع الـريــم=ابـتـل مــن دمــع الغـيـوووم الرحيـمـه القلب المسروق
عزاه ياقلبا ضحي العيد مسروق=انباق وازتمه غزيـّل تبوّق عليه خصرا فوق الارداف ممشوق=والصدر كل الزين حاقه تحـوّق قفى وروح به وانا فيه محروق=واعوق قلبا في غرامــه تعـوّق ابو ثنايا كنها لايح بروق=تنساب من ثغره سهوما تــروّق من عقب ماشفته وانا بي خافوق=حتا الخطا باقدام رجلـي تخفــوّق والعقل صابه من هوا الزين صافوق=قام يتصافق فوق راسـي تصــفوووق ياليت يطلب مني السوق واسوق=فـــي بسمتــــه ستين ناقه تــنوّق |
شفت القمر لاطل بول هلاله=وازداد نوره بين ليله وليله بعد مراحل دورته واكتماله=يصبح قمر كامل ولاله مثيله انت الوحيد أللي تشابه كماله=لابان نوره نور وجهك عديله اخذت من شكله وصافي جماله=وأخذت اسمه والصفات الجميله وزادك هدب في العين مايل ظلاله=وعيون تسحر والمحاجر كحيله والصدر كامل زين يمنا وشماله=والخصر شابه للسيوف الصقيله وباقيك ماودي ابوح بمثاله=انا اكتفي في نور وجهك بديله سبحان من صورك جل بجلاله=واضفى جمالك ماعطاك القليله |
الاياليت تخبـــر يازهــــر فــــي روضت البستـــــان=عن اسبــاب التباعـــد يازهــــر مابينك وبينـــــــي وانا انثر حــــــروفــي لك واغنــي يازهــر الحـــان=ابــي من عطــرك الفايــح من اهـــدابك وتروينـــي عطيتــك من عيونـــــــي دمعهـــا يازهــري النعسـان=ابي اسقـي جــذورك فالثـرى يازهــر واسقينــــي ومديــت اليـــدين لخدمتــــك يازهرتــــــــــي ولهـــان=لجـل احظنك لا ملتي على يسراي ويميني وانا ودي اعيش بجـوف حوضــك يازهـــر ازمـان=ابي اعطيك من روحـي وابــي يازهـــر تعطينـــــي وابـي امسح دموعــك يازهــر لــن قلتـــي زعــــلان=عسى دمعات عينك يازهــر تبكـــي بهـــا عينـــــي وانا بسهـر عيونـي يازهــر فــي خدمتـــك وامـــان=لجل احميك لاهبت هبوب الريح بيدينــي وابــي منك العتاب ان كان فــي حقــك انا غلطـــان=تـــدلل يابعد عمــــري انــا برضيــك وارضينــــي |
كل ماتشـرق اشمـس صوتـه طرالـي=وكل ماغابت اشمـس صوتـه فقدتـه وكــل وقـتـا قضيـتـه فالليـالـي لحـالـي=زاد الـمـواجــع لــــو عـيـونــي جـحــدتــه وكــــل طـيـفــن زارنـــــي فـــــي خـيــالــي=طــيــف خــلــن فــــي خـيـالــي رسـمـتــه مـاغـاب عــن بـالـي ولــو مـاضـوالـي=بـنــيــت رســمـــة صـــورتـــه مـاهـدمــتــه ماغاب عن قلبي وليف الليااااااالي=وعـشــق خـلــن فـــي خـفـوقـي عـقـدتـه ومـن نظـرة مـودع للمـواااادع بقـالـي=ذكــرى وليـفـن فـــي خـفـوقـي عـمـرتـه صـــبـــرة لـلـمـكــتــوب واعـــــــز حـــالــــي=وقلبـي جزوعـن لجـل زولــه خسـرتـه حاضر اعيـش بطعـم وقتـا مضالـي=وقتـا خـلا مـن شـوف زولــه هجـرتـه ذكــرت فــي نفـسـي عظـيـم الجـلالـي=وبـذكــر رب الـكــون كـســري جـبـرتـه مـاهـو خـيـال و هاجـسـا قــد سـرالــي=تـــــراه واقـــــع عــلــمــي الـــلـــي ذكـــرتـــه وشـكــواي لــلــي عـالـمــا كــــل حــالــي=مــاغــيــره اشـكـيــلــه بـــشـــي ضــمــرتــه |
سجّـيـت مــع قـوقـل مسّـيـر ودواج=ادوج فــي ديــار الـجـزيـره وعـربـهـا ماقـول بـي ضيقـه ولانـي بمحتـاج=مــن فـضـل ربــي ماشكيـنـا لهبـهـا ابـا اتسلـي مقـصـدي فـلـة حـجـاج=والعيـن تفـرح تحـت داجـي هدبـهـا مشيت فـي دربـا مطـول وهجهـاج=يامـكـثـر فـروعــه ومـكـثــر نـشـبـهـا علي ضفافه لاحت افواج وافواج=شفـت التناقـض فـي مبـادي ادبهـا لقيت من ضمنه شواهيـق وابـراج=ورجوم جـل الخالـق اللـي نصبهـا قمـت اتفكـر وادرج افكـاري ادراج=وتحـوم عيـنـي بالنـظـر فــي ندبـهـا ودي اتخير في الشواهيق معـراج=ابــا الطويـلـه منـزلـي فـــي شـذبـهـا واخترة من بين الشواهيـق مبهـاج=لجـلـه اخــذ عيـنـي وزيـنــه جـذبـهـا سمـي بديـوان العـرب حــل ديـبـاج=حلـة ذهـب احتـاز صافـي ذهبـهـا نوخت به زملـي وابـي فيـه ميـلاج=وده دخــل قلـبـي وعـيـنـي خطـبـهـا |
مأكنت أضـن الغدرطبعـك ومبـداك=كنت أحسبـك انسـان خيـر وعـادي أشـوف لمـعـه بـارقـه مــن ثنـايـاك=وأثر سوادك تحت عوج(ن)مسادي مالـك علامـه فـارقـه فــي محـيـاك=المشكلـه جوهـرك علـم(ن)وكـادي خلقتـك ماشـاء الله ويـازيـن مبـنـاك=وداخلك اكثـر مـن سـواد السـوادي لاكـن فـي يـومـك بتلـقـي سـوايـاك=دينـك علـي غاربـك ماهـو بـغـادي يمـنـاك بشـرهـا بمكـسـوب يمـنـاك=كامـل ولاينقـص بحسـب اعتـقـادي فعل الوفـا ماهـو لمثلـك و شـرواك=لـلـي يـشـوفـه غـايـتـه والـمــرادي يقلعـك ياحـي عـلـي الغدرممـشـاك=مثـل انقـلاع الـروح يـوم المـعـادي تنعـاف بفعالـك و ذكـرك وطريـاك=ويشـوم عـن نهجـك سليـم الفـوادي حتى الكلاب تعاف نهجك ومنحـاك=وهـذا تـراه اسلـوب منـهـا انتـقـادي لوهي كلاب(ن) سود ماهي بويـاك=فيها وفا ماهـو فـي بعـض العبـادي هــذا نصيـبـك انــت ياهـيـه يــاذاك=بالشعـر سطرتـه بحسـب اجتهـادي |
وافررررر قلبي فرتـن ماتخليـه=تفتررررربه في اليوم ستين فره تفتر في قلبـن غـدت حيلتـي فيـه=علـي هواهـا مـرتـن بـعـد مــره مــرن تلاعـبـه ومـــرن تبـكـيـه=ومرن علي جمـر الغبينـه تجـره ومرن علي واهـج النـار ترميـه=تكويـه فـي جمـر الوقيـده وحـره ومرن علي هـم الليالـي تضويـه=تسقيـه مـن علقـم شديـدن بـمـره ومرن تلوح له في هجعـة لياليـه=وتسري بنومه بعد نجـم المجـره |
انــت الولـيـف الـلـي لــك القـلـب فـــزززا=واهتزززز مـن تحـت الظلـوووع النحيفـه والـتـززز ودك فــي المعـااالـيـق لـــزززا=لـزززة وليـفـن يــوم عـااااااااااانـق وليـفـه ويازيـن لـك فـي داخـل القـلـب عــززززا=وعيـن(ن) علـي شـووفـك تـراهـا رهيـفـه ونفس(ن) عليك يهزها الشووووق هزززا=وعـاشــق سـاربــه ود .. خــلــه وطـيـفــه اروي ضما من كزززه الووددد كـززززا=فــي بـحـر حـبـك والـلـيـاااااااال المخـيـفـه فـي ليلـة(ن) يـسـري بـنـا الـشـوق رزززا=نسمـر مـعـا نــووور النـجـووووم المنيـفـه وامتززز من صااافي وفا الزييين مـزززا=اروي ضـمـى كلللللـلـل السـنـيـن العنـيـفـه في حزت(ن) ماااهـي مثـل كللللـل حـززا=فيهـا اجتمـع شـوووووق القـلـوب العفيـفـه |
الـراس مـن زايـد طواريـه مـرتـج=مثل الصريع اللي ضواه ارتجاجي فـي داخلـه تمّـرح هواجيـس تعتـج=واضحا لهـا مرتـع ومقيـال داجـي من كل مايطري علـي البـال تلتـج=متناقضات افكـار مـن كـل عاجـي أن جيـت ادرّجبـه واسلـيـه واســج=احتـارن اقدامـي ولالــي مـزاجـي كني سجيـن(ن) فالزنازيـن منـزج=في مشكله صعبه ولا لـه خراجـي سجانتـه زجـوه فـي عرضـهـا زج=والمشكـلـه فيـهـا علـيـه انعـواجـي قـام يتجـور مونـس الــراس ينـثـج=تـدوي بـه افكـارن بلـيـا انفـراجـي كنـه دوي اللـي كمـا الحـر لا هـج=ناوي الهداد الصبح وقت انبلاجـي لا أقلعت من صوتها الـراس يلتـج=والسمـع منهـا كـن جـاه انزعاجـي يـدوي محركهـا بالاصـوات ويلـج=تسمع صداهـا مـن بعيـد الفجاجـي ياطيـب مركبـهـا لـمـن فوقـهـا دج=يلقـى بهـا سـلـوه وفـلّـت حجـاجـي |
حنا ياابومتعب على العهد ماضيـن=نـجــدد البـيـعـه لـيــا اخـــر زمـنــا مانختلـف دايـم علـي الـدوم وافـيـن=مانختلـف عـن سـالـف ايــام اهلـنـا دون الوطـن حـنـا نشـامـا ميامـيـن=نمـوت مـن دونـــه ويسّـلـم وطـنـا مانختلف فـي قاسـي الوقـت والليـن=ون لـزّمـت حـنـا علـيـهـا عـزمـنـا وللملـك دايـم علـي العهـد صافـيـن=طاعــــه وحب وفــــي ولاكم جبلنا في عدلكم نرضى وللحكم راضيـن=في ضل شرع الله وشرعه حضنّننا انـتـم حـمـاه وعــز لـلـدار حامـيـن=فــي عـزكـم طـابـت ليـالـي سكـنـا من دونكم ناردعلى الموت ضامين=ونعـلّـم الـلـي فـــي ولانـــا جهـلـنـا يـاهـيـه عـنــا ابـعــدو ياالمـعـاديـن=حـب الملـك عـن غيـر حبـه عزلنـا |
[TABLE1="width:95%;background-color:black;"]
http://www.arabsys.net/pic/zkarf/38.gif | [/TABLE1]
http://www.arabsys.net/pic/zkarf/38.gif |
انتا فخور وكـل شعبـك فخوريـن=عز الفخر بك يالمليـك الحسامـي ياللي حمل قلبـك همـوم الملاييـن=يالشهـم يانسـل القـروم الكـرامـي ياناصر السنه ومنهجك بالدين=موفيك لو بكتب كثـــــير الكلامي تثني علي شعبك و شعبك وفييـن=لاهنت ياعـز الوطـن والحزامـي وقفت تشكرهم بجزل المضامين=والشعب ياقف لك وفا واحترامي قصت ولاء وحب مابين الاثنييـن=بين المليك وبين شعبن عصامـي قصت وفا تثّبت بجـزم البراهييـن=لو احتدم بالـدار بعـض العسامـي هـذا ابومتعـب وشعبـه عظيمـيـن=قصـت وفـاهـم ماعليـهـا مـلامـي |
الشمس مشرقها ترا مشرق الشمس=ليا أشرقت من غرب جـات القيامـه تجيك من مغرب تـرا فالهـا عمـس=مـابــه سـلامــه يـامــدور سـلامــه ياكيـف تطمسهـا بعـد بينـت طمـس=مـافـاد فيـهـا بـعـد جــات الـعـلامـه كنك سواة اللـي حمـس بنهـا حمـس=يـبــي يـزنـهــا وجــــاب الـمـلامــه نفسـه همـس مابينـه وبينهـا هـمـس=قــام ودفنـهـا مـثــل راس النـعـامـه ماعـاد فـي عينـه لهـا باقيـن رمـس=مايـدري ان الوقـت خلـفـه وامـامـه لو ملبسه ابيض وله مضهر برنـس=مالـه عقـالـن زيــن فــوق العمـامـه |
عادتـه مـن طبـع نفسـه مايحـب اللفـه=يبتعـد ويجـوز عنـهـا دامـهـا ملفـوفـه خلقـت الله هـي جبـلـه ماعليـهـا حـفـه=مستريـح البـال نفسـه طبعهـا عزوفـه االلسان ابلج يصونـه بالصـدق ويعفـه=والعيـون اللـي تشوفـه ماتقـال تشوفـه ان بـدا بالـقـول تـمـه صـادقـن مالـفـه=وان بداله علـم لافـي فاطنـن لظروفـه العيـون اللـي تراعـي حاجتـن منزفـه=لاحشـا ماهـي عيونـه تتبـع المزفوفـه لين شاف اللي حلاها مارجـح بالكفـه=في عيونه من غلاها بالحلا موصوفه يوم هاض القلب فيهـا ماحصلـه شفـه=لــو تعـنـا مالـقـا غـيـر العناوحسـوفـه لـن دعـج عينـه لهـا ولا يصفـق كـفـه=الغبـوق امسـا لغيـره والتعـب لكفوفـه كيف سارت خطوته يالربـع دفـه دفـه=انتهـا علمـي وجـلـه بايـنـات حـروفـه |
القلـب يحّـزن والمدامـع غريقـه=والنفس جاها من سبايب كدرها حزني كبير وصعب قلبي يطيقه=الله مــن دنـيــا نـكـابـد قـشـرهـا يوم القدر مكتـوب هـذي حقيقـه=والنفس مرهونه لموعـد قدرهـا نفـس البـنـادم ماتسـمـي عتيـقـه=في يومها المحتوم يعلن سفرهـا ياعلهـا فـي متسـع دون ضيـقـه=لاسار منزلهـا اللحـود وحفرهـا للمسـلـم الـلـي ماتغـيـر طريـقـه=ماغرتـه دنـيـاه يـومـه عمـرهـا عساه مـن قـوم الوجيـه الطليقـه=المومـن اللـي ملـتـه ماهجـرهـا |
وجـه الشبـه مابيـن قلبـي وبينـك=شوقه وشوقك للغيوم ومطرها يـحـن مثـلـك لا تـزايـد حنـيـنـك=ويناظر الغيمه ويرجـي قطرّهـا انتي صحاري والسحايب تزينك=لا رذرذت بالغيـث والله امـرهـا تروي ضما كبدك ويزداد زينك=وليا ارتوت كبدك تلاشا دهرهـا يخّضرّ عشبك فـي ثنايـا جبينـك=ويسر منظر وجنتك من نظرهـا رجع الوسـم منيـه وقـره لعينـك=ياكيف الوم القلب يـوم انتظرهـا يذبل خضارك لوتجافـت سنينـك=وقلبي بعد واحه ويذبـل زهرهـا |
سؤال عن قبيلة حرب وجه للشاعر غالي بن ربيعان وكان رده بقصيده اثلجت صدري موجوده على هذا الرابط http://www.m-harb.net/vb/showthread.php?t=91990 لذلك نظمت هذه القصيده لغالي الغالي ولكم تحياتي خالد بن مبيريك
اليـوم ياشعـري ابـي منـك ميـقـاف=وقفـت عزومـن مـا تثـنـا عـزومـه وانتا كفو ماحولك قصور وخـلاف=وافـي ولـك عنـد المناعيـر سـومـه اليوم انا برفعك في راس مشـراف=عنـد الجويـد اللـي رفيعـه سهـومـه غالي ابو نايـف ويانعـم الاوصـاف=سليـل مجـد وكــل مـجـدن يـرومـه حرن ولد حرن ونعميـن الاسـلاف=وليا اسندت للخـال ماجـاه لووومـه حرن تصدي للردي ربع الانصاف=الـلـي دلايــل شيمـتـه فــي علـومـه في كلمتن بين بهـا خبـث الاهـداف=من خبل مندز في خشاخش هدومه والكلمـه اللـي ناقصـه دوم تنـعـاف=بـومـه وتبـقـا دايــم الـــدوم بـومــه سلمـت ياغالـي ولاقولهـا اســراف=كفيت عـن ربعـك بكلمـه محزومـه وحرب الحرابه مالها ند واوصاف=هـذي حقيـقـه والحقيـقـه محسـومـه دوحـه تعـدا ظلهـا حد الاطــراف=يـا مـا التجابـه كـل امـه محـرومـه وياما التجا فيها مشايخ وعرّاف=لاجانهارن فيه يومي ويومه أمه لها تاريخ واضح وينشاف=يوم الردي قسمه عراميش ثومه وصلاة ربي عد مـن حـج واطـاف=عـلـي نبـيـن خـيـر الامــه وقـومـه |
ابنسحب من فـوق الاظـلاع سـرّي=كنـي علـي ماقيـل مجـرم ونصـاب بعد دخلت بجـوف صـدرك مـذرّي=متوقـع ان قلـبـك فـتـح لـيـه الـبـاب وش عاد اناظـر بعـد هـذا التحـرّي=يـامـا تحريـتـك ولاشـفـت تـرحـاب مانـي براضـي كــان هــذا مـقـري=انـا ابـي قلبـك علـي قلبـي حـجـاب مابـي انـا مـنـك الاجــاج الـمـدرّي=في زمهريرالشمس حارق وملهاب ايام عمرك فيه حلون ومري=امرارها ياهيه في قطع الاطناب لاتنتظـر يالـلـي رجــاوي مـحـرّي=ماني مسببهـا علـي درب الاسبـاب لـو كـان ثغـرك لـي بـاسـم يـسـري=ابتـجـاهـل ثـغــر خـايــن وكـــذاب انـا اعتـذر مقـدر معـاك استـمـرّي=لازال انـا وانـت بعـديـن واغــراب |
حضرت مع صديق لي أحدى أحتفالات قبيلة سليم في القريّه ف أستحسنت ان يكون حضوري واضح ومشرف لي ولـ قبيلتي
سرّ ياقلـم واكتـب جزيـل الصحايـف=ألـلـي لـهـا لــدو طويـلـيـن الاعـنــاق اختارجـزل القـول ماهـو النصـايـف=سطربيان الطيب فـي بيـض الاوراق لسليـم أبـن منـصـور راع الرهـايـف=اللـي علـي روس الطويـلات سـبـاق مصافح(ن) لااهل القلوب النضايـف=أهل الوفا والطيب من طيب الاعماق مـن راس حربـي ماعلـيـه الكـلايـف=ياخذ بيوت الشعـر مـن عـد ماضـاق مـن ربـع ماتضّـوي عليهـا النكايـف=معبّـد هــل الـبـارود والاســم بــرّاق الـعـزوه الـلـي تحتـمـي كــل خـايـف=تاريخهم واضح كما شمس الاشـراق لرحامـنـا السلـمـان والـقــدّر نـايــف=خطـوت مسيّـر والمواجـيـب ميـثـاق للـعـنـوه الـلــي ماقـفـتـهـا حـسـايــف=يعلـم بهـا منـهـو عـلـي الخافـيـه واق ردت ســلام وجـيـت مـانـي بعـايـف=لديـاركـم ياسـلـيـم والـقـلـب مـشـتـاق |
عـزاه ياميـر الشهامـه والاحـسـان=عــزاه يـارمـز النـقـاء والـسـريـره ينعـاك كـل الشعـب ياطيـر حـوران=وتنعـاك الامـه والجـمـوع الغفـيـره عليك عم الحـزن فـي كـل الاوطـان=وعـم الكـدر فـي كـل دولــه وديــره وشلون مانحّزن على فراق سلطان=الـلـي يـحـل المعـضـلات العسـيـره اللي شمـخ فـي كـل عليـا ولا . لان=ونـوخ لهـا ركابـه نـهـار السعـيـره مروض الصعبه وتذعن لـه اذعـان=حـرن زمـا للمجـد واصبـح نظـيـره سلطـان لطـام العـداء بـكـل مـيـدان=لـيـا اقبـلـت سلـطـان فــل المغـيـره له وقفتن تروي ضمـا كـل ضميـان=تـاريـخ حـافــل بالـعـلـوم المـنـيـره زيزوم له في صفحت المجد عنوان=وسجل له التاريخ سيـره . وسيـره عـسـاه للجـنـه ورحـمـه وغـفــران=ودارن بـهـا ينـعـم وعيـنـه قـريـره ننعـاك ياسلطـان بدمـوع الاحــزان=يالـحـر يـازبـن القـلـوب الضـريـره وفـيـك نتـعـزا يـاسـلايـل كـحـيـلان=بالصّـبـر لــو ان المصيـبـه كبـيـره لجل المصيـر اللـي مقـدّر للانسـان=نصبر على صدوف الليال المريـره ونطلب من الله يحفظ الحر شيهـان=زعيمـنـا زيــزوم شـبــه الـجـزيـره ويحفظ لنا هذا الوطـن دار الايمـان=ويحفـط لنـا كـل الوجـيـه السفـيـره ويمدهـم بالعـون فـي كـل الازمــان=يـكـمّـلـون بــعــز كــــل الـمـسـيـره |
الساعة الآن 04:32 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
