|
ديوان الشاعر عبدالرحمن مساعد الجحدلي ( الذراع )
بمناسبة اليوم الوطني لعام 1429 هـ
الله يعز المليك الحـر صقـر العـرب=سليل صقر الجزيـرة المليـك الإمـام الوائلي من ولد عدنان نعـم النسـب=عدنان جد النبي خير العبـاد الكـرام مجد الجزيرة موثّق بامهـات الكتـب=موطن رسالة رسل يجلون ليل الظـلام موطن حضارة معالمها تثيـر العجـب=في مكة أم القرى أرض الحرم والمقام بعد أذان النبي على المقـام استجـب=الناس يأتونها للحـج فـي كـل عـام حب المدينة سكن بالقلب مـا ينغلـب=بعد سكنها النبي رسـول كـل الأنـام رياضنا العاصمة ديرة ملـوك الذهـب=آل السعود الملوك العادليـن العصـام في شرقي المملكة أرامكـو والحسـب=بالزيت والغاز صارت تستفيد العـوام وبالقصيم العذية يوجد أحلـى رطـب=في مهرجان الرطب إحتل أفضل وسام عسير مصيافنا مـن زارهـا ينجـذب=مناخها معتدل في شمسهـا و الغمـام أحلى زراعة تبوك أزهارهـا والعنـب=والقمح والفاكهة واصناف بعض الطعام جيزان فيه العيون وفيـه وادي لجـب=فيه الجزر والسواحل والجبال العظـام إخدود نجران آية ذكرهـا مـا يغـب=أصحاب الإخدود بالقرآن نور السـلام حايل تميّـز بحاتـم والكـرم والأدب=يعد مضرب مثل على الكرام الحشـام أجمل بساتين بالباحة تشـق السحـب=أسواقها عامـرة بالخيـر والإنتظـام على حدود الشمال الأوديـة والعشـب=في مهرجان الصقارة صقرهم ما يضام الجوف زيتونها وافر وتحـت الطلـب=أقدم مزاين إبل بالجـوف ظـلاّ يقـام الشرع والعهد واحد بالرضا والغضـب=جميعنا شعب واحد مثل حـد الحسـام نقدّم ارواحنا للمـوت ضـد الشغـب=لعز رايـة وطنّـا نعتـرض للسهـام الشاعر / عبدالرحمن مساعد الجحدلي |
يا طير يا حايم
يا طير يا حايم على معمل البيـب=وصّل سلامي يـم رابـغ و رده أهل المروءه و الصفا و التراحيب=أهل الوفاء والطيب ساس المـوده طيب النبا و الفال و البن مايغيـب=للضيف و الجيران في كـل سـده أهل الكـرم ومكمّليـن المواجيـب=دائم قرانـا رأس فـي كـل مـده السور و الفضله في عاداتنا عيـب=من الحياء لو للنسـاء مـا نمـده يا طير سلّم لي على راعي الجيب=عبدالحكيم الشيخ من عهـد جـده ابوه و الاجداد ظلّـوا معازيـب=شدادهـم مثبـوت محـدٍ يشـده الغانمي إستملك النـاس بالطيـب=بالقـول و الأفعـال كـلاً يـعـده عميد في جيش الحرس و التداريب=كل الصعاب تهون لاجـات حـده يا طير سنّـد يـم ذيبيـة الذيـب=في ديـرة العتبـان شـد المكـده للمعمل السـادس ومر الأصاحيـب=رئيسهـم محسـن جبرنا نــوده سفياني المنسب ومن جاه ما يخيب=رجّال يالأجواد لـو جـات شـده و الدوسري زبران زين المواهيب=آبو حمد مشهور حتى فـي جـده يا طير لا تنس الرشيدي بلا ريب=صنيدح ابو سعود يـا طيـر بـده قدّم له التقدير حسـب التراتيـب=وختامنـا بالطيـب عـوده ونـده الشاعر / عبدالرحمن مساعد الجحدلي |
أمام لجنة تحكيم مهرجان شاعر المليون في النسخة الثالثة في قاعة القصر بفندق الهيلتون بجدة في يوم الإثنين 11/8/2008 م
باسم خالد الفيصل أمير الشعر واهلـه =سليل المليك الفيصلي طيّـب الأخـلاق ألأول بقول الشعـر والنـاس تشهدلـه = رفع شأن لهجتنا على كامـل الآفـاق نجوم الأغاني دايم السيف تحسـب لـه =كلامه يحرّك هاجس البال و الأشـواق عمل أُمسيات الشعر بالغـرب والقبلـه =بكل الفضائيات مثـل الصقـر خفّـاق دعم ساحة الموروث والفـن بالجملـه =أعـاد إحتفاليـات الآثـار والأسـواق نصيّف بسوق عكاظ ونشاهـد الحفلـه =وبحر جدّه الكورنيش يسلابه المشتـاق وتراث الربيع بشط رابغ علـى أصلـه = نشاهد و نسمع من فنون الشعر مالاق جهود الأمير كبار مـا ينلحـق فعلـه =أمير الثقافـة و الحضـارات و الأذواق أرحّب بكم ياضيوفنـا فـي ذرا عدلـه =هلا مرحبا يالجنـة الشعـر والميثـاق عسى الله يسلم حالكم طيلـة الرحلـه =فرحنـا بشوفتكـم بجـده وبالـي راق فداكم شبابي ياهل الطيـب و الجزلـه =فداكم جميع اللي ترونه مـن المغـلاق ترا شاعـر المليـون الأول ولا مثلـه =أشوفه على كل البرامـج بـدا سبّـاق نزيه المعاني مـا لقينـا مشابـه لـه =قوافيه تحوى علم يستاهـل الإطـراق يقولونهـا شعـار نخبـة ومعتـدلـه =مضامينها مثل الصدف داخل الأعمـاق أقدّم لشيخ العز شكـري علـى بذلـه = قضب للفنون اليابسة واكتست بـاوراق تفضّل على ذرفين الأيمان فـي فضلـه =يفرّج هموم اللي من الدين صدره ضاق عرض بيرق المليون والناس شامت له =تجاروا لكسب الفوز فوق القدم و الساق محمد ولد زايد جعـل للشعـر عملـه =لها مركزٍ عالي سـواة الذهـب بـرّاق الشاعر / عبدالرحمن مساعد الجحدلي |
قصيدة إجتماعية
يا سلام الله عليكم عـد وبـل الناشياتـي=عد ما هلّت و سيّل كل وادي مـن حياهـا مجتمعنا مـا نذمّـه مشتهـر بالطيباتـي=ملتزم هدي النبي و البيّنات اللـي قراهـا حكّموا نهج الشريعة بالتواضع و الثباتـي=لين صرنا في حضارة عز متجـدد بهاهـا المساجد عمّروها بالمـدارس و الصلاتـي=إن حضر وقت الفريضة قدّموها عن سواها يفتدون رقاب الأسرى بالجهود الكايداتـي=صلح ذات البين دائم يرخص الغالي فداهـا من كرمهم للضّمان الإجتماعـي بالهباتـي=فرحت العين الحزينة واستهلت في بكاهـا نحتفل بأعياد الأمة و الضمايـر صافياتـي=الفطر قبل الضحيّة ما نقصّر فـي وفاهـا ألأمان أكبر فضيلـة بالمدينـة و الفلاتـي=في ظلام الليل نسري ما علينا من رداهـا للقيّم نأخذ و نعطي مـع ثقافـات اللغاتـي=نستفيد بفايدتهـا نقتبـس جـذوة سناهـا في مجالات التطوّر و العلـوم المعضلاتـي=من كنوز الأرض نجنى وانطلقنا في فضاها هاض بالي يوم شاهدت النجوم السارياتـي=كل نجمٍ في مساره زيّنت صافـي سماهـا سيرها ثابت على مر السنين الماضياتـي=مااختلف سير الثريّا والنجوم اللي معاهـا المصيبة في بعضنا كل يـومٍ فـي شتاتـي=ضيّعوا للوالدين اللي رضا الله من رضاها اشغلوهم بالمشاكل واغضبوهم بالشماتـي=ثم في دور الرعاية أودعوهم فـي حماهـا إنقطع وصل الرحم اللي حقوقـه واجباتـي=ياصل الله من وصلها و يقطع اللي ما يباها اليتيّـم يطردونـه يارثونـه بالحيـاتـي=السعيد اللـي تكفّـل باليتامـى واحتواهـا المسيكين الفقيّـر مـا يجونـه بالزكاتـي=حكمها واجب مقدّس يرحم الله من عطاهـا جارهم ما يعزمونه فـي جميـع النايباتـي=يعزمون الزمرة اللي مصلحتهم من وراهـا الخوي يستحقرونه بالرمـوز الجارحاتـي=البدو تحقر حضرها والحضر تحقر بداهـا ضيفهم ما يطعمونه في سكنهم مـا يباتـي=يرسلونه للفنادق و يتغـذى مـن غذاهـا الغريب اللي مسافـر بالديـار الواسعاتـي=لو نشدهم عن طريقه يتركونه في عماهـا لولا حكّام الجزيـرة والقيـادات الثقاتـي=يردعون أهل الجريمة كان ضعنا في خزاها النبي أختم بذكـره المشفّـع يـا عزاتـي=المشفّع بالخلايق يوم تُبعـث مـن ثراهـا الشاعر / عبدالرحمن مساعد الجحدلي |
لعبدالله هجرس السبيّل
أشكي على الله و ثم أشكي على الغالي = عبدالله هجرس عزيز الجار و السيره أخوي ماهر يصيّح بالخـلا الخالـي = ومحمد يون مـن حالـه و تأثيـره واللي بناتـه بـلا راتـب يورّالـي = ما يمرّه الخاطب اللي يرتجى خيـره واللي يعد العدد في ضرب رجّالـي = ماهو مثل من يحس الضرب والعِيره واللي يعاني خلل بالجـاه و المالـي = ماهو كما اللي موكّلها علـى غيـره أشكي عليك البطالة يا بعـد حالـي = من جور صكّاتها ضاقتبـي الديـره غيث السماء ما يهل جنيه و ريالـي = رزق البشر من بعضها يالله الخِيـره يالله سألتك تشيـل المـر بالحالـي = وابشّر أمي و أبويه عـن تباشيـره صلاة ربي عدد مـا هـل همّالـي = على الرسول الذي وصّى على الجِيره عبدالرحمن مساعد بن شريّان الجحدلي |
لزياد حجاب بن نحيت
تستاهل الفوز بالبيرق يا سيـف الوطـن=يا زياد يا بن حجاب ابن نحيـت و نعـم بحضور ذخر العرب و ابو ظبي و الحصن=حضر محمد ولـد زايـد أصيـل الشّيـم أحيا تـراث الأدب بعـد اندثـر واندفـن=أحيا عكـاظ العـرب و معلقـات الحـرم لعل مربـى زيـاد تجيـه غـر المـزن=لعـل واد الرمـه تمطـر عليـه الديـم ابن حجاب المزيني مـا بخـس بالثمـن=ومن يد فزاع بـن مكتـوم شـال العلـم البيرق اللي لفولـه مـن شمـال ويمـن=في شاطي ابو ظبي أهل الشعر و النظـم ثمانية و اربعين شدّوا لقضـب الرسـن=قالوا جزيل القصايـد بالوطـن والقيـم مثل النجوم السواري بالسمـا لا سـرن=كلاً حمـا ماقفـه مـن أولـه ليـن تـم أهني حرب الشرف حرّابـة اهـل الفتـن=بالفارس الصيرمـي الشاعـر المحتـرم عامين مرت علينـا بيـن شـكٍ و ظـن=نراعي البيرق اللي طـار مثـل السهـم أول سعـودي لفـا بالبيـرق المؤتمـن=الحربي ابن نحيت اللـي وفـا بالقسـم هل الفرح مع قدومه بالقـرى و المـدن=عساه مـدّة حياتـه فـي رغيـد النعـم اليوم يا شاعـر المليـون زال الشجـن=من بعد فاز النقيـب زيـاد راس الهـرم عبدالرحمن مساعد بن شريّان الجحدلي |
في يوم الثلاثاء 22/11/1430هـ إحتفل الفنّان مرسال بن عبدالجزي بن مرسال بزواج إبنه أحمد في قصر البركة في مدينة رابغ وجاءت هذه الزومالة من جماعتنا أهل مدينة خليص :
سلام و الليلة مساكم خير و الفرحة كبيره=في ليلة أفراح الرجال اللي لهم ذكرى و سيره ويزيدها تشريف بحضور الرجال اللي شهيره=واللي يمد الطيب يلقا الطيب و نعزّز بناه
والثانية يوم المخايل خيّلت وقت الظهيره=والمزن قاد من البحر وامطر على كل الجزيره إلا ديارٍ مسنيه مامرّها ونقول خيره=والله كريم الوجه ربي ما يخيب اللي دعاه رد الشاعر / هزاع صالح و الشاعر / عبدالرحمن مساعد :
يا مرحبا ترحيبةٍ تسري كما ندخ الذخيره=زان الفرح بحضوركم يالله طلبناك الستيره انتم و حنّا فـ الوفا نمشي على علم و بصيره=واللي يمد الطيب يلقا الطيب يوم انه عطاه
المزن خرّج من بحر رابغ و غطّى كل ديره=يوم ان ابومتعب شملها بالمشاريع الكثيره خادم بيوت الله واهلها بالعدل قاد المسيره=الله يعز ملوكنا والدّار من كيد العداه |
لقد فقدنا شخصاً عزيزاً وشاعراً فذاً ويعتبر علماً من الأعلام البارزة في مجتمعنا نعم أنه عبدالرحمن بن سليطين القريقري إنه شاعر غني عن التعريف يمتاز بدماثة الخلق والإحساس المرهف . وهو من شعراء الكسرة المبدعين. ومن لا يعرفه يسأل عنه كبار شعراء الكسرة . لن أتحدث عن أخلاقه العالية .. ورجاحة عقله .. والابتسامة التي لا تفارق محياه وحبه للكبير والصغير قد متعه الله تعالى في حياته بحسن الخلق وجعل محبته في قلوب من حوله. لقد كان فقيدنا مثالاً رائعاً ورمزاً من رموز الوفاء في وقت ندر فيه الأوفياء وصديقاً صدوقاً في وقت كانت المصلحة هي العملة المتداولة بين المتصادقين أختصر فقيدنا مدة عمرية مقدارها مائة وأربعون سنه في أربعون سنة فقط رحم الله الفقيد رحمة واسعة وأسكنه فسيح جناته وألهم أهله الصبر والسلوان لقد توفي يوم الجمعة الموافق 18/8/1428 هـ نتيجة حادث مروري في دولة الأردن هذا وقد تمت الصلاة عليه في المسجد الحرام يوم الأحد ووري الثرى في مسقط رأسه في قديد نسأل الله العلي العظيم أن يتجاوز عنه ويغفر له وأن يجعل قبره روضة من رياض الجنة وأن يجمعنا به في جنات النعيم في مقعد صدق عند مليك مقتدر لاحول ولا قوة إلا بالله وإنا لله وإنا إليه راجعون ومن باب الوفاء لرجل الوفاء هذه أولى المراثي التي قيلت فيه وهي لشاعر قبيلة الذرا الشاعر حامد محمد عتيق الله الذروي
ماكل من يفقد مـن النـاس نبكيـه=ولا كل من يرحـل يجيلـه مشابـه ولا كـل كايـد مــن تمـنـى يعـديـه=والحـر يبـدي مـن طلايـع شبـابـه والنـادر الـلـي للمـراجـل مراقـيـه=كـلٍ بكـى فرقـاه واعـلـن مصـابـه تاهـت بـي الافكـار منهـو نعـزيـه=فاللـي غـدى فيـه النشامـا قـرابـه الوافـي اللـي جـود عزمـه يقـديـه=والطيب قانونه ومذهب سعى بـه تبـكـي دلال الـعـز فـقـده وتنعـيـه=ويبكيـه مـن قـدر مصيبـة غيابـه وجدي على اللـي مايبـدل معانيـه=جـم التـواضـع والادب والرحـابـه من مثل أبو فيصل ربوعه تبديه؟=ولا قام سد النوب واتقـن خطابـه مرحـوم ياللـي كـل وافـي يحيـيـه=شيـخٍ حسبنـا فالمواقـف حسـابـه ويالله يامـن كـل الاكــوان فيـديـه=وامره نفذ فوق النبي والصحابـه ياسامعٍ من كـان يرجـي ويدعيـه=أرحـم سليـل العـز واجـزل ثوابـه وتعوضنا فاللي بقى فـي محاريـه=ولا خاب من ينصاه والا التجابـه رحم الله الصديق الفقيد الشاعر الكبير / عبدالرحمن بن سليطين القريقري رحمه الله وأسكنه فسيح جناته هذه مجاراة من إنشائي لمرثية الشاعر قبيلة الذرا الشاعر الكبير / حامد محمد عتيق الله الذروي
عبدالرحمن اليوم لبّـى لداعيـه=واشوف كل الناس تبكي ذهابـه الصاحب الوافي رحل عند واليه=مرحوم يا رجل الوفا و المهابـه مرحوم يا صاحب شكرنا مباديه=مرحوم يا نسل القروم الطيابـه مرحوم يا راع الصفا في هقاويه=ضاري على طيب النبا في جوابه ألقاه فالعيديـن باحلـى تحاليـه=يعايد الأصحاب مـن كـل لابـه والقاه في المكتب و يفرح بلافيـه=يقابلـه و يودّعـه ليـن بابـه ولاقالوا الشّعار يحمـي تواليـه=يقنب سواة الذيب بين الذيابـه يالله يا رحمن تغفـر خطاويـه=فالموعد المشهور يسّر عتابـه يا معطـي الجنّـات يالله ترضيـه=في جنة الفردوس نـزّل جنابـه لاحول ولا قوة إلا بالله وإنا لله وإنا إليه راجعون نسأل الله العلي العظيم أن يتجاوز عنه ويغفر له وأن يجعل قبره روضة من رياض الجنة وأن يجمعنا به في جنات النعيم في مقعد صدق عند مليك مقتدر الشاعر / عبدالرحمن مساعد بن شريّان الجحدلي |
إهداء للشيخ / أيمن بن محمد بركة بن اسماعيل بن مبيريك الغانمي الحربي
يالله لا تخذل مقابيس الأجواد = آلاد غانم محتمين الحدودي مقدم قبيلة حرب من عهد الأجداد = في كل واجب و الخلايق شهودي عند الملاقا ما يهابون الأضداد = ميقافهم يغلب جيوش الجنودي أهل السخا لا شحّت الناس بالزاد= يقرون لافيهم بكل الجهودي أيمن ابن مبيريك أنكر للافساد = قدّام ابو متعب أصيل الجدودي جدّد له البيعة من الحضر و الباد =بمحافظة رابغ و شد العهودي وقال الملك عبدالله عنهم للاشهاد = شهادةٍ تعمي عيون الحسودي شكر لهم الدعم و الحرب وقّاد= فـ حصار جدّة بالذهب و النقودي الشيخ أيمن للمواجيب ورّاد = ما يترك الواجب صدوق الوعودي عتّاق للأرقاب مزبان الأمجاد= في صلح ذات البين دايم يرودي راع الوفا و بنيّة الخير معتاد = يمشي على درب الهدى و الرشودي تعيش يا بو مشعل بخير واسعاد= عزيز في دنياك ترقا سنودي الشاعر / عبدالرحمن بن مساعد بن شريّان الجحدلي |
إسكان الملك عبدالله الخيري برابغ
الله يعـزّك يـا زعيـم المطاليـق=تسلم يابومتعـب يـاراس القيـاده محافظـة رابـغ لحقهـا ملاحيـق=مع كارثة جـدّة و ذيـك القـراده إسكاننا الخيري غرق شر تغريـق=السيـل شـرّد ساكنينـه شـراده حريمنا ثنتيـن مرضـى معاويـق=عضبا و مشلولة طريحـة وسـاده السيل داهمهن و صاحن من الضيق=يدعون رب الناس يرسـل عبـاده الله يجمّل حـال عـادل و توفيـق=وااهلهـم اللـي كمّلـوا بالسعـاده قاموا بواجـب ديننـا و المواثيـق=الجار ما نرضـى عليـه النكـاده صلّوا على المختار سيد المخاليـق=اللـي دعانـا للهدى و الشـهـاده الشاعر / عبدالرحمن بن مساعد بن شريّان الجحدلي |
منحة جنيه الذهب درعٍ ثميـن=عليه سريت يابـرق الخيـال إسمي كتبتوه مع إسم الظنين=والرد شريت من كيف الـدلال لو بااتحلّم بحلـم الحالميـن=حلمي بتكريمكم هـذا محـال سامي تجمّل بمجهود اليديـن=تاج الفخر للعـوادة والعيـال يا حاتم الزايدي ذرف اليميـن=الله يعزّك يا مقـدام الرجـال شاعر جميع العرب والمسلمين=شاعر جهينة محمد لا جـدال الشاعر / عبدالرحمن بن مساعد بن شريّان الجحدلي |
عبدالمحسن بن مستور المرعشي طلب مني أن أرثي الشيخ / عبدالله بن عايض الزبالي و قلت :
حبيب القلب راحل عن حبيبه = مالومك بالبكا يا طرف عيني سهام الموت يا ربعي قريبه = تقطّع في رقاب الغافليني وعبدالله سعد من يعتزيبه = رماه الموت قطّاع الوتيني بحادث سير استوفى نصيبه = نصف شعبان وافاه اليقيني فراق الشيخ بن عايض مصيبه = من اهل الدين والحظ المتيني بشوش بوجه كل من يلتقيبه = ويصلح شرهة المتخاصميني منابر ديرته تشكي مغيبه = حجر واهله على شانه حزيني بني ذكوان ما ينسون طيبه = زبيد اهل الشداد الصارميني عزاة الطيب من حرب العريبه =حماة الدار في قسوة وليني عسى رب السموات الرقيبه = يعزّه بالجواب المستبيني بواسع رحمته ربي يثيبه = جنان الخلد دار المرسليني رثيت الشيخ والمولى حسيبه = ولاشي معرفة بينه و بيني رثيته بالكلام اللي طريبه = كلام الناس عن حاله يجيني رثيته بعد ما جاني صحيبه = يقول ارثيه والمطلب ثميني فقيه الدين واجب نحتفيبه = خيار المسلمين الصالحيني رجال الطيب فرقاهم ضريبه = تهز المجتمع طول السنيني محمد يا محمد يا نجيبه = تصبر و الفرج للصابريني حكم ربي علينا نرتضيبه = على كل حال و المولى يعيني ترا الدنيا مصايبها عجيبه = غدت بالأنبياء والحاكميني صلاة الله على من نقتديبه = رسول الله رب العالميني الشاعر عبدالرحمن بن مساعد بن شريان الجحدلي |
وفاة الشيخ حميد ابو زيد ظهر يوم الأربعاء 14-11-1432هـ
يا سالم سليّم حاصل العمر محدود=مصير الخلايق كلهم للنفادي هلاك البشر مكتوب للبيض و السود=ولا ينفع الميّت كثير الحدادي وكل العمل يالشيخ مكتوب مرصود=عسانا على درب الهدى و السدادي عقيد الوفا حميد ابو زيد مفقود=فقيدة لرابغ شيخ و النور بادي على منبر الجمعة له خطاب مشهود=يحث البشر على سبيل الرشادي ومأذون شرعي للمواثيق موفود=يوثّق عقود الناس في كل مادي في علم الفرائض عنده شداد مشدود=مريّح قضاة الشرع في كل نادي من اعيان رابغ بالمهمات منشود=سديد السواير و الفكر و المبادي ومن ماضي الأعوام بالطيب معدود=مسيرة شرف ويشهدون العبادي وجودي عليكم يابو طارق بلا حدود=رحلت و رحل طارق ولا انتم بعادي دعيناك ياربي لهم خير موعود=لهم جنّة الفردوس يا خير هادي الشاعر عبدالرحمن بن مساعد بن شريان الجحدلي |
معيتق الجحدلي يستاهل المدح و الفخر=أصيل في معدنه مثل الذهب غالي عياره يجلب نفيس الجواهر لا غاص في لج البحر=طول العمر مغتني كسب الشرف ماهو خساره تلقاه بالصف الاول فالعصر و لا فالفجر=الفرض ما يتركه فالمسجد اللي جنب داره يمشي على العز و القانون في ميدان البشر=عند اللوازم و المعالي مجلسه فالصداره من دون ربعه يقف ويحيّر الظالم بالظفر=يسخي بماله و روحه من دون ضيفه و جاره الله عطاه الخلف بعيالٍ أهل فكر و ذكر=يسعون للطيّبة لو إنها رأس المناره الشاعر عبدالرحمن بن مساعد بن شريان الجحدلي |
سلامي لكم يا شباب الرجولة رموز الشريعه قروم الرجالي حزام الوفا و الكرم و البطولة مقرّر لكم فالقرون الخوالي على شرع ربي و سنّة رسوله هزمتوا طغاة الكفر والضلالي وعاد العدو داهمتنا فلوله قوى ناعمة فالسهل و الجبالي سموم الفضاء و الأثير انتخوله على الدّش و النت جوّال غالي وياللأسف كل دار دخلوله غدوا بالطفل والغرير الغزالي ومن يطلب العلم يشكي ذهوله تأثّر ضميره عن العلم سالي وكل يوم نسمع بقصّة مهوله فضايح مخلّة في بعض الجهالي طريق الهدى يا شباب ارجعوله وعوجوا عن ابليس في كل حالي غرام الهوا احذروا من ميوله توقّوا عنه بالغرام الحلالي هوى النفس بالدين نلقى حلوله وغض البصر من سمات الكمالي ومن همته للقيادات حوله يحوز الأمل و الشرف و المعالي ومن همته ما تعدّت حثوله يعيّر و يردا وسيع الحثالي خذوا صافي العلم عرضه و طوله وخلّوا خبيث الخزى و الهبالي وصلّوا على المصطفى واتبعوله شفيع الأمم عند رب الجلالي الشاعر عبدالرحمن بن مساعد بن شريان الجحدلي |
* كتب الشاعرالإعلامي محمد بن سبيل يرد على تعليق لي في إحدى مشاركاته في صفحته على الفيس بوك : يالجحدلي ياحبني لك وشرواك@@انا اشهد انك يابن الاجواد وافي وهذا مجهودي لعيون راعي الأولّه أرجو أن يتقبّله وينال استحسانه : * يابن سبيّل دمت واللاش يفداك@@الله يعزّك يالأمير السنافي شاعر و إعلامي سعودي فداياك@@اللي يعادونك على جرف هافي شاعر و حظك بالشعر يطني عداك@@يشرح صدور اهل القلوب النظافي في ساحة الإعلام جزلة عطاياك@@جدّدت تاريخ الأدب و القوافي من وقت بن شلاح يانجم مسراك@@على الحجاز و نجد مبداك ضافي الله يحبّب فيك وافين الانساك@@اللي محبّتهم تجيب العوافي الله يجيرك من تهاويل دنياك@@يافخرنا في كل نادي ثقافي الشاعر عبدالرحمن مساعد الجحدلي |
لي الشرف خدمت ارامكو 25 عام
لي الشرف والله يعلم بالحقايق كلها تدعم وطنا للأمام من عهد تأسيس الإمام حكم الملك عبدالعزيز العبقري أسس لها منارة التعليم الأولى و التميز في المهام الجوهرة و جامعة كاوست تبيّن فضلها سنين مرت همنا حق الزمالة و النظام مثل النجوم السارية مانختلف عن دلها بنيت منزل في بلد رابغ على عز و سلام الفضل لله في تكاليفه وثم يحسب لها اعلان تكريمي يحملني أمانه و التزام مسيرة الإنجاز و الإخلاص وإبداعي لها واقول للي تم تكريمه معي أحلى كلام روح الأخوة والتسامح و الوفاء ما مثلها الصلح خير و فايدة ما فادنا كثر الخصام نذكر بعضنا بالجميل الدار زايل ظلها نعمين بالطيّب علي مختار مقدام الكرام رئيس الإطفاء كلها كل الصعاب يحلها. الشاعر عبدالرحمن مساعد الجحدلي |
آه من حزني اللي بالحشا صادني
سال دمعي نحل جسمي و قلبي صويب رحت ادوّر علاج الطب ما فادني حالتي ماعرفوها حيّرت للطبيب رحت للبر و نخله و البحر زادني ذكروني بحالي والفراق الصعيب رحت لهل الفرح و حالهم كادني الفرح راح لحظة حان وقت النصيب لكن استغفر الله للصبر قادني النبي و الصحابة في جوار الحسيب الشاعر #عبدالرحمن_الجحدلي |
قصيدة شاركت بها في حفل زواج الشاب / طلق بن معيض الحربي يوم السبت ليلة الأحد 1435/8/16 هـ الموافق 2014/6/14 م في مدينة جدة قاعة ليلة فرح
يا مرحبا واهلين مع بن وبهار=حياكم الله يا جميع القبايل بندر معيض الجابري يكرم الجار=للضيف جوده مثل نو المخايل في خوته للناس شيمة و مقدار=حاش المراجل والثنا و الجمايل هنيكم يا حرب قرناس الاحرار=واخوانه الوافين قول و فعايل ذخيرة معيض العجي حر سنجار=اللي على شعره ما ياخذ نوايل معيض شاعر حرب مغلين الاسعار=يسلم الموجب و يبدع جزايل عوق الخصيم ويحتمي كل مسعار=يارب جازه بالجنان الظلايل ليلة فرح انوارها زادت انوار=حفلة طلق راع الوفا والصمايل طلق دعاني قلت ما فيه معذار=حاضر على الميعاد والشك زايل ما يردني عن واجبه بعد الاسفار=اطلع على شانه جميع الوسايل أهدي له التكريم مع طيب الاشعار=احمي له الميقاف و الرأس طايل مبروك يابن معيض وفيت الاخيار=اللي عنوا لك يا أصيل الخصايل ختامها صلوا على خير مختار=شفيعنا يوم الحشر و الهوايل عبدالرحمن مساعد الجحدلي |
قصيدة بمناسبة صدور كتاب الدكتور حامد بن محمد الاحمدي ألوان الحماسة و المناسبات
افخر بكم يا حرب يا قومٍ تعزون الرفيق شيالة العاني نهار البأس دونه تحتمون اهل الوسوم اللي لها تاريخ من عهدٍ عميق اهل السلوم الطيّبة في كل واجب تفزعون كم واحدٍ مسجون عوّد من فداياكم طليق عوض و خالد مع محمد والقبايل يشهدون جاني كتاب الاحمدي حامد وتوثيقه وثيق وثّق تراث اهل الحجاز وشعرهم عبر القرون الاحمدي من حرب مقدم حرب والأصل العريق يستاهلون النعم والحسّاد مايستاهلون تستاهل النوماس ياحامد و مقدارك يليق دكتور في علمك و ربعك باحترامك يفخرون رد الثنا واجب وراع الأولّة ماله لحيق الطيب ياحامد من اطباعك لعلك ماتهون ذكرتني وسط الكتاب اللي كما الدر العتيق جزاك عند الله رب العرش جلاب المزون الشاعر / عبدالرحمن بن مساعد بن شريان الجحدلي |
قصيدة في رثاء شاعر حرب الشيخ مبروك ابوناب العصلاني الحربي رحمه الله
يقول بن شريان العمر مكتوب ذكرت الله و الأيام معدوده رحل مبروك ابومحسن نقي الثوب ابوناب ارتحل عنا لمعبوده يعز الضيف و الجيران والمغلوب يوافيهم و يرضيهم بمجهوده صميدع لااعتزى يبشر بصف حروب مواقف حرب بين الناس مشهوده زعيم الشعر و الشعار فالماجوب على وضح النقا يقدح من زنوده يصك النوب لامنه دعي للنوب في إبداع القصائد اثبت وجوده أمام ملوكنا له ماقفٍ محسوب يقول الشعر في رابغ عن فهوده على دعوى الخصوم ابو حسن مندوب يخلّص ما عليهم طيب منقوده عياله في محله ضوهم مشبوب على ساير ابوهم سيّروا ذوده اعزيهم على نجمٍ غدا محجوب جميع الناس من فرقاه ملهوده يارب اجعله بالفردوس يالمطلوب في جنات النعيم تحقق خلوده صلاة الله على نبيّنا المحبوب شفيع الناس يوم الحشر ورعوده الشاعر عبدالرحمن بن مساعد بن شريان الجحدلي |
تشرفت بإهدائي درع تذكاري و تكريمي من الرداعين من قبيلة آل محمد من قبيلة سبيع الغلبا أثناء حضوري حفل زواج منومس قبيلة سبيع الغلبا الشاب الشاعر / سعد بن محمد السبيعي وابن عمه الشاب سعد بن مسند السبيعي في محافظة رنية وكان الحفل جميل و متميّز بحضور عمالقة شعر المحاورة و النظم و تغطية قناة الساحة وشاركت بقصيدة أقول فيها :
من قبيلة حرب و العاصي يطيع نوفي القانون و نسد الديون يا سلام الله على منومس سبيع نومس الغلبا لعله ما يهون شاعرٍ في ماقفه حصنٍ منيع يحكم المعنى على كل اللحون يا سعد افراحكم فخر الجميع الرجال اهل العوايد يحتمون جيت من رابغ على دعو الشجيع نكمل الواجب مع اللي يكملون الصحيب اللي له القدر الرفيع معتلي فوق الثريا و المزون الأصيل محمدي سيفٍ بريع من رجالٍ فاللوازم يذكرون قاله الحربي و يختم بالشفيع النبي المصطفى نور العيون #عبدالرحمن_الجحدلي |
قصيدة ترحيبية بمناسبة حفل زواج محمد حسن عابد الجحدلي
مرحبا باصحابنا و الجماعة و الضيوف في مقام الجحدلي مرحبا بالحاضرين يا محمد الف مبروك مئات الألوف بارك الله في زواجك يا شبل الطيبين نضبط الكيف و نزيد القناد اللي يزوف دلةٍ فنجالها نبتديبه باليمين ياصل اللي في صدور المجالس و اللجوف بالذبايح و المواجيب دايم محتسين الجحادل يبدعون القصايد و الحروف عرفنا قانون عند القضاة الفاهمين الجحادل فعلهم بالبنادق و السيوف صفنا يغلب صفوف العصاة الظالمين دارنا في ثول و أيضاً في رابغ و الخيوف في حجر و الواسطة عندنا مالٍ ثمين من زبيد أهل الشرف و اللوازم و الصفوف بيرق الزبدان مزبان قاسي ما يلين من قبيلة حرب ريف الضعيّف والهنوف حرب حرابة دول يكفلون الغارمين دولة آلِ سعود خير وأمن من غير خوف طبّقوا حكم الشريعة على سنة و دين راح عبدالله رحل في جوارك يا رؤوف يالله انك ترحمه يا إله العالمين السعودية وطنا رغم كل الظروف للملك سلمان و مقرن و محمد طايعين من بحر جدة الى بحر سلوى و الهفوف من جبل دخان لـ حقل شعب مبايعين والختم صلوا على نورنا يوم الوقوف النبي المصطفى من جميع المرسلين عبدالرحمن مساعد الجحدلي |
بمناسبة تكريم الاعلامي حمد الشدادي ( نيوز حرب )
من لامكم يا حمد حاسد و ملعون شد العزم يا حمد و الناصر الله قاموا لك أهل الوفا بالطيب يثنون تستاهل المجد و التكريم و الجاه قام الذويبي و جوله حرب يسعون من كل ديرة و ماقفهم خبرناه الشيخ خربوش أمير لحرب مايهون إليا دعانا نجي له مانتعداه ضيف الله الصالحي ممشاه قانون يوم انه أعلن لتكريمك سمعناه محمد الشيخ بن جازي كما النون في داخل اعياننا جزلة عطاياه شرفتنا يا حمد جيناك بالعون كلاً يقدم مواجيبه بيمناه نيوز حرب القطار إشرف على الكون له خط معروف مثل الشمس مجراه وثّق خبر حرب عند اللي ما يدرون عن حرب واللي تجاهلنا خزيناه حرب القبيلة عطوا تسعين مليون في عتق الارقاب نفخر به ماننساه والعلم ماهو من وكالة يقولون صوتٍ و صورة وكل الناس تقراه النت موجود في خط التلفون و العم قوقل يخبّر كل من جاه الشاعر عبدالرحمن مساعد الجحدلي |
الساعة الآن 01:59 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir