|
ديوان الشاعر محمد عبدالمحسن البدراني
العام دمعي دم من فـوق الاوجـان=وبالصدر عبرات الحـزن خانقتنـي واليوم مثل العـام مافيـه نقصـان=الاهمـوم الـعـام زود اعلقتـنـي وصار الرصيد احزان والجفن سهران=وكن الجبال الشامخه فـوق متنـي بسبـاب دنيـآ روحتلـي بـجـدان=بفراقهـم بخـلال عـام اصفقتنـي جيت القبور اللي لنا بكـره اوطـان=وشفت النصايب والعبـار احرقتنـي ووقفت فوق القبر ضايق ووجـلان=ودنقت احبـه والدمـوع اغرقتنـي ولديت راسي عقب ماقفيت شفقـان=ماودي اطلـع والغبـون ارهقتنـي ذكرت جدي وجـد جـدي كحيـلان=اللي عليهـم نـار بقعـى كوتنـي راحو هل الطولات ذربيـن الايمـان=والعين من فرقى الجـدود اابتلتنـي ياعين يكفـي لاتزيديـن الاحـزان=زرق الدمـوع النازفـه مانفعتنـي اللي بقى منهم ولو طالـت ازمـان=بفراقهـم ان مابكيـتـي بكتـنـي هذا مصير الخلـق والمـوت ديـان=ودنيـآ توطتهـم تـرى واطيتـنـي |
لاعاد علمن شتت الفكـر تشتيـت=على الرفيق اللي من اطيب ربوعي صابنه اسهوم الليـال المباغيـت=في ليلة الجمعه بتـال السبوعـي عليه دمعن تنزف العيـن هليـت=وانا ادري انه ماتفيـد الدموعـي انا ادري اني لو لشوفـه تمنيـت=أصعب علي إيصير من حب كوعي لكن عبراتن عن إخفايها ازريـت=ولا تـراي بحكـم ربـي قنوعـي في جيرة الله يوم ياضافي اقفيـت=في رحلتن مامن بعدها رجوعـي خليتنا ياللي على الطيـب ربيـت=ياطيب الجيره شريـف الطبوعـي وخليت خيلا بالسبق جالهن صيـت=اللي لهن وقت المسابق طلوعـي وريهام عقبك لو تناديك مااوحيـت=خطفك منها الحادث اللي يروعـي مرحوم ياحـرآ شهـرت وتعليـت=مرحوم يالسيف الصقيل القطوعـي يالله عسى في جنة الخلد لك بيـت=ويرحمك من يحيي هشيم القشوعي وينجيك ربي من مصير الطواغيت=يوم الحساب ويوم حشر الجموعي |
البارحه يوم ارتخى الليل ياحزام= هزت هواجيس العنا كل معلوق قمت اتفكر بالليالي والايام=والصدر من همن سطا فيه مخنوق احدن من الهاجوس والضيق مانام= وحدن على نغم الطرب ريح الموق ويومن جفني عن لذيذ الكرى شام=اخذتلي مع سجة البال طاروق وعلى الورق ياحزام دارن الاقلام=لمصافح القيفان يدفعني الشوق ياحزام يمنى الطيب ماتمد لخمام= محدن يعامل بالوفا راعي البوق اهل الردى كثـروا لهـم عـدة اعـوام=واللي مثل شرواك قلو يابن روق ياليت في وجه الردي رمز وأوسام=متبينه للي يشوح النظر فوق حتى نطق شعيل في قيد وخطام=من قبل عوجآ عقبها مقاضب حلوق ماني برجلي واطيآ روس الألغام=لاصار لي حدود مع كل مخلوق ون زلت الشيمه ورفن الاعلام=سليت سيفآ للمهمات مذلوق ماهو قريبلي من عيال الاعمام=حتى اني ادمح زلة إضعيف منطوق ولاهو رفيقن كاسبآ بالوفا وسام=يوفي لي حقوقي وانا اوفيله حقوق الحر مايرضى المهونه ولا يضام=يسطي بمخلابن مضاريبه تعوق يسبح بلجات الهوا فوق لاحام=وليانزل وكره على راس شاهوق من مامشى ممشى عواريفن كرام=مايستره ثوبن على الجسم مشقوق الرفقه اللي مابنوا ساسها كرام=لازم مع الايام يبديبها فتوق الرس مايروي ضمى ورودن حيام=والسلعه الهزله معي مالها سوق مااخاوي اللي بين الاجواد نمام=بالمجتمع ماهو على الخبث مسبوق هرجه لمن سمعه مثل قرصة الهام= يونس عطبها اللي به السم مدفوق يمشي على وجهين من بين الانام=جسمه رقاق وسمه براسه يسوق انا رفيقي مثل شرواك ياحزام=يامحزم اللي من عنا الوقت مرهوق ياللي ليمنى ابوك وعتيبه حسام=يابن الحرار اللي حموا شمخ النوق في نجد قبل يروضه سيف الامام=عبدالعزيز اللي عليه احكم الطوق صقرآ حكم كل الجزيره بالاسلام=وخلا الجهل في حبل الايمان مشنوق ياهل سيوفن تودع القاسي اقسام=وسرد الخيول اللي لها بالوغى لحوق ذباحة الحايل وللعايل كعام=المدح للي مثل شرواكم يلوق وقبل سلامن جاك لبياتي ختام=بعداد رعادن قفى صوته بروق وصلاة ربي عد من كبر وصام=على النبي اللي من النار معتوق اللي عسف بالسيف عباد الاصنام=بامر اللذي بامره غدا اليم مفلوق |
يوم القوافي جالها بصـدري زحـام = عديـت روس النايفـات الطـوايـل في مرقبن فيه ابرق الريش ماحـام = يطرقبـه النسنـاس والظـل مايـل عبرت من جاشي وولمـت الاقـلام = للسيـف سيـف وللمثايـل مثايـل صرفت قيفانن على خافقـي ركـام = من مصنعـن ماينتـج الا الجزايـل ويم العواجي صدرن ماهـن حيـام = هـداج صدرهـن لريـف الهزايـل اخاطـب العقـال ببيوتـن حـشـام = ولا عـن الجهـال مانـي بسايـل من قدم اليمنى لـه الجزلـه يـدام = ومن قدم اليسـرى يـذوق الملايـل كم من غشيمن طاح في حقل الالغام = يمشـي ورجلـه طشتـه بالحبايـل واللي على نفسه رضى حكم الاعدام = لاطـاح راسـه ماتفيـد العـذايـل يالوايلي كلآ على الواجـب حسـام = سيفن مصقل في نحـر كـل عايـل من دون ربعه ينطح رماح وسهـام = مثل الجمـل يبـرك لشيـل الثقايـل وحنا على الزلات صاحيـن ونيـام == في حـال ولا حـال اشـب الفتايـل قلبي على دوس المعاسيـر مريـام = ماهو جفولن فـي نهـار الصمايـل حربي وربعي حـرب لطامةخصـام = اهل السيوف المرهفـات الصقايـل بالحرب ماقد نكسوا روس الاعـلام = يوم القبايـل بيـن صايـل وجايـل واليـوم مـن الله علينـا بالاسـلام = راح الزمان اللي بـه الـدم سايـل جتني بيوتـك يـاذرى كـل منظـام = وميزت طيبك يوم شفـت الرسايـل مرد عاقل عن قشاش الوطى شـام = جواهرن من نظـم واف الخصايـل ومن طيبها الهاجوس في بحرها عام = (ومشيتلك ممشاك يابـن الحمايـل) للمعرفه شرطـن وللخـوه احكـام = ولاحكامها مانـي لشـرواك قايـل اللـي يقدرنـي ترانيـلـه حــزام = بالضيق لونه مـن اقصـى القبايـل ولا الردي لوهو من عيال الاعمـام = مالـه معـزه عندنـا يابـن وايـل الحـر حـر ولايصاحبلـه خـمـام = وبين النشامـا قالـو الشـك زايـل |
لا ياقليل العرف لاتقرب النار=وانته جنوبك يالضعيف صخيفه لوكان عندك سيفآ ابلج وبتار=ماظن تسطي فيه يمنن ضعيفه ياذا الكديش اللي له اخبار واذكار=في سكة اصحاب العقول الخفيفه مانت المعزب يوم حليت بالدار=حتى نقول فلان قصر بضيفه عليك قد حطوا هل العرف رادار=لاتحسب ان العين عنكم كفيفه مالك ببنك الطيب درهم ودينار=ولو تحتزم بسلاح مامنك خيفه ياللي عن اعدود الروى حبالك قصار=حشرت نفسك بالثياب القضيفه البوم مايذكر قنص فيه صقار=ولو صف ريشه ماينومس رفيفه له حومتن تقصر عن صقور سنجار=اللي مواكرها بروس المنيفه للخيل خيالآ صميدع ومغوار=إتنومس فعوله ليا سل سيفه وإن اعتلاها واحدآ هافي اشبار=ماذاق من مركاضها الا الكليفه لا كاسبن كسبن ولا ضادآ اخطار=مايحتزمبه للأمور العنيفه تعرف هل الوقفات لاصار ماصار=ولا الرخا كلآ فراشه قطيفه واللي غزا في بندقن مالها عيار=النصر ماهو بالنهايه حليفه ليا ارتكاله بالبلاجيك بيطار=خلا دموعه من ندبها ذريفه وعن الصحيح ان كان طاشن الانظار=ماينفع القراي ما بالصحيفه الطايره مايقودها غير طيار=ليا اقلعت مايطشها بالحتيفه خبير بااجهزة التحكم لياطار=وكلآ حسب عرفه يحط بوظيفه يارجم ياللي لك معزه ومقدار=بقلوب راعين الطبوع الشريفه عسى المزون اللي بها البرق سمار=اللي رعدها غادينله وحيفه تنثر على ترابك غزيرات الامطار=وتقش عشبن يابسن تقل ليفه عشبن مهشم كاسي اوراقه غبار=محدن رعاه وكل نفسن تعيفه وعقب المحل تنبت بختري ونوار=واللي رحل يعلن لدارك نكيفه دنيآ بها شفنا غريبين الاطوار=قامت تداحم بالمتون النحيفه ولا انت ياكحيلان يامكرم الجار=ياوافي الاشبار ياريف ضيفه يكرم جنابك يالوفي يابن الاحرار=عن واحدآ حطوه عقبك خليفه اللي ركب ريمه علي أمس واغار=عندي له سيوفآ حدادن رهيفه لاشك من ربعن حشيمين واخيار=ليته يفارقني ويذلف بكيفه ماودي المدفع ينوشه ليا ثار=ولا ودي تطبح عليه القذيفه لكن حداني ثم غنيت الاشعار=من عقب فنجال الدلال النظيفه |
وثقت عرفي ببعض الاشخاص توثيق= ووفيت معهم في حقـوق الصداقـه وحملت نفسي لجلهم فوق ماطيـق= ابيهـم ليومـن قـويـآ طـراقـه ويوم التفت وصحت مع يبسة الريق= متخالطن فـي الزعـل والحماقـه راحو كما جولـن رمـوه التفافيـق= مامنهم اللي ساق للضيـق ساقـه ولا الرجـال الطيبيـن المطالـيـق= تكرم لحاهم عـن خطـاة الهقاقـه وقمـت اتمعـن يابـدر بالمخاليـق= في كل منلـي يابـدر بـه علاقـه واثر الرفيق يبين في ساعة الضيق= (ولا الرخا ياطيـب كـل الرفاقـه) |
اذوب مع الشفايف والرموش العكش واللبه=واضيع مع الجديل اللي على الاكتاف جا منساق ألا ياعنق ظبيآ حطه الرامي على الحبه=رماه ببندقآ سردا ولاصابه بها التفاق تذير من ندبها وفز واقفى مع هكا الخبه=عقب مازمه العبرود وأذراه الله الخلاق ورى حدب الضلوع العوج كن النار مشتبه=ليا ارخى رمش عينن فوق خدآ كنه البراق درقني لين جود خافقي ثم قام يلعبه=وذبحني في عيونن كن فيها من النعاس إرهاق افز من المنام ليا حضر طيفه وأرحبه=شبكنا بالهوا وصرنا سوات الطير والمسباق ليابرقت في وصفي لاوالله اني أسبه=تعالا الخالق اللي توجه بالزين والأخلاق توادعنا وكلآ راح فيما قدره ربه=وعلى عهد الوفا كلآ حلف ماينقض الميثاق عسى ذاك السحاب اللي نشا دفاقه يصبه=على دار الهنوف اللي خفق قلبي لها مشتاق |
انا لاضاق صدري قلت اسج الرجل مع هـلال = رفيقن خوته تجلي عن القلـب الشقـي همـه مادام انه على يمناي مـاوالله يضيـق البـال = مثل نواف اعـده ياعـرب فـي ذمتـي ذمـه سقـاك الله يايومـن لـداره يرسـي التمثـال = احط الشرق عني شرق واصلب موتري يمـه نبا نسج القدم في صحصحن عله صدوق خيال = قطاعين الدبـش ماقيـل فـي مفـلاه ملتمـه شقوق السيل واسمتن شعيبه يوم قاعه سـال = لياجيـت الشعيـب لياجروفـه منـه مندمـه وبطرافه بشب النار وابا احكـر لنـا الفنجـال = بعيدن عن هل الوجهين واهل الحسـد والنمـه ونبى نقنص لصيدن بالوعر دايم لهن مدهـال = محنيات القرون اللي مثـل تقويسـة الضمـه ليامد الموالـي بندقـه طشـه بقـاع الجـال = الا واعزتيلـه مـن لهيـب الملـح لاخـمـه بساعتها لون الجيب مابه غيـر نـص ريـال = حرم اني ماغبط اللـي يحـب المـال ويلمـه ولا يالسيف الابلج يالنداوي ياعريـب الخـال = الا ياعد هداج اللـذي يـروى العطـش جمـه لعسرات الليالي قـو بـاس وللثقـال جمـال = مثل شرواك ياللـي للجـزال مشمـرن كمـه انا لك سيف ياهلال لامـن الدهـر بـك مـال = ترى كاس الضنك من دون مثلك شاربن سمه انااعرف الحرار اللي لهـا بالشاهقـه منـزال = واعرف اللي ترفرف بالحظيـره ماتجىالقمـه طويلين الشبور ارخص لهم روحي وكيس المال = مدام ان اللي بصـدري يـدق ولاوقـف دمـه وعدو الطيب ماني له خوي لو قال كيف الحال =لونه من بني عمي وابويـه صايـرن عمـه |
من عقب ماقدرك على الراس والعيـن = اليوم عندي صـرت حسبـة ربايعـك مانـي ونـا محمـد اخـاوا الردييـن = لابـوك لابـو مـن تقفـاك يتبـعـك انــا وفـيـآ للـرجـال الوفيـيـن = ولا انت تلقى مـن طبوعـه طبايعـك العام سيفن لك على العسـر والليـن = امدلـك يمنـاي لاطحـت ورفـعـك وعوجاك لو جتني بكبـر الضلاعيـن = اصد عنها تقـل مااسمـع ونااسمعـك لي بندقن ماهـي بتخطـى النياشيـن = سابـق ندبهـا لـو بغينـاك يجدعـك عن نهج منهـاج الرجـال الحشيمـن = قلي وش اللي يااسود الوجـه يمنعـك الحر للعليا يرف الجناحين = وانته طمان القـاع غايـة مطامعـك النفس شامت عنك يابـن الشجيعيـن = وخـذ ماجنيتـه خلـه اليـوم ينفعـك يوم استوى الطـاروق غنيـت بيتيـن = بغيت فيهـن يابـن الاجـواد اودعـك وياحلوووو قطع الوصل من بين الاثنين = لاصار قلبك من حدى الخلق موجعـك |
هلابك هلابك يوم لك يالوفي مقدار=على ضو موضوعك بيوتي بسويها ترى مابنا صمله على جيزة المسيار=ولالي بها شف(ن) ولاني بباغيها انا شفي بشقرآ كحيله وبنت احرار=هنوفن شمال طويق تذكر مرابيها لها شفتن حمرا وخد(ن) كما الجمار=هنوفن تزين كل قاعن مشت فيها تصادفت معها يوم رادت لنا الاقدار=سقى الله يومآ فيه جينا لأراضيها تدرج لها مع (جو ريمان) شقح بكار=على جيبن اشهب والدداسن تباريها شعاها غلا نياقن غوالي لهن اذكار=لهن تقصر الممشى وتمشي مماشيها وقفنا وسولفنا وكل الهروج خيار=تكفيني البسمه لياجيت احاكيها وتال العهد فيها عقب طيحة الامطار=مع نياق ابوها يوم جينا مفاليها عسى البرق فوق ديار غض النهد سمار=وينثر عليها المزن وبله ويرويها على شان لاقام يتصافق بها النوار=وشيف الخزامى نابتن في مراعيها ابى آخذك ياظافر معي يم هاكا الدار =على شان تنظر في عيونك وتوحيها ولاشفت غروآ فوق وجهه يحط خمار=وشفت الرموش اللي على الخد يرخيها هكا الساع انا ابنشدك عن جيزة المسيار=ولا ظن ياظافر تبى تقتنع فيها |
كنت مع مجموعه من الزملاءقانصين للصمان وبعد رحله دامت اربع ايام وفي طريق عودتنا للرياض قلنا بنتغداء بنفود الدهنا ونمشي من عندنا المهم كان يوجد بالجيب جريدة الشرق الأوسط قديمه على الطبلون وأخذها احد الوجودين ليقراءها وكان هناك جائزه او دعايه على احد الصفحات وهو عباره عن شيك بمبلغ خمسه مليون وقال والله لو هالشيك بأسمي ماتشوفوني جالسن معكم بهالنفود ومقابلن وجيهكم وقلنا وين تبا تروح قال هذا مليون بتمشى فيه على لبنان وسوريا ومليون بباريس و........المهم ان الرجال في كل ديره بيتمشى بمليون لين تقضي وقمنا حنا نعلق عليه قال طيب انت يامحمد لو انها معك وش بتسويبها قلت
ياليت فـي يمنـاي خمسـة ملاييـن = رزقن من المعبـود كسبـن حلالـي وفك جوع اللـي ليـا جـو ناصيـن = ورفى حـوال اللـي بهمـه شكالـي وحطلـي قصـرا وبالقصـر ثنتـيـن = ومثومنـن فـي جـال نـاره دلالـي ويمرحبـا بالضيـف مليـون وثنيـن = ترحيبتـن مـن قلـب للـي عنالـي يلقا الشحم والهيل وسـط الدواويـن = في مجلسـن ينصـاه ذرب العيالـي ولياسطـع بالليـل ضـو البراكـيـن = من بارق الوسمي صـدوق الخيالـي وحل الربيع وشـدوا البـدوا عجليـن = ناصيـن برقـن لاح ضـوه شمالـي أحطلـي وضحـن بوسـم البداريـن = وهاذي طـراة القلـب يومـه بدالـي ومن اول شعاع الصبح بالوضح مقفين = مقفيـن للصمـان مشيـاً عـدالـي وليا اختفى ضواً من الشمـس للعيـن = وحل المغيب وصـار روضـه نزالـي شبيـت نـاري والمخاليـق ممسيـن = وصكة على الحيران والبـال سالـي وليا انفصـخ ليـلاً وبالضـو تبييـن = والكيـف زان وجلسولـه رجـالـي ربعن على كسب الراجـل حريصيـن = امعربيـن اجـدود ماهـم احثـالـي والصيد شيف وزان نقـل الشياهيـن = في صحصحن فيه الحبـاري جفالـي في صحصحن مسقيـه ربـي بنويـن = ومن نابت الوسمي كسابـه رمالـي وام سـالـم زادت الـجـو تلحـيـن = زودن على تلحين عبـس الشمالـي ازين ممشاهن على الهـون يازيـن = فـي جرهـدن ماللغنـم بـه مفالـي وابوي يبراهن على الجيـب بهوين = من فوق جيبن دافعـن فيـه غالـي من فوق جيبـن صممـوه لسلاطيـن = وبامر الطلب مجيـوب ليـه وجالـي واصخيت في مشراه غـال التثاميـن = ولاهمنـي غلـن دفعـتـه لغـالـي انا هوايه مـع هـل الديـن والطيـب = وعلم الشرف والطيب هو راس مالـي وخطو الولد لاهـد صيدلـه اسميـن = صيده من الجـزلات ماهـن هزالـي من نسل حراً فـي فعولـه براهيـن = يرسي على الصعبات لوهـي ثقالـي ولاصار خطو اللاش همه على الشين = الطيـب ماهمـه دنـي الخصـالـي انا اشهدانه صار همن علـى اثنيـن = اثنيـن يرجونـه ولاهــو يبـالـي لانافعـن ربعـه ولاسـدلـه ديــن = عارن على ربعـه وللشيـن شالـي |
يالشاعر المبدع لك أبياتي أسوق=حيثٍ مثلك يفهم الشعر لاساق يامحمد أنا ضعت في حب مخلوق= ربي عطاه من الحلا كل مالاق من أخمس أقدامه إلى الراس من فوق = ماهو جليل وهو نحيّّّف دقاق ذوقٍ(ن) على ذوق(ن) وذوق(ن)على ذوق=جامع جميع جموع جملات الأذواق له هرجةٍ تدخل على القلب برفوق=بلسم شفاء يطغى على كل الأعماق وله مبسمٍ ياخذك لاقصى مدى التوق=وله شفةٍ تروي عطش جف الأرياق له طلة أبهاء من أملاك فاروق=اللي لوت بالشرق عدلات الأعناق متناغم الخطوات ماهو بمطفوق=مشيه تقل يمشي على عزف دقاق اليا نطحته ينطحك نور وشروق=ولياقفيته أدهم الليل منساق سبحان ربٍ حط في خلقه فروق=سبحان من سواه سبحان خلاق أشتاق له لو هو سكن داخل الموق=دايم وأنا لمعذب القلب مشتاق علمي وحلمي والوله عند معشوق=صارن رهينات وسط كف الأشواق عشقه سرى مابين شريان وعروق=عشقه كما دمي مع العرق ينساق هو كل تركي وآخذ الطاق مطبوق=هو كل دنيايه مواصيل وفراق من العناء والشعر والحب والذوق=كتبت لك ياصاحبي كل مالاق كتبت آخر سطر في سر معشوق= القصه اللي سطرت حب عشاق بعداد تـال الليـل مالاحـت بـروق = وألذ من طعم العسـل يـوم ينـذاق ولا درير اللي رعت نبـت زملـوق = وضحآ بكر هي شف راعين الاذواق في مرتعآ ماطبـه الا هـل النـوق = وشهب الجيوب اللي تباري لها نياق وضحآ مفاليهـا بشعبـان ساحـوق = الديره اللي حبهـا وسـط الاعمـاق حييت ياللي من هوا الترف مزنـوق = يانادرآ ماكرك فـي راس شوهـاق يمناك ماهي يابن الاحـرار للعـوق= يالمغرم الهايم بموجـات الاشـواق قبلك ترى قلبي من الخشف مسروق= طردتهن حتى شكى القلب الارهـاق ذكرتنا باللـي لهـا هزنـا الشـوق = شوق الضوامي لالمحوا ضوح براق مكحولة العينيـن والعنـق منتـوق = ملهوفة السرجوف مبرومة السـاق اللي طراخمها تقل ريـش غرنـوق = شقرا الجديل اللي على الردف منساق راعي نهودن منهن الجيـب مفتـوق = اللون لون الثلج والملمـس رقـاق والعين عين اللي بدى راس شاهوق = حرآ وحش للجول ساطـي ولحـاق من اللبس بعض اطرافها تقل مخنوق = واسع ولكنه علـى اردافهـا ضـاق غيدآ لها بالمجتمـع قـدر مرمـوق = ومن دونها سيفآ يقص اقسى الاعناق ماتغازل العشاق في ساحة السـوق = فيها الحيا ممزوج مع غنج واخـلاق من عقبها كني على الوجه مصفوق = اثر الغـلا ياخـوك ماهـو بينطـاق اقفت ضمى ونا على شوفهـا اتـوق = وانشهـد ان الحـب للحـال سـراق ريمآ غلاها طوق القلب فـي طـوق = تطويق ساق الحر الاشقر بمسبـاق لعيونهـا ياكثـر ماجـر طــاروق = وياكثر ماارخيت القلم فـوق الاوراق حصل الفراق ولا انطفت جمرة الشوق = الله يسهل دربهـا بحسـن الاوفـاق إن كان خلك دونه إمقاضـب حلـوق = الوقت ماهـو وقـت بنـدق وتفـاق ماهي رخامه ميـر للعالـم احقـوق = والكـل منـا لـه مـع الله ميثـاق الروح من دونك ترى نسوقها سوق = لوهي بوقت اللي لها ريش وحـلاق الخيل تسرج وأبلج السيـف مذلـوق = وإلك انتعزوى بيوم نشفات الاريـاق وكان إنه بجاه الرياجيـل (ملحـوق) = والمـال لوهـو بالملاييـن ينسـاق وعداد مابروس النخل مالت اعـذوق = اقبـل سلامـي عـد ماهـل دفـاق وكم واحدآ من لوعة الحب مرهـوق = بدنيـآ عوايدهـا تجمـاع وفـراق |
يالله يامنشى المـزون المراهيـش = اللي مطرهـا يـروي القـاع لارش يالواحد اللي تكسي الطيـر بالريـش = بديت بسمـك قبـل بالقـاف ابلـش وجا للقوافي والقريحـه مطاريـش = من يـوم كفـي للمسطـر تنـاوش من البحر اسقي هجوسن معاطيـش = ماهو غديـرن ياخـذ ايـام وينـش راس الظبي ون قيل مابه عراميـش = انقش عسير القاف فوق الصفا نقش من صادق احساسي لمدح المداغيش = شواربن مانمـدح اصحابهـا غـش ون كان قلتم يامحمد علـى ويـش = تمدح طلق لاهنت جاوب علـى وش بقول هذا كـان بالوضـع تشويـش = من ماكرن معروف ماهو مهمـش ربعه عتيبه يـوم قـل المعاويـش = يوم الذيابـه بالصحـاري تناهـش برقا وروق كعام غـزوآ مغابيـش = بضربة سيوفن لانحنت تقسم الجـش يالله عسى يفـداه كـل المكاديـش = اللي لضيفه دايمـن خاطـره بـش له مجلسـن ماجلسوبـه مخاديـش = اهل الردى اللي بالقفاجالهـم حـش العـود الأزرق والـدلال المغاويـش = وافخر زلول الترك وسطـه مفـرش جا للمراجل وسط راسـه نغاميـش = وباسه قويآ بالمواقف مهـو هـش من صغر سنه مادخل راسه الطيـش = يومـن غيـره للمراجـل مطنـش (ب.....) ماقـزر الوقـت تطنيـش = ولاحيـل وضعـه لـلأداره يناقـش اثبت وجـوده للرجـال الاساويـش = ماقالوا انـه ودعـه مثـل ماخـش جاله وقاعه صحصحن مابعد نيـش = وخلاه ونتاجـه يـرش البلـد رش صرحن عضيمآ حوطوا سوره الجيش = عن طمعة قلوبن بها الغش عشـش وللجـو طيـاره وللكهربـا فيـش = نعمه من اللي جمل العين بالرمـش من عقب وقتآ شح في لقمة العيـش = يوم الجنايز بالمعـارك لهـا طـش لجل البكار اللي وبرهـا عكاريـش = يومن رزق الناس بالضين والطرش شوق الغضيض اللي ثمانه مباهيش = اللي جديله فوق الأكتـاف منطـش بنت الحرار اللي مع الطيـب تعيـش = شامت لمثله مانحنى راسها لكـدش يبقى الوفاله دامنـي حيـآ اعيـش = دامنهم ماوسـدوا راسـي النعـش وياهل الوفا صلوا على صفوة قريش = المصطفى اللـي بالأسـلام طـرش |
غضيض العود ياعابر سبيل اللي عيونه دعج=سطى بالقلب يومنـه نطحنـي نعنبـو حيـه ضحكلي وارتخى لثامه وبانن صف ماهن فلج=ثمانن مثل براقـن لمـع بمـزون وسميـه ابو نهدن كمـا التفـاح تـوه مابعـد يلهـج=عليهن ضك ثوبـه ليـن بانـن للهواويـه ابوردفن ليامنه مشـى مـن مشيتـه يرتـج=يلاعبله قرونن حولن مـن فـوق محويـه عليها منطقن راقي وطبعن بـه دلال وغنـج=وعليها عيون قرناس وعليها عنـق ريميـه سهوم ااموت بعيونه وخده والنحر تلعج=عليه العين شفقانه وفيه النفس مبليه لياطرق برمشه تقل يمشي في وريدي بنـج=علي ارحم من ارماشة عيونه قرصة الحيـه شريفة طبع ماقد صبت الوسكي بكاس الثلـج=درير الوضح مشربها علـى فنجـال بريـه عليها ياوجودي وجد من ركبيه اقفى وهـج=عليها مزهبه والما وهـو برضـن خلاويـه تبعها يتبـع الجـره يبيهـا واقتفـاه العـج=وضاع بهمهن خالي وشاف الموت لـه نيـه شبكني في هواه وراح مدري وين باية فـج=وضاع بزحمة ونـا امشـي واصفـق يديـه وعقب ايست منها قلت ابقصد قبل عنها اسج=وعلى عابر سبيل اليوم ابشرح ماحصل ليـه عساه يجاوب اللي صار حاله مثل حال الخلج=سبب غروا~ عيوني بعـد فرقاهـا شقاويـه |
سمعت لي كلمةٍ عوجـا لهـا مـده = كلمة جفـولٍ حذفهـا دون ياسمهـا لكن طيـري علـى (لاشي)ماهـده = ولاني على الدبك أشب النار واشعمها أبى اتغاضى وأقول الهرجـه مصـده = لو كان كلمة هل الوجهين نفهمهـا ياهيه ياللـي لفيـت بعلـم قـم وده = للي لحانـا عـن أمثالـه نكرمهـا قله ترى الخيـل لاراحـت لهـا رده = أقضبلها البيـرق وخلـك بمقدمهـا لاتصير مثل أرنـبٍ للقشـع منحـده = لاشافت طيور شلوى يحوم حايمهـا على النقا سلم أبوي وجـدي وجـده = ماأمشي على جرة العالم واهاجمهـا ون كان مافيـك لاصملـة ولاشـده = الناس ماهي عبيـدٍ وأنـت حاكمهـا لاجتهم العـوج كـلٍ سيفـه يحـده = وشلفًاً لقص العصب والعضم ولمهـا الجرف مثلك يجيـه السيـل ويهـده = زبرة ترابٍ يشيـل المـاء معالمهـا وطويق مانته ترى يالاجـودي قـده = لاتطب فـي غبـةٍ مانتـه بعايمهـا |
سلمت يمين اللي طرح طايرة بـوش = عودا تحيزم بـم خمـس وصفقهـا خطوا ابلجً بالحرب صاطي ومدغوش = لله دره يــوم ثــور فشـقـهـا يفنى ويبقى اسمه على المجد منقوش = في صفحة التاريـخ يقـرى ورقهـا اليوم بوش يطـوق الحـد بجيـوش = حـرب صليبيـة طمعهـا سبقـهـا جانا بجنـدً يمنـا حايشـه حـوش = وامست سماء بغـداد نـارً شفقهـا واصبح ثرى بغداد بالـدم مرشـوش = مـن دم خلقـاً تـو ربـي خلقهـا ويمكن حياها أيام ويصير مخـدوش = إن مالحقناهـا بتـالـي رمقـهـا الله من قلبً مـن الغبـن منهـوش = وونفسـي اللـي كـل هـمً علقهـا جاها اليهودي يرفع الصوت ويهوش= والكلب ينبـح مخمـرً فـي شنقهـا حتى علمها صار للرجل مطشـوش = نزل وبـدل والعـرب تقـل صقهـا يابوش جندك ماسوى خمسة قروش = وقت الملاقـا بـان فيهـم رهقهـا قطعة نعاجً وأرسلوها على وحـوش = وباول ثـلاث أيـام ربـي محقهـا جوهم رجال الحرب نطاحة الغـوش = يابوش نار المـوت يابـوش ذقهـا ماهم شبابً حط للـراس طربـوش = ومدهالهم باليـل جلسـات مقهـى ويالله عسى قبراً لميسون مفـروش = وفي جنة الفـردوس تلبـس حلقهـا |
الاخوان والاخوات الاعزاء
اسعد الله صباحكم/مساؤكم بكل خير .... .استوقفتني قصيده للشاعر عويض العتيبي .تحركت لها أحاسيسي وجاريتها بقصيده أتمنى أن ترقى لمستوى قصيدته... هذه هي قصيدة الشاعر عويض سفر النفيعي يقول الشاعر عويض سفر النفيعي . . .
لي ثمان أسنين تايب عن دروب الغرام=والعشيه شفت مهرة خفوقي وجمحت مهرةٍ ماتنثني للعنان وللجام=تسذير من الهواء يالشقاوي وجفلت غاليه ومحشمه عند اهلها ماتظام=تذبح العشاق برموشها لاسلهمت ياالشقاوي شفتها يوم مرت بالمنام=ليت قلبي في سباته وعيني ماصحت ليت ربي حقق الحلم مع بدر التمام= ويستريح الخافق اللي همومه نوخت كان راحت يالشقاوي على الدنيا السلام=ماتهم اسنين عمري عسى مامهلت بلغ الوافي مع الشيخ لايلحق ملام=قدمي النواح مطلق ذلوله درهمت غر منها واطلق رسنها وقت العسام=ثم راحت عقبها لاحنين ولاارزمت ماجداه الاالتوجد وطاويه الهيام= لين روحه سلمت للولي واستسلمت لليال الماضيه شدني عذب الكلام=المشاعر مرهفه والضماير هجرست والقوافي جالها وسط صدري إحتدام=والقريحه بالبحور الغزيرات إسبحت الغلا بقلوبنا قد بنينا له خيام=والذيابه في خفوق الهواويه عوت شفت قيفانن لها جرني سلك الغرام=وإذكرت عيني ديار الحبايب ودمعت وإذكرت من مشيها مثل مشيآ للحمام=في مطار القاهره يوم قدامي مشت من بنات المملكه حيها وحي اللثام=والعباه اللي على جسمها الباقي ضفت اجمعتنا الطايره بالسما فوق الغمام=وبرض جده حولت بالمدرج ونزلت الجدايل خلفها مثل ديجور الظلام=ضافيات وللردوف النوابي حولت خصرها ملهوف ماتقل تاكل للطعام=والخدود ابروق مزنن تعاقب لابرقت العيون مكحله والخشم سلة حسام=والنهود بصدرها تو زمت واستوت قلت اببدا هرجتي بالتحيه السلام=((والجمل ماضرها كان قالوا مالقحت)) وجيتها وضح النقا والفشق ملي الحزام= خابرن يمناي تعطب عدوي لارمت مير شفت ان البلد سايده حكم النظام=والخلايق كلها تحت هالحكم اخضعت ولا بغيت انزل الراس وارضى بالحرام=بالدروب العوج ماظن رجلي قد مشت ثم قصبت رشاي من بعد ماركب المقام=واللهايب ولعت في ضلوعي ماطفت ياوجودي وجد من طاح في يوم الزحام=يوم شلفا الخصم فجت ضلوعه وطلعت طاح ماحوله سند لاخوال ولا عمام=وإلتفت لنياقه اللي بها القوم اشلعت يعتزي من قو باسه ووده بالمقام=وكل ماشد العضود إنحنت به وارتخت مابغيت اكشف خوافن بصدري للأنام=مير قيفان العتيبي بجاشي ولعت شاعرآ متربعآ دوم في عال السنام=من حرارآ للجبال الطويلات اشهرت يالحشيم اقبل تحية محمد بالختام=شاعرآ جارا بيوتن لبابه مانصت والهوا مابه سلامات ملعون الرسام=كم زحولن قبلنا من سبايبه إشتكت |
عسى غر المزون اللي نشت ثم جالها ربـان = علـى نجـد العذيـه تنتثـر ويلـوح بارقهـا يشق القاع ماطرها ويروي وبلهـا الوديـان = وعلى روس الجبال تسوق وتغطي شواهقهـا ثمان ايـام والبـراق يبـرق والمطـر ودان = وروس المزن ضافيتن على نجـد ومناطقهـا ابيها تكتسي بالعشـب وتربـع بهـا البـدوان = وأبي راع الجهـام يجيبهـا للنبـت سايقهـا مجاهيمًٍَِِآ لياقامـت تدافـع كنهـا الضلعـان = عريضات الخدود اللي طويلـن حـد عاتقهـا وسنامن منفهق لخلاف من ردم الشحم مليان = واذانيها كمـا حربـة شجيعـآ قـام يذلقهـا سنادآ من وبرها ينسجون البيت ابـو عمـدان = طويلات الغوارب شامخـهَ سبحـان خالقهـا مجاهيمن حموها حرب في حد الحدب شامـان = على رد العدا دايـم جمـوع الخيـل نصفقهـا صواريم الحرار اللي على دوس الوغى شجعان = رعت نبت الخطر في ضفهم محد(ن) يضايقهـا تمرجح في مراتع نجد وإن طمعوا بها العدوان = صناديـد النشامـا دونهـا تفهـق بنادقـهـا ندلهها ونرعاهـا وترخـص دونهـا الدمـان = ليا جت سربـة الطمعـان راكزتـن بيارقهـا يشوق العين شوفتها لياصكت على الحيـران= بروض(ن) مخضرآ ترعى وتقطف من زمالقها انا شفي طرب راسي ليافـج الدجـى فجـران = ادق الجيب سلف لديرتن من صغـر عاشقهـا لياجيت بشعيبن سايلن تطـرخ بـه الغـدران = بواكير الوسامي فـوق قاعـه هـل دافقهـا اشب النار واشعمها وصف بجالهـا الرسـلان = نحيفات الوسوط اللي سنى النيـران محرقهـا ابمشي في فيافي نجد واقطع نـازح الخليـان = وأزهب بندقي لاجيت برض الصيـد وافهقهـا ابستقطع له الجره ولا شفت ابـرق الجنحـان = امد اللـي ندبهـا لـو تطيـر بعيـد يلحقهـا وأبى اخاوي هل الطولات واترك خوة الرديـان = قصيرين الشبور نشـوم عنهـا مانصادقهـا وأبى اغني وأجر الصوت وأنظم فاخر القيفـان = أبسبح مابدالي من بحـور الشعـر واطرقهـا فعول الطيب والمقناص وطاعة ربنا الرحمـن = هوى نفسن أدلهـا عـن همومـن تزارقهـا |
الجروح اللي بقلبـي مايفـد ابهـا الطبيـب=من ورا حدب الضلوع العوج منها القلب ذايب اونس لحدب السيوف اطعون مع شلفا شبيب=في خفوقن صارت اصدوف الليالي له عقايب قمت اسج الرجل وامشي مثـل دوارالذهيـب=والعيون تهل دمعن من محاجرهـن سكايـب تبكي وتنعى فقيدن غاب مع وقـت المغيـب=اشهدانه ياربوعي راح منـا اليـوم شايـب كل مايذكـر عليـه يغتشـي قلبـي لهيـب=لاذكرته وسط قبـره يـوم حطـوه القرايـب ماتسليني بعـد موتـه مواسـات الصحيـب=كل من جاني يعزي صـار للضيقـه سبايـب اتبع الونـه بونـه مثـل ونـات الصويـب=يوم طاح وعظم ساقه من لهيب الملح عايب ومثل ماينتل سبوقه اشقـرن تـوه قضيـب=ينتل الخفاق همـآ ولـع بصـدري لهايـب ماعترضنا للقدر والموت ماهو شي غريـب=مير وسط الصدر عبره تحرق جروحن عطايب لي ثلاث ايام ضايق والكرى لعينـي حريـب=ون غفيت اشوف شيخآ مرقده تحت النصايب الكريم ابن الكرام الساطـي الشهـم العريـب=الشجيع اللي ثنى من دون ربعـه للصعايـب الشريف اللي بعمره مامشى بأمـرن يعيـب=يشهد الله والخلايق تشهـدلرجـل النوايـب الوفي اللي برك للحمل في يومـن عصيـب=ماتخلى عن خويـه يـوم يوم قفوا بالركايـب ياعسى غفران ربي من ذنوبه لـه نصيـب=في نهارن ماتفيد ابـه الرجـاوي والطلايـب لابعثـت الخلـق يالله يـآلاهـي يامجـيـب=انـك تظلـه بظلـك يامسـيـر للهبـايـب ياعساه بجنة الفـردوس والغصـن الرطيـب=في نهارن كل عبدن يرتجى الجنـه كسايـب مشرفه يادار جدي ياوطـن عـوق الحريـب=مشرفه يـادار جـدي دار فكـاك النشايـب مشرفه مااطيب ترابك يوم بك ريـح الحبيـب=كل ماجيتك دموعي تنتثـر مثـل السحايـب ياعسى وبل المخايل فوق دارك لـه صبيـب=لين يبسات العروق اتصير من وبله رطايـب لجل ذود العود يرعى العشب بطراف الشعيب=ولجل ملحآ محتميها العود يوم الـدم رايـب الليال السود منهـا ماعتقـد قلبـي يطيـب=يالله انك لي دخيل من البـلاوي والمصايـب وكـل حيـآ لازم انـه يـارد لجـم القليـب=والحظيظ اللي حياته صارت لدينـه وهايـب |
ياوجد حالي على ممشى الخلا الخالي=في خايعن يصطفـق نـواره وربلـه زملوق نبته يشـوق النفـس لامالـي=كن الهوا يوم يصفـق فيـه يطربلـه ماتشوف به للغنـم جـره ومنزالـي=من شاف ممشـى شياهـه مايقربلـه ماياصلـه غيـر قناصـن ووبالـي=حـرآ يسوقـه هـوى ذوده ويتعبلـه إيجود من جودها لياجولـه رجالـي=خيـار خلفاتـه لمـن جـاه تحلبلـه ومعيـه خويـآ ينومـس لاتهيـالـي=له وقفتن لاحتمى الميقـاف تحسبلـه شروى السليمي عريب الجد والخالي=النادر اللي علـوم الطيـب تنسبلـه سيفن بكفي وبن عمـن لـي موالـي=وابوه راع الوفا والطيب مـن قبلـه ماهو حضيبي غشيم ببعض الاحوالي=بأول دقايـق وكبـدك منـه مندبلـه ابشعم النار واسطـر جنبهـا دلالـي=وفك صندوق صدرن منعقـد حبلـه ولاراج ريح المهيل وسـط فنجالـي=ومن الهواجيس راسي مخليـآ سبلـه ابنحدر ليـن خـط البيـب يبرالـي=وابظرب العرق واسنـد مـع العبلـه وابتعب الرجل وانصى المرقب العالي=رجمن يشوق اللي افكـاره تشعبلـه وابسهج الجيب واصل ذيك الاطلالي=خضر الفياض اللي من ام العبل قبله وامر روضن نزلبه واحـدن غالـي=العام يـوم ان ابـوه مربعـن ببلـه متمركزن حبهـا فـي قلبـي وبالـي=مالوم ناسن بهـا مـن قبـل منهبلـه من دونها اللي منامه نومـة الجالـي=من خوف بنـدق غريمـه لاتزهبلـه (خوفن عليهـا ومنها)مارقـد سالـي=ومن حام حول الحمى بالفرخ ينشبله اهديتها سبحتي واقفت ونـا لحالـي=اطالـع لقرنهـا والـردف يلعبـلـه يابنـدر اسقتنـي المريـن والحالـي=بخدودها والنحـر وعيونهـا الذبلـه والمبسم اللي مثل لون الغضى الصالي=انشهـد ان الدلـع والغنـج ناسبلـه يالله عليهـا يهـل الوبـل همـالـي=ويظفي على دارها مزنن نثـر وبلـه |
السلام عليكم ورحمة الله وبركاته يطيب لي ان أنقل لكم بالتفصيل ماحدث مع الشاعر محمد عبدالمحسن البدراني وزيارته لحرب أهل الابل بمنطقة النعيريه وماحولها..وماتبع ذلك مواقف وقصائد . http://www.alganasah.com/test/up/ar/mohammad1.bmp. في صباح يوم الاربعاء ا توجه شاعرنا والشاعر العلم مرزوق بن مبشر الحثل في رحله استمرت يومين كان الهدف منها الزياره والتواصل والوفاء كانت بداية الرحله من الرياض الى صالح بن ظيف الله القبع شمال الغنيميه ثم بعد ذلك توجهواا للنعيريه وكان برفقتهم من هناك ضافي بن دليم البدراني وسليمان بن عريفج الصبيحي وعيد بن حمد بن حصين البدراني وكانت وجهتهم للشيخ مفرح بن مرزوق الجميلي ذالك الجبل وصاحب المواقف المشرفه وأحد اعلام حرب بالمنطقه الشرقيه ,وأحد الداعمين لمزاين قبيلة حرب بـ 100000 مائة الف ريال .توجهوا له وكان مربع بإبله المغاتير والصفر بشرق النعيريه.تناولوا العشاء عنده ووباتوا تلك الليله هناك وبعد الافطار الساعه الثامنه صباحا توجهوا غربا حتى وصلوا الى فهده (جبل معروف) وكان بتلك المنطقه اكثر ابل حرب .وكانوا يبحثون عن سمير السعير السليمي وكان ابو هلال يقول لاشفت البيت اللي مشرف على حزم أنصه ترى هذاك سمير ومن عادته ماينزل الا على مرتفع.وبالفعل ومثل ماقال جلسوا بتلك المنطقه للعصر بعد ذلك توجهوا لضافي بن دليم بمنطقه تبعد اربعين كيلو وكان الدليله سمير السعير. عندما اقتربوا لموقع ضافي شافوا بيت شعر وقد عانق السحاب بمنظره من بعيد فقد كان على حزم مرتفع وبجانبه كرفانات المجالس والغرف ومن حوله ذود ضافي (العاصفه)واللتي حققت المركز الاول بالشعل وذوده المغاتير . حضروا عنده وكان المجلس مصطك بحرب وبأجناب من قبائل اخرى من ظمنهم محمد بن غازي العتيبي. تصدر مرزوق الحثل المجلس وسولف عليهم من سوالفه وقصيده اللي يرفع الراس. بعد ذلك طلب من محمد عبدالمحسن قصيدته فى مزاين حرب فالقاءها ثم طلب منه ضافي بن دليم قصيده بوصف المغاتير وجبتها وهي كما يلي :
ابكتب حسب عرفي ووصف خيار النوق=وكلآ على مايشتهي والرجال اصناف بعد الانتهاء منها قال ضافي بن دليم شعاني غلا نياقن بها اببدع الطاروق=انا مولعن بالبل وفيها يزين القاف عسى المزن لاقامت بوسطه تلوح بروق=على ارض الجزيره ينتثر وبله الهتاف ومن اقصى الشمال لنجد وبل الخيال يسوق=عليها ثمان ايام والبرق له رفاف ديارآ مريه تنعش الخاطر المخنوق=بها ينبت النوار والرمث فيها يشاف مداهيل وضحآ تقطف الربل والزملوق=ليابكر الوسمى وعم الحيا الارياف انا كل ماذكر حنية الخنجر المذلوق=على البال يطري خشم بنت ارثمن مشعاف طويلة لحي وسبالها طايحه من فوق=وسنامن عريضن منفهق للفقار خلاف من الحال شالت واكتنز نيها المفهوق=كما صوح رجمن لاتبين على مهياف شناحن سهيفة خد وضحآ كما الغرنوق=لها غاربن مارق وسيعة نحر ميلاف هجاجن بممشاها تزيد المولع شوق=لياهوبل اللي لشوفها عاشقن مزهاف جلالة عظامن مثلها مايطب السوق=من الفخذ تشبر تسعة اشبار للاكتاف فحلها سلايل هرشن أوضح بعيد عموق=عريض الفقار الافحج اللي عديم اوصاف لها مدمعن مكحول والفم وسيع شدوق=تراخن اذانيها ورى الراس دوب تشاف قنوها هل الطولات واهل الولع والذوق=لها ترخص الدم الحمر لاحتمى الميقاف نحدربها للينه ونجنبها لساحوق=وحنا جنبها دون غازي وحواف وكلن سلاحه بالطلب جاهزن مفهوق=لياصوتوا للحرب من ماضي الاسلاف يامحمد جتك مني بكرتين من الشعل والمغاتير مع فحولهن مني هديه لك ثم قال جزاع بن نفجان الشعبي ولك مني مثلهن يامحمد من المغاتير والصفر. فرد الشاعر محمد عبدالمحسن البدراني (((قلت لهم (اولا بيض الله وجيهكم ياضافي وياجزاع والقصيده اللي سمعتوا وطلبها مني ابو بدر قلتها أوصف مغاتير أحد ملاك الابل من حرب ولا ذكرت اسمه وجعلت القصيده مبهمه بوصف المغاتير بشكل عام لكي لاتوضع بغير محلها .اما بالنسبه لهديتك ياضافي وياجزاع اعتبروها مقبوله موفوره والله العظيم ماأسوقها لاناقه ولاجمل ولابكره ولاقعود وبيض الله وجيهكم. . . انا هديتي حرب ليافازت بالعلم الغانم . هديتي كل حربي ذكره يرفع الراس. هديتي خبة النقع وما حصل بها من امور مشرفه وبهذه المناسبه اقدم لكم هذه القصيده اللتي نظمتها فيما بعد والمعبره عن ذلك الموقف وبها وصف لما وجدنا من ترحيب وحسن استقبال من ربعي حرب ووصف لمنازلهم وأبلهم. وهذا اقل مايجب علي تجاههم.
ماتهون ياضافي ولايهون جزاع=يادروع ربعي يالسيوف الصقيله وسلامتكمياللي لكم صيتن مع اهل الوفا شاع=لياسولفوا في كاسبين الجزيله إلكم سلامي عد ماهب ذعذاع=وعداد براقن كشف بالمخيله الطيب فيكم طبع ماهو تصناع=جزال العطايا مايديكم بخيله تهدون غال البل حسينات الاطباع=ثلاث مية الف فيهن قليله ووفرتهن مالي مقاصيد واطماع=توفير ماني خايفن من فشيله طبعي وكلن في زمانه له اطباع=تكفي معزة كاسبين الجميله هديتي ياحرب صيتن لكم ذاع=على الشرف ياهل السلوم الاصيله لياصار للحربي على الغير مطلاع=مثل الحصان اللي ينومس صهيله هديتي واللي له القلب مولاع=طيبن تميزبه عموم القبيله جينا ديارن نبتها له تمرياع=ومرزوق وسمير السعير الدليله وشفنا طروشن بالذهب ماهي تباع=إلهن مع الحكم نوع وفصيله فرقهن اللي فارقن طول الاصباع=بأوصافهن وجرومهن المهيله ولاصار للطرقي عليهن مهزاع=تحلب له اللي درها ينعنيله بوسوم حرب مزبنة كل مرتاع=جمال التخوت اللي تشيل الثقيله اللي لهم بديار الاجناب مرباع=من العصر الاول يوم بالوقت ميله يوم الحدب لأرقاب الابطال قطاع=كم مقدمن راسه ربوعي تزيله منزالهم بالتل عن واطي القاع=حتى يبين لكل ضيف ويجيله مثل العقاب اللي له الرجم ميقاع= وصف البيوت المذريات الظليله إليا زمت للشوف في روس الارفاع=يشوش راسي لشوفها بالطويله وقفاتهم تبري عن الكبد الاوجاع=كان الشراره لامست للفتيله ولا الردي لو موه الوجه بقناع=ليا احتمى الماقف عرفنا حصيله الثلج لاحترت عليه الهوا ماع=ولا الجبل صلف الهوا مايزيله ولاكل رجالن يبى يدل الاسناع=ولاكل من يركضلها تستويله الا لمنهو لأمر رب الملا طاع=اللي يصل الفرض ويقوم ليله يبى يجيه حصان الايام مطواع= ويزين له مركاب ذيك الكحيله . . . نعود للحديث عن مجلس ضافي بن دليم بعد ذلك تكلم الشاعر محمد بن غازي العتيبي وقال انا عندي قصيده اقولها دائما بمجالس الرجال وهي للشاعر بدر بن عواد الحويفي وجابها واللي منها
ياللي طلبتوا نبذة من قصيدي=عن واقع المعقول لاانقص ولا ازيد
.. بعد ما أنتهى منها شكروه الحاضرين . فقام الشاعر محمد بن عبدالمحسن البدراني وقال ((( ياعتيبي قال سم قال الشاعر محمد بيض الله وجهك على قصيدة الحربي اللي انت جبت وجتك البشت اللي انا لابسها هديه والله ماتردها والله ما يجيني لها عوض ياحرب وياعتيبه الحاضرين قال بيض الله وجهك ياحربي وهديتك مقبوله ثم قام والبسه البشت ويستاهلها. ((وكان ذلك من دافع الحميه لحرب والوفاء لهم )) القصه هاذي وصلت الشاعر بدر بن عواد الحويفي .وواتصل ابو سلمان بعدها بيومين على محمد بن عبدالمحسن البدراني وشكره على ذلك ووقال له محمد يابو سلمان ماسويت إلا الواجب والله ما بغيتك تدري عن العلم هذا ولابغيته ياصلك ولا ابيك تشكرني على شيء يجب على اي حربي يمر بذلك الموقف ان يفعله قال ابو سلمان سجل القصيده هاذي بجوالك وبصوتي لكم القصيده بصوت الشاعر بدر الحويفي وبيض الله وجهه . يقول ابو سلمان
مشكور يالطيب على كل الاحوال=يامحمد المحسن كريم السبالي مني لك البيضا على راس ماطال=تقدير يامحمد حميد الخصالي فيك الحموه والثقافه ورجال=يحسب حسابك من زحول الرجالي لك مع نوادر حرب ماقف ومنزال=لعل يفدونك جميع السفالي بالمحفل اللي صار شاركت الابطال=باللايقه اللي مستواها مثالي تستاهل التقديرياذرب الافعال =الله يمتع بك سنينن طوالي شجعت ربعك بالفعايل والاقوال=وهاذي عوايد كل رجلن مثالي اضغط على الرابط للتحميل اذا لم يشتغل الملف الصوتي اعلاه http://top3gp.com/5/top3gp_35139725.3gp وبيض الله وجهه.وصح لسان الشاعر بدر بن عواد الحويفي . . كذلك بعد فتره اتاه قصيده من محمد بن غازي العتيبي ووجه له قصيده رد ثناء ووهو يعتبرها إهداء لجميع قبيلة حرب يقول الشاعر محمدالمرشدي العتيبي اهدي هذه القصيده إهداء خاص للاخ الشاعر /محمد عبدالمحسن البدراني الحربي
رحنا نشوف الربيع اللي كسى جوده= في ديرة اهل الصخا مره وعجماني وصح لساااااانه وهذا من وفائه وبيض الله وجهه ارضن عذيه ونبتن ماانصرم عوده=ريح الخزامى يعالج كل مرضاني على الشرف مامشيت بطرق منقوده=امشي لحالي وأدور نجع عتباني شفنا بيوتن بعال الحزم مشيوده=منهوله النزل قالوا نزل بدراني تراه يعرف وكلآ دايم يروده=مير انشده يمكن انه يقصر العاني جيته وسلمت والترحيب مردوده=قال ((المسى)) ..قلت ((انا طرقي وعجلاني)) قال ((انت حول وكلش نطلق عقوده))=وانت المعزب وحنا حساب ضيفاني بشاشت الوجه سيما فيه معهوده=وهبه من الله ماهي من عند الانساني ابو بدر سيرته تعرف ومحموده= اللي ضيوفه قراها روس قعداني بيت الشعر سامكه والزل ممدوده=والنار تسرج عليها دلال رسلاني له مجلسن عامرن بالطيب ووفوده=نوادر رجال شبانن وشيباني ومجالس اهل التقى بالخير موعوده=رياض جنه ورحمه بامر رحماني دارة سوالف وكلن جاب مجهوده=وتصدر الحثل للمجلس وناداني واخترت درة بحر تعرف ومشهوده=شيخة قصيد الحويفي طير حوراني اسطورة الشعر مسكن خالطه عوده=لوحة تثير المشاعر قبل الاشجاني معها تفاعل عريب الساس من جوده=ورمى ببشته جزيل المد من شاني رمى ببشته محمد فاخر الجوده=بشتن عن البرد بالصمان دفاني حرآ قطامي معرب تقدح زنوده=والطيب ماهو غريب بذرب الايماني وكلام شيخ الجهامه راعي الزوده=نهار فازع يقود الغزو حدماني ارماحكم ياهل العادات محدوده= تعينوا له خذا المهره وخلاني جهز نخاهم ونال الشيخ مقصوده=جته العبيه عليها سرج وعناني واللي ركبها تعشى الذيب بعضوده=بالسيف جزوا رقبته حد الامتاني ماهو ردي فارسن مغوار ياكوده= والدعوه اللي رمتبه بين فرساني دعوة جهز في بطون الكتب موجوده= يتخى الدهاليس والبيضان من داني نماذجن من فعايل حرب ماكوده= ولاخترت وحده تبى تكفي عن الثاني اذكر مفاخر واجيب العلم بشهوده=ولاخير في كلمتن من غير برهاني يوم القدايم وكلن حامن عدوده= واليوم بارض الوطن صدقان واخواني عاداتنا ماتعدى الشرع وحدوده= ونعتز بالدين والسنه والايماني والفايز اللي مطيعن لامر معبوده=ودنياك تفنى وكل اللي بها فاني اعمالنا قدمنا باللوح مرصوده=ماضاع مثقال ذره شر وحساني وصلوا عدد مايميل الغصن مع نوده= والطيب ماهو غريب بكل بدراني *ارجوا ان أكون قد وفقت بطرحي لهذه المواقف وماتبعها من قصاااائد مع مناسباتها وكان الهدف منها الفخر بحرب وبفعولهم اللي ترفع الراس مع الاجناب وبيض الله وجيههم ووجيهكم ايضا لكم هذه الصور لكلا من ضافي بن دليم البدراني الحربي جزاع بن نفجان الشعبي الحربي سمير سليم السعير السليمي الحربي . . ضافي بن دليم مع ذوده الشعل http://www.alganasah.com/test/up/br/thafi.JPG . . . جزاع بن نفجان الشعبي مع ذوده الصفر http://www.alganasah.com/test/up/br/gazza.JPG . . سمير السعير مع ذوده المغاتير http://www.alganasah.com/test/up/br/smair.JPG . . . لكم خالص الود . |
يابنت لك عندي معزه وشيمه=لكن حدوني عنك صلفين الاشوار كلا تعزوى وعتلا شداد ريمه=وبيني وبينك حطوا شبوك وجدار هدوا جسور العشق غصب وظليمه=وحنا بوقتن فيه مايوخذ الثار الا بشرع الله عسى الله يديمه=كان الفتيله خشمها لامس النار يابنت شيخا له فعولن عظيمه=يوم اشهب البارود بالمعركه ثار وعلى ظهور معالجات الشكيمه=ياما ورد لحياض قصاف الاعمار من يوم شفتك يالهنوف الكريمه=لنتي بمخطوبه ولا دونك حيار عنيت يمك والنوايا سليمه=شفقن على سمعة صواريم الاحرار وصارت مساعينا الشريفه جريمه=يوم ارهجت دارك بواريق الامطار اليوم بعدن عنك يحسب غنيمه=لاصار وضعك تختلف فيه الانظار عليك كبدي يالاصيله محيمه=اغليك لو مالك مع الغير مقدار وترى رسومك بالجوارح مقيمه=اعشق ترابن فيه ماطاك قد سار سماك من سماك وانتي مظيمه=شيهانتن مافازبك كل صقار ياللي مهرك ام الخشوم الرخيمه=علط الرقاب اللي يبوجن الاقفار ارخي لثامك واضحكي يايتيمه=يومن مثلك ماعلى صيتها غبار |
1 مرفق
|
على الخافق ارخى الخنجر المرهف المسموم=ضحكلـي بسنـه ثـم غدربـي ومكنـهـا .طعني على الضلـع القصيـر ونـا منجـوم=احسـب النوايـا الظاهـره مثـل باطنـهـا عقدنا حبال الطيب مير (العلـوم علـووووم)=ثبـت للشكـوك العـارضـه مايبرهنـهـا تطيح اطيب الهقوات من رجمهـا المزمـوم=تخيـب الظنـون وخيبـة الظـن مااشينهـا لياشفت من يحسب من اطيب رجـال القـوم=مشى فـي دروب(ن) عـوج مانـي مبينهـا رفيقـي ليامنـه تـردى مـهـو مـذمـوم=ابرفـى عذاريبـه عـن النـاس وادفنـهـا ليابانلـي مابـان عنـه انحـرف واشــوم=ابـى اصـد عنـه وكـل نـاس ومعادنهـا انا ما احتزم بالسيف لاصار فيه ثلوم=ونفسي مع المقفين ماني بهاينها عرفنا الحرار الشقر وايضا عرفنا البوم=وعرفنا الرجال اللي على الطيب ديدنها وربينا علـى عـز ومعـزه وطيـب سلـوم=علـوم ورثناهـا وانـا الـيـوم صاينـهـا ولايوجع الا طيحة الصاحب المحشوم=لياصار من ماكر حرارا نثمنها . |
الساعة الآن 11:06 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir