|
ديوان ابراهيم القرون
ياراعي اللفلفه متى بتمشي كذا = طول الزمن وانت تحدر شرق وتسند مرن تماشي هذاك ومرة مع هذا = ومرار بالعمه البيضاء متجند ان وفروا لك ظلال وماء شرب وغذا = شاركت من دون لا ترتاح وتبند وان قالوا ينوب عن ماتفعله ذاوذا = شفناك في فية الشيبان متسند ماهكذا تورد الابيار ما هكذا = بالمجمله وان بغيت افند افند خذلك مثال من امثال العرب يحتذى = استوسط القافله والند ضد الند جزا الوفا بالوفا جزا الاىا بالاذى = والخبل زل القهاوي مير ماقند واللي عطاك ورفضت ولن عطيته خذا = ماودك الاتقص يديه بمهند ويغنيك عن ريحة البارود ريح الشذا = لاصار خصمك عنيد وراسك معند واليا كذبتنت مره فانت كاذب لذا = لا جيت تروي روايه صادقه سند |
ابتكلم وانا شاعر ولا ادري كيف ابتكلم = عن ديار السعوديه وعن حكامها ال سعود ديار المعلم البارز ولاتسأل عن المعلم = ولكن بسألك وش نفتخربه والحرم موجود نحبك ياوطنا والعدو شاف الصدق وابلم = ولن حرك لسانه عندنا له صارم مجرود نشوف الخارجي لاشاف فلم الخارجي وافلم = يعادي موطنه لوموطنه ضمه وهو مولود ولن كانه رجع للرشد وارخى المحزم وسلم = والا كلنا دون الوطن ومواطنيه جنود نعرض فعولنا وفعول ابوتركي ونتعلم = موحد دولة التوحيد يوم ان الليالي سود لكنا اليوم نرقى فالحضاره رقية السلم = بعد مادلناه العود رقونا عيال العود معاهم قوة لوشافها الكافر رضخ واسلم = ومعاهم رحمة تنجي السجين القاتل المحدود ماتلقى مثل حكام السعوديه ولو تحلم = لك الله كيف تلقى لك ثمر من يابسات العود وطنا نور مير النور في تال الليال اظلم = متى بيعود نور فارق الديره متى بيعود اهني سيدي سلطان يوم ان الولي سلم = ابفرح به وتفرح به قلوب مالها معدود راع ليمنى الكريمه لم يشح بما يمده لم = على مشروع الاسكان وعلى الايتام والمضهود خلقه اللي خلق هداج والله بالثنين اعلم = رموز لجود في شهب السنين ان سولفوا بالجود ابولم بالشعر لاشفتنا راع البعير اولم = لأت الشعر ابلغ من سنام الحشو والمفرود وصلى الله على الهادي البشير واله وسلم = عدد ماناضت بروق الغيوم وهبهبن النود |
>>>>صعبات المحاريف<<<<<<
انا بصعبات المحاريف ملتذ = مانيب شاعر كلما شافها ذل اشفق عليها شفقة الفذ للفذ = لاصار مايسمع كلام العواذل والشاعر اللي بذنا بالسهل بذ = لامن وقف قدام ابوزيد خاذل قله تغذ الشعر من مدغم وغذ = ولا كفاك من العنا والبهاذل مانيب لا عالم ولانيب جهبذ = ولانيب من يمشي طريق المراذل عديت رجم عن رجوم الفضا شذ = والنذل عن رقي الطويل امتناذل وامطر علي غيم البخيلين بالرذ = وانا على شان البخيلين باذل |
>>>>صعبات المحاريف<<<<<<
انا بصعبات المحاريف ملتذ = مانيب شاعر كلما شافها ذل اشفق عليها شفقة الفذ للفذ = لاصار مايسمع كلام العواذل والشاعر اللي بذنا بالسهل بذ = لامن وقف قدام ابوزيد خاذل قله تغذ الشعر من مدغم وغذ = ولا كفاك من العنا والبهاذل مانيب لا عالم ولانيب جهبذ = ولانيب من يمشي طريق المراذل عديت رجم عن رجوم الفضا شذ = والنذل عن رقي الطويل امتناذل وامطر علي غيم البخيلين بالرذ = وانا على شان البخيلين باذل |
ابغى خوي ناديت يافلان خاو = لكن عزوم فلان ذا خاوعت اشوف حضي ظامر البطن طاو = وحضوضهم لامن بغوها طاوعت اوعي حضوضي وادندن بماو = لكن حضوضي توها ماوعت تقاو ياقلبي عليها تقاو = مادامها لاقاوعت قاوعت |
ضحكتك يالصاحب علي ماتمرر = ماهوب انا اللي هالسوالف تمره كم واحد من ضحك سنك تغرر = الين صار بيدك حبل تجره يبطي وهو في قبضتك ماتحرر = يحسب علومك تنتهي بالمسره وانته مخادع للمصايب تجرر = وتتبع طريق ابليس مع كل جره وان كان عندك مايبرر فبرر = لوكان ماتملك من الحق ذره اذن ياخداع البشر قد تقرر = تنفى عن الارض ورفاقك لبره سكان هذي الارض منكم تضرر = لاعاد اشوف وجيهكم فالمجره وصحيت من حلمي عساه يتكرر = عشان افارق جنسهم لولمره لوكان غيري للشكايات حرر = والقاضي افتى مير فتواه مره حنا قرينا فالكتاب المقرر = ان المنافق مايكافيك شره وانا حركاته علي ماتمرر = ماهوب انا اللي هالسوالف تمره |
ياصاحبي قلبي عليك يتخفق = من يوم وادعتك وداع المفارق وعيوني لشوفة عيونك تشفق = الياطرق باب المحبين طارق رمشك رمى قلبي ورميه متفق = تفاق والبارود خارق وحارق ما الوم عيني يوم قامت تدفق = الين شفت القاع بالدمع غارق ياصاحبي دوك الفواد وترفق = تراه يجفل كلما شاف بارق مير الفواد ايد قراري وصفق = واضوى على اللي كنه البدر شارق الله جمع بين الثنينه ووفق = والحب سهم للفوادين خارق ماهمنا حكي الحسود الملفق = قله ليا كمل كلامه يفارق |
ياوليفي بعد خليتني فالطريق = شفني اليوم قدلي خمسة ايام ملقي بين جور الزمان وبين جور الصديق = لين قلبي غدا من بين الاضلاع فلقي لو تحيزمت ضدك بالحزام الوثيق = ماقدرت اهزمك وانته عوانيك شلقي وانت وصفك فريق وكل ربعك فريق = سالق قلوب الاعدا بالتواصيف سلقي أسرح ان شفت وجهك عند وجهي وافيق = مير سبحان من فرق بوصفك ووصفي والله اني ما أدور لي بدالك رفيق = كان قلبك من صدوف المقابيل قلقي ودي اصيح لك من فوق هضبة طويق = مير من كثر ما اناديك قطعت حلقي وودي أسري على جرتك مير الطريق = من كثر مانزل فوقه من الدمع زلقي تعرف الحب ياعبدالعزيز العتيق = وجهك الطلق لاحبيت ماهوب طلقي |
سعادة الدنيا ثلاث الفتن = تسعد صويب القلب من نضره الماء والخضره ووجه حسن = وانا نضرت الماء والخضره والثالث اللي ماتحقق واظن = بيني وبينه سور منحضره نحرص على جمع الثلاثه لكن = تقوم ذيك وذي محتضره واللي على بالي يحن ويرن = ان قام نضره وان جلس نضره ماضنتي حلياه فاهل الوطن = اهل الوطن من بدوه وحضره الفرق واضح للغبي والفطن = الصيهد الممطور والغضره ان روح طيور الفرح روحن = وان كان حاضر حي ذا اغلحضره |
زميل ومدرس اخذ في نجران عشر سنوات
سلام تسليمة وفا واجلال = مني وانا ابراهيم لك يا اشرف عساك دايم مستريح البال = فالصبح ولا الليل لاطرف ابسألك في شي ماينقال = وانا اعرفك بتقول لي ما اعرف لاصرت وسط المملكه رحال = نجران ولا وسط نجد اصرف ولا انت رجال وولد رجال = وشاعر تنافس فالشعر حجرف يامصر ارضك منبع الابطال = وتاريخ شعبك بالقلم زخرف زخرف على روس العرب تمثال = يحكي صمود البائس المترف |
لازان هوجاسي وقربت الاقلام = واخذت لي من طبخة الكيف دله قربت مايطرى علي لو ورى الشام = الين ياتيني من اقصى محله واليا بديت ابدي بهامات الاهرام = واقطف من البستان ورده وفله مانعرف الشهره ولانعرف اعلام = ولابعد شاركنا سطور المجله لكن لوبنشهر على الساحه حسام = ماعاد للشعار سيف تسله ماني خلف هذال ولا ابن وسام = مير الطريق اللي مشوا به ندله يامرحبا عد الليالي والايام = يامرحبا ترحيب خل بخله يامرحبا ترحيب مثل الذهب خام = يصرف على الحضار والحفل كله حياكم الله عند شيخ ومقدام = مقدام والماجوب مايستجله اليا دخل سوق المواجيب سوام = يوم ان بعض الناس ماجاه لله رقمه يزاهي فالكرم كبر الارقام = وتدله الضيفان من طيب دله عادته مايجمع من الفضه جرام = وجمع اللحوات الغانمه عادة له الجود عد والمناعير هيام = ومن دون ميراده هضاب مطله ومن دونه الموت الحمر رفرف وحام = وقام الردي يمسح دموع المذله وقام الوفي وقال قدام قدام = وكافح على الميراد حتى وصل له هذا لياصكت عليه العرب قام = وهذاك خله في معشاه خله يالله عسى من خلفه للترحام = في ظل ربي يوم لاغير ظله مانلام في مدح الرياجيل ماانلام = لاصار عندي للدعاوي ادله وختامها صلوا على سيد الانام = اللي شرع للناس دين ومله |
هذه القصيده قلتها في اجتماع للقبيله عند العم محمد بن ابراهيم في الخرج وكان في الاجتماع عدد من الشيوخ
وعدد من الشعرا من ضمنهم محمد بن ناصر بن مظهور وعبد الله بن زويبن وزيد بن مبشر الحصني الذي قال قصيدته في المناسبه كذلك وتعد من اجمل قصائده التي نشرها في ديوانه |
يابدر حالي يتعب اليوم يابدر = انته ونعم ووقتنا ماهو ونعم الرجم عديته وانا ضايق الصدر = والهم بمقفاي من رجم في رجم اثر الزمن غادر وانا ما اعرف الغدر = واثر الزمن ظالم وانا ما اعرف الظلم وقف بوجهي مثل ماياقف الجدر = وانا ضعيف الحال ما اقدر على الهدم شفت الغثا والشين من وجهه الودر = مايدر اني قرم ابن قرم ابن قرم ببقى الين يغسلوني من السدر = على سلوم ابوي ما اترك ولا سلم يابنت وجهك ويش فرقه عن البدر = فيك الجمال ولون بشرتك والجرم وصوفك الثنتين عذرا وفي خدر = وخصالك الثنتين الاناه والحلم خلاك وصفك فوق واهل الهوى حدر = وابوك شيخ الجاه والمال والعلم ما للعذارى بعدك بخاطري قدر = الشمس لاطلت تغطي على النجم قلبي بحر وانتي بوسط البحر در = واللي يغوص بغبة البحر ماسلم مير اشربي حالي وانا بشرب الكدر = ولا اشعمي النيران في داخلي شعم لو راح دمي بين كل العرب هدر = الموت في حب المزايين له طعم ياعاذلي لف بخداعاتك ودر = ماني مكلم راعي السب والشتم بفخر بها وافخر بتوصيفها الندر = فخر الصويتيات بمحيسن الفرم |
الساعة الآن 04:24 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir