محمد الربيقي و سفر الدغيلبي..
هذه المحاوره جرت بين الشاعرين محمد عبيد الربيقي الحربي و سفر الدغيلبي
=محمد عبيد الربيقي: يا مرحبا بالرجال اللي تسد اللزوم..=..أقولها والمعزب بالوفاء قالها مادام معنا سفر موجود لازم يقوم..=..واللي يقرب حمول البدو يشتالها =سفر الدغيلبي: دام البقاء من هجوسن كل ليلة و يوم..=..تلقى كثير البيوت وتأخذ جزالها سفر حضر عندكم في حفلكم و معزوم..=..ما هو بسلعه تروج عند دلالها =محمد عبيد الربيقي: إليا تخيرت أبا أخذ من خيار العلوم..=..واللي على فالها تسري على فالها يابن الحلال انتظر حنا نعرف السلوم..=..السالفه ياطويل العمر يبغالها =سفر الدغيلبي: لو كنت تقدر تصير ادفاع ولا هجوم..=..ألبس غترتك البسام و عقالها سمعت لي كلمةٍ مالي وراها لزوم..=..لا عل من حطها فالارض يشتالها =محمد عبيد الربيقي: حنا غنيين عنك ولانبي لك هدوم..=..يارب تستر على ناسٍ هذا حالها مالك ومال الكلام ارتاح وأنت مخدوم..=..بعض العرب لأوحت الهرجه يورالها =سفر الدغيلبي: غناتكم من غناتي جعل عمرك يدوم..=..طيب الروادي من الموجات وأرسالها ودي صحيح اتريح من كثير الهموم..=..مار العرب تبلش الحمله وجمالها =محمد عبيد الربيقي: خلك بحد البسيطة لا تعود تحوم..=..ماكل ما تطلب الناس إيتهيالها يبى يسافر سفر والعافية ماتدوم..=..اثر شاعر عتيبة و خيالها =سفر الدغيلبي: أحوم و أطلع على سطح القمر والنجوم..=..وأنت النجوم العوالي مالك و مالها ترى الحكم للعدل والسيف وانت محكوم..=..ياللي لاشفت الطراقي قمت تبرالها =محمد عبيد الربيقي: طلع لسطح النجوم وعاد ميرمهزوم..=..مدري سفر ويش سوت له وسوالها.. ترى العلوم الردية من نصيب الرخوم..=..و ارجع على اللي يجيك المال من مالها.. =سفر الدغيلبي: انا رجل ما ألحق الغلطان شرهه و لوم..=..عاقل شبابه ما يشره فوق جهالها أنته ربيقي و أنا أعرف حرب ناسٍ قروم..=..لكن بهم ناس فال الله ولا فالها وتحياتي للجميع... |
الله على الإبدااااااااااااااع
صح لسان الشاعرين ... و الحقيقة أن حرب غفلت كثيراً عن هذا الداهية .. ألا وهو الشاعر محمد بن عبيد الذي يشرف حرب في جميع المحافل ,,, نتمنى له التوفيق0 و شكراً لك أخوي / فهد الفريدي |
صح الله لسان الشاعر الكبير محمد
وعسى الله لايهين سفر بيض الله وجهك اخي الشاعر القدير فهد المحسن قواك الله لا عدمناك |
مشكور يافهد
والحقيقه ان الشاعر محمد عبيد الربيقي شاعر ويستاهل من يشجعه ولكن مع الاسف بعض شباب القبيله يشجعون مستشعرين وليسى شعراء بما تعنيه الكلمه ونرجو ان يفرقون بين الشاعر وبين من يصف الكلام وياكل من المناكح ولايدرك ما يقول وما يقاله |
محاوره قويه ورائعه
الله يعطيك الف عافيه يالغالي |
بيض الله وجهك
أختيار موفق محاورة رائعة ، وجميلة وممتعة ومحمد عبيد شاعر بمعنى الكلمة |
صحيح والله أنه داهيه صح لسانك يامحمد وعزالله مكمل براعته الشعرية دماثة الأخلاق مشكووووور يافهد المحسن ...
|
بيض الله وجهك يالفريدي
الشاعر/ محمد الربيقي شاعر لايشق له غبار وفاهم كثير بالمحاورة وماهو جديد على المحاورة ولا هو من اللي يترززون قدم الكاميرات بكل حفلة وهذا تدل شاعريتة وعدم تنزيل نفسة للمستويات المتدنية |
الاخوة الاعزاء..
فارس عوف البلادي فارس الفرسان بن فرهود الحميدي المخلفي العطري عبدالله السليمي أشكر لكم مروركم العطر |
صح لسان الشاعرين مشكووووور يافهد المحسن
|
مشكور على النقل يافهد ولاهنت
|
صح لسانك يابو عبيد ولا يهون سفر
وانت يافهد الله لا يهينك على هذا المجهود الرئع |
صح لسان محمد وصح لسان سفر ..
شعار كبار ومحاورة ممتعة ورائعة .. وبيض الله وجهك على النقل ونطمع في المزيد الله لايهينك. اقتباس:
(good) (good) (good) |
الله يعطيك العافيه على النقل
وبيض الله وجه شاعرنا محمد الربيقي |
بيض الله وجهك
|
محـــــــــــــــــاوره قويــــــــــــــــــه
|
تسلم علي نقل المحاوره الجيده ابو عبيد شاعر ونتظروه في الصيفيه القادمه ان شاالله بعد تعينه في سلك التعليم
|
محاوره في القمه من شاعرين قمه
|
الشاعر محمد عبيد شاعر قادم بقوه الله يوفقه
وينبغي علينا ياحرب العنايه في شعراء المحاوره حيث نعاني من فراغ بعد صياف ورجاءالله اعلم ان الشاعر الكبير راشد السحيمي على مستوى كبار الشعراء بالساحه لكن شاعر واحد بالقبيله لايكفي |
مادام معنـا سفـر موجـود لازم يقـوم....واللـي يقـرب حمـول البـدو يشتالهـا
بيت قوي و مقلب قوي مشاه الربيقي على سفر الدغيلبي و هذا لايعني ان سفر ماهوب شاعر ... بالعكس سفر شاعر قوي وهذا لايستغرب عليه لأنه صارع و قارع كبار الشعراء امثال / صياف و مطلق و مستور و حبيب و الرياحي و غيرهم. و لكن الربيقي مظلووووووم إعلاميا و اعتقد انه هو شاعر حرب دون منافس و لايهون راشد السحيمي |
يسلمووو على الاختيار المتميز
|
الساعة الآن 01:03 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir