|
ديوان شاعر الكسره / عبدالرحمن بن سليطين القريقري رحمه الله
هو عبدالرحمن بن سليطين القريقري الحربي
من مواليد قرية دوقه بوادي قديد0 تلقى تعليمه الى المتوسط ثم انتقل الى مدينة جده حيث التحق باحدى الدوائر الحكوميه واكمل الثانويه التجاريه فالمساء0وحصل عالبكالوريوس من جامعة الملك عبدالعزيز بجده وبعد فتره من تخرجه توظف بارامكو السعوديه برابغ الى قبل وفاته بأسبوع تم نقله الى ينبع0 السكن ؛ الى ان توفى يرحمه الله وهو يسكن مدينة جده0 شاعر غني عن التعريف يمتاز بدماثة الخلق مرهف لحس. وهو من شعراء الكسرة المبدعين. من لا يعرفه يسأل عنه كبار شعراء الكسرة . لن أتحدث عنه في حياته عن أخلاقه العالية .. ورجاحة عقله .. والابتسامة التي لا تفارق محياه وحبه للكبير والصغير قد متعه الله تعالى في حياته بحسن الخلق وجعل محبته في قلوب من حوله. وفاته : انتقل الى رحمة الله تعالى فجريوم الجمعه الموافق 18-8-1428 من الهجره في حادث انقلاب بدولة الاردن وهو ذاهب لاحضار اهله من سوريا عن عمر يناهز 44 سنه رحم الله الفقيد رحمة واسعه واسكنه فسيح جناته والهم اهله وذويه الصبر والسلوان ( انا لله وانا اليه راجعون ) للمعلوميه جميع مشاركاتي منقوله من منتدى القريقري |
كيفك كفى المخ يكفي كف = كفه كفى ماسلف يكفيه يكفي من الكيف ملى الكف=لاتزيد حالك على مافيه الكيف مثل الهوى لاكف=قلبك جناب النظر كافيه واللي منه بالقليل إكتف=خايف من الكيف لا يلغيه |
عايش معي فالحياه إزعاج=مشغلي البال والتفكير عطني لفك السجين إفراج=حلل قيوده عساه يسير العشق ياصاحبي وهاج = مثل البراكين فى التاثير واللي دخل يحسن المخراج = ولا تزيد الامور تحيير |
عرابي=سالم شربت من علقم الايام=لين إرتوى بالصبر دمي وغامرت في رحلة الاحلام=شفي يزيل السفر همي لكن فكري غدى في زيام=عيت هقاويه تلتمي وكل ما إنتهى عام ياتي عام=والحبل مالامس الجمي إبن=سليطين يامشتكي للحياه أحكام=ياكم منها الفتى لمي تاخذ وتفرض أسى واسقام=وتعطيك ساعات بالكمي ما حال فيها علينا دام=إصبر مع القوم وإنظمي عمر الفتى طالعه قدام=ينصى المهمات ويسمي |
يعقوب لما الحزن لفه=دمعه فتك بالنظر وأعماه وانا بقيلي معك لفه=فالصبر و يجيني اللي جــــاه |
ادور فى صدى صوتى =واعاند داخلى الثوار اجرب والهوى موتى=او ارجع بإول المشوار آه الهوى سار من قوتي = أشغلي القلب و الافكار حالي معه سار مشتوتي = ليجيك مثل الذي لي سار نقش الذهب صار منحوتي = البسته الماس والمحار معقول وسط البحر حوتي =يلعب به الموج والمحار هذا الذي سبب إسكوتي = وصبري على حيلة الغدار ميقول للجوهره فوتي = الأ الذي فالبحر بحار |
جار الزمن يالرفيق وحف = ودون الرجا قفل البيبان وصف المآسي عليه صف= واشهر سلاح الدمار وبان مالي بصيره ولالي كف =وادافع الجور فااللي كان حيث انه القاضي المنصف =هو الذي سبب الحرمان |
قلت آه لو شفت ما شفناه = في جونا الممطر الغايم تحرك القلب من مرساه = و توهه في بحر عايم قلبك عليه إنتبه ودراه = لا تعرضه للخطر دايم لآنه الطرف في رؤياه = رماى للقلب و مزايم قلبي وحكم القدر وداه = واصبح تحت رحمة السايم كيف أقدر آتركه و أنساه = فالبال ما نام له نايم مادام قلبك رهين الآه = و إنته معه منتحي هايم يمكن سبب في تجاه الجاه = عنده مودات وملايم |
سلام من هاجس المشتاق = مرسول عبر الأثير يسير ينصاك ياطيب الأخــــــــلاق = ياراعي القن والتــقدير يا مرحبا عشت يا عملاق = أبشر ترانا بعز وخير ياللي لكم فألوفا ميــــثاق = قود المثل واستر التقصير ياللي لكم فالمثل مشراق = وأرائكم للدليل تشير بي جرح في داخل الأعماق = عكر عليِ الصفا تعكير الحاصل اللي معك ما راق = وأصبح معك بالغ التأثير يبغى إفادة من الأوراق = حتى معك نتعب التفكير لي أمل دونه الآفاق = وأمواج يعصف بها معصير مليت والصبر ما ينطاق = والقلب لوله جناح يطير مادام تنظر بعين إشفاق = و فالوضع ما صار لك تدبير لا تقول انا والزمن فسباق = وترمي بلومك على التأخير عيا الجفن يألف الإطراق = حارس عليه السهر ميدير ولومي على قلبي الخفاق = ما يسمع النصح والتحذير كم من تعنى وكم من ضاق = ما فاده الشرح والتصوير عليه قلبه بصبره ضاق = وطرفه سهر من حصار الغير جاه الفرج لاح له براق = وفي ما يبى صار له تقرير والياه عايش معه في إنطاق = يجــــــــــنبه حالة التشهير |
مني سلام الوفا مرسـول = ياعالي الشان والقـدري لا تشيل في خاطرك وتقول = قدام لا تستمع عـذري كم لي عن المجتمع معزول = وياللي عن الحال ماتدري دوبه صفى بالي المشغول = من هم جاثم على صدري مني تراحيب حسـب أصـول = ياللي بحسـن النبـا تقـري ياعماد عذرك وصل مقبـول = لـو طـال فغيابكـم أسـري وأنا أعرف إن الظروف تحول = فزيامها الناس مـن بـدري فالوصل خلك مـع المعقـول = عساك ياعمـاد مـا تـزري |
مركب هوى الشوق سافربي=في بحر شطه هدب وجفون والموج يلعبه الغربي=في كسرته يغرق المفتون ومن حاصل الجمع والضربي=انا ضحيه بعد مليون كيف ارسم السير في دربي=وانا في غبة بحر مرهون حسبي على اللي حصل حسبي=خلى عزيز الجناب يهون إشلون لو فالبحر غبي=مركبك والشط دونه دون تصبح مثل فيه يضربي=واللي قبل كان فيك يكون العامري قيس ياقلبي=في ود ليلى غدى مجنون اللي سلب خافقي سلبي=سهم لجى فالحشى مسنون برقه برق و البرد صبي=هلهل هلا من علو إمزون وازريت يا صاحبي لثبي=أعياني اللولو المكنون كيف البصروالتقي طبي=والموت دون الهدف مضمون قدام مثلك معذبي=حتى معي بيح المكنون في داخل القلب ملتبي=مخفيه مبغى عنه يدرون ومادام حظك معه سلبي=وإنته بما جابلك مقرون إصبر عسى الكيف ينصبي=ولا دار عطني خبر بالهون |
ماعاد عيني تحق الحرف=والمنظره ما ولفناها كله سبايب دموع الطرف=اللي عليهم بكيناها |
سلام وافي مع التبجيل = تقدير ماينقطع مده مثل الرواسي أبد ما يحيل = لو كان موج البحر ضده لكن ترى يا رفيق الجيل = منك الجفى زاد عن حده والقلب كم يحتمل ويشيل = وإنت الحبل تعتمد شده يا مرحبا وافي التكميل = يا وارث الجود من جده ترحيب يشبه نبوت الهيل = و كالطيب لا فاح من ورده القول يحتاج له تحليل = وكل يورد خطا ورده ما يسير تجنح كذا وتميل = يالصاحب اللي محد قده يا لا يمي ماحصل تعديل = قطع الوصل وش بقي سده ماني نحاوي فسد النيل = حتى عليكم صعب قصده نهجي معك فالوفا تسهيل = ودي سوى نعتلي مجده لكن حصل فالخطا تعطيل = و المشتقي باح لك سده ياللي تعاتب نجوم سهيل = قص الاثر والخبر عده هل المطر و إقتفاه السيل = و اللي عبر ينقذه جهده الوصل ماهو سوالف ليل = يحكي بها الود مع وده الوصل شيمة عقيد الخيل = راعيه ما ينتظر رده كب الغلى يالزعيم إشعيل = وطرفك لنا بالصفا لده أنا معك مابخست الكيل = و زان الذهب من غلا نقده ما بغى معك فالامر تفصيل = المشتري ماخلت يده هون وخلك معي حلحيل = و علم مضى للبحر وده لجل أيش ترفع علم تضليل = وتجحد راع المد في مده و تبرز لنا في نهار إمقيل = البنى راعيه ما هده الحمل يزهى جمال إعقيل = اللي علي الدرب مقتده والصدق واضح بلا تأويل = كب الزعل والنظر مده منكم نبى ناتج التحصيل = ومن العسل نبتغي شهده لا تهول المسأله تهويل = حبل الوصل خلته عقده ما عندنا فالوفا تبديل = الحر يبقى على عهده و اللي مضى نأصله تأصيل = ويا سعد من شدبك عضده وافي ولا تقبل التقليل = فالقيل لك نهج نعتده دللت قاف الشعر تدليل = و عنيت الافكار في رصده إن كان دعواك فيما قيل = احكم و تسديدنا بعده فالقلب مقداركم بلحيل = يفوق عمقه بحر جده |
من بعد هاج البحر وارتج=من هول موجه جبل طارق مدري بقي للأمل مخـرج=اللي قبل لاح لـه بـارق لارسم باقي ولامنهـج=حتى نحدد مدى الفارق الجو كله ظلام وعـج=يبقى تحت دبرة الخالق |
أثر عليّـه بعـد حيـي=أبوهدب و العيون أوساع يوم جيت أناديه يا خيي=قال إمعصي للندا ما طاع عاتب معه حظك السي=اللي معك عقّد الاوضاع و الود لو كان متهـئ=ماكان أحد فالغرام إلتاع |
من قلب وافي لميلافه =سلام مخصوص لابن العم بعد السلامه من الآفه =اللي سراسمها في الدم عساه بعدالذي شافه =واللي ماشافه حفظته صم يرمي على الشط مخطافه =وليانصحته يقلي تم ترحيب عالي في مشرافة = باللي في شرح المثل سلم مـــعناك يـــا حـر في قافه = عليه صدق الشعور أقسم لجلن قلبي بما ظافه = مع فقد الإدراك شايل هم السد حافظ على أوصافه = خوفا عليك الزمان يلم |
يامهندس القاف مرحبتين =نورته المنتدى كله افيدني في كثير الزين =ضيع طريقي ولا دله لامن لقيته تهل العين = وان راح مابغى اتوصله الجرح هذا دواه منين =والطب حيران في حله عسى البقى كل وقت وحين = و المنتدى غيركم من له خل المعامل بلطف و لين = ذي حالة الخل مع خله و لاسرت في مفترق خطين = حص الهدف لاتجي ضله أ خوك شايل جروح إسنين = كل جرح باقي على حله |
عزيتهـم والدمـوع ذراف =واعزي النفس فـي فرقـاه هذا الاجل ماعنـه محـراف=كلن على ساعتـه واسـراه |
قديم جرحي و لا يلتم = ولا ينلحق له في قلبي ساس و الطب كم لي معه مهتم = حتى و صلنا لبحر الياس واخاف لو الشفى يلتم = ويقطرونه فواحد كاس ما يفيد في حالي المبهم = و في و ضعي اللي معي حساس |
ذعذع نسيم الشمـال ومـال=فن الهوى في رياض الانـس اشاهـده بالنظـر يخـتـال=لكن يحـرم علينـا اللمـس يحـول دونـه سهـم قتـال=وايضاً حرس بالقنا والخمس حاولت قالوا عليـك محـال=الفـن هـذا طريقـه عمـس وامسيت خالي مـن الامـال=غاب الامل مع غروب الشمس سمعت راع الكـلام وقـال=اللي من اول كلامه همـس اشعل عليا اللهيب إشعـال=وأثر عليا شعـور وحـس فن الهوى لا طلع في إقبال=يحكم قرارة حروفه طمـس اشكل على اهل الغرام إشكال=وادخل قلوب العواذل حبس لو كان ليـه عليـك اسـال=يدور في خاطري من امـس |
العمر ماهو حسبت ايام وسنين= العمر لاسرت انت واقف معايا والعمر ماهو هم من كثرت الدين = هم الديون ارميه دايم ورايا انا بلايا يامحمد من العين = اللي توردني لحوض المنايا كل مانويت اكفخ بريش الجناحين= يزيد والله يامحمد بلايا وكلما بغيت اسلك طريق المودين= يامحمد القى الدرب مابه مطايا وفكري عجز من كثر صفق الموازين= عيت معي ترجح كفوف النهايا وانته رفيقي حزت العسر واللين = لا وقفت رجلي ودلهم سمايا لكن لاصفو عليه المصلين = تذكر ان اسباب موتي دوايا وليا نقلتوني على المتن عجلين =اعرف ترى فالموت هذا رضايا ومن عند قبري لامشيتو مقفين = خل العهود موثقه فالحنايا الموت واحد ما على الارض باقين = وتعدد الاسباب فيها قضايا وانته تعرف ان المبادي عناوين = ياراعي الطاله كريم السجايا |
يمر العمر وايامه سريعه == وتمضي لو ميه وعشرين عامي بعد ماجاتنااخبار الفجيعه == عليك نقول يادنيا السلامي خبر جانا المذيع اللي يذيعه == يبث اشد من ضرب السهامي يقول اللي مقاماته رفيعه == ابو فيصل لعله للرحامي بغيت الصبر عييت استطيعه == وعيت لاتساعدني عظامي فقدت اللي مواقيفه شجيعه == شجيع وكنه الصقر القطامي زعيم والوفا عنده طبيعه == تفارقنا بعد كنا ليامي ويارحمن رحمتك الوسيعه == لتجعلها لابو فيصل مقامي وتجعل ورده الحوض وشفيعه == شفيع الناس في وقت الزحامي |
جل اللذي صوره وانشاه =يعسوب في غاية المعنى القد عود القنا حليـــــــاه =ريان عوده وفاجـــــــــئنا والعين عين المهى تبهاه=ابهـا رمان ولعنـــــــــــــا جيناه صدفه ولا نبغـــــاه =لكن الحظ وقعنـــــــــــــا اخوك وسط الشبك مؤاه =شوفله طريقه وخلصنـا ماتدري إن الغــــــــــــرام وداه=أثر على المعتكف في منـــا إن كان ما تشكي بلـــــــــــــواه=ويدخلك لجة بحر وقنـــــــــا وصعب إمتلاكه وصعب إرضاه=وفي يمينه المر عسل وجنا ماهو هوى يستحـــــــــــق الآه=ولا ينتعبله على مبنـــــــــــا حالتك سهله مع المأســـــــــاه=اللي على الفرق حدتنــــــــا |
أمس المسى كنت مع خلي=واليوم عايش وحيد إبـلاه فالدار بعيد انا مـن لـي=قلبي فضى الكون ما يسلاه |
للوصل عيا يجـي تمديـد=حتي عجزنا نجيه إمنيـن متي الرضا والسلام يعيـد=مابين حاجب و نون وعين |
مبغى الجدال الذي حاصل=مابيننا يالحبيب يطـول لابد نسعـى و نتواصـل=لاوين في عالم المجهول |
ياللي في حسن الملا لك صيت=حتى القمر فـوق يمضيلـك خذني معـك للعمـر توقيـت=باخذ من النـاس و عطيلـك |
بكره بسافر بروح الشام=واظني امر مع عمـان واخاف يطري عليا العام=وقلبي عليه الغرام إبان |
فالجوف حي الهنا جالـه=نزال فالجوف له منـزال شيد علي الساس منزاله=بسلوب راقي وروقة بال والوضع لاشـك يهيالـه=اللي رسم للهدف و احتال واليوم انا سرت في حاله=يرثي لها ياجويد الخـال سويت حول الخبر هالـه=وبسّط الافكار عشرأميال عرابي اللـي لنـا قالـه=حاصل حصله من الترحال ماسور بعد انشغل بالـه=فاللي قبل قد شغّلي حـال هذا هو الشـام واهوالـه=كلام قبلك كثيـر إنقـال |
لوكان له مثلنـا فالسـاس=وعنه المواقيـف تمنعنـا ما يسير ينقل ما بين الناس=صورة على عكس واقعنـا قبلك شكى الحبر و القرطاس=وانا أشتكي و إنـت رابعنـا كُلٍ بفكـره و لـه مقيـاس=ياللي على الوضع تطلعنـا |
عهد(ن) مضى كنت له قاسي=امشي دروب الخطر بعنـاد واليـوم الحـال منحاسـي=ثالـث ثلاثـه وشيبـي زاد ما يسير عكرت مجلاسي=وانا أحسبنك خبير و جاد للوقت موجه و مقياسي=و للرجا و الحياه أبعـاد |
سلام وافي لكم في كتـاب = ياحرب مني لكم مخصوص دوبي مسجِّل مـع الكتـاب = قصدي فبحر العلوم إنغوص سهم المنايا مع الأسبـاب = خلى رجايا معي في إنقوص ياحرب ظني بكم ما خـاب = أبغى لشرح الدليل إنصوص يا مرحبا والبخـت لـك جـاب = ترحيب وافي لكم مرصوص الــدار دارك وحـنـا اغــراب = والجال جالك وحنـا نغـوص الذيب يرقـى علـى المرقـاب = يوم (ن) طير الهوا مقنـوص غير القدر يالخوي ماصـاب =وايوب فعله غدى مبخـوص |
سـلام يـا طيـب المنسـب=اللي ما بين العرب مشهـور شرواك أعـده لنـا مكسـب=لا حافني من الزمان قصـور بذلت طيبي معـه وأحسـب=على المثل يوفـي المذكـور يجـوز بعـد العنـا أرسـب=لاحـق قـره ولا منـكـور يا مرحبـا عـد مـا يكتـب=في عالم المعرفـة بسطـور باللـي لـه الطيبـة تنسـب=وهو علـى فعلهـا مذكـور إن كان فالحق لـك مطلـب=سوقه لبسط العلـوم سبـور واللي يجنـب عنـه جنـب=منت على صحبـة مجبـور بعد أشتكى من الآسى مُتعـب=وعيا معه فيفـزع الدكتـور اسقيته الشهد بطعـم أعـذب=وبدلت حاله فـرح وسـرور لاكن تناسـى وذا الأصعـب=معروفنا فيـه قبـل شهـور يا طيب الأصـل والمذهـب=عطنى إفادة وكيـف تشـور بعد اكتمل لي ملـف الطـب=وتقريره اللي معـه منشـور خلك علـى ساحـة مرقـب=وفي عمق الأحداث لك منظور والقن حـذرا عنـه تجنـب=يمكن تجي فالأمـور أمـور وأوصيك صدرك يكون أرحب=الصبر منـت عنـه معـذور |
شكرا على النقل ياعواد الظاهري
ديوان ثري بالمعاني الجزله والجميله (والله يرحمه ويوسع فقبره ويسكنه فسيح جناته اللهم آآآآآآآآآآآآآمين يارب العالمين يارحمن يارحيم) |
رحم الله ابن سليطين وجميع موتى المسلمين
|
اطلعت على الديوان من تأسيس الاخ عواد الظاهري عن قصائد الغالي عبد الرحمن بن سليطين القريقري (( أبو فيصل )) وأحب أن اتقدم بالشكر الجزيل له وللقائمين على ملتقى حرب الرسمي والشكر في حقهم قليل أمام هذا الجهد الذي قامو به والشاعر عبد الرحمن بن سليطين القريقري ترك حلقه فارغه في حياتنا جميعا سوا على مستوى القبيله او العائله أو على مستوى شعراء الكسره وكان رحمة الله عليه قريباً إلى قلبي بحكم أنه أبن عمي لزم وكان رحمه الله دمث الخلق وسعت صدره وحبه لصغير والكبير وكثيراً كان مايتصل عليه لنذهب لمشاوير ونتونس بأجمل الأبيات الشعريه لنقص المسافه والزمن ولكن ادعو الله عز وجل أن يتغمده بواسع رحمتة وأن يسكنه فسيح جناته وأن يخلف لنا عن ما أخذ ويجعل مآلنا الى خير وأبو فيصل ,وإن غاب عنا في الدنيا سيبقى في قلوبنا وقلوب محبين ابن سليطين دوماً يتذكرونه بالخير ويدعون له بالرحمة اكرر شكري وتقديري للقائمين على الملتقى والى الأخ عواد الظاهري ودمتم بخير دائماً وابدا |
الساعة الآن 09:47 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir