|
ديوان الشاعر عيسى رجعان الرشودي العوفي
من لايبيني مالبيته تعنيت=اقص رجلي لو وطت سوربابه اصبرعلى الشده حييت اوتوفيت=ولاهين نفسي حاجة بالزلابه واسند على اللي له سجد ت وترجيت=اللي على عبده منزل كتابه لاضاق صدري يمه الباب دقيت=ادق باب اللي عزيز جنابه يارب واني في حبالك تلويت=رفعت كفي وانتظر للاجابه ورفيقي اللي مايهلي لياجيت=لوجاب لي ماجاب لي مهتنابه ترى الكرم قولت هلابك وحييت=ترتاح لو عشاك جرة قلابه خفيف نفس وفي علومه تسليت=حلو القبال اللي يسرك جوابه وبعض البشرلاجيت جته العـفاريت=بالهرج كنا غاصبينه اغصابه متكبر فيه الجهل حط له بيت=عقله ضيعف ولاحسبنا حسابه ياشين ثقل النفس لاجاك صديت=الله يعافينا ويرفع مصابه |
تكفى دخيلك لاتوادع ليارحت=لاتجرح القلب الحزين بوداعك اببتعد بكره عن الحي لاصبحت=قدام لاتمشي وتحمل متاعك باقي بحبك للبشر مابعد بحت=وخاف شي يبين ساعة اقلاعك اما يهل الدمع والابعد صحت=ياقلب نمشي لك على مستطاعك وياصبروالله من رصيدك تربحت=غلطان منهو باغلا الاسعارباعك والسر سر القلب في كتمه ارتحت=لاتبيح سرك ثم يكثر نزاعك ولصفحة الماضي فتحت وتصفحت=ياقلب عنها ويش رد انطباعك وياللي مسافر في طريقك تسمحت=تكفى تذكرني بوقت ارتفاعك وياللي مسافر لاوصلت وتريحت=في اتصل قلبي يلذ لسماعك انت الوحيد اللي لقلبي ترشحت=بس الزمن مطاعني يوم طاعك وابقى معك وافي على حبك انصحت=طال الزمن والاقصرفي ارجاعك اسمك شبيه العطرياعطرلافحت=شذاك ينعش قلب يعشق طباعك ويابرق ياللي ساري الليل ممرحت =يابعد دارك دوب يوضي شعاعك اسامرك يابرق بالضوء لاضحت=ياليل ضوء البرق يكشف قناعك |
يادحيم جهز لي من البن فنجال= شوفه وحوفه ثم ذوقه وسوقه ابيك ذيب لالفوا عندي ارجال= ولمقابل اهل الطيب نفسك شفوقه بعطيك نبذه درس في خاطري جال=دامك صغير اول نهارك شروقه حنا بعصرفيه صادق ودجال=وقت بنا قامت توسع ا طروقه فيه النفوس اللي تبجل تبجال=يشوف نفسه فوق والناس فوقه يادحيم مايحقرالرياجيل رجال=الاضعيف نقص عرفه يعوقه اللي على هرج القفى يهجل اهجال=بعروض خلق الله يلوي اشدوقه عرض المجالس يرتجلها ترجال= بالهرج والاقاصرات اسبوقه يبي على طولت لسانه تمرجال=ولاينخدع بالسوق دلال سوقه واحلم على الجاهل ولاتصيرعجال=ترى العجل طبع العقول الطفوقه والسمعه اشعارك تسجل تسجال=لاتنخدش تظهر بثوبك اشقوقه ويادحيم دينك كل نفس لها اّجال=اغنم شبابك قبل تيبس اعذوقه |
قرب الشهر ياباغي الخيريدعيك=فرصه ترى الايام ماهي مد يمه قرب الصيام وفيه كثّر حسانيك=تغانم ايامه تراها عظيمه قرب الصيام ولاتردا هقاويك=ولاتفسده باالثرثره والنميمه قرب الصيام وهادم العمرناويك=والعود لويخْضرسريع صريمه قرب الصيام الله يعزك وياقيك=خفف عن النفس الحمول المضيمه قرب الصيام الله من النارينجيك=شهرالكرامه واليال الكريمه يالله ياللي مايخيب الرجاءفيك=تغفرذنوبي باليال الرحيمه يالله لاتحرم اعباد تناجيك=وتهدي نفوس بالمعاصي مقيمه دعيت نفسي يافتى الجود وادعيك=غالي ولك عندي معزه وشيمه شهر الصيام اعزوافضل لياليك=فرصه لنا مهداه من دون قيمه تمحي اذنوبك فيه من عند واليك=بس اجتهد وابدا بصفحه سليمه المال ماهوساعة الموت مغنيك=تغتر فيه انفوس ضعفاّّ غشيمه شهرالصيام اوصيك واوصيك واوصيك=فرصه قصيره كنها ظل غيمه |
برق سرىباتت عيوني تراعيه= اخايله صوب اريش العين مسراه [/frame]دونه زمى جسما وعني خفق فيه=عن شوف عيني لائح البرق خفاه اما شفى تل رفيعه مبانيه=والاضباب حال من دون روياه الليل الاظلم يبعد اللي سرى فيه=يخلف هقاوي ياحمد من تهقواه كم وادي دونه يضيع النظرفيه=مسرب مسيله نابت الرمث غطاه خالي خلا محد رتع في مفاليه=عشبه يبس محد رعابه ولاجاه غيرالهبايب جامعه نص باقيه=تحت عروق الرمث تجمع بقاياه اول شعيب ماتحددرواعيه=تسمع لرعيان المواشي ملالاه و اليوم خالي مدهله قل واليه=غيرالوحوش مسربله مع شغياه هذا الزمن دوارياجاهلافيه=تمضي ليال العمروالدائم الله ولافيه حيا ماشكى بعد غاليه=وكلا على النيه تسوقه نواياه ويالله ياللي ميت القشع تحييه=من السحاب اليا انهمروانتثرماه رجواي بك مادعي سوى الله وارجيه=ياوحد ماخاب منهوترجاه ياعالم ماكان في سدري اخفيه=تجعل لنا عن حاجة الناس منجاه يازين عز النفس عز للراعيه=شيء يهين النفس بعده وفرقاه والصبرشده بس حلوه تواليه=والزين ينفع لوتغاليت مشراه وماقدرالمولى على العبد ياتيه=ومصارللمسلم يكفرخطياه |
ياطائرات الجو رحتي بخلي=ابعدتي اللي ينعش القلب طرياه [/frame]اليوم مدري وين دار يحلي=عزالله انا من بلدنا فقدناه اظلم سماء راع الهوى يامهلي=والله يلوم اللي يلومه بفرقاه حاولت بصبربس عيا يحصلي=وماكل مايشفق له العبد يلقاه تصعب اضروف الوقت مايستولي=ولاحدا يرد الريح عن سير مجراه وين انت ياللي داله البال قلي=ارقد سواد الليل يازين ممساه كسبتها يوم السهر مذهب اللي=فارق حبيبه وابعد الوقت موطاه لوبشتكي للناس محد سمعلي=اشكي على اللي كل عبد ترجاه اللي لوجه يامهلي نصلي=عالم دبيب النمل في عز ممشاه |
مافيه شخص مــــاتجي منه زله=وياكثر مانسمح للاصحـــــــــــاب زلات [/frame]واللي زعل مني زعل في محلــــــــــــه=عندي عزيز وطـــــــــــــالبه كل مافات العذ رمني والزعل منك خلــــــــــــــــه=ماللزعل من بين الاصحاب خانات انت الذي والله والله والله=فقدك علينا من كبار الخسارات وكان الخطا مني لك العذركله=وانته تحرى دقت العلم بسكات وايام دنيانا قصيره وقله=ومافيه حي تالي العمر مامات انسى الزعل واحجاجك السمح فله=ايام دنيا ماعليها حسافات وعد النجوم الساريه والمطله=ازكى سلام معطربالتحيات |
اخذت بالعيدفي نجد الغلى سجه=الديره اللي يهزالقلب طاريها [/frame]فيهاحييت وربيت وعشت متوجه=لمصارعات الزمن والكل يمشيها المرجله ماتجي بالنوم والدجه=لازم تذوق المراره قبل حاليها ومن لاتعب ماكسب ومضيع الحجه=ومن لاصبرماعبرطرق يناويها الصقرلاطاريبعد بالفضى فجه=يرقى الطويلات ماينزل لدانيها والرجل مثل الجبل والهرج ميرجه=والكلمه الضايعه ترجع لراعيها ماينقص الرجل خبل يلوي الهرجه=نقصه بنفسه يبي بالهرج يحليها يفرح ليامن سمع هرج القفى عجه=بين العرب لاسمع كلمه يوديها اشوم عن مجلس تكثربه اللجه=الارض ياوسعها ليه انحشرفيها؟ |
ياعيدمالي يمة الشام نيه=خذمن خويك صامل العلم ياعيد [/frame]انا سعودي وافتخربالهويه=حب الوطن عندي بدم الاواريد مشتاق انا لديارنجد العذيه=هذامراد النفس لانقص ولازيد افياضها واسهولها الجرهديه=واجبالها الشمّخ وحزم الجلاميد من وادي الزلفي لهضبة طميه=ومن الشبيكيه شمالاّ ليا فيد احب نجد الغاليه والنقيه=حبي لها من دون ذكر وتحديد عسا سحاب المزن ينثرنويه=نو من الوسمي عليها تراديد ديّم مطرها بالرشوش القويه=ركد ثقال المزن واظلم سماء البيد عشرين يوم الديم كل اضحويه=لين النفل في خضرته يكسي الحيد تلقى الخزامى نابته بالشغيه=وتلقى ام سالم ساجعه بالاناشيد ماني مدور خضرة اللاذقيه=والعذرمني واقبل العذرياعيد |
قصيدة قلتها منذ سنه تقريبا مخاطبا فيها احد الزملا ء الافاضل وهو محمد السبيعي
وذلك عندما كنا سويا في مهمة عمل ليلا في عيد الاضحى -------------------
ان كان سدي يالسبيعي لكم باح=ذكرالحيا يعجب وقلبي طموحي البرق يجذبني مع الليل لا لاح =ورى المزون الغر دوبه يلوحي برق سرى وانا مع البرق سراح=وتسترسل الابيات وابيح بوحي كنه لنظم الشعريالقرم مفتاح=يسج فكري مع جديد القروحي مدري ولع مدري شقى مدري افراح=مدري على شوفه تجددجروحي مثلي ومثلك مبعد الدارمنزاح=يشوحه الهاجوس مع كل شوحي لوقلت انا خابرك بالهرج مزاح=وتخفي خفايا عارفك ماتبوحي قلبك لرنيه راح من عرض من راح=وانته نويت ولاسمحوا لك تروحي تبي هنوف نهدها تقل تفاح=والعطرمن ناعم جسدها يفوحي وعيون سود للعشاشيق ذباح=ودك بها ميرانت عنها نزوحي عسا الحيا بديار هاف الحشا طاح=تروى من الماطرعدود شحوحي من مدلهم في فضى الجوسباح=رشه حقاق لوابل النو توحي |
مشيت من دارك وانا ضايق البـــــال=ولوبستشيرالقلب يابنت عيا [/frame]امشي وانا جسما لبس ثوب واعقال=يبي طريق مالشــــوفه هويا ماكنت افكربه ولاجــــــاعلى البال=ابعدعلي من القمـــــروالثريا فراقاك بس الوقت مــاهوعلى حال=يثبت وهذا شيء مابه اغبيا قد قيل بالماضي وفي ظرب الامثال=ماهي على ودك وكيفك تهيا حطيت من دونك مسافــــات واجبال=وليت المسافه ماتعدى هنيا حتى انقطع من دونكم بث الارســال=ياطي قلبي ياريش العين طيا يحلهــــــــا ياقــــــــــائد الريم حلال=على الله اللي ماخفته الخفيا لك الوفا مني ولوبعدنا طـــــــــــال=ماخونكم بالعهد مادمت حيا يانجد ياعلك من الوسم همــــــــــال=يالين تروى بالمطـــردارهيا |
حفل السعد حفل جمع لابتي حرب=عنوانه الترحيب للي لفانا [/frame]افخربربعي حرب لاولع الحرب=مافيهم اللي عن لزومه تونا افخربربعي حرب من تكسب الكسب=بيديننا محد بفضله عطانا الا العزيز الواحد الخالق الرب=سبحانه اللي به قوي رجانا الموت ساعات اللقى نشربه شرب=اهل المعارك ماربح من غزانا يشهد لنا التاريخ ماينفع الكذب=كم شيخ قوم مارجع من لقانا طشوه ربعه للذيابه ورى الزرب=عشا الطيورالحايمه من يدانا وعن الخوي ماقالت العرب للعرب=ان الخوي عند المخاوى شكانا خوينا منا وفينا مع الدرب=محشوم فينا حسبته من حدانا منا نويشي ينظرب بالمثل ظرب=دون الخوي سبعه ويبغى الثمانا واللجار حشمه منزله لاقرب القرب=قصيرنا في حجرنا في حمانا حنا هل الفزعات بالماقف الكرب=مايشتكي جور الزمن من نخانا |
لاشفت لك مجلس ديدانه الغيبه =لك عنه بارض الله السمحه مجـــــانيبي [/frame]لوكل حي تفطن في عذاريبــــه=تكفيه ماله على غيره مطــــــــاليبي خلك على العز عن درب تراويبه=يلحقك يمـــــه هجوس الشــك والريبي وصاحب راع االطيب لوماشفت توحيبه=رجال عرف لمع في راســـــــه الشيبي راع التجارب يفيدني تجـاريبه=في مسلك به قليلات تجـــــــــــاريبي تندم بفعل الردى ماهو على الطيبه=ماحسف الطيب عكفان الاشـــــــــــانيبي اشوم عن مجلس تكثربه الغيبه= ورزقي على الله عليم الســـــــروالغيبي |
الموتراللي يعجب القلب ممشاه= ســــــــــــــــــــوقه على دارا لنا فيه غالي يابعد والله ياخويي ممســـــــاه= هو يم نجد وعنه انا بالشمـــــــــــــــــــــــالي البعد يكويني ليا حل طـــــــرياه = وللي سئلني قلت داله وســـــــــــــــــــــــــالي مــابشتكي للناس شكواي لله= سبحــــــــــانه القــــــادر على كل حـــــــالي اللي ليا ضاقت على العبد ينصــــاه= د قيت بــــــابك ياعــزيز الجـــــــلا لـــــــــــي باللي يبي قربي وانا ريد لامــــاه =اشـــــــريه بالغـــــــــــالي ولاني مبــــــــــــالي لوهو مقفي متبعه لوعشــــــقناه= تبآعــــــــــة المقفي اضعـوف الرجــــــــــالي وتكفى يا نايف موترك زيد ممشاه= يامســــــــــندي ياذيب كل العـيــــــــــــــــــا لي |
وصيتي يادحيم واسمع وصاتي=وصيت المخلص لمثلك وشرواك مدري بعد وش باقيا في حياتي=مدري سبقت الدار والاسبقناك راقب عزيز الملك واد الصلاتي=يادحيم لابده على الرب ملفاك يازينها يادحيم عند المماتي=لابشروا ك بجنة الخلد ماواك لامنها ضاقت بك الضايقاتي=جتك البشاره ماتبي ذكر دنياك انوارها واقصورها الشامخاتي=من الذهب بيبانها لاعدمناك وازهارها وبنيها الناعماتي=والموت راح وبسعد مد يمناك ولاهن تراهن بالثمن غالياتي=اد الفروض وراقب الله يجزاك وعليك بارضى امك ترى الوالداتي=في ظلمهن تشقى بدينك ودنياك انت اجتهد وابجتهد ياغناتي=ويالله عسى في جنة الخلد نلقاك |
الله على اللي لامشى يبعد الرمس=يقطع مراميس الد يار الخوالي مشى من العقله على طلعة الشمس=ثم اتجه نية غروب الشمالي في قدرت المولى ليا زالت الشمس=متعديا مركز تبوك الموالي ثبت له السرعه ويفصل على اللمس=اوزن له الطاره ويمشي عدالي وياد حيم انا يابوك بوصيك في خمس= حفظتها من طيبين الرجالي درستها من شايبا يتقن الد رس= نشى يتيم ولوعته الليالي اخذ من الشده بعد مسته مس = ادروس قال اوصي بها ياعيالي ولا نسيت الدرس ماكنه الا امس = ادروس ابوي احطها راس مالي عليك بالتقوى وخالف هوى النفس= وباللي ضحك واللي هرج لاتبالي والكبر لاينفخك عن غيرك تحس= تراه من سيمة عفون الرجالي وارفع نظرك اعرف ترى عزة النفس= اغلى على الرجال من كل غالي واضحك لضيفك لايجي خاطرك عمس = ترى الكرم للضيف حسن القبالي وزلة رفيقك لاتنومس بها نفس= لوكان عندك مايساوي ريالي |
سلام مني عدد مالاح=برق تقفاه رعــــــــــــــــادي ركّز مزونه ووابله طاح= سيله عطا خايع الوادي اوعد نوحة حمام ناح= اللي بعال الشجر شادي اوعد منهو مشى سواح= سافر من ابلاد لبلادي للصاحب الطيب النصاح= ابو بدرنسل الاجوادي انخاك ماني ترى مزاح=واصيح بالصوت وانادي باسباب من عطرها فواح= ممزوج بالورد والكادي وعيون لاسلهمت ذباح= نظراتها تحرق افوادي ونهودها كنها تفاح= ولاتقول في وصفها غادي لاتلومني كل سدي باح=خابرك للعشق نقادي =(( عيسى الرشودي العوفي))= هلا هلا اجلس هنا وارتاح= فنجال دله وبرادي وجلسه على غالي الطراح= واسحب متاكيك من غادي تنسى همومك وشي راح= ماراح ماعنه نشادي وماكل تاجر حصل برباح= ولاكل قناص يصتادي ولاتخيل برق بعيد لاح= بد يار حامد وحمادي والبيت له مدخل ابمفتاح= حتى ورى القفل شدادي نمشي على نورنا الوضاح=ونسلك مساليك الاجدادي وانا معك صادق نصاح= ولاني ترى عنك ابنحادي = فالح الرشودي العوفي |
اقفى وانا قلبي معه وين ماراح=راع العيون اللي هدبها ظليله ياسعود احبه حب صادق ونصاح=عليه اجر الصوت مابغى بديله وجدي على اللي نهدها تقل تفاح=والجسم من بين العذارى نحيله شقرا عليه الزين ياسعود وضاح=عنق المها اللي منسرب من مقيله لاتلومني ياسعود سدي لكم باح=بيح ضميري صاحبي في رحيله كريم يابرق على دارها لاح=دونه زمت روس المزون الثقيله اخذت لي سجه مع البرق سراح=واللي يحسب البعد ياعزتي له عسا الحيا بديار هاف الحشا طاح=من وابل الكنه عطا الجال سيله |
ضيف الله صالح العنزي / هومن اعز اصدقائي وهو شاعر معروف وتربطني به علاقات متينه0 وحصلت بيني وبينه مساجلات كثيره وسوف انشرها لكم لاحقا انشا الله0وهذاحد مساجلاتي معه ولها مناسبه00
كان في عام 1425ه جار للاخ شافي غزاي الحربي وهو ايضا ممن تربطني به علاقه ايضا0قمت مره من المرات بزيارته فلم اجده سئلت عنه الاخ شافي قلت وين جارك ضيف الله قال الرجال تزوج الثانيه ويبني الدور الثاني وسوف يدعوك لزواجه قريبا/ بعد مامشيت من عند ابوتركي الاخ شافي كتبت هذه القصيده وقلت عطها جارك وقله يقول عيسى الف مبروك00 طبعا هي من باب المزح والضحك طبعا فكاهيه كما يقال ___________________________ قصيده فكاهيه بعد خبرزواجه باخرى =
سو لي فنجـــــــــــــال بنا من الد له = وسجل ابيات من الشـــعر ملعوبه وصل المكتوب مني لضــــــــــيف الله=انت ياشـــــافـي ترى اليوم مندوبه واســــــــــــئله عساه قد خلص الفلـه=او مع العـمــــال ويليس الطــــوبه قد نصحته بس مايســـــــــــــــتـمع لله = لاتدوس النار والنار مشــــــــبوبه بس ياشــــــــــافي لك ايام واصبر له = كان ماسير لكم قـــــــــــــالب ثوبه وعزبته بالجيب وينــــــــــــام في ظله = في دمج واقف بواحد من اشعــوبه وياعنزي عســــــاك تسمح لي الزله =لازم نغـلط عـليكم ولــو نوبـــــــــه يالعريس اللي زواجــــــــــه بنحضرله =بانغني له هجيني ومســــــــحــوبه =الشـــــا عـر/ عيســـــــى رجعان العوفي = مرحبــــــا واهلين واهلا بهـــا لطله = فيك ياللي نيته دوم مقلوبــــــــــــه له شــهر سيفه على جــــــــاره يسله = وابتلشــت بشف عيســـى ومطلوبه بس والله مــــــــــــاتريض ولامهـــله = لين عيســــــــى يركد ويطلب التوبه شـــب نــار ودي بنــــاره امــلــــه = ولااتركه حتــــــى انه يغير ادروبــــه ويـابو تركي رح لابن عمك وقلـه = ســـــيرته هاذي ترى غير محبوبه شـــايفه وده يخالف رسول اللـــــــــه = لجل يرضي يابيض الوجــه رعبوبه وانا يامجنون ماشــــــــي على المله = وانت اشوف ارادتك منك مســـلوبه طيعهــــــــــا دايم وخلك مثل ظلـــه = والله يعينك علـــــــى ولية اعقوبه وراعــــي الثنتين دوم يتحلولـــه = يوم راع الوحده يحســــــب اذنوبه مثلهــــا ينعل يا صـــــا ر مـنعــــلــــه = دايم المســــــكين دنياه منكوبــــــه وان ســــــــــئل عن البنا فالبنا علــــه = كل مــــاجيت الطلا بات منهــوبـــه وبالزواج بجيتك يــــــــاهلا واللـــــــــه = في قـــدومك دلـــة البن مصبوبـــه =ضيف الله صالح فرحان العنزي |
يابنت بعدك ضـــــــايق الصدر يابنت =ومن انتظاري يااريش العين مليت [/frame]وان رحت للمنزل لزولك تذ كــــــــرت =تمســــــكني العبره وللدمع هــليت وياظابط الترحيل كـــــــــــــــانك تعذرت =عن رحلتي دقيت سلف الشفر ليت امشــــي على الكـــــايد ليا مني احترت =ورجواي لله مــــــــــالغيره ترجيت اليا بغيت الدرب للنــــــــــــاس معلنت =واللي يخاويني معـــــــــه ماترديت وهذا الذي من عهد جــــــــــدي تعلمت= حق الخوي ماينكره طيب الصــيت وان ضاق صدري بالقصــــــائد تمثلت= ابعد عن النمـــــه وهرج الهرابيت زراعة الفتنه هل اللوم والشــــــــمت =مقطعت عوج العــــراقيب لاقفيت احسن ليا من جيتهم تلزم الصــــمت =ولاهرجة تنســــب على غير تثبيت |
على العز يطلع قمة المجد مجلس حرب =مجالس بني عمي على العـــزمبنيه [/frame]شمخ مجدها عالي بنوره يضيء الدرب=على الطيب والعزه على صافي النيه انا واحدحربي وانا افخربربعي حرب=بنجد العذيه للديار الحجــــــــــــــازيه لهم يشهدالتاريخ ماهي هروج الكذب=من امزين من عهد العصورالقريشيه تواريخنا بيضاء وحنارجال الحرب=على حربنــــــــــــا فرت ولايات تركيه من اقصى المدينه خذكلام العرب للعرب=على راس ابن موقد جيوش قتاليه بني سالم ومسروح من هازهم يتعب= زحول الرجال وعزوة العز حربيه بدفانة الركبه ليامن حربه شب= ينومس بفعله لاشعلت ناره الحيه |
ضاق صدري بعد عني نويت الرحيل=ويش اسوي بلاني حبكم يالهنوف [/frame]لاتسافرترى بعدك علينا ثقيل=لاتعذردخيلك لاتقول الضروف كيف بصبر بدونك شي ذامستحيل=كيف ترحل من الديره وعيني تشوف وين بلقى بدالك مانبي لك بديل=وين باروح بعدك خل قلبك عطوف بالبهى والحلى ماشفت مثلك مثيل=بالغلى شوف حبك ناقشه بالحروف ياعشيري دخيلك ياعشيري دخيل=ياعشيري دخيلك روف بالحال روف كيف ترحل وانا من سهم طرفك قتيل=كيف جاوب سؤالي ؟ ياشبيه الخشوف راحم الحال راح الحال باقي قليل=راحم القلب منك القلب جت له اصدوف صوبه سهم حبك عبرطرف كحيل=صوبته العيون اللي هدبها صفوف مع جديل تثنى لاعترض تقل ليل=مع حبيبي جمال مالشكله وصوف وياحمد كان غاب الترف ليلي طويل=وياحمد لي ثلاث ايام قلبي بخوف شفت جيرننا عنا يابون الرحيل=شفت مدري سمعت وقلت صبرونشوف الزم الصبروان الصبرصرح جميل=الزم الصمت لين البدريجلى الكسوف |
لاضاق صدري يم الاصحاب سجيت=دخلت مجلسهم رجال حشامي [/frame]اهل الكرم والطيب معهم تسليت=اكن انا للطيبين احترامي مبدى مجالسهم هلابك وحييت=ترحيبهم بالضيف قبل السلامي العود الازرق بالمجالس لياجيت=والبن الاشقر بالدلال الكرامي وسوالف تطرب لها كل موحيت=على النقى والطيب زين الكلامي ان جيت هلوبك ولامنك اقفيت=ماهم بسدك ناقلين الملامي واليا بدالك لازم ما تباطيت=ميقافهم جنبك حشى ماتضامي عرف الرجال اللي لهم بالوفى صيت=يادحيم والله بالفخر لك وسامي والا ترى بعض المعرفه لو اوحيت=حلو اللسان تقول ذيب قطامي واليا بدالك لازم له تعنيت=اصفى الروى مايسقي الجم ضامي كلا حسب عرفه وانا حسب موحيت=ماينقص الطيب كلام الخمامي ولوكل هراج لماقاله اصغيت=نزلت نفسي من رفيع المقامي |
حدتني طويلات المسافات يانواف=عن الصاحب اللي لالفيته يهليبي [/frame]تدق الضمائر دقت السلف للحذاف=ليا من طرا والناس ماهي بتدريبي يابيني وانا باغيه قلبي لهم ميلاف=انا مشتقيبه مثل ماهوبشاقيبي على روحتي دمعه على وجنته ذراف=انا مخفي مابي مبا الناس تدريبي وانامشتـكـي للـنـاس حيـلـة انـفـوس اضـعـاف = انـا اشكـي علـى اللـي يعـلـم الـسـر والغيـبـي اخـفـي غـلاهــا وتـسـلـى بـنـظـم الـقــاف = ولابـيـح ســدي لوغـشـى راســـي الشـيـبـي =عيسى الرشودي العوفي يامرحـبـاء ترحيبـتـن عـــد مـاطــاف = واعـداد ضـخ الــدم داخــل وريــدي واعداد ماهـل المطـر فـوق الاريـاف = من قلب صـادق مايبـوق الصحيبـي لاجيت ابوصف قدركم فوق الاوصاف = والشـعـر يعـجـز يوصـفـك ياقريـبـي جربـت بالخـوه انـا اشكـال واصنـاف = احـداً بقـى واحـداً غشـاه المغيبـي بعـض البشـر خوتـه ياصـاح تنـعـاف = وبعض البشر كنـه لجرحـك طبيبـي مـالـك ومــال مـعـلاقـات الاطـــراف = الـلـي تـحـدك يــم امــراً عصـيـبـي شـد الـعـزم يــم دربــك والاهــداف = ومع الصبر يسهـل عليـك الصعيبـي ومايستـوي بـالـود صــادق وخــواف = واللـي بـغـا شـيـاً يــدق الحـديـدي ومـادام نيتنـا علـي طيـب الاعــراف = الله يتممهـا عـلـي الطـيـب طيـبـي ومحدن لقى في دنيته غير ماشاف = ومحدن خـذا غيـر القـدر والنصيبـي =الشاعر نواف السهلي |
دعاني الشوق للي ودها بالضمير=في دم قلبي علق بالروح وجدانها [/frame]اللي حكمها راع العوجا بسيف شطير=عزلاهلها ونار اقلوب عدوانها بنى لها مجد بالتاريخ صرح كبير=عقب المذله رفع بالعزجنحانها صقرالجزيره طلع لاهل الجزيره بخير=طلعة سعد يعترف به كل سكانها السلب والنهب والتخريب غيره وغير=من طلعة الصقرماتت كل نيرانها ساد الامن كل واحد في طريقه يسير=خلا الذيابه تفلي جنب خرفانها وزال الجهل ونبلج علم بنوره ينير=بالعلم تحيا الشعوب ويعتلي شانها دستوره الشرع اخونوره بقوله جدير=النفس بالنفس من تنزيل قراّ نها حكم العداله خذاه الشبل منهج مسير =قاد السفينه شمخ بالعزربانها واليوم في عهد ابومتعب ملكنا القدير=الله يطول بعمره حاكم اوطانها على المواطن على الجيران خيره كثير=نارا على شلة الارهاب واعوانها الشله اللي لهم مقصد ومذهب حقير=ناس طغت وارتحلها حب شيطانها شبعت وعميت بلا مافيه قلب بصير=الفاره اللي تنبش تحت سيسانها طغت نست وضعها يوم انها بالحضير=يوم المجاعه تشق ابطون جدانها تصبح وتمسي وهي بالخوف وضع خطير=الله يامقابل النعمه بكفرانها لاحكم لاشرع لاقانون ذبح وكسير=قدام عبدالعزيز يثبت اركانها جوع ومذله وخوف اعلوم وانته صغير=اجموع تمسي وتصبح بس نسوانها اسئل لها شايبا ينبيك عنما يصير== بعصوره اللي قضاها بول ازمانها وتشوف يالهيس ياللي خير مافيك خير=النعمه اللي بها كفيت قدحانها نائم بضل الرجال اسنين مثل البعير=مانته بداري بغل يرعى بريعانها نعمه من الرب مايوجد لها من نظير=والله يعزالديار بفعل فرسانها قود السفينه يابومتعب على امرك نسير=حنا حماةالوطن من كل خوانها |
هات القلم واكتب جوابي لابن عيد= الشاعرالمبدع بنظم القوافي اللي ليا منه نظم قافه يجيد= ويعد له ليكون فيه انحرافي شاعر ولد شاعر وقوم صناد يد= الطيب ذكره بان ماهو بخافي مني لبو عيد السلام بتراد يد= سلام مني للعزيزين وافي عد النجوم اللا معه نورها يشيد= الباينه واللي بعد ماتشافي لوقلت اعبر ويش اباقول وازيد= عن قدركم بالهرج ماني بوافي ياصاحبي شفت بزمنا تجاديد= شي ابعض الناس يالله تكافي اهل النفاق مكثرين التناشيد= نقالت الهرج النفوس الضعافي اللي تشب النار بين الاجاويد= ماتستحي ولا من الله تخافي وتحسب بها فخر النفوس الاباليد= مايدري انه ميت النار هافي |
ياطيرياخفاق يارافع الريش=ياللي بعرض الجو دربك سمــــــاحي ماشفت لي نقاض سود العكاريش=عليه من لمحات ظبي البراحي عنق المها راع العيون المراميش=سود بها ياطيرموت ذحاحي والخد براق سرى بالغطاليش=براق وسم في دجى الليل لاحي حلو النبا مثل القراح النقاريش=هرجه عسل لوقيل ماني بصاحي احرق فوادي مثل مايحرق الفيش=لولا الحيا ياطيرلارفع صياحي ساكن بداري ميرجت له نواطيش=حسبي على منهوسعى له وراحي مما بسدري قلت ليش السفرليش=قال لبواخرتنتسفها الرياحي ماهوجفى والا خيانه وتطنيش=امرمقدرواستبيحك سماحي |
سلامي عدد ماهل وبل المطر هتاف=من المزنه الغراء تهل الهماليلي هماليل وسميه سرى برقها خطاف= ويزهم رعدها وانحدر عقبها السيلي وعدد من دخل مكه بوسط الحرم طواف=شعاره بمكه بالدعا والتهاليلي سلامي لضيف الله من الضامر الميلاف=من اولاد وائل من اسباع الرياجيلي انا بسئلك يالشاعر اللي تجيد القاف=اباعرض سؤالي لك بجمله وتفصيلي اشوفه وبعض الناس مثلي بعد قد شاف=اشوف القرايب حربها له مواويلي يعادي ولدعمه على اتفه سبب واخلاف=واشوف النسا بالسوق مثل المهابيلي تجوب الشوارع لبسها جاذب شفاف=ورجالها يتلي لها باردالحيلي تبايع مع الهندي وتكشف له اللفاف=وكنه من الربع القريبين بالحيلي وتركب مع السائق سواليف يالطاف=يشيل الولد عنها معزه وتجليلي انا قلتها من حر مابي وهاض القاف=وانا شفتها بالعين ماهي بقاويلي امور ياضيف الله تخل الحياه تعاف=وعساك ماتنقد كلامي وتحليلي ترى من ضعف دينه ولامن وليه خاف=ولاراقب المعبود جته البهاذيلي = ((عيسى الرشودي العوفي))= هلا عد ماهلت مزون الوسم ذراف=عددوبل ياعيسى صدوق المخاييلي وعددمن يزور الطائف لجوها مصطاف=وعدد مايصب الكيف بصفر المعاميلي بخط لفاني مرسله مكرم الضياف=عزيزعلي ومن رجال مشاكيلي سلمت وسلم من وصل الخط يالعراف=وباكلفه مندوب يوصل لك القيلي انا عرف ابوتركي بفعل المكارم ناف=كريم السجايا للنشاما مداهيلي لكم بالفخر منزال ياخلفة الاشراف=كسبتواه ياعيسى بدور المفاعيلي من معطرة يوم اللقا شذرة الاسياف=صناديد حرب ليمتطوا صهوة الخيلي سؤالك جوابه عل يلطف بنا لطاف=انا شايف ماشفت يالقرم في جيلي لنا كم سنه تمر فينا سنين اعجاف=تعبت وعجزت اجد لها اي تاويلي سوى غزوا غربي له مقاصد وله اهداف=وياللاسف تمشي وراه المساطيلي ضعاف النفوس اللي لهم بالخنا ميقاف=مامعه امر تامر لابسات الخلاخيلي تحت رايها يمشي على ماتبي ميلاف=ضعيف العقل لوكان جسمه جسم فيلي وهن بالمعاصي يابطل مسرفات اسراف=عبايه على كتفين وبالكف منديلي ولاعم كل البيض فيهن بنات اعفاف=اخص اللي تدوج نهارمع الليلي وموضوعك الثاني ترى بالرجال اصناف=بهم ناقص وفيهم رجال حلاحيلي وشوري تجنب خوة الخايب البلاف=لونه قريبك مابقربه محاصيلي ترى اهل الردى لوكان تلبس ثياب انضاف=قلوب العفون السود دايم مغاليلي وخلك مع اللي في دروب الفخرنواف=فهيم الرجال وكيفه البن والهيلي وترى القارب لياعام يغرق بلا مجداف=وشديد العواصف يغرقن الاساطيلي تقبل سلا م جاك ببيوت كالاصداف=مردا على اللي معه تحلى التعاليلي وعددماترتل سورة الكهف والاعراف=على المصطفى صلواكما الجدي واسهيلي = (( ضيف الله صالح فرحان العنزي |
عليك العبايه والبهى والحلى كاسيك=كماالجوهره عن لفت الانظار مصيونه فتاة سعوديه بزيك حلى طاريك=مصانه عن الانظار مانتي بممهونه درستي تعلمتي عملتي ثقتنا فيك=جمالك كمالك غالي مايشوفونه وقفتي حقرتي مذهب اللي يبا يغريك=لبنت الجزيره ماحصل مايريدونه هل الكذب والتحريروالشرك والتشريك=مبادي حضارتهم مقامك يهينونه يبونك رخيصه كل ساقط يطالع فيك=بحسنك ودلك كل يمتع عيونه يابنت الجزيره كلنا بزيك نحييك=ولاشاقنا غيرك لو الزين واشلونه هلا ياسعوديه هوانا ولعنا فيك=هي الجوهره في غال الاثمان يشرونه |
عيني على فرقاك ياقائد الريم=عيت تذوق النوم طول سهرها قلت اتصبر واكتم الجرح وهيم=بس المحبه صاحبك ماقدرها بعدك كواني حطم الحال تحطيم=ارجع ترى عودتك منك انتظرها عقبك حياتي طالبه ظبط تنظيم=ياقرة عيوني وغالي نظرها وقعت في حبك وهاذي مقاسيم=ليت اليال تقول خافي قدرها ياطلت الشمعه ويابارق الغيم=من مزنة غراء تساقط مطرها يوم اصبحوا راحوا باثرها مجاهيم=تناشدوا عنها وكل ذكرها واد الرمه منها عطا الجال يادحيم=تطلقت شعبانها من بحرها |
يا ما نشوف وكننا ما نشوفي=وياما سمعنا قول ونسيب القول لاقل عرف ولا مذله وخوفي=ولاقل هرج انقول مقال مدبول الهرج مابه للمسولف كلوفي=وياكثر من هرجه على غيرمدلول وردك على بعض الاوادم حسوفي=تهين نفسك يوم تصغي له القول خله على كيفه يسل السيوفي=ناول له السبحه وقرب له الفول الصمت حكمه من قديم معروفي=والعقل نعمه فاقده كم مهبول الرجل بالمنطوق ينطق ويوفي=ولاخير في رجل نطق دون مفعول حط النقط لاقلت فوق الحروفي=هرج يثبت لك عن افلان منقول وكبرالنفوس وغطرسة هالضعوفي=اللي يهوس بمشيته تقل مشلول من نعمة الله طالعه له اعروفي=جاهل وغره جسمه العرض والطول =عيسى الرشودي العوفي= |
عيني ليا مريت بيتك تسلم=ورجلي تحير ولاتبي مشي قدام بابك مسكر كل شارعك مظلم=معاد نوره لامع مثله ايام ياظن لوجدران بيتك تكلم=تطلب من المساح يصدر لهااعدام ذكراك فيها للدهرصارمعلم=ماتمنحي تبقى على طول الاعوام يانوركل الحي عساك تسلم=والله يجيرك من صواديف الايام حاولت بخفي مابقلبي وبكتم=حب معك ذوقتني منه الاولام اخاف من هرجة عذول تكلم=قلت احتمل وانا على الصبرعزام والصبرمفتاح الفرج وانت تعلم=اصبر على مر الليالي ولانظام واسمع ملخص مختصر ماتقد م=ماعنك ينحاني منافق ولوام |
يالابس الشيله بحلك والعبايه عليك=فيك الحلى فيك البهى عسا فداك السافرات انتي سعوديه عطاك الله جمال الحسن منهو مايبيك=ضوء القمر من خدك اللامع تحت ضل العبات انتي شعاع الشمس وانتي نجمة الليل ابتغيك=اللي تلامع نورها قدم النجوم الساريات انتي قمرنص الشهر باغلى الثمن بانشتريك=مهما غليتي يالثمينه والغلى للغاليات اللي حداني للكلام اللي بزيك يزتريك=ضائع وصائع منحدر فكره ومنهاجه شتات راع النوايا اللي يخفيها وهوفيهادريك=مكشوف عن ماتبتغي تخفيه نعطيك الثبات اقولها في منطق صادق شمخ غصبا عليك=وهذي بيوتي كان مزعلك البيوت السابقات |
قصيده قلتها في عام 1418
عندما تعينت في مدينة تبوك وكنت غريب على المنطقه نوع ما وطلعت عصريه برفقت احد الزملكء وجهزنا القهوه وهاضت القريحه بهذ ه الابيات
عديت انا في عالي الرجم بعصير=بيمن تبوك بروس هاك الصعا ليك بنظر لنجد وصار دونه معاصير=مدري سراب البعـــــد يانجد متقيك ياموتري واشبك بدت بك عواثير=اخلفت ضني بك وانا هـــــــاقي فيك تراك لي مثل الجناحين بالطير=والطير لوتكســــــر جناحـه هبط فيك غيرت لك رمان مع فلتر القير=وبستم مع الهوبات غيرتهـــــــا فيك وطقم السبايك والشنابر مع السير=واسرندلك مع كل خـــــــافي بلاويك والدينموا واكويل واقرا الفواتير=وطقم البواجي كامــــــــله معتني فيك وتوايراربع طقم والخامس اسبير=غيرتها ياشــــــين مع صرفة الشيك والسلف والحذاف وش باقي غير=والزيت سوبرشـــــــــل صبيتها فيك وصفاية البنزين واربع موا صير=غيرتهن من شـــــــــانهن يقلعن فيك واصلاح كبريترعلى مروحة سير=واطرنبة البنزين شيكت تشــــــــييك ولاني محسب فيك عد المخاسير=ياموتري تفداك من حــــــــاجتي فيك ابيك لادقيت سلفك على خير=ابي ســـــــــــــحاب المزن ضله يباريك ابيك تاصلهم على وصة الطير=قدام آذان الفجـــــــــــــــر يصقع بذانيك اباتريح عند زين الغنادير=واقول لك مشـــــــــــــــــــكور والله يعافيك |
طار الكرى والعين من عقب سيدالحي=تزايد سهرها يا خلف يالله الخيره بعد وادعوا جاني بلاء خافي يكوي=يهزالضلوع العوج من قوتاثيره بعد غادروا متوجهين لمطار ادبي=سمك في صعوده من عقب نص تدويره من ارض المطاراشاهده لين غاب الضي=غطاه السحاب وصار بالجوتغبيره تذكرت قوله بآخر اللحظه اللي هي=بها يصعد الركاب والقلب في حيره وعودت للمنزل وانا ياخلف مدري =هل اشاهده؟ والاانتهت عقب هالجيره طواني هواها ياخلف في ضميري طي=وحصل ماحصل والامر لله تقديره اسامر ليال الصيف والناس ماتدري=وعن مابقلبي ينطق الشعرتقريره ولابيح سري ياخلف للملاء ماشكي=ترى اللي يبيح السرتكثرعواثيره =عيسى الرشودي العوفي |
قصيدة عزا لاحد الاخوه رغم قلة معرفتي به ولكن المسلم للمسلم كالجسد اذا مرض به عضوا تداعى له سائر الجسد بالسهروالحمى فاقول له احسن الله عزاك وعوضك الله خيرا [
عبرالاثيروعبر موجات الاحباب=من حبهم بالله شوق وطهاره [/frame]عبرالاثير وعبرشاشات الاصحاب=ابعث صدى حزنك بعطف وحراره حزنت من حزنك وقلبي لك ارتاب=ومشاعرالمسلم وعطفه اشعاره مثل الجسد يمرض على العضو لانصاب=طبيعة المسلم ورغم اختياره الموت ماوالله عن الموت مجناب=مافيه نفس ماتجرع مراره النفس مطلوبه لها الموت طلاب=ان ماتجي يمه يجيها زياره بس الحظيظ اللي بذل كل الاسباب =سبل النجاه اصدربعقله قراره ومن راقب الله واجتهد فاز ماخاب=ماضاع سعيه عند ربه خساره نعمل وبكره كل شخص له احساب=اجن الثمرياللي زرعت البذاره كل يسلم ناتج العمربكتاب=بيمناه والا للاسف في يساره دارين مافيه احتمال آخر اوباب=اما جنان الخلد والا بناره اعمل على ماتشتهي سوماطاب=كلا على كيفه يقررمساره |
((مواساة))
عبرالاثيروعبر موجات الاحباب=من حبهم بالله شوق وطهاره [/frame]عبرالاثير وعبرشاشات الاصحاب=ابعث صدى حزنك بعطف وحراره حزنت من حزنك وقلبي لك ارتاب=ومشاعرالمسلم وعطفه اشعاره مثل الجسد يمرض على العضو لانصاب=طبيعة المسلم ورغم اختياره الموت ماوالله عن الموت مجناب=مافيه نفس ماتجرع مراره النفس مطلوبه لها الموت طلاب=ان ماتجي يمه يجيها زياره بس الحظيظ اللي بذل كل الاسباب =سبل النجاه اصدربعقله قراره ومن راقب الله واجتهد فاز ماخاب=ماضاع سعيه عند ربه خساره نعمل وبكره كل شخص له احساب=اجن الثمرياللي زرعت البذاره كل يسلم ناتج العمربكتاب=بيمناه والا للاسف في يساره دارين مافيه احتمال آخر اوباب=اما جنان الخلد والا بناره اعمل على ماتشتهي سوماطاب=كلا على كيفه يقررمساره |
عسى السحاب اللي ركود بممشاه=اللي بدا من يمة الغرب ناشي [/frame]جعله على نجد العذيه نثر ماه=وتروى الفياض اللي منول اعطاشي احب نجد وكل حيا ومرباه=في ودها ماقبل كلام ونقاشي احبها من قلب والشاهد الله=ولالي ورى ماقلت كسب ومعاشي وكل الوطن غالي وبالعمرنفداه=اما حمينا الدار والابلاشي والموت حق وكل حي بيلقاه=ولافيه حي يابيض الوجه عاشي لابد من يوم يواري لمثواه=تحت الثرى من بعد زين الفراشي اهل المناصب واهل الاموال والجاه=تجردوا منها بقطعة اقماشي صالوا وجالوا وانتهى العمروانهاه=مفرّق الخلان والكل ماشي وياسعد منهو جنة الخلد ماواه=انا اشهد انه للمكاسيب حاشي لله دره فاز في حب مولاه=كسب الثمينه مانزل للهشاشي القاف ينحاني على الصعب وانحاه=بيني وبين القاف فيه اهتواشي وارجع وعيد القاف من حيث مبداه=حتى يعود ويزدهر بنتعاشي من شان اقول اللي من اجله نظمناه=اللي من اجله هاض فكري وطاشي اللي غمرني بالوفا ماتنساه=اقولها من قلب ماني مراشي اللي نصح وخلص عسى الرب يجزاه= ماانغش من عرض القلوب الغشاشي وقفة شرف تبقى لشخصه وطرياه= مثل القمرمايلتبسها الغطاشي نفس ابيه مصعد العز ترقاه=بالحق تمشي طبعها ماتخاشي يالله عسى ماتنقل العوق يمناه=ولالف فيها من ابيض الخام شاشي يالله تجعل له من النار منجاه=يارب يامنزل صدوق الرشاشي ويالله تصبرنا على نارفرقاه=وهذا الذي من مقبل الوقت خاشي =عيسى الرشودي العوفي |
الله انه يقلع الكبروالنفس الثقيل=صنف من بعض البشر عينه ماطيقها [/frame]شين مدح النفس لوهوعلى قول ودليل=يفتخربين الملاء ينتظر تصفيقها والله ان اسهيل بين النجوم اسمه اسهيل=شارقه شمس الضحى غصب محد يعيقها العقول الناقصه ماتعدل مستحيل=التجت للكبر تبغى تخفف ضيقها العقل نعمه وللعقل مايوجد بديل=غاية تصعب على اللي سعى تحقيقها الرجل له مسمت وعز نفس ولايعيل=وللكلام اوصول لابد من تطبيقها الجزيل يفوق ويلذ لاونه قليل=كلمة تظهرغلب صدقها تنسيقها اطلعت من عقل ماجت تخبط وسط سيل=بالعقل رادارها بالهدف تحليقها التقى والحلم والعلم والخلق الجميل=تكتسبها بعض الاشخاص من توفيقها عيسى الرشودي العوفي= |
سوق السحاب يسوقني يمك الشوق=سوق الرياح لسحبها في فضاها [/frame]هبت ويتبعها ضهى المزن برفوق=غربية قام يتصافق هواها اظلم سماها واكتسى الجو من فوق=وركد اثقال المزن وانهل ماها ديم مطرها وارتوى كل زملوق=من فضل ربي يوم ربي عطاها مراحب يرتع بها راعي النوق=خضراءغدت يوم الربيع اكتساها فيها النفل فيها الخزمى لها اطروق=فيها ام سالم ساجعه في غناها انا على ذكرالحيا دوم مطفوق=انسق الرحلات واسعى وراها مجهزالعزبه معي وسط صندوق=عيسى الرشودي لونسى مانساها فنان بالجمري مقلقل ومسلوق=وان جيت للكبسه معي ماعلاها ومهيله تنعش وبراد محبوق=والناس منهوعاد يدرك ارضاها وخدمة خويي واجبي خيرمنطوق=عتزفيها وافتخرواتباها الصحبه اللي بالسفركلهم ذوق=عن سيرة الانذال تكرم لحاها مابينهم خدعه ولابينهم بوق= خوة رجال عاليا مستواها فلة حجاج وكل مطرود ملحوق=ولادامت الدنيا لحيا بغاها القاف ابا سجه على كل طاروق=مع سكة اخطوط بعيد مداها مع القريحة بين سابق ومسبوق= نوب تعصاني هي ونوب اعصاها ابعد عن النمة وهرج بمخلوق=مجالس مايانس اللي لفاها والمزح احبه دائم يمه اتوق=طبعي وربعي ماتضايق عساها وقلبي خضروان شاف له زول غرنوق=على الشرف والا الرديه حشاها مايستترمن يرتدي ثوب مشقوق=السمعه اغلى من حياتي غلاها والعلم كنز وتاخذ الطاق مطبوق=سلعه ثمينه ماخسرمن شراها |
الساعة الآن 04:09 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir