|
ديوان قصائد الشاعر ( أحمد العامودي )
انا هيض علية الهاجس أللي ما يحب اللاش = ولا يمشي بطرقة يعرف ان اللاش يمشيها قليل العرف وهروجه كثيرة والفعايل ماش = علوم يقولها بالليل يصبح ما يسويها ويحب اللقمة أللي ما تعب فيها تجيه بلاش = لجل ما يتغب النفس الردية ولا يعنيها ولا يعرف صديق ولا رفيق الباير الغشاش = حشايم حاجته روحه على الانذال يرميها كريم النفس من تلقاه سارح يتبع الادباش = مداهيل الضيوف أللي تفلي في مفاليها مجار انك تلاقي جنبها واحد من الاوباش = عطا يالله عسى الله يطرح البركة لهاليها اذا غابت عليه الشمس تسمع دنة المهباش = ونارن فوقها دلة مقابلها يواشيها ليا شاف المسير حط له فوق الفراش فراش = ورحب بالتحية أللي تنشط نفس موحيها وكريم النفس رجلن بالمدينة مجهز المطراش = يقوم بواجب الجيران والضيفان يقريها وكريم النفس من يتعب ومن يعرق لجل يعتاش = ومصدر عيشته دايم مصا بحها مماسيها وكريم النفس من ما يذكرونه للفتن نباش = ولا طبعه يجيب علوم وعلومن يوديها وانا يعجبني الصادق ولا يعجبني البكاش = وكل رجال طبعه قدوته اللي يقتدي فيها |
يا وجودي يوم افكر واذكر الجمالة = والسنين القاسيات وكيف عاشو فيها وقت متقلب ولا يبقى نهار بحاله = يوم زين ويوم يجعل فرعها واطيها وانتهى ذاك الزمان وجا زمان بداله = وراحو رجاله معاه وباقين طاريها هكذا الايام كلن تذكره بافعاله = يا ذكرت من اوّلات القوم يا تاليها لا عاده الله النهار أللي يعرفنا برجال = يبدي لنا الطيب وأللي بالحشا يخفيه عنّا اذا بدت حا جته يقبل عليك بطيب الاقوال = واذا انتهت حاجته لاجيت منا راح منا يابو محمد ترا طبع الجمل من طبع راعيه = الصعب لا تتركه يولف على فك الخطامي جود خطام القعود ولاطف الاقشر وداريه = ينفعك بالليلة الظلما وبديار المظامي الزرف اذا ما تعاير طلقته يخطي مراميه = والصقر عند الغشيم تحصله مثل الحمامي وانته مدرب ومثلك ما يبي له من يقريه = وان كان خالفتني لا بد ما تذكر كلامي |
قال العمودي أسهري ياعيوني = ويالقلب لا تحمل من الهم مثقال وياهاحسي جدد قوافي لحوني = وابني من المعنى أهازيج وامثال ما دام ربي مطلع عن شؤوني = ونفسي منزهها دروب الانذال واساير أللي بالوفا سايروني =ومبعد عن دروب اهل القيل والقال بمشي مع أندادي ومع ناس دوني = عوايدي ما قيس بالسن رجال ياكم صغار وبالفعل يذكروني = وياكم كبار وفعلهم فعل جهال وبالعب اذاشفت العرب يلعبوني = بالزير والمزمار والسيف والقال وقول الصراحة فيه لو ساوموني = ما قول غير الصدق في كل الحوال والحق اقوله لو هلي عارضوني = الاش اقله لاش والرجل رجال وماخون لو جوف الثرى يدفنوني = ما عيش بين الناس غادر ومحتال وفي المعرفة لي خبرتن ماتهوني = أعر ف مقال بمجلس القوم ينقال وما همني با المدح من يمدحوني = وراعي المذمة ما خطر لي على بال يسدني في الناس من يعرفوني = انا العمودي مجود الجد والخال وافي ولو كثرت عليه ديوني = كريم لو عانيت من قلة المال |
ياولد اقرا الكلام أللي كتبته لجلك = واخذ ما جازلك من قولي وخل البا قي ودي اوصيك واخوانك قبل ما نهلك = فانية والناس متفانين والله باقي أدي الطاعات قدام السرا لا يصلك = وسبح الله مع غروب الشمس والمشراقي ولا تساير غير من عاش الحياة من قبلك = وعامل العربان بالاحسان والأخلاقي وان نويت تسير لك في درب حكم عقلك = واعلم ان الرزق عند الواحد الرزاقي واعلم ان كل شي ما هو لك ما يكتب لك = لا تحمل هم حمل الهم ما ينطاقي واعلم ان أللي خرج من يدك ما يرجع لك = مير عند الله عوض في حزته ينساقي وان حوجك الدهر للعربان دور لهلك = يا عسى الايام تصفا لك وما تحتا جي واعلم انك لوجريت ولو مشيت بمهلك = غير شي دبره مولاك منت ملاقي واعلم ان الوقت لويعطيك ما يضحك لك = لا تفرط في شقاك بكثرة الانفاقي وان حكمت اعدل وميز بين ميل وعدلك = ولاتفرط في الأمانة وأحفظ الميثاقي واعلم ان ابليس في كل درب يترصد لك = استعذ دايم من الشيطان بالخلاقي وان تطيع النفس تذهب للجحيم برجلك = لا تكون بما تشوفه بالنظر متشاقي وان نصاك الرجل لوهو خصم يرجي قتلك = قوم بالواجب ورحب با حسن الانطاقي غير فعلك في نهار العرض ما يشهد لك = والعفو عادة كريم الأصل والأعراقي والكرم والجود في سدتك ذا من أصلك = والجميلة بنت مزيونة لها عشاقي ان تخالف ما طلبته منك ما تكتب لك = كون دايم للجميلة العاشق المشتاقي والحقيقة ما معايه شك فاللي مثلك = لاكن اكتب ما سمعته واحفظ الأوراقي لجل تقراها اذا المالك أخذ ما يملك = ولجل تبقى عندكم تذكار بعد فراقي |
البارحة قلبي وعيني سهارا = واخذت لي غفوة قبل تطلع الشمس وصحيت باول ساعتن بالنهارا = والطرف من كثر السهر منعمس عمس وقعدت جنب مصوبنات الوجارا = دلال صفر تفوح وبهارها خمس بنن وهيل وزعفرانن وشارا = ومن العويدي اربع مسامير اوخمس وناديت لي من بدة الناس جارا = أللي علومه تذهب الهم والعمس وصبيت له فنجال صافي وحارا = وابديت له شكواي بالرمز والهمس وقلت العقل والفكر مني حيارا = وما ذقت انا طعم الكرا من نهار امس من صاحبن سد الفيافي توارا = وحبه ووده بين الاضلاع منغمس بيني وبينه مظمياتن قفارا = داره بعيد ودربها يخفي الرمس واصبحت حالي مثل حال السكارا = العقل مافش والحشى منحمس حمس واحن من مابي حنين الحوارا = وحنين الخلوج أللي من الوجد ترتمس واهل الهوا والعشق دايم طفارا = وحالي حرمني لذة الشوف واللمس |
جتني خلال اسبوع سبع اتصالات = من الهنوف أللي بعيدن بلدها صدفة ولا اظن الهوا غير صدفات = تزيد في نفس المعنا لهدها حكت وحطت داخل السمع نغمات = لا قبلها نغمة ولا من بعدها هي الربابة وحكيها مثل الابيات = ابيات شعر والمغني نشدها ولا هي قريب ولا ديرها قريبات = ولو اوعدتني كيف اجي في وعدها وامسيت افكر واسهر الليل ما ابات = وعيني تزايد من سهرها سهدها وونيت من ما بداخل القلب ونات = ونة عجوزن مات عنها ولدها ويومن فرقهاوصار في اعداد الاموات = ماحولها منه يخفف نكدها وتريضو ياهل مواتر وباصات = متوجهة للشام جاهز عتدها اقفو خذو للاذقية رسالات = تحطونها للترف في كف يدها رسايلن فيها سلام وتحيات = ورجا من المولى تجدني واجدها فيها طلبت الله ولو بضع ساعات = مع مزنتن ما نسمع الا رعدها عسى مطرها يحي عروق يبسات = وما ها يطفي نار زايد وقدها ويالا بتي لا تكثرون الملا مات = الرجل تمشي حيث ما الله وعدها تتبع هوا نفسي بالاقدام خطوات = ياالله عسى نفسي تحصل سعدها وان كان شفنا من هوا النفس ويلات = الا واشقى روحي ألا واقردها قدامها ايام وشهورن عسيرات = وسنين وجدن يعلم الله عددها |
كريم يا مزنة من البحر خرّجت = وهلت بيارقها ودنت رعودها وامسيت طول الليل عيني تخيلها = وعيني حرمها كثر فكري رقودها ويوم اخنلط دمعي بماها وسيلها = قمت أتذكر ديرتن كنت ارودها دارن لها في جوف قلبي كانة = مترسماتن جوف قلبي حدودها قضيت فيها باول العمر مدة = بهاك السنين أللي قديمة عهودها وطلبت ربي يجعل الغيث فالها = ويسيل واديها ويخضر عودها ونزورها لا جاد ماكل ربيعها = ونشوف قطعان الدبش في مهودها ونشوف قطعانن مع الصبح سارحة = ترعى شجاريها وترقى سنودها ونشم ريحة عطرها من شعيبها = شعيب خضر ومزهراتن ورودها ونلقى رجالن تكسب المدح والثنا = اللي كرمها ورثته عن جدودها لا شافو الضيفان دنو وجارهم = والنار لو خمدت يجدد وقودها وسوالفن تطرب لها الروح والحشى = في جوف بيتن خيزرانن عمودها هذا هوا بالي وقصدي ومطلبي = وهذا وجود النفس الا وا وجودها |
الصاحب اللي كنت اباه وهو يباني
البارحةطارنومي والحشىكثرت شكاويه=وقلبي يرفرف يريديفرمن بين المحاني من واحدن كل ما لف الشريط وجاب طاريه = قمت أتوجد على لاماه ذاك المودماني وكريم يابارقن يبرق على دارن نزل فيه=الجادل أللي لها في مهجتي قدر ومكاني ابوجعودن على الامتان ليل ارسى قداريه=غذاه بالعود ودهان الشمطري له دهاني جدايلن يوم ينسعها تزود في حلاويه= مثل السفايف ليا لوت على كور العماني والوجه مثل القمر ليلة خمسطعشر تحليه=عيون تشبه بحجبها زهور الاقحواني والجسم غصنن ليا هب الهوا مالت شجاريه=وبدت ثماريه حبن مثل حب البرتقاني وان هبت الريح من يمه طريح الفرش تشفيه =عطور متخلطه ما بين مسك وزعفراني عطر ثيابه بعطرن من رحيق الورد جانيه= ومن زهرة الفل والكاذي وزهر الضيمراني وليا مشى مثل ظبين لا مشى يقصر خطاويه=يمشي يتلفت من العربان خايف مجفلاني مرت علية سنين وخاطري ماهو بناسيه=الصاحب أللي من اول كنت اباه وهو يباني واليوم يالله عسى سود الليالي ما تلاقيه=ويعيش مع من كتب ربي وهو مبسوط هاني |
ماتطيح الصواقع غيرفوق الجبال
العمودي يقول الله مع الصابرين=والصبر في الشدايدمن صفات الرجال والبنادم خلق الله بمائن وطين= لين يصبح مابين الميل والاعتدال ثم يحيا بعدذلك شهوروسنين=بعدهاجيزخلق الله مصيره الزوال والعمرينقضي مابيب قسوةولين=وكل قسوة ولا قسوة مصاب العيال عشت معهم ليالي في الألم والأنين =من قساها أتصورها سنينن طوال حالتن لاكتبها الله على المسلمين =يالله اني دخيلك ياعزيز الجلال وكنت في حزة المحنة من الشاكرين =وافتديهم ثمرقلبي بحالن ومال ومن ربي عليه واصبحو سالمين=وانشرح خاطري وامسيت مرتاح بال والشدايد تبي قاسي لها مايلين=والقسا من بن آدم قوة الاحتمال وربنا بالمكاره يفحص المؤمنين=وما تطيح الصواقع غيرفوق الجبال هذه القصيدة قيلة في شهر 11عام1427 بعدخرو ج أبنائي من المشفى اثرعارض صحي تعرضو له والحمدلله |
العوايد والسلوم القبيلية
آه واغبني على الظبي الشرود = شافته عيني على دربي عشية وما شغفني غير براق الخدود=يالغزال أللي عيونه بابلية عنز ريمن مشيها مشي الجنود=يوم تمشي كنها قايد سرية تنفح الذرعان وتهز العضود=كنها متدربة بالعسكرية ما تربت بين قطعان الهنود=ولا أهلها من الرجال الدوبلية بنت قومن كنهم نسل الأسود=أهلها بدوان والبنت بدوية من الادب ما قابلتني بالصدود=قابلت مني التحية بالتحية ويوم قفت واصبحت سد النفود = دقت بقلبي الدفوف الراعدية كنها صوت المدافع والرعود=وقدت نيرانها بتشب فيه وبت ليلي ماتهنيت الرقود=وسامرت عيني النجوم السامرية غيرها ماراق لي بين الحشود=ليتها في عصمتي وتحل ليه مير والله ماتعديت الحدود=والعوايد والسلوم القبيلية قايمة لليوم من عهد الجدود=والعرب عاداتهم ماهي ردية مير راحت بين بيض وبين سود=بعدجوناسن يحبون الأذية وبدلو سهل العوايد بالسنود=وضاعت الشيمة وعادات الحمية وآه واغبني على هاك العهود=والرجال أللي طبايعهم نقية صابنا من بعدهم سيلن هجود =من شباب ما عليه من الزرية تعلمو طبع النصاراواليهود=والولد ما تعزله جنب البنية ياعسى وقتن جمعهم لا يعود=لو نعوّد للعصور الجاهلية |
قصدة عيد عام 1426ه
يالروح مدري كيف أداري حزونك=وبكرة علينا عيد والعيد خطار خايف دموع العين لا يغضحونك=مع ناس ما يدرون بالحال وش صار ماكنت أضن ان الليالي تخونك=وانا اعرف ان الوقت غادر وجبار ياشجرتن ظلت مظلة غصونك=ما تنتج الاظل وزهور وثمار كيف اهتني بالعيش بعدك ودونك=وكيف اهتني بالنوم في ليل ونهار عسى عيون القيد تفدى عيونك=العين لجلك هلت دموع وعبار كل الذي هم بالوفا يذكرونك=يعيشون من بعدك يتاما وقصار يابيت شعر ليتهم يحفظونك=وتبقى لهم في باقي العمر تذكار |
الصورة شعبان عام 1428ه
نظرت في صورتن لي عمرها خمسة عشر عام=ونظرت في صورتن صورتها هذي السنية ولياان شكلي هذاك العام كنه رسم رسام = والشكل هذي السنة في صورتي قايل كذية العمر ما ينتهي له وقت لازم ناخذه تام = أما الصبا كل يوم أشاهده ينقص شوية والرجل وقت الصبا يمشي ويسري ليل الاظلام =وفي تالي العمر ماله في المساري مقدرية كم ديرتن زرتها وامسيت فيها هاك الايام=وان عفتها لو نصيف الليل شديت السرية واليوم في ديرتن كني بهامربوط الاقدام = لوجيت ابا اروح منها خفت تلحقني زرية حيث ان لي مصلحة فيهاولي اخوان وارحام=وعيالي أللي لهم في جوف قلبي مدروية والسن له حكم والعاقل لزوم يطيع الاحكام=ولاراح وقت الصبا ماجاز لك هذي وذية مير أطلب أللي نأدي له صلاة وحج وصيام=العفو والعافية والذنب ما يكتب عليه |
قصيدة بتاريخ27|12|1428ه
هب الهوا ساق المزن من مناشيه=وامسيت أخيل المزن واسمع رعوده وحدي على رجمن بعيدة مشاحيه=واطرا علية وادين كنت اروده واطرا عليه حينا أللي نزل فيه=هاك الزمان أللي قديمة عهوده وطلبت ربي قبره الغيث يسقيه=من مغدرن سيله يغطي مهوده ويغفر ذنوبه في نهارن يلاقيه=يارب عبدك لا تضيع جهوده أللي بجوف القلب محفوظ طاريه=في منزلن عالي رفيعة بنودة حين جميع الناس بالخير تطريه=وخطو الفتى بالطيب يثبت وجوده مايغر عن درب المراجل ويمشيه=وخطو الفتى صادق ويوفي وعوده وخطو الفتى لاقال له قول يحميه=وخطو الفتى يفخر بماضي جدوده وليا لفاه الضيف بالداريقريه=ما همه الماجوب نقصه وزوده وخطوالفتى يدرا على من يداريه=وفي حزة الماقف يشمر زنوده وخطو الفتى بالود يغمر موديه=ربعه بني عمه ذراه وعضوده وليالقي خصمن عنيدن يعاديه=مثل الحديد الصلب ما يلين عوده ياخذ حقوقه ويعطي الحق راعيه=وللطايلات يقود محدن يقوده وسفيه لياحكى مايلاغيه=أخير من رد الاجابة صدوده والرب مايرضى عنه قبل يرضيه=ملزوم شرع الله يقيم حدوده وربن عطانا كلنا في رجاويه=عساه يرحمنا بفظله وجوده وختامها يامن عباده تناجيه=لك عبد يرجي خالقه ومعبوده لا تخيبه ياقاضي الشان واعطيه=وقبره نهار يموت وسع لحوده |
ما للرفيق الا ابن عمه شوال عام 1429ه
يقول من عاش عمره ما يصف حساب الايام =ومهما عليه الزمان يجور مايوم استهمه هيض عليه وانا وحدي مسامر ليل الاظلام=في المرقب أللي قليل من العباد يروح يمه واطرا عليه زمانن كنت عايش فيه قدام=سالم من الهم لكن في التوالي زاد همه ودمعي ذرف وانتثر من ناظري والقلب منظام=من حال كل ماخطر في البال قلبي زاد غمه والهم لازاد يصبح حمل ما يقواه ضرغام=ويصبح كما أللي غشاه الموج بامواجه ويمه ويصير في حاجة أللي يخبره عن كل الاعلام =ويبحث عن أللي ليا منه عطاه العلم تمه ولاشك عندي معارف من رجال حشام وكرام=لكن يقول المثل ما للرفيق الا ابن عمه |
الفيصلية
دخلت الفيصلية في جنازة والجميع وقوف=تعينت المقابر وانهمر دمعي من اعياني علامك ياعيوني صارت أحزانك على المكشوف=وانا اللي كنت ما ابدي للخلايق أصغر أحزاني قالت لي عيوني روح وأسأل قلبك المخفوف =ليامني تناسيت المآسي قام سألته قال الا ليت المقابر تنكشف وآشوف =صديقي اللي دفنته جوفها في هاك الازماني قبل عامين ودعنا محمد والأخو معروف=لو انه مات يبقى مسكنه قلبي ووجداني وجميع أللي فقدته في حياتك يافتى مخلوف =وأخيك لا فقدته وين تلقالك أخو ثاني |
وصية أب لابنته عام 1428ه
يابنت ياللي من الصغر وديتك = للمدرسة وعلمتك وربيتك وشلتك وفي وسط الحشا حطيتك = أنت ثمر قلبي ولحمي ودمي مالله عطاك اخوات يالنشمية = لكن عطاك العقل والحنية واصبح معاك أخوات فوق المية = من الزميلات وبنات العمي لك منزلة مابينهم مرموقة = وحسن البنادم من حسن منطوقه لك قول مثل الشهد يوم نذوقه = وقولن يأثر في الصخور الصمي ماريد أشوفك في الحياة مهمومة = وسنين عمرألآدمي معلومة والعبد وين يروح من مقسومه = أمرن كتبه الله لزوم يتمي خلي التسامح والصبر من طبعك = وغذي ينابيع الوفا من نبعك يافخر لخوانك وابوك وربعك = ويزول لامني نظرتك همي وقومي بدينك والصلاة صليها = وفروضها باوقاتها أديها والسيئة بالطيبة لاقيها = اللي يصوط السم هو ينسمي والوالدة جوف الحشا حطيها = وطيعي اوامرها ولاتعصيها الأم يرضي الرب ما يرضيها = وحقوقها ما تنحصي بالكمي واخوك لامني ذكرت اخوانك = ذراك اذا مال الزمان وخانك صغيرهم حطيه جوف أعيانك = يسقيك شربة من قراح الجمي ووصيك ولد العم قومي دونه = وخليك في وقت اللزم في عونه وفي البيت خلك قايمة بشؤونه = بنت الرجال برجلها تهتمي وعليك واجب واحترام لعمك = ابو محمد لا تزايدهمك مقام ابوك ومن لحمك ودمك = وتريه في منزل أبوي وعمي وأللي كماك مجار ماوصيها = لكن ابا ذكرك باللي فيها كتبتها قصدي عليك أهديها = مادمت حي وشملنا ملتمي |
هذه القصيدة من خالد بن عبيد الأحمدي
العين تشكي ياعـرب قلـة النـوم = طال السهد والوضع مزري وكايـد قام السهر يهجم على طرفي هجوم = هجوم ناد العين فـي كـاس زايـد دايم وغاراته على العيـن بسهـوم = حتى غدا نصـره عليهـا عوايـد بسباب ود ٍ عشته وكـان مشـؤم = مع واحد ٍ ماشفـت بعـده فوايـد اقفى وورث صورته داخـل البـوم = لـولاه والله ماكتبـت القصـايـد قصة غرامي روحت كنهـا حلـوم = فيهـا كوابيـس العنـا والشدايـد قصه جرت يشهد بها ليل وانجـوم = منها يشيبـون الصغـار الولايـد لو تنشر الندوه على صفحة اليـوم = ماضنتي بالسـوق تبقـى جرايـد ياناس دلوني علـى حـل مفهـوم = والراي يطلب من عقـول ٍ رشايـد من بعد شرحي صاير الوضع معلوم = نبغى إفادة شخص منكـم محايـد |
هذه القصيدة رد على سابقتها وهي قصيدة الأخ خالد بن عبيد الأحمدي
قريت خطك واصدر القلب مرسوم=وآنا في حزات الملازيم قايد من يشتكي لي هم مايبات مظلوم =وما ارضى على مثلك تزيد الزوايد والود مر وراعي الود مهموم=ما يهتني بالنوم فوق الوسايد كم واحدن قبلك خرج منه محروم=وهذا الامر من سابق الوقت سايد والبعض حصل فيه بسكت وحلقوم=وهذا من أللي يحكمون المصايد من عامل اهل الود باسلوب محكوم=يجني من الود العسل والحصايد ومن شاف من وده غماليج وعسوم=يصبر عليه ويرتجي منه عايد الصبر مابين المودين معلوم=من سابق الايام طيب وفايد ومن كان بعد الصبر ماشاف مقسوم=والود يتمادى معه في المكايد ماهو على العيشة مع الود ملزوم=يستبدل دروبه دروبن جدايد والله كريم ان شاف الانسان مظيوم=ينعم عليه بكل ما كان رايد |
هذه القصيدة كتبت بتاريخ 5\11\1429ه
يالله يارب يا معبود ياللي تقضي الشان = يالواحد أللي عباده كل ابوهم يقصدونه ياعالم بحال منهو بات طول الليل سهران = الليل مايرقده اللي كل خلقك يرقدونه يذكر ليالي الهنا أللي عاشها في هاك الازمان = واصحاب كل ما ذكرهم هل دمعه من عيونه منهم تقافت به الايام والباقين شتان = غيرهم الوقت مدري ودنا يتجاهلونه في سابق الوقت كنا كلنا صدقان واخوان = واليوم نسيو زمنن فات ما يتذكرونه الكل منهم بدرب المصلحة تلقاه عجلان = مثل الذي في السباق يخاف غيره يسبقونه والفالح أللي يكمل واجبه في كل ميدان = واللازم أللي عليه يقوم من سده ودونه وآنا بتم الحياة اجازي الاحسان باحسان = الطيب له ناس لو جار الزمن ما يتركونه وآنا احمد أبن عبود أقولها من قلب ولسان = من يزرعون الوفا والطيب بكرة يحصدونه واختامها ذكر ربي عد من طافو بالركان = وأعداد برق الحيا وأعداد ما هلت مزونه وصلو على المصطفى بين البشر من نسل عدنان = ويارب ترحم عبادك في نهار ن يوقفونه |
هذه الزومالة اتى بها الشيخ عطاالله الغانمي وخوياة في حفل زفاف أبني وابن أخي شهر2عام 1429ه
سلام يهل النوب ردية وفا تكميل منا=ردية مثل الزهور أللي نمت في كل فنا وحنا هل التكميل والتكميل من عادات أهلنا=ونكمل الماجوب في لين اليالي وفي قساها نبدي كما مبداالصقورأللي على الحروة بدنا=وأنتم دعيتونا وحنا حزة الواجب حصلنا نوفي رياجيل الوفا حسب الوجوب اللي تصلنا=من سابق اليام يومن الهجر يدرج رحاها يامرحبا ترحيبة تمشي على مذهب وقنا= ونمدمعها الدلة أللي جوفها هيلن وبنا ونمدها لظيوفنا أللي شرفو منا ومنا=ونكمل الماجوب والوافين ماننسى وفاها وأنتم لفيتونا وحنا نفتخر باللي يصلنا=ودعوة رياجيل الوفاواجب وواجبهم مثنا وأللي حظر في حفلنا يصحابنا شاهد قبلنا=ترحيبنا يقلط مع الظيفان ويصدر معاها |
هذه القصيدة بمناسبة رمي بوش بالحذا الله يعز القاري عن بوش وعن الحذا
وقدكتبت عام 1429ه وهوعام الحدث
سلمت يمين أللي رمى بالحذا بوش = ولعل دولة بوش فدوة يمينه ياوجد روحي ليتها نار خرطوش = وأصبح مخضب في دمه شايلينه ولا شاهده يمشي على الأرض مربوش = وحنا نقر الفعل ومؤيدينه أهان بوش ومن حضر كان مدهوش = وكل الأعاجم والعرب شايفينه هانه وهو بين المخاليق مخشوش = الله يهين الظالم أللي يهينه لعل من ناشه على فعلته نوش = يفقد نظر عينه في باقي سنينه ويمسي بستعشر من الجن ملبوش = ولعل من عان البشر ما يعينه ويبقى البطل واسمه على الصخر منقوش = في الذاكرة وقلوبنا حافظينه ولعل قبرن يحضنه طيب مفروش =وعسى جنة الفردوس مأوى جبينه وجنود بوش جهودهم رايحة بوش = خسرو الحياة ودينهم خاسرينه |
[
هذه قصيدةاحمد العمودي وهي مشاركة في حفل أصدقائنا الصبوح بخليص وعلى رأسهم الشيخ عايش أطال الله عمره وذلك في|9|10|1429ه
سلام الله بردة من صميم القلب والوجدان = على من شرف الحفلة وللحفلة وداعيها من هجوسن تسابق كنها ألا الخيل بالميدان = تحضر لي الحروف أللي تنومسني معانيها تشرف ماقفي في ساعة الماقف مع الصدقان = رياجيل اللزوم أللي مواقفها توفيها معارفنا الصبوح أهل الوفا من سابق الأزمان = ولو قلت المدايح كلها ما ظن تكفيها ولا بنسى الضيوف أللي لفو من ساير الوديان = وشفت الشيخ عايش والجماعة في حراويها من رجال المواقف والوفا والعرف والأقنان = حصونن نايفة من أول الهجرة لتاليها وانا قلت الحقيقة أللي لها عندي شهود اعيان = تواريخ العرب واوطانها وأللي سكن فيها بعد هذا بذكر كل من حاضر من الأخوان = بذكرا واجب المسلم على المسلم يؤديها بوصيكم ونفسي بالتقى وعبادة الرحمن = مدام ارواحنا لا بد مرجعها لواليها وصلو مافرض ربي عليكم واتلو القرآن = ترا الأيات يوم الآخرة تشفع لقاريها وعليكم بالزكاة وبالعطا والعطف والاحسان = ترا بعض الخلايق عيشته ماهو ملا قيها وعليكم بالعفاف وبالقناعةوأخزو الشيطان = ترا الشيطان خصم ويهلك الأنفس ويغويها وترا المسلم موصى من رسول الله على الجيران = ولو جارك تعدا زلته حاول تعديها وترا المسلم أخو المسلم هنا وبساير البلدان = وللمسلم حقوق وواجب المسلم يراعيها وعدو ما ستطعتم من عدد لمواجه العدوان = وذا واجب على الأمة وبه ربي موصيها وعسى الله يعز دولتنا ونحيا في أمن وامان = وينصرها على كل الخصوم أللي تعاديها في حكم عيال عودن بالجزيرة وحد العربان = عيال ابن سعود مؤسس الدولة وبانيها على دستور شرع الله وتو حيده لها عنوان= تحت راية أبو متعب مثبتها وبانيها وصلى الله على محمد عدد ما تمطر الأمزان = بديرة مسنية واعداد ماتنبت مراعيها |
العمودي قالها قصيدة كتبت عام 1428ه
يالله طلبتك ياكريم الوجه يارب العباد = ياواحدن كل الخلايق مطلع بحوالها تزيح ماجوف الحشى من هم دايم في ازدياد = اربع سنينن لي مضت والمقبلات بفالها كل ما خرجنا من هموم انطب فهمومن جداد = واحتار فكري في همومي دقها واجلالها من حالتن لا شفتها عيني يحاربها الرقاد = يالشجرةأللي مستظل من الصغر بظلالها وانا من اللي مقعده في ماقفه وسق الشداد = ماني من اللي وقفته دايم قصار حبالها بعض الرجال بواجبه كل ما يزيد الحمل زاد = والله يبارك فالرجال أللي تشيل أحمالها ولابارك الله في رجال قلوبهم مثل الجماد = يسعون خلف المصلحة والناس ما يرثالها ولابارك الله في رجال تسير بدروب الفساد = كب العلوم الطيبة والخايسة يسعى لها ولابارك الله في رجال تغر من درب الرشاد = دايم يثيرون الفتن ويجهزون رجالها ولا بارك الله في ر جالن عدهم كثر الجراد = لكن بين الناس ما تذكر بطيب افعالها خطو الفتى من شبته عامر فؤاده بالوداد = والطيب عادات الرجال أللي كرام أسبالها وهذي حقيقة قلتها والله يدبر ما أراد = وان قال أحد من قالها قول العمودي قالها |
الحلم قصيدة كتبت بتاريخ 1423ه
الله ولاجاهلن بالسوق صادفته = عند أول السو ق صادفته وصادفني سلم عليه أمام الناس طنشته = ويوم ابتعد عن عيون الناس طنشني قفى وقلت أتبعه بالفعل تابعته = يومن تركته واذابه سار يتبعني ليته وقف لي دقيقه كنت كلمته = وألابعد ماتبعني مير كلمني ضيعت وقتي وجهدي في مطاردته = مرة أنا اطارده ومرة يطاردني من شافني قال أنا القلطان وأبلشته = مايدري انه هوا لقلطان وأبلشني محدن درا بالعذاب أللي تعذبته = من العصر لين العشا بالمشي عذبني ويوم كل جهدي قنع قلبي وتركته = مدري هو أللي قنع مني وتركني وصحيت واني على فراشن تفرشته = متلحفن باللحاف أللي تفرشني ياليت من كان في نومي تحلمته= يشوفني في منامه ويتحلمني |
ياموقد النيران عام 1400ه
ياراكبن من عندنا فوق حرة = متربية بالخبت عند القبايل لا درهمت مالها على الأرض جرة = ماقد شالت الحمول الثقايل ركابها اذا ركبها تسره = دايم أهلها يكسبون الجمايل تصل لمن له فوق الاوجان غرة = وتقول له دمعي على الخد سايل أما وفا والا فماني مغرة = أطلب لقاك وانت تطلب مهايل لا عاد يومن شفت لك فيه جرة = يا موقد النيران مثل الشعايل |
قصيدة عيد 1429ه
ليلة عيدالفطرعام 1429ه
يالعين هلّي الدمع في ليلة العيد=يالعين هلّي الدمع لا تحبسينه وتحركين الجرح في القلب ويزيد=أللي تضاعف في توالي سنينه من هم جوف القلب مثل العناقيد=عسى بدمعك لا هطل تغسلينه أللي حرم طرفك لذيذ المراقيد=ليلن تنا مه الناس ماترقدينه بعض العرب له مع وليفه مواعيد=ومثلي نهار العيد يصفق يدينه على وليف تحول من دونه البيد= والآخر أللي كل ليلة ترينه في حا لتن يشفق لها كل صنديد=وقلبي على لاماه زايد حنينه وانظر وكني بين الاغلال والقيد=وأللي مقيدحيلته دمع عينه |
الحميميق
هذه القصيدة كتبت في موقف مربي لاداعي لذكره فالقصيدة تعبر عما فيها وذلك في صبيحة أحد الأيام في اجازة صيف عام 1417ه
قال العمودي صبح مع فكة الريق=ضاق الصدر من قلة الاحترامي شفت الحمام يحوم حوله حميميق= ماهو على صيد القماري ولامي سفيه ماهو من الرجال المواثيق= أللي يعرفون الأدب والنظامي فعايله تشبه افعال السواريق= أللي تهاجم تحت جنح الظلامي وان صيحو في عاليات الدوانيق=تلقاه في وقت الصياح انهزامي الصيد من حظ الصقور المطاليق= أللي ترد مافكرت في المحامي ترد تحت ظل السيوف المشافيق=تردعليها مثل ورد الظوامي تشوفهم يوم الجماجم مفاهيق=يمشون على الرجلين والجرح دامي يوم السبايا مالحقهن ملاحيق =كسبن خذوه من تحت نقع الزحامي في ساعتن فيها المرابح توافيق=لا واهني منه له الحظ قامي وللبوق ناس وللمراجل مخاليق=دايم لهم روس المعالي مقامي |
قلبي هنا والجسم يبغى الجحيرة
هذة المجالسية كتبت عام 1400ه وفي حينها كنت أعمل بمنطقة يقال لها الجحيرة بتهامة فقد أجبرني العمل على السفر تاركن خلفي عمي رحمة الله عليه وهو مريض وحالته خطيرة
سافرت هاك اليوم وآنا بحيرة=قلبي هنا والجسم يبغى الجحيرة من حالتن حلت بعمي خطيرة=والعين تذرف دمعها يوم انا اطريه واصبحت يوم السبت والقلب مافش=وآنا من العربان جافل وطافش واحس جوف القلب مثل الخرافش=حتى الزعل بانت في وجهي مواريه ويوم الاحد وان العرب يسألوني=وش اسباب دمعة نازلة من عيوني وبسآلهم يالربع زادو عموني=حتى طريقي معاد اشوفه ولا ارعيه ومن ليلتي زادت عليه ولوعي=وبت أتقلب لين تعبت ظلوعي واشوف عام بيني وبين الربوعي=وحلفت ياذا الدرب الاثنين لامشيه بامشيه حشمة عودنا أللي تعنا=ومن جهلنا يشقى عشان انتهنى وبجهده الله عزنا في وطنا= والله لوهي بالفدا الروح تفديه لكن يالله تقيمه بالسلامة=والقاه جالس وفوق راسه عمامة واجلس بجنبه وآتسمع كلا مه=أللي يسلي بال من يستمع فيه هذا وكل امرن علينا مقدر =مهما تدرقنا ومهما نتحذر واجب علينا نحتمل وانتصبر=والرب من يقدر من الناس يعصيه واختم كلامي بذكر رب الخلايق =أللي خلقنا والمنايا طلايق اعدادمن أمسى وأصبح مفارق=والموت حق وكل مخلوق يفنيه |
قامو الأخوان
هذه القصيدة كتبت ليلة الجمعة الموافق 4|3|1425ه وهي ليلة الأحداث الارهابية بجدة حي الصفا شارع أم القرى وكان الموقع لا يبعد واجد عن مقر سكني وقدكنت ليلتها بقاعة الرفيدي مدعو في حفل زفاف عند الصديق والأخ سعود مساعد المغربي واتصلو بي أبنائي يخبروني بماحصل ويطلبون مني القدوم وعندما رجعت بعد الواجب شاهدت ماأثار قريحتي وكتبت هذه الأبيات تعبيرا عن مشاعري تجاه الوطن الحبيب
[ ليلة الجمعة دعينا في وجيبة= عند قومن من عريبين السلوم من الحروب أللي مذاهبهم عريبة=وذكرهم يزهي كما زهو النجوم وجاتنا الاخبار بحلول المصيبة=يوم من حي الصفا جتنا العلوم قالو من الأمن تتقدم كتيبة=ومن الطواري قبلهم فرقة تحوم من الجنود أللي عزايمهم صليبة= مصوباتن من بنادقهم سهوم قلت شالأسباب قلو لي سبيبة=سببتها شرذمة ناسن رخوم أرهبو العربان شيبان وشبيبة=وقامو الأخوان حاكم ومحكوم وقلت قومتهم ماهي حاجة غريبة=ذي عوايدهم في حزات اللزوم ما يخلون الوطن يغدي نهيبة= كل ابونا شوك في نحور الخصوم وكلنا عسكر اذا جتنا طليبة=وللعدو ما عندنا قلبن رحوم وكلها ساعة زمن ماهيصعيبة =وجات للعسكر أوامر بالهجوم وداهمو المبنى وخلوها خريبة=بالرصاص أللي غدا مثل الرجوم وقادو السالم كما قود الجليبة =بالحراج أللي به السايم يسوم والصويب أللي اصاباته عطيبة=بثانية لمو عظامه واللحوم واستقر الوضع وكلن خذ نصيبة=والمواطن بات في راحة ونوم ويالله ان تسمع دعاي وتستجيبه=مملكتنا لا تحملها الهموم مملكتنا أللي على انفسنا حبيبة=وقسمها دايم من خيار القسوم |
قصيدة وردها
القصدة الأولى من العامودي والرد من الشيخ عبيّدالطيار من قبيلة عتيبة من منطقة القضيبةقرب عشيرة(الطائف) وذلك في عام1403ه
ياراكبن من عندنا فوق نيسان= ويامتجه يمة ديار القضيبة تلقى عبيد والجماعة والاخوان=اهل المكارم والمذاهب عريبة والعود لا تنساه يابن حميدان=عودن عسى جنات ربي نصيبه وتقول انا مندوب من عند انسان=جاكم زيارة من ليالي قريبة واصبح لكم في داخل القلب مسكان=ياربعتن صارت لقلبي حبيبة والله مانساكم على مر الازمان=وان كان تنسوني عليه مصيبة وآنا تمنيت امر لاكن ماكان=ومن حال دون الامر ربي حسيبه واختم كلامي بذكر خلاق الاكوان =وتدبير ربي مامعي فيه ريبة يامرحبا ترحيب من قلب ولسان =ترحيبة بالخط وأللي يجيبه اعدادمن حجو وطافو بالاركان=واعدادماجا غايبن من مغيبه ويالله يامعبود ياقاضي الشان=في حاجة ماهي على الله صعيبة من دونها حالت ثعالب وحنشان =والله ما نرضى عليكم غليبة كثرت مشاويري وما قلت تعبان=كله على شان العمودي نجيبه جتنا علومه مع ذريفين الايمان=والرجل يذكر ياعمودي بطيبه وآنا على لاماك بالحيل شفقان=وآحاول الكتاب بريا صليبة وشوقتنا بالقاف والبال نشطان=قافن لفانا بالعلوم العجيبة وصلات ربي عد نبتن بالاغصان=على نبي الله محمد حبيبه |
العزوة
هذه القصيدةجديدة بتاريخ 24|1|1430ه عسى أن تنال اعجابكم
خطو الفتى له عزوتن يعتزي بها=تاقف بجنبه في نهار المواجيب قومن مع العربان تذكر بطيبها=من ربعتن تجزي هل الطيب بالطيب راعي الوفا يقدر بطيبه يجيبها=لوكان عايش في ديار الاجانيب أهل الوفا لوكنت مانته فريبها=تسدمن دونك جميع المطاليب جيرانها تسعد ويشقى حريبها=قصيرها يهنا بصفو المشاريب من يترك علوم الرجال ويسيبها=مثل الذي يرمي سهومه ولا تصيب ويبقى وحيد وحاجته ما يصيبها=واهل الوفا يرقون روس المراقيب ومن عاش في سود الليالي وغيبها=واخذ من الايام عبرة وتجريب يقسى على نفسه في واجب صحيبها=وان غاب واصلهم بخط المكاتيب وآنا في عسرات الليال وصعيبها=عندي معارف فيهم الظن ما يخيب |
النظر
اخواني الأعزا هذه القصيدة كتبت يوم الجمعة الموافق 27|1|1430ه أرجو أن تنال اعجابكمواستحسانكم
آه واعيني أللي كل ما قلت آه=هلت المع تبكي ظلم خلانها والحشى من طعونه ما لقينا دواه=طب طعنات فلبي عند طعانها من وليفن تغلى لين حالي براه=كن روحي سجينة بامر سجانها وحالة الجسم تحزن كل عينن تراه=والعواذل تشوف الوضع باعيانها والذي سم حالي واعتراني هواه=هان نفسي وكن النفس ما هانها ان تقربت يتغلى ويبدي جفاه=وان تركته حياتي زادت احزانها ضاع عمري وقلبي ماتبلغ مناه=ومالك الروح عذبها وما صانها مير من دور التعذيب لازم يراه=يوم نظرة عيونه يطلق عنانها كل ماشاف طرفه حي يجري وراه= ونظرة الرب في غفلة نسي شانها ومن تذكر ممات الناس بعد الحياة=عينه أللي تشوف يقر ميزانها ويقضي العمر كله في صيام وصلاة=وبالحساني يجازي الناس في احسانها |
من هو العمودي
هذه القصيدة كتبت في عام 1424ه
انا هيض عليه هاجسن يجلس مع العربان=ويسمع كل قومن تفتخر باقوال شاعرها ويسمع كل شاعر لاتهيض وابدع القيفان=تذكر ربعته بالمدح ويراعي مشاعرها وانا من ربعتن تشهد لها العربان والاوطان=واشوف الواجب امدح ربعتي واذكر مآثرها اتا ولد العمودي وجدنا من خيرة الجدان=صديق المصطفى آزر الدعوة وناصرها ابو بكر الذي آمن بربه واعلن الايمان=وماله صخره للدين والدعوة تصدرها وحارب مع رسول الله رؤوس الكفر والطغيان=ومكة مع رسول الله من الأوثان طهرها وتاريخه وذكره للأبد مرصود بالقرآن=ولا بذكر أمور الرب بالقرآن ذاكرها ابذكر ربعتي اللي من هذاك الوقت لين الآن=وصلنا الشرق الاقصى نخدم الدعوة وننشرها تعودنا على فراق الوطن ومقارع الفرسان=ولو جينا بصحرا نجتهد حتى نعمرها ولامنا بنينا في الديار نعلي البنيان=ولو زرت الممالك كلها تلقى عمايرها ونعرف كل عادات البشر ونسير الأقنان=ولا منا عرفنا قوم سيرنا سوايرها ومكارمنا عليها يشهد المسكين والقلبان=رجالن قبل تحسب ربحها تحسب خسايرها بني تيم ونعد جدودنا لين اول القرشان=رجال الفعل والطالة وكل انسان خابرها واختمها بكلمة صادقة تنبع من الوجدان= عسى الله يعزدولتنا وعلى العدوان ينصرها تحت راية ابو متعب وعضيده نايبه سلطان=رجال لخدمة البيتين والأمة مصخرها وحنا مانقول الا الكلام أللي عليه برهان= ومن يخلق قلوب الناس يعلم عن سرايرها |
الاولة محدن كسبها سوا حرب
هذه القصيدة كتبتها لأهديها لقبيلة حرب عامة لما تربطنيبالكثير من رجالهم ومشايخهم من علا قة حميمة وروابط أخوية وثيقة فمنهم الجار ومنهم الصديق ومنهم الزميل ومنهم الكثير من الأرحام ومنهم البناخي وقدكتبت ليلة السبت الموافق 27|1|1430ه وحرب يستاهلون أكثر فأرجو يقبلون هديتي المتواضعة ويعذروني في القصور
قضيت نصف العمر من درب في درب=يرتاح بالي يوم اشد الرحايل واروح يم الشام والشرق والغرب=ومااسيّر الاقدام في درب مايل جربت لين الوقت والعسر والكرب=الوقت جاريته بكل الوسايل النفس أجزيها عن الأكل والشرب=ان شفت بيني وبينها حال حايل عايش عزيز النفس في البعد والقرب=والجود من ورث الجدود الاوائل واعرف حساب الجمع والطرح والضرب=عندي حساب ببنك كسب الجمايل وكل الدّير لي من أهلها خوي جنب=نعم الرجال ومن عيال الحمايل والاولة محدن كسبها سوا حرب=ماقولها ذمة في باقي القبايل أللي معانا كلنا للوطن شعب=وميقافنا واحد نهار الهوايل شعب الجزيرة صعب ويريض الصعب=اهل الوفا والطيب واهل الفعايل |
اليمن ديرة جدودي
هذه القصيدة كتبت عام 1425ه
في موقف تعرضت له لا داعي لذكره
قالو لي أنت من اليمن قلت اليمن ديرة جدودي =والرجل ما ينكر جدوده ولا ديرة جدوده اسمي احمد بن عبود محمد من آل العمودي=ربعتن قسنا البحر والبر ورسمنا حدوده ولوتروح الصين وارض الروس وبلاد الهنودي=العمودي في الجهات الأربعة ثابت وجوده نسري الليل الظلام وبعض خلق الله رقودي=والذي يسري ظلام الليل ماهمه رقوده والعرب تعرف مواقفنا سوا رجلن حسودي=مير واش لي بالحسود أللي شياطينه تقوده دام انا بارض السعودية فانا رجلن سعودي=والحشى في ديرة آل سعود ما نخفي سعوده واليمن فيها لنا تاريخ من ماضي العهودي=شامخ البنيان والطامع تعذر عن صعوده ولو نروح لاخر الاقطار عادتنا نعودي=دار فيها ريحة الجدان واجبنا نروده |
الفية العامودي
هذه المجالسية كتبت عام 1426ه
اليف الا يالله عبدك ترجاك= وبكى وهلت دمعته يوم ناجاك يارب تغفر زلته يوم يلقاك= ومن يغفر الزلات غير انت يالله والبا بنادم لو يفكر في حاله =نهار يدفن في المقابر لحاله ويترك وراه أمه وابوه وعياله= يعيش طول العمر مايعصي الله والتا ترا دنيا البنادم تغره =وان طاعها فوق المهالك تجره والفذ مايمشي بدربن يظره=وأللي يظره كل ما يغضب الله والثا ثرا عمر البنادم صلاته=واحسانه أللي يفعله في حياته العبد ما ياخذ معه في مماته= غير السوايا أللي يقابل بها الله والجيم جربت المعارف والاصحاب =ولقيتهم مابين صادق وكذاب وأللي غريب أخير من بعض الاقراب=وهذي نتيجة تجربة يشهد الله والحاحذاري من ضحك لك بسنه=تطاوعه وتمشي معه حسب ظنه في القلب ماتدري وش أللي يكنه=أللي في جوف القلب يعلم به الله والخا خويك لوحصل منه زلة =أصفح عنه واصحى تجي منك خلة وعليه لا ترضى الاذىوالمذلة=وراعي الوفا والطيب أجره على الله والدال دور صادقين الصداقة= وابني معاهم بالمودة علاقة واللاش لاتزعلك ساعة فراقه=بعض العرب عن صحبته يغني الله والذال ذنبك معظمه من لسانك=تحرق بناره وانت جالس مكانك ان ماترده عن هوا النفس هانك=وان جاك ما يغضبك قل حسبي الله والرا رجال العرف خلك معاهم =ان كنت تبغى توصل لمستواهم ولابد لك من يوم تصبح كماهم= ومن يطلبون الله يعطيهم الله والزا زمانك عيش به صبر وكفاح=وحذراك تتندم على شي قد راح الرزق عند الرب خلاق الارواح=الناس تبذل جهد والرازق الله والسين سرك في ضمايرك كنه= وقيس الرجل بالفعل ما هو بسنه وعطاك من بعد العطا لاتمنه=وعند العرب قبل السلام اذكر الله والشين شياطين العرب خاف منهم=من قربهم أحسن لك البعد عنهم كم فرقت بين القرايب فتنهم=واصحى تماشي ناس ماتتقي الله والصاد صواب القول قول الشهادة =الركن الاول من اركان العبادة وتلاوة القرآن فيها الافادة=ومن يحفظون الذكر يحفظهم الله والضا ضيوفك لا لفو في مكانك=رحب قدر مايستطيعه لسانك وان قمت في واجبك مولاك عانك= الضيف ضيف الله ووصى به الله والطا طريق الخير خله طريقك=وادعي عليه ابنك واخوك ورفيقك ولو سار بالدرب المعاكس شقيقك=مامعك حيلة فيه والمهدي الله والظا ظهرت في زمنا عجايب =متفرقة بين الفتن والمصايب مثل الخصوم أللي تشن الحرايب=بالله طلبتك تستر الحال يالله والعين عيالك حطهم في عيونك=وعلم صغير السن منهم شئونك اذا تباهم في اللزم ينفعونك=ولازم تربيهم على طاعة الله والغين غريب الدار له حق واجب=لو تصدفه في عاليات الرقايب بعيد عن دار الاهل والقرايب=وحالة غريب الدار يعلم بها الله والفا فرض ربي علينا فروضه=وعرض علينا في المقابل عروضه مثل القروض ومن يسدد قروضه=يوم القيامة مدخله جنة الله والقاف قلوب الناس ماهي سوية =فيها القلوب الطاهرة والنقية وبعض القلوب بداخله سم حية=هذيك القلوب الحاقدة جارنا الله والكا كلام الصدق مافي مثيله=ومن مايقول الصدق ممقوت قيله وقليل من فعل المراجل حصيله=كذاب في الدنيا ولا قابل الله والام لزومك لا تخلي لزومك=ان قمت في لازمك محدن يلومك والناس لا تشكي عليهم همومك=أقنع بما في يدك واتحمد الله والميم منهو له حقوقن علينا= مثل ولي الامر والوالدينا مامنه عذر بوقت شدة ولينا=وطاعة ولي الأمر من طاعة الله والنون نور العلم لاتترك العلم=بالعلم تصبح رجل معروف ومهم والعلم يبني صروح والجهل يهدم=واللي معاهم علم قدرهم الله والها هوا نفسك حذاري تطيعه=وخذ من فروع العلم واترك وضيعه ومن باعكم بالزود بالنقص بيعه=والناس عاملهم بما يرضي الله والوا ولد عمك واخوك ورفيقك=ذراك في الميقاف وبلال ريقك في لزومهم دوس اللهب في طريقك= تشوف ماقفهم نهار الله الله واليا يامن نور الرب دربك=بالدين وتكفل بأكلك وشربك داوم على ذكره في سلمك وحربك=وصلو على من بالهدى خصه الله |
قصيدة بعنوان قلت نعم العمودي
هذه القصيدة كتبت في عام1426ه في موقف لاداعي لذكره
قالو العمودي قلت نعم العمودي=أهل الوفا والصدق من عهد الاجداد ورثنا الوفا بعهودنا من الجدودي=وتاريخنا معروف من سابق الماد مابيننا فاسد ولا من حسودي=ولنا كثير من المخاليق حساد ربعي من أللي يبذلون الجهودي=في الصبح عمالن وبالليل عباد واثا عطانا الله بفظله نجودي=واهل الحوايج والمساكين شهاد وان شالو البيرق حمات الحدودي=حنا لنا في الحرب مصدر وميراد عادات اهلنا من قديم العهودي=سنينن تعدت كلها غزو وجهاد وحنا وماحنا قصار الزنودي=وماتشوفنا في تالي القوم قعاد نحيا ونموت بظل حكم السعودي=مادامو آل سعود حكام واسياد حنا لهم عسكر وحنا جنودي=ومن شعبهم حنا جماعات وافراد واذا خرج منا سفيه اوجحودي=لاعادمن لا يفعل الطيب لاعاد ماهي عوايدنا نخون العهودي=ولااحنا من اللي ينكر الملح والزاد وصلاة ربي عد وبلن هجودي=واعداد مادندن على البحر رعاد على النبي الهاشمي الودودي=واعداد من في البيت ركع وسجاد |
قصيدة بعنوان طاح المطر
هذه قصيدة كتبت بتاريخ 16|2|1430ه
طاح المطر واطرا عليه مداهيل= في ما مظى وقت الحيا كنت اجيها ويطيب لي فيها السمر والتعاليل=الطيب وعلوم الرياجيل فيها ورجال لا زادت عليك الغرابيل=وقفاتها وقت اللزم تحتميها أهل الدلال الصفر والبن والهيل=وتفرح نهار الضيف يقبل عليها قومن لهم مبدا في كسب المحاصيل=مكسوبها من ما تسوي يديها صبوحهم در البكار المباهيل=حمرن أهلها ماتقيد يديها ورث الجدود أهل السيوف المصاقيل=ماهي جلايب سيدها مشتريها بالصبح تسرح والعشية مقابيل=هذا مسرحها وذا يحتريها واطرا عليه الناس والجو والليل=وضو النجوم اللي السما مكتسيها وانهل دمعي لين بل المناديل=على سنينن خاطري مشتهيها والديرة أللي فالها الغيث والسيل=أللي بموت وخاطري مانسيها |
السوق
هذه قصيدة جديدة كتبت ليلة الأربعا الموافق 29|2|1430ه
لعنبو سوق شفته بالمطار القديم=جعل من يدخلونه كلهم بالعما فيه ما تعزل الرجال بين الحريم=حطو الما مع الما واختلط ما بما الوسيمة تناظر عينها فالوسيم=والوسيم يتمغنج مثل عذب اللما ناثر الشعر الاسود مثل ليلن بهيم=فوق متنه وحول خدوده النعما اسم رجال مير الشكل ماهو حشيم=وكل فعله خبيث وشين ومحرما شافت العين وسط السوق شين عظيم=وما توارا عن الاعيان شي اعظما كن مافيه رب اسمه السميع العليم=ولا عيونه ترا من فوق سابع سما وجد روحي لو اني بالصحاري مقيم=ولا عيوني ترا الاجرام والمجرما مير بدعي عدد ماهب ريح النسيم=وعد من زار بيت الله وهومحرما يالله انك تشافي كل جسمن سقيم=وعز الاسلام واهدي عبدك المسلما يالبنادم ترا دنياك ما تستديم=والنهاية تجي من حيث لا نعلما طيع ربك وعند الرب جنة نعيم=حاسب النفس في الدنيا وما تندما ياهنا من لقي ربه بقلبن سليم=وياشقا من نهار العرض مايرحما |
راعي المطية
هذه القصيدة كتبت ليلة الجمعة الموافق 1|3|1430ه
الا واوجودي وجد راعي المطية=أللي اطلقها بالديار الخلية يبغى يعشيها بتالي العشبة=لكنه اخطى اللي تركها بلا قيد وفقد ذلوله يوم حل الظلا مي=لومه عليه وما عليها ملامي يوم كبته بالخبت جيعان ضامي=وماهو قريّب من ديار الاجاويد وحالن حصل لي مثل حالن حصل له=لي ود كنت اواصله في محله واليوم لو باواصله كيف أصلّه=بيني وبينه مشي يومين ويزيد يوم باح سده قلتها له مزوحي=قالي بروح وقلت يالود روحي وروح واخذ بيديه قلبي وروحي=واليوم مابيني وبينه مواعيد ما غير وقت النوم يطري في بالي=واتذكره لاكنت قاعد لحالي عايش في هذا الحال ليه ليالي=وحرمت عيني من لذيذ المراقيد ولو الزمان يرد للقلب وده=لاقوم له بالمطلب أللي يعده وما أملكه ياخذ منه ما يسده=واصيرله مملوك ويصير لي سيد |
الساعة الآن 07:35 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir